Bibles in ancient languages
Ancient translations
Modern translations

Biblia Hebraica Stuttgartiensia Deuteronomy 11

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְאָ֣הַבְתָּ֔ אֵ֖ת יְהוָ֣ה אֱלֹהֶ֑יךָ וְשָׁמַרְתָּ֣ מִשְׁמַרְתֹּ֗ו וְחֻקֹּתָ֧יו וּמִשְׁפָּטָ֛יו וּמִצְוֹתָ֖יו כָּל־הַיָּמִֽים׃

wĕʼá֣habĕţá̇֔ ʼé֖ţ yĕhwá֣h ʼèlòhe֑yká wĕşá̌marĕţá֣̇ mişĕ̌marĕţò̇֗w wĕẖuqò̇ţá֧yw ẇmişĕ̌pá̇tá֛yw ẇmiẕĕwòţá֖yw ká̇l־hayá̇miֽym׃

2
וִֽידַעְתֶּם֮ הַיֹּום֒ כִּ֣י׀ לֹ֣א אֶת־בְּנֵיכֶ֗ם אֲשֶׁ֤ר לֹֽא־יָדְעוּ֙ וַאֲשֶׁ֣ר לֹא־רָא֔וּ אֶת־מוּסַ֖ר יְהוָ֣ה אֱלֹהֵיכֶ֑ם אֶת־גָּדְלֹ֕ו אֶת־יָדֹו֙ הַחֲזָקָ֔ה וּזְרֹעֹ֖ו הַנְּטוּיָֽה׃

wiֽydaʻĕţėm֮ hayò̇wm֒ ki֣̇y׀ lò֣ʼ ʼeţ־bĕ̇néyke֗m ʼàşě֤r lòֽʼ־yádĕʻẇ֙ waʼàşě֣r lòʼ־ráʼ֔ẇ ʼeţ־mẇsa֖r yĕhwá֣h ʼèlòhéyke֑m ʼeţ־gá̇dĕlò֕w ʼeţ־yádòw֙ haẖàzáqá֔h ẇzĕròʻò֖w hanĕ̇tẇyáֽh׃

3
וְאֶת־אֹֽתֹתָיו֙ וְאֶֽת־מַעֲשָׂ֔יו אֲשֶׁ֥ר עָשָׂ֖ה בְּתֹ֣וךְ מִצְרָ֑יִם לְפַרְעֹ֥ה מֶֽלֶךְ־מִצְרַ֖יִם וּלְכָל־אַרְצֹֽו׃

wĕʼeţ־ʼòֽţòţáyw֙ wĕʼeֽţ־maʻàşá̂֔yw ʼàşě֥r ʻáşá֖̂h bĕ̇ţò֣wkĕ miẕĕrá֑yim lĕparĕʻò֥h meֽlekĕ־miẕĕra֖yim ẇlĕkál־ʼarĕẕòֽw׃

4
וַאֲשֶׁ֣ר עָשָׂה֩ לְחֵ֨יל מִצְרַ֜יִם לְסוּסָ֣יו וּלְרִכְבֹּ֗ו אֲשֶׁ֨ר הֵצִ֜יף אֶת־מֵ֤י יַם־סוּף֙ עַל־פְּנֵיהֶ֔ם בְּרָדְפָ֖ם אַחֲרֵיכֶ֑ם וַיְאַבְּדֵ֣ם יְהוָ֔ה עַ֖ד הַיֹּ֥ום הַזֶּֽה׃

waʼàşě֣r ʻáşá̂h֩ lĕẖé֨yl miẕĕra֜yim lĕsẇsá֣yw ẇlĕrikĕbò̇֗w ʼàşě֨r héẕi֜yp ʼeţ־mé֤y yam־sẇp֙ ʻal־pĕ̇néyhe֔m bĕ̇rádĕpá֖m ʼaẖàréyke֑m wayĕʼabĕ̇dé֣m yĕhwá֔h ʻa֖d hayò֥̇wm hazėֽh׃

