Bibles in ancient languages
Ancient translations
Modern translations

Biblia Hebraica Stuttgartiensia Deuteronomy 14

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
בָּנִ֣ים אַתֶּ֔ם לַֽיהוָ֖ה אֱלֹהֵיכֶ֑ם לֹ֣א תִתְגֹּֽדְד֗וּ וְלֹֽא־תָשִׂ֧ימוּ קָרְחָ֛ה בֵּ֥ין עֵינֵיכֶ֖ם לָמֵֽת׃

bá̇ni֣ym ʼaţė֔m laֽyhwá֖h ʼèlòhéyke֑m lò֣ʼ ţiţĕgòֽ̇dĕd֗ẇ wĕlòֽʼ־ţáşî֧ymẇ qárĕẖá֛h bé֥̇yn ʻéynéyke֖m láméֽţ׃

2
כִּ֣י עַ֤ם קָדֹושׁ֙ אַתָּ֔ה לַיהוָ֖ה אֱלֹהֶ֑יךָ וּבְךָ֞ בָּחַ֣ר יְהוָ֗ה לִֽהְיֹ֥ות לֹו֙ לְעַ֣ם סְגֻלָּ֔ה מִכֹּל֙ הָֽעַמִּ֔ים אֲשֶׁ֖ר עַל־פְּנֵ֥י הָאֲדָמָֽה׃ ס

ki֣̇y ʻa֤m qádòwş̌֙ ʼaţá̇֔h layhwá֖h ʼèlòhe֑yká ẇbĕká֞ bá̇ẖa֣r yĕhwá֗h liֽhĕyò֥wţ lòw֙ lĕʻa֣m sĕgulá̇֔h mikò̇l֙ háֽʻami̇֔ym ʼàşě֖r ʻal־pĕ̇né֥y háʼàdámáֽh׃ s

3
לֹ֥א תֹאכַ֖ל כָּל־תֹּועֵבָֽה׃

lò֥ʼ ţòʼka֖l ká̇l־ţò̇wʻébáֽh׃

4
זֹ֥את הַבְּהֵמָ֖ה אֲשֶׁ֣ר תֹּאכֵ֑לוּ שֹׁ֕ור שֵׂ֥ה כְשָׂבִ֖ים וְשֵׂ֥ה עִזִּֽים׃

zò֥ʼţ habĕ̇hémá֖h ʼàşě֣r ţò̇ʼké֑lẇ şò̌֕wr şé֥̂h kĕşá̂bi֖ym wĕşé֥̂h ʻiziֽ̇ym׃

5
אַיָּ֥ל וּצְבִ֖י וְיַחְמ֑וּר וְאַקֹּ֥ו וְדִישֹׁ֖ן וּתְאֹ֥ו וָזָֽמֶר׃

ʼayá֥̇l ẇẕĕbi֖y wĕyaẖĕm֑ẇr wĕʼaqò֥̇w wĕdiyşò֖̌n ẇţĕʼò֥w wázáֽmer׃

6
וְכָל־בְּהֵמָ֞ה מַפְרֶ֣סֶת פַּרְסָ֗ה וְשֹׁסַ֤עַת שֶׁ֨סַע֙ שְׁתֵּ֣י פְרָסֹ֔ות מַעֲלַ֥ת גֵּרָ֖ה בַּבְּהֵמָ֑ה אֹתָ֖הּ תֹּאכֵֽלוּ׃

wĕkál־bĕ̇hémá֞h mapĕre֣seţ pȧrĕsá֗h wĕşò̌sa֤ʻaţ şě֨saʻ֙ şĕ̌ţé֣̇y pĕrásò֔wţ maʻàla֥ţ gé̇rá֖h bȧbĕ̇hémá֑h ʼòţá֖ḣ ţò̇ʼkéֽlẇ׃

