Bibles in ancient languages
Ancient translations
Modern translations

Biblia Hebraica Stuttgartiensia Deuteronomy 3

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַנֵּ֣פֶן וַנַּ֔עַל דֶּ֖רֶךְ הַבָּשָׁ֑ן וַיֵּצֵ֣א עֹוג֩ מֶֽלֶךְ־הַבָּשָׁ֨ן לִקְרָאתֵ֜נוּ ה֧וּא וְכָל־עַמֹּ֛ו לַמִּלְחָמָ֖ה אֶדְרֶֽעִי׃

wané֣̇pen wanȧ֔ʻal dė֖rekĕ habá̇şá֑̌n wayé̇ẕé֣ʼ ʻòwg֩ meֽlekĕ־habá̇şá̌֨n liqĕráʼţé֜nẇ h֧ẇʼ wĕkál־ʻamò֛̇w lami̇lĕẖámá֖h ʼedĕreֽʻiy׃

2
וַיֹּ֨אמֶר יְהוָ֤ה אֵלַי֙ אַל־תִּירָ֣א אֹתֹ֔ו כִּ֣י בְיָדְךָ֞ נָתַ֧תִּי אֹתֹ֛ו וְאֶת־כָּל־עַמֹּ֖ו וְאֶת־אַרְצֹ֑ו וְעָשִׂ֣יתָ לֹּ֔ו כַּאֲשֶׁ֣ר עָשִׂ֗יתָ לְסִיחֹן֙ מֶ֣לֶךְ הָֽאֱמֹרִ֔י אֲשֶׁ֥ר יֹושֵׁ֖ב בְּחֶשְׁבֹּֽון׃

wayò̇֨ʼmer yĕhwá֤h ʼélay֙ ʼal־ţi̇yrá֣ʼ ʼòţò֔w ki֣̇y bĕyádĕká֞ náţa֧ţi̇y ʼòţò֛w wĕʼeţ־ká̇l־ʻamò֖̇w wĕʼeţ־ʼarĕẕò֑w wĕʻáşî֣yţá lò̇֔w kȧʼàşě֣r ʻáşî֗yţá lĕsiyẖòn֙ me֣lekĕ háֽʼèmòri֔y ʼàşě֥r yòwşé֖̌b bĕ̇ẖeşĕ̌bòֽ̇wn׃

3
וַיִּתֵּן֩ יְהוָ֨ה אֱלֹהֵ֜ינוּ בְּיָדֵ֗נוּ גַּ֛ם אֶת־עֹ֥וג מֶֽלֶךְ־הַבָּשָׁ֖ן וְאֶת־כָּל־עַמֹּ֑ו וַנַּכֵּ֕הוּ עַד־בִּלְתִּ֥י הִשְׁאִֽיר־לֹ֖ו שָׂרִֽיד׃

wayi̇ţé̇n֩ yĕhwá֨h ʼèlòhé֜ynẇ bĕ̇yádé֗nẇ gȧ֛m ʼeţ־ʻò֥wg meֽlekĕ־habá̇şá֖̌n wĕʼeţ־ká̇l־ʻamò֑̇w wanȧké̇֕hẇ ʻad־bi̇lĕţi֥̇y hişĕ̌ʼiֽyr־lò֖w şá̂riֽyd׃

4
וַנִּלְכֹּ֤ד אֶת־כָּל־עָרָיו֙ בָּעֵ֣ת הַהִ֔וא לֹ֤א הָֽיְתָה֙ קִרְיָ֔ה אֲשֶׁ֥ר לֹא־לָקַ֖חְנוּ מֵֽאִתָּ֑ם שִׁשִּׁ֥ים עִיר֙ כָּל־חֶ֣בֶל אַרְגֹּ֔ב מַמְלֶ֥כֶת עֹ֖וג בַּבָּשָֽׁן׃

wani̇lĕkò֤̇d ʼeţ־ká̇l־ʻáráyw֙ bá̇ʻé֣ţ hahi֔wʼ lò֤ʼ háֽyĕţáh֙ qirĕyá֔h ʼàşě֥r lòʼ־láqa֖ẖĕnẇ méֽʼiţá֑̇m şǐşi֥̇̌ym ʻiyr֙ ká̇l־ẖe֣bel ʼarĕgò̇֔b mamĕle֥keţ ʻò֖wg bȧbá̇şáֽ̌n׃