5
וַאֲשֶׁ֥ר עָשָׂ֛ה לָכֶ֖ם בַּמִּדְבָּ֑ר עַד־בֹּאֲכֶ֖ם עַד־הַמָּקֹ֥ום הַזֶּֽה׃

waʼàşě֥r ʻáşá֛̂h láke֖m bȧmi̇dĕbá֑̇r ʻad־bò̇ʼàke֖m ʻad־hamá̇qò֥wm hazėֽh׃

6
וַאֲשֶׁ֨ר עָשָׂ֜ה לְדָתָ֣ן וְלַאֲבִירָ֗ם בְּנֵ֣י אֱלִיאָב֮ בֶּן־רְאוּבֵן֒ אֲשֶׁ֨ר פָּצְתָ֤ה הָאָ֨רֶץ֙ אֶת־פִּ֔יהָ וַתִּבְלָעֵ֥ם וְאֶת־בָּתֵּיהֶ֖ם וְאֶת־אָהֳלֵיהֶ֑ם וְאֵ֤ת כָּל־הַיְקוּם֙ אֲשֶׁ֣ר בְּרַגְלֵיהֶ֔ם בְּקֶ֖רֶב כָּל־יִשְׂרָאֵֽל׃

waʼàşě֨r ʻáşá̂֜h lĕdáţá֣n wĕlaʼàbiyrá֗m bĕ̇né֣y ʼèliyʼáb֮ bėn־rĕʼẇbén֒ ʼàşě֨r pá̇ẕĕţá֤h háʼá֨reẕ֙ ʼeţ־pi̇֔yhá waţi̇bĕláʻé֥m wĕʼeţ־bá̇ţé̇yhe֖m wĕʼeţ־ʼáholéyhe֑m wĕʼé֤ţ ká̇l־hayĕqẇm֙ ʼàşě֣r bĕ̇ragĕléyhe֔m bĕ̇qe֖reb ká̇l־yişĕ̂ráʼéֽl׃

7
כִּ֤י עֵֽינֵיכֶם֙ הָֽרֹאֹ֔ת אֶת־כָּל־מַעֲשֵׂ֥ה יְהוָ֖ה הַגָּדֹ֑ל אֲשֶׁ֖ר עָשָֽׂה׃

ki֤̇y ʻéֽynéykem֙ háֽròʼò֔ţ ʼeţ־ká̇l־maʻàşé֥̂h yĕhwá֖h hagá̇dò֑l ʼàşě֖r ʻáşáֽ̂h׃

8
וּשְׁמַרְתֶּם֙ אֶת־כָּל־הַמִּצְוָ֔ה אֲשֶׁ֛ר אָנֹכִ֥י מְצַוְּךָ֖ הַיֹּ֑ום לְמַ֣עַן תֶּחֶזְק֗וּ וּבָאתֶם֙ וִֽירִשְׁתֶּ֣ם אֶת־הָאָ֔רֶץ אֲשֶׁ֥ר אַתֶּ֛ם עֹבְרִ֥ים שָׁ֖מָּה לְרִשְׁתָּֽהּ׃

ẇşĕ̌marĕţėm֙ ʼeţ־ká̇l־hami̇ẕĕwá֔h ʼàşě֛r ʼánòki֥y mĕẕawĕ̇ká֖ hayò֑̇wm lĕma֣ʻan ţėẖezĕq֗ẇ ẇbáʼţem֙ wiֽyrişĕ̌ţė֣m ʼeţ־háʼá֔reẕ ʼàşě֥r ʼaţė֛m ʻòbĕri֥ym şá֖̌má̇h lĕrişĕ̌ţáֽ̇ḣ׃

9
וּלְמַ֨עַן תַּאֲרִ֤יכוּ יָמִים֙ עַל־הָ֣אֲדָמָ֔ה אֲשֶׁר֩ נִשְׁבַּ֨ע יְהוָ֧ה לַאֲבֹתֵיכֶ֛ם לָתֵ֥ת לָהֶ֖ם וּלְזַרְעָ֑ם אֶ֛רֶץ זָבַ֥ת חָלָ֖ב וּדְבָֽשׁ׃ ס

ẇlĕma֨ʻan ţȧʼàri֤ykẇ yámiym֙ ʻal־há֣ʼàdámá֔h ʼàşěr֩ nişĕ̌bȧ֨ʻ yĕhwá֧h laʼàbòţéyke֛m láţé֥ţ láhe֖m ẇlĕzarĕʻá֑m ʼe֛reẕ zába֥ţ ẖálá֖b ẇdĕbáֽş̌׃ s

