Bibles in ancient languages
Ancient translations
Modern translations

Biblia Hebraica Stuttgartiensia Numbers 16

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיִּקַּ֣ח קֹ֔רַח בֶּן־יִצְהָ֥ר בֶּן־קְהָ֖ת בֶּן־לֵוִ֑י וְדָתָ֨ן וַאֲבִירָ֜ם בְּנֵ֧י אֱלִיאָ֛ב וְאֹ֥ון בֶּן־פֶּ֖לֶת בְּנֵ֥י רְאוּבֵֽן׃

wayi̇qȧ֣ẖ qò֔raẖ bėn־yiẕĕhá֥r bėn־qĕhá֖ţ bėn־léwi֑y wĕdáţá֨n waʼàbiyrá֜m bĕ̇né֧y ʼèliyʼá֛b wĕʼò֥wn bėn־pė֖leţ bĕ̇né֥y rĕʼẇbéֽn׃

2
וַיָּקֻ֨מוּ֙ לִפְנֵ֣י מֹשֶׁ֔ה וַאֲנָשִׁ֥ים מִבְּנֵֽי־יִשְׂרָאֵ֖ל חֲמִשִּׁ֣ים וּמָאתָ֑יִם נְשִׂיאֵ֥י עֵדָ֛ה קְרִאֵ֥י מֹועֵ֖ד אַנְשֵׁי־שֵֽׁם׃

wayá̇qu֨mẇ֙ lipĕné֣y mòşě֔h waʼànáşǐ֥ym mibĕ̇néֽy־yişĕ̂ráʼé֖l ẖàmişi֣̇̌ym ẇmáʼţá֑yim nĕşîyʼé֥y ʻédá֛h qĕriʼé֥y mòwʻé֖d ʼanĕşé̌y־şéֽ̌m׃

3
וַיִּֽקָּהֲל֞וּ עַל־מֹשֶׁ֣ה וְעַֽל־אַהֲרֹ֗ן וַיֹּאמְר֣וּ אֲלֵהֶם֮ רַב־לָכֶם֒ כִּ֤י כָל־הָֽעֵדָה֙ כֻּלָּ֣ם קְדֹשִׁ֔ים וּבְתֹוכָ֖ם יְהוָ֑ה וּמַדּ֥וּעַ תִּֽתְנַשְּׂא֖וּ עַל־קְהַ֥ל יְהוָֽה׃

wayiֽ̇qá̇hàl֞ẇ ʻal־mòşě֣h wĕʻaֽl־ʼahàrò֗n wayò̇ʼmĕr֣ẇ ʼàléhem֮ rab־lákem֒ ki֤̇y kál־háֽʻédáh֙ ku̇lá֣̇m qĕdòşǐ֔ym ẇbĕţòwká֖m yĕhwá֑h ẇmaḋ֥ẇʻa ţiֽ̇ţĕnaşĕ̇̂ʼ֖ẇ ʻal־qĕha֥l yĕhwáֽh׃

4
וַיִּשְׁמַ֣ע מֹשֶׁ֔ה וַיִּפֹּ֖ל עַל־פָּנָֽיו׃

wayi̇şĕ̌ma֣ʻ mòşě֔h wayi̇pò֖̇l ʻal־pá̇náֽyw׃

5
וַיְדַבֵּ֨ר אֶל־קֹ֜רַח וְאֶֽל־כָּל־עֲדָתֹו֮ לֵאמֹר֒ בֹּ֠קֶר וְיֹדַ֨ע יְהוָ֧ה אֶת־אֲשֶׁר־לֹ֛ו וְאֶת־הַקָּדֹ֖ושׁ וְהִקְרִ֣יב אֵלָ֑יו וְאֵ֛ת אֲשֶׁ֥ר יִבְחַר־בֹּ֖ו יַקְרִ֥יב אֵלָֽיו׃

wayĕdabé̇֨r ʼel־qò֜raẖ wĕʼeֽl־ká̇l־ʻàdáţòw֮ léʼmòr֒ bò̇֠qer wĕyòda֨ʻ yĕhwá֧h ʼeţ־ʼàşěr־lò֛w wĕʼeţ־haqá̇dò֖wş̌ wĕhiqĕri֣yb ʼélá֑yw wĕʼé֛ţ ʼàşě֥r yibĕẖar־bò֖̇w yaqĕri֥yb ʼéláֽyw׃

