Bibles in ancient languages
Ancient translations
Modern translations

Septuaginta Daniel (Th) 11

Pentateuch
Historical books
Poetical Writings
Prophetic Books
Chapter
Verses
1
καὶ ἐγὼ ἐν ἔτει πρώτῳ Κύρου ἔστην εἰς κράτος καὶ ἰσχύν.

kaì egṑ en étei prṓtōi Kýrou éstēn eis krátos kaì ischýn.

2
καὶ νῦν ἀλήθειαν ἀναγγελῶ σοι. ἰδοὺ ἔτι τρεῖς βασιλεῖς ἀναστήσονται ἐν τῇ Περσίδι, καὶ ὁ τέταρτος πλουτήσει πλοῦτον μέγαν παρὰ πάντας· καὶ μετὰ τὸ κρατῆσαι αὐτὸν τοῦ πλούτου αὐτοῦ ἐπαναστήσεται πάσαις βασιλείαις ‘Ελλήνων.

kaì nŷn alḗtheian anangelō̂ soi. idoù éti treîs basileîs anastḗsontai en tē̂i Persídi, kaì ho tétartos ploutḗsei ploûton mégan parà pántas: kaì metà tò kratē̂sai autòn toû ploútou autoû epanastḗsetai pásais basileíais ‘Ellḗnōn.

3
καὶ ἀναστήσεται βασιλεὺς δυνατὸς καὶ κυριεύσει κυριείας πολλῆς καὶ ποιήσει κατὰ τὸ θέλημα αὐτοῦ.

kaì anastḗsetai basileùs dynatòs kaì kyrieúsei kyrieías pollē̂s kaì poiḗsei katà tò thélēma autoû.

4
καὶ ὡς ἂν στῇ, ἡ βασιλεία αὐτοῦ συντριβήσεται καὶ διαιρεθήσεται εἰς τοὺς τέσσαρας ἀνέμους τοῦ οὐρανοῦ καὶ οὐκ εἰς τὰ ἔσχατα αὐτοῦ οὐδὲ κατὰ τὴν κυριείαν αὐτοῦ, ἣν ἐκυρίευσεν, ὅτι ἐκτιλήσεται ἡ βασιλεία αὐτοῦ καὶ ἑτέροις ἐκτὸς τούτων.

kaì hōs àn stē̂i, hē basileía autoû syntribḗsetai kaì diairethḗsetai eis toùs téssaras anémous toû ouranoû kaì ouk eis tà éschata autoû oudè katà tḕn kyrieían autoû, hḕn ekyríeusen, hóti ektilḗsetai hē basileía autoû kaì hetérois ektòs toútōn.

5
καὶ ἐνισχύσει ὁ βασιλεὺς τοῦ νότου· καὶ εἷς τῶν ἀρχόντων αὐτοῦ ἐνισχύσει ἐπ’ αὐτὸν καὶ κυριεύσει κυριείαν πολλὴν ἐπ’ ἐξουσίας αὐτοῦ.

kaì enischýsei ho basileùs toû nótou: kaì heîs tō̂n archóntōn autoû enischýsei ep’ autòn kaì kyrieúsei kyrieían pollḕn ep’ exousías autoû.

6
καὶ μετὰ τὰ ἔτη αὐτοῦ συμμειγήσονται, καὶ θυγάτηρ βασιλέως τοῦ νότου εἰσελεύσεται πρὸς βασιλέα τοῦ βορρᾶ τοῦ ποιῆσαι συνθήκας μετ’ αὐτοῦ· καὶ οὐ κρατήσει ἰσχύος βραχίονος, καὶ οὐ στήσεται τὸ σπέρμα αὐτοῦ, καὶ παραδοθήσεται αὐτὴ καὶ οἱ ϕέροντες αὐτὴν καὶ ἡ νεᾶνις καὶ ὁ κατισχύων αὐτὴν ἐν τοῖς καιροῖς.

kaì metà tà étē autoû symmeigḗsontai, kaì thygátēr basiléōs toû nótou eiseleúsetai pròs basiléa toû borrâ toû poiē̂sai synthḗkas met’ autoû: kaì ou kratḗsei ischýos brachíonos, kaì ou stḗsetai tò spérma autoû, kaì paradothḗsetai autḕ kaì hoi phérontes autḕn kaì hē neânis kaì ho katischýōn autḕn en toîs kairoîs.