10
כִּ֣י הָאָ֗רֶץ אֲשֶׁ֨ר אַתָּ֤ה בָא־שָׁ֨מָּה֙ לְרִשְׁתָּ֔הּ לֹ֣א כְאֶ֤רֶץ מִצְרַ֨יִם֙ הִ֔וא אֲשֶׁ֥ר יְצָאתֶ֖ם מִשָּׁ֑ם אֲשֶׁ֤ר תִּזְרַע֙ אֶֽת־זַרְעֲךָ֔ וְהִשְׁקִ֥יתָ בְרַגְלְךָ֖ כְּגַ֥ן הַיָּרָֽק׃

ki֣̇y háʼá֗reẕ ʼàşě֨r ʼaţá֤̇h báʼ־şá̌֨má̇h֙ lĕrişĕ̌ţá̇֔ḣ lò֣ʼ kĕʼe֤reẕ miẕĕra֨yim֙ hi֔wʼ ʼàşě֥r yĕẕáʼţe֖m mişá֑̇̌m ʼàşě֤r ţi̇zĕraʻ֙ ʼeֽţ־zarĕʻàká֔ wĕhişĕ̌qi֥yţá bĕragĕlĕká֖ kĕ̇ga֥n hayá̇ráֽq׃

11
וְהָאָ֗רֶץ אֲשֶׁ֨ר אַתֶּ֜ם עֹבְרִ֥ים שָׁ֨מָּה֙ לְרִשְׁתָּ֔הּ אֶ֥רֶץ הָרִ֖ים וּבְקָעֹ֑ת לִמְטַ֥ר הַשָּׁמַ֖יִם תִּשְׁתֶּה־מָּֽיִם׃

wĕháʼá֗reẕ ʼàşě֨r ʼaţė֜m ʻòbĕri֥ym şá̌֨má̇h֙ lĕrişĕ̌ţá̇֔ḣ ʼe֥reẕ hári֖ym ẇbĕqáʻò֑ţ limĕta֥r haşá̇̌ma֖yim ţi̇şĕ̌ţėh־máֽ̇yim׃

12
אֶ֕רֶץ אֲשֶׁר־יְהוָ֥ה אֱלֹהֶ֖יךָ דֹּרֵ֣שׁ אֹתָ֑הּ תָּמִ֗יד עֵינֵ֨י יְהוָ֤ה אֱלֹהֶ֨יךָ֙ בָּ֔הּ מֵֽרֵשִׁית֙ הַשָּׁנָ֔ה וְעַ֖ד אַחֲרִ֥ית שָׁנָֽה׃ ס

ʼe֕reẕ ʼàşěr־yĕhwá֥h ʼèlòhe֖yká dò̇ré֣ş̌ ʼòţá֑ḣ ţá̇mi֗yd ʻéyné֨y yĕhwá֤h ʼèlòhe֨yká֙ bá̇֔ḣ méֽréşǐyţ֙ haşá̇̌ná֔h wĕʻa֖d ʼaẖàri֥yţ şá̌náֽh׃ s

13
וְהָיָ֗ה אִם־שָׁמֹ֤עַ תִּשְׁמְעוּ֙ אֶל־מִצְוֹתַ֔י אֲשֶׁ֧ר אָנֹכִ֛י מְצַוֶּ֥ה אֶתְכֶ֖ם הַיֹּ֑ום לְאַהֲבָ֞ה אֶת־יְהוָ֤ה אֱלֹֽהֵיכֶם֙ וּלְעָבְדֹ֔ו בְּכָל־לְבַבְכֶ֖ם וּבְכָל־נַפְשְׁכֶֽם׃

wĕháyá֗h ʼim־şá̌mò֤ʻa ţi̇şĕ̌mĕʻẇ֙ ʼel־miẕĕwòţa֔y ʼàşě֧r ʼánòki֛y mĕẕawė֥h ʼeţĕke֖m hayò֑̇wm lĕʼahàbá֞h ʼeţ־yĕhwá֤h ʼèlòֽhéykem֙ ẇlĕʻábĕdò֔w bĕ̇kál־lĕbabĕke֖m ẇbĕkál־napĕşĕ̌keֽm׃

