Bibles in ancient languages
Ancient translations
Modern translations

Biblia Hebraica Stuttgartiensia Joshua 10

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִי֩ כִשְׁמֹ֨עַ אֲדֹֽנִי־צֶ֜דֶק מֶ֣לֶךְ יְרוּשָׁלִַ֗ם כִּֽי־לָכַ֨ד יְהֹושֻׁ֣עַ אֶת־הָעַי֮ וַיַּחֲרִימָהּ֒ כַּאֲשֶׁ֨ר עָשָׂ֤ה לִֽירִיחֹו֙ וּלְמַלְכָּ֔הּ כֵּן־עָשָׂ֥ה לָעַ֖י וּלְמַלְכָּ֑הּ וְכִ֨י הִשְׁלִ֜ימוּ יֹשְׁבֵ֤י גִבְעֹון֙ אֶת־יִשְׂרָאֵ֔ל וַיִּֽהְי֖וּ בְּקִרְבָּֽם׃

wayĕhiy֩ kişĕ̌mò֨ʻa ʼàdòֽniy־ẕe֜deq me֣lekĕ yĕrẇşá̌lia֗m kiֽ̇y־láka֨d yĕhòwşǔ֣ʻa ʼeţ־háʻay֮ wayȧẖàriymáḣ֒ kȧʼàşě֨r ʻáşá֤̂h liֽyriyẖòw֙ ẇlĕmalĕká̇֔ḣ ké̇n־ʻáşá֥̂h láʻa֖y ẇlĕmalĕká֑̇ḣ wĕki֨y hişĕ̌li֜ymẇ yòşĕ̌bé֤y gibĕʻòwn֙ ʼeţ־yişĕ̂ráʼé֔l wayiֽ̇hĕy֖ẇ bĕ̇qirĕbáֽ̇m׃

2
וַיִּֽירְא֣וּ מְאֹ֔ד כִּ֣י עִ֤יר גְּדֹולָה֙ גִּבְעֹ֔ון כְּאַחַ֖ת עָרֵ֣י הַמַּמְלָכָ֑ה וְכִ֨י הִ֤יא גְדֹולָה֙ מִן־הָעַ֔י וְכָל־אֲנָשֶׁ֖יהָ גִּבֹּרִֽים׃

wayiֽ̇yrĕʼ֣ẇ mĕʼò֔d ki֣̇y ʻi֤yr gĕ̇dòwláh֙ gi̇bĕʻò֔wn kĕ̇ʼaẖa֖ţ ʻáré֣y hamȧmĕláká֑h wĕki֨y hi֤yʼ gĕdòwláh֙ min־háʻa֔y wĕkál־ʼànáşě֖yhá gi̇bò̇riֽym׃

3
וַיִּשְׁלַ֨ח אֲדֹנִי־צֶ֜דֶק מֶ֣לֶךְ יְרוּשָׁלִַ֗ם אֶל־הֹוהָ֣ם מֶֽלֶךְ־חֶ֠בְרֹון וְאֶל־פִּרְאָ֨ם מֶֽלֶךְ־יַרְמ֜וּת וְאֶל־יָפִ֧יעַ מֶֽלֶךְ־לָכִ֛ישׁ וְאֶל־דְּבִ֥יר מֶֽלֶךְ־עֶגְלֹ֖ון לֵאמֹֽר׃

wayi̇şĕ̌la֨ẖ ʼàdòniy־ẕe֜deq me֣lekĕ yĕrẇşá̌lia֗m ʼel־hòwhá֣m meֽlekĕ־ẖe֠bĕròwn wĕʼel־pi̇rĕʼá֨m meֽlekĕ־yarĕm֜ẇţ wĕʼel־yápi֧yʻa meֽlekĕ־láki֛yş̌ wĕʼel־dĕ̇bi֥yr meֽlekĕ־ʻegĕlò֖wn léʼmòֽr׃

4
עֲלֽוּ־אֵלַ֣י וְעִזְרֻ֔נִי וְנַכֶּ֖ה אֶת־גִּבְעֹ֑ון כִּֽי־הִשְׁלִ֥ימָה אֶת־יְהֹושֻׁ֖עַ וְאֶת־בְּנֵ֥י יִשְׂרָאֵֽל׃

ʻàlֽẇ־ʼéla֣y wĕʻizĕru֔niy wĕnakė֖h ʼeţ־gi̇bĕʻò֑wn kiֽ̇y־hişĕ̌li֥ymáh ʼeţ־yĕhòwşǔ֖ʻa wĕʼeţ־bĕ̇né֥y yişĕ̂ráʼéֽl׃

5
וַיֵּאָסְפ֨וּ וַֽיַּעֲל֜וּ חֲמֵ֣שֶׁת׀ מַלְכֵ֣י הָאֱמֹרִ֗י מֶ֣לֶךְ יְרוּשָׁלִַ֜ם מֶֽלֶךְ־חֶבְרֹ֤ון מֶֽלֶךְ־יַרְמוּת֙ מֶֽלֶךְ־לָכִ֣ישׁ מֶֽלֶךְ־עֶגְלֹ֔ון הֵ֖ם וְכָל־מַֽחֲנֵיהֶ֑ם וַֽיַּחֲנוּ֙ עַל־גִּבְעֹ֔ון וַיִּֽלָּחֲמ֖וּ עָלֶֽיהָ׃

wayé̇ʼásĕp֨ẇ waֽyȧʻàl֜ẇ ẖàmé֣şěţ׀ malĕké֣y háʼèmòri֗y me֣lekĕ yĕrẇşá̌lia֜m meֽlekĕ־ẖebĕrò֤wn meֽlekĕ־yarĕmẇţ֙ meֽlekĕ־láki֣yş̌ meֽlekĕ־ʻegĕlò֔wn hé֖m wĕkál־maֽẖànéyhe֑m waֽyȧẖànẇ֙ ʻal־gi̇bĕʻò֔wn wayiֽ̇lá̇ẖàm֖ẇ ʻáleֽyhá׃

