Bibles in ancient languages
Ancient translations
Modern translations

Septuaginta 1 Maccabees 6

Pentateuch
Historical books
Poetical Writings
Prophetic Books
Chapter
Verses
1
Καὶ ὁ βασιλεὺς ’Αντίοχος διεπορεύετο τὰς ἐπάνω χώρας καὶ ἤκουσεν ὅτι ἐστὶν ’Ελυμαῒς ἐν τῇ Περσίδι πόλις ἔνδοξος πλούτῳ, ἀργυρίῳ καὶ χρυσίῳ·

Kaì ho basileùs ’Antíochos dieporeúeto tàs epánō chṓras kaì ḗkousen hóti estìn ’Elymaï̀s en tē̂i Persídi pólis éndoxos ploútōi, argyríōi kaì chrysíōi:

2
καὶ τὸ ἱερὸν τὸ ἐν αὐτῇ πλούσιον σϕόδρα, καὶ ἐκεῖ καλύμματα χρυσᾶ καὶ θώρακες καὶ ὅπλα, ἃ κατέλιπεν ἐκεῖ ’Αλέξανδρος ὁ τοῦ Φιλίππου ὁ βασιλεὺς ὁ Μακεδών, ὃς ἐβασίλευσεν πρῶτος ἐν τοῖς ῞Ελλησι.

kaì tò hieròn tò en autē̂i ploúsion sphódra, kaì ekeî kalýmmata chrysâ kaì thṓrakes kaì hópla, hà katélipen ekeî ’Aléxandros ho toû Philíppou ho basileùs ho Makedṓn, hòs ebasíleusen prō̂tos en toîs ῞Ellēsi.

3
καὶ ἦλθεν καὶ ἐζήτει καταλαβέσθαι τὴν πόλιν καὶ προνομεῦσαι αὐτήν, καὶ οὐκ ἠδυνάσθη, ὅτι ἐγνώσθη ὁ λόγος τοῖς ἐκ τῆς πόλεως,

kaì ē̂lthen kaì ezḗtei katalabésthai tḕn pólin kaì pronomeûsai autḗn, kaì ouk ēdynásthē, hóti egnṓsthē ho lógos toîs ek tē̂s póleōs,

4
καὶ ἀντέστησαν αὐτῷ εἰς πόλεμον, καὶ ἔϕυγεν καὶ ἀπῆρεν ἐκεῖθεν μετὰ λύπης μεγάλης ἀποστρέψαι εἰς Βαβυλῶνα.

kaì antéstēsan autō̂i eis pólemon, kaì éphygen kaì apē̂ren ekeîthen metà lýpēs megálēs apostrépsai eis Babylō̂na.

5
καὶ ἦλθέν τις ἀπαγγέλλων αὐτῷ εἰς τὴν Περσίδα ὅτι τετρόπωνται αἱ παρεμβολαὶ αἱ πορευθεῖσαι εἰς γῆν Ιουδα,

kaì ē̂lthén tis apangéllōn autō̂i eis tḕn Persída hóti tetrópōntai hai parembolaì hai poreutheîsai eis gē̂n Iouda,

6
καὶ ἐπορεύθη Λυσίας δυνάμει ἰσχυρᾷ ἐν πρώτοις καὶ ἐνετράπη ἀπὸ προσώπου αὐτῶν, καὶ ἐπίσχυσαν ὅπλοις καὶ δυνάμει καὶ σκύλοις πολλοῖς, οἷς ἔλαβον ἀπὸ τῶν παρεμβολῶν, ὧν ἐξέκοψαν,

kaì eporeúthē Lysías dynámei ischyrā̂i en prṓtois kaì enetrápē apò prosṓpou autō̂n, kaì epíschysan hóplois kaì dynámei kaì skýlois polloîs, hoîs élabon apò tō̂n parembolō̂n, hō̂n exékopsan,

7
καὶ καθεῖλον τὸ βδέλυγμα, ὃ ᾠκοδόμησεν ἐπὶ τὸ θυσιαστήριον τὸ ἐν Ιερουσαλημ, καὶ τὸ ἁγίασμα καθὼς τὸ πρότερον ἐκύκλωσαν τείχεσιν ὑψηλοῖς καὶ τὴν Βαιθσουραν πόλιν αὐτοῦ.

kaì katheîlon tò bdélygma, hò ōikodómēsen epì tò thysiastḗrion tò en Ierousalēm, kaì tò hagíasma kathṑs tò próteron ekýklōsan teíchesin hypsēloîs kaì tḕn Baithsouran pólin autoû.

