Bibles in ancient languages
Ancient translations
Modern translations

Biblia Hebraica Stuttgartiensia Genesis 24

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְאַבְרָהָ֣ם זָקֵ֔ן בָּ֖א בַּיָּמִ֑ים וַֽיהוָ֛ה בֵּרַ֥ךְ אֶת־אַבְרָהָ֖ם בַּכֹּֽל׃

wĕʼabĕráhá֣m záqé֔n bá֖̇ʼ bȧyá̇mi֑ym waֽyhwá֛h bé̇ra֥kĕ ʼeţ־ʼabĕráhá֖m bȧkòֽ̇l׃

2
וַיֹּ֣אמֶר אַבְרָהָ֗ם אֶל־עַבְדֹּו֙ זְקַ֣ן בֵּיתֹ֔ו הַמֹּשֵׁ֖ל בְּכָל־אֲשֶׁר־לֹ֑ו שִֽׂים־נָ֥א יָדְךָ֖ תַּ֥חַת יְרֵכִֽי׃

wayò֣̇ʼmer ʼabĕráhá֗m ʼel־ʻabĕdò̇w֙ zĕqa֣n bé̇yţò֔w hamò̇şé֖̌l bĕ̇kál־ʼàşěr־lò֑w şîֽym־ná֥ʼ yádĕká֖ ţȧ֥ẖaţ yĕrékiֽy׃

3
וְאַשְׁבִּ֣יעֲךָ֔ בַּֽיהוָה֙ אֱלֹהֵ֣י הַשָּׁמַ֔יִם וֵֽאלֹהֵ֖י הָאָ֑רֶץ אֲשֶׁ֨ר לֹֽא־תִקַּ֤ח אִשָּׁה֙ לִבְנִ֔י מִבְּנֹות֙ הַֽכְּנַעֲנִ֔י אֲשֶׁ֥ר אָנֹכִ֖י יֹושֵׁ֥ב בְּקִרְבֹּֽו׃

wĕʼaşĕ̌bi֣̇yʻàká֔ bȧֽyhwáh֙ ʼèlòhé֣y haşá̇̌ma֔yim wéֽʼlòhé֖y háʼá֑reẕ ʼàşě֨r lòֽʼ־ţiqȧ֤ẖ ʼişá̇̌h֙ libĕni֔y mibĕ̇nòwţ֙ haֽkĕ̇naʻàni֔y ʼàşě֥r ʼánòki֖y yòwşé֥̌b bĕ̇qirĕbòֽ̇w׃

4
כִּ֧י אֶל־אַרְצִ֛י וְאֶל־מֹולַדְתִּ֖י תֵּלֵ֑ךְ וְלָקַחְתָּ֥ אִשָּׁ֖ה לִבְנִ֥י לְיִצְחָֽק׃

ki֧̇y ʼel־ʼarĕẕi֛y wĕʼel־mòwladĕţi֖̇y ţé̇lé֑kĕ wĕláqaẖĕţá֥̇ ʼişá֖̇̌h libĕni֥y lĕyiẕĕẖáֽq׃

5
וַיֹּ֤אמֶר אֵלָיו֙ הָעֶ֔בֶד אוּלַי֙ לֹא־תֹאבֶ֣ה הָֽאִשָּׁ֔ה לָלֶ֥כֶת אַחֲרַ֖י אֶל־הָאָ֣רֶץ הַזֹּ֑את הֶֽהָשֵׁ֤ב אָשִׁיב֙ אֶת־בִּנְךָ֔ אֶל־הָאָ֖רֶץ אֲשֶׁר־יָצָ֥אתָ מִשָּֽׁם׃

wayò֤̇ʼmer ʼéláyw֙ háʻe֔bed ʼẇlay֙ lòʼ־ţòʼbe֣h háֽʼişá̇̌֔h lále֥keţ ʼaẖàra֖y ʼel־háʼá֣reẕ hazò֑̇ʼţ heֽháşé֤̌b ʼáşǐyb֙ ʼeţ־bi̇nĕká֔ ʼel־háʼá֖reẕ ʼàşěr־yáẕá֥ʼţá mişáֽ̇̌m׃

6
וַיֹּ֥אמֶר אֵלָ֖יו אַבְרָהָ֑ם הִשָּׁ֣מֶר לְךָ֔ פֶּן־תָּשִׁ֥יב אֶת־בְּנִ֖י שָֽׁמָּה׃

wayò֥̇ʼmer ʼélá֖yw ʼabĕráhá֑m hişá֣̇̌mer lĕká֔ pėn־ţá̇şǐ֥yb ʼeţ־bĕ̇ni֖y şáֽ̌má̇h׃

7
יְהוָ֣ה׀ אֱלֹהֵ֣י הַשָּׁמַ֗יִם אֲשֶׁ֨ר לְקָחַ֜נִי מִבֵּ֣ית אָבִי֮ וּמֵאֶ֣רֶץ מֹֽולַדְתִּי֒ וַאֲשֶׁ֨ר דִּבֶּר־לִ֜י וַאֲשֶׁ֤ר נִֽשְׁבַּֽע־לִי֙ לֵאמֹ֔ר לְזַ֨רְעֲךָ֔ אֶתֵּ֖ן אֶת־הָאָ֣רֶץ הַזֹּ֑את ה֗וּא יִשְׁלַ֤ח מַלְאָכֹו֙ לְפָנֶ֔יךָ וְלָקַחְתָּ֥ אִשָּׁ֛ה לִבְנִ֖י מִשָּֽׁם׃

yĕhwá֣h׀ ʼèlòhé֣y haşá̇̌ma֗yim ʼàşě֨r lĕqáẖa֜niy mibé֣̇yţ ʼábiy֮ ẇméʼe֣reẕ mòֽwladĕţi̇y֒ waʼàşě֨r di̇bėr־li֜y waʼàşě֤r niֽşĕ̌bȧֽʻ־liy֙ léʼmò֔r lĕza֨rĕʻàká֔ ʼeţé֖̇n ʼeţ־háʼá֣reẕ hazò֑̇ʼţ h֗ẇʼ yişĕ̌la֤ẖ malĕʼákòw֙ lĕpáne֔yká wĕláqaẖĕţá֥̇ ʼişá֛̇̌h libĕni֖y mişáֽ̇̌m׃

