Bibles in ancient languages
Ancient translations
Modern translations

Biblia Hebraica Stuttgartiensia 2 Samuel 21

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֣י רָעָב֩ בִּימֵ֨י דָוִ֜ד שָׁלֹ֣שׁ שָׁנִ֗ים שָׁנָה֙ אַחֲרֵ֣י שָׁנָ֔ה וַיְבַקֵּ֥שׁ דָּוִ֖ד אֶת־פְּנֵ֣י יְהוָ֑ה סוַיֹּ֣אמֶר יְהוָ֗ה אֶל־שָׁאוּל֙ וְאֶל־בֵּ֣ית הַדָּמִ֔ים עַל־אֲשֶׁר־הֵמִ֖ית אֶת־הַגִּבְעֹנִֽים׃

wayĕhi֣y ráʻáb֩ bi̇ymé֨y dáwi֜d şá̌lò֣ş̌ şá̌ni֗ym şá̌náh֙ ʼaẖàré֣y şá̌ná֔h wayĕbaqé֥̇ş̌ dá̇wi֖d ʼeţ־pĕ̇né֣y yĕhwá֑h swayò֣̇ʼmer yĕhwá֗h ʼel־şá̌ʼẇl֙ wĕʼel־bé֣̇yţ hadá̇mi֔ym ʻal־ʼàşěr־hémi֖yţ ʼeţ־hagi̇bĕʻòniֽym׃

2
וַיִּקְרָ֥א הַמֶּ֛לֶךְ לַגִּבְעֹנִ֖ים וַיֹּ֣אמֶר אֲלֵיהֶ֑ם וְהַגִּבְעֹנִ֞ים לֹ֣א מִבְּנֵ֧י יִשְׂרָאֵ֣ל הֵ֗מָּה כִּ֚י אִם־מִיֶּ֣תֶר הָאֱמֹרִ֔י וּבְנֵ֤י יִשְׂרָאֵל֙ נִשְׁבְּע֣וּ לָהֶ֔ם וַיְבַקֵּ֤שׁ שָׁאוּל֙ לְהַכֹּתָ֔ם בְּקַנֹּאתֹ֥ו לִבְנֵֽי־יִשְׂרָאֵ֖ל וִיהוּדָֽה׃

wayi̇qĕrá֥ʼ hamė֛lekĕ lagi̇bĕʻòni֖ym wayò֣̇ʼmer ʼàléyhe֑m wĕhagi̇bĕʻòni֞ym lò֣ʼ mibĕ̇né֧y yişĕ̂ráʼé֣l hé֗má̇h ki֚̇y ʼim־miyė֣ţer háʼèmòri֔y ẇbĕné֤y yişĕ̂ráʼél֙ nişĕ̌bĕ̇ʻ֣ẇ láhe֔m wayĕbaqé֤̇ş̌ şá̌ʼẇl֙ lĕhakò̇ţá֔m bĕ̇qanò̇ʼţò֥w libĕnéֽy־yişĕ̂ráʼé֖l wiyhẇdáֽh׃

3
וַיֹּ֤אמֶר דָּוִד֙ אֶל־הַגִּבְעֹנִ֔ים מָ֥ה אֶעֱשֶׂ֖ה לָכֶ֑ם וּבַמָּ֣ה אֲכַפֵּ֔ר וּבָרְכ֖וּ אֶת־נַחֲלַ֥ת יְהוָֽה׃

wayò֤̇ʼmer dá̇wid֙ ʼel־hagi̇bĕʻòni֔ym má֥h ʼeʻèşê֖h láke֑m ẇbamá֣̇h ʼàkapé̇֔r ẇbárĕk֖ẇ ʼeţ־naẖàla֥ţ yĕhwáֽh׃

