Bibles in ancient languages
Ancient translations
Modern translations

Biblia Hebraica Stuttgartiensia 1 Chronicles 21

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיַּֽעֲמֹ֥ד שָׂטָ֖ן עַל־יִשְׂרָאֵ֑ל וַיָּ֨סֶת֙ אֶת־דָּוִ֔יד לִמְנֹ֖ות אֶת־יִשְׂרָאֵֽל׃

wayȧֽʻàmò֥d şá̂tá֖n ʻal־yişĕ̂ráʼé֑l wayá̇֨seţ֙ ʼeţ־dá̇wi֔yd limĕnò֖wţ ʼeţ־yişĕ̂ráʼéֽl׃

2
וַיֹּ֨אמֶר דָּוִ֤יד אֶל־יֹואָב֙ וְאֶל־שָׂרֵ֣י הָעָ֔ם לְכ֗וּ סִפְרוּ֙ אֶת־יִשְׂרָאֵ֔ל מִבְּאֵ֥ר שֶׁ֖בַע וְעַד־דָּ֑ן וְהָבִ֣יאוּ אֵלַ֔י וְאֵדְעָ֖ה אֶת־מִסְפָּרָֽם׃

wayò̇֨ʼmer dá̇wi֤yd ʼel־yòwʼáb֙ wĕʼel־şá̂ré֣y háʻá֔m lĕk֗ẇ sipĕrẇ֙ ʼeţ־yişĕ̂ráʼé֔l mibĕ̇ʼé֥r şě֖baʻ wĕʻad־dá֑̇n wĕhábi֣yʼẇ ʼéla֔y wĕʼédĕʻá֖h ʼeţ־misĕpá̇ráֽm׃

3
וַיֹּ֣אמֶר יֹואָ֗ב יֹוסֵף֩ יְהוָ֨ה עַל־עַמֹּ֤ו׀ כָּהֵם֙ מֵאָ֣ה פְעָמִ֔ים הֲלֹא֙ אֲדֹנִ֣י הַמֶּ֔לֶךְ כֻּלָּ֥ם לַאדֹנִ֖י לַעֲבָדִ֑ים לָ֣מָּה יְבַקֵּ֥שׁ זֹאת֙ אֲדֹנִ֔י לָ֛מָּה יִהְיֶ֥ה לְאַשְׁמָ֖ה לְיִשְׂרָאֵֽל׃

wayò֣̇ʼmer yòwʼá֗b yòwsép֩ yĕhwá֨h ʻal־ʻamò֤̇w׀ ká̇hém֙ méʼá֣h pĕʻámi֔ym hàlòʼ֙ ʼàdòni֣y hamė֔lekĕ ku̇lá֥̇m laʼdòni֖y laʻàbádi֑ym lá֣má̇h yĕbaqé֥̇ş̌ zòʼţ֙ ʼàdòni֔y lá֛má̇h yihĕye֥h lĕʼaşĕ̌má֖h lĕyişĕ̂ráʼéֽl׃

4
וּדְבַר־הַמֶּ֖לֶךְ חָזַ֣ק עַל־יֹואָ֑ב וַיֵּצֵ֣א יֹואָ֗ב וַיִּתְהַלֵּךְ֙ בְּכָל־יִשְׂרָאֵ֔ל וַיָּבֹ֖א יְרוּשָׁלִָֽם׃

ẇdĕbar־hamė֖lekĕ ẖáza֣q ʻal־yòwʼá֑b wayé̇ẕé֣ʼ yòwʼá֗b wayi̇ţĕhalé̇kĕ֙ bĕ̇kál־yişĕ̂ráʼé֔l wayá̇bò֖ʼ yĕrẇşá̌láֽim׃