8
וְאִם־לֹ֨א תֹאבֶ֤ה הָֽאִשָּׁה֙ לָלֶ֣כֶת אַחֲרֶ֔יךָ וְנִקִּ֕יתָ מִשְּׁבֻעָתִ֖י זֹ֑את רַ֣ק אֶת־בְּנִ֔י לֹ֥א תָשֵׁ֖ב שָֽׁמָּה׃

wĕʼim־lò֨ʼ ţòʼbe֤h háֽʼişá̇̌h֙ lále֣keţ ʼaẖàre֔yká wĕniqi̇֕yţá mişĕ̇̌buʻáţi֖y zò֑ʼţ ra֣q ʼeţ־bĕ̇ni֔y lò֥ʼ ţáşé֖̌b şáֽ̌má̇h׃

9
וַיָּ֤שֶׂם הָעֶ֨בֶד֙ אֶת־יָדֹ֔ו תַּ֛חַת יֶ֥רֶךְ אַבְרָהָ֖ם אֲדֹנָ֑יו וַיִּשָּׁ֣בַֽע לֹ֔ו עַל־הַדָּבָ֖ר הַזֶּֽה׃

wayá֤̇şêm háʻe֨bed֙ ʼeţ־yádò֔w ţȧ֛ẖaţ ye֥rekĕ ʼabĕráhá֖m ʼàdòná֑yw wayi̇şá֣̇̌baֽʻ lò֔w ʻal־hadá̇bá֖r hazėֽh׃

10
וַיִּקַּ֣ח הָ֠עֶבֶד עֲשָׂרָ֨ה גְמַלִּ֜ים מִגְּמַלֵּ֤י אֲדֹנָיו֙ וַיֵּ֔לֶךְ וְכָל־ט֥וּב אֲדֹנָ֖יו בְּיָדֹ֑ו וַיָּ֗קָם וַיֵּ֛לֶךְ אֶל־אֲרַ֥ם נַֽהֲרַ֖יִם אֶל־עִ֥יר נָחֹֽור׃

wayi̇qȧ֣ẖ há֠ʻebed ʻàşá̂rá֨h gĕmali̇֜ym migĕ̇malé֤̇y ʼàdònáyw֙ wayé̇֔lekĕ wĕkál־t֥ẇb ʼàdòná֖yw bĕ̇yádò֑w wayá̇֗qám wayé֛̇lekĕ ʼel־ʼàra֥m naֽhàra֖yim ʼel־ʻi֥yr náẖòֽwr׃

11
וַיַּבְרֵ֧ךְ הַגְּמַלִּ֛ים מִח֥וּץ לָעִ֖יר אֶל־בְּאֵ֣ר הַמָּ֑יִם לְעֵ֣ת עֶ֔רֶב לְעֵ֖ת צֵ֥את הַשֹּׁאֲבֹֽת׃

wayȧbĕré֧kĕ hagĕ̇mali֛̇ym miẖ֥ẇẕ láʻi֖yr ʼel־bĕ̇ʼé֣r hamá֑̇yim lĕʻé֣ţ ʻe֔reb lĕʻé֖ţ ẕé֥ʼţ haşò̇̌ʼàbòֽţ׃

12
וַיֹּאמַ֓ר׀ יְהוָ֗ה אֱלֹהֵי֙ אֲדֹנִ֣י אַבְרָהָ֔ם הַקְרֵה־נָ֥א לְפָנַ֖י הַיֹּ֑ום וַעֲשֵׂה־חֶ֕סֶד עִ֖ם אֲדֹנִ֥י אַבְרָהָֽם׃

wayò̇ʼma֓r׀ yĕhwá֗h ʼèlòhéy֙ ʼàdòni֣y ʼabĕráhá֔m haqĕréh־ná֥ʼ lĕpána֖y hayò֑̇wm waʻàşé̂h־ẖe֕sed ʻi֖m ʼàdòni֥y ʼabĕráháֽm׃

13
הִנֵּ֛ה אָנֹכִ֥י נִצָּ֖ב עַל־עֵ֣ין הַמָּ֑יִם וּבְנֹות֙ אַנְשֵׁ֣י הָעִ֔יר יֹצְאֹ֖ת לִשְׁאֹ֥ב מָֽיִם׃

hiné֛̇h ʼánòki֥y niẕá֖̇b ʻal־ʻé֣yn hamá֑̇yim ẇbĕnòwţ֙ ʼanĕşé֣̌y háʻi֔yr yòẕĕʼò֖ţ lişĕ̌ʼò֥b máֽyim׃

14
וְהָיָ֣ה הַֽנַּעֲרָ֗ אֲשֶׁ֨ר אֹמַ֤ר אֵלֶ֨יהָ֙ הַטִּי־נָ֤א כַדֵּךְ֙ וְאֶשְׁתֶּ֔ה וְאָמְרָ֣ה שְׁתֵ֔ה וְגַם־גְּמַלֶּ֖יךָ אַשְׁקֶ֑ה אֹתָ֤הּ הֹכַ֨חְתָּ֙ לְעַבְדְּךָ֣ לְיִצְחָ֔ק וּבָ֣הּ אֵדַ֔ע כִּי־עָשִׂ֥יתָ חֶ֖סֶד עִם־אֲדֹנִֽי׃

wĕháyá֣h haֽnȧʻàrá֗ ʼàşě֨r ʼòma֤r ʼéle֨yhá֙ hati̇y־ná֤ʼ kadé̇kĕ֙ wĕʼeşĕ̌ţė֔h wĕʼámĕrá֣h şĕ̌ţé֔h wĕgam־gĕ̇malė֖yká ʼaşĕ̌qe֑h ʼòţá֤ḣ hòka֨ẖĕţá̇֙ lĕʻabĕdĕ̇ká֣ lĕyiẕĕẖá֔q ẇbá֣ḣ ʼéda֔ʻ ki̇y־ʻáşî֥yţá ẖe֖sed ʻim־ʼàdòniֽy׃

15
וַֽיְהִי־ה֗וּא טֶרֶם֮ כִּלָּ֣ה לְדַבֵּר֒ וְהִנֵּ֧ה רִבְקָ֣ה יֹצֵ֗את אֲשֶׁ֤ר יֻלְּדָה֙ לִבְתוּאֵ֣ל בֶּן־מִלְכָּ֔ה אֵ֥שֶׁת נָחֹ֖ור אֲחִ֣י אַבְרָהָ֑ם וְכַדָּ֖הּ עַל־שִׁכְמָֽהּ׃

waֽyĕhiy־h֗ẇʼ terem֮ ki̇lá֣̇h lĕdabé̇r֒ wĕhiné֧̇h ribĕqá֣h yòẕé֗ʼţ ʼàşě֤r yulĕ̇dáh֙ libĕţẇʼé֣l bėn־milĕká̇֔h ʼé֥şěţ náẖò֖wr ʼàẖi֣y ʼabĕráhá֑m wĕkadá֖̇ḣ ʻal־şǐkĕmáֽḣ׃