7
καὶ στήσεται ἐκ τοῦ ἄνθους τῆς ῥίζης αὐτῆς τῆς ἑτοιμασίας αὐτοῦ καὶ ἥξει πρὸς τὴν δύναμιν καὶ εἰσελεύσεται εἰς τὰ ὑποστηρίγματα τοῦ βασιλέως τοῦ βορρᾶ καὶ ποιήσει ἐν αὐτοῖς καὶ κατισχύσει.

kaì stḗsetai ek toû ánthous tē̂s rhízēs autē̂s tē̂s hetoimasías autoû kaì hḗxei pròs tḕn dýnamin kaì eiseleúsetai eis tà hypostērígmata toû basiléōs toû borrâ kaì poiḗsei en autoîs kaì katischýsei.

8
καί γε τοὺς θεοὺς αὐτῶν μετὰ τῶν χωνευτῶν αὐτῶν, πᾶν σκεῦος ἐπιθυμητὸν αὐτῶν ἀργυρίου καὶ χρυσίου, μετὰ αἰχμαλωσίας οἴσει εἰς Αἴγυπτον· καὶ αὐτὸς στήσεται ὑπὲρ βασιλέα τοῦ βορρᾶ.

kaí ge toùs theoùs autō̂n metà tō̂n chōneutō̂n autō̂n, pân skeûos epithymētòn autō̂n argyríou kaì chrysíou, metà aichmalōsías oísei eis Aígypton: kaì autòs stḗsetai hypèr basiléa toû borrâ.

9
καὶ εἰσελεύσεται εἰς τὴν βασιλείαν τοῦ βασιλέως τοῦ νότου· καὶ ἀναστρέψει εἰς τὴν γῆν αὐτοῦ.

kaì eiseleúsetai eis tḕn basileían toû basiléōs toû nótou: kaì anastrépsei eis tḕn gē̂n autoû.

10
καὶ οἱ υἱοὶ αὐτοῦ συνάξουσιν ὄχλον δυνάμεων πολλῶν, καὶ ἐλεύσεται ἐρχόμενος καὶ κατακλύζων· καὶ παρελεύσεται καὶ καθίεται καὶ συμπροσπλακήσεται ἕως τῆς ἰσχύος αὐτοῦ.

kaì hoi hyioì autoû synáxousin óchlon dynámeōn pollō̂n, kaì eleúsetai erchómenos kaì kataklýzōn: kaì pareleúsetai kaì kathíetai kaì symprosplakḗsetai héōs tē̂s ischýos autoû.

11
καὶ ἀγριανθήσεται βασιλεὺς τοῦ νότου καὶ ἐξελεύσεται καὶ πολεμήσει μετὰ βασιλέως τοῦ βορρᾶ· καὶ στήσει ὄχλον πολύν, καὶ παραδοθήσεται ὁ ὄχλος ἐν χειρὶ αὐτοῦ·

kaì agrianthḗsetai basileùs toû nótou kaì exeleúsetai kaì polemḗsei metà basiléōs toû borrâ: kaì stḗsei óchlon polýn, kaì paradothḗsetai ho óchlos en cheirì autoû:

12
καὶ λήμψεται τὸν ὄχλον, καὶ ὑψωθήσεται ἡ καρδία αὐτοῦ, καὶ καταβαλεῖ μυριάδας καὶ οὐ κατισχύσει.

kaì lḗmpsetai tòn óchlon, kaì hypsōthḗsetai hē kardía autoû, kaì katabaleî myriádas kaì ou katischýsei.