5
כָּל־אֵ֜לֶּה עָרִ֧ים בְּצֻרֹ֛ות חֹומָ֥ה גְבֹהָ֖ה דְּלָתַ֣יִם וּבְרִ֑יחַ לְבַ֛ד מֵעָרֵ֥י הַפְּרָזִ֖י הַרְבֵּ֥ה מְאֹֽד׃

ká̇l־ʼé֜lėh ʻári֧ym bĕ̇ẕurò֛wţ ẖòwmá֥h gĕbòhá֖h dĕ̇láţa֣yim ẇbĕri֑yẖa lĕba֛d méʻáré֥y hapĕ̇rázi֖y harĕbé֥̇h mĕʼòֽd׃

6
וַנַּחֲרֵ֣ם אֹותָ֔ם כַּאֲשֶׁ֣ר עָשִׂ֔ינוּ לְסִיחֹ֖ן מֶ֣לֶךְ חֶשְׁבֹּ֑ון הַחֲרֵם֙ כָּל־עִ֣יר מְתִ֔ם הַנָּשִׁ֖ים וְהַטָּֽף׃

wanȧẖàré֣m ʼòwţá֔m kȧʼàşě֣r ʻáşî֔ynẇ lĕsiyẖò֖n me֣lekĕ ẖeşĕ̌bò֑̇wn haẖàrém֙ ká̇l־ʻi֣yr mĕţi֔m haná̇şǐ֖ym wĕhatáֽ̇p׃

7
וְכָל־הַבְּהֵמָ֛ה וּשְׁלַ֥ל הֶעָרִ֖ים בַּזֹּ֥ונוּ לָֽנוּ׃

wĕkál־habĕ̇hémá֛h ẇşĕ̌la֥l heʻári֖ym bȧzò֥̇wnẇ láֽnẇ׃

8
וַנִּקַּ֞ח בָּעֵ֤ת הַהִוא֙ אֶת־הָאָ֔רֶץ מִיַּ֗ד שְׁנֵי֙ מַלְכֵ֣י הָאֱמֹרִ֔י אֲשֶׁ֖ר בְּעֵ֣בֶר הַיַּרְדֵּ֑ן מִנַּ֥חַל אַרְנֹ֖ן עַד־הַ֥ר חֶרְמֹֽון׃

wani̇qȧ֞ẖ bá̇ʻé֤ţ hahiwʼ֙ ʼeţ־háʼá֔reẕ miyȧ֗d şĕ̌néy֙ malĕké֣y háʼèmòri֔y ʼàşě֖r bĕ̇ʻé֣ber hayȧrĕdé֑̇n minȧ֥ẖal ʼarĕnò֖n ʻad־ha֥r ẖerĕmòֽwn׃

9
צִידֹנִ֛ים יִקְרְא֥וּ לְחֶרְמֹ֖ון שִׂרְיֹ֑ן וְהָ֣אֱמֹרִ֔י יִקְרְאוּ־לֹ֖ו שְׂנִֽיר׃

ẕiydòni֛ym yiqĕrĕʼ֥ẇ lĕẖerĕmò֖wn şîrĕyò֑n wĕhá֣ʼèmòri֔y yiqĕrĕʼẇ־lò֖w şĕ̂niֽyr׃

10
כֹּ֣ל׀ עָרֵ֣י הַמִּישֹׁ֗ר וְכָל־הַגִּלְעָד֙ וְכָל־הַבָּשָׁ֔ן עַד־סַלְכָ֖ה וְאֶדְרֶ֑עִי עָרֵ֛י מַמְלֶ֥כֶת עֹ֖וג בַּבָּשָֽׁן׃

kò֣̇l׀ ʻáré֣y hami̇yşò̌֗r wĕkál־hagi̇lĕʻád֙ wĕkál־habá̇şá̌֔n ʻad־salĕká֖h wĕʼedĕre֑ʻiy ʻáré֛y mamĕle֥keţ ʻò֖wg bȧbá̇şáֽ̌n׃

