Bibles in ancient languages
Ancient translations
Modern translations

Biblia Hebraica Stuttgartiensia Ezra 9

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וּכְכַלֹּ֣ות אֵ֗לֶּה נִגְּשׁ֨וּ אֵלַ֤י הַשָּׂרִים֙ לֵאמֹ֔ר לֹֽא־נִבְדְּל֞וּ הָעָ֤ם יִשְׂרָאֵל֙ וְהַכֹּהֲנִ֣ים וְהַלְוִיִּ֔ם מֵעַמֵּ֖י הָאֲרָצֹ֑ות כְּ֠תֹועֲבֹֽתֵיהֶם לַכְּנַעֲנִ֨י הַחִתִּ֜י הַפְּרִזִּ֣י הַיְבוּסִ֗י הָֽעַמֹּנִי֙ הַמֹּ֣אָבִ֔י הַמִּצְרִ֖י וְהָאֱמֹרִֽי׃

ẇkĕkalò֣̇wţ ʼé֗lėh nigĕ̇ş̌֨ẇ ʼéla֤y haşá̇̂riym֙ léʼmò֔r lòֽʼ־nibĕdĕ̇l֞ẇ háʻá֤m yişĕ̂ráʼél֙ wĕhakò̇hàni֣ym wĕhalĕwiyi̇֔m méʻamé֖̇y háʼàráẕò֑wţ kĕ̇֠ţòwʻàbòֽţéyhem lakĕ̇naʻàni֨y haẖiţi̇֜y hapĕ̇rizi֣̇y hayĕbẇsi֗y háֽʻamò̇niy֙ hamò֣̇ʼábi֔y hami̇ẕĕri֖y wĕháʼèmòriֽy׃

2
כִּֽי־נָשְׂא֣וּ מִבְּנֹֽתֵיהֶ֗ם לָהֶם֙ וְלִבְנֵיהֶ֔ם וְהִתְעָֽרְבוּ֙ זֶ֣רַע הַקֹּ֔דֶשׁ בְּעַמֵּ֖י הָאֲרָצֹ֑ות וְיַ֧ד הַשָּׂרִ֣ים וְהַסְּגָנִ֗ים הָ֥יְתָ֛ה בַּמַּ֥עַל הַזֶּ֖ה רִאשֹׁונָֽה׃ ס

kiֽ̇y־náşĕ̂ʼ֣ẇ mibĕ̇nòֽţéyhe֗m láhem֙ wĕlibĕnéyhe֔m wĕhiţĕʻáֽrĕbẇ֙ ze֣raʻ haqò̇֔deş̌ bĕ̇ʻamé֖̇y háʼàráẕò֑wţ wĕya֧d haşá̇̂ri֣ym wĕhasĕ̇gáni֗ym há֥yĕţá֛h bȧmȧ֥ʻal hazė֖h riʼşò̌wnáֽh׃ s

3
וּכְשָׁמְעִי֙ אֶת־הַדָּבָ֣ר הַזֶּ֔ה קָרַ֥עְתִּי אֶת־בִּגְדִ֖י וּמְעִילִ֑י וָאֶמְרְטָ֞ה מִשְּׂעַ֤ר רֹאשִׁי֙ וּזְקָנִ֔י וָאֵשְׁבָ֖ה מְשֹׁומֵֽם׃

ẇkĕşá̌mĕʻiy֙ ʼeţ־hadá̇bá֣r hazė֔h qára֥ʻĕţi̇y ʼeţ־bi̇gĕdi֖y ẇmĕʻiyli֑y wáʼemĕrĕtá֞h mişĕ̇̂ʻa֤r ròʼşǐy֙ ẇzĕqáni֔y wáʼéşĕ̌bá֖h mĕşò̌wméֽm׃

4
וְאֵלַ֣י יֵאָסְפ֗וּ כֹּ֤ל חָרֵד֙ בְּדִבְרֵ֣י אֱלֹהֵֽי־יִשְׂרָאֵ֔ל עַ֖ל מַ֣עַל הַגֹּולָ֑ה וַאֲנִי֙ יֹשֵׁ֣ב מְשֹׁומֵ֔ם עַ֖ד לְמִנְחַ֥ת הָעָֽרֶב׃

wĕʼéla֣y yéʼásĕp֗ẇ kò֤̇l ẖáréd֙ bĕ̇dibĕré֣y ʼèlòhéֽy־yişĕ̂ráʼé֔l ʻa֖l ma֣ʻal hagò̇wlá֑h waʼàniy֙ yòşé֣̌b mĕşò̌wmé֔m ʻa֖d lĕminĕẖa֥ţ háʻáֽreb׃