7
אַ֣ךְ אֶת־זֶ֞ה לֹ֤א תֹֽאכְלוּ֙ מִמַּֽעֲלֵ֣י הַגֵּרָ֔ה וּמִמַּפְרִיסֵ֥י הַפַּרְסָ֖ה הַשְּׁסוּעָ֑ה אֶֽת־הַ֠גָּמָל וְאֶת־הָאַרְנֶ֨בֶת וְאֶת־הַשָּׁפָ֜ן כִּֽי־מַעֲלֵ֧ה גֵרָ֣ה הֵ֗מָּה וּפַרְסָה֙ לֹ֣א הִפְרִ֔יסוּ טְמֵאִ֥ים הֵ֖ם לָכֶֽם׃

ʼa֣kĕ ʼeţ־ze֞h lò֤ʼ ţòֽʼkĕlẇ֙ mimȧֽʻàlé֣y hagé̇rá֔h ẇmimȧpĕriysé֥y hapȧrĕsá֖h haşĕ̇̌sẇʻá֑h ʼeֽţ־ha֠gá̇mál wĕʼeţ־háʼarĕne֨beţ wĕʼeţ־haşá̇̌pá֜n kiֽ̇y־maʻàlé֧h gérá֣h hé֗má̇h ẇparĕsáh֙ lò֣ʼ hipĕri֔ysẇ tĕméʼi֥ym hé֖m lákeֽm׃

8
וְאֶת־הַ֠חֲזִיר כִּֽי־מַפְרִ֨יס פַּרְסָ֥ה הוּא֙ וְלֹ֣א גֵרָ֔ה טָמֵ֥א ה֖וּא לָכֶ֑ם מִבְּשָׂרָם֙ לֹ֣א תֹאכֵ֔לוּ וּבְנִבְלָתָ֖ם לֹ֥א תִגָּֽעוּ׃ ס

wĕʼeţ־ha֠ẖàziyr kiֽ̇y־mapĕri֨ys pȧrĕsá֥h hẇʼ֙ wĕlò֣ʼ gérá֔h támé֥ʼ h֖ẇʼ láke֑m mibĕ̇şá̂rám֙ lò֣ʼ ţòʼké֔lẇ ẇbĕnibĕláţá֖m lò֥ʼ ţigáֽ̇ʻẇ׃ s

9
אֶת־זֶה֙ תֹּֽאכְל֔וּ מִכֹּ֖ל אֲשֶׁ֣ר בַּמָּ֑יִם כֹּ֧ל אֲשֶׁר־לֹ֛ו סְנַפִּ֥יר וְקַשְׂקֶ֖שֶׂת תֹּאכֵֽלוּ׃

ʼeţ־zeh֙ ţòֽ̇ʼkĕl֔ẇ mikò֖̇l ʼàşě֣r bȧmá֑̇yim kò֧̇l ʼàşěr־lò֛w sĕnapi֥̇yr wĕqaşĕ̂qe֖şêţ ţò̇ʼkéֽlẇ׃

10
וְכֹ֨ל אֲשֶׁ֧ר אֵֽין־לֹ֛ו סְנַפִּ֥יר וְקַשְׂקֶ֖שֶׂת לֹ֣א תֹאכֵ֑לוּ טָמֵ֥א ה֖וּא לָכֶֽם׃ ס

wĕkò֨l ʼàşě֧r ʼéֽyn־lò֛w sĕnapi֥̇yr wĕqaşĕ̂qe֖şêţ lò֣ʼ ţòʼké֑lẇ támé֥ʼ h֖ẇʼ lákeֽm׃ s

11
כָּל־צִפֹּ֥ור טְהֹרָ֖ה תֹּאכֵֽלוּ׃

ká̇l־ẕipò֥̇wr tĕhòrá֖h ţò̇ʼkéֽlẇ׃

12
וְזֶ֕ה אֲשֶׁ֥ר לֹֽא־תֹאכְל֖וּ מֵהֶ֑ם הַנֶּ֥שֶׁר וְהַפֶּ֖רֶס וְהָֽעָזְנִיָּֽה׃

wĕze֕h ʼàşě֥r lòֽʼ־ţòʼkĕl֖ẇ méhe֑m hanė֥şěr wĕhapė֖res wĕháֽʻázĕniyáֽ̇h׃

13
וְהָרָאָה֙ וְאֶת־הָ֣אַיָּ֔ה וְהַדַּיָּ֖ה לְמִינָֽהּ׃

wĕháráʼáh֙ wĕʼeţ־há֣ʼayá̇֔h wĕhadȧyá֖̇h lĕmiynáֽḣ׃

14
וְאֵ֥ת כָּל־עֹרֵ֖ב לְמִינֹֽו׃

wĕʼé֥ţ ká̇l־ʻòré֖b lĕmiynòֽw׃

15
וְאֵת֙ בַּ֣ת הַֽיַּעֲנָ֔ה וְאֶת־הַתַּחְמָ֖ס וְאֶת־הַשָּׁ֑חַף וְאֶת־הַנֵּ֖ץ לְמִינֵֽהוּ׃