6
זֹ֖את עֲשׂ֑וּ קְחוּ־לָכֶ֣ם מַחְתֹּ֔ות קֹ֖רַח וְכָל־עֲדָתֹֽו׃

zò֖ʼţ ʻàş֑̂ẇ qĕẖẇ־láke֣m maẖĕţò̇֔wţ qò֖raẖ wĕkál־ʻàdáţòֽw׃

7
וּתְנ֣וּ בָהֵ֣ן׀ אֵ֡שׁ וְשִׂימוּ֩ עֲלֵיהֶ֨ן קְטֹ֜רֶת לִפְנֵ֤י יְהוָה֙ מָחָ֔ר וְהָיָ֗ה הָאִ֛ישׁ אֲשֶׁר־יִבְחַ֥ר יְהוָ֖ה ה֣וּא הַקָּדֹ֑ושׁ רַב־לָכֶ֖ם בְּנֵ֥י לֵוִֽי׃

ẇţĕn֣ẇ báhé֣n׀ ʼé֡ş̌ wĕşîymẇ֩ ʻàléyhe֨n qĕtò֜reţ lipĕné֤y yĕhwáh֙ máẖá֔r wĕháyá֗h háʼi֛yş̌ ʼàşěr־yibĕẖa֥r yĕhwá֖h h֣ẇʼ haqá̇dò֑wş̌ rab־láke֖m bĕ̇né֥y léwiֽy׃

8
וַיֹּ֥אמֶר מֹשֶׁ֖ה אֶל־קֹ֑רַח שִׁמְעוּ־נָ֖א בְּנֵ֥י לֵוִֽי׃

wayò֥̇ʼmer mòşě֖h ʼel־qò֑raẖ şǐmĕʻẇ־ná֖ʼ bĕ̇né֥y léwiֽy׃

9
הַמְעַ֣ט מִכֶּ֗ם כִּֽי־הִבְדִּיל֩ אֱלֹהֵ֨י יִשְׂרָאֵ֤ל אֶתְכֶם֙ מֵעֲדַ֣ת יִשְׂרָאֵ֔ל לְהַקְרִ֥יב אֶתְכֶ֖ם אֵלָ֑יו לַעֲבֹ֗ד אֶת־עֲבֹדַת֙ מִשְׁכַּ֣ן יְהוָ֔ה וְלַעֲמֹ֛ד לִפְנֵ֥י הָעֵדָ֖ה לְשָׁרְתָֽם׃

hamĕʻa֣t mikė֗m kiֽ̇y־hibĕdi̇yl֩ ʼèlòhé֨y yişĕ̂ráʼé֤l ʼeţĕkem֙ méʻàda֣ţ yişĕ̂ráʼé֔l lĕhaqĕri֥yb ʼeţĕke֖m ʼélá֑yw laʻàbò֗d ʼeţ־ʻàbòdaţ֙ mişĕ̌kȧ֣n yĕhwá֔h wĕlaʻàmò֛d lipĕné֥y háʻédá֖h lĕşá̌rĕţáֽm׃

10
וַיַּקְרֵב֙ אֹֽתְךָ֔ וְאֶת־כָּל־אַחֶ֥יךָ בְנֵי־לֵוִ֖י אִתָּ֑ךְ וּבִקַּשְׁתֶּ֖ם גַּם־כְּהֻנָּֽה׃

wayȧqĕréb֙ ʼòֽţĕká֔ wĕʼeţ־ká̇l־ʼaẖe֥yká bĕnéy־léwi֖y ʼiţá֑̇kĕ ẇbiqȧşĕ̌ţė֖m gȧm־kĕ̇hunáֽ̇h׃