11
כִּ֣י רַק־עֹ֞וג מֶ֣לֶךְ הַבָּשָׁ֗ן נִשְׁאַר֮ מִיֶּ֣תֶר הָרְפָאִים֒ הִנֵּ֤ה עַרְשֹׂו֙ עֶ֣רֶשׂ בַּרְזֶ֔ל הֲלֹ֣ה הִ֔וא בְּרַבַּ֖ת בְּנֵ֣י עַמֹּ֑ון תֵּ֧שַׁע אַמֹּ֣ות אָרְכָּ֗הּ וְאַרְבַּ֥ע אַמֹּ֛ות רָחְבָּ֖הּ בְּאַמַּת־אִֽישׁ׃

ki֣̇y raq־ʻò֞wg me֣lekĕ habá̇şá̌֗n nişĕ̌ʼar֮ miyė֣ţer hárĕpáʼiym֒ hiné֤̇h ʻarĕşò̂w֙ ʻe֣reş̂ bȧrĕze֔l hàlò֣h hi֔wʼ bĕ̇rabȧ֖ţ bĕ̇né֣y ʻamò֑̇wn ţé֧̇şǎʻ ʼamò֣̇wţ ʼárĕká̇֗ḣ wĕʼarĕbȧ֥ʻ ʼamò֛̇wţ ráẖĕbá֖̇ḣ bĕ̇ʼamȧţ־ʼiֽyş̌׃

12
וְאֶת־הָאָ֧רֶץ הַזֹּ֛את יָרַ֖שְׁנוּ בָּעֵ֣ת הַהִ֑וא מֵעֲרֹעֵ֞ר אֲשֶׁר־עַל־נַ֣חַל אַרְנֹ֗ן וַחֲצִ֤י הַֽר־הַגִּלְעָד֙ וְעָרָ֔יו נָתַ֕תִּי לָרֻֽאוּבֵנִ֖י וְלַגָּדִֽי׃

wĕʼeţ־háʼá֧reẕ hazò֛̇ʼţ yára֖şĕ̌nẇ bá̇ʻé֣ţ hahi֑wʼ méʻàròʻé֞r ʼàşěr־ʻal־na֣ẖal ʼarĕnò֗n waẖàẕi֤y haֽr־hagi̇lĕʻád֙ wĕʻárá֔yw náţa֕ţi̇y láruֽʼẇbéni֖y wĕlagá̇diֽy׃

13
וְיֶ֨תֶר הַגִּלְעָ֤ד וְכָל־הַבָּשָׁן֙ מַמְלֶ֣כֶת עֹ֔וג נָתַ֕תִּי לַחֲצִ֖י שֵׁ֣בֶט הַֽמְנַשֶּׁ֑ה כֹּ֣ל חֶ֤בֶל הָֽאַרְגֹּב֙ לְכָל־הַבָּשָׁ֔ן הַה֥וּא יִקָּרֵ֖א אֶ֥רֶץ רְפָאִֽים׃

wĕye֨ţer hagi̇lĕʻá֤d wĕkál־habá̇şá̌n֙ mamĕle֣keţ ʻò֔wg náţa֕ţi̇y laẖàẕi֖y şé֣̌bet haֽmĕnaşė֑̌h kò֣̇l ẖe֤bel háֽʼarĕgò̇b֙ lĕkál־habá̇şá̌֔n hah֥ẇʼ yiqá̇ré֖ʼ ʼe֥reẕ rĕpáʼiֽym׃

14
יָאִ֣יר בֶּן־מְנַשֶּׁ֗ה לָקַח֙ אֶת־כָּל־חֶ֣בֶל אַרְגֹּ֔ב עַד־גְּב֥וּל הַגְּשׁוּרִ֖י וְהַמַּֽעֲכָתִ֑י וַיִּקְרָא֩ אֹתָ֨ם עַל־שְׁמֹ֤ו אֶת־הַבָּשָׁן֙ חַוֹּ֣ת יָאִ֔יר עַ֖ד הַיֹּ֥ום הַזֶּֽה׃

yáʼi֣yr bėn־mĕnaşė̌֗h láqaẖ֙ ʼeţ־ká̇l־ẖe֣bel ʼarĕgò̇֔b ʻad־gĕ̇b֥ẇl hagĕ̇ş̌ẇri֖y wĕhamȧֽʻàkáţi֑y wayi̇qĕráʼ֩ ʼòţá֨m ʻal־şĕ̌mò֤w ʼeţ־habá̇şá̌n֙ ẖawò֣̇ţ yáʼi֔yr ʻa֖d hayò֥̇wm hazėֽh׃