wĕʼéţ֙ bȧ֣ţ haֽyȧʻàná֔h wĕʼeţ־haţȧẖĕmá֖s wĕʼeţ־haşá֑̇̌ẖap wĕʼeţ־hané֖̇ẕ lĕmiynéֽhẇ׃

16
אֶת־הַכֹּ֥וס וְאֶת־הַיַּנְשׁ֖וּף וְהַתִּנְשָֽׁמֶת׃

ʼeţ־hakò֥̇ws wĕʼeţ־hayȧnĕş֖̌ẇp wĕhaţi̇nĕşáֽ̌meţ׃

17
וְהַקָּאָ֥ת וְאֶֽת־הָרָחָ֖מָה וְאֶת־הַשָּׁלָֽךְ׃

wĕhaqá̇ʼá֥ţ wĕʼeֽţ־háráẖá֖máh wĕʼeţ־haşá̇̌láֽkĕ׃

18
וְהַ֣חֲסִידָ֔ה וְהָאֲנָפָ֖ה לְמִינָ֑הּ וְהַדּוּכִיפַ֖ת וְהָעֲטַלֵּֽף׃

wĕha֣ẖàsiydá֔h wĕháʼànápá֖h lĕmiyná֑ḣ wĕhaḋẇkiypa֖ţ wĕháʻàtaléֽ̇p׃

19
וְכֹל֙ שֶׁ֣רֶץ הָעֹ֔וף טָמֵ֥א ה֖וּא לָכֶ֑ם לֹ֖א יֵאָכֵֽלוּ׃

wĕkòl֙ şě֣reẕ háʻò֔wp támé֥ʼ h֖ẇʼ láke֑m lò֖ʼ yéʼákéֽlẇ׃

20
כָּל־עֹ֥וף טָהֹ֖ור תֹּאכֵֽלוּ׃

ká̇l־ʻò֥wp táhò֖wr ţò̇ʼkéֽlẇ׃

21
לֹ֣א תֹאכְל֣וּ כָל־נְ֠בֵלָה לַגֵּ֨ר אֲשֶׁר־בִּשְׁעָרֶ֜יךָ תִּתְּנֶ֣נָּה וַאֲכָלָ֗הּ אֹ֤ו מָכֹר֙ לְנָכְרִ֔י כִּ֣י עַ֤ם קָדֹושׁ֙ אַתָּ֔ה לַיהוָ֖ה אֱלֹהֶ֑יךָ לֹֽא־תְבַשֵּׁ֥ל גְּדִ֖י בַּחֲלֵ֥ב אִמֹּֽו׃ פ

lò֣ʼ ţòʼkĕl֣ẇ kál־nĕ֠béláh lagé̇֨r ʼàşěr־bi̇şĕ̌ʻáre֜yká ţi̇ţĕ̇ne֣ná̇h waʼàkálá֗ḣ ʼò֤w mákòr֙ lĕnákĕri֔y ki֣̇y ʻa֤m qádòwş̌֙ ʼaţá̇֔h layhwá֖h ʼèlòhe֑yká lòֽʼ־ţĕbaşé֥̇̌l gĕ̇di֖y bȧẖàlé֥b ʼimòֽ̇w׃ p

22
עַשֵּׂ֣ר תְּעַשֵּׂ֔ר אֵ֖ת כָּל־תְּבוּאַ֣ת זַרְעֶ֑ךָ הַיֹּצֵ֥א הַשָּׂדֶ֖ה שָׁנָ֥ה שָׁנָֽה׃

