Bibles in ancient languages
Ancient translations
Modern translations

Biblia Hebraica Stuttgartiensia Deuteronomy 17

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
לֹא־תִזְבַּח֩ לַיהוָ֨ה אֱלֹהֶ֜יךָ שֹׁ֣ור וָשֶׂ֗ה אֲשֶׁ֨ר יִהְיֶ֥ה בֹו֙ מ֔וּם כֹּ֖ל דָּבָ֣ר רָ֑ע כִּ֧י תֹועֲבַ֛ת יְהוָ֥ה אֱלֹהֶ֖יךָ הֽוּא׃ ס

lòʼ־ţizĕbȧẖ֩ layhwá֨h ʼèlòhe֜yká şò֣̌wr wáşê֗h ʼàşě֨r yihĕye֥h bòw֙ m֔ẇm kò֖̇l dá̇bá֣r rá֑ʻ ki֧̇y ţòwʻàba֛ţ yĕhwá֥h ʼèlòhe֖yká hֽẇʼ׃ s

2
כִּֽי־יִמָּצֵ֤א בְקִרְבְּךָ֙ בְּאַחַ֣ד שְׁעָרֶ֔יךָ אֲשֶׁר־יְהוָ֥ה אֱלֹהֶ֖יךָ נֹתֵ֣ן לָ֑ךְ אִ֣ישׁ אֹו־אִשָּׁ֗ה אֲשֶׁ֨ר יַעֲשֶׂ֧ה אֶת־הָרַ֛ע בְּעֵינֵ֥י יְהוָֽה־אֱלֹהֶ֖יךָ לַעֲבֹ֥ר בְּרִיתֹֽו׃

kiֽ̇y־yimá̇ẕé֤ʼ bĕqirĕbĕ̇ká֙ bĕ̇ʼaẖa֣d şĕ̌ʻáre֔yká ʼàşěr־yĕhwá֥h ʼèlòhe֖yká nòţé֣n lá֑kĕ ʼi֣yş̌ ʼòw־ʼişá̇̌֗h ʼàşě֨r yaʻàşê֧h ʼeţ־hára֛ʻ bĕ̇ʻéyné֥y yĕhwáֽh־ʼèlòhe֖yká laʻàbò֥r bĕ̇riyţòֽw׃

3
וַיֵּ֗לֶךְ וַֽיַּעֲבֹד֙ אֱלֹהִ֣ים אֲחֵרִ֔ים וַיִּשְׁתַּ֖חוּ לָהֶ֑ם וְלַשֶּׁ֣מֶשׁ׀ אֹ֣ו לַיָּרֵ֗חַ אֹ֛ו לְכָל־צְבָ֥א הַשָּׁמַ֖יִם אֲשֶׁ֥ר לֹא־צִוִּֽיתִי׃

wayé̇֗lekĕ waֽyȧʻàbòd֙ ʼèlòhi֣ym ʼàẖéri֔ym wayi̇şĕ̌ţȧ֖ẖẇ láhe֑m wĕlaşė֣̌meş̌׀ ʼò֣w layá̇ré֗ẖa ʼò֛w lĕkál־ẕĕbá֥ʼ haşá̇̌ma֖yim ʼàşě֥r lòʼ־ẕiwiֽ̇yţiy׃

4
וְהֻֽגַּד־לְךָ֖ וְשָׁמָ֑עְתָּ וְדָרַשְׁתָּ֣ הֵיטֵ֔ב וְהִנֵּ֤ה אֱמֶת֙ נָכֹ֣ון הַדָּבָ֔ר נֶעֶשְׂתָ֛ה הַתֹּועֵבָ֥ה הַזֹּ֖את בְּיִשְׂרָאֵֽל׃

wĕhuֽgȧd־lĕká֖ wĕşá̌má֑ʻĕţá̇ wĕdáraşĕ̌ţá֣̇ héyté֔b wĕhiné֤̇h ʼèmeţ֙ nákò֣wn hadá̇bá֔r neʻeşĕ̂ţá֛h haţò̇wʻébá֥h hazò֖̇ʼţ bĕ̇yişĕ̂ráʼéֽl׃

