Bibles in ancient languages
Ancient translations
Modern translations

Novum Testamentum Graecum 1 Corinthians 6

New Testament
Chapter
Verses
1
Τολμᾷ τις ὑμῶν πρᾶγμα ἔχων πρὸς τὸν ἕτερον κρίνεσθαι ἐπὶ τῶν ἀδίκων, καὶ οὐχὶ ἐπὶ τῶν ἁγίων;

Tolmā̂i tis hymō̂n prâgma échōn pròs tòn héteron krínesthai epì tō̂n adíkōn, kaì ouchì epì tō̂n hagíōn?

2
ἢ οὐκ οἴδατε ὅτι οἱ ἅγιοι τὸν κόσμον κρινοῦσιν; καὶ εἰ ἐν ὑμῖν κρίνεται ὁ κόσμος, ἀνάξιοί ἐστε κριτηρίων ἐλαχίστων;

ḕ ouk oídate hóti hoi hágioi tòn kósmon krinoûsin? kaì ei en hymîn krínetai ho kósmos, anáxioí este kritēríōn elachístōn?

3
οὐκ οἴδατε ὅτι ἀγγέλους κρινοῦμεν, μήτιγε βιωτικά;

ouk oídate hóti angélous krinoûmen, mḗtige biōtiká?

4
βιωτικὰ μὲν οὖν κριτήρια ἐὰν ἔχητε, τοὺς ἐξουθενημένους ἐν τῇ ἐκκλησίᾳ τούτους καθίζετε;

biōtikà mèn oûn kritḗria eàn échēte, toùs exouthenēménous en tē̂i ekklēsíāi toútous kathízete?

5
πρὸς ἐντροπὴν ὑμῖν λέγω. οὕτως οὐκ ἔνι ἐν ὑμῖν οὐδεὶς σοφὸς ὃς δυνήσεται διακρῖναι ἀνὰ μέσον τοῦ ἀδελφοῦ αὐτοῦ;

pròs entropḕn hymîn légō. hoútōs ouk éni en hymîn oudeìs sophòs hòs dynḗsetai diakrînai anà méson toû adelphoû autoû?

6
ἀλλὰ ἀδελφὸς μετὰ ἀδελφοῦ κρίνεται, καὶ τοῦτο ἐπὶ ἀπίστων;

allà adelphòs metà adelphoû krínetai, kaì toûto epì apístōn?

7
ἤδη μὲν [οὖν] ὅλως ἥττημα ὑμῖν ἐστιν ὅτι κρίματα ἔχετε μεθ’ ἑαυτῶν· διὰ τί οὐχὶ μᾶλλον ἀδικεῖσθε; διὰ τί οὐχὶ μᾶλλον ἀποστερεῖσθε;

ḗdē mèn [oûn] hólōs hḗttēma hymîn estin hóti krímata échete meth’ heautō̂n: dià tí ouchì mâllon adikeîsthe? dià tí ouchì mâllon apostereîsthe?

8
ἀλλὰ ὑμεῖς ἀδικεῖτε καὶ ἀποστερεῖτε, καὶ τοῦτο ἀδελφούς.

allà hymeîs adikeîte kaì apostereîte, kaì toûto adelphoús.

9
ἢ οὐκ οἴδατε ὅτι ἄδικοι θεοῦ βασιλείαν οὐ κληρονομήσουσιν; μὴ πλανᾶσθε· οὔτε πόρνοι οὔτε εἰδωλολάτραι οὔτε μοιχοὶ οὔτε μαλακοὶ οὔτε ἀρσενοκοῖται

ḕ ouk oídate hóti ádikoi theoû basileían ou klēronomḗsousin? mḕ planâsthe: oúte pórnoi oúte eidōlolátrai oúte moichoì oúte malakoì oúte arsenokoîtai

10
οὔτε κλέπται οὔτε πλεονέκται, οὐ μέθυσοι, οὐ λοίδοροι, οὐχ ἅρπαγες βασιλείαν θεοῦ κληρονομήσουσιν.

oúte kléptai oúte pleonéktai, ou méthysoi, ou loídoroi, ouch hárpages basileían theoû klēronomḗsousin.