5
וַיִּתֵּ֥ן יֹואָ֛ב אֶת־מִסְפַּ֥ר מִפְקַד־הָעָ֖ם אֶל־דָּוִ֑יד וַיְהִ֣י כָֽל־יִשְׂרָאֵ֡ל אֶ֣לֶף אֲלָפִים֩ וּמֵאָ֨ה אֶ֤לֶף אִישׁ֙ שֹׁ֣לֵֽף חֶ֔רֶב וִֽיהוּדָ֕ה אַרְבַּע֩ מֵאֹ֨ות וְשִׁבְעִ֥ים אֶ֛לֶף אִ֖ישׁ שֹׁ֥לֵֽף חָֽרֶב׃

wayi̇ţé֥̇n yòwʼá֛b ʼeţ־misĕpȧ֥r mipĕqad־háʻá֖m ʼel־dá̇wi֑yd wayĕhi֣y káֽl־yişĕ̂ráʼé֡l ʼe֣lep ʼàlápiym֩ ẇméʼá֨h ʼe֤lep ʼiyş̌֙ şò֣̌léֽp ẖe֔reb wiֽyhẇdá֕h ʼarĕbȧʻ֩ méʼò֨wţ wĕşǐbĕʻi֥ym ʼe֛lep ʼi֖yş̌ şò֥̌léֽp ẖáֽreb׃

6
וְלֵוִי֙ וּבִנְיָמִ֔ן לֹ֥א פָקַ֖ד בְּתֹוכָ֑ם כִּֽי־נִתְעַ֥ב דְּבַר־הַמֶּ֖לֶךְ אֶת־יֹואָֽב׃

wĕléwiy֙ ẇbinĕyámi֔n lò֥ʼ páqa֖d bĕ̇ţòwká֑m kiֽ̇y־niţĕʻa֥b dĕ̇bar־hamė֖lekĕ ʼeţ־yòwʼáֽb׃

7
וַיֵּ֨רַע֙ בְּעֵינֵ֣י הָאֱלֹהִ֔ים עַל־הַדָּבָ֖ר הַזֶּ֑ה וַיַּ֖ךְ אֶת־יִשְׂרָאֵֽל׃ פ

wayé̇֨raʻ֙ bĕ̇ʻéyné֣y háʼèlòhi֔ym ʻal־hadá̇bá֖r hazė֑h wayȧ֖kĕ ʼeţ־yişĕ̂ráʼéֽl׃ p

8
וַיֹּ֤אמֶר דָּוִיד֙ אֶל־הָ֣אֱלֹהִ֔ים חָטָ֣אתִֽי מְאֹ֔ד אֲשֶׁ֥ר עָשִׂ֖יתִי אֶת־הַדָּבָ֣ר הַזֶּ֑ה וְעַתָּ֗ה הַֽעֲבֶר־נָא֙ אֶת־עֲוֹ֣ון עַבְדְּךָ֔ כִּ֥י נִסְכַּ֖לְתִּי מְאֹֽד׃ פ

wayò֤̇ʼmer dá̇wiyd֙ ʼel־há֣ʼèlòhi֔ym ẖátá֣ʼţiֽy mĕʼò֔d ʼàşě֥r ʻáşî֖yţiy ʼeţ־hadá̇bá֣r hazė֑h wĕʻaţá̇֗h haֽʻàber־náʼ֙ ʼeţ־ʻàwò֣wn ʻabĕdĕ̇ká֔ ki֥̇y nisĕkȧ֖lĕţi̇y mĕʼòֽd׃ p

