Bibles in ancient languages
Ancient translations
Modern translations

Biblia Hebraica Stuttgartiensia Judges 3

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְאֵ֤לֶּה הַגֹּויִם֙ אֲשֶׁ֣ר הִנִּ֣יחַ יְהוָ֔ה לְנַסֹּ֥ות בָּ֖ם אֶת־יִשְׂרָאֵ֑ל אֵ֚ת כָּל־אֲשֶׁ֣ר לֹֽא־יָדְע֔וּ אֵ֖ת כָּל־מִלְחֲמֹ֥ות כְּנָֽעַן׃

wĕʼé֤lėh hagò̇wyim֙ ʼàşě֣r hini֣̇yẖa yĕhwá֔h lĕnasò֥̇wţ bá֖̇m ʼeţ־yişĕ̂ráʼé֑l ʼé֚ţ ká̇l־ʼàşě֣r lòֽʼ־yádĕʻ֔ẇ ʼé֖ţ ká̇l־milĕẖàmò֥wţ kĕ̇náֽʻan׃

2
רַ֗ק לְמַ֨עַן֙ דַּ֚עַת דֹּרֹ֣ות בְּנֵֽי־יִשְׂרָאֵ֔ל לְלַמְּדָ֖ם מִלְחָמָ֑ה רַ֥ק אֲשֶׁר־לְפָנִ֖ים לֹ֥א יְדָעֽוּם׃

ra֗q lĕma֨ʻan֙ dȧ֚ʻaţ dò̇rò֣wţ bĕ̇néֽy־yişĕ̂ráʼé֔l lĕlamĕ̇dá֖m milĕẖámá֑h ra֥q ʼàşěr־lĕpáni֖ym lò֥ʼ yĕdáʻֽẇm׃

3
חֲמֵ֣שֶׁת׀ סַרְנֵ֣י פְלִשְׁתִּ֗ים וְכָל־הַֽכְּנַעֲנִי֙ וְהַצִּ֣ידֹנִ֔י וְהַ֣חִוִּ֔י יֹשֵׁ֖ב הַ֣ר הַלְּבָנֹ֑ון מֵהַר֙ בַּ֣עַל חֶרְמֹ֔ון עַ֖ד לְבֹ֥וא חֲמָֽת׃

ẖàmé֣şěţ׀ sarĕné֣y pĕlişĕ̌ţi̇֗ym wĕkál־haֽkĕ̇naʻàniy֙ wĕhaẕi֣̇ydòni֔y wĕha֣ẖiwi̇֔y yòşé֖̌b ha֣r halĕ̇bánò֑wn méhar֙ bȧ֣ʻal ẖerĕmò֔wn ʻa֖d lĕbò֥wʼ ẖàmáֽţ׃

4
וַֽיִּהְי֕וּ לְנַסֹּ֥ות בָּ֖ם אֶת־יִשְׂרָאֵ֑ל לָדַ֗עַת הֲיִשְׁמְעוּ֙ אֶת־מִצְוֹ֣ת יְהוָ֔ה אֲשֶׁר־צִוָּ֥ה אֶת־אֲבֹותָ֖ם בְּיַד־מֹשֶֽׁה׃

waֽyi̇hĕy֕ẇ lĕnasò֥̇wţ bá֖̇m ʼeţ־yişĕ̂ráʼé֑l láda֗ʻaţ hàyişĕ̌mĕʻẇ֙ ʼeţ־miẕĕwò֣ţ yĕhwá֔h ʼàşěr־ẕiwá֥̇h ʼeţ־ʼàbòwţá֖m bĕ̇yad־mòşěֽh׃

5
וּבְנֵ֣י יִשְׂרָאֵ֔ל יָשְׁב֖וּ בְּקֶ֣רֶב הַֽכְּנַעֲנִ֑י הַחִתִּ֤י וְהָֽאֱמֹרִי֙ וְהַפְּרִזִּ֔י וְהַחִוִּ֖י וְהַיְבוּסִֽי׃

