Bibles in ancient languages
Ancient translations
Modern translations

Septuaginta Judges B 19

Pentateuch
Historical books
Poetical Writings
Prophetic Books
Chapter
Verses
1
Καὶ ἐγένετο ἐν ταῖς ἡμέραις ἐκείναις καὶ οὐκ ἦν βασιλεὺς ἐν Ισραηλ. καὶ ἐγένετο ἀνὴρ Λευίτης παροικῶν ἐν μηροῖς ὄρους Εϕραιμ καὶ ἔλαβεν αὐτῷ γυναῖκα παλλακὴν ἀπὸ Βηθλεεμ Ιουδα.

Kaì egéneto en taîs hēmérais ekeínais kaì ouk ē̂n basileùs en Israēl. kaì egéneto anḕr Leuítēs paroikō̂n en mēroîs órous Ephraim kaì élaben autō̂i gynaîka pallakḕn apò Bēthleem Iouda.

2
καὶ ἐπορεύθη ἀπ’ αὐτοῦ ἡ παλλακὴ αὐτοῦ καὶ ἀπῆλθεν παρ’ αὐτοῦ εἰς οἶκον πατρὸς αὐτῆς εἰς Βηθλεεμ Ιουδα καὶ ἦν ἐκεῖ ἡμέρας τεσσάρων μηνῶν.

kaì eporeúthē ap’ autoû hē pallakḕ autoû kaì apē̂lthen par’ autoû eis oîkon patròs autē̂s eis Bēthleem Iouda kaì ē̂n ekeî hēméras tessárōn mēnō̂n.

3
καὶ ἀνέστη ὁ ἀνὴρ αὐτῆς καὶ ἐπορεύθη ὀπίσω αὐτῆς τοῦ λαλῆσαι ἐπὶ καρδίαν αὐτῆς τοῦ ἐπιστρέψαι αὐτὴν αὐτῷ, καὶ νεανίας αὐτοῦ μετ’ αὐτοῦ καὶ ζεῦγος ὄνων· καὶ ἥδε εἰσήνεγκεν αὐτὸν εἰς οἶκον πατρὸς αὐτῆς, καὶ εἶδεν αὐτὸν ὁ πατὴρ τῆς νεάνιδος καὶ ηὐϕράνθη εἰς συνάντησιν αὐτοῦ.

kaì anéstē ho anḕr autē̂s kaì eporeúthē opísō autē̂s toû lalē̂sai epì kardían autē̂s toû epistrépsai autḕn autō̂i, kaì neanías autoû met’ autoû kaì zeûgos ónōn: kaì hḗde eisḗnenken autòn eis oîkon patròs autē̂s, kaì eîden autòn ho patḕr tē̂s neánidos kaì ēyphránthē eis synántēsin autoû.

4
καὶ κατέσχεν αὐτὸν ὁ γαμβρὸς αὐτοῦ ὁ πατὴρ τῆς νεάνιδος καὶ ἐκάθισεν μετ’ αὐτοῦ ἐπὶ τρεῖς ἡμέρας, καὶ ἔϕαγον καὶ ἔπιον καὶ ηὐλίσθησαν ἐκεῖ.

kaì katéschen autòn ho gambròs autoû ho patḕr tē̂s neánidos kaì ekáthisen met’ autoû epì treîs hēméras, kaì éphagon kaì épion kaì ēylísthēsan ekeî.

5
καὶ ἐγένετο τῇ ἡμέρᾳ τῇ τετάρτῃ καὶ ὤρθρισαν τὸ πρωί, καὶ ἀνέστη τοῦ πορευθῆναι· καὶ εἶπεν ὁ πατὴρ τῆς νεάνιδος πρὸς τὸν νυμϕίον αὐτοῦ Στήρισόν σου τὴν καρδίαν ψωμῷ ἄρτου, καὶ μετὰ τοῦτο πορεύσεσθε.

kaì egéneto tē̂i hēmérāi tē̂i tetártēi kaì ṓrthrisan tò prōí, kaì anéstē toû poreuthē̂nai: kaì eîpen ho patḕr tē̂s neánidos pròs tòn nymphíon autoû Stḗrisón sou tḕn kardían psōmō̂i ártou, kaì metà toûto poreúsesthe.