8
καὶ ἐγένετο ὡς ἤκουσεν ὁ βασιλεὺς τοὺς λόγους τούτους, ἐθαμβήθη καὶ ἐσαλεύθη σϕόδρα καὶ ἔπεσεν ἐπὶ τὴν κοίτην καὶ ἐνέπεσεν εἰς ἀρρωστίαν ἀπὸ τῆς λύπης, ὅτι οὐκ ἐγένετο αὐτῷ καθὼς ἐνεθυμεῖτο.

kaì egéneto hōs ḗkousen ho basileùs toùs lógous toútous, ethambḗthē kaì esaleúthē sphódra kaì épesen epì tḕn koítēn kaì enépesen eis arrōstían apò tē̂s lýpēs, hóti ouk egéneto autō̂i kathṑs enethymeîto.

9
καὶ ἦν ἐκεῖ ἡμέρας πλείους, ὅτι ἀνεκαινίσθη ἐπ’ αὐτὸν λύπη μεγάλη, καὶ ἐλογίσατο ὅτι ἀποθνῄσκει.

kaì ē̂n ekeî hēméras pleíous, hóti anekainísthē ep’ autòn lýpē megálē, kaì elogísato hóti apothnḗiskei.

10
καὶ ἐκάλεσεν πάντας τοὺς ϕίλους αὐτοῦ καὶ εἶπεν πρὸς αὐτούς ’Αϕίσταται ὁ ὕπνος ἀπὸ τῶν ὀϕθαλμῶν μου, καὶ συμπέπτωκα τῇ καρδίᾳ ἀπὸ τῆς μερίμνης,

kaì ekálesen pántas toùs phílous autoû kaì eîpen pròs autoús ’Aphístatai ho hýpnos apò tō̂n ophthalmō̂n mou, kaì sympéptōka tē̂i kardíāi apò tē̂s merímnēs,

11
καὶ εἶπα τῇ καρδίᾳ ῞Εως τίνος θλίψεως ἦλθα καὶ κλύδωνος μεγάλου, ἐν ᾧ νῦν εἰμι; ὅτι χρηστὸς καὶ ἀγαπώμενος ἤμην ἐν τῇ ἐξουσίᾳ μου.

kaì eîpa tē̂i kardíāi ῞Eōs tínos thlípseōs ē̂ltha kaì klýdōnos megálou, en hō̂i nŷn eimi? hóti chrēstòs kaì agapṓmenos ḗmēn en tē̂i exousíāi mou.

12
νῦν δὲ μιμνῄσκομαι τῶν κακῶν, ὧν ἐποίησα ἐν Ιερουσαλημ καὶ ἔλαβον πάντα τὰ σκεύη τὰ ἀργυρᾶ καὶ τὰ χρυσᾶ τὰ ἐν αὐτῇ καὶ ἐξαπέστειλα ἐξᾶραι τοὺς κατοικοῦντας Ιουδα διὰ κενῆς.

nŷn dè mimnḗiskomai tō̂n kakō̂n, hō̂n epoíēsa en Ierousalēm kaì élabon pánta tà skeúē tà argyrâ kaì tà chrysâ tà en autē̂i kaì exapésteila exârai toùs katoikoûntas Iouda dià kenē̂s.

13
ἔγνων ὅτι χάριν τούτων εὗρέν με τὰ κακὰ ταῦτα· καὶ ἰδοὺ ἀπόλλυμαι λύπῃ μεγάλῃ ἐν γῇ ἀλλοτρίᾳ.

égnōn hóti chárin toútōn heûrén me tà kakà taûta: kaì idoù apóllymai lýpēi megálēi en gē̂i allotríāi.

14
καὶ ἐκάλεσεν Φίλιππον ἕνα τῶν ϕίλων αὐτοῦ καὶ κατέστησεν αὐτὸν ἐπὶ πάσης τῆς βασιλείας αὐτοῦ·

kaì ekálesen Phílippon héna tō̂n phílōn autoû kaì katéstēsen autòn epì pásēs tē̂s basileías autoû:

15
καὶ ἔδωκεν αὐτῷ τὸ διάδημα καὶ τὴν στολὴν αὐτοῦ καὶ τὸν δακτύλιον τοῦ ἀγαγεῖν ’Αντίοχον τὸν υἱὸν αὐτοῦ καὶ ἐκθρέψαι αὐτὸν τοῦ βασιλεύειν.

kaì édōken autō̂i tò diádēma kaì tḕn stolḕn autoû kaì tòn daktýlion toû agageîn ’Antíochon tòn hyiòn autoû kaì ekthrépsai autòn toû basileúein.