9
וַיְדַבֵּ֤ר יְהוָה֙ אֶל־גָּ֔ד חֹזֵ֥ה דָוִ֖יד לֵאמֹֽר׃

wayĕdabé֤̇r yĕhwáh֙ ʼel־gá̇֔d ẖòzé֥h dáwi֖yd léʼmòֽr׃

10
לֵךְ֩ וְדִבַּרְתָּ֨ אֶל־דָּוִ֜יד לֵאמֹ֗ר כֹּ֚ה אָמַ֣ר יְהוָ֔ה שָׁלֹ֕ושׁ אֲנִ֖י נֹטֶ֣ה עָלֶ֑יךָ בְּחַר־לְךָ֛ אַחַ֥ת מֵהֵ֖נָּה וְאֶֽעֱשֶׂה־לָּֽךְ׃

lékĕ֩ wĕdibȧrĕţá̇֨ ʼel־dá̇wi֜yd léʼmò֗r kò֚̇h ʼáma֣r yĕhwá֔h şá̌lò֕wş̌ ʼàni֖y nòte֣h ʻále֑yká bĕ̇ẖar־lĕká֛ ʼaẖa֥ţ méhé֖ná̇h wĕʼeֽʻèşêh־láֽ̇kĕ׃

11
וַיָּ֥בֹא גָ֖ד אֶל־דָּוִ֑יד וַיֹּ֥אמֶר לֹ֛ו כֹּֽה־אָמַ֥ר יְהוָ֖ה קַבֶּל־לָֽךְ׃

wayá֥̇bòʼ gá֖d ʼel־dá̇wi֑yd wayò֥̇ʼmer lò֛w kòֽ̇h־ʼáma֥r yĕhwá֖h qabėl־láֽkĕ׃

12
אִם־שָׁלֹ֨ושׁ שָׁנִ֜ים רָעָ֗ב וְאִם־שְׁלֹשָׁ֨ה חֳדָשִׁ֜ים נִסְפֶּ֥ה מִפְּנֵי־צָרֶיךָ֮ וְחֶ֣רֶב אֹויְבֶ֣ךָ׀ לְמַשֶּׂגֶת֒ וְאִם־שְׁלֹ֣שֶׁת יָ֠מִים חֶ֣רֶב יְהוָ֤ה וְדֶ֨בֶר֙ בָּאָ֔רֶץ וּמַלְאַ֣ךְ יְהוָ֔ה מַשְׁחִ֖ית בְּכָל־גְּב֣וּל יִשְׂרָאֵ֑ל וְעַתָּ֣ה רְאֵ֔ה מָֽה־אָשִׁ֥יב אֶת־שֹׁלְחִ֖י דָּבָֽר׃ פ

ʼim־şá̌lò֨wş̌ şá̌ni֜ym ráʻá֗b wĕʼim־şĕ̌lòşá̌֨h ẖodáşǐ֜ym nisĕpė֥h mipĕ̇néy־ẕáreyká֮ wĕẖe֣reb ʼòwyĕbe֣ká׀ lĕmaşė̂geţ֒ wĕʼim־şĕ̌lò֣şěţ yá֠miym ẖe֣reb yĕhwá֤h wĕde֨ber֙ bá̇ʼá֔reẕ ẇmalĕʼa֣kĕ yĕhwá֔h maşĕ̌ẖi֖yţ bĕ̇kál־gĕ̇b֣ẇl yişĕ̂ráʼé֑l wĕʻaţá֣̇h rĕʼé֔h máֽh־ʼáşǐ֥yb ʼeţ־şò̌lĕẖi֖y dá̇báֽr׃ p

13
וַיֹּ֧אמֶר דָּוִ֛יד אֶל־גָּ֖ד צַר־לִ֣י מְאֹ֑ד אֶפְּלָה־נָּ֣א בְיַד־יְהוָ֗ה כִּֽי־רַבִּ֤ים רַחֲמָיו֙ מְאֹ֔ד וּבְיַד־אָדָ֖ם אַל־אֶפֹּֽל׃

wayò֧̇ʼmer dá̇wi֛yd ʼel־gá֖̇d ẕar־li֣y mĕʼò֑d ʼepĕ̇láh־ná֣̇ʼ bĕyad־yĕhwá֗h kiֽ̇y־rabi֤̇ym raẖàmáyw֙ mĕʼò֔d ẇbĕyad־ʼádá֖m ʼal־ʼepòֽ̇l׃