14
וְנָתַתִּ֧י מְטַֽר־אַרְצְכֶ֛ם בְּעִתֹּ֖ו יֹורֶ֣ה וּמַלְקֹ֑ושׁ וְאָסַפְתָּ֣ דְגָנֶ֔ךָ וְתִֽירֹשְׁךָ֖ וְיִצְהָרֶֽךָ׃

wĕnáţaţi֧̇y mĕtaֽr־ʼarĕẕĕke֛m bĕ̇ʻiţò֖̇w yòwre֣h ẇmalĕqò֑wş̌ wĕʼásapĕţá֣̇ dĕgáne֔ká wĕţiֽyròşĕ̌ká֖ wĕyiẕĕháreֽká׃

15
וְנָתַתִּ֛י עֵ֥שֶׂב בְּשָׂדְךָ֖ לִבְהֶמְתֶּ֑ךָ וְאָכַלְתָּ֖ וְשָׂבָֽעְתָּ׃

wĕnáţaţi֛̇y ʻé֥şêb bĕ̇şá̂dĕká֖ libĕhemĕţė֑ká wĕʼákalĕţá֖̇ wĕşá̂báֽʻĕţá̇׃

16
הִשָּֽׁמְר֣וּ לָכֶ֔ם פֶּ֥ן יִפְתֶּ֖ה לְבַבְכֶ֑ם וְסַרְתֶּ֗ם וַעֲבַדְתֶּם֙ אֱלֹהִ֣ים אֲחֵרִ֔ים וְהִשְׁתַּחֲוִיתֶ֖ם לָהֶֽם׃

hişáֽ̇̌mĕr֣ẇ láke֔m pė֥n yipĕţė֖h lĕbabĕke֑m wĕsarĕţė֗m waʻàbadĕţėm֙ ʼèlòhi֣ym ʼàẖéri֔ym wĕhişĕ̌ţȧẖàwiyţe֖m láheֽm׃

17
וְחָרָ֨ה אַף־יְהוָ֜ה בָּכֶ֗ם וְעָצַ֤ר אֶת־הַשָּׁמַ֨יִם֙ וְלֹֽא־יִהְיֶ֣ה מָטָ֔ר וְהָ֣אֲדָמָ֔ה לֹ֥א תִתֵּ֖ן אֶת־יְבוּלָ֑הּ וַאֲבַדְתֶּ֣ם מְהֵרָ֗ה מֵעַל֙ הָאָ֣רֶץ הַטֹּבָ֔ה אֲשֶׁ֥ר יְהוָ֖ה נֹתֵ֥ן לָכֶֽם׃

wĕẖárá֨h ʼap־yĕhwá֜h bá̇ke֗m wĕʻáẕa֤r ʼeţ־haşá̇̌ma֨yim֙ wĕlòֽʼ־yihĕye֣h mátá֔r wĕhá֣ʼàdámá֔h lò֥ʼ ţiţé֖̇n ʼeţ־yĕbẇlá֑ḣ waʼàbadĕţė֣m mĕhérá֗h méʻal֙ háʼá֣reẕ hatò̇bá֔h ʼàşě֥r yĕhwá֖h nòţé֥n lákeֽm׃

18
וְשַׂמְתֶּם֙ אֶת־דְּבָרַ֣י אֵ֔לֶּה עַל־לְבַבְכֶ֖ם וְעַֽל־נַפְשְׁכֶ֑ם וּקְשַׁרְתֶּ֨ם אֹתָ֤ם לְאֹות֙ עַל־יֶדְכֶ֔ם וְהָי֥וּ לְטֹוטָפֹ֖ת בֵּ֥ין עֵינֵיכֶֽם׃

wĕşâmĕţėm֙ ʼeţ־dĕ̇bára֣y ʼé֔lėh ʻal־lĕbabĕke֖m wĕʻaֽl־napĕşĕ̌ke֑m ẇqĕşǎrĕţė֨m ʼòţá֤m lĕʼòwţ֙ ʻal־yedĕke֔m wĕháy֥ẇ lĕtòwtápò֖ţ bé֥̇yn ʻéynéykeֽm׃

