Bibles in ancient languages
Ancient translations
Modern translations

Septuaginta Sirach 43

Pentateuch
Historical books
Poetical Writings
Prophetic Books
Chapter
Verses
1
Γαυρίαμα ὕψους στερέωμα καθαριότητος, εἶδος οὐρανοῦ ἐν ὁράματι δόξης.

Gauríama hýpsous steréōma kathariótētos, eîdos ouranoû en horámati dóxēs.

2
ἥλιος ἐν ὀπτασίᾳ διαγγέλλων ἐν ἐξόδῳ σκεῦος θαυμαστόν, ἔργον ὑψίστου·

hḗlios en optasíāi diangéllōn en exódōi skeûos thaumastón, érgon hypsístou:

3
ἐν μεσημβρίᾳ αὐτοῦ ἀναξηραίνει χώραν, καὶ ἐναντίον καύματος αὐτοῦ τίς ὑποστήσεται;

en mesēmbríāi autoû anaxēraínei chṓran, kaì enantíon kaúmatos autoû tís hypostḗsetai?

4
κάμινον ϕυσῶν ἐν ἔργοις καύματος, τριπλασίως ἥλιος ἐκκαίων ὄρη· ἀτμίδας πυρώδεις ἐκϕυσῶν καὶ ἐκλάμπων ἀκτῖνας ἀμαυροῖ ὀϕθαλμούς.

káminon physō̂n en érgois kaúmatos, triplasíōs hḗlios ekkaíōn órē: atmídas pyrṓdeis ekphysō̂n kaì eklámpōn aktînas amauroî ophthalmoús.

5
μέγας κύριος ὁ ποιήσας αὐτόν, καὶ ἐν λόγοις αὐτοῦ κατέσπευσεν πορείαν.

mégas kýrios ho poiḗsas autón, kaì en lógois autoû katéspeusen poreían.

6
Καὶ ἡ σελήνη ἐν πᾶσιν εἰς καιρὸν αὐτῆς, ἀνάδειξιν χρόνων καὶ σημεῖον αἰῶνος·

Kaì hē selḗnē en pâsin eis kairòn autē̂s, anádeixin chrónōn kaì sēmeîon aiō̂nos:

7
ἀπὸ σελήνης σημεῖον ἑορτῆς, ϕωστὴρ μειούμενος ἐπὶ συντελείας.

apò selḗnēs sēmeîon heortē̂s, phōstḕr meioúmenos epì synteleías.

8
μὴν κατὰ τὸ ὄνομα αὐτῆς ἐστιν αὐξανόμενος θαυμαστῶς ἐν ἀλλοιώσει, σκεῦος παρεμβολῶν ἐν ὕψει, ἐν στερεώματι οὐρανοῦ ἐκλάμπων.

mḕn katà tò ónoma autē̂s estin auxanómenos thaumastō̂s en alloiṓsei, skeûos parembolō̂n en hýpsei, en stereṓmati ouranoû eklámpōn.

9
κάλλος οὐρανοῦ δόξα ἄστρων, κόσμος ϕωτίζων ἐν ὑψίστοις κυρίου·

kállos ouranoû dóxa ástrōn, kósmos phōtízōn en hypsístois kyríou:

10
ἐν λόγοις ἁγίου στήσονται κατὰ κρίμα καὶ οὐ μὴ ἐκλυθῶσιν ἐν ϕυλακαῖς αὐτῶν.

en lógois hagíou stḗsontai katà kríma kaì ou mḕ eklythō̂sin en phylakaîs autō̂n.

11
ἰδὲ τόξον καὶ εὐλόγησον τὸν ποιήσαντα αὐτὸ σϕόδρα ὡραῖον ἐν τῷ αὐγάσματι αὐτοῦ·

idè tóxon kaì eulógēson tòn poiḗsanta autò sphódra hōraîon en tō̂i augásmati autoû:

12
ἐγύρωσεν οὐρανὸν ἐν κυκλώσει δόξης, χεῖρες ὑψίστου ἐτάνυσαν αὐτό.

egýrōsen ouranòn en kyklṓsei dóxēs, cheîres hypsístou etánysan autó.

13
Προστάγματι αὐτοῦ κατέσπευσεν χιόνα καὶ ταχύνει ἀστραπὰς κρίματος αὐτοῦ·

Prostágmati autoû katéspeusen chióna kaì tachýnei astrapàs krímatos autoû:

14
διὰ τοῦτο ἠνεῴχθησαν θησαυροί, καὶ ἐξέπτησαν νεϕέλαι ὡς πετεινά·

dià toûto ēneṓichthēsan thēsauroí, kaì exéptēsan nephélai hōs peteiná:

15
ἐν μεγαλείῳ αὐτοῦ ἴσχυσεν νεϕέλας, καὶ διεθρύβησαν λίθοι χαλάζης·

en megaleíōi autoû íschysen nephélas, kaì diethrýbēsan líthoi chalázēs:

16
καὶ ἐν ὀπτασίᾳ αὐτοῦ σαλευθήσεται ὄρη, ἐν θελήματι αὐτοῦ πνεύσεται νότος.

kaì en optasíāi autoû saleuthḗsetai órē, en thelḗmati autoû pneúsetai nótos.

17
ϕωνὴ βροντῆς αὐτοῦ ὠνείδισεν γῆν καὶ καταιγὶς βορέου καὶ συστροϕὴ πνεύματος.

phōnḕ brontē̂s autoû ōneídisen gē̂n kaì kataigìs boréou kaì systrophḕ pneúmatos.