13
καὶ ἐπιστρέψει βασιλεὺς τοῦ βορρᾶ καὶ ἄξει ὄχλον πολὺν ὑπὲρ τὸν πρότερον καὶ εἰς τὸ τέλος τῶν καιρῶν ἐνιαυτῶν ἐπελεύσεται εἰσόδια ἐν δυνάμει μεγάλῃ καὶ ἐν ὑπάρξει πολλῇ.

kaì epistrépsei basileùs toû borrâ kaì áxei óchlon polỳn hypèr tòn próteron kaì eis tò télos tō̂n kairō̂n eniautō̂n epeleúsetai eisódia en dynámei megálēi kaì en hypárxei pollē̂i.

14
καὶ ἐν τοῖς καιροῖς ἐκείνοις πολλοὶ ἐπαναστήσονται ἐπὶ βασιλέα τοῦ νότου· καὶ οἱ υἱοὶ τῶν λοιμῶν τοῦ λαοῦ σου ἐπαρθήσονται τοῦ στῆσαι ὅρασιν καὶ ἀσθενήσουσιν.

kaì en toîs kairoîs ekeínois polloì epanastḗsontai epì basiléa toû nótou: kaì hoi hyioì tō̂n loimō̂n toû laoû sou eparthḗsontai toû stē̂sai hórasin kaì asthenḗsousin.

15
καὶ εἰσελεύσεται βασιλεὺς τοῦ βορρᾶ καὶ ἐκχεεῖ πρόσχωμα καὶ συλλήμψεται πόλεις ὀχυράς, καὶ οἱ βραχίονες τοῦ βασιλέως τοῦ νότου οὐ στήσονται, καὶ ἀναστήσονται οἱ ἐκλεκτοὶ αὐτοῦ, καὶ οὐκ ἔσται ἰσχὺς τοῦ στῆναι.

kaì eiseleúsetai basileùs toû borrâ kaì ekcheeî próschōma kaì syllḗmpsetai póleis ochyrás, kaì hoi brachíones toû basiléōs toû nótou ou stḗsontai, kaì anastḗsontai hoi eklektoì autoû, kaì ouk éstai ischỳs toû stē̂nai.

16
καὶ ποιήσει ὁ εἰσπορευόμενος πρὸς αὐτὸν κατὰ τὸ θέλημα αὐτοῦ, καὶ οὐκ ἔστιν ἑστὼς κατὰ πρόσωπον αὐτοῦ· καὶ στήσεται ἐν γῇ τοῦ σαβι, καὶ συντελεσθήσεται ἐν τῇ χειρὶ αὐτοῦ.

kaì poiḗsei ho eisporeuómenos pròs autòn katà tò thélēma autoû, kaì ouk éstin hestṑs katà prósōpon autoû: kaì stḗsetai en gē̂i toû sabi, kaì syntelesthḗsetai en tē̂i cheirì autoû.

17
καὶ τάξει τὸ πρόσωπον αὐτοῦ εἰσελθεῖν ἐν ἰσχύι πάσης τῆς βασιλείας αὐτοῦ καὶ εὐθεῖα πάντα μετ’ αὐτοῦ ποιήσει· καὶ θυγατέρα τῶν γυναικῶν δώσει αὐτῷ τοῦ διαϕθεῖραι αὐτήν, καὶ οὐ μὴ παραμείνῃ καὶ οὐκ αὐτῷ ἔσται.

kaì táxei tò prósōpon autoû eiseltheîn en ischýi pásēs tē̂s basileías autoû kaì eutheîa pánta met’ autoû poiḗsei: kaì thygatéra tō̂n gynaikō̂n dṓsei autō̂i toû diaphtheîrai autḗn, kaì ou mḕ parameínēi kaì ouk autō̂i éstai.

18
καὶ ἐπιστρέψει τὸ πρόσωπον αὐτοῦ εἰς τὰς νήσους καὶ συλλήμψεται πολλὰς καὶ καταπαύσει ἄρχοντας ὀνειδισμοῦ αὐτῶν, πλὴν ὀνειδισμὸς αὐτοῦ ἐπιστρέψει αὐτῷ.

kaì epistrépsei tò prósōpon autoû eis tàs nḗsous kaì syllḗmpsetai pollàs kaì katapaúsei árchontas oneidismoû autō̂n, plḕn oneidismòs autoû epistrépsei autō̂i.