6
καὶ ἐκάθισεν, καὶ ἔϕαγον οἱ δύο ἐπὶ τὸ αὐτὸ καὶ ἔπιον· καὶ εἶπεν ὁ πατὴρ τῆς νεάνιδος πρὸς τὸν ἄνδρα ῎Αγε δὴ αὐλίσθητι, καὶ ἀγαθυνθήσεται ἡ καρδία σου.

kaì ekáthisen, kaì éphagon hoi dýo epì tò autò kaì épion: kaì eîpen ho patḕr tē̂s neánidos pròs tòn ándra ῎Age dḕ aulísthēti, kaì agathynthḗsetai hē kardía sou.

7
καὶ ἀνέστη ὁ ἀνὴρ τοῦ πορεύεσθαι· καὶ ἐβιάσατο αὐτὸν ὁ γαμβρὸς αὐτοῦ, καὶ ἐκάθισεν καὶ ηὐλίσθη ἐκεῖ.

kaì anéstē ho anḕr toû poreúesthai: kaì ebiásato autòn ho gambròs autoû, kaì ekáthisen kaì ēylísthē ekeî.

8
καὶ ὤρθρισεν τὸ πρωὶ τῇ ἡμέρᾳ τῇ πέμπτῃ τοῦ πορευθῆναι· καὶ εἶπεν ὁ πατὴρ τῆς νεάνιδος Στήρισον δὴ τὴν καρδίαν σου καὶ στράτευσον ἕως κλῖναι τὴν ἡμέραν· καὶ ἔϕαγον οἱ δύο.

kaì ṓrthrisen tò prōì tē̂i hēmérāi tē̂i pémptēi toû poreuthē̂nai: kaì eîpen ho patḕr tē̂s neánidos Stḗrison dḕ tḕn kardían sou kaì stráteuson héōs klînai tḕn hēméran: kaì éphagon hoi dýo.

9
καὶ ἀνέστη ὁ ἀνὴρ τοῦ πορευθῆναι, αὐτὸς καὶ ἡ παλλακὴ αὐτοῦ καὶ ὁ νεανίας αὐτοῦ· καὶ εἶπεν αὐτῷ ὁ γαμβρὸς αὐτοῦ ὁ πατὴρ τῆς νεάνιδος ’Ιδοὺ δὴ ἠσθένησεν ἡ ἡμέρα εἰς τὴν ἑσπέραν· αὐλίσθητι ὧδε, καὶ ἀγαθυνθήσεται ἡ καρδία σου, καὶ ὀρθριεῖτε αὔριον εἰς ὁδὸν ὑμῶν, καὶ πορεύσῃ εἰς τὸ σκήνωμά σου.

kaì anéstē ho anḕr toû poreuthē̂nai, autòs kaì hē pallakḕ autoû kaì ho neanías autoû: kaì eîpen autō̂i ho gambròs autoû ho patḕr tē̂s neánidos ’Idoù dḕ ēsthénēsen hē hēméra eis tḕn hespéran: aulísthēti hō̂de, kaì agathynthḗsetai hē kardía sou, kaì orthrieîte aúrion eis hodòn hymō̂n, kaì poreúsēi eis tò skḗnōmá sou.

10
καὶ οὐκ εὐδόκησεν ὁ ἀνὴρ αὐλισθῆναι καὶ ἀνέστη καὶ ἀπῆλθεν καὶ ἦλθεν ἕως ἀπέναντι Ιεβους (αὕτη ἐστὶν Ιερουσαλημ), καὶ μετ’ αὐτοῦ ζεῦγος ὄνων ἐπισεσαγμένων, καὶ ἡ παλλακὴ αὐτοῦ μετ’ αὐτοῦ.

kaì ouk eudókēsen ho anḕr aulisthē̂nai kaì anéstē kaì apē̂lthen kaì ē̂lthen héōs apénanti Iebous (haútē estìn Ierousalēm), kaì met’ autoû zeûgos ónōn episesagménōn, kaì hē pallakḕ autoû met’ autoû.

11
καὶ ἤλθοσαν ἕως Ιεβους, καὶ ἡ ἡμέρα προβεβήκει σϕόδρα· καὶ εἶπεν ὁ νεανίας πρὸς τὸν κύριον αὐτοῦ Δεῦρο δὴ καὶ ἐκκλίνωμεν εἰς πόλιν τοῦ Ιεβουσι ταύτην καὶ αὐλισθῶμεν ἐν αὐτῇ.

kaì ḗlthosan héōs Iebous, kaì hē hēméra probebḗkei sphódra: kaì eîpen ho neanías pròs tòn kýrion autoû Deûro dḕ kaì ekklínōmen eis pólin toû Iebousi taútēn kaì aulisthō̂men en autē̂i.

