Bibles in ancient languages
Ancient translations
Modern translations

Biblia Hebraica Stuttgartiensia Isaiah 65

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
נִדְרַ֨שְׁתִּי֙ לְלֹ֣וא שָׁאָ֔לוּ נִמְצֵ֖אתִי לְלֹ֣א בִקְשֻׁ֑נִי אָמַ֨רְתִּי֙ הִנֵּ֣נִי הִנֵּ֔נִי אֶל־גֹּ֖וי לֹֽא־קֹרָ֥א בִשְׁמִֽי׃

nidĕra֨şĕ̌ţi̇y֙ lĕlò֣wʼ şá̌ʼá֔lẇ nimĕẕé֖ʼţiy lĕlò֣ʼ biqĕşǔ֑niy ʼáma֨rĕţi̇y֙ hiné֣̇niy hiné̇֔niy ʼel־gò֖̇wy lòֽʼ־qòrá֥ʼ bişĕ̌miֽy׃

2
פֵּרַ֧שְׂתִּי יָדַ֛י כָּל־הַיֹּ֖ום אֶל־עַ֣ם סֹורֵ֑ר הַהֹלְכִים֙ הַדֶּ֣רֶךְ לֹא־טֹ֔וב אַחַ֖ר מַחְשְׁבֹתֵיהֶֽם׃

pé̇ra֧şĕ̂ţi̇y yáda֛y ká̇l־hayò֖̇wm ʼel־ʻa֣m sòwré֑r hahòlĕkiym֙ hadė֣rekĕ lòʼ־tò֔wb ʼaẖa֖r maẖĕşĕ̌bòţéyheֽm׃

3
הָעָ֗ם הַמַּכְעִיסִ֥ים אֹותִ֛י עַל־פָּנַ֖י תָּמִ֑יד זֹֽבְחִים֙ בַּגַּנֹּ֔ות וּֽמְקַטְּרִ֖ים עַל־הַלְּבֵנִֽים׃

háʻá֗m hamȧkĕʻiysi֥ym ʼòwţi֛y ʻal־pá̇na֖y ţá̇mi֑yd zòֽbĕẖiym֙ bȧgȧnò̇֔wţ ẇֽmĕqatĕ̇ri֖ym ʻal־halĕ̇béniֽym׃

4
הַיֹּֽשְׁבִים֙ בַּקְּבָרִ֔ים וּבַנְּצוּרִ֖ים יָלִ֑ינוּ הָאֹֽכְלִים֙ בְּשַׂ֣ר הַחֲזִ֔יר וּפְרַק פִּגֻּלִ֖ים כְּלֵיהֶֽם׃

hayòֽ̇şĕ̌biym֙ bȧqĕ̇bári֔ym ẇbanĕ̇ẕẇri֖ym yáli֑ynẇ háʼòֽkĕliym֙ bĕ̇şâ֣r haẖàzi֔yr ẇpĕraq pi̇gu̇li֖ym kĕ̇léyheֽm׃

5
הָאֹֽמְרִים֙ קְרַ֣ב אֵלֶ֔יךָ אַל־תִּגַּשׁ־בִּ֖י כִּ֣י קְדַשְׁתִּ֑יךָ אֵ֚לֶּה עָשָׁ֣ן בְּאַפִּ֔י אֵ֥שׁ יֹקֶ֖דֶת כָּל־הַיֹּֽום׃

háʼòֽmĕriym֙ qĕra֣b ʼéle֔yká ʼal־ţi̇gȧş̌־bi֖̇y ki֣̇y qĕdaşĕ̌ţi֑̇yká ʼé֚lėh ʻáşá֣̌n bĕ̇ʼapi̇֔y ʼé֥ş̌ yòqe֖deţ ká̇l־hayòֽ̇wm׃

6
הִנֵּ֥ה כְתוּבָ֖ה לְפָנָ֑י לֹ֤א אֶחֱשֶׂה֙ כִּ֣י אִם־שִׁלַּ֔מְתִּי וְשִׁלַּמְתִּ֖י עַל־חֵיקָֽם׃

hiné֥̇h kĕţẇbá֖h lĕpáná֑y lò֤ʼ ʼeẖèşêh֙ ki֣̇y ʼim־şǐlȧ֔mĕţi̇y wĕşǐlȧmĕţi֖̇y ʻal־ẖéyqáֽm׃