6
וַיִּשְׁלְח֣וּ אַנְשֵׁי֩ גִבְעֹ֨ון אֶל־יְהֹושֻׁ֤עַ אֶל־הַֽמַּחֲנֶה֙ הַגִּלְגָּ֣לָה לֵאמֹ֔ר אַל־תֶּ֥רֶף יָדֶ֖יךָ מֵֽעֲבָדֶ֑יךָ עֲלֵ֧ה אֵלֵ֣ינוּ מְהֵרָ֗ה וְהֹושִׁ֤יעָה לָּ֨נוּ֙ וְעָזְרֵ֔נוּ כִּ֚י נִקְבְּצ֣וּ אֵלֵ֔ינוּ כָּל־מַלְכֵ֥י הָאֱמֹרִ֖י יֹשְׁבֵ֥י הָהָֽר׃

wayi̇şĕ̌lĕẖ֣ẇ ʼanĕşé̌y֩ gibĕʻò֨wn ʼel־yĕhòwşǔ֤ʻa ʼel־haֽmȧẖàneh֙ hagi̇lĕgá֣̇láh léʼmò֔r ʼal־ţė֥rep yáde֖yká méֽʻàbáde֑yká ʻàlé֧h ʼélé֣ynẇ mĕhérá֗h wĕhòwşǐ֤yʻáh lá̇֨nẇ֙ wĕʻázĕré֔nẇ ki֚̇y niqĕbĕ̇ẕ֣ẇ ʼélé֔ynẇ ká̇l־malĕké֥y háʼèmòri֖y yòşĕ̌bé֥y háháֽr׃

7
וַיַּ֨עַל יְהֹושֻׁ֜עַ מִן־הַגִּלְגָּ֗ל ה֚וּא וְכָל־עַ֤ם הַמִּלְחָמָה֙ עִמֹּ֔ו וְכֹ֖ל גִּבֹּורֵ֥י הֶחָֽיִל׃ פ

wayȧ֨ʻal yĕhòwşǔ֜ʻa min־hagi̇lĕgá̇֗l h֚ẇʼ wĕkál־ʻa֤m hami̇lĕẖámáh֙ ʻimò̇֔w wĕkò֖l gi̇bò̇wré֥y heẖáֽyil׃ p

8
וַיֹּ֨אמֶר יְהוָ֤ה אֶל־יְהֹושֻׁ֨עַ֙ אַל־תִּירָ֣א מֵהֶ֔ם כִּ֥י בְיָדְךָ֖ נְתַתִּ֑ים לֹֽא־יַעֲמֹ֥ד אִ֛ישׁ מֵהֶ֖ם בְּפָנֶֽיךָ׃

wayò̇֨ʼmer yĕhwá֤h ʼel־yĕhòwşǔ֨ʻa֙ ʼal־ţi̇yrá֣ʼ méhe֔m ki֥̇y bĕyádĕká֖ nĕţaţi֑̇ym lòֽʼ־yaʻàmò֥d ʼi֛yş̌ méhe֖m bĕ̇páneֽyká׃

9
וַיָּבֹ֧א אֲלֵיהֶ֛ם יְהֹושֻׁ֖עַ פִּתְאֹ֑ם כָּל־הַלַּ֕יְלָה עָלָ֖ה מִן־הַגִּלְגָּֽל׃

wayá̇bò֧ʼ ʼàléyhe֛m yĕhòwşǔ֖ʻa pi̇ţĕʼò֑m ká̇l־halȧ֕yĕláh ʻálá֖h min־hagi̇lĕgáֽ̇l׃

10
וַיְהֻמֵּ֤ם יְהוָה֙ לִפְנֵ֣י יִשְׂרָאֵ֔ל וַיַּכֵּ֥ם מַכָּֽה־גְדֹולָ֖ה בְּגִבְעֹ֑ון וַֽיִּרְדְּפֵ֗ם דֶּ֚רֶךְ מַעֲלֵ֣ה בֵית־חֹורֹ֔ן וַיַּכֵּ֥ם עַד־עֲזֵקָ֖ה וְעַד־מַקֵּדָֽה׃

wayĕhumé֤̇m yĕhwáh֙ lipĕné֣y yişĕ̂ráʼé֔l wayȧké֥̇m makáֽ̇h־gĕdòwlá֖h bĕ̇gibĕʻò֑wn waֽyi̇rĕdĕ̇pé֗m dė֚rekĕ maʻàlé֣h béyţ־ẖòwrò֔n wayȧké֥̇m ʻad־ʻàzéqá֖h wĕʻad־maqé̇dáֽh׃