5
וּבְמִנְחַ֣ת הָעֶ֗רֶב קַ֚מְתִּי מִתַּֽעֲנִיתִ֔י וּבְקָרְעִ֥י בִגְדִ֖י וּמְעִילִ֑י וָֽאֶכְרְעָה֙ עַל־בִּרְכַּ֔י וָאֶפְרְשָׂ֥ה כַפַּ֖י אֶל־יְהוָ֥ה אֱלֹהָֽי׃

ẇbĕminĕẖa֣ţ háʻe֗reb qa֚mĕţi̇y miţȧֽʻàniyţi֔y ẇbĕqárĕʻi֥y bigĕdi֖y ẇmĕʻiyli֑y wáֽʼekĕrĕʻáh֙ ʻal־bi̇rĕkȧ֔y wáʼepĕrĕşá֥̂h kapȧ֖y ʼel־yĕhwá֥h ʼèlòháֽy׃

6
וָאֹמְרָ֗ה אֱלֹהַי֙ בֹּ֣שְׁתִּי וְנִכְלַ֔מְתִּי לְהָרִ֧ים אֱלֹהַ֛י פָּנַ֖י אֵלֶ֑יךָ כִּ֣י עֲוֹנֹתֵ֤ינוּ רָבוּ֙ לְמַ֣עְלָה רֹּ֔אשׁ וְאַשְׁמָתֵ֥נוּ גָדְלָ֖ה עַ֥ד לַשָּׁמָֽיִם׃

wáʼòmĕrá֗h ʼèlòhay֙ bò֣̇şĕ̌ţi̇y wĕnikĕla֔mĕţi̇y lĕhári֧ym ʼèlòha֛y pá̇na֖y ʼéle֑yká ki֣̇y ʻàwònòţé֤ynẇ rábẇ֙ lĕma֣ʻĕláh rò̇֔ʼş̌ wĕʼaşĕ̌máţé֥nẇ gádĕlá֖h ʻa֥d laşá̇̌máֽyim׃

7
מִימֵ֣י אֲבֹתֵ֗ינוּ אֲנַ֨חְנוּ֙ בְּאַשְׁמָ֣ה גְדֹלָ֔ה עַ֖ד הַיֹּ֣ום הַזֶּ֑ה וּבַעֲוֹנֹתֵ֡ינוּ נִתַּ֡נּוּ אֲנַחְנוּ֩ מְלָכֵ֨ינוּ כֹהֲנֵ֜ינוּ בְּיַ֣ד׀ מַלְכֵ֣י הָאֲרָצֹ֗ות בַּחֶ֜רֶב בַּשְּׁבִ֧י וּבַבִּזָּ֛ה וּבְבֹ֥שֶׁת פָּנִ֖ים כְּהַיֹּ֥ום הַזֶּֽה׃

miymé֣y ʼàbòţé֗ynẇ ʼàna֨ẖĕnẇ֙ bĕ̇ʼaşĕ̌má֣h gĕdòlá֔h ʻa֖d hayò֣̇wm hazė֑h ẇbaʻàwònòţé֡ynẇ niţȧ֡ṅẇ ʼànaẖĕnẇ֩ mĕláké֨ynẇ kòhàné֜ynẇ bĕ̇ya֣d׀ malĕké֣y háʼàráẕò֗wţ bȧẖe֜reb bȧşĕ̇̌bi֧y ẇbabi̇zá֛̇h ẇbĕbò֥şěţ pá̇ni֖ym kĕ̇hayò֥̇wm hazėֽh׃

8
וְעַתָּ֡ה כִּמְעַט־רֶגַע֩ הָיְתָ֨ה תְחִנָּ֜ה מֵאֵ֣ת׀ יְהוָ֣ה אֱלֹהֵ֗ינוּ לְהַשְׁאִ֥יר לָ֨נוּ֙ פְּלֵיטָ֔ה וְלָתֶת־לָ֥נוּ יָתֵ֖ד בִּמְקֹ֣ום קָדְשֹׁ֑ו לְהָאִ֤יר עֵינֵ֨ינוּ֙ אֱלֹהֵ֔ינוּ וּלְתִתֵּ֛נוּ מִֽחְיָ֥ה מְעַ֖ט בְּעַבְדֻתֵֽנוּ׃

wĕʻaţá̇֡h ki̇mĕʻat־regaʻ֩ háyĕţá֨h ţĕẖiná̇֜h méʼé֣ţ׀ yĕhwá֣h ʼèlòhé֗ynẇ lĕhaşĕ̌ʼi֥yr lá֨nẇ֙ pĕ̇léytá֔h wĕláţeţ־lá֥nẇ yáţé֖d bi̇mĕqò֣wm qádĕşò֑̌w lĕháʼi֤yr ʻéyné֨ynẇ֙ ʼèlòhé֔ynẇ ẇlĕţiţé֛̇nẇ miֽẖĕyá֥h mĕʻa֖t bĕ̇ʻabĕduţéֽnẇ׃

