Bibles in ancient languages
Ancient translations
Modern translations

Biblia Hebraica Stuttgartiensia 1 Samuel 5

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וּפְלִשְׁתִּים֙ לָֽקְח֔וּ אֵ֖ת אֲרֹ֣ון הָאֱלֹהִ֑ים וַיְבִאֻ֛הוּ מֵאֶ֥בֶן הָעֵ֖זֶר אַשְׁדֹּֽודָה׃

ẇpĕlişĕ̌ţi̇ym֙ láֽqĕẖ֔ẇ ʼé֖ţ ʼàrò֣wn háʼèlòhi֑ym wayĕbiʼu֛hẇ méʼe֥ben háʻé֖zer ʼaşĕ̌dòֽ̇wdáh׃

2
וַיִּקְח֤וּ פְלִשְׁתִּים֙ אֶת־אֲרֹ֣ון הָאֱלֹהִ֔ים וַיָּבִ֥יאוּ אֹתֹ֖ו בֵּ֣ית דָּגֹ֑ון וַיַּצִּ֥יגוּ אֹתֹ֖ו אֵ֥צֶל דָּגֹֽון׃

wayi̇qĕẖ֤ẇ pĕlişĕ̌ţi̇ym֙ ʼeţ־ʼàrò֣wn háʼèlòhi֔ym wayá̇bi֥yʼẇ ʼòţò֖w bé֣̇yţ dá̇gò֑wn wayȧẕi֥̇ygẇ ʼòţò֖w ʼé֥ẕel dá̇gòֽwn׃

3
וַיַּשְׁכִּ֤מוּ אַשְׁדֹּודִים֙ מִֽמָּחֳרָ֔ת וְהִנֵּ֣ה דָגֹ֗ון נֹפֵ֤ל לְפָנָיו֙ אַ֔רְצָה לִפְנֵ֖י אֲרֹ֣ון יְהוָ֑ה וַיִּקְחוּ֙ אֶת־דָּגֹ֔ון וַיָּשִׁ֥בוּ אֹתֹ֖ו לִמְקֹומֹֽו׃

wayȧşĕ̌ki֤̇mẇ ʼaşĕ̌dò̇wdiym֙ miֽmá̇ẖorá֔ţ wĕhiné֣̇h dágò֗wn nòpé֤l lĕpánáyw֙ ʼa֔rĕẕáh lipĕné֖y ʼàrò֣wn yĕhwá֑h wayi̇qĕẖẇ֙ ʼeţ־dá̇gò֔wn wayá̇şǐ֥bẇ ʼòţò֖w limĕqòwmòֽw׃

4
וַיַּשְׁכִּ֣מוּ בַבֹּקֶר֮ מִֽמָּחֳרָת֒ וְהִנֵּ֣ה דָגֹ֗ון נֹפֵ֤ל לְפָנָיו֙ אַ֔רְצָה לִפְנֵ֖י אֲרֹ֣ון יְהוָ֑ה וְרֹ֨אשׁ דָּגֹ֜ון וּשְׁתֵּ֣י׀ כַּפֹּ֣ות יָדָ֗יו כְּרֻתֹות֙ אֶל־הַמִּפְתָּ֔ן רַ֥ק דָּגֹ֖ון נִשְׁאַ֥ר עָלָֽיו׃

wayȧşĕ̌ki֣̇mẇ babò̇qer֮ miֽmá̇ẖoráţ֒ wĕhiné֣̇h dágò֗wn nòpé֤l lĕpánáyw֙ ʼa֔rĕẕáh lipĕné֖y ʼàrò֣wn yĕhwá֑h wĕrò֨ʼş̌ dá̇gò֜wn ẇşĕ̌ţé֣̇y׀ kȧpò֣̇wţ yádá֗yw kĕ̇ruţòwţ֙ ʼel־hami̇pĕţá̇֔n ra֥q dá̇gò֖wn nişĕ̌ʼa֥r ʻáláֽyw׃

5
עַל־כֵּ֡ן לֹֽא־יִדְרְכוּ֩ כֹהֲנֵ֨י דָגֹ֜ון וְכָֽל־הַבָּאִ֧ים בֵּית־דָּגֹ֛ון עַל־מִפְתַּ֥ן דָּגֹ֖ון בְּאַשְׁדֹּ֑וד עַ֖ד הַיֹּ֥ום הַזֶּֽה׃ ס