19
וְלִמַּדְתֶּ֥ם אֹתָ֛ם אֶת־בְּנֵיכֶ֖ם לְדַבֵּ֣ר בָּ֑ם בְּשִׁבְתְּךָ֤ בְּבֵיתֶ֨ךָ֙ וּבְלֶכְתְּךָ֣ בַדֶּ֔רֶךְ וּֽבְשָׁכְבְּךָ֖ וּבְקוּמֶֽךָ׃

wĕlimȧdĕţė֥m ʼòţá֛m ʼeţ־bĕ̇néyke֖m lĕdabé֣̇r bá֑̇m bĕ̇şǐbĕţĕ̇ká֤ bĕ̇béyţe֨ká֙ ẇbĕlekĕţĕ̇ká֣ badė֔rekĕ ẇֽbĕşá̌kĕbĕ̇ká֖ ẇbĕqẇmeֽká׃

20
וּכְתַבְתָּ֛ם עַל־מְזוּזֹ֥ות בֵּיתֶ֖ךָ וּבִשְׁעָרֶֽיךָ׃

ẇkĕţabĕţá֛̇m ʻal־mĕzẇzò֥wţ bé̇yţe֖ká ẇbişĕ̌ʻáreֽyká׃

21
לְמַ֨עַן יִרְבּ֤וּ יְמֵיכֶם֙ וִימֵ֣י בְנֵיכֶ֔ם עַ֚ל הָֽאֲדָמָ֔ה אֲשֶׁ֨ר נִשְׁבַּ֧ע יְהוָ֛ה לַאֲבֹתֵיכֶ֖ם לָתֵ֣ת לָהֶ֑ם כִּימֵ֥י הַשָּׁמַ֖יִם עַל־הָאָֽרֶץ׃ ס

lĕma֨ʻan yirĕḃ֤ẇ yĕméykem֙ wiymé֣y bĕnéyke֔m ʻa֚l háֽʼàdámá֔h ʼàşě֨r nişĕ̌bȧ֧ʻ yĕhwá֛h laʼàbòţéyke֖m láţé֣ţ láhe֑m ki̇ymé֥y haşá̇̌ma֖yim ʻal־háʼáֽreẕ׃ s

22
כִּי֩ אִם־שָׁמֹ֨ר תִּשְׁמְר֜וּן אֶת־כָּל־הַמִּצְוָ֣ה הַזֹּ֗את אֲשֶׁ֧ר אָנֹכִ֛י מְצַוֶּ֥ה אֶתְכֶ֖ם לַעֲשֹׂתָ֑הּ לְאַהֲבָ֞ה אֶת־יְהוָ֧ה אֱלֹהֵיכֶ֛ם לָלֶ֥כֶת בְּכָל־דְּרָכָ֖יו וּלְדָבְקָה־בֹֽו׃

ki̇y֩ ʼim־şá̌mò֨r ţi̇şĕ̌mĕr֜ẇn ʼeţ־ká̇l־hami̇ẕĕwá֣h hazò̇֗ʼţ ʼàşě֧r ʼánòki֛y mĕẕawė֥h ʼeţĕke֖m laʻàşò̂ţá֑ḣ lĕʼahàbá֞h ʼeţ־yĕhwá֧h ʼèlòhéyke֛m lále֥keţ bĕ̇kál־dĕ̇ráká֖yw ẇlĕdábĕqáh־bòֽw׃

23
וְהֹורִ֧ישׁ יְהוָ֛ה אֶת־כָּל־הַגֹּויִ֥ם הָאֵ֖לֶּה מִלִּפְנֵיכֶ֑ם וִֽירִשְׁתֶּ֣ם גֹּויִ֔ם גְּדֹלִ֥ים וַעֲצֻמִ֖ים מִכֶּֽם׃

wĕhòwri֧yş̌ yĕhwá֛h ʼeţ־ká̇l־hagò̇wyi֥m háʼé֖lėh mili̇pĕnéyke֑m wiֽyrişĕ̌ţė֣m gò̇wyi֔m gĕ̇dòli֥ym waʻàẕumi֖ym mikėֽm׃