ẇbĕné֣y yişĕ̂ráʼé֔l yáşĕ̌b֖ẇ bĕ̇qe֣reb haֽkĕ̇naʻàni֑y haẖiţi֤̇y wĕháֽʼèmòriy֙ wĕhapĕ̇rizi̇֔y wĕhaẖiwi֖̇y wĕhayĕbẇsiֽy׃

6
וַיִּקְח֨וּ אֶת־בְּנֹותֵיהֶ֤ם לָהֶם֙ לְנָשִׁ֔ים וְאֶת־בְּנֹותֵיהֶ֖ם נָתְנ֣וּ לִבְנֵיהֶ֑ם וַיַּעַבְד֖וּ אֶת־אֱלֹהֵיהֶֽם׃ פ

wayi̇qĕẖ֨ẇ ʼeţ־bĕ̇nòwţéyhe֤m láhem֙ lĕnáşǐ֔ym wĕʼeţ־bĕ̇nòwţéyhe֖m náţĕn֣ẇ libĕnéyhe֑m wayȧʻabĕd֖ẇ ʼeţ־ʼèlòhéyheֽm׃ p

7
וַיַּעֲשׂ֨וּ בְנֵי־יִשְׂרָאֵ֤ל אֶת־הָרַע֙ בְּעֵינֵ֣י יְהוָ֔ה וַֽיִּשְׁכְּח֖וּ אֶת־יְהוָ֣ה אֱלֹֽהֵיהֶ֑ם וַיַּעַבְד֥וּ אֶת־הַבְּעָלִ֖ים וְאֶת־הָאֲשֵׁרֹֽות׃

wayȧʻàş̂֨ẇ bĕnéy־yişĕ̂ráʼé֤l ʼeţ־háraʻ֙ bĕ̇ʻéyné֣y yĕhwá֔h waֽyi̇şĕ̌kĕ̇ẖ֖ẇ ʼeţ־yĕhwá֣h ʼèlòֽhéyhe֑m wayȧʻabĕd֥ẇ ʼeţ־habĕ̇ʻáli֖ym wĕʼeţ־háʼàşé̌ròֽwţ׃

8
וַיִּֽחַר־אַ֤ף יְהוָה֙ בְּיִשְׂרָאֵ֔ל וַֽיִּמְכְּרֵ֗ם בְּיַד֙ כּוּשַׁ֣ן רִשְׁעָתַ֔יִם מֶ֖לֶךְ אֲרַ֣ם נַהֲרָ֑יִם וַיַּעַבְד֧וּ בְנֵֽי־יִשְׂרָאֵ֛ל אֶת־כּוּשַׁ֥ן רִשְׁעָתַ֖יִם שְׁמֹנֶ֥ה שָׁנִֽים׃

wayiֽ̇ẖar־ʼa֤p yĕhwáh֙ bĕ̇yişĕ̂ráʼé֔l waֽyi̇mĕkĕ̇ré֗m bĕ̇yad֙ k̇ẇşǎ֣n rişĕ̌ʻáţa֔yim me֖lekĕ ʼàra֣m nahàrá֑yim wayȧʻabĕd֧ẇ bĕnéֽy־yişĕ̂ráʼé֛l ʼeţ־k̇ẇşǎ֥n rişĕ̌ʻáţa֖yim şĕ̌mòne֥h şá̌niֽym׃

9
וַיִּזְעֲק֤וּ בְנֵֽי־יִשְׂרָאֵל֙ אֶל־יְהוָ֔ה וַיָּ֨קֶם יְהוָ֥ה מֹושִׁ֛יעַ לִבְנֵ֥י יִשְׂרָאֵ֖ל וַיֹּֽושִׁיעֵ֑ם אֵ֚ת עָתְנִיאֵ֣ל בֶּן־קְנַ֔ז אֲחִ֥י כָלֵ֖ב הַקָּטֹ֥ן מִמֶּֽנּוּ׃

wayi̇zĕʻàq֤ẇ bĕnéֽy־yişĕ̂ráʼél֙ ʼel־yĕhwá֔h wayá̇֨qem yĕhwá֥h mòwşǐ֛yʻa libĕné֥y yişĕ̂ráʼé֖l wayòֽ̇wşǐyʻé֑m ʼé֚ţ ʻáţĕniyʼé֣l bėn־qĕna֔z ʼàẖi֥y kálé֖b haqá̇tò֥n mimėֽṅẇ׃