7
עֲ֠וֹנֹתֵיכֶם וַעֲוֹנֹ֨ת אֲבֹותֵיכֶ֤ם יַחְדָּו֙ אָמַ֣ר יְהוָ֔ה אֲשֶׁ֤ר קִטְּרוּ֙ עַל־הֶ֣הָרִ֔ים וְעַל־הַגְּבָעֹ֖ות חֵרְפ֑וּנִי וּמַדֹּתִ֧י פְעֻלָּתָ֛ם רִֽאשֹׁנָ֖ה עַל חֵיקָֽם׃ ס

ʻà֠wònòţéykem waʻàwònò֨ţ ʼàbòwţéyke֤m yaẖĕdá̇w֙ ʼáma֣r yĕhwá֔h ʼàşě֤r qitĕ̇rẇ֙ ʻal־he֣hári֔ym wĕʻal־hagĕ̇báʻò֖wţ ẖérĕp֑ẇniy ẇmadò̇ţi֧y pĕʻulá̇ţá֛m riֽʼşò̌ná֖h ʻal ẖéyqáֽm׃ s

8
כֹּ֣ה׀ אָמַ֣ר יְהוָ֗ה כַּאֲשֶׁ֨ר יִמָּצֵ֤א הַתִּירֹושׁ֙ בָּֽאֶשְׁכֹּ֔ול וְאָמַר֙ אַל־תַּשְׁחִיתֵ֔הוּ כִּ֥י בְרָכָ֖ה בֹּ֑ו כֵּ֤ן אֶֽעֱשֶׂה֙ לְמַ֣עַן עֲבָדַ֔י לְבִלְתִּ֖י הַֽשְׁחִ֥ית הַכֹּֽל׃

kò֣̇h׀ ʼáma֣r yĕhwá֗h kȧʼàşě֨r yimá̇ẕé֤ʼ haţi̇yròwş̌֙ báֽ̇ʼeşĕ̌kò̇֔wl wĕʼámar֙ ʼal־ţȧşĕ̌ẖiyţé֔hẇ ki֥̇y bĕráká֖h bò֑̇w ké֤̇n ʼeֽʻèşêh֙ lĕma֣ʻan ʻàbáda֔y lĕbilĕţi֖̇y haֽşĕ̌ẖi֥yţ hakòֽ̇l׃

9
וְהֹוצֵאתִ֤י מִֽיַּעֲקֹב֙ זֶ֔רַע וּמִיהוּדָ֖ה יֹורֵ֣שׁ הָרָ֑י וִירֵשׁ֣וּהָ בְחִירַ֔י וַעֲבָדַ֖י יִשְׁכְּנוּ־שָֽׁמָּה׃

wĕhòwẕéʼţi֤y miֽyȧʻàqòb֙ ze֔raʻ ẇmiyhẇdá֖h yòwré֣ş̌ hárá֑y wiyréş֣̌ẇhá bĕẖiyra֔y waʻàbáda֖y yişĕ̌kĕ̇nẇ־şáֽ̌má̇h׃

10
וְהָיָ֤ה הַשָּׁרֹון֙ לִנְוֵה־צֹ֔אן וְעֵ֥מֶק עָכֹ֖ור לְרֵ֣בֶץ בָּקָ֑ר לְעַמִּ֖י אֲשֶׁ֥ר דְּרָשֽׁוּנִי׃

wĕháyá֤h haşá̇̌ròwn֙ linĕwéh־ẕò֔ʼn wĕʻé֥meq ʻákò֖wr lĕré֣beẕ bá̇qá֑r lĕʻami֖̇y ʼàşě֥r dĕ̇ráşֽ̌ẇniy׃

11
וְאַתֶּם֙ עֹזְבֵ֣י יְהוָ֔ה הַשְּׁכֵחִ֖ים אֶת־הַ֣ר קָדְשִׁ֑י הַֽעֹרְכִ֤ים לַגַּד֙ שֻׁלְחָ֔ן וְהַֽמְמַלְאִ֖ים לַמְנִ֥י מִמְסָֽךְ׃

wĕʼaţėm֙ ʻòzĕbé֣y yĕhwá֔h haşĕ̇̌kéẖi֖ym ʼeţ־ha֣r qádĕşǐ֑y haֽʻòrĕki֤ym lagȧd֙ şǔlĕẖá֔n wĕhaֽmĕmalĕʼi֖ym lamĕni֥y mimĕsáֽkĕ׃

