Bibles in ancient languages
Ancient translations
Modern translations

Septuaginta Ezekiel 23

Pentateuch
Historical books
Poetical Writings
Prophetic Books
Chapter
Verses
1
Καὶ ἐγένετο λόγος κυρίου πρός με λέγων

Kaì egéneto lógos kyríou prós me légōn

2
Υἱὲ ἀνθρώπου, δύο γυναῖκες ἦσαν θυγατέρες μητρὸς μιᾶς

Hyiè anthrṓpou, dýo gynaîkes ē̂san thygatéres mētròs miâs

3
καὶ ἐξεπόρνευσαν ἐν Αἰγύπτῳ ἐν τῇ νεότητι αὐτῶν· ἐκεῖ ἔπεσον οἱ μαστοὶ αὐτῶν, ἐκεῖ διεπαρθενεύθησαν.

kaì exepórneusan en Aigýptōi en tē̂i neótēti autō̂n: ekeî épeson hoi mastoì autō̂n, ekeî diepartheneúthēsan.

4
καὶ τὰ ὀνόματα αὐτῶν ἦν Οολα ἡ πρεσβυτέρα καὶ Οολιβα ἡ ἀδελϕὴ αὐτῆς. καὶ ἐγένοντό μοι καὶ ἔτεκον υἱοὺς καὶ θυγατέρας. καὶ τὰ ὀνόματα αὐτῶν· Σαμάρεια ἡ Οολα, καὶ Ιερουσαλημ ἡ Οολιβα.

kaì tà onómata autō̂n ē̂n Oola hē presbytéra kaì Ooliba hē adelphḕ autē̂s. kaì egénontó moi kaì étekon hyioùs kaì thygatéras. kaì tà onómata autō̂n: Samáreia hē Oola, kaì Ierousalēm hē Ooliba.

5
καὶ ἐξεπόρνευσεν ἡ Οολα ἀπ’ ἐμοῦ καὶ ἐπέθετο ἐπὶ τοὺς ἐραστὰς αὐτῆς, ἐπὶ τοὺς ’Ασσυρίους τοὺς ἐγγίζοντας αὐτῇ

kaì exepórneusen hē Oola ap’ emoû kaì epétheto epì toùs erastàs autē̂s, epì toùs ’Assyríous toùs engízontas autē̂i

6
ἐνδεδυκότας ὑακίνθινα, ἡγουμένους καὶ στρατηγούς· νεανίσκοι ἐπίλεκτοι πάντες, ἱππεῖς ἱππαζόμενοι ἐϕ’ ἵππων.

endedykótas hyakínthina, hēgouménous kaì stratēgoús: neanískoi epílektoi pántes, hippeîs hippazómenoi eph’ híppōn.

7
καὶ ἔδωκεν τὴν πορνείαν αὐτῆς ἐπ’ αὐτούς· ἐπίλεκτοι υἱοὶ ’Ασσυρίων πάντες, καὶ ἐπὶ πάντας, οὓς ἐπέθετο, ἐν πᾶσι τοῖς ἐνθυμήμασιν αὐτῆς ἐμιαίνετο.

kaì édōken tḕn porneían autē̂s ep’ autoús: epílektoi hyioì ’Assyríōn pántes, kaì epì pántas, hoùs epétheto, en pâsi toîs enthymḗmasin autē̂s emiaíneto.

8
καὶ τὴν πορνείαν αὐτῆς ἐξ Αἰγύπτου οὐκ ἐγκατέλιπεν, ὅτι μετ’ αὐτῆς ἐκοιμῶντο ἐν νεότητι αὐτῆς, καὶ αὐτοὶ διεπαρθένευσαν αὐτὴν καὶ ἐξέχεαν τὴν πορνείαν αὐτῶν ἐπ’ αὐτήν.

kaì tḕn porneían autē̂s ex Aigýptou ouk enkatélipen, hóti met’ autē̂s ekoimō̂nto en neótēti autē̂s, kaì autoì dieparthéneusan autḕn kaì exéchean tḕn porneían autō̂n ep’ autḗn.

9
διὰ τοῦτο παρέδωκα αὐτὴν εἰς χεῖρας τῶν ἐραστῶν αὐτῆς, εἰς χεῖρας υἱῶν ’Ασσυρίων, ἐϕ’ οὓς ἐπετίθετο.

dià toûto parédōka autḕn eis cheîras tō̂n erastō̂n autē̂s, eis cheîras hyiō̂n ’Assyríōn, eph’ hoùs epetítheto.

