Bibles in ancient languages
Ancient translations
Modern translations

Biblia Hebraica Stuttgartiensia Deuteronomy 6

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְזֹ֣את הַמִּצְוָ֗ה הַֽחֻקִּים֙ וְהַמִּשְׁפָּטִ֔ים אֲשֶׁ֥ר צִוָּ֛ה יְהוָ֥ה אֱלֹהֵיכֶ֖ם לְלַמֵּ֣ד אֶתְכֶ֑ם לַעֲשֹׂ֣ות בָּאָ֔רֶץ אֲשֶׁ֥ר אַתֶּ֛ם עֹבְרִ֥ים שָׁ֖מָּה לְרִשְׁתָּֽהּ׃

wĕzò֣ʼţ hami̇ẕĕwá֗h haֽẖuqi̇ym֙ wĕhami̇şĕ̌pá̇ti֔ym ʼàşě֥r ẕiwá֛̇h yĕhwá֥h ʼèlòhéyke֖m lĕlamé֣̇d ʼeţĕke֑m laʻàşò֣̂wţ bá̇ʼá֔reẕ ʼàşě֥r ʼaţė֛m ʻòbĕri֥ym şá֖̌má̇h lĕrişĕ̌ţáֽ̇ḣ׃

2
לְמַ֨עַן תִּירָ֜א אֶת־יְהוָ֣ה אֱלֹהֶ֗יךָ לִ֠שְׁמֹר אֶת־כָּל־חֻקֹּתָ֣יו וּמִצְוֹתָיו֮ אֲשֶׁ֣ר אָנֹכִ֣י מְצַוֶּךָ֒ אַתָּה֙ וּבִנְךָ֣ וּבֶן־בִּנְךָ֔ כֹּ֖ל יְמֵ֣י חַיֶּ֑יךָ וּלְמַ֖עַן יַאֲרִכֻ֥ן יָמֶֽיךָ׃

lĕma֨ʻan ţi̇yrá֜ʼ ʼeţ־yĕhwá֣h ʼèlòhe֗yká li֠şĕ̌mòr ʼeţ־ká̇l־ẖuqò̇ţá֣yw ẇmiẕĕwòţáyw֮ ʼàşě֣r ʼánòki֣y mĕẕawėká֒ ʼaţá̇h֙ ẇbinĕká֣ ẇben־bi̇nĕká֔ kò֖̇l yĕmé֣y ẖayė֑yká ẇlĕma֖ʻan yaʼàriku֥n yámeֽyká׃

3
וְשָׁמַעְתָּ֤ יִשְׂרָאֵל֙ וְשָׁמַרְתָּ֣ לַעֲשֹׂ֔ות אֲשֶׁר֙ יִיטַ֣ב לְךָ֔ וַאֲשֶׁ֥ר תִּרְבּ֖וּן מְאֹ֑ד כַּאֲשֶׁר֩ דִּבֶּ֨ר יְהוָ֜ה אֱלֹהֵ֤י אֲבֹתֶ֨יךָ֙ לָ֔ךְ אֶ֛רֶץ זָבַ֥ת חָלָ֖ב וּדְבָֽשׁ׃ פ

wĕşá̌maʻĕţá֤̇ yişĕ̂ráʼél֙ wĕşá̌marĕţá֣̇ laʻàşò̂֔wţ ʼàşěr֙ yiyta֣b lĕká֔ waʼàşě֥r ţi̇rĕḃ֖ẇn mĕʼò֑d kȧʼàşěr֩ di̇bė֨r yĕhwá֜h ʼèlòhé֤y ʼàbòţe֨yká֙ lá֔kĕ ʼe֛reẕ zába֥ţ ẖálá֖b ẇdĕbáֽş̌׃ p