12
וּמָנִ֨יתִי אֶתְכֶ֜ם לַחֶ֗רֶב וְכֻלְּכֶם֙ לַטֶּ֣בַח תִּכְרָ֔עוּ יַ֤עַן קָרָ֨אתִי֙ וְלֹ֣א עֲנִיתֶ֔ם דִּבַּ֖רְתִּי וְלֹ֣א שְׁמַעְתֶּ֑ם וַתַּעֲשׂ֤וּ הָרַע֙ בְּעֵינַ֔י וּבַאֲשֶׁ֥ר לֹֽא־חָפַ֖צְתִּי בְּחַרְתֶּֽם׃ פ

ẇmáni֨yţiy ʼeţĕke֜m laẖe֗reb wĕkulĕ̇kem֙ latė֣baẖ ţi̇kĕrá֔ʻẇ ya֤ʻan qárá֨ʼţiy֙ wĕlò֣ʼ ʻàniyţe֔m di̇bȧ֖rĕţi̇y wĕlò֣ʼ şĕ̌maʻĕţė֑m waţȧʻàş֤̂ẇ háraʻ֙ bĕ̇ʻéyna֔y ẇbaʼàşě֥r lòֽʼ־ẖápa֖ẕĕţi̇y bĕ̇ẖarĕţėֽm׃ p

13
לָכֵ֞ן כֹּה־אָמַ֣ר׀ אֲדֹנָ֣י יְהוִ֗ה הִנֵּ֨ה עֲבָדַ֤י׀ יֹאכֵ֨לוּ֙ וְאַתֶּ֣ם תִּרְעָ֔בוּ הִנֵּ֧ה עֲבָדַ֛י יִשְׁתּ֖וּ וְאַתֶּ֣ם תִּצְמָ֑אוּ הִנֵּ֧ה עֲבָדַ֛י יִשְׂמָ֖חוּ וְאַתֶּ֥ם תֵּבֹֽשׁוּ׃

láké֞n kò̇h־ʼáma֣r׀ ʼàdòná֣y yĕhwi֗h hiné̇֨h ʻàbáda֤y׀ yòʼké֨lẇ֙ wĕʼaţė֣m ţi̇rĕʻá֔bẇ hiné֧̇h ʻàbáda֛y yişĕ̌ţ֖̇ẇ wĕʼaţė֣m ţi̇ẕĕmá֑ʼẇ hiné֧̇h ʻàbáda֛y yişĕ̂má֖ẖẇ wĕʼaţė֥m ţé̇bòֽş̌ẇ׃

14
הִנֵּ֧ה עֲבָדַ֛י יָרֹ֖נּוּ מִטּ֣וּב לֵ֑ב וְאַתֶּ֤ם תִּצְעֲקוּ֙ מִכְּאֵ֣ב לֵ֔ב וּמִשֵּׁ֥בֶר ר֖וּחַ תְּיֵלִֽילוּ׃

hiné֧̇h ʻàbáda֛y yárò֖ṅẇ miṫ֣ẇb lé֑b wĕʼaţė֤m ţi̇ẕĕʻàqẇ֙ mikĕ̇ʼé֣b lé֔b ẇmişé֥̇̌ber r֖ẇẖa ţĕ̇yéliֽylẇ׃

15
וְהִנַּחְתֶּ֨ם שִׁמְכֶ֤ם לִשְׁבוּעָה֙ לִבְחִירַ֔י וֶהֱמִיתְךָ֖ אֲדֹנָ֣י יְהוִ֑ה וְלַעֲבָדָ֥יו יִקְרָ֖א שֵׁ֥ם אַחֵֽר׃

wĕhinȧẖĕţė֨m şǐmĕke֤m lişĕ̌bẇʻáh֙ libĕẖiyra֔y wehèmiyţĕká֖ ʼàdòná֣y yĕhwi֑h wĕlaʻàbádá֥yw yiqĕrá֖ʼ şé֥̌m ʼaẖéֽr׃