4
וַיֹּ֧אמְרוּ לֹ֣ו הַגִּבְעֹנִ֗ים אֵֽין־לִי כֶּ֤סֶף וְזָהָב֙ עִם־שָׁא֣וּל וְעִם־בֵּיתֹ֔ו וְאֵֽין־לָ֥נוּ אִ֖ישׁ לְהָמִ֣ית בְּיִשְׂרָאֵ֑ל וַיֹּ֛אמֶר מָֽה־אַתֶּ֥ם אֹמְרִ֖ים אֶעֱשֶׂ֥ה לָכֶֽם׃

wayò֧̇ʼmĕrẇ lò֣w hagi̇bĕʻòni֗ym ʼéֽyn־liy kė֤sep wĕzáháb֙ ʻim־şá̌ʼ֣ẇl wĕʻim־bé̇yţò֔w wĕʼéֽyn־lá֥nẇ ʼi֖yş̌ lĕhámi֣yţ bĕ̇yişĕ̂ráʼé֑l wayò֛̇ʼmer máֽh־ʼaţė֥m ʼòmĕri֖ym ʼeʻèşê֥h lákeֽm׃

5
וַיֹּֽאמְרוּ֙ אֶל־הַמֶּ֔לֶךְ הָאִישׁ֙ אֲשֶׁ֣ר כִּלָּ֔נוּ וַאֲשֶׁ֖ר דִּמָּה־לָ֑נוּ נִשְׁמַ֕דְנוּ מֵֽהִתְיַצֵּ֖ב בְּכָל־גְּבֻ֥ל יִשְׂרָאֵֽל׃

wayòֽ̇ʼmĕrẇ֙ ʼel־hamė֔lekĕ háʼiyş̌֙ ʼàşě֣r ki̇lá̇֔nẇ waʼàşě֖r di̇má̇h־lá֑nẇ nişĕ̌ma֕dĕnẇ méֽhiţĕyaẕé֖̇b bĕ̇kál־gĕ̇bu֥l yişĕ̂ráʼéֽl׃

6
יְנָתָן לָ֜נוּ שִׁבְעָ֤ה אֲנָשִׁים֙ מִבָּנָ֔יו וְהֹוקַֽעֲנוּם֙ לַֽיהוָ֔ה בְּגִבְעַ֥ת שָׁא֖וּל בְּחִ֣יר יְהוָ֑ה סוַיֹּ֥אמֶר הַמֶּ֖לֶךְ אֲנִ֥י אֶתֵּֽן׃

yĕnáţán lá֜nẇ şǐbĕʻá֤h ʼànáşǐym֙ mibá̇ná֔yw wĕhòwqaֽʻànẇm֙ laֽyhwá֔h bĕ̇gibĕʻa֥ţ şá̌ʼ֖ẇl bĕ̇ẖi֣yr yĕhwá֑h swayò֥̇ʼmer hamė֖lekĕ ʼàni֥y ʼeţéֽ̇n׃

7
וַיַּחְמֹ֣ל הַמֶּ֔לֶךְ עַל־מְפִי־בֹ֖שֶׁת בֶּן־יְהֹונָתָ֣ן בֶּן־שָׁא֑וּל עַל־שְׁבֻעַ֤ת יְהוָה֙ אֲשֶׁ֣ר בֵּֽינֹתָ֔ם בֵּ֣ין דָּוִ֔ד וּבֵ֖ין יְהֹונָתָ֥ן בֶּן־שָׁאֽוּל׃

wayȧẖĕmò֣l hamė֔lekĕ ʻal־mĕpiy־bò֖şěţ bėn־yĕhòwnáţá֣n bėn־şá̌ʼ֑ẇl ʻal־şĕ̌buʻa֤ţ yĕhwáh֙ ʼàşě֣r béֽ̇ynòţá֔m bé֣̇yn dá̇wi֔d ẇbé֖yn yĕhòwnáţá֥n bėn־şá̌ʼֽẇl׃