10
αὐτοὶ ἀπεκάλυψαν τὴν αἰσχύνην αὐτῆς, υἱοὺς καὶ θυγατέρας αὐτῆς ἔλαβον καὶ αὐτὴν ἐν ῥομϕαίᾳ ἀπέκτειναν· καὶ ἐγένετο λάλημα εἰς γυναῖκας, καὶ ἐποίησαν ἐκδικήσεις ἐν αὐτῇ εἰς τὰς θυγατέρας.

autoì apekálypsan tḕn aischýnēn autē̂s, hyioùs kaì thygatéras autē̂s élabon kaì autḕn en rhomphaíāi apékteinan: kaì egéneto lálēma eis gynaîkas, kaì epoíēsan ekdikḗseis en autē̂i eis tàs thygatéras.

11
καὶ εἶδεν ἡ ἀδελϕὴ αὐτῆς Οολιβα καὶ διέϕθειρε τὴν ἐπίθεσιν αὐτῆς ὑπὲρ αὐτὴν καὶ τὴν πορνείαν αὐτῆς ὑπὲρ τὴν πορνείαν τῆς ἀδελϕῆς αὐτῆς.

kaì eîden hē adelphḕ autē̂s Ooliba kaì diéphtheire tḕn epíthesin autē̂s hypèr autḕn kaì tḕn porneían autē̂s hypèr tḕn porneían tē̂s adelphē̂s autē̂s.

12
ἐπὶ τοὺς υἱοὺς τῶν ’Ασσυρίων ἐπέθετο, ἡγουμένους καὶ στρατηγοὺς τοὺς ἐγγὺς αὐτῆς ἐνδεδυκότας εὐπάρυϕα, ἱππεῖς ἱππαζομένους ἐϕ’ ἵππων· νεανίσκοι ἐπίλεκτοι πάντες.

epì toùs hyioùs tō̂n ’Assyríōn epétheto, hēgouménous kaì stratēgoùs toùs engỳs autē̂s endedykótas eupárypha, hippeîs hippazoménous eph’ híppōn: neanískoi epílektoi pántes.

13
καὶ εἶδον ὅτι μεμίανται· ὁδὸς μία τῶν δύο.

kaì eîdon hóti memíantai: hodòs mía tō̂n dýo.

14
καὶ προσέθετο πρὸς τὴν πορνείαν αὐτῆς καὶ εἶδεν ἄνδρας ἐζωγραϕημένους ἐπὶ τοῦ τοίχου, εἰκόνας Χαλδαίων, ἐζωγραϕημένους ἐν γραϕίδι

kaì prosétheto pròs tḕn porneían autē̂s kaì eîden ándras ezōgraphēménous epì toû toíchou, eikónas Chaldaíōn, ezōgraphēménous en graphídi

15
ἐζωσμένους ποικίλματα ἐπὶ τὰς ὀσϕύας αὐτῶν, καὶ τιάραι βαπταὶ ἐπὶ τῶν κεϕαλῶν αὐτῶν, ὄψις τρισσὴ πάντων, ὁμοίωμα υἱῶν Χαλδαίων γῆς πατρίδος αὐτῶν,

ezōsménous poikílmata epì tàs osphýas autō̂n, kaì tiárai baptaì epì tō̂n kephalō̂n autō̂n, ópsis trissḕ pántōn, homoíōma hyiō̂n Chaldaíōn gē̂s patrídos autō̂n,

16
καὶ ἐπέθετο ἐπ’ αὐτοὺς τῇ ὁράσει ὀϕθαλμῶν αὐτῆς καὶ ἐξαπέστειλεν ἀγγέλους πρὸς αὐτοὺς εἰς γῆν Χαλδαίων.

kaì epétheto ep’ autoùs tē̂i horásei ophthalmō̂n autē̂s kaì exapésteilen angélous pròs autoùs eis gē̂n Chaldaíōn.

17
καὶ ἤλθοσαν πρὸς αὐτὴν υἱοὶ Βαβυλῶνος εἰς κοίτην καταλυόντων καὶ ἐμίαινον αὐτὴν ἐν τῇ πορνείᾳ αὐτῆς, καὶ ἐμιάνθη ἐν αὐτοῖς· καὶ ἀπέστη ἡ ψυχὴ αὐτῆς ἀπ’ αὐτῶν.

kaì ḗlthosan pròs autḕn hyioì Babylō̂nos eis koítēn katalyóntōn kaì emíainon autḕn en tē̂i porneíāi autē̂s, kaì emiánthē en autoîs: kaì apéstē hē psychḕ autē̂s ap’ autō̂n.

