Bibles in ancient languages
Ancient translations
Modern translations

Biblia Hebraica Stuttgartiensia Zephaniah 3

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
הֹ֥וי מֹרְאָ֖ה וְנִגְאָלָ֑ה הָעִ֖יר הַיֹּונָֽה׃

hò֥wy mòrĕʼá֖h wĕnigĕʼálá֑h háʻi֖yr hayò̇wnáֽh׃

2
לֹ֤א שָֽׁמְעָה֙ בְּקֹ֔ול לֹ֥א לָקְחָ֖ה מוּסָ֑ר בַּֽיהוָה֙ לֹ֣א בָטָ֔חָה אֶל־אֱלֹהֶ֖יהָ לֹ֥א קָרֵֽבָה׃

lò֤ʼ şáֽ̌mĕʻáh֙ bĕ̇qò֔wl lò֥ʼ láqĕẖá֖h mẇsá֑r bȧֽyhwáh֙ lò֣ʼ bátá֔ẖáh ʼel־ʼèlòhe֖yhá lò֥ʼ qáréֽbáh׃

3
שָׂרֶ֣יהָ בְקִרְבָּ֔הּ אֲרָיֹ֖ות שֹֽׁאֲגִ֑ים שֹׁפְטֶ֨יהָ֙ זְאֵ֣בֵי עֶ֔רֶב לֹ֥א גָרְמ֖וּ לַבֹּֽקֶר׃

şá̂re֣yhá bĕqirĕbá̇֔ḣ ʼàráyò֖wţ şòֽ̌ʼàgi֑ym şò̌pĕte֨yhá֙ zĕʼé֣béy ʻe֔reb lò֥ʼ gárĕm֖ẇ labòֽ̇qer׃

4
נְבִיאֶ֨יהָ֙ פֹּֽחֲזִ֔ים אַנְשֵׁ֖י בֹּֽגְדֹ֑ות כֹּהֲנֶ֨יהָ֙ חִלְּלוּ־קֹ֔דֶשׁ חָמְס֖וּ תֹּורָֽה׃

nĕbiyʼe֨yhá֙ pòֽ̇ẖàzi֔ym ʼanĕşé֖̌y bòֽ̇gĕdò֑wţ kò̇hàne֨yhá֙ ẖilĕ̇lẇ־qò֔deş̌ ẖámĕs֖ẇ ţò̇wráֽh׃

5
יְהוָ֤ה צַדִּיק֙ בְּקִרְבָּ֔הּ לֹ֥א יַעֲשֶׂ֖ה עַוְלָ֑ה בַּבֹּ֨קֶר בַּבֹּ֜קֶר מִשְׁפָּטֹ֨ו יִתֵּ֤ן לָאֹור֙ לֹ֣א נֶעְדָּ֔ר וְלֹֽא־יֹודֵ֥עַ עַוָּ֖ל בֹּֽשֶׁת׃

yĕhwá֤h ẕadi̇yq֙ bĕ̇qirĕbá̇֔ḣ lò֥ʼ yaʻàşê֖h ʻawĕlá֑h bȧbò̇֨qer bȧbò̇֜qer mişĕ̌pá̇tò֨w yiţé֤̇n láʼòwr֙ lò֣ʼ neʻĕdá̇֔r wĕlòֽʼ־yòwdé֥ʻa ʻawá֖̇l bòֽ̇şěţ׃

6
הִכְרַ֣תִּי גֹויִ֗ם נָשַׁ֨מּוּ֙ פִּנֹּותָ֔ם הֶחֱרַ֥בְתִּי חֽוּצֹותָ֖ם מִבְּלִ֣י עֹובֵ֑ר נִצְדּ֧וּ עָרֵיהֶ֛ם מִבְּלִי־אִ֖ישׁ מֵאֵ֥ין יֹושֵֽׁב׃

hikĕra֣ţi̇y gòwyi֗m náşǎ֨ṁẇ֙ pi̇nò̇wţá֔m heẖèra֥bĕţi̇y ẖֽẇẕòwţá֖m mibĕ̇li֣y ʻòwbé֑r niẕĕḋ֧ẇ ʻáréyhe֛m mibĕ̇liy־ʼi֖yş̌ méʼé֥yn yòwşéֽ̌b׃