9
כִּֽי־עֲבָדִ֣ים אֲנַ֔חְנוּ וּבְעַבְדֻתֵ֔נוּ לֹ֥א עֲזָבָ֖נוּ אֱלֹהֵ֑ינוּ וַֽיַּט־עָלֵ֣ינוּ חֶ֡סֶד לִפְנֵי֩ מַלְכֵ֨י פָרַ֜ס לָֽתֶת־לָ֣נוּ מִֽחְיָ֗ה לְרֹומֵ֞ם אֶת־בֵּ֤ית אֱלֹהֵ֨ינוּ֙ וּלְהַעֲמִ֣יד אֶת־חָרְבֹתָ֔יו וְלָֽתֶת־לָ֣נוּ גָדֵ֔ר בִּֽיהוּדָ֖ה וּבִירוּשָׁלִָֽם׃ ס

kiֽ̇y־ʻàbádi֣ym ʼàna֔ẖĕnẇ ẇbĕʻabĕduţé֔nẇ lò֥ʼ ʻàzábá֖nẇ ʼèlòhé֑ynẇ waֽyȧt־ʻálé֣ynẇ ẖe֡sed lipĕnéy֩ malĕké֨y pára֜s láֽţeţ־lá֣nẇ miֽẖĕyá֗h lĕròwmé֞m ʼeţ־bé֤̇yţ ʼèlòhé֨ynẇ֙ ẇlĕhaʻàmi֣yd ʼeţ־ẖárĕbòţá֔yw wĕláֽţeţ־lá֣nẇ gádé֔r biֽ̇yhẇdá֖h ẇbiyrẇşá̌láֽim׃ s

10
וְעַתָּ֛ה מַה־נֹּאמַ֥ר אֱלֹהֵ֖ינוּ אַֽחֲרֵי־זֹ֑את כִּ֥י עָזַ֖בְנוּ מִצְוֹתֶֽיךָ׃

wĕʻaţá֛̇h mah־nò̇ʼma֥r ʼèlòhé֖ynẇ ʼaֽẖàréy־zò֑ʼţ ki֥̇y ʻáza֖bĕnẇ miẕĕwòţeֽyká׃

11
אֲשֶׁ֣ר צִוִּ֗יתָ בְּיַ֨ד עֲבָדֶ֣יךָ הַנְּבִיאִים֮ לֵאמֹר֒ הָאָ֗רֶץ אֲשֶׁ֨ר אַתֶּ֤ם בָּאִים֙ לְרִשְׁתָּ֔הּ אֶ֤רֶץ נִדָּה֙ הִ֔יא בְּנִדַּ֖ת עַמֵּ֣י הָאֲרָצֹ֑ות בְּתֹועֲבֹֽתֵיהֶ֗ם אֲשֶׁ֥ר מִלְא֛וּהָ מִפֶּ֥ה אֶל־פֶּ֖ה בְּטֻמְאָתָֽם׃

ʼàşě֣r ẕiwi̇֗yţá bĕ̇ya֨d ʻàbáde֣yká hanĕ̇biyʼiym֮ léʼmòr֒ háʼá֗reẕ ʼàşě֨r ʼaţė֤m bá̇ʼiym֙ lĕrişĕ̌ţá̇֔ḣ ʼe֤reẕ nidá̇h֙ hi֔yʼ bĕ̇nidȧ֖ţ ʻamé֣̇y háʼàráẕò֑wţ bĕ̇ţòwʻàbòֽţéyhe֗m ʼàşě֥r milĕʼ֛ẇhá mipė֥h ʼel־pė֖h bĕ̇tumĕʼáţáֽm׃

