Bibles in ancient languages
Ancient translations
Modern translations

Septuaginta 1 Samuel 7

Pentateuch
Historical books
Poetical Writings
Prophetic Books
Chapter
Verses
1
καὶ ἔρχονται οἱ ἄνδρες Καριαθιαριμ καὶ ἀνάγουσιν τὴν κιβωτὸν διαθήκης κυρίου καὶ εἰσάγουσιν αὐτὴν εἰς οἶκον Αμιναδαβ τὸν ἐν τῷ βουνῷ· καὶ τὸν Ελεαζαρ υἱὸν αὐτοῦ ἡγίασαν ϕυλάσσειν τὴν κιβωτὸν διαθήκης κυρίου.

kaì érchontai hoi ándres Kariathiarim kaì anágousin tḕn kibōtòn diathḗkēs kyríou kaì eiságousin autḕn eis oîkon Aminadab tòn en tō̂i bounō̂i: kaì tòn Eleazar hyiòn autoû hēgíasan phylássein tḕn kibōtòn diathḗkēs kyríou.

2
Καὶ ἐγενήθη ἀϕ’ ἧς ἡμέρας ἦν ἡ κιβωτὸς ἐν Καριαθιαριμ, ἐπλήθυναν αἱ ἡμέραι καὶ ἐγένοντο εἴκοσι ἔτη, καὶ ἐπέβλεψεν πᾶς οἶκος Ισραηλ ὀπίσω κυρίου.

Kaì egenḗthē aph’ hē̂s hēméras ē̂n hē kibōtòs en Kariathiarim, eplḗthynan hai hēmérai kaì egénonto eíkosi étē, kaì epéblepsen pâs oîkos Israēl opísō kyríou.

3
καὶ εἶπεν Σαμουηλ πρὸς πάντα οἶκον Ισραηλ λέγων Εἰ ἐν ὅλῃ καρδίᾳ ὑμῶν ὑμεῖς ἐπιστρέϕετε πρὸς κύριον, περιέλετε τοὺς θεοὺς τοὺς ἀλλοτρίους ἐκ μέσου ὑμῶν καὶ τὰ ἄλση καὶ ἑτοιμάσατε τὰς καρδίας ὑμῶν πρὸς κύριον καὶ δουλεύσατε αὐτῷ μόνῳ, καὶ ἐξελεῖται ὑμᾶς ἐκ χειρὸς ἀλλοϕύλων.

kaì eîpen Samouēl pròs pánta oîkon Israēl légōn Ei en hólēi kardíāi hymō̂n hymeîs epistréphete pròs kýrion, periélete toùs theoùs toùs allotríous ek mésou hymō̂n kaì tà álsē kaì hetoimásate tàs kardías hymō̂n pròs kýrion kaì douleúsate autō̂i mónōi, kaì exeleîtai hymâs ek cheiròs allophýlōn.

4
καὶ περιεῖλον οἱ υἱοὶ Ισραηλ τὰς Βααλιμ καὶ τὰ ἄλση Ασταρωθ καὶ ἐδούλευσαν κυρίῳ μόνῳ.

kaì perieîlon hoi hyioì Israēl tàs Baalim kaì tà álsē Astarōth kaì edoúleusan kyríōi mónōi.

5
καὶ εἶπεν Σαμουηλ ’Αθροίσατε πάντα Ισραηλ εἰς Μασσηϕαθ, καὶ προσεύξομαι περὶ ὑμῶν πρὸς κύριον.

kaì eîpen Samouēl ’Athroísate pánta Israēl eis Massēphath, kaì proseúxomai perì hymō̂n pròs kýrion.