16
וְהַֽנַּעֲרָ֗ טֹבַ֤ת מַרְאֶה֙ מְאֹ֔ד בְּתוּלָ֕ה וְאִ֖ישׁ לֹ֣א יְדָעָ֑הּ וַתֵּ֣רֶד הָעַ֔יְנָה וַתְּמַלֵּ֥א כַדָּ֖הּ וַתָּֽעַל׃

wĕhaֽnȧʻàrá֗ tòba֤ţ marĕʼeh֙ mĕʼò֔d bĕ̇ţẇlá֕h wĕʼi֖yş̌ lò֣ʼ yĕdáʻá֑ḣ waţé֣̇red háʻa֔yĕnáh waţĕ̇malé֥̇ʼ kadá֖̇ḣ waţáֽ̇ʻal׃

17
וַיָּ֥רָץ הָעֶ֖בֶד לִקְרָאתָ֑הּ וַיֹּ֕אמֶר הַגְמִיאִ֥ינִי נָ֛א מְעַט־מַ֖יִם מִכַּדֵּֽךְ׃

wayá֥̇ráẕ háʻe֖bed liqĕráʼţá֑ḣ wayò̇֕ʼmer hagĕmiyʼi֥yniy ná֛ʼ mĕʻat־ma֖yim mikȧdéֽ̇kĕ׃

18
וַתֹּ֖אמֶר שְׁתֵ֣ה אֲדֹנִ֑י וַתְּמַהֵ֗ר וַתֹּ֧רֶד כַּדָּ֛הּ עַל־יָדָ֖הּ וַתַּשְׁקֵֽהוּ׃

waţò֖̇ʼmer şĕ̌ţé֣h ʼàdòni֑y waţĕ̇mahé֗r waţò֧̇red kȧdá֛̇ḣ ʻal־yádá֖ḣ waţȧşĕ̌qéֽhẇ׃

19
וַתְּכַ֖ל לְהַשְׁקֹתֹ֑ו וַתֹּ֗אמֶר גַּ֤ם לִגְמַלֶּ֨יךָ֙ אֶשְׁאָ֔ב עַ֥ד אִם־כִּלּ֖וּ לִשְׁתֹּֽת׃

waţĕ̇ka֖l lĕhaşĕ̌qòţò֑w waţò̇֗ʼmer gȧ֤m ligĕmalė֨yká֙ ʼeşĕ̌ʼá֔b ʻa֥d ʼim־ki̇l֖̇ẇ lişĕ̌ţòֽ̇ţ׃

20
וַתְּמַהֵ֗ר וַתְּעַ֤ר כַּדָּהּ֙ אֶל־הַשֹּׁ֔קֶת וַתָּ֥רָץ עֹ֛וד אֶֽל־הַבְּאֵ֖ר לִשְׁאֹ֑ב וַתִּשְׁאַ֖ב לְכָל־גְּמַלָּֽיו׃

waţĕ̇mahé֗r waţĕ̇ʻa֤r kȧdá̇ḣ֙ ʼel־haşò̇̌֔qeţ waţá֥̇ráẕ ʻò֛wd ʼeֽl־habĕ̇ʼé֖r lişĕ̌ʼò֑b waţi̇şĕ̌ʼa֖b lĕkál־gĕ̇maláֽ̇yw׃

21
וְהָאִ֥ישׁ מִשְׁתָּאֵ֖ה לָ֑הּ מַחֲרִ֕ישׁ לָדַ֗עַת הַֽהִצְלִ֧יחַ יְהוָ֛ה דַּרְכֹּ֖ו אִם־לֹֽא׃

wĕháʼi֥yş̌ mişĕ̌ţá̇ʼé֖h lá֑ḣ maẖàri֕yş̌ láda֗ʻaţ haֽhiẕĕli֧yẖa yĕhwá֛h dȧrĕkò֖̇w ʼim־lòֽʼ׃

22
וַיְהִ֗י כַּאֲשֶׁ֨ר כִּלּ֤וּ הַגְּמַלִּים֙ לִשְׁתֹּ֔ות וַיִּקַּ֤ח הָאִישׁ֙ נֶ֣זֶם זָהָ֔ב בֶּ֖קַע מִשְׁקָלֹ֑ו וּשְׁנֵ֤י צְמִידִים֙ עַל־יָדֶ֔יהָ עֲשָׂרָ֥ה זָהָ֖ב מִשְׁקָלָֽם׃

wayĕhi֗y kȧʼàşě֨r ki̇l֤̇ẇ hagĕ̇mali̇ym֙ lişĕ̌ţò̇֔wţ wayi̇qȧ֤ẖ háʼiyş̌֙ ne֣zem záhá֔b bė֖qaʻ mişĕ̌qálò֑w ẇşĕ̌né֤y ẕĕmiydiym֙ ʻal־yáde֔yhá ʻàşá̂rá֥h záhá֖b mişĕ̌qáláֽm׃

23
וַיֹּ֨אמֶר֙ בַּת־מִ֣י אַ֔תְּ הַגִּ֥ידִי נָ֖א לִ֑י הֲיֵ֧שׁ בֵּית־אָבִ֛יךְ מָקֹ֥ום לָ֖נוּ לָלִֽין׃

wayò̇֨ʼmer֙ bȧţ־mi֣y ʼa֔ţĕ̇ hagi֥̇ydiy ná֖ʼ li֑y hàyé֧ş̌ bé̇yţ־ʼábi֛ykĕ máqò֥wm lá֖nẇ láliֽyn׃

24
וַתֹּ֣אמֶר אֵלָ֔יו בַּת־בְּתוּאֵ֖ל אָנֹ֑כִי בֶּן־מִלְכָּ֕ה אֲשֶׁ֥ר יָלְדָ֖ה לְנָחֹֽור׃

waţò֣̇ʼmer ʼélá֔yw bȧţ־bĕ̇ţẇʼé֖l ʼánò֑kiy bėn־milĕká̇֕h ʼàşě֥r yálĕdá֖h lĕnáẖòֽwr׃