11
καὶ ταῦτά τινες ἦτε· ἀλλὰ ἀπελούσασθε, ἀλλὰ ἡγιάσθητε, ἀλλὰ ἐδικαιώθητε ἐν τῷ ὀνόματι τοῦ κυρίου ’Ιησοῦ Χριστοῦ καὶ ἐν τῷ πνεύματι τοῦ θεοῦ ἡμῶν.

kaì taûtá tines ē̂te: allà apeloúsasthe, allà hēgiásthēte, allà edikaiṓthēte en tō̂i onómati toû kyríou ’Iēsoû Christoû kaì en tō̂i pneúmati toû theoû hēmō̂n.

12
Πάντα μοι ἔξεστιν, ἀλλ’ οὐ πάντα συμφέρει. πάντα μοι ἔξεστιν, ἀλλ’ οὐκ ἐγὼ ἐξουσιασθήσομαι ὑπό τινος.

Pánta moi éxestin, all’ ou pánta symphérei. pánta moi éxestin, all’ ouk egṑ exousiasthḗsomai hypó tinos.

13
τὰ βρώματα τῇ κοιλίᾳ, καὶ ἡ κοιλία τοῖς βρώμασιν· ὁ δὲ θεὸς καὶ ταύτην καὶ ταῦτα καταργήσει. τὸ δὲ σῶμα οὐ τῇ πορνείᾳ ἀλλὰ τῷ κυρίῳ, καὶ ὁ κύριος τῷ σώματι·

tà brṓmata tē̂i koilíāi, kaì hē koilía toîs brṓmasin: ho dè theòs kaì taútēn kaì taûta katargḗsei. tò dè sō̂ma ou tē̂i porneíāi allà tō̂i kyríōi, kaì ho kýrios tō̂i sṓmati:

14
ὁ δὲ θεὸς καὶ τὸν κύριον ἤγειρεν καὶ ἡμᾶς ἐξεγερεῖ διὰ τῆς δυνάμεως αὐτοῦ.

ho dè theòs kaì tòn kýrion ḗgeiren kaì hēmâs exegereî dià tē̂s dynámeōs autoû.

15
οὐκ οἴδατε ὅτι τὰ σώματα ὑμῶν μέλη Χριστοῦ ἐστιν; ἄρας οὖν τὰ μέλη τοῦ Χριστοῦ ποιήσω πόρνης μέλη; μὴ γένοιτο.

ouk oídate hóti tà sṓmata hymō̂n mélē Christoû estin? áras oûn tà mélē toû Christoû poiḗsō pórnēs mélē? mḕ génoito.

16
[ἢ] οὐκ οἴδατε ὅτι ὁ κολλώμενος τῇ πόρνῃ ἓν σῶμά ἐστιν; ῎Εσονται γάρ, φησίν, οἱ δύο εἰς σάρκα μίαν.

[ḕ] ouk oídate hóti ho kollṓmenos tē̂i pórnēi hèn sō̂má estin? ῎Esontai gár, phēsín, hoi dýo eis sárka mían.

17
ὁ δὲ κολλώμενος τῷ κυρίῳ ἓν πνεῦμά ἐστιν.

ho dè kollṓmenos tō̂i kyríōi hèn pneûmá estin.

18
φεύγετε τὴν πορνείαν· πᾶν ἁμάρτημα ὃ ἐὰν ποιήσῃ ἄνθρωπος ἐκτὸς τοῦ σώματός ἐστιν, ὁ δὲ πορνεύων εἰς τὸ ἴδιον σῶμα ἁμαρτάνει.

pheúgete tḕn porneían: pân hamártēma hò eàn poiḗsēi ánthrōpos ektòs toû sṓmatós estin, ho dè porneúōn eis tò ídion sō̂ma hamartánei.

19
ἢ οὐκ οἴδατε ὅτι τὸ σῶμα ὑμῶν ναὸς τοῦ ἐν ὑμῖν ἁγίου πνεύματός ἐστιν, οὗ ἔχετε ἀπὸ θεοῦ, καὶ οὐκ ἐστὲ ἑαυτῶν;

ḕ ouk oídate hóti tò sō̂ma hymō̂n naòs toû en hymîn hagíou pneúmatós estin, hoû échete apò theoû, kaì ouk estè heautō̂n?

20
ἠγοράσθητε γὰρ τιμῆς· δοξάσατε δὴ τὸν θεὸν ἐν τῷ σώματι ὑμῶν.

ēgorásthēte gàr timē̂s: doxásate dḕ tòn theòn en tō̂i sṓmati hymō̂n.