11
לָכֵ֗ן אַתָּה֙ וְכָל־עֲדָ֣תְךָ֔ הַנֹּעָדִ֖ים עַל־יְהוָ֑ה וְאַהֲרֹ֣ן מַה־ה֔וּא כִּ֥י תִלֹּונוּ עָלָֽיו׃

láké֗n ʼaţá̇h֙ wĕkál־ʻàdá֣ţĕká֔ hanò̇ʻádi֖ym ʻal־yĕhwá֑h wĕʼahàrò֣n mah־h֔ẇʼ ki֥̇y ţilò̇wnẇ ʻáláֽyw׃

12
וַיִּשְׁלַ֣ח מֹשֶׁ֔ה לִקְרֹ֛א לְדָתָ֥ן וְלַאֲבִירָ֖ם בְּנֵ֣י אֱלִיאָ֑ב וַיֹּאמְר֖וּ לֹ֥א נַעֲלֶֽה׃

wayi̇şĕ̌la֣ẖ mòşě֔h liqĕrò֛ʼ lĕdáţá֥n wĕlaʼàbiyrá֖m bĕ̇né֣y ʼèliyʼá֑b wayò̇ʼmĕr֖ẇ lò֥ʼ naʻàleֽh׃

13
הַמְעַ֗ט כִּ֤י הֶֽעֱלִיתָ֨נוּ֙ מֵאֶ֨רֶץ זָבַ֤ת חָלָב֙ וּדְבַ֔שׁ לַהֲמִיתֵ֖נוּ בַּמִּדְבָּ֑ר כִּֽי־תִשְׂתָּרֵ֥ר עָלֵ֖ינוּ גַּם־הִשְׂתָּרֵֽר׃

hamĕʻa֗t ki֤̇y heֽʻèliyţá֨nẇ֙ méʼe֨reẕ zába֤ţ ẖáláb֙ ẇdĕba֔ş̌ lahàmiyţé֖nẇ bȧmi̇dĕbá֑̇r kiֽ̇y־ţişĕ̂ţá̇ré֥r ʻálé֖ynẇ gȧm־hişĕ̂ţá̇réֽr׃

14
אַ֡ף לֹ֣א אֶל־אֶרֶץ֩ זָבַ֨ת חָלָ֤ב וּדְבַשׁ֙ הֲבִ֣יאֹתָ֔נוּ וַתִּ֨תֶּן־לָ֔נוּ נַחֲלַ֖ת שָׂדֶ֣ה וָכָ֑רֶם הַעֵינֵ֞י הָאֲנָשִׁ֥ים הָהֵ֛ם תְּנַקֵּ֖ר לֹ֥א נַעֲלֶֽה׃

ʼa֡p lò֣ʼ ʼel־ʼereẕ֩ zába֨ţ ẖálá֤b ẇdĕbaş̌֙ hàbi֣yʼòţá֔nẇ waţi̇֨ţėn־lá֔nẇ naẖàla֖ţ şá̂de֣h wáká֑rem haʻéyné֞y háʼànáşǐ֥ym háhé֛m ţĕ̇naqé֖̇r lò֥ʼ naʻàleֽh׃