11
וַיְהִ֞י בְּנֻסָ֣ם׀ מִפְּנֵ֣י יִשְׂרָאֵ֗ל הֵ֞ם בְּמֹורַ֤ד בֵּית־חֹורֹן֙ וַֽיהוָ֡ה הִשְׁלִ֣יךְ עֲלֵיהֶם֩ אֲבָנִ֨ים גְּדֹלֹ֧ות מִן־הַשָּׁמַ֛יִם עַד־עֲזֵקָ֖ה וַיָּמֻ֑תוּ רַבִּ֗ים אֲשֶׁר־מֵ֨תוּ֙ בְּאַבְנֵ֣י הַבָּרָ֔ד מֵאֲשֶׁ֥ר הָרְג֛וּ בְּנֵ֥י יִשְׂרָאֵ֖ל בֶּחָֽרֶב׃ ס

wayĕhi֞y bĕ̇nusá֣m׀ mipĕ̇né֣y yişĕ̂ráʼé֗l hé֞m bĕ̇mòwra֤d bé̇yţ־ẖòwròn֙ waֽyhwá֡h hişĕ̌li֣ykĕ ʻàléyhem֩ ʼàbáni֨ym gĕ̇dòlò֧wţ min־haşá̇̌ma֛yim ʻad־ʻàzéqá֖h wayá̇mu֑ţẇ rabi̇֗ym ʼàşěr־mé֨ţẇ֙ bĕ̇ʼabĕné֣y habá̇rá֔d méʼàşě֥r hárĕg֛ẇ bĕ̇né֥y yişĕ̂ráʼé֖l bėẖáֽreb׃ s

12
אָ֣ז יְדַבֵּ֤ר יְהֹושֻׁעַ֙ לַֽיהוָ֔ה בְּיֹ֗ום תֵּ֤ת יְהוָה֙ אֶת־הָ֣אֱמֹרִ֔י לִפְנֵ֖י בְּנֵ֣י יִשְׂרָאֵ֑ל וַיֹּ֣אמֶר׀ לְעֵינֵ֣י יִשְׂרָאֵ֗ל שֶׁ֚מֶשׁ בְּגִבְעֹ֣ון דֹּ֔ום וְיָרֵ֖חַ בְּעֵ֥מֶק אַיָּלֹֽון׃

ʼá֣z yĕdabé֤̇r yĕhòwşǔʻa֙ laֽyhwá֔h bĕ̇yò֗wm ţé֤̇ţ yĕhwáh֙ ʼeţ־há֣ʼèmòri֔y lipĕné֖y bĕ̇né֣y yişĕ̂ráʼé֑l wayò֣̇ʼmer׀ lĕʻéyné֣y yişĕ̂ráʼé֗l şě֚meş̌ bĕ̇gibĕʻò֣wn dò̇֔wm wĕyáré֖ẖa bĕ̇ʻé֥meq ʼayá̇lòֽwn׃

13
וַיִּדֹּ֨ם הַשֶּׁ֜מֶשׁ וְיָרֵ֣חַ עָמָ֗ד עַד־יִקֹּ֥ם גֹּוי֙ אֹֽיְבָ֔יו הֲלֹא־הִ֥יא כְתוּבָ֖ה עַל־סֵ֣פֶר הַיָּשָׁ֑ר וַיַּעֲמֹ֤ד הַשֶּׁ֨מֶשׁ֙ בַּחֲצִ֣י הַשָּׁמַ֔יִם וְלֹא־אָ֥ץ לָבֹ֖וא כְּיֹ֥ום תָּמִֽים׃

wayi̇dò̇֨m haşė̌֜meş̌ wĕyáré֣ẖa ʻámá֗d ʻad־yiqò֥̇m gò̇wy֙ ʼòֽyĕbá֔yw hàlòʼ־hi֥yʼ kĕţẇbá֖h ʻal־sé֣per hayá̇şá֑̌r wayȧʻàmò֤d haşė̌֨meş̌֙ bȧẖàẕi֣y haşá̇̌ma֔yim wĕlòʼ־ʼá֥ẕ lábò֖wʼ kĕ̇yò֥wm ţá̇miֽym׃

14
וְלֹ֨א הָיָ֜ה כַּיֹּ֤ום הַהוּא֙ לְפָנָ֣יו וְאַחֲרָ֔יו לִשְׁמֹ֥עַ יְהוָ֖ה בְּקֹ֣ול אִ֑ישׁ כִּ֣י יְהוָ֔ה נִלְחָ֖ם לְיִשְׂרָאֵֽל׃ פ

wĕlò֨ʼ háyá֜h kȧyò֤̇wm hahẇʼ֙ lĕpáná֣yw wĕʼaẖàrá֔yw lişĕ̌mò֥ʻa yĕhwá֖h bĕ̇qò֣wl ʼi֑yş̌ ki֣̇y yĕhwá֔h nilĕẖá֖m lĕyişĕ̂ráʼéֽl׃ p

15
וַיָּ֤שָׁב יְהֹושֻׁ֨עַ֙ וְכָל־יִשְׂרָאֵ֣ל עִמֹּ֔ו אֶל־הַֽמַּחֲנֶ֖ה הַגִּלְגָּֽלָה׃

wayá֤̇şá̌b yĕhòwşǔ֨ʻa֙ wĕkál־yişĕ̂ráʼé֣l ʻimò̇֔w ʼel־haֽmȧẖàne֖h hagi̇lĕgáֽ̇láh׃

16
וַיָּנֻ֕סוּ חֲמֵ֖שֶׁת הַמְּלָכִ֣ים הָאֵ֑לֶּה וַיֵּחָבְא֥וּ בַמְּעָרָ֖ה בְּמַקֵּדָֽה׃

wayá̇nu֕sẇ ẖàmé֖şěţ hamĕ̇láki֣ym háʼé֑lėh wayé̇ẖábĕʼ֥ẇ bamĕ̇ʻárá֖h bĕ̇maqé̇dáֽh׃

17
וַיֻּגַּ֖ד לִיהֹושֻׁ֣עַ לֵאמֹ֑ר נִמְצְאוּ֙ חֲמֵ֣שֶׁת הַמְּלָכִ֔ים נֶחְבְּאִ֥ים בַּמְּעָרָ֖ה בְּמַקֵּדָֽה׃

wayu̇gȧ֖d liyhòwşǔ֣ʻa léʼmò֑r nimĕẕĕʼẇ֙ ẖàmé֣şěţ hamĕ̇láki֔ym neẖĕbĕ̇ʼi֥ym bȧmĕ̇ʻárá֖h bĕ̇maqé̇dáֽh׃