18
καὶ ἀπεκάλυψεν τὴν πορνείαν αὐτῆς καὶ ἀπεκάλυψεν τὴν αἰσχύνην αὐτῆς, καὶ ἀπέστη ἡ ψυχή μου ἀπ’ αὐτῆς, ὃν τρόπον ἀπέστη ἡ ψυχή μου ἀπὸ τῆς ἀδελϕῆς αὐτῆς.

kaì apekálypsen tḕn porneían autē̂s kaì apekálypsen tḕn aischýnēn autē̂s, kaì apéstē hē psychḗ mou ap’ autē̂s, hòn trópon apéstē hē psychḗ mou apò tē̂s adelphē̂s autē̂s.

19
καὶ ἐπλήθυνας τὴν πορνείαν σου τοῦ ἀναμνῆσαι ἡμέρας νεότητός σου, ἐν αἷς ἐπόρνευσας ἐν Αἰγύπτῳ,

kaì eplḗthynas tḕn porneían sou toû anamnē̂sai hēméras neótētós sou, en haîs epórneusas en Aigýptōi,

20
καὶ ἐπέθου ἐπὶ τοὺς Χαλδαίους, ὧν ἦσαν ὡς ὄνων αἱ σάρκες αὐτῶν καὶ αἰδοῖα ἵππων τὰ αἰδοῖα αὐτῶν.

kaì epéthou epì toùs Chaldaíous, hō̂n ē̂san hōs ónōn hai sárkes autō̂n kaì aidoîa híppōn tà aidoîa autō̂n.

21
καὶ ἐπεσκέψω τὴν ἀνομίαν νεότητός σου, ἃ ἐποίεις ἐν Αἰγύπτῳ ἐν τῷ καταλύματί σου, οὗ οἱ μαστοὶ νεότητός σου.

kaì epesképsō tḕn anomían neótētós sou, hà epoíeis en Aigýptōi en tō̂i katalýmatí sou, hoû hoi mastoì neótētós sou.

22
διὰ τοῦτο, Οολιβα, τάδε λέγει κύριος ’Ιδοὺ ἐγὼ ἐξεγείρω τοὺς ἐραστάς σου ἐπὶ σέ, ἀϕ’ ὧν ἀπέστη ἡ ψυχή σου ἀπ’ αὐτῶν, καὶ ἐπάξω αὐτοὺς ἐπὶ σὲ κυκλόθεν,

dià toûto, Ooliba, táde légei kýrios ’Idoù egṑ exegeírō toùs erastás sou epì sé, aph’ hō̂n apéstē hē psychḗ sou ap’ autō̂n, kaì epáxō autoùs epì sè kyklóthen,

23
υἱοὺς Βαβυλῶνος καὶ πάντας τοὺς Χαλδαίους, Φακουδ καὶ Σουε καὶ Κουε καὶ πάντας υἱοὺς ’Ασσυρίων μετ’ αὐτῶν, νεανίσκους ἐπιλέκτους, ἡγεμόνας καὶ στρατηγοὺς πάντας, τρισσοὺς καὶ ὀνομαστοὺς ἱππεύοντας ἐϕ’ ἵππων·

hyioùs Babylō̂nos kaì pántas toùs Chaldaíous, Phakoud kaì Soue kaì Koue kaì pántas hyioùs ’Assyríōn met’ autō̂n, neanískous epiléktous, hēgemónas kaì stratēgoùs pántas, trissoùs kaì onomastoùs hippeúontas eph’ híppōn:

24
καὶ πάντες ἥξουσιν ἐπὶ σὲ ἀπὸ βορρᾶ, ἅρματα καὶ τροχοὶ μετ’ ὄχλου λαῶν, θυρεοὶ καὶ πέλται, καὶ βαλοῦσιν ϕυλακὴν ἐπὶ σὲ κύκλῳ· καὶ δώσω πρὸ προσώπου αὐτῶν κρίμα, καὶ ἐκδικήσουσίν σε ἐν τοῖς κρίμασιν αὐτῶν.

kaì pántes hḗxousin epì sè apò borrâ, hármata kaì trochoì met’ óchlou laō̂n, thyreoì kaì péltai, kaì baloûsin phylakḕn epì sè kýklōi: kaì dṓsō prò prosṓpou autō̂n kríma, kaì ekdikḗsousín se en toîs krímasin autō̂n.