ʻal־ké̇֡n lòֽʼ־yidĕrĕkẇ֩ kòhàné֨y dágò֜wn wĕkáֽl־habá̇ʼi֧ym bé̇yţ־dá̇gò֛wn ʻal־mipĕţȧ֥n dá̇gò֖wn bĕ̇ʼaşĕ̌dò֑̇wd ʻa֖d hayò֥̇wm hazėֽh׃ s

6
וַתִּכְבַּ֧ד יַד־יְהוָ֛ה אֶל־הָאַשְׁדֹּודִ֖ים וַיְשִׁמֵּ֑ם וַיַּ֤ךְ אֹתָם֙ בָּעֳפָלִים אֶת־אַשְׁדֹּ֖וד וְאֶת־גְּבוּלֶֽיהָ׃

waţi̇kĕbȧ֧d yad־yĕhwá֛h ʼel־háʼaşĕ̌dò̇wdi֖ym wayĕşǐmé֑̇m wayȧ֤kĕ ʼòţám֙ bá̇ʻopáliym ʼeţ־ʼaşĕ̌dò֖̇wd wĕʼeţ־gĕ̇bẇleֽyhá׃

7
וַיִּרְא֥וּ אַנְשֵֽׁי־אַשְׁדֹּ֖וד כִּֽי־כֵ֑ן וְאָמְר֗וּ לֹֽא־יֵשֵׁ֞ב אֲרֹ֨ון אֱלֹהֵ֤י יִשְׂרָאֵל֙ עִמָּ֔נוּ כִּֽי־קָשְׁתָ֤ה יָדֹו֙ עָלֵ֔ינוּ וְעַ֖ל דָּגֹ֥ון אֱלֹהֵֽינוּ׃

wayi̇rĕʼ֥ẇ ʼanĕşéֽ̌y־ʼaşĕ̌dò֖̇wd kiֽ̇y־ké֑n wĕʼámĕr֗ẇ lòֽʼ־yéşé̌֞b ʼàrò֨wn ʼèlòhé֤y yişĕ̂ráʼél֙ ʻimá̇֔nẇ kiֽ̇y־qáşĕ̌ţá֤h yádòw֙ ʻálé֔ynẇ wĕʻa֖l dá̇gò֥wn ʼèlòhéֽynẇ׃

8
וַיִּשְׁלְח֡וּ וַיַּאַסְפוּ֩ אֶת־כָּל־סַרְנֵ֨י פְלִשְׁתִּ֜ים אֲלֵיהֶ֗ם וַיֹּֽאמְרוּ֙ מַֽה־נַּעֲשֶׂ֗ה לַֽאֲרֹון֙ אֱלֹהֵ֣י יִשְׂרָאֵ֔ל וַיֹּ֣אמְר֔וּ גַּ֣ת יִסֹּ֔ב אֲרֹ֖ון אֱלֹהֵ֣י יִשְׂרָאֵ֑ל וַיַּסֵּ֕בּוּ אֶת־אֲרֹ֖ון אֱלֹהֵ֥י יִשְׂרָאֵֽל׃ ס

wayi̇şĕ̌lĕẖ֡ẇ wayȧʼasĕpẇ֩ ʼeţ־ká̇l־sarĕné֨y pĕlişĕ̌ţi̇֜ym ʼàléyhe֗m wayòֽ̇ʼmĕrẇ֙ maֽh־nȧʻàşê֗h laֽʼàròwn֙ ʼèlòhé֣y yişĕ̂ráʼé֔l wayò֣̇ʼmĕr֔ẇ gȧ֣ţ yisò̇֔b ʼàrò֖wn ʼèlòhé֣y yişĕ̂ráʼé֑l wayȧsé̇֕ḃẇ ʼeţ־ʼàrò֖wn ʼèlòhé֥y yişĕ̂ráʼéֽl׃ s