16
καὶ ἀπέθανεν ἐκεῖ ’Αντίοχος ὁ βασιλεὺς ἔτους ἐνάτου καὶ τεσσαρακοστοῦ καὶ ἑκατοστοῦ.

kaì apéthanen ekeî ’Antíochos ho basileùs étous enátou kaì tessarakostoû kaì hekatostoû.

17
καὶ ἐπέγνω Λυσίας ὅτι τέθνηκεν ὁ βασιλεύς, καὶ κατέστησεν βασιλεύειν ’Αντίοχον τὸν υἱὸν αὐτοῦ, ὃν ἐξέθρεψεν νεώτερον, καὶ ἐκάλεσεν τὸ ὄνομα αὐτοῦ Εὐπάτωρ.

kaì epégnō Lysías hóti téthnēken ho basileús, kaì katéstēsen basileúein ’Antíochon tòn hyiòn autoû, hòn exéthrepsen neṓteron, kaì ekálesen tò ónoma autoû Eupátōr.

18
Καὶ οἱ ἐκ τῆς ἄκρας ἦσαν συγκλείοντες τὸν Ισραηλ κύκλῳ τῶν ἁγίων καὶ ζητοῦντες κακὰ δι’ ὅλου καὶ στήριγμα τοῖς ἔθνεσιν.

Kaì hoi ek tē̂s ákras ē̂san synkleíontes tòn Israēl kýklōi tō̂n hagíōn kaì zētoûntes kakà di’ hólou kaì stḗrigma toîs éthnesin.

19
καὶ ἐλογίσατο Ιουδας ἐξᾶραι αὐτοὺς καὶ ἐξεκκλησίασε πάντα τὸν λαὸν τοῦ περικαθίσαι ἐπ’ αὐτούς·

kaì elogísato Ioudas exârai autoùs kaì exekklēsíase pánta tòn laòn toû perikathísai ep’ autoús:

20
καὶ συνήχθησαν ἅμα καὶ περιεκάθισαν ἐπ’ αὐτὴν ἔτους πεντηκοστοῦ καὶ ἑκατοστοῦ, καὶ ἐποίησεν βελοστάσεις καὶ μηχανάς.

kaì synḗchthēsan háma kaì periekáthisan ep’ autḕn étous pentēkostoû kaì hekatostoû, kaì epoíēsen belostáseis kaì mēchanás.

21
καὶ ἐξῆλθον ἐξ αὐτῶν ἐκ τοῦ συγκλεισμοῦ, καὶ ἐκολλήθησαν αὐτοῖς τινες τῶν ἀσεβῶν ἐξ Ισραηλ,

kaì exē̂lthon ex autō̂n ek toû synkleismoû, kaì ekollḗthēsan autoîs tines tō̂n asebō̂n ex Israēl,

22
καὶ ἐπορεύθησαν πρὸς τὸν βασιλέα καὶ εἶπον ῞Εως πότε οὐ ποιήσῃ κρίσιν καὶ ἐκδικήσεις τοὺς ἀδελϕοὺς ἡμῶν;

kaì eporeúthēsan pròs tòn basiléa kaì eîpon ῞Eōs póte ou poiḗsēi krísin kaì ekdikḗseis toùs adelphoùs hēmō̂n?

23
ἡμεῖς εὐδοκοῦμεν δουλεύειν τῷ πατρί σου καὶ πορεύεσθαι τοῖς ὑπ’ αὐτοῦ λεγομένοις καὶ κατακολουθεῖν τοῖς προστάγμασιν αὐτοῦ.

hēmeîs eudokoûmen douleúein tō̂i patrí sou kaì poreúesthai toîs hyp’ autoû legoménois kaì katakoloutheîn toîs prostágmasin autoû.