14
וַיִּתֵּ֧ן יְהוָ֛ה דֶּ֖בֶר בְּיִשְׂרָאֵ֑ל וַיִּפֹּל֙ מִיִּשְׂרָאֵ֔ל שִׁבְעִ֥ים אֶ֖לֶף אִֽישׁ׃

wayi̇ţé֧̇n yĕhwá֛h dė֖ber bĕ̇yişĕ̂ráʼé֑l wayi̇pò̇l֙ miyi̇şĕ̂ráʼé֔l şǐbĕʻi֥ym ʼe֖lep ʼiֽyş̌׃

15
וַיִּשְׁלַח֩ הָאֱלֹהִ֨ים׀ מַלְאָ֥ךְ׀ לִֽירוּשָׁלִַם֮ לְהַשְׁחִיתָהּ֒ וּכְהַשְׁחִ֗ית רָאָ֤ה יְהוָה֙ וַיִּנָּ֣חֶם עַל־הָֽרָעָ֔ה וַיֹּ֨אמֶר לַמַּלְאָ֤ךְ הַמַּשְׁחִית֙ רַ֔ב עַתָּ֖ה הֶ֣רֶף יָדֶ֑ךָ וּמַלְאַ֤ךְ יְהוָה֙ עֹמֵ֔ד עִם־גֹּ֖רֶן אָרְנָ֥ן הַיְבוּסִֽי׃ ס

wayi̇şĕ̌laẖ֩ háʼèlòhi֨ym׀ malĕʼá֥kĕ׀ liֽyrẇşá̌liam֮ lĕhaşĕ̌ẖiyţáḣ֒ ẇkĕhaşĕ̌ẖi֗yţ ráʼá֤h yĕhwáh֙ wayi̇ná֣̇ẖem ʻal־háֽráʻá֔h wayò̇֨ʼmer lamȧlĕʼá֤kĕ hamȧşĕ̌ẖiyţ֙ ra֔b ʻaţá֖̇h he֣rep yáde֑ká ẇmalĕʼa֤kĕ yĕhwáh֙ ʻòmé֔d ʻim־gò֖̇ren ʼárĕná֥n hayĕbẇsiֽy׃ s

16
וַיִּשָּׂ֨א דָוִ֜יד אֶת־עֵינָ֗יו וַיַּ֞רְא אֶת־מַלְאַ֤ךְ יְהוָה֙ עֹמֵ֗ד בֵּ֤ין הָאָ֨רֶץ֙ וּבֵ֣ין הַשָּׁמַ֔יִם וְחַרְבֹּ֤ו שְׁלוּפָה֙ בְּיָדֹ֔ו נְטוּיָ֖ה עַל־יְרוּשָׁלִָ֑ם וַיִּפֹּ֨ל דָּוִ֧יד וְהַזְּקֵנִ֛ים מְכֻסִּ֥ים בַּשַּׂקִּ֖ים עַל־פְּנֵיהֶֽם׃

wayi̇şá̇̂֨ʼ dáwi֜yd ʼeţ־ʻéyná֗yw wayȧ֞rĕʼ ʼeţ־malĕʼa֤kĕ yĕhwáh֙ ʻòmé֗d bé֤̇yn háʼá֨reẕ֙ ẇbé֣yn haşá̇̌ma֔yim wĕẖarĕbò֤̇w şĕ̌lẇpáh֙ bĕ̇yádò֔w nĕtẇyá֖h ʻal־yĕrẇşá̌liá֑m wayi̇pò̇֨l dá̇wi֧yd wĕhazĕ̇qéni֛ym mĕkusi֥̇ym bȧşȧ̂qi֖̇ym ʻal־pĕ̇néyheֽm׃

