Bibles in ancient languages
Ancient translations
Modern translations

Biblia Hebraica Stuttgartiensia Numbers 35

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְדַבֵּ֧ר יְהוָ֛ה אֶל־מֹשֶׁ֖ה בְּעַֽרְבֹ֣ת מֹואָ֑ב עַל־יַרְדֵּ֥ן יְרֵחֹ֖ו לֵאמֹֽר׃

wayĕdabé֧̇r yĕhwá֛h ʼel־mòşě֖h bĕ̇ʻaֽrĕbò֣ţ mòwʼá֑b ʻal־yarĕdé֥̇n yĕréẖò֖w léʼmòֽr׃

2
צַו֮ אֶת־בְּנֵ֣י יִשְׂרָאֵל֒ וְנָתְנ֣וּ לַלְוִיִּ֗ם מִֽנַּחֲלַ֛ת אֲחֻזָּתָ֖ם עָרִ֣ים לָשָׁ֑בֶת וּמִגְרָ֗שׁ לֶֽעָרִים֙ סְבִיבֹ֣תֵיהֶ֔ם תִּתְּנ֖וּ לַלְוִיִּֽם׃

ẕaw֮ ʼeţ־bĕ̇né֣y yişĕ̂ráʼél֒ wĕnáţĕn֣ẇ lalĕwiyi̇֗m miֽnȧẖàla֛ţ ʼàẖuzá̇ţá֖m ʻári֣ym láşá֑̌beţ ẇmigĕrá֗ş̌ leֽʻáriym֙ sĕbiybò֣ţéyhe֔m ţi̇ţĕ̇n֖ẇ lalĕwiyiֽ̇m׃

3
וְהָי֧וּ הֶֽעָרִ֛ים לָהֶ֖ם לָשָׁ֑בֶת וּמִגְרְשֵׁיהֶ֗ם יִהְי֤וּ לִבְהֶמְתָּם֙ וְלִרְכֻשָׁ֔ם וּלְכֹ֖ל חַיָּתָֽם׃

wĕháy֧ẇ heֽʻári֛ym láhe֖m láşá֑̌beţ ẇmigĕrĕşé̌yhe֗m yihĕy֤ẇ libĕhemĕţá̇m֙ wĕlirĕkuşá̌֔m ẇlĕkò֖l ẖayá̇ţáֽm׃

4
וּמִגְרְשֵׁי֙ הֶֽעָרִ֔ים אֲשֶׁ֥ר תִּתְּנ֖וּ לַלְוִיִּ֑ם מִקִּ֤יר הָעִיר֙ וָח֔וּצָה אֶ֥לֶף אַמָּ֖ה סָבִֽיב׃

ẇmigĕrĕşé̌y֙ heֽʻári֔ym ʼàşě֥r ţi̇ţĕ̇n֖ẇ lalĕwiyi֑̇m miqi֤̇yr háʻiyr֙ wáẖ֔ẇẕáh ʼe֥lep ʼamá֖̇h sábiֽyb׃

5
זֶ֚ה יִהְיֶ֣ה לָהֶ֔ם מִגְרְשֵׁ֖י הֶעָרִֽים׃

ze֚h yihĕye֣h láhe֔m migĕrĕşé֖̌y heʻáriֽym׃

6
וְאֵ֣ת הֶֽעָרִ֗ים אֲשֶׁ֤ר תִּתְּנוּ֙ לַלְוִיִּ֔ם אֵ֚ת שֵׁשׁ־עָרֵ֣י הַמִּקְלָ֔ט אֲשֶׁ֣ר תִּתְּנ֔וּ לָנֻ֥ס שָׁ֖מָּה הָרֹצֵ֑חַ וַעֲלֵיהֶ֣ם תִּתְּנ֔וּ אַרְבָּעִ֥ים וּשְׁתַּ֖יִם עִֽיר׃

wĕʼé֣ţ heֽʻári֗ym ʼàşě֤r ţi̇ţĕ̇nẇ֙ lalĕwiyi̇֔m ʼé֚ţ şé̌ş̌־ʻáré֣y hami̇qĕlá֔t ʼàşě֣r ţi̇ţĕ̇n֔ẇ lánu֥s şá֖̌má̇h háròẕé֑ẖa waʻàléyhe֣m ţi̇ţĕ̇n֔ẇ ʼarĕbá̇ʻi֥ym ẇşĕ̌ţȧ֖yim ʻiֽyr׃

