Bibles in ancient languages
Ancient translations
Modern translations

Novum Testamentum Graecum 1 Corinthians 4

New Testament
Chapter
Verses
1
Οὕτως ἡμᾶς λογιζέσθω ἄνθρωπος ὡς ὑπηρέτας Χριστοῦ καὶ οἰκονόμους μυστηρίων θεοῦ.

Hoútōs hēmâs logizésthō ánthrōpos hōs hypērétas Christoû kaì oikonómous mystēríōn theoû.

2
ὧδε λοιπὸν ζητεῖται ἐν τοῖς οἰκονόμοις ἵνα πιστός τις εὑρεθῇ.

hō̂de loipòn zēteîtai en toîs oikonómois hína pistós tis heurethē̂i.

3
ἐμοὶ δὲ εἰς ἐλάχιστόν ἐστιν ἵνα ὑφ’ ὑμῶν ἀνακριθῶ ἢ ὑπὸ ἀνθρωπίνης ἡμέρας· ἀλλ’ οὐδὲ ἐμαυτὸν ἀνακρίνω·

emoì dè eis eláchistón estin hína hyph’ hymō̂n anakrithō̂ ḕ hypò anthrōpínēs hēméras: all’ oudè emautòn anakrínō:

4
οὐδὲν γὰρ ἐμαυτῷ σύνοιδα, ἀλλ’ οὐκ ἐν τούτῳ δεδικαίωμαι, ὁ δὲ ἀνακρίνων με κύριός ἐστιν.

oudèn gàr emautō̂i sýnoida, all’ ouk en toútōi dedikaíōmai, ho dè anakrínōn me kýriós estin.

5
ὥστε μὴ πρὸ καιροῦ τι κρίνετε, ἕως ἂν ἔλθῃ ὁ κύριος, ὃς καὶ φωτίσει τὰ κρυπτὰ τοῦ σκότους καὶ φανερώσει τὰς βουλὰς τῶν καρδιῶν· καὶ τότε ὁ ἔπαινος γενήσεται ἑκάστῳ ἀπὸ τοῦ θεοῦ.

hṓste mḕ prò kairoû ti krínete, héōs àn élthēi ho kýrios, hòs kaì phōtísei tà kryptà toû skótous kaì phanerṓsei tàs boulàs tō̂n kardiō̂n: kaì tóte ho épainos genḗsetai hekástōi apò toû theoû.

6
Ταῦτα δέ, ἀδελφοί, μετεσχημάτισα εἰς ἐμαυτὸν καὶ ’Απολλῶν δι’ ὑμᾶς, ἵνα ἐν ἡμῖν μάθητε τὸ Μὴ ὑπὲρ ἃ γέγραπται, ἵνα μὴ εἷς ὑπὲρ τοῦ ἑνὸς φυσιοῦσθε κατὰ τοῦ ἑτέρου.

Taûta dé, adelphoí, meteschēmátisa eis emautòn kaì ’Apollō̂n di’ hymâs, hína en hēmîn máthēte tò Mḕ hypèr hà gégraptai, hína mḕ heîs hypèr toû henòs physioûsthe katà toû hetérou.

7
τίς γάρ σε διακρίνει; τί δὲ ἔχεις ὃ οὐκ ἔλαβες; εἰ δὲ καὶ ἔλαβες, τί καυχᾶσαι ὡς μὴ λαβών;

tís gár se diakrínei? tí dè écheis hò ouk élabes? ei dè kaì élabes, tí kauchâsai hōs mḕ labṓn?

8
ἤδη κεκορεσμένοι ἐστέ· ἤδη ἐπλουτήσατε· χωρὶς ἡμῶν ἐβασιλεύσατε· καὶ ὄφελόν γε ἐβασιλεύσατε, ἵνα καὶ ἡμεῖς ὑμῖν συμβασιλεύσωμεν.

ḗdē kekoresménoi esté: ḗdē eploutḗsate: chōrìs hēmō̂n ebasileúsate: kaì óphelón ge ebasileúsate, hína kaì hēmeîs hymîn symbasileúsōmen.

9
δοκῶ γάρ, ὁ θεὸς ἡμᾶς τοὺς ἀποστόλους ἐσχάτους ἀπέδειξεν ὡς ἐπιθανατίους, ὅτι θέατρον ἐγενήθημεν τῷ κόσμῳ καὶ ἀγγέλοις καὶ ἀνθρώποις.

dokō̂ gár, ho theòs hēmâs toùs apostólous eschátous apédeixen hōs epithanatíous, hóti théatron egenḗthēmen tō̂i kósmōi kaì angélois kaì anthrṓpois.