8
וַיִּקַּ֣ח הַמֶּ֡לֶךְ אֶת־שְׁ֠נֵי בְּנֵ֨י רִצְפָּ֤ה בַת־אַיָּה֙ אֲשֶׁ֣ר יָלְדָ֣ה לְשָׁא֔וּל אֶת־אַרְמֹנִ֖י וְאֶת־מְפִבֹ֑שֶׁת וְאֶת־חֲמֵ֗שֶׁת בְּנֵי֙ מִיכַ֣ל בַּת־שָׁא֔וּל אֲשֶׁ֥ר יָלְדָ֛ה לְעַדְרִיאֵ֥ל בֶּן־בַּרְזִלַּ֖י הַמְּחֹלָתִֽי׃

wayi̇qȧ֣ẖ hamė֡lekĕ ʼeţ־şĕ̌֠néy bĕ̇né֨y riẕĕpá֤̇h baţ־ʼayá̇h֙ ʼàşě֣r yálĕdá֣h lĕşá̌ʼ֔ẇl ʼeţ־ʼarĕmòni֖y wĕʼeţ־mĕpibò֑şěţ wĕʼeţ־ẖàmé֗şěţ bĕ̇néy֙ miyka֣l bȧţ־şá̌ʼ֔ẇl ʼàşě֥r yálĕdá֛h lĕʻadĕriyʼé֥l bėn־bȧrĕzilȧ֖y hamĕ̇ẖòláţiֽy׃

9
וַֽיִּתְּנֵ֞ם בְּיַ֣ד הַגִּבְעֹנִ֗ים וַיֹּקִיעֻ֤ם בָּהָר֙ לִפְנֵ֣י יְהוָ֔ה וַיִּפְּל֥וּ שִׁבַעְתָּיִם יָ֑חַד וְהֵם הֻמְת֜וּ בִּימֵ֤י קָצִיר֙ בָּרִ֣אשֹׁנִ֔ים תְחִלַּת קְצִ֥יר שְׂעֹרִֽים׃

waֽyi̇ţĕ̇né֞m bĕ̇ya֣d hagi̇bĕʻòni֗ym wayò̇qiyʻu֤m bá̇hár֙ lipĕné֣y yĕhwá֔h wayi̇pĕ̇l֥ẇ şǐbaʻĕţá̇yim yá֑ẖad wĕhém humĕţ֜ẇ bi̇ymé֤y qáẕiyr֙ bá̇ri֣ʼşò̌ni֔ym ţĕẖilȧţ qĕẕi֥yr şĕ̂ʻòriֽym׃

10
וַתִּקַּ֣ח רִצְפָּה֩ בַת־אַיָּ֨ה אֶת־הַשַּׂ֜ק וַתַּטֵּ֨הוּ לָ֤הּ אֶל־הַצּוּר֙ מִתְּחִלַּ֣ת קָצִ֔יר עַ֛ד נִתַּךְ־מַ֥יִם עֲלֵיהֶ֖ם מִן־הַשָּׁמָ֑יִם וְלֹֽא־נָתְנָה֩ עֹ֨וף הַשָּׁמַ֜יִם לָנ֤וּחַ עֲלֵיהֶם֙ יֹומָ֔ם וְאֶת־חַיַּ֥ת הַשָּׂדֶ֖ה לָֽיְלָה׃

waţi̇qȧ֣ẖ riẕĕpá̇h֩ baţ־ʼayá̇֨h ʼeţ־haşȧ̂֜q waţȧté̇֨hẇ lá֤ḣ ʼel־haẕ̇ẇr֙ miţĕ̇ẖilȧ֣ţ qáẕi֔yr ʻa֛d niţȧkĕ־ma֥yim ʻàléyhe֖m min־haşá̇̌má֑yim wĕlòֽʼ־náţĕnáh֩ ʻò֨wp haşá̇̌ma֜yim lán֤ẇẖa ʻàléyhem֙ yòwmá֔m wĕʼeţ־ẖayȧ֥ţ haşá̇̂de֖h láֽyĕláh׃

11
וַיֻּגַּ֖ד לְדָוִ֑ד אֵ֧ת אֲשֶׁר־עָשְׂתָ֛ה רִצְפָּ֥ה בַת־אַיָּ֖ה פִּלֶ֥גֶשׁ שָׁאֽוּל׃

wayu̇gȧ֖d lĕdáwi֑d ʼé֧ţ ʼàşěr־ʻáşĕ̂ţá֛h riẕĕpá֥̇h baţ־ʼayá֖̇h pi̇le֥geş̌ şá̌ʼֽẇl׃