17
וַיֹּ֣אמֶר דָּוִ֣יד אֶֽל־הָאֱלֹהִ֡ים הֲלֹא֩ אֲנִ֨י אָמַ֜רְתִּי לִמְנֹ֣ות בָּעָ֗ם וַאֲנִי־ה֤וּא אֲשֶׁר־חָטָ֨אתִי֙ וְהָרֵ֣עַ הֲרֵעֹ֔ותִי וְאֵ֥לֶּה הַצֹּ֖אן מֶ֣ה עָשׂ֑וּ יְהוָ֣ה אֱלֹהַ֗י תְּהִ֨י נָ֤א יָֽדְךָ֙ בִּ֚י וּבְבֵ֣ית אָבִ֔י וּֽבְעַמְּךָ֖ לֹ֥א לְמַגֵּפָֽה׃ ס

wayò֣̇ʼmer dá̇wi֣yd ʼeֽl־háʼèlòhi֡ym hàlòʼ֩ ʼàni֨y ʼáma֜rĕţi̇y limĕnò֣wţ bá̇ʻá֗m waʼàniy־h֤ẇʼ ʼàşěr־ẖátá֨ʼţiy֙ wĕháré֣ʻa hàréʻò֔wţiy wĕʼé֥lėh haẕò֖̇ʼn me֣h ʻáş֑̂ẇ yĕhwá֣h ʼèlòha֗y ţĕ̇hi֨y ná֤ʼ yáֽdĕká֙ bi֚̇y ẇbĕbé֣yţ ʼábi֔y ẇֽbĕʻamĕ̇ká֖ lò֥ʼ lĕmagé̇páֽh׃ s

18
וּמַלְאַ֧ךְ יְהוָ֛ה אָמַ֥ר אֶל־גָּ֖ד לֵאמֹ֣ר לְדָוִ֑יד כִּ֣י׀ יַעֲלֶ֣ה דָוִ֗יד לְהָקִ֤ים מִזְבֵּ֨חַ֙ לַיהוָ֔ה בְּגֹ֖רֶן אָרְנָ֥ן הַיְבֻסִֽי׃

ẇmalĕʼa֧kĕ yĕhwá֛h ʼáma֥r ʼel־gá֖̇d léʼmò֣r lĕdáwi֑yd ki֣̇y׀ yaʻàle֣h dáwi֗yd lĕháqi֤ym mizĕbé̇֨ẖa֙ layhwá֔h bĕ̇gò֖ren ʼárĕná֥n hayĕbusiֽy׃

19
וַיַּ֤עַל דָּוִיד֙ בִּדְבַר־גָּ֔ד אֲשֶׁ֥ר דִּבֶּ֖ר בְּשֵׁ֥ם יְהוָֽה׃

wayȧ֤ʻal dá̇wiyd֙ bi̇dĕbar־gá̇֔d ʼàşě֥r di̇bė֖r bĕ̇şé֥̌m yĕhwáֽh׃

20
וַיָּ֣שָׁב אָרְנָ֗ן וַיַּרְא֙ אֶת־הַמַּלְאָ֔ךְ וְאַרְבַּ֧עַת בָּנָ֛יו עִמֹּ֖ו מִֽתְחַבְּאִ֑ים וְאָרְנָ֖ן דָּ֥שׁ חִטִּֽים׃

wayá֣̇şá̌b ʼárĕná֗n wayȧrĕʼ֙ ʼeţ־hamȧlĕʼá֔kĕ wĕʼarĕbȧ֧ʻaţ bá̇ná֛yw ʻimò֖̇w miֽţĕẖabĕ̇ʼi֑ym wĕʼárĕná֖n dá֥̇ş̌ ẖitiֽ̇ym׃