10
וַתְּהִ֨י עָלָ֥יו רֽוּחַ־יְהוָה֮ וַיִּשְׁפֹּ֣ט אֶת־יִשְׂרָאֵל֒ וַיֵּצֵא֙ לַמִּלְחָמָ֔ה וַיִּתֵּ֤ן יְהוָה֙ בְּיָדֹ֔ו אֶת־כּוּשַׁ֥ן רִשְׁעָתַ֖יִם מֶ֣לֶךְ אֲרָ֑ם וַתָּ֣עָז יָדֹ֔ו עַ֖ל כּוּשַׁ֥ן רִשְׁעָתָֽיִם׃

waţĕ̇hi֨y ʻálá֥yw rֽẇẖa־yĕhwáh֮ wayi̇şĕ̌pò֣̇t ʼeţ־yişĕ̂ráʼél֒ wayé̇ẕéʼ֙ lami̇lĕẖámá֔h wayi̇ţé֤̇n yĕhwáh֙ bĕ̇yádò֔w ʼeţ־k̇ẇşǎ֥n rişĕ̌ʻáţa֖yim me֣lekĕ ʼàrá֑m waţá֣̇ʻáz yádò֔w ʻa֖l k̇ẇşǎ֥n rişĕ̌ʻáţáֽyim׃

11
וַתִּשְׁקֹ֥ט הָאָ֖רֶץ אַרְבָּעִ֣ים שָׁנָ֑ה וַיָּ֖מָת עָתְנִיאֵ֥ל בֶּן־קְנַֽז׃ פ

waţi̇şĕ̌qò֥t háʼá֖reẕ ʼarĕbá̇ʻi֣ym şá̌ná֑h wayá֖̇máţ ʻáţĕniyʼé֥l bėn־qĕnaֽz׃ p

12
וַיֹּסִ֨פוּ֙ בְּנֵ֣י יִשְׂרָאֵ֔ל לַעֲשֹׂ֥ות הָרַ֖ע בְּעֵינֵ֣י יְהוָ֑ה וַיְחַזֵּ֨ק יְהוָ֜ה אֶת־עֶגְלֹ֤ון מֶֽלֶךְ־מֹואָב֙ עַל־יִשְׂרָאֵ֔ל עַ֛ל כִּֽי־עָשׂ֥וּ אֶת־הָרַ֖ע בְּעֵינֵ֥י יְהוָֽה׃

wayò̇si֨pẇ֙ bĕ̇né֣y yişĕ̂ráʼé֔l laʻàşò֥̂wţ hára֖ʻ bĕ̇ʻéyné֣y yĕhwá֑h wayĕẖazé̇֨q yĕhwá֜h ʼeţ־ʻegĕlò֤wn meֽlekĕ־mòwʼáb֙ ʻal־yişĕ̂ráʼé֔l ʻa֛l kiֽ̇y־ʻáş֥̂ẇ ʼeţ־hára֖ʻ bĕ̇ʻéyné֥y yĕhwáֽh׃

13
וַיֶּאֱסֹ֣ף אֵלָ֔יו אֶת־בְּנֵ֥י עַמֹּ֖ון וַעֲמָלֵ֑ק וַיֵּ֗לֶךְ וַיַּךְ֙ אֶת־יִשְׂרָאֵ֔ל וַיִּֽירְשׁ֖וּ אֶת־עִ֥יר הַתְּמָרִֽים׃

wayėʼèsò֣p ʼélá֔yw ʼeţ־bĕ̇né֥y ʻamò֖̇wn waʻàmálé֑q wayé̇֗lekĕ wayȧkĕ֙ ʼeţ־yişĕ̂ráʼé֔l wayiֽ̇yrĕş֖̌ẇ ʼeţ־ʻi֥yr haţĕ̇máriֽym׃