19
καὶ ἐπιστρέψει τὸ πρόσωπον αὐτοῦ εἰς τὴν ἰσχὺν τῆς γῆς αὐτοῦ καὶ ἀσθενήσει καὶ πεσεῖται καὶ οὐχ εὑρεθήσεται.

kaì epistrépsei tò prósōpon autoû eis tḕn ischỳn tē̂s gē̂s autoû kaì asthenḗsei kaì peseîtai kaì ouch heurethḗsetai.

20
καὶ ἀναστήσεται ἐκ τῆς ῥίζης αὐτοῦ ϕυτὸν βασιλείας ἐπὶ τὴν ἑτοιμασίαν αὐτοῦ παραβιβάζων πράσσων δόξαν βασιλείας· καὶ ἐν ταῖς ἡμέραις ἐκείναις συντριβήσεται καὶ οὐκ ἐν προσώποις οὐδὲ ἐν πολέμῳ.

kaì anastḗsetai ek tē̂s rhízēs autoû phytòn basileías epì tḕn hetoimasían autoû parabibázōn prássōn dóxan basileías: kaì en taîs hēmérais ekeínais syntribḗsetai kaì ouk en prosṓpois oudè en polémōi.

21
στήσεται ἐπὶ τὴν ἑτοιμασίαν αὐτοῦ· ἐξουδενώθη, καὶ οὐκ ἔδωκαν ἐπ’ αὐτὸν δόξαν βασιλείας· καὶ ἥξει ἐν εὐθηνίᾳ καὶ κατισχύσει βασιλείας ἐν ὀλισθρήμασιν.

stḗsetai epì tḕn hetoimasían autoû: exoudenṓthē, kaì ouk édōkan ep’ autòn dóxan basileías: kaì hḗxei en euthēníāi kaì katischýsei basileías en olisthrḗmasin.

22
καὶ βραχίονες τοῦ κατακλύζοντος κατακλυσθήσονται ἀπὸ προσώπου αὐτοῦ καὶ συντριβήσονται, καὶ ἡγούμενος διαθήκης·

kaì brachíones toû kataklýzontos kataklysthḗsontai apò prosṓpou autoû kaì syntribḗsontai, kaì hēgoúmenos diathḗkēs:

23
καὶ ἀπὸ τῶν συναναμείξεων πρὸς αὐτὸν ποιήσει δόλον καὶ ἀναβήσεται καὶ ὑπερισχύσει αὐτοῦ ἐν ὀλίγῳ ἔθνει.

kaì apò tō̂n synanameíxeōn pròs autòn poiḗsei dólon kaì anabḗsetai kaì hyperischýsei autoû en olígōi éthnei.

24
καὶ ἐν εὐθηνίᾳ καὶ ἐν πίοσιν χώραις ἥξει καὶ ποιήσει ἃ οὐκ ἐποίησαν οἱ πατέρες αὐτοῦ καὶ οἱ πατέρες τῶν πατέρων αὐτοῦ· προνομὴν καὶ σκῦλα καὶ ὕπαρξιν αὐτοῖς διασκορπιεῖ καὶ ἐπ’ Αἴγυπτον λογιεῖται λογισμοὺς αὐτοῦ καὶ ἕως καιροῦ.

kaì en euthēníāi kaì en píosin chṓrais hḗxei kaì poiḗsei hà ouk epoíēsan hoi patéres autoû kaì hoi patéres tō̂n patérōn autoû: pronomḕn kaì skŷla kaì hýparxin autoîs diaskorpieî kaì ep’ Aígypton logieîtai logismoùs autoû kaì héōs kairoû.