24
כָּל־הַמָּקֹ֗ום אֲשֶׁ֨ר תִּדְרֹ֧ךְ כַּֽף־רַגְלְכֶ֛ם בֹּ֖ו לָכֶ֣ם יִהְיֶ֑ה מִן־הַמִּדְבָּ֨ר וְהַלְּבָנֹ֜ון מִן־הַנָּהָ֣ר נְהַר־פְּרָ֗ת וְעַד֙ הַיָּ֣ם הָֽאַחֲרֹ֔ון יִהְיֶ֖ה גְּבֻלְכֶֽם׃

ká̇l־hamá̇qò֗wm ʼàşě֨r ţi̇dĕrò֧kĕ kȧֽp־ragĕlĕke֛m bò֖̇w láke֣m yihĕye֑h min־hami̇dĕbá̇֨r wĕhalĕ̇bánò֜wn min־haná̇há֣r nĕhar־pĕ̇rá֗ţ wĕʻad֙ hayá֣̇m háֽʼaẖàrò֔wn yihĕye֖h gĕ̇bulĕkeֽm׃

25
לֹא־יִתְיַצֵּ֥ב אִ֖ישׁ בִּפְנֵיכֶ֑ם פַּחְדְּכֶ֨ם וּמֹֽורַאֲכֶ֜ם יִתֵּ֣ן׀ יְהוָ֣ה אֱלֹֽהֵיכֶ֗ם עַל־פְּנֵ֤י כָל־הָאָ֨רֶץ֙ אֲשֶׁ֣ר תִּדְרְכוּ־בָ֔הּ כַּאֲשֶׁ֖ר דִּבֶּ֥ר לָכֶֽם׃ ס

lòʼ־yiţĕyaẕé֥̇b ʼi֖yş̌ bi̇pĕnéyke֑m pȧẖĕdĕ̇ke֨m ẇmòֽwraʼàke֜m yiţé֣̇n׀ yĕhwá֣h ʼèlòֽhéyke֗m ʻal־pĕ̇né֤y kál־háʼá֨reẕ֙ ʼàşě֣r ţi̇dĕrĕkẇ־bá֔ḣ kȧʼàşě֖r di̇bė֥r lákeֽm׃ s

26
רְאֵ֗ה אָנֹכִ֛י נֹתֵ֥ן לִפְנֵיכֶ֖ם הַיֹּ֑ום בְּרָכָ֖ה וּקְלָלָֽה׃

rĕʼé֗h ʼánòki֛y nòţé֥n lipĕnéyke֖m hayò֑̇wm bĕ̇ráká֖h ẇqĕláláֽh׃

27
אֶֽת־הַבְּרָכָ֑ה אֲשֶׁ֣ר תִּשְׁמְע֗וּ אֶל־מִצְוֹת֙ יְהוָ֣ה אֱלֹֽהֵיכֶ֔ם אֲשֶׁ֧ר אָנֹכִ֛י מְצַוֶּ֥ה אֶתְכֶ֖ם הַיֹּֽום׃

ʼeֽţ־habĕ̇ráká֑h ʼàşě֣r ţi̇şĕ̌mĕʻ֗ẇ ʼel־miẕĕwòţ֙ yĕhwá֣h ʼèlòֽhéyke֔m ʼàşě֧r ʼánòki֛y mĕẕawė֥h ʼeţĕke֖m hayòֽ̇wm׃

28
וְהַקְּלָלָ֗ה אִם־לֹ֤א תִשְׁמְעוּ֙ אֶל־מִצְוֹת֙ יְהוָ֣ה אֱלֹֽהֵיכֶ֔ם וְסַרְתֶּ֣ם מִן־הַדֶּ֔רֶךְ אֲשֶׁ֧ר אָנֹכִ֛י מְצַוֶּ֥ה אֶתְכֶ֖ם הַיֹּ֑ום לָלֶ֗כֶת אַחֲרֵ֛י אֱלֹהִ֥ים אֲחֵרִ֖ים אֲשֶׁ֥ר לֹֽא־יְדַעְתֶּֽם׃ ס

wĕhaqĕ̇lálá֗h ʼim־lò֤ʼ ţişĕ̌mĕʻẇ֙ ʼel־miẕĕwòţ֙ yĕhwá֣h ʼèlòֽhéyke֔m wĕsarĕţė֣m min־hadė֔rekĕ ʼàşě֧r ʼánòki֛y mĕẕawė֥h ʼeţĕke֖m hayò֑̇wm lále֗keţ ʼaẖàré֛y ʼèlòhi֥ym ʼàẖéri֖ym ʼàşě֥r lòֽʼ־yĕdaʻĕţėֽm׃ s

