Bibles in ancient languages
Ancient translations
Modern translations

Septuaginta Baruch 4

Pentateuch
Historical books
Poetical Writings
Prophetic Books
Chapter
Verses
1
αὕτη ἡ βίβλος τῶν προσταγμάτων τοῦ θεοῦ καὶ ὁ νόμος ὁ ὑπάρχων εἰς τὸν αἰῶνα· πάντες οἱ κρατοῦντες αὐτῆς εἰς ζωήν, οἱ δὲ καταλείποντες αὐτὴν ἀποθανοῦνται.

haútē hē bíblos tō̂n prostagmátōn toû theoû kaì ho nómos ho hypárchōn eis tòn aiō̂na: pántes hoi kratoûntes autē̂s eis zōḗn, hoi dè kataleípontes autḕn apothanoûntai.

2
ἐπιστρέϕου, Ιακωβ, καὶ ἐπιλαβοῦ αὐτῆς, διόδευσον πρὸς τὴν λάμψιν κατέναντι τοῦ ϕωτὸς αὐτῆς.

epistréphou, Iakōb, kaì epilaboû autē̂s, diódeuson pròs tḕn lámpsin katénanti toû phōtòs autē̂s.

3
μὴ δῷς ἑτέρῳ τὴν δόξαν σου καὶ τὰ συμϕέροντά σοι ἔθνει ἀλλοτρίῳ.

mḕ dō̂is hetérōi tḕn dóxan sou kaì tà symphérontá soi éthnei allotríōi.

4
μακάριοί ἐσμεν, Ισραηλ, ὅτι τὰ ἀρεστὰ τῷ θεῷ ἡμῖν γνωστά ἐστιν.

makárioí esmen, Israēl, hóti tà arestà tō̂i theō̂i hēmîn gnōstá estin.

5
θαρσεῖτε, λαός μου, μνημόσυνον Ισραηλ.

tharseîte, laós mou, mnēmósynon Israēl.

6
ἐπράθητε τοῖς ἔθνεσιν οὐκ εἰς ἀπώλειαν, διὰ δὲ τὸ παροργίσαι ὑμᾶς τὸν θεὸν παρεδόθητε τοῖς ὑπεναντίοις·

epráthēte toîs éthnesin ouk eis apṓleian, dià dè tò parorgísai hymâs tòn theòn paredóthēte toîs hypenantíois:

7
παρωξύνατε γὰρ τὸν ποιήσαντα ὑμᾶς θύσαντες δαιμονίοις καὶ οὐ θεῷ.

parōxýnate gàr tòn poiḗsanta hymâs thýsantes daimoníois kaì ou theō̂i.

8
ἐπελάθεσθε δὲ τὸν τροϕεύσαντα ὑμᾶς θεὸν αἰώνιον, ἐλυπήσατε δὲ καὶ τὴν ἐκθρέψασαν ὑμᾶς Ιερουσαλημ·

epeláthesthe dè tòn tropheúsanta hymâs theòn aiṓnion, elypḗsate dè kaì tḕn ekthrépsasan hymâs Ierousalēm:

9
εἶδεν γὰρ τὴν ἐπελθοῦσαν ὑμῖν ὀργὴν παρὰ τοῦ θεοῦ καὶ εἶπεν ’Ακούσατε, αἱ πάροικοι Σιων, ἐπήγαγέν μοι ὁ θεὸς πένθος μέγα·

eîden gàr tḕn epelthoûsan hymîn orgḕn parà toû theoû kaì eîpen ’Akoúsate, hai pároikoi Siōn, epḗgagén moi ho theòs pénthos méga:

10
εἶδον γὰρ τὴν αἰχμαλωσίαν τῶν υἱῶν μου καὶ τῶν θυγατέρων, ἣν ἐπήγαγεν αὐτοῖς ὁ αἰώνιος·

eîdon gàr tḕn aichmalōsían tō̂n hyiō̂n mou kaì tō̂n thygatérōn, hḕn epḗgagen autoîs ho aiṓnios:

11
ἔθρεψα γὰρ αὐτοὺς μετ’ εὐϕροσύνης, ἐξαπέστειλα δὲ μετὰ κλαυθμοῦ καὶ πένθους.