12
וַיֵּ֣לֶךְ דָּוִ֗ד וַיִּקַּ֞ח אֶת־עַצְמֹ֤ות שָׁאוּל֙ וְאֶת־עַצְמֹות֙ יְהֹונָתָ֣ן בְּנֹ֔ו מֵאֵ֕ת בַּעֲלֵ֖י יָבֵ֣ישׁ גִּלְעָ֑ד אֲשֶׁר֩ גָּנְב֨וּ אֹתָ֜ם מֵרְחֹ֣ב בֵּֽית־שַׁ֗ן אֲשֶׁ֨ר תְּלוּם שָׁם הַפְּלִשְׁתִּים בְּיֹ֨ום הַכֹּ֧ות פְּלִשְׁתִּ֛ים אֶת־שָׁא֖וּל בַּגִּלְבֹּֽעַ׃

wayé֣̇lekĕ dá̇wi֗d wayi̇qȧ֞ẖ ʼeţ־ʻaẕĕmò֤wţ şá̌ʼẇl֙ wĕʼeţ־ʻaẕĕmòwţ֙ yĕhòwnáţá֣n bĕ̇nò֔w méʼé֕ţ bȧʻàlé֖y yábé֣yş̌ gi̇lĕʻá֑d ʼàşěr֩ gá̇nĕb֨ẇ ʼòţá֜m mérĕẖò֣b béֽ̇yţ־şǎ֗n ʼàşě֨r ţĕ̇lẇm şá̌m hapĕ̇lişĕ̌ţi̇ym bĕ̇yò֨wm hakò֧̇wţ pĕ̇lişĕ̌ţi֛̇ym ʼeţ־şá̌ʼ֖ẇl bȧgi̇lĕbòֽ̇ʻa׃

13
וַיַּ֤עַל מִשָּׁם֙ אֶת־עַצְמֹ֣ות שָׁא֔וּל וְאֶת־עַצְמֹ֖ות יְהֹונָתָ֣ן בְּנֹ֑ו וַיַּ֣אַסְפ֔וּ אֶת־עַצְמֹ֖ות הַמּוּקָעִֽים׃

wayȧ֤ʻal mişá̇̌m֙ ʼeţ־ʻaẕĕmò֣wţ şá̌ʼ֔ẇl wĕʼeţ־ʻaẕĕmò֖wţ yĕhòwnáţá֣n bĕ̇nò֑w wayȧ֣ʼasĕp֔ẇ ʼeţ־ʻaẕĕmò֖wţ haṁẇqáʻiֽym׃

14
וַיִּקְבְּר֣וּ אֶת־עַצְמֹות־שָׁא֣וּל וִיהֹונָֽתָן־בְּ֠נֹו בְּאֶ֨רֶץ בִּנְיָמִ֜ן בְּצֵלָ֗ע בְּקֶ֨בֶר֙ קִ֣ישׁ אָבִ֔יו וַֽיַּעֲשׂ֔וּ כֹּ֥ל אֲשֶׁר־צִוָּ֖ה הַמֶּ֑לֶךְ וַיֵּעָתֵ֧ר אֱלֹהִ֛ים לָאָ֖רֶץ אַֽחֲרֵי־כֵֽן׃ פ

wayi̇qĕbĕ̇r֣ẇ ʼeţ־ʻaẕĕmòwţ־şá̌ʼ֣ẇl wiyhòwnáֽţán־bĕ̇֠nòw bĕ̇ʼe֨reẕ bi̇nĕyámi֜n bĕ̇ẕélá֗ʻ bĕ̇qe֨ber֙ qi֣yş̌ ʼábi֔yw waֽyȧʻàş̂֔ẇ kò֥̇l ʼàşěr־ẕiwá֖̇h hamė֑lekĕ wayé̇ʻáţé֧r ʼèlòhi֛ym láʼá֖reẕ ʼaֽẖàréy־kéֽn׃ p