10
ἡμεῖς μωροὶ διὰ Χριστόν, ὑμεῖς δὲ φρόνιμοι ἐν Χριστῷ· ἡμεῖς ἀσθενεῖς, ὑμεῖς δὲ ἰσχυροί· ὑμεῖς ἔνδοξοι, ἡμεῖς δὲ ἄτιμοι.

hēmeîs mōroì dià Christón, hymeîs dè phrónimoi en Christō̂i: hēmeîs astheneîs, hymeîs dè ischyroí: hymeîs éndoxoi, hēmeîs dè átimoi.

11
ἄχρι τῆς ἄρτι ὥρας καὶ πεινῶμεν καὶ διψῶμεν καὶ γυμνιτεύομεν καὶ κολαφιζόμεθα καὶ ἀστατοῦμεν

áchri tē̂s árti hṓras kaì peinō̂men kaì dipsō̂men kaì gymniteúomen kaì kolaphizómetha kaì astatoûmen

12
καὶ κοπιῶμεν ἐργαζόμενοι ταῖς ἰδίαις χερσίν· λοιδορούμενοι εὐλογοῦμεν, διωκόμενοι ἀνεχόμεθα,

kaì kopiō̂men ergazómenoi taîs idíais chersín: loidoroúmenoi eulogoûmen, diōkómenoi anechómetha,

13
δυσφημούμενοι παρακαλοῦμεν· ὡς περικαθάρματα τοῦ κόσμου ἐγενήθημεν, πάντων περίψημα, ἕως ἄρτι.

dysphēmoúmenoi parakaloûmen: hōs perikathármata toû kósmou egenḗthēmen, pántōn perípsēma, héōs árti.

14
Οὐκ ἐντρέπων ὑμᾶς γράφω ταῦτα, ἀλλ’ ὡς τέκνα μου ἀγαπητὰ νουθετῶν·

Ouk entrépōn hymâs gráphō taûta, all’ hōs tékna mou agapētà nouthetō̂n:

15
ἐὰν γὰρ μυρίους παιδαγωγοὺς ἔχητε ἐν Χριστῷ, ἀλλ’ οὐ πολλοὺς πατέρας, ἐν γὰρ Χριστῷ ’Ιησοῦ διὰ τοῦ εὐαγγελίου ἐγὼ ὑμᾶς ἐγέννησα.

eàn gàr myríous paidagōgoùs échēte en Christō̂i, all’ ou polloùs patéras, en gàr Christō̂i ’Iēsoû dià toû euangelíou egṑ hymâs egénnēsa.

16
παρακαλῶ οὖν ὑμᾶς, μιμηταί μου γίνεσθε.

parakalō̂ oûn hymâs, mimētaí mou gínesthe.

17
διὰ τοῦτο ἔπεμψα ὑμῖν Τιμόθεον, ὅς ἐστίν μου τέκνον ἀγαπητὸν καὶ πιστὸν ἐν κυρίῳ, ὃς ὑμᾶς ἀναμνήσει τὰς ὁδούς μου τὰς ἐν Χριστῷ [’Ιησοῦ], καθὼς πανταχοῦ ἐν πάσῃ ἐκκλησίᾳ διδάσκω.

dià toûto épempsa hymîn Timótheon, hós estín mou téknon agapētòn kaì pistòn en kyríōi, hòs hymâs anamnḗsei tàs hodoús mou tàs en Christō̂i [’Iēsoû], kathṑs pantachoû en pásēi ekklēsíāi didáskō.

18
ὡς μὴ ἐρχομένου δέ μου πρὸς ὑμᾶς ἐφυσιώθησάν τινες·

hōs mḕ erchoménou dé mou pròs hymâs ephysiṓthēsán tines:

19
ἐλεύσομαι δὲ ταχέως πρὸς ὑμᾶς, ἐὰν ὁ κύριος θελήσῃ, καὶ γνώσομαι οὐ τὸν λόγον τῶν πεφυσιωμένων ἀλλὰ τὴν δύναμιν,

eleúsomai dè tachéōs pròs hymâs, eàn ho kýrios thelḗsēi, kaì gnṓsomai ou tòn lógon tō̂n pephysiōménōn allà tḕn dýnamin,

20
οὐ γὰρ ἐν λόγῳ ἡ βασιλεία τοῦ θεοῦ ἀλλ’ ἐν δυνάμει.

ou gàr en lógōi hē basileía toû theoû all’ en dynámei.

21
τί θέλετε; ἐν ῥάβδῳ ἔλθω πρὸς ὑμᾶς, ἢ ἐν ἀγάπῃ πνεύματί τε πραΰτητος;

tí thélete? en rhábdōi élthō pròs hymâs, ḕ en agápēi pneúmatí te praǘtētos?