7
אָמַ֜רְתִּי אַךְ־תִּירְאִ֤י אֹותִי֙ תִּקְחִ֣י מוּסָ֔ר וְלֹֽא־יִכָּרֵ֣ת מְעֹונָ֔הּ כֹּ֥ל אֲשֶׁר־פָּקַ֖דְתִּי עָלֶ֑יהָ אָכֵן֙ הִשְׁכִּ֣ימוּ הִשְׁחִ֔יתוּ כֹּ֖ל עֲלִילֹותָֽם׃

ʼáma֜rĕţi̇y ʼakĕ־ţi̇yrĕʼi֤y ʼòwţiy֙ ţi̇qĕẖi֣y mẇsá֔r wĕlòֽʼ־yiká̇ré֣ţ mĕʻòwná֔ḣ kò֥̇l ʼàşěr־pá̇qa֖dĕţi̇y ʻále֑yhá ʼákén֙ hişĕ̌ki֣̇ymẇ hişĕ̌ẖi֔yţẇ kò֖̇l ʻàliylòwţáֽm׃

8
לָכֵ֤ן חַכּוּ־לִי֙ נְאֻם־יְהוָ֔ה לְיֹ֖ום קוּמִ֣י לְעַ֑ד כִּ֣י מִשְׁפָּטִי֩ לֶאֱסֹ֨ף גֹּויִ֜ם לְקָבְצִ֣י מַמְלָכֹ֗ות לִשְׁפֹּ֨ךְ עֲלֵיהֶ֤ם זַעְמִי֙ כֹּ֚ל חֲרֹ֣ון אַפִּ֔י כִּ֚י בְּאֵ֣שׁ קִנְאָתִ֔י תֵּאָכֵ֖ל כָּל־הָאָֽרֶץ׃

láké֤n ẖak̇ẇ־liy֙ nĕʼum־yĕhwá֔h lĕyò֖wm qẇmi֣y lĕʻa֑d ki֣̇y mişĕ̌pá̇tiy֩ leʼèsò֨p gò̇wyi֜m lĕqábĕẕi֣y mamĕlákò֗wţ lişĕ̌pò̇֨kĕ ʻàléyhe֤m zaʻĕmiy֙ kò֚̇l ẖàrò֣wn ʼapi̇֔y ki֚̇y bĕ̇ʼé֣ş̌ qinĕʼáţi֔y ţé̇ʼáké֖l ká̇l־háʼáֽreẕ׃

9
כִּֽי־אָ֛ז אֶהְפֹּ֥ךְ אֶל־עַמִּ֖ים שָׂפָ֣ה בְרוּרָ֑ה לִקְרֹ֤א כֻלָּם֙ בְּשֵׁ֣ם יְהוָ֔ה לְעָבְדֹ֖ו שְׁכֶ֥ם אֶחָֽד׃

kiֽ̇y־ʼá֛z ʼehĕpò֥̇kĕ ʼel־ʻami֖̇ym şá̂pá֣h bĕrẇrá֑h liqĕrò֤ʼ kulá̇m֙ bĕ̇şé֣̌m yĕhwá֔h lĕʻábĕdò֖w şĕ̌ke֥m ʼeẖáֽd׃

10
מֵעֵ֖בֶר לְנַֽהֲרֵי־כ֑וּשׁ עֲתָרַי֙ בַּת־פּוּצַ֔י יֹובִל֖וּן מִנְחָתִֽי׃

méʻé֖ber lĕnaֽhàréy־k֑ẇş̌ ʻàţáray֙ bȧţ־ṗẇẕa֔y yòwbil֖ẇn minĕẖáţiֽy׃

11
בַּיֹּ֣ום הַה֗וּא לֹ֤א תֵבֹ֨ושִׁי֙ מִכֹּ֣ל עֲלִילֹתַ֔יִךְ אֲשֶׁ֥ר פָּשַׁ֖עַתְּ בִּ֑י כִּי־אָ֣ז׀ אָסִ֣יר מִקִּרְבֵּ֗ךְ עַלִּיזֵי֙ גַּאֲוָתֵ֔ךְ וְלֹֽא־תֹוסִ֧פִי לְגָבְהָ֛ה עֹ֖וד בְּהַ֥ר קָדְשִֽׁי׃