25
καὶ ἐξεγερθήσεται ἡ ἰσχὺς αὐτοῦ καὶ ἡ καρδία αὐτοῦ ἐπὶ βασιλέα τοῦ νότου ἐν δυνάμει μεγάλῃ, καὶ ὁ βασιλεὺς τοῦ νότου συνάψει πόλεμον ἐν δυνάμει μεγάλῃ καὶ ἰσχυρᾷ σϕόδρα· καὶ οὐ στήσεται, ὅτι λογιοῦνται ἐπ’ αὐτὸν λογισμούς·

kaì exegerthḗsetai hē ischỳs autoû kaì hē kardía autoû epì basiléa toû nótou en dynámei megálēi, kaì ho basileùs toû nótou synápsei pólemon en dynámei megálēi kaì ischyrā̂i sphódra: kaì ou stḗsetai, hóti logioûntai ep’ autòn logismoús:

26
καὶ ϕάγονται τὰ δέοντα αὐτοῦ καὶ συντρίψουσιν αὐτόν, καὶ δυνάμεις κατακλύσει, καὶ πεσοῦνται τραυματίαι πολλοί.

kaì phágontai tà déonta autoû kaì syntrípsousin autón, kaì dynámeis kataklýsei, kaì pesoûntai traumatíai polloí.

27
καὶ ἀμϕότεροι οἱ βασιλεῖς, αἱ καρδίαι αὐτῶν εἰς πονηρίαν, καὶ ἐπὶ τραπέζῃ μιᾷ ψευδῆ λαλήσουσιν, καὶ οὐ κατευθυνεῖ· ὅτι ἔτι πέρας εἰς καιρόν.

kaì amphóteroi hoi basileîs, hai kardíai autō̂n eis ponērían, kaì epì trapézēi miā̂i pseudē̂ lalḗsousin, kaì ou kateuthyneî: hóti éti péras eis kairón.

28
καὶ ἐπιστρέψει εἰς τὴν γῆν αὐτοῦ ἐν ὑπάρξει πολλῇ, καὶ ἡ καρδία αὐτοῦ ἐπὶ διαθήκην ἁγίαν, καὶ ποιήσει καὶ ἐπιστρέψει εἰς τὴν γῆν αὐτοῦ.

kaì epistrépsei eis tḕn gē̂n autoû en hypárxei pollē̂i, kaì hē kardía autoû epì diathḗkēn hagían, kaì poiḗsei kaì epistrépsei eis tḕn gē̂n autoû.

29
εἰς τὸν καιρὸν ἐπιστρέψει καὶ ἥξει ἐν τῷ νότῳ, καὶ οὐκ ἔσται ὡς ἡ πρώτη καὶ ὡς ἡ ἐσχάτη.

eis tòn kairòn epistrépsei kaì hḗxei en tō̂i nótōi, kaì ouk éstai hōs hē prṓtē kaì hōs hē eschátē.

30
καὶ εἰσελεύσονται ἐν αὐτῷ οἱ ἐκπορευόμενοι Κίτιοι, καὶ ταπεινωθήσεται· καὶ ἐπιστρέψει καὶ θυμωθήσεται ἐπὶ διαθήκην ἁγίαν· καὶ ποιήσει καὶ ἐπιστρέψει καὶ συνήσει ἐπὶ τοὺς καταλιπόντας διαθήκην ἁγίαν.

kaì eiseleúsontai en autō̂i hoi ekporeuómenoi Kítioi, kaì tapeinōthḗsetai: kaì epistrépsei kaì thymōthḗsetai epì diathḗkēn hagían: kaì poiḗsei kaì epistrépsei kaì synḗsei epì toùs katalipóntas diathḗkēn hagían.

31
καὶ σπέρματα ἐξ αὐτοῦ ἀναστήσονται καὶ βεβηλώσουσιν τὸ ἁγίασμα τῆς δυναστείας καὶ μεταστήσουσιν τὸν ἐνδελεχισμὸν καὶ δώσουσιν βδέλυγμα ἠϕανισμένον.

kaì spérmata ex autoû anastḗsontai kaì bebēlṓsousin tò hagíasma tē̂s dynasteías kaì metastḗsousin tòn endelechismòn kaì dṓsousin bdélygma ēphanisménon.