18
וַיֹּ֣אמֶר יְהֹושֻׁ֔עַ גֹּ֛לּוּ אֲבָנִ֥ים גְּדֹלֹ֖ות אֶל־פִּ֣י הַמְּעָרָ֑ה וְהַפְקִ֧ידוּ עָלֶ֛יהָ אֲנָשִׁ֖ים לְשָׁמְרָֽם׃

wayò֣̇ʼmer yĕhòwşǔ֔ʻa gò֛̇l̇ẇ ʼàbáni֥ym gĕ̇dòlò֖wţ ʼel־pi֣̇y hamĕ̇ʻárá֑h wĕhapĕqi֧ydẇ ʻále֛yhá ʼànáşǐ֖ym lĕşá̌mĕráֽm׃

19
וְאַתֶּם֙ אַֽל־תַּעֲמֹ֔דוּ רִדְפוּ֙ אַחֲרֵ֣י אֹֽיְבֵיכֶ֔ם וְזִנַּבְתֶּ֖ם אֹותָ֑ם אַֽל־תִּתְּנ֗וּם לָבֹוא֙ אֶל־עָ֣רֵיהֶ֔ם כִּ֧י נְתָנָ֛ם יְהוָ֥ה אֱלֹהֵיכֶ֖ם בְּיֶדְכֶֽם׃

wĕʼaţėm֙ ʼaֽl־ţȧʻàmò֔dẇ ridĕpẇ֙ ʼaẖàré֣y ʼòֽyĕbéyke֔m wĕzinȧbĕţė֖m ʼòwţá֑m ʼaֽl־ţi̇ţĕ̇n֗ẇm lábòwʼ֙ ʼel־ʻá֣réyhe֔m ki֧̇y nĕţáná֛m yĕhwá֥h ʼèlòhéyke֖m bĕ̇yedĕkeֽm׃

20
וַיְהִי֩ כְּכַלֹּ֨ות יְהֹושֻׁ֜עַ וּבְנֵ֣י יִשְׂרָאֵ֗ל לְהַכֹּותָ֛ם מַכָּ֥ה גְדֹולָֽה־מְאֹ֖ד עַד־תֻּמָּ֑ם וְהַשְּׂרִידִים֙ שָׂרְד֣וּ מֵהֶ֔ם וַיָּבֹ֖אוּ אֶל־עָרֵ֥י הַמִּבְצָֽר׃

wayĕhiy֩ kĕ̇kalò̇֨wţ yĕhòwşǔ֜ʻa ẇbĕné֣y yişĕ̂ráʼé֗l lĕhakò̇wţá֛m maká֥̇h gĕdòwláֽh־mĕʼò֖d ʻad־ţu̇má֑̇m wĕhaşĕ̇̂riydiym֙ şá̂rĕd֣ẇ méhe֔m wayá̇bò֖ʼẇ ʼel־ʻáré֥y hami̇bĕẕáֽr׃

21
וַיָּשֻׁבוּ֩ כָל־הָעָ֨ם אֶל־הַמַּחֲנֶ֧ה אֶל־יְהֹושֻׁ֛עַ מַקֵּדָ֖ה בְּשָׁלֹ֑ום לֹֽא־חָרַ֞ץ לִבְנֵ֧י יִשְׂרָאֵ֛ל לְאִ֖ישׁ אֶת־לְשֹׁנֹֽו׃

wayá̇şǔbẇ֩ kál־háʻá֨m ʼel־hamȧẖàne֧h ʼel־yĕhòwşǔ֛ʻa maqé̇dá֖h bĕ̇şá̌lò֑wm lòֽʼ־ẖára֞ẕ libĕné֧y yişĕ̂ráʼé֛l lĕʼi֖yş̌ ʼeţ־lĕşò̌nòֽw׃

22
וַיֹּ֣אמֶר יְהֹושֻׁ֔עַ פִּתְח֖וּ אֶת־פִּ֣י הַמְּעָרָ֑ה וְהֹוצִ֣יאוּ אֵלַ֗י אֶת־חֲמֵ֛שֶׁת הַמְּלָכִ֥ים הָאֵ֖לֶּה מִן־הַמְּעָרָֽה׃

wayò֣̇ʼmer yĕhòwşǔ֔ʻa pi̇ţĕẖ֖ẇ ʼeţ־pi֣̇y hamĕ̇ʻárá֑h wĕhòwẕi֣yʼẇ ʼéla֗y ʼeţ־ẖàmé֛şěţ hamĕ̇láki֥ym háʼé֖lėh min־hamĕ̇ʻáráֽh׃