15
וַתְּהִי־עֹ֧וד מִלְחָמָ֛ה לַפְּלִשְׁתִּ֖ים אֶת־יִשְׂרָאֵ֑ל וַיֵּ֨רֶד דָּוִ֜ד וַעֲבָדָ֥יו עִמֹּ֛ו וַיִּלָּחֲמ֥וּ אֶת־פְּלִשְׁתִּ֖ים וַיָּ֥עַף דָּוִֽד׃

waţĕ̇hiy־ʻò֧wd milĕẖámá֛h lapĕ̇lişĕ̌ţi֖̇ym ʼeţ־yişĕ̂ráʼé֑l wayé̇֨red dá̇wi֜d waʻàbádá֥yw ʻimò֛̇w wayi̇lá̇ẖàm֥ẇ ʼeţ־pĕ̇lişĕ̌ţi֖̇ym wayá֥̇ʻap dá̇wiֽd׃

16
וְיִשְׁבֹּו בְּנֹ֜ב אֲשֶׁ֣ר׀ בִּילִידֵ֣י הָרָפָ֗ה וּמִשְׁקַ֤ל קֵינֹו֙ שְׁלֹ֤שׁ מֵאֹות֙ מִשְׁקַ֣ל נְחֹ֔שֶׁת וְה֖וּא חָג֣וּר חֲדָשָׁ֑ה וַיֹּ֖אמֶר לְהַכֹּ֥ות אֶת־דָּוִֽד׃

wĕyişĕ̌bò̇w bĕ̇nò֜b ʼàşě֣r׀ bi̇yliydé֣y hárápá֗h ẇmişĕ̌qa֤l qéynòw֙ şĕ̌lò֤ş̌ méʼòwţ֙ mişĕ̌qa֣l nĕẖò֔şěţ wĕh֖ẇʼ ẖág֣ẇr ẖàdáşá֑̌h wayò֖̇ʼmer lĕhakò֥̇wţ ʼeţ־dá̇wiֽd׃

17
וַיַּֽעֲזָר־לֹו֙ אֲבִישַׁ֣י בֶּן־צְרוּיָ֔ה וַיַּ֥ךְ אֶת־הַפְּלִשְׁתִּ֖י וַיְמִיתֵ֑הוּ אָ֣ז נִשְׁבְּעוּ֩ אַנְשֵׁי־דָוִ֨ד לֹ֜ו לֵאמֹ֗ר לֹא־תֵצֵ֨א עֹ֤וד אִתָּ֨נוּ֙ לַמִּלְחָמָ֔ה וְלֹ֥א תְכַבֶּ֖ה אֶת־נֵ֥ר יִשְׂרָאֵֽל׃ פ

wayȧֽʻàzár־lòw֙ ʼàbiyşǎ֣y bėn־ẕĕrẇyá֔h wayȧ֥kĕ ʼeţ־hapĕ̇lişĕ̌ţi֖̇y wayĕmiyţé֑hẇ ʼá֣z nişĕ̌bĕ̇ʻẇ֩ ʼanĕşé̌y־dáwi֨d lò֜w léʼmò֗r lòʼ־ţéẕé֨ʼ ʻò֤wd ʼiţá̇֨nẇ֙ lami̇lĕẖámá֔h wĕlò֥ʼ ţĕkabė֖h ʼeţ־né֥r yişĕ̂ráʼéֽl׃ p

