Bibles in ancient languages
Ancient translations
Modern translations

Septuaginta Sirach 24

Pentateuch
Historical books
Poetical Writings
Prophetic Books
Chapter
Verses
1
‘Η σοϕία αἰνέσει ψυχὴν αὐτῆς καὶ ἐν μέσῳ λαοῦ αὐτῆς καυχήσεται·

‘Ē sophía ainései psychḕn autē̂s kaì en mésōi laoû autē̂s kauchḗsetai:

2
ἐν ἐκκλησίᾳ ὑψίστου στόμα αὐτῆς ἀνοίξει καὶ ἔναντι δυνάμεως αὐτοῦ καυχήσεται

en ekklēsíāi hypsístou stóma autē̂s anoíxei kaì énanti dynámeōs autoû kauchḗsetai

3
’Εγὼ ἀπὸ στόματος ὑψίστου ἐξῆλθον καὶ ὡς ὁμίχλη κατεκάλυψα γῆν·

’Egṑ apò stómatos hypsístou exē̂lthon kaì hōs homíchlē katekálypsa gē̂n:

4
ἐγὼ ἐν ὑψηλοῖς κατεσκήνωσα, καὶ ὁ θρόνος μου ἐν στύλῳ νεϕέλης·

egṑ en hypsēloîs kateskḗnōsa, kaì ho thrónos mou en stýlōi nephélēs:

5
γῦρον οὐρανοῦ ἐκύκλωσα μόνη καὶ ἐν βάθει ἀβύσσων περιεπάτησα·

gŷron ouranoû ekýklōsa mónē kaì en báthei abýssōn periepátēsa:

6
ἐν κύμασιν θαλάσσης καὶ ἐν πάσῃ τῇ γῇ καὶ ἐν παντὶ λαῷ καὶ ἔθνει ἐκτησάμην.

en kýmasin thalássēs kaì en pásēi tē̂i gē̂i kaì en pantì laō̂i kaì éthnei ektēsámēn.

7
μετὰ τούτων πάντων ἀνάπαυσιν ἐζήτησα καὶ ἐν κληρονομίᾳ τίνος αὐλισθήσομαι.

metà toútōn pántōn anápausin ezḗtēsa kaì en klēronomíāi tínos aulisthḗsomai.

8
τότε ἐνετείλατό μοι ὁ κτίστης ἁπάντων, καὶ ὁ κτίσας με κατέπαυσεν τὴν σκηνήν μου καὶ εἶπεν ’Εν Ιακωβ κατασκήνωσον καὶ ἐν Ισραηλ κατακληρονομήθητι.

tóte eneteílató moi ho ktístēs hapántōn, kaì ho ktísas me katépausen tḕn skēnḗn mou kaì eîpen ’En Iakōb kataskḗnōson kaì en Israēl kataklēronomḗthēti.

9
πρὸ τοῦ αἰῶνος ἀπ’ ἀρχῆς ἔκτισέν με, καὶ ἕως αἰῶνος οὐ μὴ ἐκλίπω.

prò toû aiō̂nos ap’ archē̂s éktisén me, kaì héōs aiō̂nos ou mḕ eklípō.

10
ἐν σκηνῇ ἁγίᾳ ἐνώπιον αὐτοῦ ἐλειτούργησα καὶ οὕτως ἐν Σιων ἐστηρίχθην·

en skēnē̂i hagíāi enṓpion autoû eleitoúrgēsa kaì hoútōs en Siōn estēríchthēn:

11
ἐν πόλει ἠγαπημένῃ ὁμοίως με κατέπαυσεν, καὶ ἐν Ιερουσαλημ ἡ ἐξουσία μου·

en pólei ēgapēménēi homoíōs me katépausen, kaì en Ierousalēm hē exousía mou:

12
καὶ ἐρρίζωσα ἐν λαῷ δεδοξασμένῳ, ἐν μερίδι κυρίου, κληρονομίας αὐτοῦ.

kaì errízōsa en laō̂i dedoxasménōi, en merídi kyríou, klēronomías autoû.

13
ὡς κέδρος ἀνυψώθην ἐν τῷ Λιβάνῳ καὶ ὡς κυπάρισσος ἐν ὄρεσιν Αερμων·

hōs kédros anypsṓthēn en tō̂i Libánōi kaì hōs kypárissos en óresin Aermōn:

14
ὡς ϕοῖνιξ ἀνυψώθην ἐν Αιγγαδοις καὶ ὡς ϕυτὰ ῥόδου ἐν Ιεριχω, ὡς ἐλαία εὐπρεπὴς ἐν πεδίῳ, καὶ ἀνυψώθην ὡς πλάτανος.

hōs phoînix anypsṓthēn en Aingadois kaì hōs phytà rhódou en Ierichō, hōs elaía euprepḕs en pedíōi, kaì anypsṓthēn hōs plátanos.

15
ὡς κιννάμωμον καὶ ἀσπάλαθος ἀρωμάτων δέδωκα ὀσμὴν καὶ ὡς σμύρνα ἐκλεκτὴ διέδωκα εὐωδίαν, ὡς χαλβάνη καὶ ὄνυξ καὶ στακτὴ καὶ ὡς λιβάνου ἀτμὶς ἐν σκηνῇ.

hōs kinnámōmon kaì aspálathos arōmátōn dédōka osmḕn kaì hōs smýrna eklektḕ diédōka euōdían, hōs chalbánē kaì ónyx kaì staktḕ kaì hōs libánou atmìs en skēnē̂i.