24
καὶ περιεκάθηντο ἐπ’ αὐτὴν οἱ υἱοὶ τοῦ λαοῦ ἡμῶν χάριν τούτου καὶ ἠλλοτριοῦντο ἀϕ’ ἡμῶν· πλὴν ὅσοι εὑρίσκοντο ἐξ ἡμῶν, ἐθανατοῦντο, καὶ αἱ κληρονομίαι ἡμῶν διηρπάζοντο.

kaì periekáthēnto ep’ autḕn hoi hyioì toû laoû hēmō̂n chárin toútou kaì ēllotrioûnto aph’ hēmō̂n: plḕn hósoi heurískonto ex hēmō̂n, ethanatoûnto, kaì hai klēronomíai hēmō̂n diērpázonto.

25
καὶ οὐκ ἐϕ’ ἡμᾶς μόνον ἐξέτειναν χεῖρα, ἀλλὰ καὶ ἐπὶ πάντα τὰ ὅρια αὐτῶν·

kaì ouk eph’ hēmâs mónon exéteinan cheîra, allà kaì epì pánta tà hória autō̂n:

26
καὶ ἰδοὺ παρεμβεβλήκασι σήμερον ἐπὶ τὴν ἄκραν ἐν Ιερουσαλημ τοῦ καταλαβέσθαι αὐτήν· καὶ τὸ ἁγίασμα καὶ τὴν Βαιθσουραν ὠχύρωσαν·

kaì idoù parembeblḗkasi sḗmeron epì tḕn ákran en Ierousalēm toû katalabésthai autḗn: kaì tò hagíasma kaì tḕn Baithsouran ōchýrōsan:

27
καὶ ἐὰν μὴ προκαταλάβῃ αὐτοὺς διὰ τάχους, μείζονα τούτων ποιήσουσιν, καὶ οὐ δυνήσῃ τοῦ κατασχεῖν αὐτῶν.

kaì eàn mḕ prokatalábēi autoùs dià táchous, meízona toútōn poiḗsousin, kaì ou dynḗsēi toû katascheîn autō̂n.

28
Καὶ ὠργίσθη ὁ βασιλεύς, ὅτε ἤκουσεν, καὶ συνήγαγεν πάντας τοὺς ϕίλους αὐτοῦ ἄρχοντας δυνάμεως αὐτοῦ καὶ τοὺς ἐπὶ τῶν ἡνιῶν·

Kaì ōrgísthē ho basileús, hóte ḗkousen, kaì synḗgagen pántas toùs phílous autoû árchontas dynámeōs autoû kaì toùs epì tō̂n hēniō̂n:

29
καὶ ἀπὸ βασιλειῶν ἑτέρων καὶ ἀπὸ νήσων θαλασσῶν ἦλθον πρὸς αὐτὸν δυνάμεις μισθωταί·

kaì apò basileiō̂n hetérōn kaì apò nḗsōn thalassō̂n ē̂lthon pròs autòn dynámeis misthōtaí:

30
καὶ ἦν ὁ ἀριθμὸς τῶν δυνάμεων αὐτοῦ ἑκατὸν χιλιάδες πεζῶν καὶ εἴκοσι χιλιάδες ἱππέων καὶ ἐλέϕαντες δύο καὶ τριάκοντα εἰδότες πόλεμον.

kaì ē̂n ho arithmòs tō̂n dynámeōn autoû hekatòn chiliádes pezō̂n kaì eíkosi chiliádes hippéōn kaì eléphantes dýo kaì triákonta eidótes pólemon.

31
καὶ ἦλθον διὰ τῆς Ιδουμαίας καὶ παρενέβαλον ἐπὶ Βαιθσουραν καὶ ἐπολέμησαν ἡμέρας πολλὰς καὶ ἐποίησαν μηχανάς· καὶ ἐξῆλθον καὶ ἐνεπύρισαν αὐτὰς πυρὶ καὶ ἐπολέμησαν ἀνδρωδῶς.

kaì ē̂lthon dià tē̂s Idoumaías kaì parenébalon epì Baithsouran kaì epolémēsan hēméras pollàs kaì epoíēsan mēchanás: kaì exē̂lthon kaì enepýrisan autàs pyrì kaì epolémēsan andrōdō̂s.

32
καὶ ἀπῆρεν Ιουδας ἀπὸ τῆς ἄκρας καὶ παρενέβαλεν εἰς Βαιθζαχαρια ἀπέναντι τῆς παρεμβολῆς τοῦ βασιλέως.

kaì apē̂ren Ioudas apò tē̂s ákras kaì parenébalen eis Baithzacharia apénanti tē̂s parembolē̂s toû basiléōs.