5
וְהֹֽוצֵאתָ֣ אֶת־הָאִ֣ישׁ הַה֡וּא אֹו֩ אֶת־הָאִשָּׁ֨ה הַהִ֜וא אֲשֶׁ֣ר עָ֠שׂוּ אֶת־הַדָּבָ֨ר הָרָ֤ע הַזֶּה֙ אֶל־שְׁעָרֶ֔יךָ אֶת־הָאִ֕ישׁ אֹ֖ו אֶת־הָאִשָּׁ֑ה וּסְקַלְתָּ֥ם בָּאֲבָנִ֖ים וָמֵֽתוּ׃

wĕhòֽwẕéʼţá֣ ʼeţ־háʼi֣yş̌ hah֡ẇʼ ʼòw֩ ʼeţ־háʼişá̇̌֨h hahi֜wʼ ʼàşě֣r ʻá֠ş̂ẇ ʼeţ־hadá̇bá֨r hárá֤ʻ hazėh֙ ʼel־şĕ̌ʻáre֔yká ʼeţ־háʼi֕yş̌ ʼò֖w ʼeţ־háʼişá֑̇̌h ẇsĕqalĕţá֥̇m bá̇ʼàbáni֖ym wáméֽţẇ׃

6
עַל־פִּ֣י׀ שְׁנַ֣יִם עֵדִ֗ים אֹ֛ו שְׁלֹשָׁ֥ה עֵדִ֖ים יוּמַ֣ת הַמֵּ֑ת לֹ֣א יוּמַ֔ת עַל־פִּ֖י עֵ֥ד אֶחָֽד׃

ʻal־pi֣̇y׀ şĕ̌na֣yim ʻédi֗ym ʼò֛w şĕ̌lòşá֥̌h ʻédi֖ym yẇma֣ţ hamé֑̇ţ lò֣ʼ yẇma֔ţ ʻal־pi֖̇y ʻé֥d ʼeẖáֽd׃

7
יַ֣ד הָעֵדִ֞ים תִּֽהְיֶה־בֹּ֤ו בָרִאשֹׁנָה֙ לַהֲמִיתֹ֔ו וְיַ֥ד כָּל־הָעָ֖ם בָּאַחֲרֹנָ֑ה וּבִֽעַרְתָּ֥ הָרָ֖ע מִקִּרְבֶּֽךָ׃ פ

ya֣d háʻédi֞ym ţiֽ̇hĕyeh־bò֤̇w báriʼşò̌náh֙ lahàmiyţò֔w wĕya֥d ká̇l־háʻá֖m bá̇ʼaẖàròná֑h ẇbiֽʻarĕţá֥̇ hárá֖ʻ miqi̇rĕbėֽká׃ p

8
כִּ֣י יִפָּלֵא֩ מִמְּךָ֙ דָבָ֜ר לַמִּשְׁפָּ֗ט בֵּֽין־דָּ֨ם׀ לְדָ֜ם בֵּֽין־דִּ֣ין לְדִ֗ין וּבֵ֥ין נֶ֨גַע֙ לָנֶ֔גַע דִּבְרֵ֥י רִיבֹ֖ת בִּשְׁעָרֶ֑יךָ וְקַמְתָּ֣ וְעָלִ֔יתָ אֶל־הַמָּקֹ֔ום אֲשֶׁ֥ר יִבְחַ֛ר יְהוָ֥ה אֱלֹהֶ֖יךָ בֹּֽו׃

ki֣̇y yipá̇léʼ֩ mimĕ̇ká֙ dábá֜r lami̇şĕ̌pá̇֗t béֽ̇yn־dá̇֨m׀ lĕdá֜m béֽ̇yn־di֣̇yn lĕdi֗yn ẇbé֥yn ne֨gaʻ֙ láne֔gaʻ di̇bĕré֥y riybò֖ţ bi̇şĕ̌ʻáre֑yká wĕqamĕţá֣̇ wĕʻáli֔yţá ʼel־hamá̇qò֔wm ʼàşě֥r yibĕẖa֛r yĕhwá֥h ʼèlòhe֖yká bòֽ̇w׃

