Bibles in ancient languages
Ancient translations
Modern translations

Septuaginta Hosea 1

Pentateuch
Historical books
Poetical Writings
Prophetic Books
Chapter
Verses
1
Λόγος κυρίου, ὃς ἐγενήθη πρὸς Ωσηε τὸν τοῦ Βεηρι ἐν ἡμέραις Οζιου καὶ Ιωαθαμ καὶ Αχαζ καὶ Εζεκιου βασιλέων Ιουδα καὶ ἐν ἡμέραις Ιεροβοαμ υἱοῦ Ιωας βασιλέως Ισραηλ.

Lógos kyríou, hòs egenḗthē pròs Ōsēe tòn toû Beēri en hēmérais Oziou kaì Iōatham kaì Achaz kaì Ezekiou basiléōn Iouda kaì en hēmérais Ieroboam hyioû Iōas basiléōs Israēl.

2
’Αρχὴ λόγου κυρίου πρὸς Ωσηε· καὶ εἶπεν κύριος πρὸς Ωσηε Βάδιζε λαβὲ σεαυτῷ γυναῖκα πορνείας καὶ τέκνα πορνείας, διότι ἐκπορνεύουσα ἐκπορνεύσει ἡ γῆ ἀπὸ ὄπισθεν τοῦ κυρίου.

’Archḕ lógou kyríou pròs Ōsēe: kaì eîpen kýrios pròs Ōsēe Bádize labè seautō̂i gynaîka porneías kaì tékna porneías, dióti ekporneúousa ekporneúsei hē gē̂ apò ópisthen toû kyríou.

3
καὶ ἐπορεύθη καὶ ἔλαβεν τὴν Γομερ θυγατέρα Δεβηλαιμ, καὶ συνέλαβεν καὶ ἔτεκεν αὐτῷ υἱόν.

kaì eporeúthē kaì élaben tḕn Gomer thygatéra Debēlaim, kaì synélaben kaì éteken autō̂i hyión.

4
καὶ εἶπεν κύριος πρὸς αὐτόν Κάλεσον τὸ ὄνομα αὐτοῦ Ιεζραελ, διότι ἔτι μικρὸν καὶ ἐκδικήσω τὸ αἷμα τοῦ Ιεζραελ ἐπὶ τὸν οἶκον Ιου καὶ καταπαύσω βασιλείαν οἴκου Ισραηλ·

kaì eîpen kýrios pròs autón Káleson tò ónoma autoû Iezrael, dióti éti mikròn kaì ekdikḗsō tò haîma toû Iezrael epì tòn oîkon Iou kaì katapaúsō basileían oíkou Israēl:

5
καὶ ἔσται ἐν τῇ ἡμέρᾳ ἐκείνῃ συντρίψω τὸ τόξον τοῦ Ισραηλ ἐν τῇ κοιλάδι τοῦ Ιεζραελ.

kaì éstai en tē̂i hēmérāi ekeínēi syntrípsō tò tóxon toû Israēl en tē̂i koiládi toû Iezrael.

6
καὶ συνέλαβεν ἔτι καὶ ἔτεκεν θυγατέρα. καὶ εἶπεν αὐτῷ Κάλεσον τὸ ὄνομα αὐτῆς Οὐκ-ἠλεημένη, διότι οὐ μὴ προσθήσω ἔτι ἐλεῆσαι τὸν οἶκον τοῦ Ισραηλ, ἀλλ’ ἢ ἀντιτασσόμενος ἀντιτάξομαι αὐτοῖς.

kaì synélaben éti kaì éteken thygatéra. kaì eîpen autō̂i Káleson tò ónoma autē̂s Ouk-ēleēménē, dióti ou mḕ prosthḗsō éti eleē̂sai tòn oîkon toû Israēl, all’ ḕ antitassómenos antitáxomai autoîs.

7
τοὺς δὲ υἱοὺς Ιουδα ἐλεήσω καὶ σώσω αὐτοὺς ἐν κυρίῳ θεῷ αὐτῶν καὶ οὐ σώσω αὐτοὺς ἐν τόξῳ οὐδὲ ἐν ῥομϕαίᾳ οὐδὲ ἐν πολέμῳ οὐδὲ ἐν ἅρμασιν οὐδὲ ἐν ἵπποις οὐδὲ ἐν ἱππεῦσιν.

toùs dè hyioùs Iouda eleḗsō kaì sṓsō autoùs en kyríōi theō̂i autō̂n kaì ou sṓsō autoùs en tóxōi oudè en rhomphaíāi oudè en polémōi oudè en hármasin oudè en híppois oudè en hippeûsin.

8
καὶ ἀπεγαλάκτισεν τὴν Οὐκ-ἠλεημένην καὶ συνέλαβεν ἔτι καὶ ἔτεκεν υἱόν.

kaì apegaláktisen tḕn Ouk-ēleēménēn kaì synélaben éti kaì éteken hyión.

9
καὶ εἶπεν Κάλεσον τὸ ὄνομα αὐτοῦ Οὐ-λαός-μου, διότι ὑμεῖς οὐ λαός μου, καὶ ἐγὼ οὔκ εἰμι ὑμῶν.

kaì eîpen Káleson tò ónoma autoû Ou-laós-mou, dióti hymeîs ou laós mou, kaì egṑ oúk eimi hymō̂n.