ʻaşé֣̇̂r ţĕ̇ʻaşé̇̂֔r ʼé֖ţ ká̇l־ţĕ̇bẇʼa֣ţ zarĕʻe֑ká hayò̇ẕé֥ʼ haşá̇̂de֖h şá̌ná֥h şá̌náֽh׃

23
וְאָכַלְתָּ֞ לִפְנֵ֣י׀ יְהוָ֣ה אֱלֹהֶ֗יךָ בַּמָּקֹ֣ום אֲשֶׁר־יִבְחַר֮ לְשַׁכֵּ֣ן שְׁמֹ֣ו שָׁם֒ מַעְשַׂ֤ר דְּגָֽנְךָ֙ תִּֽירֹשְׁךָ֣ וְיִצְהָרֶ֔ךָ וּבְכֹרֹ֥ת בְּקָרְךָ֖ וְצֹאנֶ֑ךָ לְמַ֣עַן תִּלְמַ֗ד לְיִרְאָ֛ה אֶת־יְהוָ֥ה אֱלֹהֶ֖יךָ כָּל־הַיָּמִֽים׃

wĕʼákalĕţá̇֞ lipĕné֣y׀ yĕhwá֣h ʼèlòhe֗yká bȧmá̇qò֣wm ʼàşěr־yibĕẖar֮ lĕşǎké֣̇n şĕ̌mò֣w şá̌m֒ maʻĕşâ֤r dĕ̇gáֽnĕká֙ ţiֽ̇yròşĕ̌ká֣ wĕyiẕĕháre֔ká ẇbĕkòrò֥ţ bĕ̇qárĕká֖ wĕẕòʼne֑ká lĕma֣ʻan ţi̇lĕma֗d lĕyirĕʼá֛h ʼeţ־yĕhwá֥h ʼèlòhe֖yká ká̇l־hayá̇miֽym׃

24
וְכִֽי־יִרְבֶּ֨ה מִמְּךָ֜ הַדֶּ֗רֶךְ כִּ֣י לֹ֣א תוּכַל֮ שְׂאֵתֹו֒ כִּֽי־יִרְחַ֤ק מִמְּךָ֙ הַמָּקֹ֔ום אֲשֶׁ֤ר יִבְחַר֙ יְהוָ֣ה אֱלֹהֶ֔יךָ לָשׂ֥וּם שְׁמֹ֖ו שָׁ֑ם כִּ֥י יְבָרֶכְךָ֖ יְהוָ֥ה אֱלֹהֶֽיךָ׃

wĕkiֽy־yirĕbė֨h mimĕ̇ká֜ hadė֗rekĕ ki֣̇y lò֣ʼ ţẇkal֮ şĕ̂ʼéţòw֒ kiֽ̇y־yirĕẖa֤q mimĕ̇ká֙ hamá̇qò֔wm ʼàşě֤r yibĕẖar֙ yĕhwá֣h ʼèlòhe֔yká láş֥̂ẇm şĕ̌mò֖w şá֑̌m ki֥̇y yĕbárekĕká֖ yĕhwá֥h ʼèlòheֽyká׃

25
וְנָתַתָּ֖ה בַּכָּ֑סֶף וְצַרְתָּ֤ הַכֶּ֨סֶף֙ בְּיָ֣דְךָ֔ וְהָֽלַכְתָּ֙ אֶל־הַמָּקֹ֔ום אֲשֶׁ֥ר יִבְחַ֛ר יְהוָ֥ה אֱלֹהֶ֖יךָ בֹּֽו׃

wĕnáţaţá֖̇h bȧká֑̇sep wĕẕarĕţá֤̇ hakė֨sep֙ bĕ̇yá֣dĕká֔ wĕháֽlakĕţá̇֙ ʼel־hamá̇qò֔wm ʼàşě֥r yibĕẖa֛r yĕhwá֥h ʼèlòhe֖yká bòֽ̇w׃