33
καὶ ὤρθρισεν ὁ βασιλεὺς τὸ πρωὶ καὶ ἀπῆρεν τὴν παρεμβολὴν ἐν ὁρμήματι αὐτῆς κατὰ τὴν ὁδὸν Βαιθζαχαρια, καὶ διεσκευάσθησαν αἱ δυνάμεις εἰς τὸν πόλεμον καὶ ἐσάλπισαν ταῖς σάλπιγξιν.

kaì ṓrthrisen ho basileùs tò prōì kaì apē̂ren tḕn parembolḕn en hormḗmati autē̂s katà tḕn hodòn Baithzacharia, kaì dieskeuásthēsan hai dynámeis eis tòn pólemon kaì esálpisan taîs sálpinxin.

34
καὶ τοῖς ἐλέϕασιν ἔδειξαν αἷμα σταϕυλῆς καὶ μόρων τοῦ παραστῆσαι αὐτοὺς εἰς τὸν πόλεμον.

kaì toîs eléphasin édeixan haîma staphylē̂s kaì mórōn toû parastē̂sai autoùs eis tòn pólemon.

35
καὶ διεῖλον τὰ θηρία εἰς τὰς ϕάλαγγας καὶ παρέστησαν ἑκάστῳ ἐλέϕαντι χιλίους ἄνδρας τεθωρακισμένους ἐν ἁλυσιδωτοῖς, καὶ περικεϕαλαῖαι χαλκαῖ ἐπὶ τῶν κεϕαλῶν αὐτῶν, καὶ πεντακοσία ἵππος διατεταγμένη ἑκάστῳ θηρίῳ ἐκλελεγμένη·

kaì dieîlon tà thēría eis tàs phálangas kaì paréstēsan hekástōi eléphanti chilíous ándras tethōrakisménous en halysidōtoîs, kaì perikephalaîai chalkaî epì tō̂n kephalō̂n autō̂n, kaì pentakosía híppos diatetagménē hekástōi thēríōi eklelegménē:

36
οὗτοι πρὸ καιροῦ οὗ ἂν ᾖ τὸ θηρίον ἦσαν καὶ οὗ ἐὰν ἐπορεύετο ἐπορεύοντο ἅμα, οὐκ ἀϕίσταντο ἀπ’ αὐτοῦ.

hoûtoi prò kairoû hoû àn ē̂i tò thēríon ē̂san kaì hoû eàn eporeúeto eporeúonto háma, ouk aphístanto ap’ autoû.

37
καὶ πύργοι ξύλινοι ἐπ’ αὐτοὺς ὀχυροὶ σκεπαζόμενοι ἐϕ’ ἑκάστου θηρίου ἐζωσμένοι ἐπ’ αὐτοῦ μηχαναῖς, καὶ ἐϕ’ ἑκάστου ἄνδρες δυνάμεως τέσσαρες οἱ πολεμοῦντες ἐπ’ αὐτοῖς καὶ ὁ ’Ινδὸς αὐτοῦ.

kaì pýrgoi xýlinoi ep’ autoùs ochyroì skepazómenoi eph’ hekástou thēríou ezōsménoi ep’ autoû mēchanaîs, kaì eph’ hekástou ándres dynámeōs téssares hoi polemoûntes ep’ autoîs kaì ho ’Indòs autoû.

38
καὶ τὴν ἐπίλοιπον ἵππον ἔνθεν καὶ ἔνθεν ἔστησεν ἐπὶ τὰ δύο μέρη τῆς παρεμβολῆς, κατασείοντες καὶ καταϕρασσόμενοι ἐν ταῖς ϕάλαγξιν.

kaì tḕn epíloipon híppon énthen kaì énthen éstēsen epì tà dýo mérē tē̂s parembolē̂s, kataseíontes kaì kataphrassómenoi en taîs phálanxin.

39
ὡς δὲ ἔστιλβεν ὁ ἥλιος ἐπὶ τὰς χρυσᾶς καὶ χαλκᾶς ἀσπίδας, ἔστιλβεν τὰ ὄρη ἀπ’ αὐτῶν καὶ κατηύγαζεν ὡς λαμπάδες πυρός.

hōs dè éstilben ho hḗlios epì tàs chrysâs kaì chalkâs aspídas, éstilben tà órē ap’ autō̂n kaì katēýgazen hōs lampádes pyrós.