32
καὶ οἱ ἀνομοῦντες διαθήκην ἐπάξουσιν ἐν ὀλισθρήμασιν, καὶ λαὸς γινώσκοντες θεὸν αὐτοῦ κατισχύσουσιν καὶ ποιήσουσιν.

kaì hoi anomoûntes diathḗkēn epáxousin en olisthrḗmasin, kaì laòs ginṓskontes theòn autoû katischýsousin kaì poiḗsousin.

33
καὶ οἱ συνετοὶ τοῦ λαοῦ συνήσουσιν εἰς πολλά· καὶ ἀσθενήσουσιν ἐν ῥομϕαίᾳ καὶ ἐν ϕλογὶ καὶ ἐν αἰχμαλωσίᾳ καὶ ἐν διαρπαγῇ ἡμερῶν.

kaì hoi synetoì toû laoû synḗsousin eis pollá: kaì asthenḗsousin en rhomphaíāi kaì en phlogì kaì en aichmalōsíāi kaì en diarpagē̂i hēmerō̂n.

34
καὶ ἐν τῷ ἀσθενῆσαι αὐτοὺς βοηθηθήσονται βοήθειαν μικράν, καὶ προστεθήσονται ἐπ’ αὐτοὺς πολλοὶ ἐν ὀλισθρήμασιν.

kaì en tō̂i asthenē̂sai autoùs boēthēthḗsontai boḗtheian mikrán, kaì prostethḗsontai ep’ autoùs polloì en olisthrḗmasin.

35
καὶ ἀπὸ τῶν συνιέντων ἀσθενήσουσιν τοῦ πυρῶσαι αὐτοὺς καὶ τοῦ ἐκλέξασθαι καὶ τοῦ ἀποκαλυϕθῆναι, ἕως καιροῦ πέρας· ὅτι ἔτι εἰς καιρόν.

kaì apò tō̂n syniéntōn asthenḗsousin toû pyrō̂sai autoùs kaì toû ekléxasthai kaì toû apokalyphthē̂nai, héōs kairoû péras: hóti éti eis kairón.

36
καὶ ποιήσει κατὰ τὸ θέλημα αὐτοῦ καὶ ὑψωθήσεται ὁ βασιλεὺς καὶ μεγαλυνθήσεται ἐπὶ πάντα θεὸν καὶ λαλήσει ὑπέρογκα καὶ κατευθυνεῖ, μέχρις οὗ συντελεσθῇ ἡ ὀργή· εἰς γὰρ συντέλειαν γίνεται.

kaì poiḗsei katà tò thélēma autoû kaì hypsōthḗsetai ho basileùs kaì megalynthḗsetai epì pánta theòn kaì lalḗsei hypéronka kaì kateuthyneî, méchris hoû syntelesthē̂i hē orgḗ: eis gàr syntéleian gínetai.

37
καὶ ἐπὶ πάντας θεοὺς τῶν πατέρων αὐτοῦ οὐ συνήσει καὶ ἐπὶ ἐπιθυμίαν γυναικῶν καὶ ἐπὶ πᾶν θεὸν οὐ συνήσει, ὅτι ἐπὶ πάντας μεγαλυνθήσεται·

kaì epì pántas theoùs tō̂n patérōn autoû ou synḗsei kaì epì epithymían gynaikō̂n kaì epì pân theòn ou synḗsei, hóti epì pántas megalynthḗsetai:

38
καὶ θεὸν μαωζιν ἐπὶ τόπου αὐτοῦ δοξάσει καὶ θεόν, ὃν οὐκ ἔγνωσαν οἱ πατέρες αὐτοῦ, δοξάσει ἐν χρυσῷ καὶ ἀργύρῳ καὶ λίθῳ τιμίῳ καὶ ἐν ἐπιθυμήμασιν.

kaì theòn maōzin epì tópou autoû doxásei kaì theón, hòn ouk égnōsan hoi patéres autoû, doxásei en chrysō̂i kaì argýrōi kaì líthōi timíōi kaì en epithymḗmasin.