15
וּלְמָכִ֖יר נָתַ֥תִּי אֶת־הַגִּלְעָֽד׃

ẇlĕmáki֖yr náţa֥ţi̇y ʼeţ־hagi̇lĕʻáֽd׃

16
וְלָרֻאוּבֵנִ֨י וְלַגָּדִ֜י נָתַ֤תִּי מִן־הַגִּלְעָד֙ וְעַד־נַ֣חַל אַרְנֹ֔ן תֹּ֥וךְ הַנַּ֖חַל וּגְבֻ֑ל וְעַד֙ יַבֹּ֣ק הַנַּ֔חַל גְּב֖וּל בְּנֵ֥י עַמֹּֽון׃

wĕláruʼẇbéni֨y wĕlagá̇di֜y náţa֤ţi̇y min־hagi̇lĕʻád֙ wĕʻad־na֣ẖal ʼarĕnò֔n ţò֥̇wkĕ hanȧ֖ẖal ẇgĕbu֑l wĕʻad֙ yabò֣̇q hanȧ֔ẖal gĕ̇b֖ẇl bĕ̇né֥y ʻamòֽ̇wn׃

17
וְהָֽעֲרָבָ֖ה וְהַיַּרְדֵּ֣ן וּגְבֻ֑ל מִכִּנֶּ֗רֶת וְעַ֨ד יָ֤ם הָֽעֲרָבָה֙ יָ֣ם הַמֶּ֔לַח תַּ֛חַת אַשְׁדֹּ֥ת הַפִּסְגָּ֖ה מִזְרָֽחָה׃

wĕháֽʻàrábá֖h wĕhayȧrĕdé֣̇n ẇgĕbu֑l miki̇nė֗reţ wĕʻa֨d yá֤m háֽʻàrábáh֙ yá֣m hamė֔laẖ ţȧ֛ẖaţ ʼaşĕ̌dò֥̇ţ hapi̇sĕgá֖̇h mizĕráֽẖáh׃

18
וָאֲצַ֣ו אֶתְכֶ֔ם בָּעֵ֥ת הַהִ֖וא לֵאמֹ֑ר יְהוָ֣ה אֱלֹהֵיכֶ֗ם נָתַ֨ן לָכֶ֜ם אֶת־הָאָ֤רֶץ הַזֹּאת֙ לְרִשְׁתָּ֔הּ חֲלוּצִ֣ים תַּֽעַבְר֗וּ לִפְנֵ֛י אֲחֵיכֶ֥ם בְּנֵֽי־יִשְׂרָאֵ֖ל כָּל־בְּנֵי־חָֽיִל׃

wáʼàẕa֣w ʼeţĕke֔m bá̇ʻé֥ţ hahi֖wʼ léʼmò֑r yĕhwá֣h ʼèlòhéyke֗m náţa֨n láke֜m ʼeţ־háʼá֤reẕ hazò̇ʼţ֙ lĕrişĕ̌ţá̇֔ḣ ẖàlẇẕi֣ym ţȧֽʻabĕr֗ẇ lipĕné֛y ʼàẖéyke֥m bĕ̇néֽy־yişĕ̂ráʼé֖l ká̇l־bĕ̇néy־ẖáֽyil׃

19
רַ֠ק נְשֵׁיכֶ֣ם וְטַפְּכֶם֮ וּמִקְנֵכֶם֒ יָדַ֕עְתִּי כִּֽי־מִקְנֶ֥ה רַ֖ב לָכֶ֑ם יֵֽשְׁבוּ֙ בְּעָ֣רֵיכֶ֔ם אֲשֶׁ֥ר נָתַ֖תִּי לָכֶֽם׃

ra֠q nĕşé̌yke֣m wĕtapĕ̇kem֮ ẇmiqĕnékem֒ yáda֕ʻĕţi̇y kiֽ̇y־miqĕne֥h ra֖b láke֑m yéֽşĕ̌bẇ֙ bĕ̇ʻá֣réyke֔m ʼàşě֥r náţa֖ţi̇y lákeֽm׃