40
καὶ ἐξετάθη μέρος τι τῆς παρεμβολῆς τοῦ βασιλέως ἐπὶ τὰ ὑψηλὰ ὄρη καί τινες ἐπὶ τὰ ταπεινά· καὶ ἤρχοντο ἀσϕαλῶς καὶ τεταγμένως.

kaì exetáthē méros ti tē̂s parembolē̂s toû basiléōs epì tà hypsēlà órē kaí tines epì tà tapeiná: kaì ḗrchonto asphalō̂s kaì tetagménōs.

41
καὶ ἐσαλεύοντο πάντες οἱ ἀκούοντες ϕωνῆς πλήθους αὐτῶν καὶ ὁδοιπορίας τοῦ πλήθους καὶ συγκρουσμοῦ τῶν ὅπλων· ἦν γὰρ ἡ παρεμβολὴ μεγάλη σϕόδρα καὶ ἰσχυρά.

kaì esaleúonto pántes hoi akoúontes phōnē̂s plḗthous autō̂n kaì hodoiporías toû plḗthous kaì synkrousmoû tō̂n hóplōn: ē̂n gàr hē parembolḕ megálē sphódra kaì ischyrá.

42
καὶ ἤγγισεν Ιουδας καὶ ἡ παρεμβολὴ αὐτοῦ εἰς παράταξιν, καὶ ἔπεσον ἀπὸ τῆς παρεμβολῆς τοῦ βασιλέως ἑξακόσιοι ἄνδρες.

kaì ḗngisen Ioudas kaì hē parembolḕ autoû eis parátaxin, kaì épeson apò tē̂s parembolē̂s toû basiléōs hexakósioi ándres.

43
καὶ εἶδεν Ελεαζαρος ὁ Αυαραν ἓν τῶν θηρίων τεθωρακισμένον θώραξιν βασιλικοῖς, καὶ ἦν ὑπεράγον πάντα τὰ θηρία, καὶ ᾠήθη ὅτι ἐν αὐτῷ ἐστιν ὁ βασιλεύς·

kaì eîden Eleazaros ho Auaran hèn tō̂n thēríōn tethōrakisménon thṓraxin basilikoîs, kaì ē̂n hyperágon pánta tà thēría, kaì ōiḗthē hóti en autō̂i estin ho basileús:

44
καὶ ἔδωκεν ἑαυτὸν τοῦ σῶσαι τὸν λαὸν αὐτοῦ καὶ περιποιῆσαι ἑαυτῷ ὄνομα αἰώνιον·

kaì édōken heautòn toû sō̂sai tòn laòn autoû kaì peripoiē̂sai heautō̂i ónoma aiṓnion:

45
καὶ ἐπέδραμεν αὐτῷ θράσει εἰς μέσον τῆς ϕάλαγγος καὶ ἐθανάτου δεξιὰ καὶ εὐώνυμα, καὶ ἐσχίζοντο ἀπ’ αὐτοῦ ἔνθα καὶ ἔνθα·

kaì epédramen autō̂i thrásei eis méson tē̂s phálangos kaì ethanátou dexià kaì euṓnyma, kaì eschízonto ap’ autoû éntha kaì éntha:

46
καὶ εἰσέδυ ὑπὸ τὸν ἐλέϕαντα καὶ ὑπέθηκεν αὐτῷ καὶ ἀνεῖλεν αὐτόν, καὶ ἔπεσεν ἐπὶ τὴν γῆν ἐπάνω αὐτοῦ, καὶ ἀπέθανεν ἐκεῖ.

kaì eisédy hypò tòn eléphanta kaì hypéthēken autō̂i kaì aneîlen autón, kaì épesen epì tḕn gē̂n epánō autoû, kaì apéthanen ekeî.

47
καὶ εἶδον τὴν ἰσχὺν τῆς βασιλείας καὶ τὸ ὅρμημα τῶν δυνάμεων καὶ ἐξέκλιναν ἀπ’ αὐτῶν.

kaì eîdon tḕn ischỳn tē̂s basileías kaì tò hórmēma tō̂n dynámeōn kaì exéklinan ap’ autō̂n.

48
Οἱ δὲ ἐκ τῆς παρεμβολῆς τοῦ βασιλέως ἀνέβαινον εἰς συνάντησιν αὐτῶν εἰς Ιερουσαλημ, καὶ παρενέβαλεν ὁ βασιλεὺς εἰς τὴν Ιουδαίαν καὶ εἰς τὸ ὄρος Σιων.