7
כָּל־הֶעָרִ֗ים אֲשֶׁ֤ר תִּתְּנוּ֙ לַלְוִיִּ֔ם אַרְבָּעִ֥ים וּשְׁמֹנֶ֖ה עִ֑יר אֶתְהֶ֖ן וְאֶת־מִגְרְשֵׁיהֶֽן׃

ká̇l־heʻári֗ym ʼàşě֤r ţi̇ţĕ̇nẇ֙ lalĕwiyi̇֔m ʼarĕbá̇ʻi֥ym ẇşĕ̌mòne֖h ʻi֑yr ʼeţĕhe֖n wĕʼeţ־migĕrĕşé̌yheֽn׃

8
וְהֶֽעָרִ֗ים אֲשֶׁ֤ר תִּתְּנוּ֙ מֵאֲחֻזַּ֣ת בְּנֵי־יִשְׂרָאֵ֔ל מֵאֵ֤ת הָרַב֙ תַּרְבּ֔וּ וּמֵאֵ֥ת הַמְעַ֖ט תַּמְעִ֑יטוּ אִ֗ישׁ כְּפִ֤י נַחֲלָתֹו֙ אֲשֶׁ֣ר יִנְחָ֔לוּ יִתֵּ֥ן מֵעָרָ֖יו לַלְוִיִּֽם׃ פ

wĕheֽʻári֗ym ʼàşě֤r ţi̇ţĕ̇nẇ֙ méʼàẖuzȧ֣ţ bĕ̇néy־yişĕ̂ráʼé֔l méʼé֤ţ hárab֙ ţȧrĕḃ֔ẇ ẇméʼé֥ţ hamĕʻa֖t ţȧmĕʻi֑ytẇ ʼi֗yş̌ kĕ̇pi֤y naẖàláţòw֙ ʼàşě֣r yinĕẖá֔lẇ yiţé֥̇n méʻárá֖yw lalĕwiyiֽ̇m׃ p

9
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

10
דַּבֵּר֙ אֶל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם כִּ֥י אַתֶּ֛ם עֹבְרִ֥ים אֶת־הַיַּרְדֵּ֖ן אַ֥רְצָה כְּנָֽעַן׃

dȧbé̇r֙ ʼel־bĕ̇né֣y yişĕ̂ráʼé֔l wĕʼámarĕţá֖̇ ʼàléhe֑m ki֥̇y ʼaţė֛m ʻòbĕri֥ym ʼeţ־hayȧrĕdé֖̇n ʼa֥rĕẕáh kĕ̇náֽʻan׃

11
וְהִקְרִיתֶ֤ם לָכֶם֙ עָרִ֔ים עָרֵ֥י מִקְלָ֖ט תִּהְיֶ֣ינָה לָכֶ֑ם וְנָ֥ס שָׁ֨מָּה֙ רֹצֵ֔חַ מַכֵּה־נֶ֖פֶשׁ בִּשְׁגָגָֽה׃

wĕhiqĕriyţe֤m lákem֙ ʻári֔ym ʻáré֥y miqĕlá֖t ţi̇hĕye֣ynáh láke֑m wĕná֥s şá̌֨má̇h֙ ròẕé֔ẖa maké̇h־ne֖peş̌ bi̇şĕ̌gágáֽh׃

12
וְהָי֨וּ לָכֶ֧ם הֶעָרִ֛ים לְמִקְלָ֖ט מִגֹּאֵ֑ל וְלֹ֤א יָמוּת֙ הָרֹצֵ֔חַ עַד־עָמְדֹ֛ו לִפְנֵ֥י הָעֵדָ֖ה לַמִּשְׁפָּֽט׃

wĕháy֨ẇ láke֧m heʻári֛ym lĕmiqĕlá֖t migò̇ʼé֑l wĕlò֤ʼ yámẇţ֙ háròẕé֔ẖa ʻad־ʻámĕdò֛w lipĕné֥y háʻédá֖h lami̇şĕ̌páֽ̇t׃

