Bibles in ancient languages
Ancient translations
Modern translations

Septuaginta Exodus 26

Pentateuch
Historical books
Poetical Writings
Prophetic Books
Chapter
Verses
1
Καὶ τὴν σκηνὴν ποιήσεις δέκα αὐλαίας ἐκ βύσσου κεκλωσμένης καὶ ὑακίνθου καὶ πορϕύρας καὶ κοκκίνου κεκλωσμένου· χερουβιμ ἐργασίᾳ ὑϕάντου ποιήσεις αὐτάς.

Kaì tḕn skēnḕn poiḗseis déka aulaías ek býssou keklōsménēs kaì hyakínthou kaì porphýras kaì kokkínou keklōsménou: cheroubim ergasíāi hyphántou poiḗseis autás.

2
μῆκος τῆς αὐλαίας τῆς μιᾶς ὀκτὼ καὶ εἴκοσι πήχεων καὶ εὖρος τεσσάρων πήχεων ἡ αὐλαία ἡ μία ἔσται· μέτρον τὸ αὐτὸ ἔσται πάσαις ταῖς αὐλαίαις.

mē̂kos tē̂s aulaías tē̂s miâs oktṑ kaì eíkosi pḗcheōn kaì eûros tessárōn pḗcheōn hē aulaía hē mía éstai: métron tò autò éstai pásais taîs aulaíais.

3
πέντε δὲ αὐλαῖαι ἔσονται ἐξ ἀλλήλων ἐχόμεναι ἡ ἑτέρα ἐκ τῆς ἑτέρας, καὶ πέντε αὐλαῖαι ἔσονται συνεχόμεναι ἑτέρα τῇ ἑτέρᾳ.

pénte dè aulaîai ésontai ex allḗlōn echómenai hē hetéra ek tē̂s hetéras, kaì pénte aulaîai ésontai synechómenai hetéra tē̂i hetérāi.

4
καὶ ποιήσεις αὐταῖς ἀγκύλας ὑακινθίνας ἐπὶ τοῦ χείλους τῆς αὐλαίας τῆς μιᾶς ἐκ τοῦ ἑνὸς μέρους εἰς τὴν συμβολὴν καὶ οὕτως ποιήσεις ἐπὶ τοῦ χείλους τῆς αὐλαίας τῆς ἐξωτέρας πρὸς τῇ συμβολῇ τῇ δευτέρᾳ.

kaì poiḗseis autaîs ankýlas hyakinthínas epì toû cheílous tē̂s aulaías tē̂s miâs ek toû henòs mérous eis tḕn symbolḕn kaì hoútōs poiḗseis epì toû cheílous tē̂s aulaías tē̂s exōtéras pròs tē̂i symbolē̂i tē̂i deutérāi.

5
πεντήκοντα ἀγκύλας ποιήσεις τῇ αὐλαίᾳ τῇ μιᾷ καὶ πεντήκοντα ἀγκύλας ποιήσεις ἐκ τοῦ μέρους τῆς αὐλαίας κατὰ τὴν συμβολὴν τῆς δευτέρας· ἀντιπρόσωποι ἀντιπίπτουσαι ἀλλήλαις εἰς ἑκάστην.

pentḗkonta ankýlas poiḗseis tē̂i aulaíāi tē̂i miā̂i kaì pentḗkonta ankýlas poiḗseis ek toû mérous tē̂s aulaías katà tḕn symbolḕn tē̂s deutéras: antiprósōpoi antipíptousai allḗlais eis hekástēn.

6
καὶ ποιήσεις κρίκους πεντήκοντα χρυσοῦς καὶ συνάψεις τὰς αὐλαίας ἑτέραν τῇ ἑτέρᾳ τοῖς κρίκοις, καὶ ἔσται ἡ σκηνὴ μία.

kaì poiḗseis kríkous pentḗkonta chrysoûs kaì synápseis tàs aulaías hetéran tē̂i hetérāi toîs kríkois, kaì éstai hē skēnḕ mía.