14
וַיַּעַבְד֤וּ בְנֵֽי־יִשְׂרָאֵל֙ אֶת־עֶגְלֹ֣ון מֶֽלֶךְ־מֹואָ֔ב שְׁמֹונֶ֥ה עֶשְׂרֵ֖ה שָׁנָֽה׃ ס

wayȧʻabĕd֤ẇ bĕnéֽy־yişĕ̂ráʼél֙ ʼeţ־ʻegĕlò֣wn meֽlekĕ־mòwʼá֔b şĕ̌mòwne֥h ʻeşĕ̂ré֖h şá̌náֽh׃ s

15
וַיִּזְעֲק֣וּ בְנֵֽי־יִשְׂרָאֵל֮ אֶל־יְהוָה֒ וַיָּקֶם֩ יְהוָ֨ה לָהֶ֜ם מֹושִׁ֗יעַ אֶת־אֵה֤וּד בֶּן־גֵּרָא֙ בֶּן־הַיְמִינִ֔י אִ֥ישׁ אִטֵּ֖ר יַד־יְמִינֹ֑ו וַיִּשְׁלְח֨וּ בְנֵי־יִשְׂרָאֵ֤ל בְּיָדֹו֙ מִנְחָ֔ה לְעֶגְלֹ֖ון מֶ֥לֶךְ מֹואָֽב׃

wayi̇zĕʻàq֣ẇ bĕnéֽy־yişĕ̂ráʼél֮ ʼel־yĕhwáh֒ wayá̇qem֩ yĕhwá֨h láhe֜m mòwşǐ֗yʻa ʼeţ־ʼéh֤ẇd bėn־gé̇ráʼ֙ bėn־hayĕmiyni֔y ʼi֥yş̌ ʼité֖̇r yad־yĕmiynò֑w wayi̇şĕ̌lĕẖ֨ẇ bĕnéy־yişĕ̂ráʼé֤l bĕ̇yádòw֙ minĕẖá֔h lĕʻegĕlò֖wn me֥lekĕ mòwʼáֽb׃

16
וַיַּעַשׂ֩ לֹ֨ו אֵה֜וּד חֶ֗רֶב וְלָ֛הּ שְׁנֵ֥י פֵיֹ֖ות גֹּ֣מֶד אָרְכָּ֑הּ וַיַּחְגֹּ֤ר אֹותָהּ֙ מִתַּ֣חַת לְמַדָּ֔יו עַ֖ל יֶ֥רֶךְ יְמִינֹֽו׃

wayȧʻaş̂֩ lò֨w ʼéh֜ẇd ẖe֗reb wĕlá֛ḣ şĕ̌né֥y péyò֖wţ gò֣̇med ʼárĕká֑̇ḣ wayȧẖĕgò֤̇r ʼòwţáḣ֙ miţȧ֣ẖaţ lĕmadá̇֔yw ʻa֖l ye֥rekĕ yĕmiynòֽw׃

17
וַיַּקְרֵב֙ אֶת־הַמִּנְחָ֔ה לְעֶגְלֹ֖ון מֶ֣לֶךְ מֹואָ֑ב וְעֶגְלֹ֕ון אִ֥ישׁ בָּרִ֖יא מְאֹֽד׃

wayȧqĕréb֙ ʼeţ־hami̇nĕẖá֔h lĕʻegĕlò֖wn me֣lekĕ mòwʼá֑b wĕʻegĕlò֕wn ʼi֥yş̌ bá̇ri֖yʼ mĕʼòֽd׃

18
וַֽיְהִי֙ כַּאֲשֶׁ֣ר כִּלָּ֔ה לְהַקְרִ֖יב אֶת־הַמִּנְחָ֑ה וַיְשַׁלַּח֙ אֶת־הָעָ֔ם נֹשְׂאֵ֖י הַמִּנְחָֽה׃

waֽyĕhiy֙ kȧʼàşě֣r ki̇lá̇֔h lĕhaqĕri֖yb ʼeţ־hami̇nĕẖá֑h wayĕşǎlȧẖ֙ ʼeţ־háʻá֔m nòşĕ̂ʼé֖y hami̇nĕẖáֽh׃