9
וַיְהִ֞י אַחֲרֵ֣י׀ הֵסַ֣בּוּ אֹתֹ֗ו וַתְּהִ֨י יַד־יְהוָ֤ה׀ בָּעִיר֙ מְהוּמָה֙ גְּדֹולָ֣ה מְאֹ֔ד וַיַּךְ֙ אֶת־אַנְשֵׁ֣י הָעִ֔יר מִקָּטֹ֖ן וְעַד־גָּדֹ֑ול וַיִּשָּׂתְר֥וּ לָהֶ֖ם עֳפָלִים

wayĕhi֞y ʼaẖàré֣y׀ hésa֣ḃẇ ʼòţò֗w waţĕ̇hi֨y yad־yĕhwá֤h׀ bá̇ʻiyr֙ mĕhẇmáh֙ gĕ̇dòwlá֣h mĕʼò֔d wayȧkĕ֙ ʼeţ־ʼanĕşé֣̌y háʻi֔yr miqá̇tò֖n wĕʻad־gá̇dò֑wl wayi̇şá̇̂ţĕr֥ẇ láhe֖m ʻopáliym

10
וַֽיְשַׁלְּח֛וּ אֶת־אֲרֹ֥ון הָאֱלֹהִ֖ים עֶקְרֹ֑ון וַיְהִ֗י כְּבֹ֨וא אֲרֹ֤ון הָאֱלֹהִים֙ עֶקְרֹ֔ון וַיִּזְעֲק֨וּ הָֽעֶקְרֹנִ֜ים לֵאמֹ֗ר הֵסַ֤בּוּ אֵלַי֙ אֶת־אֲרֹון֙ אֱלֹהֵ֣י יִשְׂרָאֵ֔ל לַהֲמִיתֵ֖נִי וְאֶת־עַמִּֽי׃

waֽyĕşǎlĕ̇ẖ֛ẇ ʼeţ־ʼàrò֥wn háʼèlòhi֖ym ʻeqĕrò֑wn wayĕhi֗y kĕ̇bò֨wʼ ʼàrò֤wn háʼèlòhiym֙ ʻeqĕrò֔wn wayi̇zĕʻàq֨ẇ háֽʻeqĕròni֜ym léʼmò֗r hésa֤ḃẇ ʼélay֙ ʼeţ־ʼàròwn֙ ʼèlòhé֣y yişĕ̂ráʼé֔l lahàmiyţé֖niy wĕʼeţ־ʻamiֽ̇y׃

11
וַיִּשְׁלְח֨וּ וַיַּאַסְפ֜וּ אֶת־כָּל־סַרְנֵ֣י פְלִשְׁתִּ֗ים וַיֹּֽאמְרוּ֙ שַׁלְּח֞וּ אֶת־אֲרֹ֨ון אֱלֹהֵ֤י יִשְׂרָאֵל֙ וְיָשֹׁ֣ב לִמְקֹמֹ֔ו וְלֹֽא־יָמִ֥ית אֹתִ֖י וְאֶת־עַמִּ֑י כִּֽי־הָיְתָ֤ה מְהֽוּמַת־מָ֨וֶת֙ בְּכָל־הָעִ֔יר כָּבְדָ֥ה מְאֹ֛ד יַ֥ד הָאֱלֹהִ֖ים שָֽׁם׃

wayi̇şĕ̌lĕẖ֨ẇ wayȧʼasĕp֜ẇ ʼeţ־ká̇l־sarĕné֣y pĕlişĕ̌ţi̇֗ym wayòֽ̇ʼmĕrẇ֙ şǎlĕ̇ẖ֞ẇ ʼeţ־ʼàrò֨wn ʼèlòhé֤y yişĕ̂ráʼél֙ wĕyáşò֣̌b limĕqòmò֔w wĕlòֽʼ־yámi֥yţ ʼòţi֖y wĕʼeţ־ʻami֑̇y kiֽ̇y־háyĕţá֤h mĕhֽẇmaţ־má֨weţ֙ bĕ̇kál־háʻi֔yr ká̇bĕdá֥h mĕʼò֛d ya֥d háʼèlòhi֖ym şáֽ̌m׃

12
וְהָֽאֲנָשִׁים֙ אֲשֶׁ֣ר לֹא־מֵ֔תוּ הֻכּ֖וּ בָּעֳפָלִים וַתַּ֛עַל שַֽׁוְעַ֥ת הָעִ֖יר הַשָּׁמָֽיִם׃

wĕháֽʼànáşǐym֙ ʼàşě֣r lòʼ־mé֔ţẇ huk֖̇ẇ bá̇ʻopáliym waţȧ֛ʻal şǎֽwĕʻa֥ţ háʻi֖yr haşá̇̌máֽyim׃