7
καὶ ποιήσεις δέρρεις τριχίνας σκέπην ἐπὶ τῆς σκηνῆς· ἕνδεκα δέρρεις ποιήσεις αὐτάς.

kaì poiḗseis dérreis trichínas sképēn epì tē̂s skēnē̂s: héndeka dérreis poiḗseis autás.

8
τὸ μῆκος τῆς δέρρεως τῆς μιᾶς ἔσται τριάκοντα πήχεων, καὶ τεσσάρων πήχεων τὸ εὖρος τῆς δέρρεως τῆς μιᾶς· μέτρον τὸ αὐτὸ ἔσται ταῖς ἕνδεκα δέρρεσι.

tò mē̂kos tē̂s dérreōs tē̂s miâs éstai triákonta pḗcheōn, kaì tessárōn pḗcheōn tò eûros tē̂s dérreōs tē̂s miâs: métron tò autò éstai taîs héndeka dérresi.

9
καὶ συνάψεις τὰς πέντε δέρρεις ἐπὶ τὸ αὐτὸ καὶ τὰς ἓξ δέρρεις ἐπὶ τὸ αὐτό· καὶ ἐπιδιπλώσεις τὴν δέρριν τὴν ἕκτην κατὰ πρόσωπον τῆς σκηνῆς.

kaì synápseis tàs pénte dérreis epì tò autò kaì tàs hèx dérreis epì tò autó: kaì epidiplṓseis tḕn dérrin tḕn héktēn katà prósōpon tē̂s skēnē̂s.

10
καὶ ποιήσεις ἀγκύλας πεντήκοντα ἐπὶ τοῦ χείλους τῆς δέρρεως τῆς μιᾶς τῆς ἀνὰ μέσον κατὰ συμβολὴν καὶ πεντήκοντα ἀγκύλας ποιήσεις ἐπὶ τοῦ χείλους τῆς δέρρεως τῆς συναπτούσης τῆς δευτέρας.

kaì poiḗseis ankýlas pentḗkonta epì toû cheílous tē̂s dérreōs tē̂s miâs tē̂s anà méson katà symbolḕn kaì pentḗkonta ankýlas poiḗseis epì toû cheílous tē̂s dérreōs tē̂s synaptoúsēs tē̂s deutéras.

11
καὶ ποιήσεις κρίκους χαλκοῦς πεντήκοντα καὶ συνάψεις τοὺς κρίκους ἐκ τῶν ἀγκυλῶν καὶ συνάψεις τὰς δέρρεις, καὶ ἔσται ἕν.

kaì poiḗseis kríkous chalkoûs pentḗkonta kaì synápseis toùs kríkous ek tō̂n ankylō̂n kaì synápseis tàs dérreis, kaì éstai hén.

12
καὶ ὑποθήσεις τὸ πλεονάζον ἐν ταῖς δέρρεσιν τῆς σκηνῆς· τὸ ἥμισυ τῆς δέρρεως τὸ ὑπολελειμμένον ὑποκαλύψεις, τὸ πλεονάζον τῶν δέρρεων τῆς σκηνῆς ὑποκαλύψεις ὀπίσω τῆς σκηνῆς·

kaì hypothḗseis tò pleonázon en taîs dérresin tē̂s skēnē̂s: tò hḗmisy tē̂s dérreōs tò hypoleleimménon hypokalýpseis, tò pleonázon tō̂n dérreōn tē̂s skēnē̂s hypokalýpseis opísō tē̂s skēnē̂s:

13
πῆχυν ἐκ τούτου καὶ πῆχυν ἐκ τούτου ἐκ τοῦ ὑπερέχοντος τῶν δέρρεων ἐκ τοῦ μήκους τῶν δέρρεων τῆς σκηνῆς ἔσται συγκαλύπτον ἐπὶ τὰ πλάγια τῆς σκηνῆς ἔνθεν καὶ ἔνθεν, ἵνα καλύπτῃ.

pē̂chyn ek toútou kaì pē̂chyn ek toútou ek toû hyperéchontos tō̂n dérreōn ek toû mḗkous tō̂n dérreōn tē̂s skēnē̂s éstai synkalýpton epì tà plágia tē̂s skēnē̂s énthen kaì énthen, hína kalýptēi.