13
וְהֶעָרִ֖ים אֲשֶׁ֣ר תִּתֵּ֑נוּ שֵׁשׁ־עָרֵ֥י מִקְלָ֖ט תִּהְיֶ֥ינָה לָכֶֽם׃

wĕheʻári֖ym ʼàşě֣r ţi̇ţé֑̇nẇ şé̌ş̌־ʻáré֥y miqĕlá֖t ţi̇hĕye֥ynáh lákeֽm׃

14
אֵ֣ת׀ שְׁלֹ֣שׁ הֶעָרִ֗ים תִּתְּנוּ֙ מֵעֵ֣בֶר לַיַּרְדֵּ֔ן וְאֵת֙ שְׁלֹ֣שׁ הֶֽעָרִ֔ים תִּתְּנ֖וּ בְּאֶ֣רֶץ כְּנָ֑עַן עָרֵ֥י מִקְלָ֖ט תִּהְיֶֽינָה׃

ʼé֣ţ׀ şĕ̌lò֣ş̌ heʻári֗ym ţi̇ţĕ̇nẇ֙ méʻé֣ber layȧrĕdé̇֔n wĕʼéţ֙ şĕ̌lò֣ş̌ heֽʻári֔ym ţi̇ţĕ̇n֖ẇ bĕ̇ʼe֣reẕ kĕ̇ná֑ʻan ʻáré֥y miqĕlá֖t ţi̇hĕyeֽynáh׃

15
לִבְנֵ֣י יִשְׂרָאֵ֗ל וְלַגֵּ֤ר וְלַתֹּושָׁב֙ בְּתֹוכָ֔ם תִּהְיֶ֛ינָה שֵׁשׁ־הֶעָרִ֥ים הָאֵ֖לֶּה לְמִקְלָ֑ט לָנ֣וּס שָׁ֔מָּה כָּל־מַכֵּה־נֶ֖פֶשׁ בִּשְׁגָגָֽה׃

libĕné֣y yişĕ̂ráʼé֗l wĕlagé֤̇r wĕlaţò̇wşá̌b֙ bĕ̇ţòwká֔m ţi̇hĕye֛ynáh şé̌ş̌־heʻári֥ym háʼé֖lėh lĕmiqĕlá֑t lán֣ẇs şá̌֔má̇h ká̇l־maké̇h־ne֖peş̌ bi̇şĕ̌gágáֽh׃

16
וְאִם־בִּכְלִ֨י בַרְזֶ֧ל׀ הִכָּ֛הוּ וַיָּמֹ֖ת רֹצֵ֣חַֽ ה֑וּא מֹ֥ות יוּמַ֖ת הָרֹצֵֽחַ׃

wĕʼim־bi̇kĕli֨y barĕze֧l׀ hiká֛̇hẇ wayá̇mò֖ţ ròẕé֣ẖaֽ h֑ẇʼ mò֥wţ yẇma֖ţ háròẕéֽẖa׃

17
וְאִ֡ם בְּאֶ֣בֶן יָד֩ אֲשֶׁר־יָמ֨וּת בָּ֥הּ הִכָּ֛הוּ וַיָּמֹ֖ת רֹצֵ֣חַֽ ה֑וּא מֹ֥ות יוּמַ֖ת הָרֹצֵֽחַ׃

wĕʼi֡m bĕ̇ʼe֣ben yád֩ ʼàşěr־yám֨ẇţ bá֥̇ḣ hiká֛̇hẇ wayá̇mò֖ţ ròẕé֣ẖaֽ h֑ẇʼ mò֥wţ yẇma֖ţ háròẕéֽẖa׃

18
אֹ֡ו בִּכְלִ֣י עֵֽץ־יָד֩ אֲשֶׁר־יָמ֨וּת בֹּ֥ו הִכָּ֛הוּ וַיָּמֹ֖ת רֹצֵ֣חַֽ ה֑וּא מֹ֥ות יוּמַ֖ת הָרֹצֵֽחַ׃

ʼò֡w bi̇kĕli֣y ʻéֽẕ־yád֩ ʼàşěr־yám֨ẇţ bò֥̇w hiká֛̇hẇ wayá̇mò֖ţ ròẕé֣ẖaֽ h֑ẇʼ mò֥wţ yẇma֖ţ háròẕéֽẖa׃