15
וַיִּ֤חַר לְמֹשֶׁה֙ מְאֹ֔ד וַיֹּ֨אמֶר֙ אֶל־יְהוָ֔ה אַל־תֵּ֖פֶן אֶל־מִנְחָתָ֑ם לֹ֠א חֲמֹ֨ור אֶחָ֤ד מֵהֶם֙ נָשָׂ֔אתִי וְלֹ֥א הֲרֵעֹ֖תִי אֶת־אַחַ֥ד מֵהֶֽם׃

wayi֤̇ẖar lĕmòşěh֙ mĕʼò֔d wayò̇֨ʼmer֙ ʼel־yĕhwá֔h ʼal־ţé֖̇pen ʼel־minĕẖáţá֑m lò֠ʼ ẖàmò֨wr ʼeẖá֤d méhem֙ náşá̂֔ʼţiy wĕlò֥ʼ hàréʻò֖ţiy ʼeţ־ʼaẖa֥d méheֽm׃

16
וַיֹּ֤אמֶר מֹשֶׁה֙ אֶל־קֹ֔רַח אַתָּה֙ וְכָל־עֲדָ֣תְךָ֔ הֱי֖וּ לִפְנֵ֣י יְהוָ֑ה אַתָּ֥ה וָהֵ֛ם וְאַהֲרֹ֖ן מָחָֽר׃

wayò֤̇ʼmer mòşěh֙ ʼel־qò֔raẖ ʼaţá̇h֙ wĕkál־ʻàdá֣ţĕká֔ hèy֖ẇ lipĕné֣y yĕhwá֑h ʼaţá֥̇h wáhé֛m wĕʼahàrò֖n máẖáֽr׃

17
וּקְח֣וּ׀ אִ֣ישׁ מַחְתָּתֹ֗ו וּנְתַתֶּ֤ם עֲלֵיהֶם֙ קְטֹ֔רֶת וְהִקְרַבְתֶּ֞ם לִפְנֵ֤י יְהוָה֙ אִ֣ישׁ מַחְתָּתֹ֔ו חֲמִשִּׁ֥ים וּמָאתַ֖יִם מַחְתֹּ֑ת וְאַתָּ֥ה וְאַהֲרֹ֖ן אִ֥ישׁ מַחְתָּתֹֽו׃

ẇqĕẖ֣ẇ׀ ʼi֣yş̌ maẖĕţá̇ţò֗w ẇnĕţaţė֤m ʻàléyhem֙ qĕtò֔reţ wĕhiqĕrabĕţė֞m lipĕné֤y yĕhwáh֙ ʼi֣yş̌ maẖĕţá̇ţò֔w ẖàmişi֥̇̌ym ẇmáʼţa֖yim maẖĕţò֑̇ţ wĕʼaţá֥̇h wĕʼahàrò֖n ʼi֥yş̌ maẖĕţá̇ţòֽw׃

18
וַיִּקְח֞וּ אִ֣ישׁ מַחְתָּתֹ֗ו וַיִּתְּנ֤וּ עֲלֵיהֶם֙ אֵ֔שׁ וַיָּשִׂ֥ימוּ עֲלֵיהֶ֖ם קְטֹ֑רֶת וַֽיַּעַמְד֗וּ פֶּ֛תַח אֹ֥הֶל מֹועֵ֖ד וּמֹשֶׁ֥ה וְאַהֲרֹֽן׃

wayi̇qĕẖ֞ẇ ʼi֣yş̌ maẖĕţá̇ţò֗w wayi̇ţĕ̇n֤ẇ ʻàléyhem֙ ʼé֔ş̌ wayá̇şî֥ymẇ ʻàléyhe֖m qĕtò֑reţ waֽyȧʻamĕd֗ẇ pė֛ţaẖ ʼò֥hel mòwʻé֖d ẇmòşě֥h wĕʼahàròֽn׃

19
וַיַּקְהֵ֨ל עֲלֵיהֶ֥ם קֹ֨רַח֙ אֶת־כָּל־הָ֣עֵדָ֔ה אֶל־פֶּ֖תַח אֹ֣הֶל מֹועֵ֑ד וַיֵּרָ֥א כְבֹוד־יְהוָ֖ה אֶל־כָּל־הָעֵדָֽה׃ פ

wayȧqĕhé֨l ʻàléyhe֥m qò֨raẖ֙ ʼeţ־ká̇l־há֣ʻédá֔h ʼel־pė֖ţaẖ ʼò֣hel mòwʻé֑d wayé̇rá֥ʼ kĕbòwd־yĕhwá֖h ʼel־ká̇l־háʻédáֽh׃ p