25
וַתֹּ֣אמֶר אֵלָ֔יו גַּם־תֶּ֥בֶן גַּם־מִסְפֹּ֖וא רַ֣ב עִמָּ֑נוּ גַּם־מָקֹ֖ום לָלֽוּן׃

waţò֣̇ʼmer ʼélá֔yw gȧm־ţė֥ben gȧm־misĕpò֖̇wʼ ra֣b ʻimá֑̇nẇ gȧm־máqò֖wm lálֽẇn׃

26
וַיִּקֹּ֣ד הָאִ֔ישׁ וַיִּשְׁתַּ֖חוּ לַֽיהוָֽה׃

wayi̇qò֣̇d háʼi֔yş̌ wayi̇şĕ̌ţȧ֖ẖẇ laֽyhwáֽh׃

27
וַיֹּ֗אמֶר בָּר֤וּךְ יְהוָה֙ אֱלֹהֵי֙ אֲדֹנִ֣י אַבְרָהָ֔ם אֲ֠שֶׁר לֹֽא־עָזַ֥ב חַסְדֹּ֛ו וַאֲמִתֹּ֖ו מֵעִ֣ם אֲדֹנִ֑י אָנֹכִ֗י בַּדֶּ֨רֶךְ֙ נָחַ֣נִי יְהוָ֔ה בֵּ֖ית אֲחֵ֥י אֲדֹנִֽי׃

wayò̇֗ʼmer bá̇r֤ẇkĕ yĕhwáh֙ ʼèlòhéy֙ ʼàdòni֣y ʼabĕráhá֔m ʼà֠şěr lòֽʼ־ʻáza֥b ẖasĕdò֛̇w waʼàmiţò֖̇w méʻi֣m ʼàdòni֑y ʼánòki֗y bȧdė֨rekĕ֙ náẖa֣niy yĕhwá֔h bé֖̇yţ ʼàẖé֥y ʼàdòniֽy׃

28
וַתָּ֨רָץ֙ הַֽנַּעֲרָ֔ וַתַּגֵּ֖ד לְבֵ֣ית אִמָּ֑הּ כַּדְּבָרִ֖ים הָאֵֽלֶּה׃

waţá̇֨ráẕ֙ haֽnȧʻàrá֔ waţȧgé֖̇d lĕbé֣yţ ʼimá֑̇ḣ kȧdĕ̇bári֖ym háʼéֽlėh׃

29
וּלְרִבְקָ֥ה אָ֖ח וּשְׁמֹ֣ו לָבָ֑ן וַיָּ֨רָץ לָבָ֧ן אֶל־הָאִ֛ישׁ הַח֖וּצָה אֶל־הָעָֽיִן׃

ẇlĕribĕqá֥h ʼá֖ẖ ẇşĕ̌mò֣w lábá֑n wayá̇֨ráẕ lábá֧n ʼel־háʼi֛yş̌ haẖ֖ẇẕáh ʼel־háʻáֽyin׃

30
וַיְהִ֣י׀ כִּרְאֹ֣ת אֶת־הַנֶּ֗זֶם וְֽאֶת־הַצְּמִדִים֮ עַל־יְדֵ֣י אֲחֹתֹו֒ וּכְשָׁמְעֹ֗ו אֶת־דִּבְרֵ֞י רִבְקָ֤ה אֲחֹתֹו֙ לֵאמֹ֔ר כֹּֽה־דִבֶּ֥ר אֵלַ֖י הָאִ֑ישׁ וַיָּבֹא֙ אֶל־הָאִ֔ישׁ וְהִנֵּ֛ה עֹמֵ֥ד עַל־הַגְּמַלִּ֖ים עַל־הָעָֽיִן׃

wayĕhi֣y׀ ki̇rĕʼò֣ţ ʼeţ־hanė֗zem wĕֽʼeţ־haẕĕ̇midiym֮ ʻal־yĕdé֣y ʼàẖòţòw֒ ẇkĕşá̌mĕʻò֗w ʼeţ־di̇bĕré֞y ribĕqá֤h ʼàẖòţòw֙ léʼmò֔r kòֽ̇h־dibė֥r ʼéla֖y háʼi֑yş̌ wayá̇bòʼ֙ ʼel־háʼi֔yş̌ wĕhiné֛̇h ʻòmé֥d ʻal־hagĕ̇mali֖̇ym ʻal־háʻáֽyin׃

31
וַיֹּ֕אמֶר בֹּ֖וא בְּר֣וּךְ יְהוָ֑ה לָ֤מָּה תַעֲמֹד֙ בַּח֔וּץ וְאָנֹכִי֙ פִּנִּ֣יתִי הַבַּ֔יִת וּמָקֹ֖ום לַגְּמַלִּֽים׃

wayò̇֕ʼmer bò֖̇wʼ bĕ̇r֣ẇkĕ yĕhwá֑h lá֤má̇h ţaʻàmòd֙ bȧẖ֔ẇẕ wĕʼánòkiy֙ pi̇ni֣̇yţiy habȧ֔yiţ ẇmáqò֖wm lagĕ̇maliֽ̇ym׃

32
וַיָּבֹ֤א הָאִישׁ֙ הַבַּ֔יְתָה וַיְפַתַּ֖ח הַגְּמַלִּ֑ים וַיִּתֵּ֨ן תֶּ֤בֶן וּמִסְפֹּוא֙ לַגְּמַלִּ֔ים וּמַ֨יִם֙ לִרְחֹ֣ץ רַגְלָ֔יו וְרַגְלֵ֥י הָאֲנָשִׁ֖ים אֲשֶׁ֥ר אִתֹּֽו׃

wayá̇bò֤ʼ háʼiyş̌֙ habȧ֔yĕţáh wayĕpaţȧ֖ẖ hagĕ̇mali֑̇ym wayi̇ţé̇֨n ţė֤ben ẇmisĕpò̇wʼ֙ lagĕ̇mali̇֔ym ẇma֨yim֙ lirĕẖò֣ẕ ragĕlá֔yw wĕragĕlé֥y háʼànáşǐ֖ym ʼàşě֥r ʼiţòֽ̇w׃

33
וַיִּישֶׂם לְפָנָיו֙ לֶאֱכֹ֔ל וַיֹּ֨אמֶר֙ לֹ֣א אֹכַ֔ל עַ֥ד אִם־דִּבַּ֖רְתִּי דְּבָרָ֑י וַיֹּ֖אמֶר דַּבֵּֽר׃

wayi̇yşêm lĕpánáyw֙ leʼèkò֔l wayò̇֨ʼmer֙ lò֣ʼ ʼòka֔l ʻa֥d ʼim־di̇bȧ֖rĕţi̇y dĕ̇bárá֑y wayò֖̇ʼmer dȧbéֽ̇r׃