16
אֲשֶׁ֨ר הַמִּתְבָּרֵ֜ךְ בָּאָ֗רֶץ יִתְבָּרֵךְ֙ בֵּאלֹהֵ֣י אָמֵ֔ן וְהַנִּשְׁבָּ֣ע בָּאָ֔רֶץ יִשָּׁבַ֖ע בֵּאלֹהֵ֣י אָמֵ֑ן כִּ֣י נִשְׁכְּח֗וּ הַצָּרֹות֙ הָרִ֣אשֹׁנֹ֔ות וְכִ֥י נִסְתְּר֖וּ מֵעֵינָֽי׃

ʼàşě֨r hami̇ţĕbá̇ré֜kĕ bá̇ʼá֗reẕ yiţĕbá̇rékĕ֙ bé̇ʼlòhé֣y ʼámé֔n wĕhani̇şĕ̌bá֣̇ʻ bá̇ʼá֔reẕ yişá̇̌ba֖ʻ bé̇ʼlòhé֣y ʼámé֑n ki֣̇y nişĕ̌kĕ̇ẖ֗ẇ haẕá̇ròwţ֙ hári֣ʼşò̌nò֔wţ wĕki֥y nisĕţĕ̇r֖ẇ méʻéynáֽy׃

17
כִּֽי־הִנְנִ֥י בֹורֵ֛א שָׁמַ֥יִם חֲדָשִׁ֖ים וָאָ֣רֶץ חֲדָשָׁ֑ה וְלֹ֤א תִזָּכַ֨רְנָה֙ הָרִ֣אשֹׁנֹ֔ות וְלֹ֥א תַעֲלֶ֖ינָה עַל־לֵֽב׃

kiֽ̇y־hinĕni֥y bòwré֛ʼ şá̌ma֥yim ẖàdáşǐ֖ym wáʼá֣reẕ ẖàdáşá֑̌h wĕlò֤ʼ ţizá̇ka֨rĕnáh֙ hári֣ʼşò̌nò֔wţ wĕlò֥ʼ ţaʻàle֖ynáh ʻal־léֽb׃

18
כִּֽי־אִם־שִׂ֤ישׂוּ וְגִ֨ילוּ֙ עֲדֵי־עַ֔ד אֲשֶׁ֖ר אֲנִ֣י בֹורֵ֑א כִּי֩ הִנְנִ֨י בֹורֵ֧א אֶת־יְרוּשָׁלִַ֛ם גִּילָ֖ה וְעַמָּ֥הּ מָשֹֽׂושׂ׃

kiֽ̇y־ʼim־şî֤yş̂ẇ wĕgi֨ylẇ֙ ʻàdéy־ʻa֔d ʼàşě֖r ʼàni֣y bòwré֑ʼ ki̇y֩ hinĕni֨y bòwré֧ʼ ʼeţ־yĕrẇşá̌lia֛m gi̇ylá֖h wĕʻamá֥̇ḣ máşòֽ̂wş̂׃

19
וְגַלְתִּ֥י בִירוּשָׁלִַ֖ם וְשַׂשְׂתִּ֣י בְעַמִּ֑י וְלֹֽא־יִשָּׁמַ֥ע בָּהּ֙ עֹ֔וד קֹ֥ול בְּכִ֖י וְקֹ֥ול זְעָקָֽה׃

wĕgalĕţi֥̇y biyrẇşá̌lia֖m wĕşâşĕ̂ţi֣̇y bĕʻami֑̇y wĕlòֽʼ־yişá̇̌ma֥ʻ bá̇ḣ֙ ʻò֔wd qò֥wl bĕ̇ki֖y wĕqò֥wl zĕʻáqáֽh׃

20
לֹא־יִֽהְיֶ֨ה מִשָּׁ֜ם עֹ֗וד ע֤וּל יָמִים֙ וְזָקֵ֔ן אֲשֶׁ֥ר לֹֽא־יְמַלֵּ֖א אֶת־יָמָ֑יו כִּ֣י הַנַּ֗עַר בֶּן־מֵאָ֤ה שָׁנָה֙ יָמ֔וּת וְהַ֣חֹוטֶ֔א בֶּן־מֵאָ֥ה שָׁנָ֖ה יְקֻלָּֽל׃

lòʼ־yiֽhĕye֨h mişá̇̌֜m ʻò֗wd ʻ֤ẇl yámiym֙ wĕzáqé֔n ʼàşě֥r lòֽʼ־yĕmalé֖̇ʼ ʼeţ־yámá֑yw ki֣̇y hanȧ֗ʻar bėn־méʼá֤h şá̌náh֙ yám֔ẇţ wĕha֣ẖòwte֔ʼ bėn־méʼá֥h şá̌ná֖h yĕquláֽ̇l׃