20
וַיְדַבֵּ֣ר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃

wayĕdabé֣̇r yĕhwá֔h ʼel־mòşě֥h wĕʼeֽl־ʼahàrò֖n léʼmòֽr׃

21
הִבָּ֣דְל֔וּ מִתֹּ֖וךְ הָעֵדָ֣ה הַזֹּ֑את וַאַכַלֶּ֥ה אֹתָ֖ם כְּרָֽגַע׃

hibá֣̇dĕl֔ẇ miţò֖̇wkĕ háʻédá֣h hazò֑̇ʼţ waʼakalė֥h ʼòţá֖m kĕ̇ráֽgaʻ׃

22
וַיִּפְּל֤וּ עַל־פְּנֵיהֶם֙ וַיֹּ֣אמְר֔וּ אֵ֕ל אֱלֹהֵ֥י הָרוּחֹ֖ת לְכָל־בָּשָׂ֑ר הָאִ֤ישׁ אֶחָד֙ יֶחֱטָ֔א וְעַ֥ל כָּל־הָעֵדָ֖ה תִּקְצֹֽף׃ פ

wayi̇pĕ̇l֤ẇ ʻal־pĕ̇néyhem֙ wayò֣̇ʼmĕr֔ẇ ʼé֕l ʼèlòhé֥y hárẇẖò֖ţ lĕkál־bá̇şá֑̂r háʼi֤yş̌ ʼeẖád֙ yeẖètá֔ʼ wĕʻa֥l ká̇l־háʻédá֖h ţi̇qĕẕòֽp׃ p

23
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

24
דַּבֵּ֥ר אֶל־הָעֵדָ֖ה לֵאמֹ֑ר הֵֽעָלוּ֙ מִסָּבִ֔יב לְמִשְׁכַּן־קֹ֖רַח דָּתָ֥ן וַאֲבִירָֽם׃

dȧbé֥̇r ʼel־háʻédá֖h léʼmò֑r héֽʻálẇ֙ misá̇bi֔yb lĕmişĕ̌kȧn־qò֖raẖ dá̇ţá֥n waʼàbiyráֽm׃

25
וַיָּ֣קָם מֹשֶׁ֔ה וַיֵּ֖לֶךְ אֶל־דָּתָ֣ן וַאֲבִירָ֑ם וַיֵּלְכ֥וּ אַחֲרָ֖יו זִקְנֵ֥י יִשְׂרָאֵֽל׃

wayá֣̇qám mòşě֔h wayé֖̇lekĕ ʼel־dá̇ţá֣n waʼàbiyrá֑m wayé̇lĕk֥ẇ ʼaẖàrá֖yw ziqĕné֥y yişĕ̂ráʼéֽl׃

26
וַיְדַבֵּ֨ר אֶל־הָעֵדָ֜ה לֵאמֹ֗ר ס֣וּרוּ נָ֡א מֵעַל֩ אָהֳלֵ֨י הָאֲנָשִׁ֤ים הָֽרְשָׁעִים֙ הָאֵ֔לֶּה וְאַֽל־תִּגְּע֖וּ בְּכָל־אֲשֶׁ֣ר לָהֶ֑ם פֶּן־תִּסָּפ֖וּ בְּכָל־חַטֹּאתָֽם׃

wayĕdabé̇֨r ʼel־háʻédá֜h léʼmò֗r s֣ẇrẇ ná֡ʼ méʻal֩ ʼáholé֨y háʼànáşǐ֤ym háֽrĕşá̌ʻiym֙ háʼé֔lėh wĕʼaֽl־ţi̇gĕ̇ʻ֖ẇ bĕ̇kál־ʼàşě֣r láhe֑m pėn־ţi̇sá̇p֖ẇ bĕ̇kál־ẖatò̇ʼţáֽm׃