6
καὶ συνήχθησαν εἰς Μασσηϕαθ καὶ ὑδρεύονται ὕδωρ καὶ ἐξέχεαν ἐνώπιον κυρίου ἐπὶ τὴν γῆν καὶ ἐνήστευσαν ἐν τῇ ἡμέρᾳ ἐκείνῃ καὶ εἶπαν ‘Ημαρτήκαμεν ἐνώπιον κυρίου· καὶ ἐδίκαζεν Σαμουηλ τοὺς υἱοὺς Ισραηλ εἰς Μασσηϕαθ.

kaì synḗchthēsan eis Massēphath kaì hydreúontai hýdōr kaì exéchean enṓpion kyríou epì tḕn gē̂n kaì enḗsteusan en tē̂i hēmérāi ekeínēi kaì eîpan ‘Ēmartḗkamen enṓpion kyríou: kaì edíkazen Samouēl toùs hyioùs Israēl eis Massēphath.

7
καὶ ἤκουσαν οἱ ἀλλόϕυλοι ὅτι συνηθροίσθησαν πάντες οἱ υἱοὶ Ισραηλ εἰς Μασσηϕαθ, καὶ ἀνέβησαν σατράπαι ἀλλοϕύλων ἐπὶ Ισραηλ· καὶ ἀκούουσιν οἱ υἱοὶ Ισραηλ καὶ ἐϕοβήθησαν ἀπὸ προσώπου ἀλλοϕύλων.

kaì ḗkousan hoi allóphyloi hóti synēthroísthēsan pántes hoi hyioì Israēl eis Massēphath, kaì anébēsan satrápai allophýlōn epì Israēl: kaì akoúousin hoi hyioì Israēl kaì ephobḗthēsan apò prosṓpou allophýlōn.

8
καὶ εἶπαν οἱ υἱοὶ Ισραηλ πρὸς Σαμουηλ Μὴ παρασιωπήσῃς ἀϕ’ ἡμῶν τοῦ μὴ βοᾶν πρὸς κύριον θεόν σου, καὶ σώσει ἡμᾶς ἐκ χειρὸς ἀλλοϕύλων.

kaì eîpan hoi hyioì Israēl pròs Samouēl Mḕ parasiōpḗsēis aph’ hēmō̂n toû mḕ boân pròs kýrion theón sou, kaì sṓsei hēmâs ek cheiròs allophýlōn.

9
καὶ ἔλαβεν Σαμουηλ ἄρνα γαλαθηνὸν ἕνα καὶ ἀνήνεγκεν αὐτὸν ὁλοκαύτωσιν σὺν παντὶ τῷ λαῷ τῷ κυρίῳ, καὶ ἐβόησεν Σαμουηλ πρὸς κύριον περὶ Ισραηλ, καὶ ἐπήκουσεν αὐτοῦ κύριος.

kaì élaben Samouēl árna galathēnòn héna kaì anḗnenken autòn holokaútōsin sỳn pantì tō̂i laō̂i tō̂i kyríōi, kaì ebóēsen Samouēl pròs kýrion perì Israēl, kaì epḗkousen autoû kýrios.

10
καὶ ἦν Σαμουηλ ἀναϕέρων τὴν ὁλοκαύτωσιν, καὶ ἀλλόϕυλοι προσῆγον εἰς πόλεμον ἐπὶ Ισραηλ. καὶ ἐβρόντησεν κύριος ἐν ϕωνῇ μεγάλῃ ἐν τῇ ἡμέρᾳ ἐκείνῃ ἐπὶ τοὺς ἀλλοϕύλους, καὶ συνεχύθησαν καὶ ἔπταισαν ἐνώπιον Ισραηλ.

kaì ē̂n Samouēl anaphérōn tḕn holokaútōsin, kaì allóphyloi prosē̂gon eis pólemon epì Israēl. kaì ebróntēsen kýrios en phōnē̂i megálēi en tē̂i hēmérāi ekeínēi epì toùs allophýlous, kaì synechýthēsan kaì éptaisan enṓpion Israēl.

11
καὶ ἐξῆλθαν ἄνδρες Ισραηλ ἐκ Μασσηϕαθ καὶ κατεδίωξαν τοὺς ἀλλοϕύλους καὶ ἐπάταξαν αὐτοὺς ἕως ὑποκάτω τοῦ Βαιθχορ.

kaì exē̂lthan ándres Israēl ek Massēphath kaì katedíōxan toùs allophýlous kaì epátaxan autoùs héōs hypokátō toû Baithchor.