4
שְׁמַ֖ע יִשְׂרָאֵ֑ל יְהוָ֥ה אֱלֹהֵ֖ינוּ יְהוָ֥ה׀ אֶחָֽד׃

şĕ̌ma֖ʻ yişĕ̂ráʼé֑l yĕhwá֥h ʼèlòhé֖ynẇ yĕhwá֥h׀ ʼeẖáֽd׃

5
וְאָ֣הַבְתָּ֔ אֵ֖ת יְהוָ֣ה אֱלֹהֶ֑יךָ בְּכָל־לְבָבְךָ֥ וּבְכָל־נַפְשְׁךָ֖ וּבְכָל־מְאֹדֶֽךָ׃

wĕʼá֣habĕţá̇֔ ʼé֖ţ yĕhwá֣h ʼèlòhe֑yká bĕ̇kál־lĕbábĕká֥ ẇbĕkál־napĕşĕ̌ká֖ ẇbĕkál־mĕʼòdeֽká׃

6
וְהָי֞וּ הַדְּבָרִ֣ים הָאֵ֗לֶּה אֲשֶׁ֨ר אָנֹכִ֧י מְצַוְּךָ֛ הַיֹּ֖ום עַל־לְבָבֶֽךָ׃

wĕháy֞ẇ hadĕ̇bári֣ym háʼé֗lėh ʼàşě֨r ʼánòki֧y mĕẕawĕ̇ká֛ hayò֖̇wm ʻal־lĕbábeֽká׃

7
וְשִׁנַּנְתָּ֣ם לְבָנֶ֔יךָ וְדִבַּרְתָּ֖ בָּ֑ם בְּשִׁבְתְּךָ֤ בְּבֵיתֶ֨ךָ֙ וּבְלֶכְתְּךָ֣ בַדֶּ֔רֶךְ וּֽבְשָׁכְבְּךָ֖ וּבְקוּמֶֽךָ׃

wĕşǐnȧnĕţá֣̇m lĕbáne֔yká wĕdibȧrĕţá֖̇ bá֑̇m bĕ̇şǐbĕţĕ̇ká֤ bĕ̇béyţe֨ká֙ ẇbĕlekĕţĕ̇ká֣ badė֔rekĕ ẇֽbĕşá̌kĕbĕ̇ká֖ ẇbĕqẇmeֽká׃

8
וּקְשַׁרְתָּ֥ם לְאֹ֖ות עַל־יָדֶ֑ךָ וְהָי֥וּ לְטֹטָפֹ֖ת בֵּ֥ין עֵינֶֽיךָ׃

ẇqĕşǎrĕţá֥̇m lĕʼò֖wţ ʻal־yáde֑ká wĕháy֥ẇ lĕtòtápò֖ţ bé֥̇yn ʻéyneֽyká׃

9
וּכְתַבְתָּ֛ם עַל־מְזוּזֹ֥ת בֵּיתֶ֖ךָ וּבִשְׁעָרֶֽיךָ׃ ס

ẇkĕţabĕţá֛̇m ʻal־mĕzẇzò֥ţ bé̇yţe֖ká ẇbişĕ̌ʻáreֽyká׃ s

10
וְהָיָ֞ה כִּ֥י יְבִיאֲךָ֣׀ יְהוָ֣ה אֱלֹהֶ֗יךָ אֶל־הָאָ֜רֶץ אֲשֶׁ֨ר נִשְׁבַּ֧ע לַאֲבֹתֶ֛יךָ לְאַבְרָהָ֛ם לְיִצְחָ֥ק וּֽלְיַעֲקֹ֖ב לָ֣תֶת לָ֑ךְ עָרִ֛ים גְּדֹלֹ֥ת וְטֹבֹ֖ת אֲשֶׁ֥ר לֹא־בָנִֽיתָ׃

wĕháyá֞h ki֥̇y yĕbiyʼàká֣׀ yĕhwá֣h ʼèlòhe֗yká ʼel־háʼá֜reẕ ʼàşě֨r nişĕ̌bȧ֧ʻ laʼàbòţe֛yká lĕʼabĕráhá֛m lĕyiẕĕẖá֥q ẇֽlĕyaʻàqò֖b lá֣ţeţ lá֑kĕ ʻári֛ym gĕ̇dòlò֥ţ wĕtòbò֖ţ ʼàşě֥r lòʼ־bániֽyţá׃