bȧyò֣̇wm hah֗ẇʼ lò֤ʼ ţébò֨wşǐy֙ mikò֣̇l ʻàliylòţa֔yikĕ ʼàşě֥r pá̇şǎ֖ʻaţĕ̇ bi֑̇y ki̇y־ʼá֣z׀ ʼási֣yr miqi̇rĕbé̇֗kĕ ʻali̇yzéy֙ gȧʼàwáţé֔kĕ wĕlòֽʼ־ţòwsi֧piy lĕgábĕhá֛h ʻò֖wd bĕ̇ha֥r qádĕşǐֽy׃

12
וְהִשְׁאַרְתִּ֣י בְקִרְבֵּ֔ךְ עַ֥ם עָנִ֖י וָדָ֑ל וְחָס֖וּ בְּשֵׁ֥ם יְהוָֽה׃

wĕhişĕ̌ʼarĕţi֣̇y bĕqirĕbé̇֔kĕ ʻa֥m ʻáni֖y wádá֑l wĕẖás֖ẇ bĕ̇şé֥̌m yĕhwáֽh׃

13
שְׁאֵרִ֨ית יִשְׂרָאֵ֜ל לֹֽא־יַעֲשׂ֤וּ עַוְלָה֙ וְלֹא־יְדַבְּר֣וּ כָזָ֔ב וְלֹֽא־יִמָּצֵ֥א בְּפִיהֶ֖ם לְשֹׁ֣ון תַּרְמִ֑ית כִּֽי־הֵ֛מָּה יִרְע֥וּ וְרָבְצ֖וּ וְאֵ֥ין מַחֲרִֽיד׃ ס

şĕ̌ʼéri֨yţ yişĕ̂ráʼé֜l lòֽʼ־yaʻàş֤̂ẇ ʻawĕláh֙ wĕlòʼ־yĕdabĕ̇r֣ẇ kázá֔b wĕlòֽʼ־yimá̇ẕé֥ʼ bĕ̇piyhe֖m lĕşò֣̌wn ţȧrĕmi֑yţ kiֽ̇y־hé֛má̇h yirĕʻ֥ẇ wĕrábĕẕ֖ẇ wĕʼé֥yn maẖàriֽyd׃ s

14
רָנִּי֙ בַּת־צִיֹּ֔ון הָרִ֖יעוּ יִשְׂרָאֵ֑ל שִׂמְחִ֤י וְעָלְזִי֙ בְּכָל־לֵ֔ב בַּ֖ת יְרוּשָׁלִָֽם׃

ráni̇y֙ bȧţ־ẕiyò̇֔wn hári֖yʻẇ yişĕ̂ráʼé֑l şîmĕẖi֤y wĕʻálĕziy֙ bĕ̇kál־lé֔b bȧ֖ţ yĕrẇşá̌láֽim׃

15
הֵסִ֤יר יְהוָה֙ מִשְׁפָּטַ֔יִךְ פִּנָּ֖ה אֹֽיְבֵ֑ךְ מֶ֣לֶךְ יִשְׂרָאֵ֤ל׀ יְהוָה֙ בְּקִרְבֵּ֔ךְ לֹא־תִֽירְאִ֥י רָ֖ע עֹֽוד׃

hési֤yr yĕhwáh֙ mişĕ̌pá̇ta֔yikĕ pi̇ná֖̇h ʼòֽyĕbé֑kĕ me֣lekĕ yişĕ̂ráʼé֤l׀ yĕhwáh֙ bĕ̇qirĕbé̇֔kĕ lòʼ־ţiֽyrĕʼi֥y rá֖ʻ ʻòֽwd׃