23
וַיַּ֣עֲשׂוּ כֵ֔ן וַיֹּצִ֣יאוּ אֵלָ֗יו אֶת־חֲמֵ֛שֶׁת הַמְּלָכִ֥ים הָאֵ֖לֶּה מִן־הַמְּעָרָ֑ה אֵ֣ת׀ מֶ֣לֶךְ יְרוּשָׁלִַ֗ם אֶת־מֶ֤לֶךְ חֶבְרֹון֙ אֶת־מֶ֣לֶךְ יַרְמ֔וּת אֶת־מֶ֥לֶךְ לָכִ֖ישׁ אֶת־מֶ֥לֶךְ עֶגְלֹֽון׃

wayȧ֣ʻàş̂ẇ ké֔n wayò̇ẕi֣yʼẇ ʼélá֗yw ʼeţ־ẖàmé֛şěţ hamĕ̇láki֥ym háʼé֖lėh min־hamĕ̇ʻárá֑h ʼé֣ţ׀ me֣lekĕ yĕrẇşá̌lia֗m ʼeţ־me֤lekĕ ẖebĕròwn֙ ʼeţ־me֣lekĕ yarĕm֔ẇţ ʼeţ־me֥lekĕ láki֖yş̌ ʼeţ־me֥lekĕ ʻegĕlòֽwn׃

24
וַ֠יְהִי כְּֽהֹוצִיאָ֞ם אֶת־הַמְּלָכִ֣ים הָאֵלֶּה֮ אֶל־יְהֹושֻׁעַ֒ וַיִּקְרָ֨א יְהֹושֻׁ֜עַ אֶל־כָּל־אִ֣ישׁ יִשְׂרָאֵ֗ל וַ֠יֹּאמֶר אֶל־קְצִינֵ֞י אַנְשֵׁ֤י הַמִּלְחָמָה֙ הֶהָלְכ֣וּא אִתֹּ֔ו קִרְב֗וּ שִׂ֚ימוּ אֶת־רַגְלֵיכֶ֔ם עַֽל־צַוְּארֵ֖י הַמְּלָכִ֣ים הָאֵ֑לֶּה וַֽיִּקְרְב֔וּ וַיָּשִׂ֥ימוּ אֶת־רַגְלֵיהֶ֖ם עַל־צַוְּארֵיהֶֽם׃

wa֠yĕhiy kĕֽ̇hòwẕiyʼá֞m ʼeţ־hamĕ̇láki֣ym háʼélėh֮ ʼel־yĕhòwşǔʻa֒ wayi̇qĕrá֨ʼ yĕhòwşǔ֜ʻa ʼel־ká̇l־ʼi֣yş̌ yişĕ̂ráʼé֗l wa֠yò̇ʼmer ʼel־qĕẕiyné֞y ʼanĕşé֤̌y hami̇lĕẖámáh֙ hehálĕk֣ẇʼ ʼiţò̇֔w qirĕb֗ẇ şî֚ymẇ ʼeţ־ragĕléyke֔m ʻaֽl־ẕawĕ̇ʼré֖y hamĕ̇láki֣ym háʼé֑lėh waֽyi̇qĕrĕb֔ẇ wayá̇şî֥ymẇ ʼeţ־ragĕléyhe֖m ʻal־ẕawĕ̇ʼréyheֽm׃

25
וַיֹּ֤אמֶר אֲלֵיהֶם֙ יְהֹושֻׁ֔עַ אַל־תִּֽירְא֖וּ וְאַל־תֵּחָ֑תּוּ חִזְק֣וּ וְאִמְצ֔וּ כִּ֣י כָ֗כָה יַעֲשֶׂ֤ה יְהוָה֙ לְכָל־אֹ֣יְבֵיכֶ֔ם אֲשֶׁ֥ר אַתֶּ֖ם נִלְחָמִ֥ים אֹותָֽם׃

wayò֤̇ʼmer ʼàléyhem֙ yĕhòwşǔ֔ʻa ʼal־ţiֽ̇yrĕʼ֖ẇ wĕʼal־ţé̇ẖá֑ţ̇ẇ ẖizĕq֣ẇ wĕʼimĕẕ֔ẇ ki֣̇y ká֗káh yaʻàşê֤h yĕhwáh֙ lĕkál־ʼò֣yĕbéyke֔m ʼàşě֥r ʼaţė֖m nilĕẖámi֥ym ʼòwţáֽm׃

26
וַיַּכֵּ֨ם יְהֹושֻׁ֤עַ אַֽחֲרֵי־כֵן֙ וַיְמִיתֵ֔ם וַיִּתְלֵ֕ם עַ֖ל חֲמִשָּׁ֣ה עֵצִ֑ים וַיִּֽהְי֛וּ תְּלוּיִ֥ם עַל־הָעֵצִ֖ים עַד־הָעָֽרֶב׃

wayȧké̇֨m yĕhòwşǔ֤ʻa ʼaֽẖàréy־kén֙ wayĕmiyţé֔m wayi̇ţĕlé֕m ʻa֖l ẖàmişá֣̇̌h ʻéẕi֑ym wayiֽ̇hĕy֛ẇ ţĕ̇lẇyi֥m ʻal־háʻéẕi֖ym ʻad־háʻáֽreb׃