12
καὶ εἶπεν πρὸς αὐτὸν ὁ κύριος αὐτοῦ Οὐκ ἐκκλινοῦμεν εἰς πόλιν ἀλλοτρίαν, ἐν ᾗ οὐκ ἔστιν ἀπὸ υἱῶν Ισραηλ ὧδε, καὶ παρελευσόμεθα ἕως Γαβαα.

kaì eîpen pròs autòn ho kýrios autoû Ouk ekklinoûmen eis pólin allotrían, en hē̂i ouk éstin apò hyiō̂n Israēl hō̂de, kaì pareleusómetha héōs Gabaa.

13
καὶ εἶπεν τῷ νεανίᾳ αὐτοῦ Δεῦρο καὶ ἐγγίσωμεν ἑνὶ τῶν τόπων καὶ αὐλισθησόμεθα ἐν Γαβαα ἢ ἐν Ραμα.

kaì eîpen tō̂i neaníāi autoû Deûro kaì engísōmen henì tō̂n tópōn kaì aulisthēsómetha en Gabaa ḕ en Rama.

14
καὶ παρῆλθον καὶ ἐπορεύθησαν, καὶ ἔδυ ὁ ἥλιος αὐτοῖς ἐχόμενα τῆς Γαβαα, ἥ ἐστιν τῷ Βενιαμιν.

kaì parē̂lthon kaì eporeúthēsan, kaì édy ho hḗlios autoîs echómena tē̂s Gabaa, hḗ estin tō̂i Beniamin.

15
καὶ ἐξέκλιναν ἐκεῖ τοῦ εἰσελθεῖν αὐλισθῆναι ἐν Γαβαα· καὶ εἰσῆλθον καὶ ἐκάθισαν ἐν τῇ πλατείᾳ τῆς πόλεως, καὶ οὐκ ἦν ἀνὴρ συνάγων αὐτοὺς εἰς οἰκίαν αὐλισθῆναι.

kaì exéklinan ekeî toû eiseltheîn aulisthē̂nai en Gabaa: kaì eisē̂lthon kaì ekáthisan en tē̂i plateíāi tē̂s póleōs, kaì ouk ē̂n anḕr synágōn autoùs eis oikían aulisthē̂nai.

16
καὶ ἰδοὺ ἀνὴρ πρεσβύτης ἤρχετο ἐξ ἔργων αὐτοῦ ἐξ ἀγροῦ ἐν ἑσπέρᾳ· καὶ ὁ ἀνὴρ ἦν ἐξ ὄρους Εϕραιμ, καὶ αὐτὸς παρῴκει ἐν Γαβαα, καὶ οἱ ἄνδρες τοῦ τόπου υἱοὶ Βενιαμιν.

kaì idoù anḕr presbýtēs ḗrcheto ex érgōn autoû ex agroû en hespérāi: kaì ho anḕr ē̂n ex órous Ephraim, kaì autòs parṓikei en Gabaa, kaì hoi ándres toû tópou hyioì Beniamin.

17
καὶ ἦρεν τοὺς ὀϕθαλμοὺς αὐτοῦ καὶ εἶδεν τὸν ὁδοιπόρον ἄνδρα ἐν τῇ πλατείᾳ τῆς πόλεως· καὶ εἶπεν ὁ ἀνὴρ ὁ πρεσβύτης Ποῦ πορεύῃ καὶ πόθεν ἔρχῃ;

kaì ē̂ren toùs ophthalmoùs autoû kaì eîden tòn hodoipóron ándra en tē̂i plateíāi tē̂s póleōs: kaì eîpen ho anḕr ho presbýtēs Poû poreúēi kaì póthen érchēi?

18
καὶ εἶπεν πρὸς αὐτόν Παραπορευόμεθα ἡμεῖς ἀπὸ Βηθλεεμ Ιουδα ἕως μηρῶν ὄρους Εϕραιμ· ἐκεῖθεν ἐγώ εἰμι καὶ ἐπορεύθην ἕως Βηθλεεμ Ιουδα, καὶ εἰς τὸν οἶκόν μου ἐγὼ πορεύομαι, καὶ οὐκ ἔστιν ἀνὴρ συνάγων με εἰς τὴν οἰκίαν·

kaì eîpen pròs autón Paraporeuómetha hēmeîs apò Bēthleem Iouda héōs mērō̂n órous Ephraim: ekeîthen egṓ eimi kaì eporeúthēn héōs Bēthleem Iouda, kaì eis tòn oîkón mou egṑ poreúomai, kaì ouk éstin anḕr synágōn me eis tḕn oikían:

19
καί γε ἄχυρα καὶ χορτάσματά ἐστιν τοῖς ὄνοις ἡμῶν, καὶ ἄρτοι καὶ οἶνός ἐστιν ἐμοὶ καὶ τῇ παιδίσκῃ καὶ τῷ νεανίσκῳ μετὰ τῶν παιδίων σου, οὐκ ἔστιν ὑστέρημα παντὸς πράγματος.

kaí ge áchyra kaì chortásmatá estin toîs ónois hēmō̂n, kaì ártoi kaì oînós estin emoì kaì tē̂i paidískēi kaì tō̂i neanískōi metà tō̂n paidíōn sou, ouk éstin hystérēma pantòs prágmatos.