12
וְ֠עַתָּה בְּֽנֹותֵיכֶ֞ם אַל־תִּתְּנ֣וּ לִבְנֵיהֶ֗ם וּבְנֹֽתֵיהֶם֙ אַל־תִּשְׂא֣וּ לִבְנֵיכֶ֔ם וְלֹֽא־תִדְרְשׁ֧וּ שְׁלֹמָ֛ם וְטֹובָתָ֖ם עַד־עֹולָ֑ם לְמַ֣עַן תֶּחֶזְק֗וּ וַאֲכַלְתֶּם֙ אֶת־ט֣וּב הָאָ֔רֶץ וְהֹורַשְׁתֶּ֥ם לִבְנֵיכֶ֖ם עַד־עֹולָֽם׃

wĕ֠ʻaţá̇h bĕֽ̇nòwţéyke֞m ʼal־ţi̇ţĕ̇n֣ẇ libĕnéyhe֗m ẇbĕnòֽţéyhem֙ ʼal־ţi̇şĕ̂ʼ֣ẇ libĕnéyke֔m wĕlòֽʼ־ţidĕrĕş֧̌ẇ şĕ̌lòmá֛m wĕtòwbáţá֖m ʻad־ʻòwlá֑m lĕma֣ʻan ţėẖezĕq֗ẇ waʼàkalĕţėm֙ ʼeţ־t֣ẇb háʼá֔reẕ wĕhòwraşĕ̌ţė֥m libĕnéyke֖m ʻad־ʻòwláֽm׃

13
וְאַֽחֲרֵי֙ כָּל־הַבָּ֣א עָלֵ֔ינוּ בְּמַעֲשֵׂ֨ינוּ֙ הָרָעִ֔ים וּבְאַשְׁמָתֵ֖נוּ הַגְּדֹלָ֑ה כִּ֣י׀ אַתָּ֣ה אֱלֹהֵ֗ינוּ חָשַׂ֤כְתָּֽ לְמַ֨טָּה֙ מֵֽעֲוֹנֵ֔נוּ וְנָתַ֥תָּה לָּ֛נוּ פְּלֵיטָ֖ה כָּזֹֽאת׃

wĕʼaֽẖàréy֙ ká̇l־habá֣̇ʼ ʻálé֔ynẇ bĕ̇maʻàşé̂֨ynẇ֙ háráʻi֔ym ẇbĕʼaşĕ̌máţé֖nẇ hagĕ̇dòlá֑h ki֣̇y׀ ʼaţá֣̇h ʼèlòhé֗ynẇ ẖáşâ֤kĕţáֽ̇ lĕma֨tá̇h֙ méֽʻàwòné֔nẇ wĕnáţa֥ţá̇h lá֛̇nẇ pĕ̇léytá֖h ká̇zòֽʼţ׃

14
הֲנָשׁוּב֙ לְהָפֵ֣ר מִצְוֹתֶ֔יךָ וּ֨לְהִתְחַתֵּ֔ן בְּעַמֵּ֥י הַתֹּעֵבֹ֖ות הָאֵ֑לֶּה הֲלֹ֤וא תֶֽאֱנַף־בָּ֨נוּ֙ עַד־כַּלֵּ֔ה לְאֵ֥ין שְׁאֵרִ֖ית וּפְלֵיטָֽה׃ פ

hànáş̌ẇb֙ lĕhápé֣r miẕĕwòţe֔yká ẇ֨lĕhiţĕẖaţé̇֔n bĕ̇ʻamé֥̇y haţò̇ʻébò֖wţ háʼé֑lėh hàlò֤wʼ ţeֽʼènap־bá̇֨nẇ֙ ʻad־kȧlé̇֔h lĕʼé֥yn şĕ̌ʼéri֖yţ ẇpĕléytáֽh׃ p

15
יְהוָ֞ה אֱלֹהֵ֤י יִשְׂרָאֵל֙ צַדִּ֣יק אַ֔תָּה כִּֽי־נִשְׁאַ֥רְנוּ פְלֵיטָ֖ה כְּהַיֹּ֣ום הַזֶּ֑ה הִנְנ֤וּ לְפָנֶ֨יךָ֙ בְּאַשְׁמָתֵ֔ינוּ כִּ֣י אֵ֥ין לַעֲמֹ֛וד לְפָנֶ֖יךָ עַל־זֹֽאת׃ פ

yĕhwá֞h ʼèlòhé֤y yişĕ̂ráʼél֙ ẕadi֣̇yq ʼa֔ţá̇h kiֽ̇y־nişĕ̌ʼa֥rĕnẇ pĕléytá֖h kĕ̇hayò֣̇wm hazė֑h hinĕn֤ẇ lĕpáne֨yká֙ bĕ̇ʼaşĕ̌máţé֔ynẇ ki֣̇y ʼé֥yn laʻàmò֛wd lĕpáne֖yká ʻal־zòֽʼţ׃ p