12
καὶ ἔλαβεν Σαμουηλ λίθον ἕνα καὶ ἔστησεν αὐτὸν ἀνὰ μέσον Μασσηϕαθ καὶ ἀνὰ μέσον τῆς παλαιᾶς καὶ ἐκάλεσεν τὸ ὄνομα αὐτοῦ Αβενεζερ, Λίθος τοῦ βοηθοῦ, καὶ εἶπεν ῞Εως ἐνταῦθα ἐβοήθησεν ἡμῖν κύριος.

kaì élaben Samouēl líthon héna kaì éstēsen autòn anà méson Massēphath kaì anà méson tē̂s palaiâs kaì ekálesen tò ónoma autoû Abenezer, Líthos toû boēthoû, kaì eîpen ῞Eōs entaûtha eboḗthēsen hēmîn kýrios.

13
καὶ ἐταπείνωσεν κύριος τοὺς ἀλλοϕύλους, καὶ οὐ προσέθεντο ἔτι προσελθεῖν εἰς ὅριον Ισραηλ· καὶ ἐγενήθη χεὶρ κυρίου ἐπὶ τοὺς ἀλλοϕύλους πάσας τὰς ἡμέρας τοῦ Σαμουηλ.

kaì etapeínōsen kýrios toùs allophýlous, kaì ou proséthento éti proseltheîn eis hórion Israēl: kaì egenḗthē cheìr kyríou epì toùs allophýlous pásas tàs hēméras toû Samouēl.

14
καὶ ἀπεδόθησαν αἱ πόλεις, ἃς ἔλαβον οἱ ἀλλόϕυλοι παρὰ τῶν υἱῶν Ισραηλ, καὶ ἀπέδωκαν αὐτὰς τῷ Ισραηλ ἀπὸ ’Ασκαλῶνος ἕως Αζοβ, καὶ τὸ ὅριον Ισραηλ ἀϕείλαντο ἐκ χειρὸς ἀλλοϕύλων. καὶ ἦν εἰρήνη ἀνὰ μέσον Ισραηλ καὶ ἀνὰ μέσον τοῦ Αμορραίου.

kaì apedóthēsan hai póleis, hàs élabon hoi allóphyloi parà tō̂n hyiō̂n Israēl, kaì apédōkan autàs tō̂i Israēl apò ’Askalō̂nos héōs Azob, kaì tò hórion Israēl apheílanto ek cheiròs allophýlōn. kaì ē̂n eirḗnē anà méson Israēl kaì anà méson toû Amorraíou.

15
καὶ ἐδίκαζεν Σαμουηλ τὸν Ισραηλ πάσας τὰς ἡμέρας τῆς ζωῆς αὐτοῦ·

kaì edíkazen Samouēl tòn Israēl pásas tàs hēméras tē̂s zōē̂s autoû:

16
καὶ ἐπορεύετο κατ’ ἐνιαυτὸν ἐνιαυτὸν καὶ ἐκύκλου Βαιθηλ καὶ τὴν Γαλγαλα καὶ τὴν Μασσηϕαθ καὶ ἐδίκαζεν τὸν Ισραηλ ἐν πᾶσι τοῖς ἡγιασμένοις τούτοις,

kaì eporeúeto kat’ eniautòn eniautòn kaì ekýklou Baithēl kaì tḕn Galgala kaì tḕn Massēphath kaì edíkazen tòn Israēl en pâsi toîs hēgiasménois toútois,

17
ἡ δὲ ἀποστροϕὴ αὐτοῦ εἰς Αρμαθαιμ, ὅτι ἐκεῖ ἦν ὁ οἶκος αὐτοῦ, καὶ ἐδίκαζεν ἐκεῖ τὸν Ισραηλ καὶ ᾠκοδόμησεν ἐκεῖ θυσιαστήριον τῷ κυρίῳ.

hē dè apostrophḕ autoû eis Armathaim, hóti ekeî ē̂n ho oîkos autoû, kaì edíkazen ekeî tòn Israēl kaì ōikodómēsen ekeî thysiastḗrion tō̂i kyríōi.