19
גֹּאֵ֣ל הַדָּ֔ם ה֥וּא יָמִ֖ית אֶת־הָרֹצֵ֑חַ בְּפִגְעֹו־בֹ֖ו ה֥וּא יְמִיתֶֽנּוּ׃

gò̇ʼé֣l hadá̇֔m h֥ẇʼ yámi֖yţ ʼeţ־háròẕé֑ẖa bĕ̇pigĕʻòw־bò֖w h֥ẇʼ yĕmiyţeֽṅẇ׃

20
וְאִם־בְּשִׂנְאָ֖ה יֶהְדָּפֶ֑נּוּ אֹֽו־הִשְׁלִ֥יךְ עָלָ֛יו בִּצְדִיָּ֖ה וַיָּמֹֽת׃

wĕʼim־bĕ̇şînĕʼá֖h yehĕdá̇pe֑ṅẇ ʼòֽw־hişĕ̌li֥ykĕ ʻálá֛yw bi̇ẕĕdiyá֖̇h wayá̇mòֽţ׃

21
אֹ֣ו בְאֵיבָ֞ה הִכָּ֤הוּ בְיָדֹו֙ וַיָּמֹ֔ת מֹֽות־יוּמַ֥ת הַמַּכֶּ֖ה רֹצֵ֣חַֽ ה֑וּא גֹּאֵ֣ל הַדָּ֗ם יָמִ֛ית אֶת־הָרֹצֵ֖חַ בְּפִגְעֹו־בֹֽו׃

ʼò֣w bĕʼéybá֞h hiká֤̇hẇ bĕyádòw֙ wayá̇mò֔ţ mòֽwţ־yẇma֥ţ hamȧkė֖h ròẕé֣ẖaֽ h֑ẇʼ gò̇ʼé֣l hadá̇֗m yámi֛yţ ʼeţ־háròẕé֖ẖa bĕ̇pigĕʻòw־bòֽw׃

22
וְאִם־בְּפֶ֥תַע בְּלֹא־אֵיבָ֖ה הֲדָפֹ֑ו אֹו־הִשְׁלִ֥יךְ עָלָ֛יו כָּל־כְּלִ֖י בְּלֹ֥א צְדִיָּֽה׃

wĕʼim־bĕ̇pe֥ţaʻ bĕ̇lòʼ־ʼéybá֖h hàdápò֑w ʼòw־hişĕ̌li֥ykĕ ʻálá֛yw ká̇l־kĕ̇li֖y bĕ̇lò֥ʼ ẕĕdiyáֽ̇h׃

23
אֹ֣ו בְכָל־אֶ֜בֶן אֲשֶׁר־יָמ֥וּת בָּהּ֙ בְּלֹ֣א רְאֹ֔ות וַיַּפֵּ֥ל עָלָ֖יו וַיָּמֹ֑ת וְהוּא֙ לֹא־אֹויֵ֣ב לֹ֔ו וְלֹ֥א מְבַקֵּ֖שׁ רָעָתֹֽו׃

ʼò֣w bĕkál־ʼe֜ben ʼàşěr־yám֥ẇţ bá̇ḣ֙ bĕ̇lò֣ʼ rĕʼò֔wţ wayȧpé֥̇l ʻálá֖yw wayá̇mò֑ţ wĕhẇʼ֙ lòʼ־ʼòwyé֣b lò֔w wĕlò֥ʼ mĕbaqé֖̇ş̌ ráʻáţòֽw׃

24
וְשָֽׁפְטוּ֙ הָֽעֵדָ֔ה בֵּ֚ין הַמַּכֶּ֔ה וּבֵ֖ין גֹּאֵ֣ל הַדָּ֑ם עַ֥ל הַמִּשְׁפָּטִ֖ים הָאֵֽלֶּה׃

wĕşáֽ̌pĕtẇ֙ háֽʻédá֔h bé֚̇yn hamȧkė֔h ẇbé֖yn gò̇ʼé֣l hadá֑̇m ʻa֥l hami̇şĕ̌pá̇ti֖ym háʼéֽlėh׃