34
וַיֹּאמַ֑ר עֶ֥בֶד אַבְרָהָ֖ם אָנֹֽכִי׃

wayò̇ʼma֑r ʻe֥bed ʼabĕráhá֖m ʼánòֽkiy׃

35
וַיהוָ֞ה בֵּרַ֧ךְ אֶת־אֲדֹנִ֛י מְאֹ֖ד וַיִּגְדָּ֑ל וַיִּתֶּן־לֹ֞ו צֹ֤אן וּבָקָר֙ וְכֶ֣סֶף וְזָהָ֔ב וַעֲבָדִם֙ וּשְׁפָחֹ֔ת וּגְמַלִּ֖ים וַחֲמֹרִֽים׃

wayhwá֞h bé̇ra֧kĕ ʼeţ־ʼàdòni֛y mĕʼò֖d wayi̇gĕdá֑̇l wayi̇ţėn־lò֞w ẕò֤ʼn ẇbáqár֙ wĕke֣sep wĕzáhá֔b waʻàbádim֙ ẇşĕ̌páẖò֔ţ ẇgĕmali֖̇ym waẖàmòriֽym׃

36
וַתֵּ֡לֶד שָׂרָה֩ אֵ֨שֶׁת אֲדֹנִ֥י בֵן֙ לַֽאדֹנִ֔י אַחֲרֵ֖י זִקְנָתָ֑הּ וַיִּתֶּן־לֹּ֖ו אֶת־כָּל־אֲשֶׁר־לֹֽו׃

waţé̇֡led şá̂ráh֩ ʼé֨şěţ ʼàdòni֥y bén֙ laֽʼdòni֔y ʼaẖàré֖y ziqĕnáţá֑ḣ wayi̇ţėn־lò֖̇w ʼeţ־ká̇l־ʼàşěr־lòֽw׃

37
וַיַּשְׁבִּעֵ֥נִי אֲדֹנִ֖י לֵאמֹ֑ר לֹא־תִּקַּ֤ח אִשָּׁה֙ לִבְנִ֔י מִבְּנֹות֙ הַֽכְּנַעֲנִ֔י אֲשֶׁ֥ר אָנֹכִ֖י יֹשֵׁ֥ב בְּאַרְצֹֽו׃

wayȧşĕ̌bi̇ʻé֥niy ʼàdòni֖y léʼmò֑r lòʼ־ţi̇qȧ֤ẖ ʼişá̇̌h֙ libĕni֔y mibĕ̇nòwţ֙ haֽkĕ̇naʻàni֔y ʼàşě֥r ʼánòki֖y yòşé֥̌b bĕ̇ʼarĕẕòֽw׃

38
אִם־לֹ֧א אֶל־בֵּית־אָבִ֛י תֵּלֵ֖ךְ וְאֶל־מִשְׁפַּחְתִּ֑י וְלָקַחְתָּ֥ אִשָּׁ֖ה לִבְנִֽי׃

ʼim־lò֧ʼ ʼel־bé̇yţ־ʼábi֛y ţé̇lé֖kĕ wĕʼel־mişĕ̌pȧẖĕţi֑̇y wĕláqaẖĕţá֥̇ ʼişá֖̇̌h libĕniֽy׃

39
וָאֹמַ֖ר אֶל־אֲדֹנִ֑י אֻלַ֛י לֹא־תֵלֵ֥ךְ הָאִשָּׁ֖ה אַחֲרָֽי׃

wáʼòma֖r ʼel־ʼàdòni֑y ʼula֛y lòʼ־ţélé֥kĕ háʼişá֖̇̌h ʼaẖàráֽy׃

40
וַיֹּ֖אמֶר אֵלָ֑י יְהוָ֞ה אֲשֶׁר־הִתְהַלַּ֣כְתִּי לְפָנָ֗יו יִשְׁלַ֨ח מַלְאָכֹ֤ו אִתָּךְ֙ וְהִצְלִ֣יחַ דַּרְכֶּ֔ךָ וְלָקַחְתָּ֤ אִשָּׁה֙ לִבְנִ֔י מִמִּשְׁפַּחְתִּ֖י וּמִבֵּ֥ית אָבִֽי׃

wayò֖̇ʼmer ʼélá֑y yĕhwá֞h ʼàşěr־hiţĕhalȧ֣kĕţi̇y lĕpáná֗yw yişĕ̌la֨ẖ malĕʼákò֤w ʼiţá̇kĕ֙ wĕhiẕĕli֣yẖa dȧrĕkė֔ká wĕláqaẖĕţá֤̇ ʼişá̇̌h֙ libĕni֔y mimi̇şĕ̌pȧẖĕţi֖̇y ẇmibé֥̇yţ ʼábiֽy׃

41
אָ֤ז תִּנָּקֶה֙ מֵאָ֣לָתִ֔י כִּ֥י תָבֹ֖וא אֶל־מִשְׁפַּחְתִּ֑י וְאִם־לֹ֤א יִתְּנוּ֙ לָ֔ךְ וְהָיִ֥יתָ נָקִ֖י מֵאָלָתִֽי׃

ʼá֤z ţi̇ná̇qeh֙ méʼá֣láţi֔y ki֥̇y ţábò֖wʼ ʼel־mişĕ̌pȧẖĕţi֑̇y wĕʼim־lò֤ʼ yiţĕ̇nẇ֙ lá֔kĕ wĕháyi֥yţá náqi֖y méʼáláţiֽy׃

42
וָאָבֹ֥א הַיֹּ֖ום אֶל־הָעָ֑יִן וָאֹמַ֗ר יְהוָה֙ אֱלֹהֵי֙ אֲדֹנִ֣י אַבְרָהָ֔ם אִם־יֶשְׁךָ־נָּא֙ מַצְלִ֣יחַ דַּרְכִּ֔י אֲשֶׁ֥ר אָנֹכִ֖י הֹלֵ֥ךְ עָלֶֽיהָ׃

wáʼábò֥ʼ hayò֖̇wm ʼel־háʻá֑yin wáʼòma֗r yĕhwáh֙ ʼèlòhéy֙ ʼàdòni֣y ʼabĕráhá֔m ʼim־yeşĕ̌ká־ná̇ʼ֙ maẕĕli֣yẖa dȧrĕki̇֔y ʼàşě֥r ʼánòki֖y hòlé֥kĕ ʻáleֽyhá׃