16
בַּיֹּ֣ום הַה֔וּא יֵאָמֵ֥ר לִירֽוּשָׁלִַ֖ם אַל־תִּירָ֑אִי צִיֹּ֖ון אַל־יִרְפּ֥וּ יָדָֽיִךְ׃

bȧyò֣̇wm hah֔ẇʼ yéʼámé֥r liyrֽẇşá̌lia֖m ʼal־ţi̇yrá֑ʼiy ẕiyò֖̇wn ʼal־yirĕṗ֥ẇ yádáֽyikĕ׃

17
יְהוָ֧ה אֱלֹהַ֛יִךְ בְּקִרְבֵּ֖ך גִּבֹּ֣ור יֹושִׁ֑יעַ יָשִׂ֨ישׂ עָלַ֜יִךְ בְּשִׂמְחָ֗ה יַחֲרִישׁ֙ בְּאַ֣הֲבָתֹ֔ו יָגִ֥יל עָלַ֖יִךְ בְּרִנָּֽה׃

yĕhwá֧h ʼèlòha֛yikĕ bĕ̇qirĕbé֖̇k gi̇bò֣̇wr yòwşǐ֑yʻa yáşî֨yş̂ ʻála֜yikĕ bĕ̇şîmĕẖá֗h yaẖàriyş̌֙ bĕ̇ʼa֣hàbáţò֔w yági֥yl ʻála֖yikĕ bĕ̇rináֽ̇h׃

18
נוּגֵ֧י מִמֹּועֵ֛ד אָסַ֖פְתִּי מַשְׂאֵ֥ת עָלֶ֖יהָ חֶרְפָּֽה׃

nẇgé֧y mimò̇wʻé֛d ʼása֖pĕţi̇y maşĕ̂ʼé֥ţ ʻále֖yhá ẖerĕpáֽ̇h׃

19
הִנְנִ֥י עֹשֶׂ֛ה אֶת־כָּל־מְעַנַּ֖יִךְ בָּעֵ֣ת הַהִ֑יא וְהֹושַׁעְתִּ֣י אֶת־הַצֹּלֵעָ֗ה וְהַנִּדָּחָה֙ אֲקַבֵּ֔ץ וְשַׂמְתִּים֙ לִתְהִלָּ֣ה וּלְשֵׁ֔ם בְּכָל־הָאָ֖רֶץ בָּשְׁתָּֽם׃

hinĕni֥y ʻòşê֛h ʼeţ־ká̇l־mĕʻanȧ֖yikĕ bá̇ʻé֣ţ hahi֑yʼ wĕhòwşǎʻĕţi֣̇y ʼeţ־haẕò̇léʻá֗h wĕhani̇dá̇ẖáh֙ ʼàqabé̇֔ẕ wĕşâmĕţi̇ym֙ liţĕhilá֣̇h ẇlĕşé̌֔m bĕ̇kál־háʼá֖reẕ bá̇şĕ̌ţáֽ̇m׃

20
בָּעֵ֤ת הַהִיא֙ אָבִ֣יא אֶתְכֶ֔ם וּבָעֵ֖ת קַבְּצִ֣י אֶתְכֶ֑ם כִּֽי־אֶתֵּ֨ן אֶתְכֶ֜ם לְשֵׁ֣ם וְלִתְהִלָּ֗ה בְּכֹל֙ עַמֵּ֣י הָאָ֔רֶץ בְּשׁוּבִ֧י אֶת־שְׁבוּתֵיכֶ֛ם לְעֵינֵיכֶ֖ם אָמַ֥ר יְהוָֽה׃

bá̇ʻé֤ţ hahiyʼ֙ ʼábi֣yʼ ʼeţĕke֔m ẇbáʻé֖ţ qabĕ̇ẕi֣y ʼeţĕke֑m kiֽ̇y־ʼeţé̇֨n ʼeţĕke֜m lĕşé֣̌m wĕliţĕhilá̇֗h bĕ̇kòl֙ ʻamé֣̇y háʼá֔reẕ bĕ̇ş̌ẇbi֧y ʼeţ־şĕ̌bẇţéyke֛m lĕʻéynéyke֖m ʼáma֥r yĕhwáֽh׃