20
עַ֠ד אֲשֶׁר־יָנִ֨יחַ יְהוָ֥ה׀ לַֽאֲחֵיכֶם֮ כָּכֶם֒ וְיָרְשׁ֣וּ גַם־הֵ֔ם אֶת־הָאָ֕רֶץ אֲשֶׁ֨ר יְהוָ֧ה אֱלֹהֵיכֶ֛ם נֹתֵ֥ן לָהֶ֖ם בְּעֵ֣בֶר הַיַּרְדֵּ֑ן וְשַׁבְתֶּ֗ם אִ֚ישׁ לִֽירֻשָּׁתֹ֔ו אֲשֶׁ֥ר נָתַ֖תִּי לָכֶֽם׃

ʻa֠d ʼàşěr־yáni֨yẖa yĕhwá֥h׀ laֽʼàẖéykem֮ ká̇kem֒ wĕyárĕş֣̌ẇ gam־hé֔m ʼeţ־háʼá֕reẕ ʼàşě֨r yĕhwá֧h ʼèlòhéyke֛m nòţé֥n láhe֖m bĕ̇ʻé֣ber hayȧrĕdé֑̇n wĕşǎbĕţė֗m ʼi֚yş̌ liֽyruşá̇̌ţò֔w ʼàşě֥r náţa֖ţi̇y lákeֽm׃

21
וְאֶת־יְהֹושׁ֣וּעַ צִוֵּ֔יתִי בָּעֵ֥ת הַהִ֖וא לֵאמֹ֑ר עֵינֶ֣יךָ הָרֹאֹ֗ת אֵת֩ כָּל־אֲשֶׁ֨ר עָשָׂ֜ה יְהוָ֤ה אֱלֹהֵיכֶם֙ לִשְׁנֵי֙ הַמְּלָכִ֣ים הָאֵ֔לֶּה כֵּֽן־יַעֲשֶׂ֤ה יְהוָה֙ לְכָל־הַמַּמְלָכֹ֔ות אֲשֶׁ֥ר אַתָּ֖ה עֹבֵ֥ר שָֽׁמָּה׃

wĕʼeţ־yĕhòwş֣̌ẇʻa ẕiwé̇֔yţiy bá̇ʻé֥ţ hahi֖wʼ léʼmò֑r ʻéyne֣yká háròʼò֗ţ ʼéţ֩ ká̇l־ʼàşě֨r ʻáşá̂֜h yĕhwá֤h ʼèlòhéykem֙ lişĕ̌néy֙ hamĕ̇láki֣ym háʼé֔lėh kéֽ̇n־yaʻàşê֤h yĕhwáh֙ lĕkál־hamȧmĕlákò֔wţ ʼàşě֥r ʼaţá֖̇h ʻòbé֥r şáֽ̌má̇h׃

22
לֹ֖א תִּֽירָא֑וּם כִּ֚י יְהוָ֣ה אֱלֹֽהֵיכֶ֔ם ה֖וּא הַנִּלְחָ֥ם לָכֶֽם׃ ס

lò֖ʼ ţiֽ̇yráʼ֑ẇm ki֚̇y yĕhwá֣h ʼèlòֽhéyke֔m h֖ẇʼ hani̇lĕẖá֥m lákeֽm׃ s

23
וָאֶתְחַנַּ֖ן אֶל־יְהוָ֑ה בָּעֵ֥ת הַהִ֖וא לֵאמֹֽר׃

wáʼeţĕẖanȧ֖n ʼel־yĕhwá֑h bá̇ʻé֥ţ hahi֖wʼ léʼmòֽr׃

24
אֲדֹנָ֣י יְהוִ֗ה אַתָּ֤ה הַֽחִלֹּ֨ותָ֙ לְהַרְאֹ֣ות אֶֽת־עַבְדְּךָ֔ אֶ֨ת־גָּדְלְךָ֔ וְאֶת־יָדְךָ֖ הַחֲזָקָ֑ה אֲשֶׁ֤ר מִי־אֵל֙ בַּשָּׁמַ֣יִם וּבָאָ֔רֶץ אֲשֶׁר־יַעֲשֶׂ֥ה כְמַעֲשֶׂ֖יךָ וְכִגְבוּרֹתֶֽךָ׃