43
הִנֵּ֛ה אָנֹכִ֥י נִצָּ֖ב עַל־עֵ֣ין הַמָּ֑יִם וְהָיָ֤ה הָֽעַלְמָה֙ הַיֹּצֵ֣את לִשְׁאֹ֔ב וְאָמַרְתִּ֣י אֵלֶ֔יהָ הַשְׁקִֽינִי־נָ֥א מְעַט־מַ֖יִם מִכַּדֵּֽךְ׃

hiné֛̇h ʼánòki֥y niẕá֖̇b ʻal־ʻé֣yn hamá֑̇yim wĕháyá֤h háֽʻalĕmáh֙ hayò̇ẕé֣ʼţ lişĕ̌ʼò֔b wĕʼámarĕţi֣̇y ʼéle֔yhá haşĕ̌qiֽyniy־ná֥ʼ mĕʻat־ma֖yim mikȧdéֽ̇kĕ׃

44
וְאָמְרָ֤ה אֵלַי֙ גַּם־אַתָּ֣ה שְׁתֵ֔ה וְגַ֥ם לִגְמַלֶּ֖יךָ אֶשְׁאָ֑ב הִ֣וא הָֽאִשָּׁ֔ה אֲשֶׁר־הֹכִ֥יחַ יְהוָ֖ה לְבֶן־אֲדֹנִֽי׃

wĕʼámĕrá֤h ʼélay֙ gȧm־ʼaţá֣̇h şĕ̌ţé֔h wĕga֥m ligĕmalė֖yká ʼeşĕ̌ʼá֑b hi֣wʼ háֽʼişá̇̌֔h ʼàşěr־hòki֥yẖa yĕhwá֖h lĕben־ʼàdòniֽy׃

45
אֲנִי֩ טֶ֨רֶם אֲכַלֶּ֜ה לְדַבֵּ֣ר אֶל־לִבִּ֗י וְהִנֵּ֨ה רִבְקָ֤ה יֹצֵאת֙ וְכַדָּ֣הּ עַל־שִׁכְמָ֔הּ וַתֵּ֥רֶד הָעַ֖יְנָה וַתִּשְׁאָ֑ב וָאֹמַ֥ר אֵלֶ֖יהָ הַשְׁקִ֥ינִי נָֽא׃

ʼàniy֩ te֨rem ʼàkalė֜h lĕdabé֣̇r ʼel־libi̇֗y wĕhiné̇֨h ribĕqá֤h yòẕéʼţ֙ wĕkadá֣̇ḣ ʻal־şǐkĕmá֔ḣ waţé֥̇red háʻa֖yĕnáh waţi̇şĕ̌ʼá֑b wáʼòma֥r ʼéle֖yhá haşĕ̌qi֥yniy náֽʼ׃

46
וַתְּמַהֵ֗ר וַתֹּ֤ורֶד כַּדָּהּ֙ מֵֽעָלֶ֔יהָ וַתֹּ֣אמֶר שְׁתֵ֔ה וְגַם־גְּמַלֶּ֖יךָ אַשְׁקֶ֑ה וָאֵ֕שְׁתְּ וְגַ֥ם הַגְּמַלִּ֖ים הִשְׁקָֽתָה׃

waţĕ̇mahé֗r waţò֤̇wred kȧdá̇ḣ֙ méֽʻále֔yhá waţò֣̇ʼmer şĕ̌ţé֔h wĕgam־gĕ̇malė֖yká ʼaşĕ̌qe֑h wáʼé֕şĕ̌ţĕ̇ wĕga֥m hagĕ̇mali֖̇ym hişĕ̌qáֽţáh׃

47
וָאֶשְׁאַ֣ל אֹתָ֗הּ וָאֹמַר֮ בַּת־מִ֣י אַתְּ֒ וַתֹּ֗אמֶר בַּת־בְּתוּאֵל֙ בֶּן־נָחֹ֔ור אֲשֶׁ֥ר יָֽלְדָה־לֹּ֖ו מִלְכָּ֑ה וָאָשִׂ֤ם הַנֶּ֨זֶם֙ עַל־אַפָּ֔הּ וְהַצְּמִידִ֖ים עַל־יָדֶֽיהָ׃

wáʼeşĕ̌ʼa֣l ʼòţá֗ḣ wáʼòmar֮ bȧţ־mi֣y ʼaţĕ̇֒ waţò̇֗ʼmer bȧţ־bĕ̇ţẇʼél֙ bėn־náẖò֔wr ʼàşě֥r yáֽlĕdáh־lò֖̇w milĕká֑̇h wáʼáşî֤m hanė֨zem֙ ʻal־ʼapá̇֔ḣ wĕhaẕĕ̇miydi֖ym ʻal־yádeֽyhá׃

48
וָאֶקֹּ֥ד וָֽאֶשְׁתַּחֲוֶ֖ה לַיהוָ֑ה וָאֲבָרֵ֗ךְ אֶת־יְהוָה֙ אֱלֹהֵי֙ אֲדֹנִ֣י אַבְרָהָ֔ם אֲשֶׁ֤ר הִנְחַ֨נִי֙ בְּדֶ֣רֶךְ אֱמֶ֔ת לָקַ֛חַת אֶת־בַּת־אֲחִ֥י אֲדֹנִ֖י לִבְנֹֽו׃

wáʼeqò֥̇d wáֽʼeşĕ̌ţȧẖàwe֖h layhwá֑h wáʼàbáré֗kĕ ʼeţ־yĕhwáh֙ ʼèlòhéy֙ ʼàdòni֣y ʼabĕráhá֔m ʼàşě֤r hinĕẖa֨niy֙ bĕ̇de֣rekĕ ʼème֔ţ láqa֛ẖaţ ʼeţ־bȧţ־ʼàẖi֥y ʼàdòni֖y libĕnòֽw׃

49
וְ֠עַתָּה אִם־יֶשְׁכֶ֨ם עֹשִׂ֜ים חֶ֧סֶד וֶֽאֱמֶ֛ת אֶת־אֲדֹנִ֖י הַגִּ֣ידוּ לִ֑י וְאִם־לֹ֕א הַגִּ֣ידוּ לִ֔י וְאֶפְנֶ֥ה עַל־יָמִ֖ין אֹ֥ו עַל־שְׂמֹֽאל׃

wĕ֠ʻaţá̇h ʼim־yeşĕ̌ke֨m ʻòşî֜ym ẖe֧sed weֽʼème֛ţ ʼeţ־ʼàdòni֖y hagi֣̇ydẇ li֑y wĕʼim־lò֕ʼ hagi֣̇ydẇ li֔y wĕʼepĕne֥h ʻal־yámi֖yn ʼò֥w ʻal־şĕ̂mòֽʼl׃