18
וַֽיְהִי֙ אַֽחֲרֵי־כֵ֔ן וַתְּהִי־עֹ֧וד הַמִּלְחָמָ֛ה בְּגֹ֖וב עִם־פְּלִשְׁתִּ֑ים אָ֣ז הִכָּ֗ה סִבְּכַי֙ הַחֻ֣שָׁתִ֔י אֶת־סַ֕ף אֲשֶׁ֖ר בִּילִדֵ֥י הָרָפָֽה׃ פ

waֽyĕhiy֙ ʼaֽẖàréy־ké֔n waţĕ̇hiy־ʻò֧wd hami̇lĕẖámá֛h bĕ̇gò֖wb ʻim־pĕ̇lişĕ̌ţi֑̇ym ʼá֣z hiká̇֗h sibĕ̇kay֙ haẖu֣şá̌ţi֔y ʼeţ־sa֕p ʼàşě֖r bi̇ylidé֥y hárápáֽh׃ p

19
וַתְּהִי־עֹ֧וד הַמִּלְחָמָ֛ה בְּגֹ֖וב עִם־פְּלִשְׁתִּ֑ים וַיַּ֡ךְ אֶלְחָנָן֩ בֶּן־יַעְרֵי֙ אֹרְגִ֜ים בֵּ֣ית הַלַּחְמִ֗י אֵ֚ת גָּלְיָ֣ת הַגִּתִּ֔י וְעֵ֣ץ חֲנִיתֹ֔ו כִּמְנֹ֖ור אֹרְגִֽים׃ ס

waţĕ̇hiy־ʻò֧wd hami̇lĕẖámá֛h bĕ̇gò֖wb ʻim־pĕ̇lişĕ̌ţi֑̇ym wayȧ֡kĕ ʼelĕẖánán֩ bėn־yaʻĕréy֙ ʼòrĕgi֜ym bé֣̇yţ halȧẖĕmi֗y ʼé֚ţ gá̇lĕyá֣ţ hagi̇ţi̇֔y wĕʻé֣ẕ ẖàniyţò֔w ki̇mĕnò֖wr ʼòrĕgiֽym׃ s

20
וַתְּהִי־עֹ֥וד מִלְחָמָ֖ה בְּגַ֑ת וַיְהִ֣י׀ אִ֣ישׁ מָדִין וְאֶצְבְּעֹ֣ת יָדָיו֩ וְאֶצְבְּעֹ֨ת רַגְלָ֜יו שֵׁ֣שׁ וָשֵׁ֗שׁ עֶשְׂרִ֤ים וְאַרְבַּע֙ מִסְפָּ֔ר וְגַם־ה֖וּא יֻלַּ֥ד לְהָרָפָֽה׃

waţĕ̇hiy־ʻò֥wd milĕẖámá֖h bĕ̇ga֑ţ wayĕhi֣y׀ ʼi֣yş̌ mádiyn wĕʼeẕĕbĕ̇ʻò֣ţ yádáyw֩ wĕʼeẕĕbĕ̇ʻò֨ţ ragĕlá֜yw şé֣̌ş̌ wáşé̌֗ş̌ ʻeşĕ̂ri֤ym wĕʼarĕbȧʻ֙ misĕpá̇֔r wĕgam־h֖ẇʼ yulȧ֥d lĕhárápáֽh׃

21
וַיְחָרֵ֖ף אֶת־יִשְׂרָאֵ֑ל וַיַּכֵּ֨הוּ֙ יְהֹ֣ונָתָ֔ן בֶּן־שִׁמְעִי אֲחִ֥י דָוִֽד׃

wayĕẖáré֖p ʼeţ־yişĕ̂ráʼé֑l wayȧké̇֨hẇ֙ yĕhò֣wnáţá֔n bėn־şǐmĕʻiy ʼàẖi֥y dáwiֽd׃

22
אֶת־אַרְבַּ֥עַת אֵ֛לֶּה יֻלְּד֥וּ לְהָרָפָ֖ה בְּגַ֑ת וַיִּפְּל֥וּ בְיַד־דָּוִ֖ד וּבְיַ֥ד עֲבָדָֽיו׃ פ

ʼeţ־ʼarĕbȧ֥ʻaţ ʼé֛lėh yulĕ̇d֥ẇ lĕhárápá֖h bĕ̇ga֑ţ wayi̇pĕ̇l֥ẇ bĕyad־dá̇wi֖d ẇbĕya֥d ʻàbádáֽyw׃ p