25
καὶ δώσω τὸν ζῆλόν μου ἐν σοί, καὶ ποιήσουσιν μετὰ σοῦ ἐν ὀργῇ θυμοῦ· μυκτῆρά σου καὶ ὦτά σου ἀϕελοῦσιν καὶ τοὺς καταλοίπους σου ἐν ῥομϕαίᾳ καταβαλοῦσιν. αὐτοὶ υἱούς σου καὶ θυγατέρας σου λήμψονται, καὶ τοὺς καταλοίπους σου πῦρ καταϕάγεται.

kaì dṓsō tòn zē̂lón mou en soí, kaì poiḗsousin metà soû en orgē̂i thymoû: myktē̂rá sou kaì ō̂tá sou apheloûsin kaì toùs kataloípous sou en rhomphaíāi katabaloûsin. autoì hyioús sou kaì thygatéras sou lḗmpsontai, kaì toùs kataloípous sou pŷr kataphágetai.

26
καὶ ἐκδύσουσίν σε τὸν ἱματισμόν σου καὶ λήμψονται τὰ σκεύη τῆς καυχήσεώς σου.

kaì ekdýsousín se tòn himatismón sou kaì lḗmpsontai tà skeúē tē̂s kauchḗseṓs sou.

27
καὶ ἀποστρέψω τὰς ἀσεβείας σου ἐκ σοῦ καὶ τὴν πορνείαν σου ἐκ γῆς Αἰγύπτου, καὶ οὐ μὴ ἄρῃς τοὺς ὀϕθαλμούς σου ἐπ’ αὐτοὺς καὶ Αἰγύπτου οὐ μὴ μνησθῇς οὐκέτι.

kaì apostrépsō tàs asebeías sou ek soû kaì tḕn porneían sou ek gē̂s Aigýptou, kaì ou mḕ árēis toùs ophthalmoús sou ep’ autoùs kaì Aigýptou ou mḕ mnēsthē̂is oukéti.

28
διότι τάδε λέγει κύριος κύριος ’Ιδοὺ ἐγὼ παραδίδωμί σε εἰς χεῖρας ὧν μισεῖς, ἀϕ’ ὧν ἀπέστη ἡ ψυχή σου ἀπ’ αὐτῶν·

dióti táde légei kýrios kýrios ’Idoù egṑ paradídōmí se eis cheîras hō̂n miseîs, aph’ hō̂n apéstē hē psychḗ sou ap’ autō̂n:

29
καὶ ποιήσουσιν ἐν σοὶ ἐν μίσει καὶ λήμψονται πάντας τοὺς πόνους σου καὶ τοὺς μόχθους σου, καὶ ἔσῃ γυμνὴ καὶ ἀσχημονοῦσα, καὶ ἀποκαλυϕθήσεται αἰσχύνη πορνείας σου καὶ ἀσέβειά σου. καὶ ἡ πορνεία σου

kaì poiḗsousin en soì en mísei kaì lḗmpsontai pántas toùs pónous sou kaì toùs móchthous sou, kaì ésēi gymnḕ kaì aschēmonoûsa, kaì apokalyphthḗsetai aischýnē porneías sou kaì asébeiá sou. kaì hē porneía sou

30
ἐποίησεν ταῦτά σοι ἐν τῷ ἐκπορνεῦσαί σε ὀπίσω ἐθνῶν καὶ ἐμιαίνου ἐν τοῖς ἐνθυμήμασιν αὐτῶν.

epoíēsen taûtá soi en tō̂i ekporneûsaí se opísō ethnō̂n kaì emiaínou en toîs enthymḗmasin autō̂n.

31
ἐν τῇ ὁδῷ τῆς ἀδελϕῆς σου ἐπορεύθης, καὶ δώσω τὸ ποτήριον αὐτῆς εἰς χεῖράς σου.

en tē̂i hodō̂i tē̂s adelphē̂s sou eporeúthēs, kaì dṓsō tò potḗrion autē̂s eis cheîrás sou.

