Bibles in ancient languages
Ancient translations
Modern translations

Septuaginta Numbers 2

Pentateuch
Historical books
Poetical Writings
Prophetic Books
Chapter
Verses
1
Καὶ ἐλάλησεν κύριος πρὸς Μωυσῆν καὶ Ααρων λέγων

Kaì elálēsen kýrios pròs Mōysē̂n kaì Aarōn légōn

2
῎Ανθρωπος ἐχόμενος αὐτοῦ κατὰ τάγμα κατὰ σημέας κατ’ οἴκους πατριῶν αὐτῶν παρεμβαλέτωσαν οἱ υἱοὶ Ισραηλ· ἐναντίοι κύκλῳ τῆς σκηνῆς τοῦ μαρτυρίου παρεμβαλοῦσιν οἱ υἱοὶ Ισραηλ.

῎Anthrōpos echómenos autoû katà tágma katà sēméas kat’ oíkous patriō̂n autō̂n parembalétōsan hoi hyioì Israēl: enantíoi kýklōi tē̂s skēnē̂s toû martyríou parembaloûsin hoi hyioì Israēl.

3
καὶ οἱ παρεμβάλλοντες πρῶτοι κατ’ ἀνατολὰς τάγμα παρεμβολῆς Ιουδα σὺν δυνάμει αὐτῶν, καὶ ὁ ἄρχων τῶν υἱῶν Ιουδα Ναασσων υἱὸς Αμιναδαβ·

kaì hoi parembállontes prō̂toi kat’ anatolàs tágma parembolē̂s Iouda sỳn dynámei autō̂n, kaì ho árchōn tō̂n hyiō̂n Iouda Naassōn hyiòs Aminadab:

4
δύναμις αὐτοῦ οἱ ἐπεσκεμμένοι τέσσαρες καὶ ἑβδομήκοντα χιλιάδες καὶ ἑξακόσιοι.

dýnamis autoû hoi epeskemménoi téssares kaì hebdomḗkonta chiliádes kaì hexakósioi.

5
καὶ οἱ παρεμβάλλοντες ἐχόμενοι ϕυλῆς Ισσαχαρ, καὶ ὁ ἄρχων τῶν υἱῶν Ισσαχαρ Ναθαναηλ υἱὸς Σωγαρ·

kaì hoi parembállontes echómenoi phylē̂s Issachar, kaì ho árchōn tō̂n hyiō̂n Issachar Nathanaēl hyiòs Sōgar:

6
δύναμις αὐτοῦ οἱ ἐπεσκεμμένοι τέσσαρες καὶ πεντήκοντα χιλιάδες καὶ τετρακόσιοι.

dýnamis autoû hoi epeskemménoi téssares kaì pentḗkonta chiliádes kaì tetrakósioi.

7
καὶ οἱ παρεμβάλλοντες ἐχόμενοι ϕυλῆς Ζαβουλων, καὶ ὁ ἄρχων τῶν υἱῶν Ζαβουλων Ελιαβ υἱὸς Χαιλων·

kaì hoi parembállontes echómenoi phylē̂s Zaboulōn, kaì ho árchōn tō̂n hyiō̂n Zaboulōn Eliab hyiòs Chailōn:

8
δύναμις αὐτοῦ οἱ ἐπεσκεμμένοι ἑπτὰ καὶ πεντήκοντα χιλιάδες καὶ τετρακόσιοι.

dýnamis autoû hoi epeskemménoi heptà kaì pentḗkonta chiliádes kaì tetrakósioi.

9
πάντες οἱ ἐπεσκεμμένοι ἐκ τῆς παρεμβολῆς Ιουδα ἑκατὸν ὀγδοήκοντα χιλιάδες καὶ ἑξακισχίλιοι καὶ τετρακόσιοι σὺν δυνάμει αὐτῶν· πρῶτοι ἐξαροῦσιν.

pántes hoi epeskemménoi ek tē̂s parembolē̂s Iouda hekatòn ogdoḗkonta chiliádes kaì hexakischílioi kaì tetrakósioi sỳn dynámei autō̂n: prō̂toi exaroûsin.

10
Τάγμα παρεμβολῆς Ρουβην πρὸς λίβα σὺν δυνάμει αὐτῶν, καὶ ὁ ἄρχων τῶν υἱῶν Ρουβην Ελισουρ υἱὸς Σεδιουρ·

Tágma parembolē̂s Roubēn pròs líba sỳn dynámei autō̂n, kaì ho árchōn tō̂n hyiō̂n Roubēn Elisour hyiòs Sediour:

11
δύναμις αὐτοῦ οἱ ἐπεσκεμμένοι ἓξ καὶ τεσσαράκοντα χιλιάδες καὶ πεντακόσιοι.

dýnamis autoû hoi epeskemménoi hèx kaì tessarákonta chiliádes kaì pentakósioi.