9
וּבָאתָ֗ אֶל־הַכֹּהֲנִים֙ הַלְוִיִּ֔ם וְאֶל־הַשֹּׁפֵ֔ט אֲשֶׁ֥ר יִהְיֶ֖ה בַּיָּמִ֣ים הָהֵ֑ם וְדָרַשְׁתָּ֙ וְהִגִּ֣ידוּ לְךָ֔ אֵ֖ת דְּבַ֥ר הַמִּשְׁפָּֽט׃

ẇbáʼţá֗ ʼel־hakò̇hàniym֙ halĕwiyi̇֔m wĕʼel־haşò̇̌pé֔t ʼàşě֥r yihĕye֖h bȧyá̇mi֣ym háhé֑m wĕdáraşĕ̌ţá̇֙ wĕhigi֣̇ydẇ lĕká֔ ʼé֖ţ dĕ̇ba֥r hami̇şĕ̌páֽ̇t׃

10
וְעָשִׂ֗יתָ עַל־פִּ֤י הַדָּבָר֙ אֲשֶׁ֣ר יַגִּ֣ידֽוּ לְךָ֔ מִן־הַמָּקֹ֣ום הַה֔וּא אֲשֶׁ֖ר יִבְחַ֣ר יְהוָ֑ה וְשָׁמַרְתָּ֣ לַעֲשֹׂ֔ות כְּכֹ֖ל אֲשֶׁ֥ר יֹורֽוּךָ׃

wĕʻáşî֗yţá ʻal־pi֤̇y hadá̇bár֙ ʼàşě֣r yagi֣̇ydֽẇ lĕká֔ min־hamá̇qò֣wm hah֔ẇʼ ʼàşě֖r yibĕẖa֣r yĕhwá֑h wĕşá̌marĕţá֣̇ laʻàşò̂֔wţ kĕ̇kò֖l ʼàşě֥r yòwrֽẇká׃

11
עַל־פִּ֨י הַתֹּורָ֜ה אֲשֶׁ֣ר יֹור֗וּךָ וְעַל־הַמִּשְׁפָּ֛ט אֲשֶׁר־יֹאמְר֥וּ לְךָ֖ תַּעֲשֶׂ֑ה לֹ֣א תָס֗וּר מִן־הַדָּבָ֛ר אֲשֶׁר־יַגִּ֥ידֽוּ לְךָ֖ יָמִ֥ין וּשְׂמֹֽאל׃

ʻal־pi̇֨y haţò̇wrá֜h ʼàşě֣r yòwr֗ẇká wĕʻal־hami̇şĕ̌pá֛̇t ʼàşěr־yòʼmĕr֥ẇ lĕká֖ ţȧʻàşê֑h lò֣ʼ ţás֗ẇr min־hadá̇bá֛r ʼàşěr־yagi֥̇ydֽẇ lĕká֖ yámi֥yn ẇşĕ̂mòֽʼl׃

12
וְהָאִ֞ישׁ אֲשֶׁר־יַעֲשֶׂ֣ה בְזָדֹ֗ון לְבִלְתִּ֨י שְׁמֹ֤עַ אֶל־הַכֹּהֵן֙ הָעֹמֵ֞ד לְשָׁ֤רֶת שָׁם֙ אֶת־יְהוָ֣ה אֱלֹהֶ֔יךָ אֹ֖ו אֶל־הַשֹּׁפֵ֑ט וּמֵת֙ הָאִ֣ישׁ הַה֔וּא וּבִֽעַרְתָּ֥ הָרָ֖ע מִיִּשְׂרָאֵֽל׃

wĕháʼi֞yş̌ ʼàşěr־yaʻàşê֣h bĕzádò֗wn lĕbilĕţi̇֨y şĕ̌mò֤ʻa ʼel־hakò̇hén֙ háʻòmé֞d lĕşá֤̌reţ şá̌m֙ ʼeţ־yĕhwá֣h ʼèlòhe֔yká ʼò֖w ʼel־haşò̇̌pé֑t ẇméţ֙ háʼi֣yş̌ hah֔ẇʼ ẇbiֽʻarĕţá֥̇ hárá֖ʻ miyi̇şĕ̂ráʼéֽl׃