14
καὶ ποιήσεις κατακάλυμμα τῇ σκηνῇ δέρματα κριῶν ἠρυθροδανωμένα καὶ ἐπικαλύμματα δέρματα ὑακίνθινα ἐπάνωθεν.

kaì poiḗseis katakálymma tē̂i skēnē̂i dérmata kriō̂n ērythrodanōména kaì epikalýmmata dérmata hyakínthina epánōthen.

15
καὶ ποιήσεις στύλους τῇ σκηνῇ ἐκ ξύλων ἀσήπτων·

kaì poiḗseis stýlous tē̂i skēnē̂i ek xýlōn asḗptōn:

16
δέκα πήχεων ποιήσεις τὸν στῦλον τὸν ἕνα, καὶ πήχεος ἑνὸς καὶ ἡμίσους τὸ πλάτος τοῦ στύλου τοῦ ἑνός·

déka pḗcheōn poiḗseis tòn stŷlon tòn héna, kaì pḗcheos henòs kaì hēmísous tò plátos toû stýlou toû henós:

17
δύο ἀγκωνίσκους τῷ στύλῳ τῷ ἑνὶ ἀντιπίπτοντας ἕτερον τῷ ἑτέρῳ· οὕτως ποιήσεις πᾶσι τοῖς στύλοις τῆς σκηνῆς.

dýo ankōnískous tō̂i stýlōi tō̂i henì antipíptontas héteron tō̂i hetérōi: hoútōs poiḗseis pâsi toîs stýlois tē̂s skēnē̂s.

18
καὶ ποιήσεις στύλους τῇ σκηνῇ, εἴκοσι στύλους ἐκ τοῦ κλίτους τοῦ πρὸς βορρᾶν.

kaì poiḗseis stýlous tē̂i skēnē̂i, eíkosi stýlous ek toû klítous toû pròs borrân.

19
καὶ τεσσαράκοντα βάσεις ἀργυρᾶς ποιήσεις τοῖς εἴκοσι στύλοις, δύο βάσεις τῷ στύλῳ τῷ ἑνὶ εἰς ἀμϕότερα τὰ μέρη αὐτοῦ καὶ δύο βάσεις τῷ στύλῳ τῷ ἑνὶ εἰς ἀμϕότερα τὰ μέρη αὐτοῦ.

kaì tessarákonta báseis argyrâs poiḗseis toîs eíkosi stýlois, dýo báseis tō̂i stýlōi tō̂i henì eis amphótera tà mérē autoû kaì dýo báseis tō̂i stýlōi tō̂i henì eis amphótera tà mérē autoû.

20
καὶ τὸ κλίτος τὸ δεύτερον τὸ πρὸς νότον εἴκοσι στύλους·

kaì tò klítos tò deúteron tò pròs nóton eíkosi stýlous:

21
καὶ τεσσαράκοντα βάσεις αὐτῶν ἀργυρᾶς, δύο βάσεις τῷ στύλῳ τῷ ἑνὶ εἰς ἀμϕότερα τὰ μέρη αὐτοῦ καὶ δύο βάσεις τῷ στύλῳ τῷ ἑνὶ εἰς ἀμϕότερα τὰ μέρη αὐτοῦ.

kaì tessarákonta báseis autō̂n argyrâs, dýo báseis tō̂i stýlōi tō̂i henì eis amphótera tà mérē autoû kaì dýo báseis tō̂i stýlōi tō̂i henì eis amphótera tà mérē autoû.

22
καὶ ἐκ τῶν ὀπίσω τῆς σκηνῆς κατὰ τὸ μέρος τὸ πρὸς θάλασσαν ποιήσεις ἓξ στύλους.

kaì ek tō̂n opísō tē̂s skēnē̂s katà tò méros tò pròs thálassan poiḗseis hèx stýlous.