50
וַיַּ֨עַן לָבָ֤ן וּבְתוּאֵל֙ וַיֹּ֣אמְר֔וּ מֵיְהוָ֖ה יָצָ֣א הַדָּבָ֑ר לֹ֥א נוּכַ֛ל דַּבֵּ֥ר אֵלֶ֖יךָ רַ֥ע אֹו־טֹֽוב׃

wayȧ֨ʻan lábá֤n ẇbĕţẇʼél֙ wayò֣̇ʼmĕr֔ẇ méyĕhwá֖h yáẕá֣ʼ hadá̇bá֑r lò֥ʼ nẇka֛l dȧbé֥̇r ʼéle֖yká ra֥ʻ ʼòw־tòֽwb׃

51
הִנֵּֽה־רִבְקָ֥ה לְפָנֶ֖יךָ קַ֣ח וָלֵ֑ךְ וּתְהִ֤י אִשָּׁה֙ לְבֶן־אֲדֹנֶ֔יךָ כַּאֲשֶׁ֖ר דִּבֶּ֥ר יְהוָֽה׃

hinéֽ̇h־ribĕqá֥h lĕpáne֖yká qa֣ẖ wálé֑kĕ ẇţĕhi֤y ʼişá̇̌h֙ lĕben־ʼàdòne֔yká kȧʼàşě֖r di̇bė֥r yĕhwáֽh׃

52
וַיְהִ֕י כַּאֲשֶׁ֥ר שָׁמַ֛ע עֶ֥בֶד אַבְרָהָ֖ם אֶת־דִּבְרֵיהֶ֑ם וַיִּשְׁתַּ֥חוּ אַ֖רְצָה לַֽיהוָֽה׃

wayĕhi֕y kȧʼàşě֥r şá̌ma֛ʻ ʻe֥bed ʼabĕráhá֖m ʼeţ־di̇bĕréyhe֑m wayi̇şĕ̌ţȧ֥ẖẇ ʼa֖rĕẕáh laֽyhwáֽh׃

53
וַיֹּוצֵ֨א הָעֶ֜בֶד כְּלֵי־כֶ֨סֶף וּכְלֵ֤י זָהָב֙ וּבְגָדִ֔ים וַיִּתֵּ֖ן לְרִבְקָ֑ה וּמִ֨גְדָּנֹ֔ת נָתַ֥ן לְאָחִ֖יהָ וּלְאִמָּֽהּ׃

wayò̇wẕé֨ʼ háʻe֜bed kĕ̇léy־ke֨sep ẇkĕlé֤y záháb֙ ẇbĕgádi֔ym wayi̇ţé֖̇n lĕribĕqá֑h ẇmi֨gĕdá̇nò֔ţ náţa֥n lĕʼáẖi֖yhá ẇlĕʼimáֽ̇ḣ׃

54
וַיֹּאכְל֣וּ וַיִּשְׁתּ֗וּ ה֛וּא וְהָאֲנָשִׁ֥ים אֲשֶׁר־עִמֹּ֖ו וַיָּלִ֑ינוּ וַיָּק֣וּמוּ בַבֹּ֔קֶר וַיֹּ֖אמֶר שַׁלְּחֻ֥נִי לַֽאדֹנִֽי׃

wayò̇ʼkĕl֣ẇ wayi̇şĕ̌ţ̇֗ẇ h֛ẇʼ wĕháʼànáşǐ֥ym ʼàşěr־ʻimò֖̇w wayá̇li֑ynẇ wayá̇q֣ẇmẇ babò̇֔qer wayò֖̇ʼmer şǎlĕ̇ẖu֥niy laֽʼdòniֽy׃

55
וַיֹּ֤אמֶר אָחִ֨יהָ֙ וְאִמָּ֔הּ תֵּשֵׁ֨ב הַנַּעֲרָ֥ אִתָּ֛נוּ יָמִ֖ים אֹ֣ו עָשֹׂ֑ור אַחַ֖ר תֵּלֵֽךְ׃

wayò֤̇ʼmer ʼáẖi֨yhá֙ wĕʼimá̇֔ḣ ţé̇şé̌֨b hanȧʻàrá֥ ʼiţá֛̇nẇ yámi֖ym ʼò֣w ʻáşò֑̂wr ʼaẖa֖r ţé̇léֽkĕ׃

56
וַיֹּ֤אמֶר אֲלֵהֶם֙ אַל־תְּאַחֲר֣וּ אֹתִ֔י וַֽיהוָ֖ה הִצְלִ֣יחַ דַּרְכִּ֑י שַׁלְּח֕וּנִי וְאֵלְכָ֖ה לַֽאדֹנִֽי׃

wayò֤̇ʼmer ʼàléhem֙ ʼal־ţĕ̇ʼaẖàr֣ẇ ʼòţi֔y waֽyhwá֖h hiẕĕli֣yẖa dȧrĕki֑̇y şǎlĕ̇ẖ֕ẇniy wĕʼélĕká֖h laֽʼdòniֽy׃

57
וַיֹּאמְר֖וּ נִקְרָ֣א לַֽנַּעֲרָ֑ וְנִשְׁאֲלָ֖ה אֶת־פִּֽיהָ׃

wayò̇ʼmĕr֖ẇ niqĕrá֣ʼ laֽnȧʻàrá֑ wĕnişĕ̌ʼàlá֖h ʼeţ־piֽ̇yhá׃

58
וַיִּקְרְא֤וּ לְרִבְקָה֙ וַיֹּאמְר֣וּ אֵלֶ֔יהָ הֲתֵלְכִ֖י עִם־הָאִ֣ישׁ הַזֶּ֑ה וַתֹּ֖אמֶר אֵלֵֽךְ׃

wayi̇qĕrĕʼ֤ẇ lĕribĕqáh֙ wayò̇ʼmĕr֣ẇ ʼéle֔yhá hàţélĕki֖y ʻim־háʼi֣yş̌ hazė֑h waţò֖̇ʼmer ʼéléֽkĕ׃