13
וְכָל־הָעָ֖ם יִשְׁמְע֣וּ וְיִרָ֑אוּ וְלֹ֥א יְזִיד֖וּן עֹֽוד׃ ס

wĕkál־háʻá֖m yişĕ̌mĕʻ֣ẇ wĕyirá֑ʼẇ wĕlò֥ʼ yĕziyd֖ẇn ʻòֽwd׃ s

14
כִּֽי־תָבֹ֣א אֶל־הָאָ֗רֶץ אֲשֶׁ֨ר יְהוָ֤ה אֱלֹהֶ֨יךָ֙ נֹתֵ֣ן לָ֔ךְ וִֽירִשְׁתָּ֖הּ וְיָשַׁ֣בְתָּה בָּ֑הּ וְאָמַרְתָּ֗ אָשִׂ֤ימָה עָלַי֙ מֶ֔לֶךְ כְּכָל־הַגֹּויִ֖ם אֲשֶׁ֥ר סְבִיבֹתָֽי׃

kiֽ̇y־ţábò֣ʼ ʼel־háʼá֗reẕ ʼàşě֨r yĕhwá֤h ʼèlòhe֨yká֙ nòţé֣n lá֔kĕ wiֽyrişĕ̌ţá֖̇ḣ wĕyáşǎ֣bĕţá̇h bá֑̇ḣ wĕʼámarĕţá̇֗ ʼáşî֤ymáh ʻálay֙ me֔lekĕ kĕ̇kál־hagò̇wyi֖m ʼàşě֥r sĕbiybòţáֽy׃

15
שֹׂ֣ום תָּשִׂ֤ים עָלֶ֨יךָ֙ מֶ֔לֶךְ אֲשֶׁ֥ר יִבְחַ֛ר יְהוָ֥ה אֱלֹהֶ֖יךָ בֹּ֑ו מִקֶּ֣רֶב אַחֶ֗יךָ תָּשִׂ֤ים עָלֶ֨יךָ֙ מֶ֔לֶךְ לֹ֣א תוּכַ֗ל לָתֵ֤ת עָלֶ֨יךָ֙ אִ֣ישׁ נָכְרִ֔י אֲשֶׁ֥ר לֹֽא־אָחִ֖יךָ הֽוּא׃

şò֣̂wm ţá̇şî֤ym ʻále֨yká֙ me֔lekĕ ʼàşě֥r yibĕẖa֛r yĕhwá֥h ʼèlòhe֖yká bò֑̇w miqė֣reb ʼaẖe֗yká ţá̇şî֤ym ʻále֨yká֙ me֔lekĕ lò֣ʼ ţẇka֗l láţé֤ţ ʻále֨yká֙ ʼi֣yş̌ nákĕri֔y ʼàşě֥r lòֽʼ־ʼáẖi֖yká hֽẇʼ׃

16
רַק֮ לֹא־יַרְבֶּה־לֹּ֣ו סוּסִים֒ וְלֹֽא־יָשִׁ֤יב אֶת־הָעָם֙ מִצְרַ֔יְמָה לְמַ֖עַן הַרְבֹּ֣ות ס֑וּס וַֽיהוָה֙ אָמַ֣ר לָכֶ֔ם לֹ֣א תֹסִפ֗וּן לָשׁ֛וּב בַּדֶּ֥רֶךְ הַזֶּ֖ה עֹֽוד׃

raq֮ lòʼ־yarĕbėh־lò֣̇w sẇsiym֒ wĕlòֽʼ־yáşǐ֤yb ʼeţ־háʻám֙ miẕĕra֔yĕmáh lĕma֖ʻan harĕbò֣̇wţ s֑ẇs waֽyhwáh֙ ʼáma֣r láke֔m lò֣ʼ ţòsip֗ẇn láş֛̌ẇb bȧdė֥rekĕ hazė֖h ʻòֽwd׃