27
וַיְהִ֞י לְעֵ֣ת׀ בֹּ֣וא הַשֶּׁ֗מֶשׁ צִוָּ֤ה יְהֹושֻׁ֨עַ֙ וַיֹּֽרִידוּם֙ מֵעַ֣ל הָעֵצִ֔ים וַיַּ֨שְׁלִכֻ֔ם אֶל־הַמְּעָרָ֖ה אֲשֶׁ֣ר נֶחְבְּאוּ־שָׁ֑ם וַיָּשִׂ֜מוּ אֲבָנִ֤ים גְּדֹלֹות֙ עַל־פִּ֣י הַמְּעָרָ֔ה עַד־עֶ֖צֶם הַיֹּ֥ום הַזֶּֽה׃ פ

wayĕhi֞y lĕʻé֣ţ׀ bò֣̇wʼ haşė̌֗meş̌ ẕiwá֤̇h yĕhòwşǔ֨ʻa֙ wayòֽ̇riydẇm֙ méʻa֣l háʻéẕi֔ym wayȧ֨şĕ̌liku֔m ʼel־hamĕ̇ʻárá֖h ʼàşě֣r neẖĕbĕ̇ʼẇ־şá֑̌m wayá̇şî֜mẇ ʼàbáni֤ym gĕ̇dòlòwţ֙ ʻal־pi֣̇y hamĕ̇ʻárá֔h ʻad־ʻe֖ẕem hayò֥̇wm hazėֽh׃ p

28
וְאֶת־מַקֵּדָה֩ לָכַ֨ד יְהֹושֻׁ֜עַ בַּיֹּ֣ום הַה֗וּא וַיַּכֶּ֣הָ לְפִי־חֶרֶב֮ וְאֶת־מַלְכָּהּ֒ הֶחֱרִ֣ם אֹותָ֗ם וְאֶת־כָּל־הַנֶּ֨פֶשׁ֙ אֲשֶׁר־בָּ֔הּ לֹ֥א הִשְׁאִ֖יר שָׂרִ֑יד וַיַּ֨עַשׂ֙ לְמֶ֣לֶךְ מַקֵּדָ֔ה כַּאֲשֶׁ֥ר עָשָׂ֖ה לְמֶ֥לֶךְ יְרִיחֹֽו׃

wĕʼeţ־maqé̇dáh֩ láka֨d yĕhòwşǔ֜ʻa bȧyò֣̇wm hah֗ẇʼ wayȧkė֣há lĕpiy־ẖereb֮ wĕʼeţ־malĕká̇ḣ֒ heẖèri֣m ʼòwţá֗m wĕʼeţ־ká̇l־hanė֨peş̌֙ ʼàşěr־bá̇֔ḣ lò֥ʼ hişĕ̌ʼi֖yr şá̂ri֑yd wayȧ֨ʻaş̂֙ lĕme֣lekĕ maqé̇dá֔h kȧʼàşě֥r ʻáşá֖̂h lĕme֥lekĕ yĕriyẖòֽw׃

29
וַיַּעֲבֹ֣ר יְ֠הֹושֻׁעַ וְכָֽל־יִשְׂרָאֵ֥ל עִמֹּ֛ו מִמַּקֵּדָ֖ה לִבְנָ֑ה וַיִּלָּ֖חֶם עִם־לִבְנָֽה׃

wayȧʻàbò֣r yĕ֠hòwşǔʻa wĕkáֽl־yişĕ̂ráʼé֥l ʻimò֛̇w mimȧqé̇dá֖h libĕná֑h wayi̇lá֖̇ẖem ʻim־libĕnáֽh׃

30
וַיִּתֵּן֩ יְהוָ֨ה גַּם־אֹותָ֜הּ בְּיַ֣ד יִשְׂרָאֵל֮ וְאֶת־מַלְכָּהּ֒ וַיַּכֶּ֣הָ לְפִי־חֶ֗רֶב וְאֶת־כָּל־הַנֶּ֨פֶשׁ֙ אֲשֶׁר־בָּ֔הּ לֹֽא־הִשְׁאִ֥יר בָּ֖הּ שָׂרִ֑יד וַיַּ֣עַשׂ לְמַלְכָּ֔הּ כַּאֲשֶׁ֥ר עָשָׂ֖ה לְמֶ֥לֶךְ יְרִיחֹֽו׃ ס

wayi̇ţé̇n֩ yĕhwá֨h gȧm־ʼòwţá֜ḣ bĕ̇ya֣d yişĕ̂ráʼél֮ wĕʼeţ־malĕká̇ḣ֒ wayȧkė֣há lĕpiy־ẖe֗reb wĕʼeţ־ká̇l־hanė֨peş̌֙ ʼàşěr־bá̇֔ḣ lòֽʼ־hişĕ̌ʼi֥yr bá֖̇ḣ şá̂ri֑yd wayȧ֣ʻaş̂ lĕmalĕká̇֔ḣ kȧʼàşě֥r ʻáşá֖̂h lĕme֥lekĕ yĕriyẖòֽw׃ s

31
וַיַּעֲבֹ֣ר יְ֠הֹושֻׁעַ וְכָל־יִשְׂרָאֵ֥ל עִמֹּ֛ו מִלִּבְנָ֖ה לָכִ֑ישָׁה וַיִּ֣חַן עָלֶ֔יהָ וַיִּלָּ֖חֶם בָּֽהּ׃

wayȧʻàbò֣r yĕ֠hòwşǔʻa wĕkál־yişĕ̂ráʼé֥l ʻimò֛̇w mili̇bĕná֖h láki֑yşá̌h wayi֣̇ẖan ʻále֔yhá wayi̇lá֖̇ẖem báֽ̇ḣ׃