39
καὶ ποιήσει τοῖς ὀχυρώμασιν τῶν καταϕυγῶν μετὰ θεοῦ ἀλλοτρίου καὶ πληθυνεῖ δόξαν καὶ ὑποτάξει αὐτοῖς πολλοὺς καὶ γῆν διελεῖ ἐν δώροις.

kaì poiḗsei toîs ochyrṓmasin tō̂n kataphygō̂n metà theoû allotríou kaì plēthyneî dóxan kaì hypotáxei autoîs polloùs kaì gē̂n dieleî en dṓrois.

40
καὶ ἐν καιροῦ πέρατι συγκερατισθήσεται μετὰ τοῦ βασιλέως τοῦ νότου, καὶ συναχθήσεται ἐπ’ αὐτὸν βασιλεὺς τοῦ βορρᾶ ἐν ἅρμασιν καὶ ἐν ἱππεῦσιν καὶ ἐν ναυσὶν πολλαῖς καὶ εἰσελεύσεται εἰς τὴν γῆν καὶ συντρίψει καὶ παρελεύσεται.

kaì en kairoû pérati synkeratisthḗsetai metà toû basiléōs toû nótou, kaì synachthḗsetai ep’ autòn basileùs toû borrâ en hármasin kaì en hippeûsin kaì en nausìn pollaîs kaì eiseleúsetai eis tḕn gē̂n kaì syntrípsei kaì pareleúsetai.

41
καὶ εἰσελεύσεται εἰς τὴν γῆν τοῦ σαβι, καὶ πολλοὶ ἀσθενήσουσιν· καὶ οὗτοι διασωθήσονται ἐκ χειρὸς αὐτοῦ, Εδωμ καὶ Μωαβ καὶ ἀρχὴ υἱῶν Αμμων.

kaì eiseleúsetai eis tḕn gē̂n toû sabi, kaì polloì asthenḗsousin: kaì hoûtoi diasōthḗsontai ek cheiròs autoû, Edōm kaì Mōab kaì archḕ hyiō̂n Ammōn.

42
καὶ ἐκτενεῖ τὴν χεῖρα αὐτοῦ ἐπὶ τὴν γῆν, καὶ γῆ Αἰγύπτου οὐκ ἔσται εἰς σωτηρίαν.

kaì ekteneî tḕn cheîra autoû epì tḕn gē̂n, kaì gē̂ Aigýptou ouk éstai eis sōtērían.

43
καὶ κυριεύσει ἐν τοῖς ἀποκρύϕοις τοῦ χρυσοῦ καὶ τοῦ ἀργύρου καὶ ἐν πᾶσιν ἐπιθυμητοῖς Αἰγύπτου καὶ Λιβύων καὶ Αἰθιόπων ἐν τοῖς ὀχυρώμασιν αὐτῶν.

kaì kyrieúsei en toîs apokrýphois toû chrysoû kaì toû argýrou kaì en pâsin epithymētoîs Aigýptou kaì Libýōn kaì Aithiópōn en toîs ochyrṓmasin autō̂n.

44
καὶ ἀκοαὶ καὶ σπουδαὶ ταράξουσιν αὐτὸν ἐξ ἀνατολῶν καὶ ἀπὸ βορρᾶ, καὶ ἥξει ἐν θυμῷ πολλῷ τοῦ ἀϕανίσαι καὶ τοῦ ἀναθεματίσαι πολλούς.

kaì akoaì kaì spoudaì taráxousin autòn ex anatolō̂n kaì apò borrâ, kaì hḗxei en thymō̂i pollō̂i toû aphanísai kaì toû anathematísai polloús.

45
καὶ πήξει τὴν σκηνὴν αὐτοῦ εϕαδανω ἀνὰ μέσον τῶν θαλασσῶν εἰς ὄρος σαβι ἅγιον· καὶ ἥξει ἕως μέρους αὐτοῦ, καὶ οὐκ ἔστιν ὁ ῥυόμενος αὐτόν.

kaì pḗxei tḕn skēnḕn autoû ephadanō anà méson tō̂n thalassō̂n eis óros sabi hágion: kaì hḗxei héōs mérous autoû, kaì ouk éstin ho rhyómenos autón.