19
וְה֣וּא שָׁ֗ב מִן־הַפְּסִילִים֙ אֲשֶׁ֣ר אֶת־הַגִּלְגָּ֔ל וַיֹּ֕אמֶר דְּבַר־סֵ֥תֶר לִ֛י אֵלֶ֖יךָ הַמֶּ֑לֶךְ וַיֹּ֣אמֶר הָ֔ס וַיֵּֽצְאוּ֙ מֵֽעָלָ֔יו כָּל־הָעֹמְדִ֖ים עָלָֽיו׃

wĕh֣ẇʼ şá̌֗b min־hapĕ̇siyliym֙ ʼàşě֣r ʼeţ־hagi̇lĕgá̇֔l wayò̇֕ʼmer dĕ̇bar־sé֥ţer li֛y ʼéle֖yká hamė֑lekĕ wayò֣̇ʼmer há֔s wayéֽ̇ẕĕʼẇ֙ méֽʻálá֔yw ká̇l־háʻòmĕdi֖ym ʻáláֽyw׃

20
וְאֵה֣וּד׀ בָּ֣א אֵלָ֗יו וְהֽוּא־יֹ֠שֵׁב בַּעֲלִיַּ֨ת הַמְּקֵרָ֤ה אֲשֶׁר־לֹו֙ לְבַדֹּ֔ו וַיֹּ֣אמֶר אֵה֔וּד דְּבַר־אֱלֹהִ֥ים לִ֖י אֵלֶ֑יךָ וַיָּ֖קָם מֵעַ֥ל הַכִּסֵּֽא׃

wĕʼéh֣ẇd׀ bá֣̇ʼ ʼélá֗yw wĕhֽẇʼ־yò֠şé̌b bȧʻàliyȧ֨ţ hamĕ̇qérá֤h ʼàşěr־lòw֙ lĕbadò̇֔w wayò֣̇ʼmer ʼéh֔ẇd dĕ̇bar־ʼèlòhi֥ym li֖y ʼéle֑yká wayá֖̇qám méʻa֥l haki̇séֽ̇ʼ׃

21
וַיִּשְׁלַ֤ח אֵהוּד֙ אֶת־יַ֣ד שְׂמֹאלֹ֔ו וַיִּקַּח֙ אֶת־הַחֶ֔רֶב מֵעַ֖ל יֶ֣רֶךְ יְמִינֹ֑ו וַיִּתְקָעֶ֖הָ בְּבִטְנֹֽו׃

wayi̇şĕ̌la֤ẖ ʼéhẇd֙ ʼeţ־ya֣d şĕ̂mòʼlò֔w wayi̇qȧẖ֙ ʼeţ־haẖe֔reb méʻa֖l ye֣rekĕ yĕmiynò֑w wayi̇ţĕqáʻe֖há bĕ̇bitĕnòֽw׃

22
וַיָּבֹ֨א גַֽם־הַנִּצָּ֜ב אַחַ֣ר הַלַּ֗הַב וַיִּסְגֹּ֤ר הַחֵ֨לֶב֙ בְּעַ֣ד הַלַּ֔הַב כִּ֣י לֹ֥א שָׁלַ֛ף הַחֶ֖רֶב מִבִּטְנֹ֑ו וַיֵּצֵ֖א הַֽפַּרְשְׁדֹֽנָה׃

wayá̇bò֨ʼ gaֽm־hani̇ẕá̇֜b ʼaẖa֣r halȧ֗hab wayi̇sĕgò֤̇r haẖé֨leb֙ bĕ̇ʻa֣d halȧ֔hab ki֣̇y lò֥ʼ şá̌la֛p haẖe֖reb mibi̇tĕnò֑w wayé̇ẕé֖ʼ haֽpȧrĕşĕ̌dòֽnáh׃