21
וַיָּבֹ֥א דָוִ֖יד עַד־אָרְנָ֑ן וַיַּבֵּ֤ט אָרְנָן֙ וַיַּ֣רְא אֶת־דָּוִ֔יד וַיֵּצֵא֙ מִן־הַגֹּ֔רֶן וַיִּשְׁתַּ֧חוּ לְדָוִ֛יד אַפַּ֖יִם אָֽרְצָה׃

wayá̇bò֥ʼ dáwi֖yd ʻad־ʼárĕná֑n wayȧbé֤̇t ʼárĕnán֙ wayȧ֣rĕʼ ʼeţ־dá̇wi֔yd wayé̇ẕéʼ֙ min־hagò̇֔ren wayi̇şĕ̌ţȧ֧ẖẇ lĕdáwi֛yd ʼapȧ֖yim ʼáֽrĕẕáh׃

22
וַיֹּ֨אמֶר דָּוִ֜יד אֶל־אָרְנָ֗ן תְּנָה־לִּי֙ מְקֹ֣ום הַגֹּ֔רֶן וְאֶבְנֶה־בֹּ֥ו מִזְבֵּ֖חַ לַיהוָ֑ה בְּכֶ֤סֶף מָלֵא֙ תְּנֵ֣הוּ לִ֔י וְתֵעָצַ֥ר הַמַּגֵּפָ֖ה מֵעַ֥ל הָעָֽם׃

wayò̇֨ʼmer dá̇wi֜yd ʼel־ʼárĕná֗n ţĕ̇náh־li̇y֙ mĕqò֣wm hagò̇֔ren wĕʼebĕneh־bò֥̇w mizĕbé֖̇ẖa layhwá֑h bĕ̇ke֤sep máléʼ֙ ţĕ̇né֣hẇ li֔y wĕţéʻáẕa֥r hamȧgé̇pá֖h méʻa֥l háʻáֽm׃

23
וַיֹּ֨אמֶר אָרְנָ֤ן אֶל־דָּוִיד֙ קַֽח־לָ֔ךְ וְיַ֛עַשׂ אֲדֹנִ֥י הַמֶּ֖לֶךְ הַטֹּ֣וב בְּעֵינָ֑יו רְאֵה֩ נָתַ֨תִּי הַבָּקָ֜ר לָֽעֹלֹ֗ות וְהַמֹּורִגִּ֧ים לָעֵצִ֛ים וְהַחִטִּ֥ים לַמִּנְחָ֖ה הַכֹּ֥ל נָתָֽתִּי׃

wayò̇֨ʼmer ʼárĕná֤n ʼel־dá̇wiyd֙ qaֽẖ־lá֔kĕ wĕya֛ʻaş̂ ʼàdòni֥y hamė֖lekĕ hatò֣̇wb bĕ̇ʻéyná֑yw rĕʼéh֩ náţa֨ţi̇y habá̇qá֜r láֽʻòlò֗wţ wĕhamò̇wrigi֧̇ym láʻéẕi֛ym wĕhaẖiti֥̇ym lami̇nĕẖá֖h hakò֥̇l náţáֽţi̇y׃

24
וַיֹּ֨אמֶר הַמֶּ֤לֶךְ דָּוִיד֙ לְאָרְנָ֔ן לֹ֕א כִּֽי־קָנֹ֥ה אֶקְנֶ֖ה בְּכֶ֣סֶף מָלֵ֑א כִּ֠י לֹא־אֶשָּׂ֤א אֲשֶׁר־לְךָ֙ לַיהוָ֔ה וְהַעֲלֹ֥ות עֹולָ֖ה חִנָּֽם׃

wayò̇֨ʼmer hamė֤lekĕ dá̇wiyd֙ lĕʼárĕná֔n lò֕ʼ kiֽ̇y־qánò֥h ʼeqĕne֖h bĕ̇ke֣sep málé֑ʼ ki̇֠y lòʼ־ʼeşá֤̇̂ʼ ʼàşěr־lĕká֙ layhwá֔h wĕhaʻàlò֥wţ ʻòwlá֖h ẖináֽ̇m׃