11
וּבָ֨תִּ֜ים מְלֵאִ֣ים כָּל־טוּב֮ אֲשֶׁ֣ר לֹא־מִלֵּאתָ֒ וּבֹרֹ֤ת חֲצוּבִים֙ אֲשֶׁ֣ר לֹא־חָצַ֔בְתָּ כְּרָמִ֥ים וְזֵיתִ֖ים אֲשֶׁ֣ר לֹא־נָטָ֑עְתָּ וְאָכַלְתָּ֖ וְשָׂבָֽעְתָּ׃

ẇbá֨ţi̇֜ym mĕléʼi֣ym ká̇l־tẇb֮ ʼàşě֣r lòʼ־milé̇ʼţá֒ ẇbòrò֤ţ ẖàẕẇbiym֙ ʼàşě֣r lòʼ־ẖáẕa֔bĕţá̇ kĕ̇rámi֥ym wĕzéyţi֖ym ʼàşě֣r lòʼ־nátá֑ʻĕţá̇ wĕʼákalĕţá֖̇ wĕşá̂báֽʻĕţá̇׃

12
הִשָּׁ֣מֶר לְךָ֔ פֶּן־תִּשְׁכַּ֖ח אֶת־יְהוָ֑ה אֲשֶׁ֧ר הֹוצִֽיאֲךָ֛ מֵאֶ֥רֶץ מִצְרַ֖יִם מִבֵּ֥ית עֲבָדִֽים׃

hişá֣̇̌mer lĕká֔ pėn־ţi̇şĕ̌kȧ֖ẖ ʼeţ־yĕhwá֑h ʼàşě֧r hòwẕiֽyʼàká֛ méʼe֥reẕ miẕĕra֖yim mibé֥̇yţ ʻàbádiֽym׃

13
אֶת־יְהוָ֧ה אֱלֹהֶ֛יךָ תִּירָ֖א וְאֹתֹ֣ו תַעֲבֹ֑ד וּבִשְׁמֹ֖ו תִּשָּׁבֵֽעַ׃

ʼeţ־yĕhwá֧h ʼèlòhe֛yká ţi̇yrá֖ʼ wĕʼòţò֣w ţaʻàbò֑d ẇbişĕ̌mò֖w ţi̇şá̇̌béֽʻa׃

14
לֹ֣א תֵֽלְכ֔וּן אַחֲרֵ֖י אֱלֹהִ֣ים אֲחֵרִ֑ים מֵאֱלֹהֵי֙ הָֽעַמִּ֔ים אֲשֶׁ֖ר סְבִיבֹותֵיכֶֽם׃

lò֣ʼ ţéֽlĕk֔ẇn ʼaẖàré֖y ʼèlòhi֣ym ʼàẖéri֑ym méʼèlòhéy֙ háֽʻami̇֔ym ʼàşě֖r sĕbiybòwţéykeֽm׃

15
כִּ֣י אֵ֥ל קַנָּ֛א יְהוָ֥ה אֱלֹהֶ֖יךָ בְּקִרְבֶּ֑ךָ פֶּן־יֶ֠חֱרֶה אַף־יְהוָ֤ה אֱלֹהֶ֨יךָ֙ בָּ֔ךְ וְהִשְׁמִ֣ידְךָ֔ מֵעַ֖ל פְּנֵ֥י הָאֲדָמָֽה׃ ס

ki֣̇y ʼé֥l qaná֛̇ʼ yĕhwá֥h ʼèlòhe֖yká bĕ̇qirĕbė֑ká pėn־ye֠ẖèreh ʼap־yĕhwá֤h ʼèlòhe֨yká֙ bá̇֔kĕ wĕhişĕ̌mi֣ydĕká֔ méʻa֖l pĕ̇né֥y háʼàdámáֽh׃ s