32
וַיִּתֵּן֩ יְהוָ֨ה אֶת־לָכִ֜ישׁ בְּיַ֣ד יִשְׂרָאֵ֗ל וַֽיִּלְכְּדָהּ֙ בַּיֹּ֣ום הַשֵּׁנִ֔י וַיַּכֶּ֣הָ לְפִי־חֶ֔רֶב וְאֶת־כָּל־הַנֶּ֖פֶשׁ אֲשֶׁר־בָּ֑הּ כְּכֹ֥ל אֲשֶׁר־עָשָׂ֖ה לְלִבְנָֽה׃ פ

wayi̇ţé̇n֩ yĕhwá֨h ʼeţ־láki֜yş̌ bĕ̇ya֣d yişĕ̂ráʼé֗l waֽyi̇lĕkĕ̇dáḣ֙ bȧyò֣̇wm haşé̇̌ni֔y wayȧkė֣há lĕpiy־ẖe֔reb wĕʼeţ־ká̇l־hanė֖peş̌ ʼàşěr־bá֑̇ḣ kĕ̇kò֥l ʼàşěr־ʻáşá֖̂h lĕlibĕnáֽh׃ p

33
אָ֣ז עָלָ֗ה הֹרָם֙ מֶ֣לֶךְ גֶּ֔זֶר לַעְזֹ֖ר אֶת־לָכִ֑ישׁ וַיַּכֵּ֤הוּ יְהֹושֻׁ֨עַ֙ וְאֶת־עַמֹּ֔ו עַד־בִּלְתִּ֥י הִשְׁאִֽיר־לֹ֖ו שָׂרִֽיד׃

ʼá֣z ʻálá֗h hòrám֙ me֣lekĕ gė֔zer laʻĕzò֖r ʼeţ־láki֑yş̌ wayȧké֤̇hẇ yĕhòwşǔ֨ʻa֙ wĕʼeţ־ʻamò̇֔w ʻad־bi̇lĕţi֥̇y hişĕ̌ʼiֽyr־lò֖w şá̂riֽyd׃

34
וַיַּעֲבֹ֣ר יְ֠הֹושֻׁעַ וְכָל־יִשְׂרָאֵ֥ל עִמֹּ֛ו מִלָּכִ֖ישׁ עֶגְלֹ֑נָה וַיַּחֲנ֣וּ עָלֶ֔יהָ וַיִּֽלָּחֲמ֖וּ עָלֶֽיהָ׃

wayȧʻàbò֣r yĕ֠hòwşǔʻa wĕkál־yişĕ̂ráʼé֥l ʻimò֛̇w milá̇ki֖yş̌ ʻegĕlò֑náh wayȧẖàn֣ẇ ʻále֔yhá wayiֽ̇lá̇ẖàm֖ẇ ʻáleֽyhá׃

35
וַֽיִּלְכְּד֜וּהָ בַּיֹּ֤ום הַהוּא֙ וַיַּכּ֣וּהָ לְפִי־חֶ֔רֶב וְאֵת֙ כָּל־הַנֶּ֣פֶשׁ אֲשֶׁר־בָּ֔הּ בַּיֹּ֥ום הַה֖וּא הֶחֱרִ֑ים כְּכֹ֥ל אֲשֶׁר־עָשָׂ֖ה לְלָכִֽישׁ׃ פ

waֽyi̇lĕkĕ̇d֜ẇhá bȧyò֤̇wm hahẇʼ֙ wayȧk֣̇ẇhá lĕpiy־ẖe֔reb wĕʼéţ֙ ká̇l־hanė֣peş̌ ʼàşěr־bá̇֔ḣ bȧyò֥̇wm hah֖ẇʼ heẖèri֑ym kĕ̇kò֥l ʼàşěr־ʻáşá֖̂h lĕlákiֽyş̌׃ p

36
וַיַּ֣עַל יְ֠הֹושֻׁעַ וְכָֽל־יִשְׂרָאֵ֥ל עִמֹּ֛ו מֵעֶגְלֹ֖ונָה חֶבְרֹ֑ונָה וַיִּֽלָּחֲמ֖וּ עָלֶֽיהָ׃

wayȧ֣ʻal yĕ֠hòwşǔʻa wĕkáֽl־yişĕ̂ráʼé֥l ʻimò֛̇w méʻegĕlò֖wnáh ẖebĕrò֑wnáh wayiֽ̇lá̇ẖàm֖ẇ ʻáleֽyhá׃

37
וַיִּלְכְּד֣וּהָ וַיַּכּֽוּהָ־לְפִי־חֶ֠רֶב וְאֶת־מַלְכָּ֨הּ וְאֶת־כָּל־עָרֶ֜יהָ וְאֶת־כָּל־הַנֶּ֤פֶשׁ אֲשֶׁר־בָּהּ֙ לֹֽא־הִשְׁאִ֣יר שָׂרִ֔יד כְּכֹ֥ל אֲשֶׁר־עָשָׂ֖ה לְעֶגְלֹ֑ון וַיַּחֲרֵ֣ם אֹותָ֔הּ וְאֶת־כָּל־הַנֶּ֖פֶשׁ אֲשֶׁר־בָּֽהּ׃ ס

wayi̇lĕkĕ̇d֣ẇhá wayȧkֽ̇ẇhá־lĕpiy־ẖe֠reb wĕʼeţ־malĕká̇֨ḣ wĕʼeţ־ká̇l־ʻáre֜yhá wĕʼeţ־ká̇l־hanė֤peş̌ ʼàşěr־bá̇ḣ֙ lòֽʼ־hişĕ̌ʼi֣yr şá̂ri֔yd kĕ̇kò֥l ʼàşěr־ʻáşá֖̂h lĕʻegĕlò֑wn wayȧẖàré֣m ʼòwţá֔ḣ wĕʼeţ־ká̇l־hanė֖peş̌ ʼàşěr־báֽ̇ḣ׃ s