25
וְהִצִּ֨ילוּ הָעֵדָ֜ה אֶת־הָרֹצֵ֗חַ מִיַּד֮ גֹּאֵ֣ל הַדָּם֒ וְהֵשִׁ֤יבוּ אֹתֹו֙ הָֽעֵדָ֔ה אֶל־עִ֥יר מִקְלָטֹ֖ו אֲשֶׁר־נָ֣ס שָׁ֑מָּה וְיָ֣שַׁב בָּ֗הּ עַד־מֹות֙ הַכֹּהֵ֣ן הַגָּדֹ֔ל אֲשֶׁר־מָשַׁ֥ח אֹתֹ֖ו בְּשֶׁ֥מֶן הַקֹּֽדֶשׁ׃

wĕhiẕi̇֨ylẇ háʻédá֜h ʼeţ־háròẕé֗ẖa miyȧd֮ gò̇ʼé֣l hadá̇m֒ wĕhéşǐ֤ybẇ ʼòţòw֙ háֽʻédá֔h ʼel־ʻi֥yr miqĕlátò֖w ʼàşěr־ná֣s şá֑̌má̇h wĕyá֣şǎb bá̇֗ḣ ʻad־mòwţ֙ hakò̇hé֣n hagá̇dò֔l ʼàşěr־máşǎ֥ẖ ʼòţò֖w bĕ̇şě֥men haqòֽ̇deş̌׃

26
וְאִם־יָצֹ֥א יֵצֵ֖א הָרֹצֵ֑חַ אֶת־גְּבוּל֙ עִ֣יר מִקְלָטֹ֔ו אֲשֶׁ֥ר יָנ֖וּס שָֽׁמָּה׃

wĕʼim־yáẕò֥ʼ yéẕé֖ʼ háròẕé֑ẖa ʼeţ־gĕ̇bẇl֙ ʻi֣yr miqĕlátò֔w ʼàşě֥r yán֖ẇs şáֽ̌má̇h׃

27
וּמָצָ֤א אֹתֹו֙ גֹּאֵ֣ל הַדָּ֔ם מִח֕וּץ לִגְב֖וּל עִ֣יר מִקְלָטֹ֑ו וְרָצַ֞ח גֹּאֵ֤ל הַדָּם֙ אֶת־הָ֣רֹצֵ֔חַ אֵ֥ין לֹ֖ו דָּֽם׃

ẇmáẕá֤ʼ ʼòţòw֙ gò̇ʼé֣l hadá̇֔m miẖ֕ẇẕ ligĕb֖ẇl ʻi֣yr miqĕlátò֑w wĕráẕa֞ẖ gò̇ʼé֤l hadá̇m֙ ʼeţ־há֣ròẕé֔ẖa ʼé֥yn lò֖w dáֽ̇m׃

28
כִּ֣י בְעִ֤יר מִקְלָטֹו֙ יֵשֵׁ֔ב עַד־מֹ֖ות הַכֹּהֵ֣ן הַגָּדֹ֑ל וְאַחֲרֵ֥י מֹות֙ הַכֹּהֵ֣ן הַגָּדֹ֔ל יָשׁוּב֙ הָרֹצֵ֔חַ אֶל־אֶ֖רֶץ אֲחֻזָּתֹֽו׃

ki֣̇y bĕʻi֤yr miqĕlátòw֙ yéşé̌֔b ʻad־mò֖wţ hakò̇hé֣n hagá̇dò֑l wĕʼaẖàré֥y mòwţ֙ hakò̇hé֣n hagá̇dò֔l yáş̌ẇb֙ háròẕé֔ẖa ʼel־ʼe֖reẕ ʼàẖuzá̇ţòֽw׃