20
καὶ εἶπεν ὁ ἀνὴρ ὁ πρεσβύτης Εἰρήνη σοι, πλὴν πᾶν ὑστέρημά σου ἐπ’ ἐμέ· πλὴν ἐν τῇ πλατείᾳ οὐ μὴ αὐλισθήσῃ.

kaì eîpen ho anḕr ho presbýtēs Eirḗnē soi, plḕn pân hystérēmá sou ep’ emé: plḕn en tē̂i plateíāi ou mḕ aulisthḗsēi.

21
καὶ εἰσήνεγκεν αὐτὸν εἰς τὸν οἶκον αὐτοῦ καὶ τόπον ἐποίησεν τοῖς ὄνοις, καὶ αὐτοὶ ἐνίψαντο τοὺς πόδας αὐτῶν καὶ ἔϕαγον καὶ ἔπιον.

kaì eisḗnenken autòn eis tòn oîkon autoû kaì tópon epoíēsen toîs ónois, kaì autoì enípsanto toùs pódas autō̂n kaì éphagon kaì épion.

22
αὐτοὶ δ’ ἀγαθύνοντες καρδίαν αὐτῶν καὶ ἰδοὺ ἄνδρες τῆς πόλεως υἱοὶ παρανόμων ἐκύκλωσαν τὴν οἰκίαν κρούοντες ἐπὶ τὴν θύραν καὶ εἶπον πρὸς τὸν ἄνδρα τὸν κύριον τοῦ οἴκου τὸν πρεσβύτην λέγοντες ’Εξένεγκε τὸν ἄνδρα, ὃς εἰσῆλθεν εἰς τὴν οἰκίαν σου, ἵνα γνῶμεν αὐτόν.

autoì d’ agathýnontes kardían autō̂n kaì idoù ándres tē̂s póleōs hyioì paranómōn ekýklōsan tḕn oikían kroúontes epì tḕn thýran kaì eîpon pròs tòn ándra tòn kýrion toû oíkou tòn presbýtēn légontes ’Exénenke tòn ándra, hòs eisē̂lthen eis tḕn oikían sou, hína gnō̂men autón.

23
καὶ ἐξῆλθεν πρὸς αὐτοὺς ὁ ἀνὴρ ὁ κύριος τοῦ οἴκου καὶ εἶπεν Μή, ἀδελϕοί, μὴ κακοποιήσητε δή· μετὰ τὸ εἰσελθεῖν τὸν ἄνδρα τοῦτον εἰς τὴν οἰκίαν μου μὴ ποιήσητε τὴν ἀϕροσύνην ταύτην·

kaì exē̂lthen pròs autoùs ho anḕr ho kýrios toû oíkou kaì eîpen Mḗ, adelphoí, mḕ kakopoiḗsēte dḗ: metà tò eiseltheîn tòn ándra toûton eis tḕn oikían mou mḕ poiḗsēte tḕn aphrosýnēn taútēn:

24
ἰδὲ ἡ θυγάτηρ μου ἡ παρθένος καὶ ἡ παλλακὴ αὐτοῦ, ἐξάξω αὐτάς, καὶ ταπεινώσατε αὐτὰς καὶ ποιήσατε αὐταῖς τὸ ἀγαθὸν ἐν ὀϕθαλμοῖς ὑμῶν· καὶ τῷ ἀνδρὶ τούτῳ οὐ ποιήσετε τὸ ῥῆμα τῆς ἀϕροσύνης ταύτης.

idè hē thygátēr mou hē parthénos kaì hē pallakḕ autoû, exáxō autás, kaì tapeinṓsate autàs kaì poiḗsate autaîs tò agathòn en ophthalmoîs hymō̂n: kaì tō̂i andrì toútōi ou poiḗsete tò rhē̂ma tē̂s aphrosýnēs taútēs.