32
τάδε λέγει κύριος Τὸ ποτήριον τῆς ἀδελϕῆς σου πίεσαι τὸ βαθὺ καὶ τὸ πλατὺ τὸ πλεονάζον τοῦ συντελέσαι

táde légei kýrios Tò potḗrion tē̂s adelphē̂s sou píesai tò bathỳ kaì tò platỳ tò pleonázon toû syntelésai

33
μέθην καὶ ἐκλύσεως πλησθήσῃ· καὶ τὸ ποτήριον ἀϕανισμοῦ, ποτήριον ἀδελϕῆς σου Σαμαρείας,

méthēn kaì eklýseōs plēsthḗsēi: kaì tò potḗrion aphanismoû, potḗrion adelphē̂s sou Samareías,

34
καὶ πίεσαι αὐτό· καὶ τὰς ἑορτὰς καὶ τὰς νεομηνίας αὐτῆς ἀποστρέψω· διότι ἐγὼ λελάληκα, λέγει κύριος.

kaì píesai autó: kaì tàs heortàs kaì tàs neomēnías autē̂s apostrépsō: dióti egṑ lelálēka, légei kýrios.

35
διὰ τοῦτο τάδε λέγει κύριος ’Ανθ’ ὧν ἐπελάθου μου καὶ ἀπέρριψάς με ὀπίσω τοῦ σώματός σου, καὶ σὺ λαβὲ τὴν ἀσέβειάν σου καὶ τὴν πορνείαν σου.

dià toûto táde légei kýrios ’Anth’ hō̂n epeláthou mou kaì apérripsás me opísō toû sṓmatós sou, kaì sỳ labè tḕn asébeián sou kaì tḕn porneían sou.

36
καὶ εἶπεν κύριος πρός με Υἱὲ ἀνθρώπου, οὐ κρινεῖς τὴν Οολαν καὶ τὴν Οολιβαν; καὶ ἀπαγγελεῖς αὐταῖς τὰς ἀνομίας αὐτῶν,

kaì eîpen kýrios prós me Hyiè anthrṓpou, ou krineîs tḕn Oolan kaì tḕn Ooliban? kaì apangeleîs autaîs tàs anomías autō̂n,

37
ὅτι ἐμοιχῶντο, καὶ αἷμα ἐν χερσὶν αὐτῶν· τὰ ἐνθυμήματα αὐτῶν ἐμοιχῶντο καὶ τὰ τέκνα αὐτῶν, ἃ ἐγέννησάν μοι, διήγαγον αὐτοῖς δι’ ἐμπύρων.

hóti emoichō̂nto, kaì haîma en chersìn autō̂n: tà enthymḗmata autō̂n emoichō̂nto kaì tà tékna autō̂n, hà egénnēsán moi, diḗgagon autoîs di’ empýrōn.

38
ἕως καὶ ταῦτα ἐποίησάν μοι· τὰ ἅγιά μου ἐμίαινον καὶ τὰ σάββατά μου ἐβεβήλουν.

héōs kaì taûta epoíēsán moi: tà hágiá mou emíainon kaì tà sábbatá mou ebebḗloun.

39
καὶ ἐν τῷ σϕάζειν αὐτοὺς τὰ τέκνα αὐτῶν τοῖς εἰδώλοις αὐτῶν καὶ εἰσεπορεύοντο εἰς τὰ ἅγιά μου τοῦ βεβηλοῦν αὐτά· καὶ ὅτι οὕτως ἐποίουν ἐν μέσῳ τοῦ οἴκου μου.

kaì en tō̂i spházein autoùs tà tékna autō̂n toîs eidṓlois autō̂n kaì eiseporeúonto eis tà hágiá mou toû bebēloûn autá: kaì hóti hoútōs epoíoun en mésōi toû oíkou mou.

40
καὶ ὅτι τοῖς ἀνδράσιν τοῖς ἐρχομένοις μακρόθεν, οἷς ἀγγέλους ἐξαπεστέλλοσαν πρὸς αὐτούς, καὶ ἅμα τῷ ἔρχεσθαι αὐτοὺς εὐθὺς ἐλούου καὶ ἐστιβίζου τοὺς ὀϕθαλμούς σου καὶ ἐκόσμου κόσμῳ

kaì hóti toîs andrásin toîs erchoménois makróthen, hoîs angélous exapestéllosan pròs autoús, kaì háma tō̂i érchesthai autoùs euthỳs eloúou kaì estibízou toùs ophthalmoús sou kaì ekósmou kósmōi

41
καὶ ἐκάθου ἐπὶ κλίνης ἐστρωμένης, καὶ τράπεζα κεκοσμημένη πρὸ προσώπου αὐτῆς. καὶ τὸ θυμίαμά μου καὶ τὸ ἔλαιόν μου εὐϕραίνοντο ἐν αὐτοῖς.

kaì ekáthou epì klínēs estrōménēs, kaì trápeza kekosmēménē prò prosṓpou autē̂s. kaì tò thymíamá mou kaì tò élaión mou euphraínonto en autoîs.