29
וְהָי֨וּ אֵ֧לֶּה לָכֶ֛ם לְחֻקַּ֥ת מִשְׁפָּ֖ט לְדֹרֹתֵיכֶ֑ם בְּכֹ֖ל מֹושְׁבֹתֵיכֶֽם׃

wĕháy֨ẇ ʼé֧lėh láke֛m lĕẖuqȧ֥ţ mişĕ̌pá֖̇t lĕdòròţéyke֑m bĕ̇kò֖l mòwşĕ̌bòţéykeֽm׃

30
כָּל־מַ֨כֵּה־נֶ֔פֶשׁ לְפִ֣י עֵדִ֔ים יִרְצַ֖ח אֶת־הָרֹצֵ֑חַ וְעֵ֣ד אֶחָ֔ד לֹא־יַעֲנֶ֥ה בְנֶ֖פֶשׁ לָמֽוּת׃

ká̇l־ma֨ké̇h־ne֔peş̌ lĕpi֣y ʻédi֔ym yirĕẕa֖ẖ ʼeţ־háròẕé֑ẖa wĕʻé֣d ʼeẖá֔d lòʼ־yaʻàne֥h bĕne֖peş̌ lámֽẇţ׃

31
וְלֹֽא־תִקְח֥וּ כֹ֨פֶר֙ לְנֶ֣פֶשׁ רֹצֵ֔חַ אֲשֶׁר־ה֥וּא רָשָׁ֖ע לָמ֑וּת כִּי־מֹ֖ות יוּמָֽת׃

wĕlòֽʼ־ţiqĕẖ֥ẇ kò֨per֙ lĕne֣peş̌ ròẕé֔ẖa ʼàşěr־h֥ẇʼ ráşá֖̌ʻ lám֑ẇţ ki̇y־mò֖wţ yẇmáֽţ׃

32
וְלֹא־תִקְח֣וּ כֹ֔פֶר לָנ֖וּס אֶל־עִ֣יר מִקְלָטֹ֑ו לָשׁוּב֙ לָשֶׁ֣בֶת בָּאָ֔רֶץ עַד־מֹ֖ות הַכֹּהֵֽן׃

wĕlòʼ־ţiqĕẖ֣ẇ kò֔per lán֖ẇs ʼel־ʻi֣yr miqĕlátò֑w láş̌ẇb֙ láşě֣beţ bá̇ʼá֔reẕ ʻad־mò֖wţ hakò̇héֽn׃

33
וְלֹא־תַחֲנִ֣יפוּ אֶת־הָאָ֗רֶץ אֲשֶׁ֤ר אַתֶּם֙ בָּ֔הּ כִּ֣י הַדָּ֔ם ה֥וּא יַחֲנִ֖יף אֶת־הָאָ֑רֶץ וְלָאָ֣רֶץ לֹֽא־יְכֻפַּ֗ר לַדָּם֙ אֲשֶׁ֣ר שֻׁפַּךְ־בָּ֔הּ כִּי־אִ֖ם בְּדַ֥ם שֹׁפְכֹֽו׃

wĕlòʼ־ţaẖàni֣ypẇ ʼeţ־háʼá֗reẕ ʼàşě֤r ʼaţėm֙ bá̇֔ḣ ki֣̇y hadá̇֔m h֥ẇʼ yaẖàni֖yp ʼeţ־háʼá֑reẕ wĕláʼá֣reẕ lòֽʼ־yĕkupȧ֗r ladá̇m֙ ʼàşě֣r şǔpȧkĕ־bá̇֔ḣ ki̇y־ʼi֖m bĕ̇da֥m şò̌pĕkòֽw׃

34
וְלֹ֧א תְטַמֵּ֣א אֶת־הָאָ֗רֶץ אֲשֶׁ֤ר אַתֶּם֙ יֹשְׁבִ֣ים בָּ֔הּ אֲשֶׁ֥ר אֲנִ֖י שֹׁכֵ֣ן בְּתֹוכָ֑הּ כִּ֚י אֲנִ֣י יְהוָ֔ה שֹׁכֵ֕ן בְּתֹ֖וךְ בְּנֵ֥י יִשְׂרָאֵֽל׃ פ

wĕlò֧ʼ ţĕtamé֣̇ʼ ʼeţ־háʼá֗reẕ ʼàşě֤r ʼaţėm֙ yòşĕ̌bi֣ym bá̇֔ḣ ʼàşě֥r ʼàni֖y şò̌ké֣n bĕ̇ţòwká֑ḣ ki֚̇y ʼàni֣y yĕhwá֔h şò̌ké֕n bĕ̇ţò֖wkĕ bĕ̇né֥y yişĕ̂ráʼéֽl׃ p