Hoi dè ek tē̂s parembolē̂s toû basiléōs anébainon eis synántēsin autō̂n eis Ierousalēm, kaì parenébalen ho basileùs eis tḕn Ioudaían kaì eis tò óros Siōn.

49
καὶ ἐποίησεν εἰρήνην μετὰ τῶν ἐκ Βαιθσουρων, καὶ ἐξῆλθον ἐκ τῆς πόλεως, ὅτι οὐκ ἦν αὐτοῖς ἐκεῖ διατροϕὴ τοῦ συγκεκλεῖσθαι ἐν αὐτῇ, ὅτι σάββατον ἦν τῇ γῇ·

kaì epoíēsen eirḗnēn metà tō̂n ek Baithsourōn, kaì exē̂lthon ek tē̂s póleōs, hóti ouk ē̂n autoîs ekeî diatrophḕ toû synkekleîsthai en autē̂i, hóti sábbaton ē̂n tē̂i gē̂i:

50
καὶ κατελάβετο ὁ βασιλεὺς τὴν Βαιθσουραν καὶ ἀπέταξεν ἐκεῖ ϕρουρὰν τηρεῖν αὐτήν.

kaì katelábeto ho basileùs tḕn Baithsouran kaì apétaxen ekeî phrouràn tēreîn autḗn.

51
καὶ παρενέβαλεν ἐπὶ τὸ ἁγίασμα ἡμέρας πολλὰς καὶ ἔστησεν ἐκεῖ βελοστάσεις καὶ μηχανὰς καὶ πυροβόλα καὶ λιθοβόλα καὶ σκορπίδια εἰς τὸ βάλλεσθαι βέλη καὶ σϕενδόνας.

kaì parenébalen epì tò hagíasma hēméras pollàs kaì éstēsen ekeî belostáseis kaì mēchanàs kaì pyrobóla kaì lithobóla kaì skorpídia eis tò bállesthai bélē kaì sphendónas.

52
καὶ ἐποίησαν καὶ αὐτοὶ μηχανὰς πρὸς τὰς μηχανὰς αὐτῶν καὶ ἐπολέμησαν ἡμέρας πολλάς.

kaì epoíēsan kaì autoì mēchanàs pròs tàs mēchanàs autō̂n kaì epolémēsan hēméras pollás.

53
βρώματα δὲ οὐκ ἦν ἐν τοῖς ἀγγείοις διὰ τὸ ἕβδομον ἔτος εἶναι, καὶ οἱ ἀνασῳζόμενοι εἰς τὴν Ιουδαίαν ἀπὸ τῶν ἐθνῶν κατέϕαγον τὸ ὑπόλειμμα τῆς παραθέσεως.

brṓmata dè ouk ē̂n en toîs angeíois dià tò hébdomon étos eînai, kaì hoi anasōizómenoi eis tḕn Ioudaían apò tō̂n ethnō̂n katéphagon tò hypóleimma tē̂s parathéseōs.

54
καὶ ὑπελείϕθησαν ἐν τοῖς ἁγίοις ἄνδρες ὀλίγοι, ὅτι κατεκράτησεν αὐτῶν ὁ λιμός, καὶ ἐσκορπίσθησαν ἕκαστος εἰς τὸν τόπον αὐτοῦ.

kaì hypeleíphthēsan en toîs hagíois ándres olígoi, hóti katekrátēsen autō̂n ho limós, kaì eskorpísthēsan hékastos eis tòn tópon autoû.

55
Καὶ ἤκουσεν Λυσίας ὅτι Φίλιππος, ὃν κατέστησεν ὁ βασιλεὺς ’Αντίοχος ἔτι ζῶντος αὐτοῦ ἐκθρέψαι ’Αντίοχον τὸν υἱὸν αὐτοῦ εἰς τὸ βασιλεῦσαι αὐτόν,

Kaì ḗkousen Lysías hóti Phílippos, hòn katéstēsen ho basileùs ’Antíochos éti zō̂ntos autoû ekthrépsai ’Antíochon tòn hyiòn autoû eis tò basileûsai autón,

56
ἀπέστρεψεν ἀπὸ τῆς Περσίδος καὶ Μηδίας καὶ αἱ δυνάμεις αἱ πορευθεῖσαι μετὰ τοῦ βασιλέως μετ’ αὐτοῦ, καὶ ὅτι ζητεῖ παραλαβεῖν τὰ τῶν πραγμάτων.

apéstrepsen apò tē̂s Persídos kaì Mēdías kaì hai dynámeis hai poreutheîsai metà toû basiléōs met’ autoû, kaì hóti zēteî paralabeîn tà tō̂n pragmátōn.