17
וְלֹ֤א יַרְבֶּה־לֹּו֙ נָשִׁ֔ים וְלֹ֥א יָס֖וּר לְבָבֹ֑ו וְכֶ֣סֶף וְזָהָ֔ב לֹ֥א יַרְבֶּה־לֹּ֖ו מְאֹֽד׃

wĕlò֤ʼ yarĕbėh־lò̇w֙ náşǐ֔ym wĕlò֥ʼ yás֖ẇr lĕbábò֑w wĕke֣sep wĕzáhá֔b lò֥ʼ yarĕbėh־lò֖̇w mĕʼòֽd׃

18
וְהָיָ֣ה כְשִׁבְתֹּ֔ו עַ֖ל כִּסֵּ֣א מַמְלַכְתֹּ֑ו וְכָ֨תַב לֹ֜ו אֶת־מִשְׁנֵ֨ה הַתֹּורָ֤ה הַזֹּאת֙ עַל־סֵ֔פֶר מִלִּפְנֵ֥י הַכֹּהֲנִ֖ים הַלְוִיִּֽם׃

wĕháyá֣h kĕşǐbĕţò̇֔w ʻa֖l ki̇sé֣̇ʼ mamĕlakĕţò֑̇w wĕká֨ţab lò֜w ʼeţ־mişĕ̌né֨h haţò̇wrá֤h hazò̇ʼţ֙ ʻal־sé֔per mili̇pĕné֥y hakò̇hàni֖ym halĕwiyiֽ̇m׃

19
וְהָיְתָ֣ה עִמֹּ֔ו וְקָ֥רָא בֹ֖ו כָּל־יְמֵ֣י חַיָּ֑יו לְמַ֣עַן יִלְמַ֗ד לְיִרְאָה֙ אֶת־יְהוָ֣ה אֱלֹהָ֔יו לִ֠שְׁמֹר אֶֽת־כָּל־דִּבְרֵ֞י הַתֹּורָ֥ה הַזֹּ֛את וְאֶת־הַחֻקִּ֥ים הָאֵ֖לֶּה לַעֲשֹׂתָֽם׃

wĕháyĕţá֣h ʻimò̇֔w wĕqá֥ráʼ bò֖w ká̇l־yĕmé֣y ẖayá֑̇yw lĕma֣ʻan yilĕma֗d lĕyirĕʼáh֙ ʼeţ־yĕhwá֣h ʼèlòhá֔yw li֠şĕ̌mòr ʼeֽţ־ká̇l־di̇bĕré֞y haţò̇wrá֥h hazò֛̇ʼţ wĕʼeţ־haẖuqi֥̇ym háʼé֖lėh laʻàşò̂ţáֽm׃

20
לְבִלְתִּ֤י רוּם־לְבָבֹו֙ מֵֽאֶחָ֔יו וּלְבִלְתִּ֛י ס֥וּר מִן־הַמִּצְוָ֖ה יָמִ֣ין וּשְׂמֹ֑אול לְמַעַן֩ יַאֲרִ֨יךְ יָמִ֧ים עַל־מַמְלַכְתֹּ֛ו ה֥וּא וּבָנָ֖יו בְּקֶ֥רֶב יִשְׂרָאֵֽל׃ ס

lĕbilĕţi֤̇y rẇm־lĕbábòw֙ méֽʼeẖá֔yw ẇlĕbilĕţi֛̇y s֥ẇr min־hami̇ẕĕwá֖h yámi֣yn ẇşĕ̂mò֑ʼwl lĕmaʻan֩ yaʼàri֨ykĕ yámi֧ym ʻal־mamĕlakĕţò֛̇w h֥ẇʼ ẇbáná֖yw bĕ̇qe֥reb yişĕ̂ráʼéֽl׃ s