éthrepsa gàr autoùs met’ euphrosýnēs, exapésteila dè metà klauthmoû kaì pénthous.

12
μηδεὶς ἐπιχαιρέτω μοι τῇ χήρᾳ καὶ καταλειϕθείσῃ ὑπὸ πολλῶν· ἠρημώθην διὰ τὰς ἁμαρτίας τῶν τέκνων μου, διότι ἐξέκλιναν ἐκ νόμου θεοῦ,

mēdeìs epichairétō moi tē̂i chḗrāi kaì kataleiphtheísēi hypò pollō̂n: ērēmṓthēn dià tàs hamartías tō̂n téknōn mou, dióti exéklinan ek nómou theoû,

13
δικαιώματα δὲ αὐτοῦ οὐκ ἔγνωσαν οὐδὲ ἐπορεύθησαν ὁδοῖς ἐντολῶν θεοῦ οὐδὲ τρίβους παιδείας ἐν δικαιοσύνῃ αὐτοῦ ἐπέβησαν.

dikaiṓmata dè autoû ouk égnōsan oudè eporeúthēsan hodoîs entolō̂n theoû oudè tríbous paideías en dikaiosýnēi autoû epébēsan.

14
ἐλθάτωσαν αἱ πάροικοι Σιων, καὶ μνήσθητε τὴν αἰχμαλωσίαν τῶν υἱῶν μου καὶ θυγατέρων, ἣν ἐπήγαγεν αὐτοῖς ὁ αἰώνιος·

elthátōsan hai pároikoi Siōn, kaì mnḗsthēte tḕn aichmalōsían tō̂n hyiō̂n mou kaì thygatérōn, hḕn epḗgagen autoîs ho aiṓnios:

15
ἐπήγαγεν γὰρ ἐπ’ αὐτοὺς ἔθνος μακρόθεν, ἔθνος ἀναιδὲς καὶ ἀλλόγλωσσον, οἳ οὐκ ᾐσχύνθησαν πρεσβύτην οὐδὲ παιδίον ἠλέησαν

epḗgagen gàr ep’ autoùs éthnos makróthen, éthnos anaidès kaì allóglōsson, hoì ouk ēischýnthēsan presbýtēn oudè paidíon ēléēsan

16
καὶ ἀπήγαγον τοὺς ἀγαπητοὺς τῆς χήρας καὶ ἀπὸ τῶν θυγατέρων τὴν μόνην ἠρήμωσαν.

kaì apḗgagon toùs agapētoùs tē̂s chḗras kaì apò tō̂n thygatérōn tḕn mónēn ērḗmōsan.

17
ἐγὼ δὲ τί δυνατὴ βοηθῆσαι ὑμῖν;

egṑ dè tí dynatḕ boēthē̂sai hymîn?

18
ὁ γὰρ ἐπαγαγὼν τὰ κακὰ ὑμῖν ἐξελεῖται ὑμᾶς ἐκ χειρὸς ἐχθρῶν ὑμῶν.

ho gàr epagagṑn tà kakà hymîn exeleîtai hymâs ek cheiròs echthrō̂n hymō̂n.

19
βαδίζετε, τέκνα, βαδίζετε, ἐγὼ γὰρ κατελείϕθην ἔρημος·

badízete, tékna, badízete, egṑ gàr kateleíphthēn érēmos:

20
ἐξεδυσάμην τὴν στολὴν τῆς εἰρήνης, ἐνεδυσάμην δὲ σάκκον τῆς δεήσεώς μου, κεκράξομαι πρὸς τὸν αἰώνιον ἐν ταῖς ἡμέραις μου.

exedysámēn tḕn stolḕn tē̂s eirḗnēs, enedysámēn dè sákkon tē̂s deḗseṓs mou, kekráxomai pròs tòn aiṓnion en taîs hēmérais mou.