25
וַיִּתֵּ֥ן דָּוִ֛יד לְאָרְנָ֖ן בַּמָּקֹ֑ום שִׁקְלֵ֣י זָהָ֔ב מִשְׁקָ֖ל שֵׁ֥שׁ מֵאֹֽות׃

wayi̇ţé֥̇n dá̇wi֛yd lĕʼárĕná֖n bȧmá̇qò֑wm şǐqĕlé֣y záhá֔b mişĕ̌qá֖l şé֥̌ş̌ méʼòֽwţ׃

26
וַיִּבֶן֩ שָׁ֨ם דָּוִ֤יד מִזְבֵּ֨חַ֙ לַיהוָ֔ה וַיַּ֥עַל עֹלֹ֖ות וּשְׁלָמִ֑ים וַיִּקְרָא֙ אֶל־יְהוָ֔ה וַיַּֽעֲנֵ֤הוּ בָאֵשׁ֙ מִן־הַשָּׁמַ֔יִם עַ֖ל מִזְבַּ֥ח הָעֹלָֽה׃ פ

wayi̇ben֩ şá̌֨m dá̇wi֤yd mizĕbé̇֨ẖa֙ layhwá֔h wayȧ֥ʻal ʻòlò֖wţ ẇşĕ̌lámi֑ym wayi̇qĕráʼ֙ ʼel־yĕhwá֔h wayȧֽʻàné֤hẇ báʼéş̌֙ min־haşá̇̌ma֔yim ʻa֖l mizĕbȧ֥ẖ háʻòláֽh׃ p

27
וַיֹּ֤אמֶר יְהוָה֙ לַמַּלְאָ֔ךְ וַיָּ֥שֶׁב חַרְבֹּ֖ו אֶל־נְדָנָֽהּ׃

wayò֤̇ʼmer yĕhwáh֙ lamȧlĕʼá֔kĕ wayá֥̇şěb ẖarĕbò֖̇w ʼel־nĕdánáֽḣ׃

28
בָּעֵ֣ת הַהִ֔יא בִּרְאֹ֤ות דָּוִיד֙ כִּי־עָנָ֣הוּ יְהוָ֔ה בְּגֹ֖רֶן אָרְנָ֣ן הַיְבוּסִ֑י וַיִּזְבַּ֖ח שָֽׁם׃

bá̇ʻé֣ţ hahi֔yʼ bi̇rĕʼò֤wţ dá̇wiyd֙ ki̇y־ʻáná֣hẇ yĕhwá֔h bĕ̇gò֖ren ʼárĕná֣n hayĕbẇsi֑y wayi̇zĕbȧ֖ẖ şáֽ̌m׃

29
וּמִשְׁכַּ֣ן יְ֠הוָה אֲשֶׁר־עָשָׂ֨ה מֹשֶׁ֧ה בַמִּדְבָּ֛ר וּמִזְבַּ֥ח הָעֹולָ֖ה בָּעֵ֣ת הַהִ֑יא בַּבָּמָ֖ה בְּגִבְעֹֽון׃

ẇmişĕ̌kȧ֣n yĕ֠hwáh ʼàşěr־ʻáşá̂֨h mòşě֧h bami̇dĕbá֛̇r ẇmizĕbȧ֥ẖ háʻòwlá֖h bá̇ʻé֣ţ hahi֑yʼ bȧbá̇má֖h bĕ̇gibĕʻòֽwn׃

30
וְלֹא־יָכֹ֥ל דָּוִ֛יד לָלֶ֥כֶת לְפָנָ֖יו לִדְרֹ֣שׁ אֱלֹהִ֑ים כִּ֣י נִבְעַ֔ת מִפְּנֵ֕י חֶ֖רֶב מַלְאַ֥ךְ יְהוָֽה׃ ס

wĕlòʼ־yákò֥l dá̇wi֛yd lále֥keţ lĕpáná֖yw lidĕrò֣ş̌ ʼèlòhi֑ym ki֣̇y nibĕʻa֔ţ mipĕ̇né֕y ẖe֖reb malĕʼa֥kĕ yĕhwáֽh׃ s