Bibles in ancient languages
Ancient translations
Modern translations

Septuaginta Jonah 3

Pentateuch
Historical books
Poetical Writings
Prophetic Books
Chapter
Verses
1
Καὶ ἐγένετο λόγος κυρίου πρὸς Ιωναν ἐκ δευτέρου λέγων

Kaì egéneto lógos kyríou pròs Iōnan ek deutérou légōn

2
’Ανάστηθι καὶ πορεύθητι εἰς Νινευη τὴν πόλιν τὴν μεγάλην καὶ κήρυξον ἐν αὐτῇ κατὰ τὸ κήρυγμα τὸ ἔμπροσθεν, ὃ ἐγὼ ἐλάλησα πρὸς σέ.

’Anástēthi kaì poreúthēti eis Nineuē tḕn pólin tḕn megálēn kaì kḗryxon en autē̂i katà tò kḗrygma tò émprosthen, hò egṑ elálēsa pròs sé.

3
καὶ ἀνέστη Ιωνας καὶ ἐπορεύθη εἰς Νινευη, καθὼς ἐλάλησεν κύριος· ἡ δὲ Νινευη ἦν πόλις μεγάλη τῷ θεῷ ὡσεὶ πορείας ὁδοῦ ἡμερῶν τριῶν.

kaì anéstē Iōnas kaì eporeúthē eis Nineuē, kathṑs elálēsen kýrios: hē dè Nineuē ē̂n pólis megálē tō̂i theō̂i hōseì poreías hodoû hēmerō̂n triō̂n.

4
καὶ ἤρξατο Ιωνας τοῦ εἰσελθεῖν εἰς τὴν πόλιν ὡσεὶ πορείαν ἡμέρας μιᾶς καὶ ἐκήρυξεν καὶ εἶπεν ῎Ετι τρεῖς ἡμέραι καὶ Νινευη καταστραϕήσεται.

kaì ḗrxato Iōnas toû eiseltheîn eis tḕn pólin hōseì poreían hēméras miâs kaì ekḗryxen kaì eîpen ῎Eti treîs hēmérai kaì Nineuē katastraphḗsetai.

5
καὶ ἐνεπίστευσαν οἱ ἄνδρες Νινευη τῷ θεῷ καὶ ἐκήρυξαν νηστείαν καὶ ἐνεδύσαντο σάκκους ἀπὸ μεγάλου αὐτῶν ἕως μικροῦ αὐτῶν.

kaì enepísteusan hoi ándres Nineuē tō̂i theō̂i kaì ekḗryxan nēsteían kaì enedýsanto sákkous apò megálou autō̂n héōs mikroû autō̂n.

6
καὶ ἤγγισεν ὁ λόγος πρὸς τὸν βασιλέα τῆς Νινευη, καὶ ἐξανέστη ἀπὸ τοῦ θρόνου αὐτοῦ καὶ περιείλατο τὴν στολὴν αὐτοῦ ἀϕ’ ἑαυτοῦ καὶ περιεβάλετο σάκκον καὶ ἐκάθισεν ἐπὶ σποδοῦ.

kaì ḗngisen ho lógos pròs tòn basiléa tē̂s Nineuē, kaì exanéstē apò toû thrónou autoû kaì perieílato tḕn stolḕn autoû aph’ heautoû kaì periebáleto sákkon kaì ekáthisen epì spodoû.

7
καὶ ἐκηρύχθη καὶ ἐρρέθη ἐν τῇ Νινευη παρὰ τοῦ βασιλέως καὶ παρὰ τῶν μεγιστάνων αὐτοῦ λέγων Οἱ ἄνθρωποι καὶ τὰ κτήνη καὶ οἱ βόες καὶ τὰ πρόβατα μὴ γευσάσθωσαν μηδὲν μηδὲ νεμέσθωσαν μηδὲ ὕδωρ πιέτωσαν.

kaì ekērýchthē kaì erréthē en tē̂i Nineuē parà toû basiléōs kaì parà tō̂n megistánōn autoû légōn Hoi ánthrōpoi kaì tà ktḗnē kaì hoi bóes kaì tà próbata mḕ geusásthōsan mēdèn mēdè nemésthōsan mēdè hýdōr piétōsan.

8
καὶ περιεβάλοντο σάκκους οἱ ἄνθρωποι καὶ τὰ κτήνη, καὶ ἀνεβόησαν πρὸς τὸν θεὸν ἐκτενῶς· καὶ ἀπέστρεψαν ἕκαστος ἀπὸ τῆς ὁδοῦ αὐτοῦ τῆς πονηρᾶς καὶ ἀπὸ τῆς ἀδικίας τῆς ἐν χερσὶν αὐτῶν λέγοντες

kaì periebálonto sákkous hoi ánthrōpoi kaì tà ktḗnē, kaì anebóēsan pròs tòn theòn ektenō̂s: kaì apéstrepsan hékastos apò tē̂s hodoû autoû tē̂s ponērâs kaì apò tē̂s adikías tē̂s en chersìn autō̂n légontes

9
Τίς οἶδεν εἰ μετανοήσει ὁ θεὸς καὶ ἀποστρέψει ἐξ ὀργῆς θυμοῦ αὐτοῦ καὶ οὐ μὴ ἀπολώμεθα;

Tís oîden ei metanoḗsei ho theòs kaì apostrépsei ex orgē̂s thymoû autoû kaì ou mḕ apolṓmetha?

10
καὶ εἶδεν ὁ θεὸς τὰ ἔργα αὐτῶν, ὅτι ἀπέστρεψαν ἀπὸ τῶν ὁδῶν αὐτῶν τῶν πονηρῶν, καὶ μετενόησεν ὁ θεὸς ἐπὶ τῇ κακίᾳ, ᾗ ἐλάλησεν τοῦ ποιῆσαι αὐτοῖς, καὶ οὐκ ἐποίησεν.

kaì eîden ho theòs tà érga autō̂n, hóti apéstrepsan apò tō̂n hodō̂n autō̂n tō̂n ponērō̂n, kaì metenóēsen ho theòs epì tē̂i kakíāi, hē̂i elálēsen toû poiē̂sai autoîs, kaì ouk epoíēsen.