16
לֹ֣א תְנַסּ֔וּ אֶת־יְהוָ֖ה אֱלֹהֵיכֶ֑ם כַּאֲשֶׁ֥ר נִסִּיתֶ֖ם בַּמַּסָּֽה׃

lò֣ʼ ţĕnaṡ֔ẇ ʼeţ־yĕhwá֖h ʼèlòhéyke֑m kȧʼàşě֥r nisi̇yţe֖m bȧmȧsáֽ̇h׃

17
שָׁמֹ֣ור תִּשְׁמְר֔וּן אֶת־מִצְוֹ֖ת יְהוָ֣ה אֱלֹהֵיכֶ֑ם וְעֵדֹתָ֥יו וְחֻקָּ֖יו אֲשֶׁ֥ר צִוָּֽךְ׃

şá̌mò֣wr ţi̇şĕ̌mĕr֔ẇn ʼeţ־miẕĕwò֖ţ yĕhwá֣h ʼèlòhéyke֑m wĕʻédòţá֥yw wĕẖuqá֖̇yw ʼàşě֥r ẕiwáֽ̇kĕ׃

18
וְעָשִׂ֛יתָ הַיָּשָׁ֥ר וְהַטֹּ֖וב בְּעֵינֵ֣י יְהוָ֑ה לְמַ֨עַן֙ יִ֣יטַב לָ֔ךְ וּבָ֗אתָ וְיָֽרַשְׁתָּ֙ אֶת־הָאָ֣רֶץ הַטֹּבָ֔ה אֲשֶׁר־נִשְׁבַּ֥ע יְהוָ֖ה לַאֲבֹתֶֽיךָ׃

wĕʻáşî֛yţá hayá̇şá֥̌r wĕhatò֖̇wb bĕ̇ʻéyné֣y yĕhwá֑h lĕma֨ʻan֙ yi֣ytab lá֔kĕ ẇbá֗ʼţá wĕyáֽraşĕ̌ţá̇֙ ʼeţ־háʼá֣reẕ hatò̇bá֔h ʼàşěr־nişĕ̌bȧ֥ʻ yĕhwá֖h laʼàbòţeֽyká׃

19
לַהֲדֹ֥ף אֶת־כָּל־אֹיְבֶ֖יךָ מִפָּנֶ֑יךָ כַּאֲשֶׁ֖ר דִּבֶּ֥ר יְהוָֽה׃ ס

lahàdò֥p ʼeţ־ká̇l־ʼòyĕbe֖yká mipá̇ne֑yká kȧʼàşě֖r di̇bė֥r yĕhwáֽh׃ s

20
כִּֽי־יִשְׁאָלְךָ֥ בִנְךָ֛ מָחָ֖ר לֵאמֹ֑ר מָ֣ה הָעֵדֹ֗ת וְהַֽחֻקִּים֙ וְהַמִּשְׁפָּטִ֔ים אֲשֶׁ֥ר צִוָּ֛ה יְהוָ֥ה אֱלֹהֵ֖ינוּ אֶתְכֶֽם׃

kiֽ̇y־yişĕ̌ʼálĕká֥ binĕká֛ máẖá֖r léʼmò֑r má֣h háʻédò֗ţ wĕhaֽẖuqi̇ym֙ wĕhami̇şĕ̌pá̇ti֔ym ʼàşě֥r ẕiwá֛̇h yĕhwá֥h ʼèlòhé֖ynẇ ʼeţĕkeֽm׃