57
καὶ κατέσπευδεν καὶ ἐπένευσεν τοῦ ἀπελθεῖν καὶ εἶπεν πρὸς τὸν βασιλέα καὶ τοὺς ἡγεμόνας τῆς δυνάμεως καὶ τοὺς ἄνδρας ’Εκλείπομεν καθ’ ἡμέραν, καὶ ἡ τροϕὴ ἡμῖν ὀλίγη, καὶ ὁ τόπος οὗ παρεμβάλλομέν ἐστιν ὀχυρός, καὶ ἐπίκειται ἡμῖν τὰ τῆς βασιλείας·

kaì katéspeuden kaì epéneusen toû apeltheîn kaì eîpen pròs tòn basiléa kaì toùs hēgemónas tē̂s dynámeōs kaì toùs ándras ’Ekleípomen kath’ hēméran, kaì hē trophḕ hēmîn olígē, kaì ho tópos hoû parembállomén estin ochyrós, kaì epíkeitai hēmîn tà tē̂s basileías:

58
νῦν οὖν δῶμεν δεξιὰς τοῖς ἀνθρώποις τούτοις καὶ ποιήσωμεν μετ’ αὐτῶν εἰρήνην καὶ μετὰ παντὸς ἔθνους αὐτῶν

nŷn oûn dō̂men dexiàs toîs anthrṓpois toútois kaì poiḗsōmen met’ autō̂n eirḗnēn kaì metà pantòs éthnous autō̂n

59
καὶ στήσωμεν αὐτοῖς τοῦ πορεύεσθαι τοῖς νομίμοις αὐτῶν ὡς τὸ πρότερον· χάριν γὰρ τῶν νομίμων αὐτῶν, ὧν διεσκεδάσαμεν, ὠργίσθησαν καὶ ἐποίησαν ταῦτα πάντα.

kaì stḗsōmen autoîs toû poreúesthai toîs nomímois autō̂n hōs tò próteron: chárin gàr tō̂n nomímōn autō̂n, hō̂n dieskedásamen, ōrgísthēsan kaì epoíēsan taûta pánta.

60
καὶ ἤρεσεν ὁ λόγος ἐναντίον τοῦ βασιλέως καὶ τῶν ἀρχόντων, καὶ ἀπέστειλεν πρὸς αὐτοὺς εἰρηνεῦσαι, καὶ ἐπεδέξαντο.

kaì ḗresen ho lógos enantíon toû basiléōs kaì tō̂n archóntōn, kaì apésteilen pròs autoùs eirēneûsai, kaì epedéxanto.

61
καὶ ὤμοσεν αὐτοῖς ὁ βασιλεὺς καὶ οἱ ἄρχοντες· ἐπὶ τούτοις ἐξῆλθον ἐκ τοῦ ὀχυρώματος.

kaì ṓmosen autoîs ho basileùs kaì hoi árchontes: epì toútois exē̂lthon ek toû ochyrṓmatos.

62
καὶ εἰσῆλθεν ὁ βασιλεὺς εἰς ὄρος Σιων καὶ εἶδεν τὸ ὀχύρωμα τοῦ τόπου καὶ ἠθέτησεν τὸν ὁρκισμόν, ὃν ὤμοσεν, καὶ ἐνετείλατο καθελεῖν τὸ τεῖχος κυκλόθεν.

kaì eisē̂lthen ho basileùs eis óros Siōn kaì eîden tò ochýrōma toû tópou kaì ēthétēsen tòn horkismón, hòn ṓmosen, kaì eneteílato katheleîn tò teîchos kyklóthen.

63
καὶ ἀπῆρεν κατὰ σπουδὴν καὶ ἀπέστρεψεν εἰς ’Αντιόχειαν καὶ εὗρεν Φίλιππον κυριεύοντα τῆς πόλεως καὶ ἐπολέμησεν πρὸς αὐτὸν καὶ κατελάβετο τὴν πόλιν βίᾳ.

kaì apē̂ren katà spoudḕn kaì apéstrepsen eis ’Antiócheian kaì heûren Phílippon kyrieúonta tē̂s póleōs kaì epolémēsen pròs autòn kaì katelábeto tḕn pólin bíāi.