25
καὶ οὐκ εὐδόκησαν οἱ ἄνδρες τοῦ εἰσακοῦσαι αὐτοῦ. καὶ ἐπελάβετο ὁ ἀνὴρ τῆς παλλακῆς αὐτοῦ καὶ ἐξήγαγεν αὐτὴν πρὸς αὐτοὺς ἔξω, καὶ ἔγνωσαν αὐτὴν καὶ ἐνέπαιζον ἐν αὐτῇ ὅλην τὴν νύκτα ἕως πρωί· καὶ ἐξαπέστειλαν αὐτήν, ὡς ἀνέβη τὸ πρωί.

kaì ouk eudókēsan hoi ándres toû eisakoûsai autoû. kaì epelábeto ho anḕr tē̂s pallakē̂s autoû kaì exḗgagen autḕn pròs autoùs éxō, kaì égnōsan autḕn kaì enépaizon en autē̂i hólēn tḕn nýkta héōs prōí: kaì exapésteilan autḗn, hōs anébē tò prōí.

26
καὶ ἦλθεν ἡ γυνὴ πρὸς τὸν ὄρθρον καὶ ἔπεσεν παρὰ τὴν θύραν τοῦ οἴκου, οὗ ἦν αὐτῆς ἐκεῖ ὁ ἀνήρ, ἕως τοῦ διαϕῶσαι.

kaì ē̂lthen hē gynḕ pròs tòn órthron kaì épesen parà tḕn thýran toû oíkou, hoû ē̂n autē̂s ekeî ho anḗr, héōs toû diaphō̂sai.

27
καὶ ἀνέστη ὁ ἀνὴρ αὐτῆς τὸ πρωὶ καὶ ἤνοιξεν τὰς θύρας τοῦ οἴκου καὶ ἐξῆλθεν τοῦ πορευθῆναι τὴν ὁδὸν αὐτοῦ, καὶ ἰδοὺ ἡ γυνὴ ἡ παλλακὴ αὐτοῦ πεπτωκυῖα παρὰ τὰς θύρας τοῦ οἴκου, καὶ αἱ χεῖρες αὐτῆς ἐπὶ τὸ πρόθυρον.

kaì anéstē ho anḕr autē̂s tò prōì kaì ḗnoixen tàs thýras toû oíkou kaì exē̂lthen toû poreuthē̂nai tḕn hodòn autoû, kaì idoù hē gynḕ hē pallakḕ autoû peptōkyîa parà tàs thýras toû oíkou, kaì hai cheîres autē̂s epì tò próthyron.

28
καὶ εἶπεν πρὸς αὐτήν ’Ανάστα καὶ ἀπέλθωμεν· καὶ οὐκ ἀπεκρίθη, ὅτι ἦν νεκρά. καὶ ἔλαβεν αὐτὴν ἐπὶ τὸν ὄνον καὶ ἐπορεύθη εἰς τὸν τόπον αὐτοῦ.

kaì eîpen pròs autḗn ’Anásta kaì apélthōmen: kaì ouk apekríthē, hóti ē̂n nekrá. kaì élaben autḕn epì tòn ónon kaì eporeúthē eis tòn tópon autoû.

29
καὶ ἔλαβεν τὴν ῥομϕαίαν καὶ ἐκράτησεν τὴν παλλακὴν αὐτοῦ καὶ ἐμέλισεν αὐτὴν εἰς δώδεκα μέλη καὶ ἀπέστειλεν αὐτὰ ἐν παντὶ ὁρίῳ Ισραηλ.

kaì élaben tḕn rhomphaían kaì ekrátēsen tḕn pallakḕn autoû kaì emélisen autḕn eis dṓdeka mélē kaì apésteilen autà en pantì horíōi Israēl.

30
καὶ ἐγένετο πᾶς ὁ βλέπων ἔλεγεν Οὐκ ἐγένετο καὶ οὐχ ἑόραται ὡς αὕτη ἀπὸ ἡμέρας ἀναβάσεως υἱῶν Ισραηλ ἐκ γῆς Αἰγύπτου καὶ ἕως τῆς ἡμέρας ταύτης· θέσθε ὑμῖν αὐτοὶ ἐπ’ αὐτὴν βουλὴν καὶ λαλήσατε.

kaì egéneto pâs ho blépōn élegen Ouk egéneto kaì ouch heóratai hōs haútē apò hēméras anabáseōs hyiō̂n Israēl ek gē̂s Aigýptou kaì héōs tē̂s hēméras taútēs: thésthe hymîn autoì ep’ autḕn boulḕn kaì lalḗsate.