16
ἐγὼ ὡς τερέμινθος ἐξέτεινα κλάδους μου, καὶ οἱ κλάδοι μου κλάδοι δόξης καὶ χάριτος.

egṑ hōs teréminthos exéteina kládous mou, kaì hoi kládoi mou kládoi dóxēs kaì cháritos.

17
ἐγὼ ὡς ἄμπελος ἐβλάστησα χάριν, καὶ τὰ ἄνθη μου καρπὸς δόξης καὶ πλούτου.

egṑ hōs ámpelos eblástēsa chárin, kaì tà ánthē mou karpòs dóxēs kaì ploútou.

19
προσέλθετε πρός με, οἱ ἐπιθυμοῦντές μου, καὶ ἀπὸ τῶν γενημάτων μου ἐμπλήσθητε·

prosélthete prós me, hoi epithymoûntés mou, kaì apò tō̂n genēmátōn mou emplḗsthēte:

20
τὸ γὰρ μνημόσυνόν μου ὑπὲρ τὸ μέλι γλυκύ, καὶ ἡ κληρονομία μου ὑπὲρ μέλιτος κηρίον.

tò gàr mnēmósynón mou hypèr tò méli glyký, kaì hē klēronomía mou hypèr mélitos kēríon.

21
οἱ ἐσθίοντές με ἔτι πεινάσουσιν, καὶ οἱ πίνοντές με ἔτι διψήσουσιν.

hoi esthíontés me éti peinásousin, kaì hoi pínontés me éti dipsḗsousin.

22
ὁ ὑπακούων μου οὐκ αἰσχυνθήσεται, καὶ οἱ ἐργαζόμενοι ἐν ἐμοὶ οὐχ ἁμαρτήσουσιν.

ho hypakoúōn mou ouk aischynthḗsetai, kaì hoi ergazómenoi en emoì ouch hamartḗsousin.

23
Ταῦτα πάντα βίβλος διαθήκης θεοῦ ὑψίστου, νόμον ὃν ἐνετείλατο ἡμῖν Μωυσῆς κληρονομίαν συναγωγαῖς Ιακωβ,

Taûta pánta bíblos diathḗkēs theoû hypsístou, nómon hòn eneteílato hēmîn Mōysē̂s klēronomían synagōgaîs Iakōb,

25
ὁ πιμπλῶν ὡς Φισων σοϕίαν καὶ ὡς Τίγρις ἐν ἡμέραις νέων,

ho pimplō̂n hōs Phisōn sophían kaì hōs Tígris en hēmérais néōn,

26
ὁ ἀναπληρῶν ὡς Εὐϕράτης σύνεσιν καὶ ὡς Ιορδάνης ἐν ἡμέραις θερισμοῦ,

ho anaplērō̂n hōs Euphrátēs sýnesin kaì hōs Iordánēs en hēmérais therismoû,

27
ὁ ἐκϕαίνων ὡς ϕῶς παιδείαν, ὡς Γηων ἐν ἡμέραις τρυγήτου.

ho ekphaínōn hōs phō̂s paideían, hōs Gēōn en hēmérais trygḗtou.

28
οὐ συνετέλεσεν ὁ πρῶτος γνῶναι αὐτήν, καὶ οὕτως ὁ ἔσχατος οὐκ ἐξιχνίασεν αὐτήν·

ou synetélesen ho prō̂tos gnō̂nai autḗn, kaì hoútōs ho éschatos ouk exichníasen autḗn:

29
ἀπὸ γὰρ θαλάσσης ἐπληθύνθη διανόημα αὐτῆς καὶ ἡ βουλὴ αὐτῆς ἀπὸ ἀβύσσου μεγάλης.

apò gàr thalássēs eplēthýnthē dianóēma autē̂s kaì hē boulḕ autē̂s apò abýssou megálēs.

30
Κἀγὼ ὡς διῶρυξ ἀπὸ ποταμοῦ καὶ ὡς ὑδραγωγὸς ἐξῆλθον εἰς παράδεισον·

Kagṑ hōs diō̂ryx apò potamoû kaì hōs hydragōgòs exē̂lthon eis parádeison:

31
εἶπα Ποτιῶ μου τὸν κῆπον καὶ μεθύσω μου τὴν πρασιάν· καὶ ἰδοὺ ἐγένετό μοι ἡ διῶρυξ εἰς ποταμόν, καὶ ὁ ποταμός μου ἐγένετο εἰς θάλασσαν.

eîpa Potiō̂ mou tòn kē̂pon kaì methýsō mou tḕn prasián: kaì idoù egénetó moi hē diō̂ryx eis potamón, kaì ho potamós mou egéneto eis thálassan.

32
ἔτι παιδείαν ὡς ὄρθρον ϕωτιῶ καὶ ἐκϕανῶ αὐτὰ ἕως εἰς μακράν·

éti paideían hōs órthron phōtiō̂ kaì ekphanō̂ autà héōs eis makrán:

33
ἔτι διδασκαλίαν ὡς προϕητείαν ἐκχεῶ καὶ καταλείψω αὐτὴν εἰς γενεὰς αἰώνων.

éti didaskalían hōs prophēteían ekcheō̂ kaì kataleípsō autḕn eis geneàs aiṓnōn.

34
ἴδετε ὅτι οὐκ ἐμοὶ μόνῳ ἐκοπίασα, ἀλλ’ ἅπασιν τοῖς ἐκζητοῦσιν αὐτήν.

ídete hóti ouk emoì mónōi ekopíasa, all’ hápasin toîs ekzētoûsin autḗn.