23
καὶ δύο στύλους ποιήσεις ἐπὶ τῶν γωνιῶν τῆς σκηνῆς ἐκ τῶν ὀπισθίων,

kaì dýo stýlous poiḗseis epì tō̂n gōniō̂n tē̂s skēnē̂s ek tō̂n opisthíōn,

24
καὶ ἔσται ἐξ ἴσου κάτωθεν· κατὰ τὸ αὐτὸ ἔσονται ἴσοι ἐκ τῶν κεϕαλίδων εἰς σύμβλησιν μίαν· οὕτως ποιήσεις ἀμϕοτέραις, ταῖς δυσὶν γωνίαις ἔστωσαν.

kaì éstai ex ísou kátōthen: katà tò autò ésontai ísoi ek tō̂n kephalídōn eis sýmblēsin mían: hoútōs poiḗseis amphotérais, taîs dysìn gōníais éstōsan.

25
καὶ ἔσονται ὀκτὼ στῦλοι, καὶ αἱ βάσεις αὐτῶν ἀργυραῖ δέκα ἕξ· δύο βάσεις τῷ στύλῳ τῷ ἑνὶ εἰς ἀμϕότερα τὰ μέρη αὐτοῦ καὶ δύο βάσεις τῷ στύλῳ τῷ ἑνί.

kaì ésontai oktṑ stŷloi, kaì hai báseis autō̂n argyraî déka héx: dýo báseis tō̂i stýlōi tō̂i henì eis amphótera tà mérē autoû kaì dýo báseis tō̂i stýlōi tō̂i hení.

26
καὶ ποιήσεις μοχλοὺς ἐκ ξύλων ἀσήπτων πέντε τῷ ἑνὶ στύλῳ ἐκ τοῦ ἑνὸς μέρους τῆς σκηνῆς

kaì poiḗseis mochloùs ek xýlōn asḗptōn pénte tō̂i henì stýlōi ek toû henòs mérous tē̂s skēnē̂s

27
καὶ πέντε μοχλοὺς τῷ στύλῳ τῷ κλίτει τῆς σκηνῆς τῷ δευτέρῳ καὶ πέντε μοχλοὺς τῷ στύλῳ τῷ ὀπισθίῳ τῷ κλίτει τῆς σκηνῆς τῷ πρὸς θάλασσαν·

kaì pénte mochloùs tō̂i stýlōi tō̂i klítei tē̂s skēnē̂s tō̂i deutérōi kaì pénte mochloùs tō̂i stýlōi tō̂i opisthíōi tō̂i klítei tē̂s skēnē̂s tō̂i pròs thálassan:

28
καὶ ὁ μοχλὸς ὁ μέσος ἀνὰ μέσον τῶν στύλων διικνείσθω ἀπὸ τοῦ ἑνὸς κλίτους εἰς τὸ ἕτερον κλίτος.

kaì ho mochlòs ho mésos anà méson tō̂n stýlōn diikneísthō apò toû henòs klítous eis tò héteron klítos.

29
καὶ τοὺς στύλους καταχρυσώσεις χρυσίῳ καὶ τοὺς δακτυλίους ποιήσεις χρυσοῦς, εἰς οὓς εἰσάξεις τοὺς μοχλούς, καὶ καταχρυσώσεις τοὺς μοχλοὺς χρυσίῳ.

kaì toùs stýlous katachrysṓseis chrysíōi kaì toùs daktylíous poiḗseis chrysoûs, eis hoùs eisáxeis toùs mochloús, kaì katachrysṓseis toùs mochloùs chrysíōi.

30
καὶ ἀναστήσεις τὴν σκηνὴν κατὰ τὸ εἶδος τὸ δεδειγμένον σοι ἐν τῷ ὄρει.

kaì anastḗseis tḕn skēnḕn katà tò eîdos tò dedeigménon soi en tō̂i órei.