21
וְאָמַרְתָּ֣ לְבִנְךָ֔ עֲבָדִ֛ים הָיִ֥ינוּ לְפַרְעֹ֖ה בְּמִצְרָ֑יִם וַיֹּוצִיאֵ֧נוּ יְהוָ֛ה מִמִּצְרַ֖יִם בְּיָ֥ד חֲזָקָֽה׃

wĕʼámarĕţá֣̇ lĕbinĕká֔ ʻàbádi֛ym háyi֥ynẇ lĕparĕʻò֖h bĕ̇miẕĕrá֑yim wayò̇wẕiyʼé֧nẇ yĕhwá֛h mimi̇ẕĕra֖yim bĕ̇yá֥d ẖàzáqáֽh׃

22
וַיִּתֵּ֣ן יְהוָ֡ה אֹותֹ֣ת וּ֠מֹפְתִים גְּדֹלִ֨ים וְרָעִ֧ים׀ בְּמִצְרַ֛יִם בְּפַרְעֹ֥ה וּבְכָל־בֵּיתֹ֖ו לְעֵינֵֽינוּ׃

wayi̇ţé֣̇n yĕhwá֡h ʼòwţò֣ţ ẇ֠mòpĕţiym gĕ̇dòli֨ym wĕráʻi֧ym׀ bĕ̇miẕĕra֛yim bĕ̇parĕʻò֥h ẇbĕkál־bé̇yţò֖w lĕʻéynéֽynẇ׃

23
וְאֹותָ֖נוּ הֹוצִ֣יא מִשָּׁ֑ם לְמַ֨עַן֙ הָבִ֣יא אֹתָ֔נוּ לָ֤תֶת לָ֨נוּ֙ אֶת־הָאָ֔רֶץ אֲשֶׁ֥ר נִשְׁבַּ֖ע לַאֲבֹתֵֽינוּ׃

wĕʼòwţá֖nẇ hòwẕi֣yʼ mişá֑̇̌m lĕma֨ʻan֙ hábi֣yʼ ʼòţá֔nẇ lá֤ţeţ lá֨nẇ֙ ʼeţ־háʼá֔reẕ ʼàşě֥r nişĕ̌bȧ֖ʻ laʼàbòţéֽynẇ׃

24
וַיְצַוֵּ֣נוּ יְהוָ֗ה לַעֲשֹׂות֙ אֶת־כָּל־הַחֻקִּ֣ים הָאֵ֔לֶּה לְיִרְאָ֖ה אֶת־יְהוָ֣ה אֱלֹהֵ֑ינוּ לְטֹ֥וב לָ֨נוּ֙ כָּל־הַיָּמִ֔ים לְחַיֹּתֵ֖נוּ כְּהַיֹּ֥ום הַזֶּֽה׃

wayĕẕawé֣̇nẇ yĕhwá֗h laʻàşò̂wţ֙ ʼeţ־ká̇l־haẖuqi֣̇ym háʼé֔lėh lĕyirĕʼá֖h ʼeţ־yĕhwá֣h ʼèlòhé֑ynẇ lĕtò֥wb lá֨nẇ֙ ká̇l־hayá̇mi֔ym lĕẖayò̇ţé֖nẇ kĕ̇hayò֥̇wm hazėֽh׃

25
וּצְדָקָ֖ה תִּֽהְיֶה־לָּ֑נוּ כִּֽי־נִשְׁמֹ֨ר לַעֲשֹׂ֜ות אֶת־כָּל־הַמִּצְוָ֣ה הַזֹּ֗את לִפְנֵ֛י יְהוָ֥ה אֱלֹהֵ֖ינוּ כַּאֲשֶׁ֥ר צִוָּֽנוּ׃ ס

ẇẕĕdáqá֖h ţiֽ̇hĕyeh־lá֑̇nẇ kiֽ̇y־nişĕ̌mò֨r laʻàşò̂֜wţ ʼeţ־ká̇l־hami̇ẕĕwá֣h hazò̇֗ʼţ lipĕné֛y yĕhwá֥h ʼèlòhé֖ynẇ kȧʼàşě֥r ẕiwáֽ̇nẇ׃ s