21
θαρσεῖτε, τέκνα, βοήσατε πρὸς τὸν θεόν, καὶ ἐξελεῖται ὑμᾶς ἐκ δυναστείας, ἐκ χειρὸς ἐχθρῶν.

tharseîte, tékna, boḗsate pròs tòn theón, kaì exeleîtai hymâs ek dynasteías, ek cheiròs echthrō̂n.

22
ἐγὼ γὰρ ἤλπισα ἐπὶ τῷ αἰωνίῳ τὴν σωτηρίαν ὑμῶν, καὶ ἦλθέν μοι χαρὰ παρὰ τοῦ ἁγίου ἐπὶ τῇ ἐλεημοσύνῃ, ἣ ἥξει ὑμῖν ἐν τάχει παρὰ τοῦ αἰωνίου σωτῆρος ὑμῶν.

egṑ gàr ḗlpisa epì tō̂i aiōníōi tḕn sōtērían hymō̂n, kaì ē̂lthén moi charà parà toû hagíou epì tē̂i eleēmosýnēi, hḕ hḗxei hymîn en táchei parà toû aiōníou sōtē̂ros hymō̂n.

23
ἐξέπεμψα γὰρ ὑμᾶς μετὰ πένθους καὶ κλαυθμοῦ, ἀποδώσει δέ μοι ὁ θεὸς ὑμᾶς μετὰ χαρμοσύνης καὶ εὐϕροσύνης εἰς τὸν αἰῶνα.

exépempsa gàr hymâs metà pénthous kaì klauthmoû, apodṓsei dé moi ho theòs hymâs metà charmosýnēs kaì euphrosýnēs eis tòn aiō̂na.

24
ὥσπερ γὰρ νῦν ἑωράκασιν αἱ πάροικοι Σιων τὴν ὑμετέραν αἰχμαλωσίαν, οὕτως ὄψονται ἐν τάχει τὴν παρὰ τοῦ θεοῦ ὑμῶν σωτηρίαν, ἣ ἐπελεύσεται ὑμῖν μετὰ δόξης μεγάλης καὶ λαμπρότητος τοῦ αἰωνίου.

hṓsper gàr nŷn heōrákasin hai pároikoi Siōn tḕn hymetéran aichmalōsían, hoútōs ópsontai en táchei tḕn parà toû theoû hymō̂n sōtērían, hḕ epeleúsetai hymîn metà dóxēs megálēs kaì lamprótētos toû aiōníou.

25
τέκνα, μακροθυμήσατε τὴν παρὰ τοῦ θεοῦ ἐπελθοῦσαν ὑμῖν ὀργήν· κατεδίωξέν σε ὁ ἐχθρός σου, καὶ ὄψει αὐτοῦ τὴν ἀπώλειαν ἐν τάχει καὶ ἐπὶ τραχήλους αὐτῶν ἐπιβήσῃ.

tékna, makrothymḗsate tḕn parà toû theoû epelthoûsan hymîn orgḗn: katedíōxén se ho echthrós sou, kaì ópsei autoû tḕn apṓleian en táchei kaì epì trachḗlous autō̂n epibḗsēi.

26
οἱ τρυϕεροί μου ἐπορεύθησαν ὁδοὺς τραχείας, ἤρθησαν ὡς ποίμνιον ἡρπασμένον ὑπὸ ἐχθρῶν.

hoi trypheroí mou eporeúthēsan hodoùs tracheías, ḗrthēsan hōs poímnion hērpasménon hypò echthrō̂n.

27
θαρσήσατε, τέκνα, καὶ βοήσατε πρὸς τὸν θεόν, ἔσται γὰρ ὑμῶν ὑπὸ τοῦ ἐπάγοντος μνεία.

tharsḗsate, tékna, kaì boḗsate pròs tòn theón, éstai gàr hymō̂n hypò toû epágontos mneía.