42
καὶ ϕωνὴν ἁρμονίας ἀνεκρούοντο· καὶ πρὸς ἄνδρας ἐκ πλήθους ἀνθρώπων ἥκοντας ἐκ τῆς ἐρήμου καὶ ἐδίδοσαν ψέλια ἐπὶ τὰς χεῖρας αὐτῶν καὶ στέϕανον καυχήσεως ἐπὶ τὰς κεϕαλὰς αὐτῶν.

kaì phōnḕn harmonías anekroúonto: kaì pròs ándras ek plḗthous anthrṓpōn hḗkontas ek tē̂s erḗmou kaì edídosan psélia epì tàs cheîras autō̂n kaì stéphanon kauchḗseōs epì tàs kephalàs autō̂n.

43
καὶ εἶπα Οὐκ ἐν τούτοις μοιχεύουσιν; καὶ ἔργα πόρνης καὶ αὐτὴ ἐξεπόρνευσεν.

kaì eîpa Ouk en toútois moicheúousin? kaì érga pórnēs kaì autḕ exepórneusen.

44
καὶ εἰσεπορεύοντο πρὸς αὐτήν, ὃν τρόπον εἰσπορεύονται πρὸς γυναῖκα πόρνην, οὕτως εἰσεπορεύοντο πρὸς Οολαν καὶ πρὸς Οολιβαν τοῦ ποιῆσαι ἀνομίαν.

kaì eiseporeúonto pròs autḗn, hòn trópon eisporeúontai pròs gynaîka pórnēn, hoútōs eiseporeúonto pròs Oolan kaì pròs Ooliban toû poiē̂sai anomían.

45
καὶ ἄνδρες δίκαιοι αὐτοὶ ἐκδικήσουσιν αὐτὰς ἐκδικήσει μοιχαλίδος καὶ ἐκδικήσει αἵματος, ὅτι μοιχαλίδες εἰσίν, καὶ αἷμα ἐν χερσὶν αὐτῶν.

kaì ándres díkaioi autoì ekdikḗsousin autàs ekdikḗsei moichalídos kaì ekdikḗsei haímatos, hóti moichalídes eisín, kaì haîma en chersìn autō̂n.

46
τάδε λέγει κύριος κύριος ’Ανάγαγε ἐπ’ αὐτὰς ὄχλον καὶ δὸς ἐν αὐταῖς ταραχὴν καὶ διαρπαγὴν

táde légei kýrios kýrios ’Anágage ep’ autàs óchlon kaì dòs en autaîs tarachḕn kaì diarpagḕn

47
καὶ λιθοβόλησον ἐπ’ αὐτὰς λίθοις ὄχλων καὶ κατακέντει αὐτὰς ἐν τοῖς ξίϕεσιν αὐτῶν· υἱοὺς αὐτῶν καὶ θυγατέρας αὐτῶν ἀποκτενοῦσι καὶ τοὺς οἴκους αὐτῶν ἐμπρήσουσιν.

kaì lithobólēson ep’ autàs líthois óchlōn kaì katakéntei autàs en toîs xíphesin autō̂n: hyioùs autō̂n kaì thygatéras autō̂n apoktenoûsi kaì toùs oíkous autō̂n emprḗsousin.

48
καὶ ἀποστρέψω ἀσέβειαν ἐκ τῆς γῆς, καὶ παιδευθήσονται πᾶσαι αἱ γυναῖκες καὶ οὐ μὴ ποιήσουσιν κατὰ τὰς ἀσεβείας αὐτῶν.

kaì apostrépsō asébeian ek tē̂s gē̂s, kaì paideuthḗsontai pâsai hai gynaîkes kaì ou mḕ poiḗsousin katà tàs asebeías autō̂n.

49
καὶ δοθήσεται ἡ ἀσέβεια ὑμῶν ἐϕ’ ὑμᾶς, καὶ τὰς ἁμαρτίας τῶν ἐνθυμημάτων ὑμῶν λήμψεσθε· καὶ γνώσεσθε διότι ἐγὼ κύριος.

kaì dothḗsetai hē asébeia hymō̂n eph’ hymâs, kaì tàs hamartías tō̂n enthymēmátōn hymō̂n lḗmpsesthe: kaì gnṓsesthe dióti egṑ kýrios.