27
וַיֵּעָל֗וּ מֵעַ֧ל מִשְׁכַּן־קֹ֛רֶח דָּתָ֥ן וַאֲבִירָ֖ם מִסָּבִ֑יב וְדָתָ֨ן וַאֲבִירָ֜ם יָצְא֣וּ נִצָּבִ֗ים פֶּ֚תַח אָֽהֳלֵיהֶ֔ם וּנְשֵׁיהֶ֥ם וּבְנֵיהֶ֖ם וְטַפָּֽם׃

wayé̇ʻál֗ẇ méʻa֧l mişĕ̌kȧn־qò֛reẖ dá̇ţá֥n waʼàbiyrá֖m misá̇bi֑yb wĕdáţá֨n waʼàbiyrá֜m yáẕĕʼ֣ẇ niẕá̇bi֗ym pė֚ţaẖ ʼáֽholéyhe֔m ẇnĕşé̌yhe֥m ẇbĕnéyhe֖m wĕtapáֽ̇m׃

28
וַיֹּאמֶר֮ מֹשֶׁה֒ בְּזֹאת֙ תֵּֽדְע֔וּן כִּֽי־יְהוָ֣ה שְׁלָחַ֔נִי לַעֲשֹׂ֕ות אֵ֥ת כָּל־הַֽמַּעֲשִׂ֖ים הָאֵ֑לֶּה כִּי־לֹ֖א מִלִּבִּֽי׃

wayò̇ʼmer֮ mòşěh֒ bĕ̇zòʼţ֙ ţéֽ̇dĕʻ֔ẇn kiֽ̇y־yĕhwá֣h şĕ̌láẖa֔niy laʻàşò̂֕wţ ʼé֥ţ ká̇l־haֽmȧʻàşî֖ym háʼé֑lėh ki̇y־lò֖ʼ mili̇biֽ̇y׃

29
אִם־כְּמֹ֤ות כָּל־הָֽאָדָם֙ יְמֻת֣וּן אֵ֔לֶּה וּפְקֻדַּת֙ כָּל־הָ֣אָדָ֔ם יִפָּקֵ֖ד עֲלֵיהֶ֑ם לֹ֥א יְהוָ֖ה שְׁלָחָֽנִי׃

ʼim־kĕ̇mò֤wţ ká̇l־háֽʼádám֙ yĕmuţ֣ẇn ʼé֔lėh ẇpĕqudȧţ֙ ká̇l־há֣ʼádá֔m yipá̇qé֖d ʻàléyhe֑m lò֥ʼ yĕhwá֖h şĕ̌láẖáֽniy׃

30
וְאִם־בְּרִיאָ֞ה יִבְרָ֣א יְהוָ֗ה וּפָצְתָ֨ה הָאֲדָמָ֤ה אֶת־פִּ֨יהָ֙ וּבָלְעָ֤ה אֹתָם֙ וְאֶת־כָּל־אֲשֶׁ֣ר לָהֶ֔ם וְיָרְד֥וּ חַיִּ֖ים שְׁאֹ֑לָה וִֽידַעְתֶּ֕ם כִּ֧י נִֽאֲצ֛וּ הָאֲנָשִׁ֥ים הָאֵ֖לֶּה אֶת־יְהוָֽה׃

wĕʼim־bĕ̇riyʼá֞h yibĕrá֣ʼ yĕhwá֗h ẇpáẕĕţá֨h háʼàdámá֤h ʼeţ־pi̇֨yhá֙ ẇbálĕʻá֤h ʼòţám֙ wĕʼeţ־ká̇l־ʼàşě֣r láhe֔m wĕyárĕd֥ẇ ẖayi֖̇ym şĕ̌ʼò֑láh wiֽydaʻĕţė֕m ki֧̇y niֽʼàẕ֛ẇ háʼànáşǐ֥ym háʼé֖lėh ʼeţ־yĕhwáֽh׃