28
ὥσπερ γὰρ ἐγένετο ἡ διάνοια ὑμῶν εἰς τὸ πλανηθῆναι ἀπὸ τοῦ θεοῦ, δεκαπλασιάσατε ἐπιστραϕέντες ζητῆσαι αὐτόν.

hṓsper gàr egéneto hē diánoia hymō̂n eis tò planēthē̂nai apò toû theoû, dekaplasiásate epistraphéntes zētē̂sai autón.

29
ὁ γὰρ ἐπαγαγὼν ὑμῖν τὰ κακὰ ἐπάξει ὑμῖν τὴν αἰώνιον εὐϕροσύνην μετὰ τῆς σωτηρίας ὑμῶν.

ho gàr epagagṑn hymîn tà kakà epáxei hymîn tḕn aiṓnion euphrosýnēn metà tē̂s sōtērías hymō̂n.

30
θάρσει, Ιερουσαλημ, παρακαλέσει σε ὁ ὀνομάσας σε.

thársei, Ierousalēm, parakalései se ho onomásas se.

31
δείλαιοι οἱ σὲ κακώσαντες καὶ ἐπιχαρέντες τῇ σῇ πτώσει,

deílaioi hoi sè kakṓsantes kaì epicharéntes tē̂i sē̂i ptṓsei,

32
δείλαιαι αἱ πόλεις αἷς ἐδούλευσαν τὰ τέκνα σου, δειλαία ἡ δεξαμένη τοὺς υἱούς σου.

deílaiai hai póleis haîs edoúleusan tà tékna sou, deilaía hē dexaménē toùs hyioús sou.

33
ὥσπερ γὰρ ἐχάρη ἐπὶ τῇ σῇ πτώσει καὶ εὐϕράνθη ἐπὶ τῷ πτώματί σου, οὕτως λυπηθήσεται ἐπὶ τῇ ἑαυτῆς ἐρημίᾳ.

hṓsper gàr echárē epì tē̂i sē̂i ptṓsei kaì euphránthē epì tō̂i ptṓmatí sou, hoútōs lypēthḗsetai epì tē̂i heautē̂s erēmíāi.

34
καὶ περιελῶ αὐτῆς τὸ ἀγαλλίαμα τῆς πολυοχλίας, καὶ τὸ ἀγαυρίαμα αὐτῆς ἔσται εἰς πένθος.

kaì perielō̂ autē̂s tò agallíama tē̂s polyochlías, kaì tò agauríama autē̂s éstai eis pénthos.

35
πῦρ γὰρ ἐπελεύσεται αὐτῇ παρὰ τοῦ αἰωνίου εἰς ἡμέρας μακράς, καὶ κατοικηθήσεται ὑπὸ δαιμονίων τὸν πλείονα χρόνον.

pŷr gàr epeleúsetai autē̂i parà toû aiōníou eis hēméras makrás, kaì katoikēthḗsetai hypò daimoníōn tòn pleíona chrónon.

36
περίβλεψαι πρὸς ἀνατολάς, Ιερουσαλημ, καὶ ἰδὲ τὴν εὐϕροσύνην τὴν παρὰ τοῦ θεοῦ σοι ἐρχομένην.

períblepsai pròs anatolás, Ierousalēm, kaì idè tḕn euphrosýnēn tḕn parà toû theoû soi erchoménēn.

37
ἰδοὺ ἔρχονται οἱ υἱοί σου, οὓς ἐξαπέστειλας, ἔρχονται συνηγμένοι ἀπ’ ἀνατολῶν ἕως δυσμῶν τῷ ῥήματι τοῦ ἁγίου χαίροντες τῇ τοῦ θεοῦ δόξῃ.

idoù érchontai hoi hyioí sou, hoùs exapésteilas, érchontai synēgménoi ap’ anatolō̂n héōs dysmō̂n tō̂i rhḗmati toû hagíou chaírontes tē̂i toû theoû dóxēi.