26
וְנָתַתָּ֣ה הַכֶּ֡סֶף בְּכֹל֩ אֲשֶׁר־תְּאַוֶּ֨ה נַפְשְׁךָ֜ בַּבָּקָ֣ר וּבַצֹּ֗אן וּבַיַּ֨יִן֙ וּבַשֵּׁכָ֔ר וּבְכֹ֛ל אֲשֶׁ֥ר תִּֽשְׁאָלְךָ֖ נַפְשֶׁ֑ךָ וְאָכַ֣לְתָּ שָּׁ֗ם לִפְנֵי֙ יְהוָ֣ה אֱלֹהֶ֔יךָ וְשָׂמַחְתָּ֖ אַתָּ֥ה וּבֵיתֶֽךָ׃

wĕnáţaţá֣̇h hakė֡sep bĕ̇kòl֩ ʼàşěr־ţĕ̇ʼawė֨h napĕşĕ̌ká֜ bȧbá̇qá֣r ẇbaẕò̇֗ʼn ẇbayȧ֨yin֙ ẇbaşé̇̌ká֔r ẇbĕkò֛l ʼàşě֥r ţiֽ̇şĕ̌ʼálĕká֖ napĕşě֑ká wĕʼáka֣lĕţá̇ şá̇̌֗m lipĕnéy֙ yĕhwá֣h ʼèlòhe֔yká wĕşá̂maẖĕţá֖̇ ʼaţá֥̇h ẇbéyţeֽká׃

27
וְהַלֵּוִ֥י אֲשֶׁר־בִּשְׁעָרֶ֖יךָ לֹ֣א תַֽעַזְבֶ֑נּוּ כִּ֣י אֵ֥ין לֹ֛ו חֵ֥לֶק וְנַחֲלָ֖ה עִמָּֽךְ׃ ס

wĕhalé̇wi֥y ʼàşěr־bi̇şĕ̌ʻáre֖yká lò֣ʼ ţaֽʻazĕbe֑ṅẇ ki֣̇y ʼé֥yn lò֛w ẖé֥leq wĕnaẖàlá֖h ʻimáֽ̇kĕ׃ s

28
מִקְצֵ֣ה׀ שָׁלֹ֣שׁ שָׁנִ֗ים תֹּוצִיא֙ אֶת־כָּל־מַעְשַׂר֙ תְּבוּאָ֣תְךָ֔ בַּשָּׁנָ֖ה הַהִ֑וא וְהִנַּחְתָּ֖ בִּשְׁעָרֶֽיךָ׃

miqĕẕé֣h׀ şá̌lò֣ş̌ şá̌ni֗ym ţò̇wẕiyʼ֙ ʼeţ־ká̇l־maʻĕşâr֙ ţĕ̇bẇʼá֣ţĕká֔ bȧşá̇̌ná֖h hahi֑wʼ wĕhinȧẖĕţá֖̇ bi̇şĕ̌ʻáreֽyká׃

29
וּבָ֣א הַלֵּוִ֡י כִּ֣י אֵֽין־לֹו֩ חֵ֨לֶק וְנַחֲלָ֜ה עִמָּ֗ךְ וְ֠הַגֵּר וְהַיָּתֹ֤ום וְהָֽאַלְמָנָה֙ אֲשֶׁ֣ר בִּשְׁעָרֶ֔יךָ וְאָכְל֖וּ וְשָׂבֵ֑עוּ לְמַ֤עַן יְבָרֶכְךָ֙ יְהוָ֣ה אֱלֹהֶ֔יךָ בְּכָל־מַעֲשֵׂ֥ה יָדְךָ֖ אֲשֶׁ֥ר תַּעֲשֶֽׂה׃ ס

ẇbá֣ʼ halé̇wi֡y ki֣̇y ʼéֽyn־lòw֩ ẖé֨leq wĕnaẖàlá֜h ʻimá̇֗kĕ wĕ֠hagé̇r wĕhayá̇ţò֤wm wĕháֽʼalĕmánáh֙ ʼàşě֣r bi̇şĕ̌ʻáre֔yká wĕʼákĕl֖ẇ wĕşá̂bé֑ʻẇ lĕma֤ʻan yĕbárekĕká֙ yĕhwá֣h ʼèlòhe֔yká bĕ̇kál־maʻàşé֥̂h yádĕká֖ ʼàşě֥r ţȧʻàşêֽh׃ s