29
וְהָיָ֗ה כִּ֤י יְבִֽיאֲךָ֙ יְהוָ֣ה אֱלֹהֶ֔יךָ אֶל־הָאָ֕רֶץ אֲשֶׁר־אַתָּ֥ה בָא־שָׁ֖מָּה לְרִשְׁתָּ֑הּ וְנָתַתָּ֤ה אֶת־הַבְּרָכָה֙ עַל־הַ֣ר גְּרִזִ֔ים וְאֶת־הַקְּלָלָ֖ה עַל־הַ֥ר עֵיבָֽל׃

wĕháyá֗h ki֤̇y yĕbiֽyʼàká֙ yĕhwá֣h ʼèlòhe֔yká ʼel־háʼá֕reẕ ʼàşěr־ʼaţá֥̇h báʼ־şá֖̌má̇h lĕrişĕ̌ţá֑̇ḣ wĕnáţaţá֤̇h ʼeţ־habĕ̇rákáh֙ ʻal־ha֣r gĕ̇rizi֔ym wĕʼeţ־haqĕ̇lálá֖h ʻal־ha֥r ʻéybáֽl׃

30
הֲלֹא־הֵ֜מָּה בְּעֵ֣בֶר הַיַּרְדֵּ֗ן אַֽחֲרֵי֙ דֶּ֚רֶךְ מְבֹ֣וא הַשֶּׁ֔מֶשׁ בְּאֶ֨רֶץ֙ הַֽכְּנַעֲנִ֔י הַיֹּשֵׁ֖ב בָּעֲרָבָ֑ה מ֚וּל הַגִּלְגָּ֔ל אֵ֖צֶל אֵלֹונֵ֥י מֹרֶֽה׃

hàlòʼ־hé֜má̇h bĕ̇ʻé֣ber hayȧrĕdé̇֗n ʼaֽẖàréy֙ dė֚rekĕ mĕbò֣wʼ haşė̌֔meş̌ bĕ̇ʼe֨reẕ֙ haֽkĕ̇naʻàni֔y hayò̇şé֖̌b bá̇ʻàrábá֑h m֚ẇl hagi̇lĕgá̇֔l ʼé֖ẕel ʼélòwné֥y mòreֽh׃

31
כִּ֤י אַתֶּם֙ עֹבְרִ֣ים אֶת־הַיַּרְדֵּ֔ן לָבֹא֙ לָרֶ֣שֶׁת אֶת־הָאָ֔רֶץ אֲשֶׁר־יְהוָ֥ה אֱלֹהֵיכֶ֖ם נֹתֵ֣ן לָכֶ֑ם וִֽירִשְׁתֶּ֥ם אֹתָ֖הּ וִֽישַׁבְתֶּם־בָּֽהּ׃

ki֤̇y ʼaţėm֙ ʻòbĕri֣ym ʼeţ־hayȧrĕdé̇֔n lábòʼ֙ láre֣şěţ ʼeţ־háʼá֔reẕ ʼàşěr־yĕhwá֥h ʼèlòhéyke֖m nòţé֣n láke֑m wiֽyrişĕ̌ţė֥m ʼòţá֖ḣ wiֽyşǎbĕţėm־báֽ̇ḣ׃

32
וּשְׁמַרְתֶּ֣ם לַעֲשֹׂ֔ות אֵ֥ת כָּל־הַֽחֻקִּ֖ים וְאֶת־הַמִּשְׁפָּטִ֑ים אֲשֶׁ֧ר אָנֹכִ֛י נֹתֵ֥ן לִפְנֵיכֶ֖ם הַיֹּֽום׃

ẇşĕ̌marĕţė֣m laʻàşò̂֔wţ ʼé֥ţ ká̇l־haֽẖuqi֖̇ym wĕʼeţ־hami̇şĕ̌pá̇ti֑ym ʼàşě֧r ʼánòki֛y nòţé֥n lipĕnéyke֖m hayòֽ̇wm׃