38
וַיָּ֧שָׁב יְהֹושֻׁ֛עַ וְכָל־יִשְׂרָאֵ֥ל עִמֹּ֖ו דְּבִ֑רָה וַיִּלָּ֖חֶם עָלֶֽיהָ׃

wayá֧̇şá̌b yĕhòwşǔ֛ʻa wĕkál־yişĕ̂ráʼé֥l ʻimò֖̇w dĕ̇bi֑ráh wayi̇lá֖̇ẖem ʻáleֽyhá׃

39
וַֽיִּלְכְּדָ֞הּ וְאֶת־מַלְכָּ֤הּ וְאֶת־כָּל־עָרֶ֨יהָ֙ וַיַּכּ֣וּם לְפִי־חֶ֔רֶב וַֽיַּחֲרִ֨ימוּ֙ אֶת־כָּל־נֶ֣פֶשׁ אֲשֶׁר־בָּ֔הּ לֹ֥א הִשְׁאִ֖יר שָׂרִ֑יד כֵּן־עָשָׂ֤ה לִדְבִ֨רָה֙ וּלְמַלְכָּ֔הּ כַּאֲשֶׁ֨ר עָשָׂ֜ה לְחֶבְרֹ֗ון וְכַאֲשֶׁ֥ר עָשָׂ֛ה לְלִבְנָ֖ה וּלְמַלְכָּֽהּ׃

waֽyi̇lĕkĕ̇dá֞ḣ wĕʼeţ־malĕká֤̇ḣ wĕʼeţ־ká̇l־ʻáre֨yhá֙ wayȧk֣̇ẇm lĕpiy־ẖe֔reb waֽyȧẖàri֨ymẇ֙ ʼeţ־ká̇l־ne֣peş̌ ʼàşěr־bá̇֔ḣ lò֥ʼ hişĕ̌ʼi֖yr şá̂ri֑yd ké̇n־ʻáşá֤̂h lidĕbi֨ráh֙ ẇlĕmalĕká̇֔ḣ kȧʼàşě֨r ʻáşá̂֜h lĕẖebĕrò֗wn wĕkaʼàşě֥r ʻáşá֛̂h lĕlibĕná֖h ẇlĕmalĕkáֽ̇ḣ׃

40
וַיַּכֶּ֣ה יְהֹושֻׁ֣עַ אֶת־כָּל־הָאָ֡רֶץ הָהָר֩ וְהַנֶּ֨גֶב וְהַשְּׁפֵלָ֜ה וְהָאֲשֵׁדֹ֗ות וְאֵת֙ כָּל־מַלְכֵיהֶ֔ם לֹ֥א הִשְׁאִ֖יר שָׂרִ֑יד וְאֵ֤ת כָּל־הַנְּשָׁמָה֙ הֶחֱרִ֔ים כַּאֲשֶׁ֣ר צִוָּ֔ה יְהוָ֖ה אֱלֹהֵ֥י יִשְׂרָאֵֽל׃

wayȧkė֣h yĕhòwşǔ֣ʻa ʼeţ־ká̇l־háʼá֡reẕ háhár֩ wĕhanė֨geb wĕhaşĕ̇̌pélá֜h wĕháʼàşé̌dò֗wţ wĕʼéţ֙ ká̇l־malĕkéyhe֔m lò֥ʼ hişĕ̌ʼi֖yr şá̂ri֑yd wĕʼé֤ţ ká̇l־hanĕ̇şá̌máh֙ heẖèri֔ym kȧʼàşě֣r ẕiwá̇֔h yĕhwá֖h ʼèlòhé֥y yişĕ̂ráʼéֽl׃

41
וַיַּכֵּ֧ם יְהֹושֻׁ֛עַ מִקָּדֵ֥שׁ בַּרְנֵ֖עַ וְעַד־עַזָּ֑ה וְאֵ֛ת כָּל־אֶ֥רֶץ גֹּ֖שֶׁן וְעַד־גִּבְעֹֽון׃

wayȧké֧̇m yĕhòwşǔ֛ʻa miqá̇dé֥ş̌ bȧrĕné֖ʻa wĕʻad־ʻazá֑̇h wĕʼé֛ţ ká̇l־ʼe֥reẕ gò֖̇şěn wĕʻad־gi̇bĕʻòֽwn׃

42
וְאֵ֨ת כָּל־הַמְּלָכִ֤ים הָאֵ֨לֶּה֙ וְאֶת־אַרְצָ֔ם לָכַ֥ד יְהֹושֻׁ֖עַ פַּ֣עַם אֶחָ֑ת כִּ֗י יְהוָה֙ אֱלֹהֵ֣י יִשְׂרָאֵ֔ל נִלְחָ֖ם לְיִשְׂרָאֵֽל׃

wĕʼé֨ţ ká̇l־hamĕ̇láki֤ym háʼé֨lėh֙ wĕʼeţ־ʼarĕẕá֔m láka֥d yĕhòwşǔ֖ʻa pȧ֣ʻam ʼeẖá֑ţ ki̇֗y yĕhwáh֙ ʼèlòhé֣y yişĕ̂ráʼé֔l nilĕẖá֖m lĕyişĕ̂ráʼéֽl׃

43
וַיָּ֤שָׁב יְהֹושֻׁ֨עַ֙ וְכָל־יִשְׂרָאֵ֣ל עִמֹּ֔ו אֶל־הַֽמַּחֲנֶ֖ה הַגִּלְגָּֽלָה׃ פ

wayá֤̇şá̌b yĕhòwşǔ֨ʻa֙ wĕkál־yişĕ̂ráʼé֣l ʻimò̇֔w ʼel־haֽmȧẖàne֖h hagi̇lĕgáֽ̇láh׃ p