59
וַֽיְשַׁלְּח֛וּ אֶת־רִבְקָ֥ה אֲחֹתָ֖ם וְאֶת־מֵנִקְתָּ֑הּ וְאֶת־עֶ֥בֶד אַבְרָהָ֖ם וְאֶת־אֲנָשָֽׁיו׃

waֽyĕşǎlĕ̇ẖ֛ẇ ʼeţ־ribĕqá֥h ʼàẖòţá֖m wĕʼeţ־méniqĕţá֑̇ḣ wĕʼeţ־ʻe֥bed ʼabĕráhá֖m wĕʼeţ־ʼànáşáֽ̌yw׃

60
וַיְבָרֲכ֤וּ אֶת־רִבְקָה֙ וַיֹּ֣אמְרוּ לָ֔הּ אֲחֹתֵ֕נוּ אַ֥תְּ הֲיִ֖י לְאַלְפֵ֣י רְבָבָ֑ה וְיִירַ֣שׁ זַרְעֵ֔ךְ אֵ֖ת שַׁ֥עַר שֹׂנְאָֽיו׃

wayĕbáràk֤ẇ ʼeţ־ribĕqáh֙ wayò֣̇ʼmĕrẇ lá֔ḣ ʼàẖòţé֕nẇ ʼa֥ţĕ̇ hàyi֖y lĕʼalĕpé֣y rĕbábá֑h wĕyiyra֣ş̌ zarĕʻé֔kĕ ʼé֖ţ şǎ֥ʻar şò̂nĕʼáֽyw׃

61
וַתָּ֨קָם רִבְקָ֜ה וְנַעֲרֹתֶ֗יהָ וַתִּרְכַּ֨בְנָה֙ עַל־הַגְּמַלִּ֔ים וַתֵּלַ֖כְנָה אַחֲרֵ֣י הָאִ֑ישׁ וַיִּקַּ֥ח הָעֶ֛בֶד אֶת־רִבְקָ֖ה וַיֵּלַֽךְ׃

waţá̇֨qám ribĕqá֜h wĕnaʻàròţe֗yhá waţi̇rĕkȧ֨bĕnáh֙ ʻal־hagĕ̇mali̇֔ym waţé̇la֖kĕnáh ʼaẖàré֣y háʼi֑yş̌ wayi̇qȧ֥ẖ háʻe֛bed ʼeţ־ribĕqá֖h wayé̇laֽkĕ׃

62
וְיִצְחָק֙ בָּ֣א מִבֹּ֔וא בְּאֵ֥ר לַחַ֖י רֹאִ֑י וְה֥וּא יֹושֵׁ֖ב בְּאֶ֥רֶץ הַנֶּֽגֶב׃

wĕyiẕĕẖáq֙ bá֣̇ʼ mibò̇֔wʼ bĕ̇ʼé֥r laẖa֖y ròʼi֑y wĕh֥ẇʼ yòwşé֖̌b bĕ̇ʼe֥reẕ hanėֽgeb׃

63
וַיֵּצֵ֥א יִצְחָ֛ק לָשׂ֥וּחַ בַּשָּׂדֶ֖ה לִפְנֹ֣ות עָ֑רֶב וַיִּשָּׂ֤א עֵינָיו֙ וַיַּ֔רְא וְהִנֵּ֥ה גְמַלִּ֖ים בָּאִֽים׃

wayé̇ẕé֥ʼ yiẕĕẖá֛q láş֥̂ẇẖa bȧşá̇̂de֖h lipĕnò֣wţ ʻá֑reb wayi̇şá֤̇̂ʼ ʻéynáyw֙ wayȧ֔rĕʼ wĕhiné֥̇h gĕmali֖̇ym bá̇ʼiֽym׃

64
וַתִּשָּׂ֤א רִבְקָה֙ אֶת־עֵינֶ֔יהָ וַתֵּ֖רֶא אֶת־יִצְחָ֑ק וַתִּפֹּ֖ל מֵעַ֥ל הַגָּמָֽל׃

waţi̇şá֤̇̂ʼ ribĕqáh֙ ʼeţ־ʻéyne֔yhá waţé֖̇reʼ ʼeţ־yiẕĕẖá֑q waţi̇pò֖̇l méʻa֥l hagá̇máֽl׃

65
וַתֹּ֣אמֶר אֶל־הָעֶ֗בֶד מִֽי־הָאִ֤ישׁ הַלָּזֶה֙ הַהֹלֵ֤ךְ בַּשָּׂדֶה֙ לִקְרָאתֵ֔נוּ וַיֹּ֥אמֶר הָעֶ֖בֶד ה֣וּא אֲדֹנִ֑י וַתִּקַּ֥ח הַצָּעִ֖יף וַתִּתְכָּֽס׃

waţò֣̇ʼmer ʼel־háʻe֗bed miֽy־háʼi֤yş̌ halá̇zeh֙ hahòlé֤kĕ bȧşá̇̂deh֙ liqĕráʼţé֔nẇ wayò֥̇ʼmer háʻe֖bed h֣ẇʼ ʼàdòni֑y waţi̇qȧ֥ẖ haẕá̇ʻi֖yp waţi̇ţĕkáֽ̇s׃

66
וַיְסַפֵּ֥ר הָעֶ֖בֶד לְיִצְחָ֑ק אֵ֥ת כָּל־הַדְּבָרִ֖ים אֲשֶׁ֥ר עָשָֽׂה׃

wayĕsapé֥̇r háʻe֖bed lĕyiẕĕẖá֑q ʼé֥ţ ká̇l־hadĕ̇bári֖ym ʼàşě֥r ʻáşáֽ̂h׃

67
וַיְבִאֶ֣הָ יִצְחָ֗ק הָאֹ֨הֱלָה֙ שָׂרָ֣ה אִמֹּ֔ו וַיִּקַּ֧ח אֶת־רִבְקָ֛ה וַתְּהִי־לֹ֥ו לְאִשָּׁ֖ה וַיֶּאֱהָבֶ֑הָ וַיִּנָּחֵ֥ם יִצְחָ֖ק אַחֲרֵ֥י אִמֹּֽו׃ פ

wayĕbiʼe֣há yiẕĕẖá֗q háʼò֨hèláh֙ şá̂rá֣h ʼimò̇֔w wayi̇qȧ֧ẖ ʼeţ־ribĕqá֛h waţĕ̇hiy־lò֥w lĕʼişá֖̇̌h wayėʼèhábe֑há wayi̇ná̇ẖé֥m yiẕĕẖá֖q ʼaẖàré֥y ʼimòֽ̇w׃ p