31
וַיְהִי֙ כְּכַלֹּתֹ֔ו לְדַבֵּ֕ר אֵ֥ת כָּל־הַדְּבָרִ֖ים הָאֵ֑לֶּה וַתִּבָּקַ֥ע הָאֲדָמָ֖ה אֲשֶׁ֥ר תַּחְתֵּיהֶֽם׃

wayĕhiy֙ kĕ̇kalò̇ţò֔w lĕdabé̇֕r ʼé֥ţ ká̇l־hadĕ̇bári֖ym háʼé֑lėh waţi̇bá̇qa֥ʻ háʼàdámá֖h ʼàşě֥r ţȧẖĕţé̇yheֽm׃

32
וַתִּפְתַּ֤ח הָאָ֨רֶץ֙ אֶת־פִּ֔יהָ וַתִּבְלַ֥ע אֹתָ֖ם וְאֶת־בָּתֵּיהֶ֑ם וְאֵ֤ת כָּל־הָאָדָם֙ אֲשֶׁ֣ר לְקֹ֔רַח וְאֵ֖ת כָּל־הָרֲכֽוּשׁ׃

waţi̇pĕţȧ֤ẖ háʼá֨reẕ֙ ʼeţ־pi̇֔yhá waţi̇bĕla֥ʻ ʼòţá֖m wĕʼeţ־bá̇ţé̇yhe֑m wĕʼé֤ţ ká̇l־háʼádám֙ ʼàşě֣r lĕqò֔raẖ wĕʼé֖ţ ká̇l־háràkֽẇş̌׃

33
וַיֵּ֨רְד֜וּ הֵ֣ם וְכָל־אֲשֶׁ֥ר לָהֶ֛ם חַיִּ֖ים שְׁאֹ֑לָה וַתְּכַ֤ס עֲלֵיהֶם֙ הָאָ֔רֶץ וַיֹּאבְד֖וּ מִתֹּ֥וךְ הַקָּהָֽל׃

wayé̇֨rĕd֜ẇ hé֣m wĕkál־ʼàşě֥r láhe֛m ẖayi֖̇ym şĕ̌ʼò֑láh waţĕ̇ka֤s ʻàléyhem֙ háʼá֔reẕ wayò̇ʼbĕd֖ẇ miţò֥̇wkĕ haqá̇háֽl׃

34
וְכָל־יִשְׂרָאֵ֗ל אֲשֶׁ֛ר סְבִיבֹתֵיהֶ֖ם נָ֣סוּ לְקֹלָ֑ם כִּ֣י אָֽמְר֔וּ פֶּן־תִּבְלָעֵ֖נוּ הָאָֽרֶץ׃

wĕkál־yişĕ̂ráʼé֗l ʼàşě֛r sĕbiybòţéyhe֖m ná֣sẇ lĕqòlá֑m ki֣̇y ʼáֽmĕr֔ẇ pėn־ţi̇bĕláʻé֖nẇ háʼáֽreẕ׃

35
וְאֵ֥שׁ יָצְאָ֖ה מֵאֵ֣ת יְהוָ֑ה וַתֹּ֗אכַל אֵ֣ת הַחֲמִשִּׁ֤ים וּמָאתַ֨יִם֙ אִ֔ישׁ מַקְרִיבֵ֖י הַקְּטֹֽרֶת׃ פ

wĕʼé֥ş̌ yáẕĕʼá֖h méʼé֣ţ yĕhwá֑h waţò̇֗ʼkal ʼé֣ţ haẖàmişi֤̇̌ym ẇmáʼţa֨yim֙ ʼi֔yş̌ maqĕriybé֖y haqĕ̇tòֽreţ׃ p