12
καὶ οἱ παρεμβάλλοντες ἐχόμενοι αὐτοῦ ϕυλῆς Συμεων, καὶ ὁ ἄρχων τῶν υἱῶν Συμεων Σαλαμιηλ υἱὸς Σουρισαδαι·

kaì hoi parembállontes echómenoi autoû phylē̂s Symeōn, kaì ho árchōn tō̂n hyiō̂n Symeōn Salamiēl hyiòs Sourisadai:

13
δύναμις αὐτοῦ οἱ ἐπεσκεμμένοι ἐννέα καὶ πεντήκοντα χιλιάδες καὶ τριακόσιοι.

dýnamis autoû hoi epeskemménoi ennéa kaì pentḗkonta chiliádes kaì triakósioi.

14
καὶ οἱ παρεμβάλλοντες ἐχόμενοι αὐτοῦ ϕυλῆς Γαδ, καὶ ὁ ἄρχων τῶν υἱῶν Γαδ Ελισαϕ υἱὸς Ραγουηλ·

kaì hoi parembállontes echómenoi autoû phylē̂s Gad, kaì ho árchōn tō̂n hyiō̂n Gad Elisaph hyiòs Ragouēl:

15
δύναμις αὐτοῦ οἱ ἐπεσκεμμένοι πέντε καὶ τεσσαράκοντα χιλιάδες καὶ ἑξακόσιοι καὶ πεντήκοντα.

dýnamis autoû hoi epeskemménoi pénte kaì tessarákonta chiliádes kaì hexakósioi kaì pentḗkonta.

16
πάντες οἱ ἐπεσκεμμένοι τῆς παρεμβολῆς Ρουβην ἑκατὸν πεντήκοντα μία χιλιάδες καὶ τετρακόσιοι καὶ πεντήκοντα σὺν δυνάμει αὐτῶν· δεύτεροι ἐξαροῦσιν.

pántes hoi epeskemménoi tē̂s parembolē̂s Roubēn hekatòn pentḗkonta mía chiliádes kaì tetrakósioi kaì pentḗkonta sỳn dynámei autō̂n: deúteroi exaroûsin.

17
καὶ ἀρθήσεται ἡ σκηνὴ τοῦ μαρτυρίου καὶ ἡ παρεμβολὴ τῶν Λευιτῶν μέσον τῶν παρεμβολῶν· ὡς καὶ παρεμβάλλουσιν, οὕτως καὶ ἐξαροῦσιν ἕκαστος ἐχόμενος καθ’ ἡγεμονίαν.

kaì arthḗsetai hē skēnḕ toû martyríou kaì hē parembolḕ tō̂n Leuitō̂n méson tō̂n parembolō̂n: hōs kaì parembállousin, hoútōs kaì exaroûsin hékastos echómenos kath’ hēgemonían.

18
Τάγμα παρεμβολῆς Εϕραιμ παρὰ θάλασσαν σὺν δυνάμει αὐτῶν, καὶ ὁ ἄρχων τῶν υἱῶν Εϕραιμ Ελισαμα υἱὸς Εμιουδ·

Tágma parembolē̂s Ephraim parà thálassan sỳn dynámei autō̂n, kaì ho árchōn tō̂n hyiō̂n Ephraim Elisama hyiòs Emioud:

19
δύναμις αὐτοῦ οἱ ἐπεσκεμμένοι τεσσαράκοντα χιλιάδες καὶ πεντακόσιοι.

dýnamis autoû hoi epeskemménoi tessarákonta chiliádes kaì pentakósioi.

20
καὶ οἱ παρεμβάλλοντες ἐχόμενοι ϕυλῆς Μανασση, καὶ ὁ ἄρχων τῶν υἱῶν Μανασση Γαμαλιηλ υἱὸς Φαδασσουρ·

kaì hoi parembállontes echómenoi phylē̂s Manassē, kaì ho árchōn tō̂n hyiō̂n Manassē Gamaliēl hyiòs Phadassour:

21
δύναμις αὐτοῦ οἱ ἐπεσκεμμένοι δύο καὶ τριάκοντα χιλιάδες καὶ διακόσιοι.

dýnamis autoû hoi epeskemménoi dýo kaì triákonta chiliádes kaì diakósioi.

22
καὶ οἱ παρεμβάλλοντες ἐχόμενοι ϕυλῆς Βενιαμιν, καὶ ὁ ἄρχων τῶν υἱῶν Βενιαμιν Αβιδαν υἱὸς Γαδεωνι·

kaì hoi parembállontes echómenoi phylē̂s Beniamin, kaì ho árchōn tō̂n hyiō̂n Beniamin Abidan hyiòs Gadeōni:

23
δύναμις αὐτοῦ οἱ ἐπεσκεμμένοι πέντε καὶ τριάκοντα χιλιάδες καὶ τετρακόσιοι.

dýnamis autoû hoi epeskemménoi pénte kaì triákonta chiliádes kaì tetrakósioi.