ʼàdòná֣y yĕhwi֗h ʼaţá֤̇h haֽẖilò̇֨wţá֙ lĕharĕʼò֣wţ ʼeֽţ־ʻabĕdĕ̇ká֔ ʼe֨ţ־gá̇dĕlĕká֔ wĕʼeţ־yádĕká֖ haẖàzáqá֑h ʼàşě֤r miy־ʼél֙ bȧşá̇̌ma֣yim ẇbáʼá֔reẕ ʼàşěr־yaʻàşê֥h kĕmaʻàşê֖yká wĕkigĕbẇròţeֽká׃

25
אֶעְבְּרָה־נָּ֗א וְאֶרְאֶה֙ אֶת־הָאָ֣רֶץ הַטֹּובָ֔ה אֲשֶׁ֖ר בְּעֵ֣בֶר הַיַּרְדֵּ֑ן הָהָ֥ר הַטֹּ֛וב הַזֶּ֖ה וְהַלְּבָנֹֽון׃

ʼeʻĕbĕ̇ráh־ná̇֗ʼ wĕʼerĕʼeh֙ ʼeţ־háʼá֣reẕ hatò̇wbá֔h ʼàşě֖r bĕ̇ʻé֣ber hayȧrĕdé֑̇n háhá֥r hatò֛̇wb hazė֖h wĕhalĕ̇bánòֽwn׃

26
וַיִּתְעַבֵּ֨ר יְהוָ֥ה בִּי֙ לְמַ֣עַנְכֶ֔ם וְלֹ֥א שָׁמַ֖ע אֵלָ֑י וַיֹּ֨אמֶר יְהוָ֤ה אֵלַי֙ רַב־לָ֔ךְ אַל־תֹּ֗וסֶף דַּבֵּ֥ר אֵלַ֛י עֹ֖וד בַּדָּבָ֥ר הַזֶּֽה׃

wayi̇ţĕʻabé̇֨r yĕhwá֥h bi̇y֙ lĕma֣ʻanĕke֔m wĕlò֥ʼ şá̌ma֖ʻ ʼélá֑y wayò̇֨ʼmer yĕhwá֤h ʼélay֙ rab־lá֔kĕ ʼal־ţò̇֗wsep dȧbé֥̇r ʼéla֛y ʻò֖wd bȧdá̇bá֥r hazėֽh׃

27
עֲלֵ֣ה׀ רֹ֣אשׁ הַפִּסְגָּ֗ה וְשָׂ֥א עֵינֶ֛יךָ יָ֧מָּה וְצָפֹ֛נָה וְתֵימָ֥נָה וּמִזְרָ֖חָה וּרְאֵ֣ה בְעֵינֶ֑יךָ כִּי־לֹ֥א תַעֲבֹ֖ר אֶת־הַיַּרְדֵּ֥ן הַזֶּֽה׃

ʻàlé֣h׀ rò֣ʼş̌ hapi̇sĕgá̇֗h wĕşá֥̂ʼ ʻéyne֛yká yá֧má̇h wĕẕápò֛náh wĕţéymá֥náh ẇmizĕrá֖ẖáh ẇrĕʼé֣h bĕʻéyne֑yká ki̇y־lò֥ʼ ţaʻàbò֖r ʼeţ־hayȧrĕdé֥̇n hazėֽh׃

28
וְצַ֥ו אֶת־יְהֹושֻׁ֖עַ וְחַזְּקֵ֣הוּ וְאַמְּצֵ֑הוּ כִּי־ה֣וּא יַעֲבֹ֗ר לִפְנֵי֙ הָעָ֣ם הַזֶּ֔ה וְהוּא֙ יַנְחִ֣יל אֹותָ֔ם אֶת־הָאָ֖רֶץ אֲשֶׁ֥ר תִּרְאֶֽה׃

wĕẕa֥w ʼeţ־yĕhòwşǔ֖ʻa wĕẖazĕ̇qé֣hẇ wĕʼamĕ̇ẕé֑hẇ ki̇y־h֣ẇʼ yaʻàbò֗r lipĕnéy֙ háʻá֣m hazė֔h wĕhẇʼ֙ yanĕẖi֣yl ʼòwţá֔m ʼeţ־háʼá֖reẕ ʼàşě֥r ţi̇rĕʼeֽh׃

29
וַנֵּ֣שֶׁב בַּגָּ֔יְא מ֖וּל בֵּ֥ית פְּעֹֽור׃ פ

wané֣̇şěb bȧgá̇֔yĕʼ m֖ẇl bé֥̇yţ pĕ̇ʻòֽwr׃ p