23
וַיֵּצֵ֥א אֵה֖וּד הַֽמִּסְדְּרֹ֑ונָה וַיִּסְגֹּ֞ר דַּלְתֹ֧ות הָעַלִיָּ֛ה בַּעֲדֹ֖ו וְנָעָֽל׃

wayé̇ẕé֥ʼ ʼéh֖ẇd haֽmi̇sĕdĕ̇rò֑wnáh wayi̇sĕgò̇֞r dȧlĕţò֧wţ háʻaliyá֛̇h bȧʻàdò֖w wĕnáʻáֽl׃

24
וְה֤וּא יָצָא֙ וַעֲבָדָ֣יו בָּ֔אוּ וַיִּרְא֕וּ וְהִנֵּ֛ה דַּלְתֹ֥ות הָעֲלִיָּ֖ה נְעֻלֹ֑ות וַיֹּ֣אמְר֔וּ אַ֣ךְ מֵסִ֥יךְ ה֛וּא אֶת־רַגְלָ֖יו בַּחֲדַ֥ר הַמְּקֵרָֽה׃

wĕh֤ẇʼ yáẕáʼ֙ waʻàbádá֣yw bá̇֔ʼẇ wayi̇rĕʼ֕ẇ wĕhiné֛̇h dȧlĕţò֥wţ háʻàliyá֖̇h nĕʻulò֑wţ wayò֣̇ʼmĕr֔ẇ ʼa֣kĕ mési֥ykĕ h֛ẇʼ ʼeţ־ragĕlá֖yw bȧẖàda֥r hamĕ̇qéráֽh׃

25
וַיָּחִ֣ילוּ עַד־בֹּ֔ושׁ וְהִנֵּ֛ה אֵינֶ֥נּוּ פֹתֵ֖חַ דַּלְתֹ֣ות הָֽעֲלִיָּ֖ה וַיִּקְח֤וּ אֶת־הַמַּפְתֵּ֨חַ֙ וַיִּפְתָּ֔חוּ וְהִנֵּה֙ אֲדֹ֣נֵיהֶ֔ם נֹפֵ֥ל אַ֖רְצָה מֵֽת׃

wayá̇ẖi֣ylẇ ʻad־bò̇֔wş̌ wĕhiné֛̇h ʼéyne֥ṅẇ pòţé֖ẖa dȧlĕţò֣wţ háֽʻàliyá֖̇h wayi̇qĕẖ֤ẇ ʼeţ־hamȧpĕţé̇֨ẖa֙ wayi̇pĕţá̇֔ẖẇ wĕhiné̇h֙ ʼàdò֣néyhe֔m nòpé֥l ʼa֖rĕẕáh méֽţ׃

26
וְאֵה֥וּד נִמְלַ֖ט עַ֣ד הִֽתְמַהְמְהָ֑ם וְהוּא֙ עָבַ֣ר אֶת־הַפְּסִילִ֔ים וַיִּמָּלֵ֖ט הַשְּׂעִירָֽתָה׃

wĕʼéh֥ẇd nimĕla֖t ʻa֣d hiֽţĕmahĕmĕhá֑m wĕhẇʼ֙ ʻába֣r ʼeţ־hapĕ̇siyli֔ym wayi̇má̇lé֖t haşĕ̇̂ʻiyráֽţáh׃

27
וַיְהִ֣י בְּבֹואֹ֔ו וַיִּתְקַ֥ע בַּשֹּׁופָ֖ר בְּהַ֣ר אֶפְרָ֑יִם וַיֵּרְד֨וּ עִמֹּ֧ו בְנֵֽי־יִשְׂרָאֵ֛ל מִן־הָהָ֖ר וְה֥וּא לִפְנֵיהֶֽם׃

wayĕhi֣y bĕ̇bòwʼò֔w wayi̇ţĕqa֥ʻ bȧşò̇̌wpá֖r bĕ̇ha֣r ʼepĕrá֑yim wayé̇rĕd֨ẇ ʻimò֧̇w bĕnéֽy־yişĕ̂ráʼé֛l min־háhá֖r wĕh֥ẇʼ lipĕnéyheֽm׃