24
πάντες οἱ ἐπεσκεμμένοι τῆς παρεμβολῆς Εϕραιμ ἑκατὸν χιλιάδες καὶ ὀκτακισχίλιοι καὶ ἑκατὸν σὺν δυνάμει αὐτῶν· τρίτοι ἐξαροῦσιν.

pántes hoi epeskemménoi tē̂s parembolē̂s Ephraim hekatòn chiliádes kaì oktakischílioi kaì hekatòn sỳn dynámei autō̂n: trítoi exaroûsin.

25
Τάγμα παρεμβολῆς Δαν πρὸς βορρᾶν σὺν δυνάμει αὐτῶν, καὶ ὁ ἄρχων τῶν υἱῶν Δαν Αχιεζερ υἱὸς Αμισαδαι·

Tágma parembolē̂s Dan pròs borrân sỳn dynámei autō̂n, kaì ho árchōn tō̂n hyiō̂n Dan Achiezer hyiòs Amisadai:

26
δύναμις αὐτοῦ οἱ ἐπεσκεμμένοι δύο καὶ ἑξήκοντα χιλιάδες καὶ ἑπτακόσιοι.

dýnamis autoû hoi epeskemménoi dýo kaì hexḗkonta chiliádes kaì heptakósioi.

27
καὶ οἱ παρεμβάλλοντες ἐχόμενοι αὐτοῦ ϕυλῆς Ασηρ, καὶ ὁ ἄρχων τῶν υἱῶν Ασηρ Φαγαιηλ υἱὸς Εχραν·

kaì hoi parembállontes echómenoi autoû phylē̂s Asēr, kaì ho árchōn tō̂n hyiō̂n Asēr Phagaiēl hyiòs Echran:

28
δύναμις αὐτοῦ οἱ ἐπεσκεμμένοι μία καὶ τεσσαράκοντα χιλιάδες καὶ πεντακόσιοι.

dýnamis autoû hoi epeskemménoi mía kaì tessarákonta chiliádes kaì pentakósioi.

29
καὶ οἱ παρεμβάλλοντες ἐχόμενοι ϕυλῆς Νεϕθαλι, καὶ ὁ ἄρχων τῶν υἱῶν Νεϕθαλι Αχιρε υἱὸς Αιναν·

kaì hoi parembállontes echómenoi phylē̂s Nephthali, kaì ho árchōn tō̂n hyiō̂n Nephthali Achire hyiòs Ainan:

30
δύναμις αὐτοῦ οἱ ἐπεσκεμμένοι τρεῖς καὶ πεντήκοντα χιλιάδες καὶ τετρακόσιοι.

dýnamis autoû hoi epeskemménoi treîs kaì pentḗkonta chiliádes kaì tetrakósioi.

31
πάντες οἱ ἐπεσκεμμένοι τῆς παρεμβολῆς Δαν ἑκατὸν καὶ πεντήκοντα ἑπτὰ χιλιάδες καὶ ἑξακόσιοι· ἔσχατοι ἐξαροῦσιν κατὰ τάγμα αὐτῶν.

pántes hoi epeskemménoi tē̂s parembolē̂s Dan hekatòn kaì pentḗkonta heptà chiliádes kaì hexakósioi: éschatoi exaroûsin katà tágma autō̂n.

32
Αὕτη ἡ ἐπίσκεψις τῶν υἱῶν Ισραηλ κατ’ οἴκους πατριῶν αὐτῶν· πᾶσα ἡ ἐπίσκεψις τῶν παρεμβολῶν σὺν ταῖς δυνάμεσιν αὐτῶν ἑξακόσιαι χιλιάδες καὶ τρισχίλιοι πεντακόσιοι πεντήκοντα.

Haútē hē epískepsis tō̂n hyiō̂n Israēl kat’ oíkous patriō̂n autō̂n: pâsa hē epískepsis tō̂n parembolō̂n sỳn taîs dynámesin autō̂n hexakósiai chiliádes kaì trischílioi pentakósioi pentḗkonta.

33
οἱ δὲ Λευῖται οὐ συνεπεσκέπησαν ἐν αὐτοῖς, καθὰ ἐνετείλατο κύριος τῷ Μωυσῇ.

hoi dè Leuîtai ou synepesképēsan en autoîs, kathà eneteílato kýrios tō̂i Mōysē̂i.

34
καὶ ἐποίησαν οἱ υἱοὶ Ισραηλ πάντα, ὅσα συνέταξεν κύριος τῷ Μωυσῇ, οὕτως παρενέβαλον κατὰ τάγμα αὐτῶν καὶ οὕτως ἐξῆρον, ἕκαστος ἐχόμενοι κατὰ δήμους αὐτῶν κατ’ οἴκους πατριῶν αὐτῶν.

kaì epoíēsan hoi hyioì Israēl pánta, hósa synétaxen kýrios tō̂i Mōysē̂i, hoútōs parenébalon katà tágma autō̂n kaì hoútōs exē̂ron, hékastos echómenoi katà dḗmous autō̂n kat’ oíkous patriō̂n autō̂n.