21
וּבָנ֥וּ בָתִּ֖ים וְיָשָׁ֑בוּ וְנָטְע֣וּ כְרָמִ֔ים וְאָכְל֖וּ פִּרְיָֽם׃

ẇbán֥ẇ báţi֖̇ym wĕyáşá֑̌bẇ wĕnátĕʻ֣ẇ kĕrámi֔ym wĕʼákĕl֖ẇ pi̇rĕyáֽm׃

22
לֹ֤א יִבְנוּ֙ וְאַחֵ֣ר יֵשֵׁ֔ב לֹ֥א יִטְּע֖וּ וְאַחֵ֣ר יֹאכֵ֑ל כִּֽי־כִימֵ֤י הָעֵץ֙ יְמֵ֣י עַמִּ֔י וּמַעֲשֵׂ֥ה יְדֵיהֶ֖ם יְבַלּ֥וּ בְחִירָֽי׃

lò֤ʼ yibĕnẇ֙ wĕʼaẖé֣r yéşé̌֔b lò֥ʼ yitĕ̇ʻ֖ẇ wĕʼaẖé֣r yòʼké֑l kiֽ̇y־kiymé֤y háʻéẕ֙ yĕmé֣y ʻami̇֔y ẇmaʻàşé֥̂h yĕdéyhe֖m yĕbal֥̇ẇ bĕẖiyráֽy׃

23
לֹ֤א יִֽיגְעוּ֙ לָרִ֔יק וְלֹ֥א יֵלְד֖וּ לַבֶּהָלָ֑ה כִּ֣י זֶ֜רַע בְּרוּכֵ֤י יְהוָה֙ הֵ֔מָּה וְצֶאֱצָאֵיהֶ֖ם אִתָּֽם׃

lò֤ʼ yiֽygĕʻẇ֙ lári֔yq wĕlò֥ʼ yélĕd֖ẇ labėhálá֑h ki֣̇y ze֜raʻ bĕ̇rẇké֤y yĕhwáh֙ hé֔má̇h wĕẕeʼèẕáʼéyhe֖m ʼiţáֽ̇m׃

24
וְהָיָ֥ה טֶֽרֶם־יִקְרָ֖אוּ וַאֲנִ֣י אֶעֱנֶ֑ה עֹ֛וד הֵ֥ם מְדַבְּרִ֖ים וַאֲנִ֥י אֶשְׁמָֽע׃

wĕháyá֥h teֽrem־yiqĕrá֖ʼẇ waʼàni֣y ʼeʻène֑h ʻò֛wd hé֥m mĕdabĕ̇ri֖ym waʼàni֥y ʼeşĕ̌máֽʻ׃

25
זְאֵ֨ב וְטָלֶ֜ה יִרְע֣וּ כְאֶחָ֗ד וְאַרְיֵה֙ כַּבָּקָ֣ר יֹֽאכַל־תֶּ֔בֶן וְנָחָ֖שׁ עָפָ֣ר לַחְמֹ֑ו לֹֽא־יָרֵ֧עוּ וְלֹֽא־יַשְׁחִ֛יתוּ בְּכָל־הַ֥ר קָדְשִׁ֖י אָמַ֥ר יְהוָֽה׃ ס

zĕʼé֨b wĕtále֜h yirĕʻ֣ẇ kĕʼeẖá֗d wĕʼarĕyéh֙ kȧbá̇qá֣r yòֽʼkal־ţė֔ben wĕnáẖá֖ş̌ ʻápá֣r laẖĕmò֑w lòֽʼ־yáré֧ʻẇ wĕlòֽʼ־yaşĕ̌ẖi֛yţẇ bĕ̇kál־ha֥r qádĕşǐ֖y ʼáma֥r yĕhwáֽh׃ s