18
ὡς πετεινὰ καθιπτάμενα πάσσει χιόνα, καὶ ὡς ἀκρὶς καταλύουσα ἡ κατάβασις αὐτῆς· κάλλος λευκότητος αὐτῆς ἐκθαυμάσει ὀϕθαλμός, καὶ ἐπὶ τοῦ ὑετοῦ αὐτῆς ἐκστήσεται καρδία.

hōs peteinà kathiptámena pássei chióna, kaì hōs akrìs katalýousa hē katábasis autē̂s: kállos leukótētos autē̂s ekthaumásei ophthalmós, kaì epì toû hyetoû autē̂s ekstḗsetai kardía.

19
καὶ πάχνην ὡς ἅλα ἐπὶ γῆς χέει, καὶ παγεῖσα γίνεται σκολόπων ἄκρα.

kaì páchnēn hōs hála epì gē̂s chéei, kaì pageîsa gínetai skolópōn ákra.

20
ψυχρὸς ἄνεμος βορέης πνεύσει, καὶ παγήσεται κρύσταλλος ἐϕ’ ὕδατος· ἐπὶ πᾶσαν συναγωγὴν ὕδατος καταλύσει, καὶ ὡς θώρακα ἐνδύσεται τὸ ὕδωρ.

psychròs ánemos boréēs pneúsei, kaì pagḗsetai krýstallos eph’ hýdatos: epì pâsan synagōgḕn hýdatos katalýsei, kaì hōs thṓraka endýsetai tò hýdōr.

21
καταϕάγεται ὄρη καὶ ἔρημον ἐκκαύσει καὶ ἀποσβέσει χλόην ὡς πῦρ.

kataphágetai órē kaì érēmon ekkaúsei kaì aposbései chlóēn hōs pŷr.

22
ἴασις πάντων κατὰ σπουδὴν ὁμίχλη, δρόσος ἀπαντῶσα ἀπὸ καύσωνος ἱλαρώσει.

íasis pántōn katà spoudḕn homíchlē, drósos apantō̂sa apò kaúsōnos hilarṓsei.

23
Λογισμῷ αὐτοῦ ἐκόπασεν ἄβυσσον καὶ ἐϕύτευσεν ἐν αὐτῇ νήσους.

Logismō̂i autoû ekópasen ábysson kaì ephýteusen en autē̂i nḗsous.

24
οἱ πλέοντες τὴν θάλασσαν διηγοῦνται τὸν κίνδυνον αὐτῆς, καὶ ἀκοαῖς ὠτίων ἡμῶν θαυμάζομεν·

hoi pléontes tḕn thálassan diēgoûntai tòn kíndynon autē̂s, kaì akoaîs ōtíōn hēmō̂n thaumázomen:

25
καὶ ἐκεῖ τὰ παράδοξα καὶ θαυμάσια ἔργα, ποικιλία παντὸς ζῴου, κτίσις κητῶν.

kaì ekeî tà parádoxa kaì thaumásia érga, poikilía pantòs zṓiou, ktísis kētō̂n.

26
δι’ αὐτὸν εὐοδοῖ ἄγγελος αὐτοῦ, καὶ ἐν λόγῳ αὐτοῦ σύγκειται τὰ πάντα.

di’ autòn euodoî ángelos autoû, kaì en lógōi autoû sýnkeitai tà pánta.

27
Πολλὰ ἐροῦμεν καὶ οὐ μὴ ἀϕικώμεθα, καὶ συντέλεια λόγων Τὸ πᾶν ἐστιν αὐτός.

Pollà eroûmen kaì ou mḕ aphikṓmetha, kaì syntéleia lógōn Tò pân estin autós.

28
δοξάζοντες ποῦ ἰσχύσομεν; αὐτὸς γὰρ ὁ μέγας παρὰ πάντα τὰ ἔργα αὐτοῦ.

doxázontes poû ischýsomen? autòs gàr ho mégas parà pánta tà érga autoû.

29
ϕοβερὸς κύριος καὶ σϕόδρα μέγας, καὶ θαυμαστὴ ἡ δυναστεία αὐτοῦ.

phoberòs kýrios kaì sphódra mégas, kaì thaumastḕ hē dynasteía autoû.

30
δοξάζοντες κύριον ὑψώσατε καθ’ ὅσον ἂν δύνησθε, ὑπερέξει γὰρ καὶ ἔτι· καὶ ὑψοῦντες αὐτὸν πληθύνατε ἐν ἰσχύι, μὴ κοπιᾶτε, οὐ γὰρ μὴ ἀϕίκησθε.

doxázontes kýrion hypsṓsate kath’ hóson àn dýnēsthe, hyperéxei gàr kaì éti: kaì hypsoûntes autòn plēthýnate en ischýi, mḕ kopiâte, ou gàr mḕ aphíkēsthe.

31
τίς ἑόρακεν αὐτὸν καὶ ἐκδιηγήσεται; καὶ τίς μεγαλυνεῖ αὐτὸν καθώς ἐστιν;

tís heóraken autòn kaì ekdiēgḗsetai? kaì tís megalyneî autòn kathṓs estin?

32
πολλὰ ἀπόκρυϕά ἐστιν μείζονα τούτων, ὀλίγα γὰρ ἑωράκαμεν τῶν ἔργων αὐτοῦ·

pollà apókryphá estin meízona toútōn, olíga gàr heōrákamen tō̂n érgōn autoû:

33
πάντα γὰρ ἐποίησεν ὁ κύριος καὶ τοῖς εὐσεβέσιν ἔδωκεν σοϕίαν

pánta gàr epoíēsen ho kýrios kaì toîs eusebésin édōken sophían