31
καὶ ποιήσεις καταπέτασμα ἐξ ὑακίνθου καὶ πορϕύρας καὶ κοκκίνου κεκλωσμένου καὶ βύσσου νενησμένης· ἔργον ὑϕαντὸν ποιήσεις αὐτὸ χερουβιμ.

kaì poiḗseis katapétasma ex hyakínthou kaì porphýras kaì kokkínou keklōsménou kaì býssou nenēsménēs: érgon hyphantòn poiḗseis autò cheroubim.

32
καὶ ἐπιθήσεις αὐτὸ ἐπὶ τεσσάρων στύλων ἀσήπτων κεχρυσωμένων χρυσίῳ· καὶ αἱ κεϕαλίδες αὐτῶν χρυσαῖ, καὶ αἱ βάσεις αὐτῶν τέσσαρες ἀργυραῖ.

kaì epithḗseis autò epì tessárōn stýlōn asḗptōn kechrysōménōn chrysíōi: kaì hai kephalídes autō̂n chrysaî, kaì hai báseis autō̂n téssares argyraî.

33
καὶ θήσεις τὸ καταπέτασμα ἐπὶ τοὺς στύλους καὶ εἰσοίσεις ἐκεῖ ἐσώτερον τοῦ καταπετάσματος τὴν κιβωτὸν τοῦ μαρτυρίου· καὶ διοριεῖ τὸ καταπέτασμα ὑμῖν ἀνὰ μέσον τοῦ ἁγίου καὶ ἀνὰ μέσον τοῦ ἁγίου τῶν ἁγίων.

kaì thḗseis tò katapétasma epì toùs stýlous kaì eisoíseis ekeî esṓteron toû katapetásmatos tḕn kibōtòn toû martyríou: kaì diorieî tò katapétasma hymîn anà méson toû hagíou kaì anà méson toû hagíou tō̂n hagíōn.

34
καὶ κατακαλύψεις τῷ καταπετάσματι τὴν κιβωτὸν τοῦ μαρτυρίου ἐν τῷ ἁγίῳ τῶν ἁγίων.

kaì katakalýpseis tō̂i katapetásmati tḕn kibōtòn toû martyríou en tō̂i hagíōi tō̂n hagíōn.

35
καὶ θήσεις τὴν τράπεζαν ἔξωθεν τοῦ καταπετάσματος καὶ τὴν λυχνίαν ἀπέναντι τῆς τραπέζης ἐπὶ μέρους τῆς σκηνῆς τὸ πρὸς νότον καὶ τὴν τράπεζαν θήσεις ἐπὶ μέρους τῆς σκηνῆς τὸ πρὸς βορρᾶν.

kaì thḗseis tḕn trápezan éxōthen toû katapetásmatos kaì tḕn lychnían apénanti tē̂s trapézēs epì mérous tē̂s skēnē̂s tò pròs nóton kaì tḕn trápezan thḗseis epì mérous tē̂s skēnē̂s tò pròs borrân.

36
καὶ ποιήσεις ἐπίσπαστρον ἐξ ὑακίνθου καὶ πορϕύρας καὶ κοκκίνου κεκλωσμένου καὶ βύσσου κεκλωσμένης, ἔργον ποικιλτοῦ.

kaì poiḗseis epíspastron ex hyakínthou kaì porphýras kaì kokkínou keklōsménou kaì býssou keklōsménēs, érgon poikiltoû.

37
καὶ ποιήσεις τῷ καταπετάσματι πέντε στύλους καὶ χρυσώσεις αὐτοὺς χρυσίῳ, καὶ αἱ κεϕαλίδες αὐτῶν χρυσαῖ, καὶ χωνεύσεις αὐτοῖς πέντε βάσεις χαλκᾶς.

kaì poiḗseis tō̂i katapetásmati pénte stýlous kaì chrysṓseis autoùs chrysíōi, kaì hai kephalídes autō̂n chrysaî, kaì chōneúseis autoîs pénte báseis chalkâs.