28
וַיֹּ֤אמֶר אֲלֵהֶם֙ רִדְפ֣וּ אַחֲרַ֔י כִּֽי־נָתַ֨ן יְהוָ֧ה אֶת־אֹיְבֵיכֶ֛ם אֶת־מֹואָ֖ב בְּיֶדְכֶ֑ם וַיֵּרְד֣וּ אַחֲרָ֗יו וַֽיִּלְכְּד֞וּ אֶת־מַעְבְּרֹ֤ות הַיַּרְדֵּן֙ לְמֹואָ֔ב וְלֹֽא־נָתְנ֥וּ אִ֖ישׁ לַעֲבֹֽר׃

wayò֤̇ʼmer ʼàléhem֙ ridĕp֣ẇ ʼaẖàra֔y kiֽ̇y־náţa֨n yĕhwá֧h ʼeţ־ʼòyĕbéyke֛m ʼeţ־mòwʼá֖b bĕ̇yedĕke֑m wayé̇rĕd֣ẇ ʼaẖàrá֗yw waֽyi̇lĕkĕ̇d֞ẇ ʼeţ־maʻĕbĕ̇rò֤wţ hayȧrĕdé̇n֙ lĕmòwʼá֔b wĕlòֽʼ־náţĕn֥ẇ ʼi֖yş̌ laʻàbòֽr׃

29
וַיַּכּ֨וּ אֶת־מֹואָ֜ב בָּעֵ֣ת הַהִ֗יא כַּעֲשֶׂ֤רֶת אֲלָפִים֙ אִ֔ישׁ כָּל־שָׁמֵ֖ן וְכָל־אִ֣ישׁ חָ֑יִל וְלֹ֥א נִמְלַ֖ט אִֽישׁ׃

wayȧk̇֨ẇ ʼeţ־mòwʼá֜b bá̇ʻé֣ţ hahi֗yʼ kȧʻàşê֤reţ ʼàlápiym֙ ʼi֔yş̌ ká̇l־şá̌mé֖n wĕkál־ʼi֣yş̌ ẖá֑yil wĕlò֥ʼ nimĕla֖t ʼiֽyş̌׃

30
וַתִּכָּנַ֤ע מֹואָב֙ בַּיֹּ֣ום הַה֔וּא תַּ֖חַת יַ֣ד יִשְׂרָאֵ֑ל וַתִּשְׁקֹ֥ט הָאָ֖רֶץ שְׁמֹונִ֥ים שָׁנָֽה׃ ס

waţi̇ká̇na֤ʻ mòwʼáb֙ bȧyò֣̇wm hah֔ẇʼ ţȧ֖ẖaţ ya֣d yişĕ̂ráʼé֑l waţi̇şĕ̌qò֥t háʼá֖reẕ şĕ̌mòwni֥ym şá̌náֽh׃ s

31
וְאַחֲרָ֤יו הָיָה֙ שַׁמְגַּ֣ר בֶּן־עֲנָ֔ת וַיַּ֤ךְ אֶת־פְּלִשְׁתִּים֙ שֵֽׁשׁ־מֵאֹ֣ות אִ֔ישׁ בְּמַלְמַ֖ד הַבָּקָ֑ר וַיֹּ֥שַׁע גַּם־ה֖וּא אֶת־יִשְׂרָאֵֽל׃ ס

wĕʼaẖàrá֤yw háyáh֙ şǎmĕgȧ֣r bėn־ʻàná֔ţ wayȧ֤kĕ ʼeţ־pĕ̇lişĕ̌ţi̇ym֙ şéֽ̌ş̌־méʼò֣wţ ʼi֔yş̌ bĕ̇malĕma֖d habá̇qá֑r wayò֥̇şǎʻ gȧm־h֖ẇʼ ʼeţ־yişĕ̂ráʼéֽl׃ s