Bibles in ancient languages
Ancient translations
Modern translations

Novum Testamentum Graecum 2 Corinthians 11

New Testament
Chapter
Verses
1
῎Οφελον ἀνείχεσθέ μου μικρόν τι ἀφροσύνης· ἀλλὰ καὶ ἀνέχεσθέ μου.

῎Ophelon aneíchesthé mou mikrón ti aphrosýnēs: allà kaì anéchesthé mou.

2
ζηλῶ γὰρ ὑμᾶς θεοῦ ζήλῳ, ἡρμοσάμην γὰρ ὑμᾶς ἑνὶ ἀνδρὶ παρθένον ἁγνὴν παραστῆσαι τῷ Χριστῷ·

zēlō̂ gàr hymâs theoû zḗlōi, hērmosámēn gàr hymâs henì andrì parthénon hagnḕn parastē̂sai tō̂i Christō̂i:

3
φοβοῦμαι δὲ μή πως, ὡς ὁ ὄφις ἐξηπάτησεν Εὕαν ἐν τῇ πανουργίᾳ αὐτοῦ, φθαρῇ τὰ νοήματα ὑμῶν ἀπὸ τῆς ἁπλότητος [καὶ τῆς ἁγνότητος] τῆς εἰς τὸν Χριστόν.

phoboûmai dè mḗ pōs, hōs ho óphis exēpátēsen Heúan en tē̂i panourgíāi autoû, phtharē̂i tà noḗmata hymō̂n apò tē̂s haplótētos [kaì tē̂s hagnótētos] tē̂s eis tòn Christón.

4
εἰ μὲν γὰρ ὁ ἐρχόμενος ἄλλον ’Ιησοῦν κηρύσσει ὃν οὐκ ἐκηρύξαμεν, ἢ πνεῦμα ἕτερον λαμβάνετε ὃ οὐκ ἐλάβετε, ἢ εὐαγγέλιον ἕτερον ὃ οὐκ ἐδέξασθε, καλῶς ἀνέχεσθε.

ei mèn gàr ho erchómenos állon ’Iēsoûn kērýssei hòn ouk ekērýxamen, ḕ pneûma héteron lambánete hò ouk elábete, ḕ euangélion héteron hò ouk edéxasthe, kalō̂s anéchesthe.

5
λογίζομαι γὰρ μηδὲν ὑστερηκέναι τῶν ὑπερλίαν ἀποστόλων·

logízomai gàr mēdèn hysterēkénai tō̂n hyperlían apostólōn:

6
εἰ δὲ καὶ ἰδιώτης τῷ λόγῳ, ἀλλ’ οὐ τῇ γνώσει, ἀλλ’ ἐν παντὶ φανερώσαντες ἐν πᾶσιν εἰς ὑμᾶς.

ei dè kaì idiṓtēs tō̂i lógōi, all’ ou tē̂i gnṓsei, all’ en pantì phanerṓsantes en pâsin eis hymâs.

7
῍Η ἁμαρτίαν ἐποίησα ἐμαυτὸν ταπεινῶν ἵνα ὑμεῖς ὑψωθῆτε, ὅτι δωρεὰν τὸ τοῦ θεοῦ εὐαγγέλιον εὐηγγελισάμην ὑμῖν;

῍Ē hamartían epoíēsa emautòn tapeinō̂n hína hymeîs hypsōthē̂te, hóti dōreàn tò toû theoû euangélion euēngelisámēn hymîn?

8
ἄλλας ἐκκλησίας ἐσύλησα λαβὼν ὀψώνιον πρὸς τὴν ὑμῶν διακονίαν,

állas ekklēsías esýlēsa labṑn opsṓnion pròs tḕn hymō̂n diakonían,

9
καὶ παρὼν πρὸς ὑμᾶς καὶ ὑστερηθεὶς οὐ κατενάρκησα οὐθενός· τὸ γὰρ ὑστέρημά μου προσανεπλήρωσαν οἱ ἀδελφοὶ ἐλθόντες ἀπὸ Μακεδονίας· καὶ ἐν παντὶ ἀβαρῆ ἐμαυτὸν ὑμῖν ἐτήρησα καὶ τηρήσω.

kaì parṑn pròs hymâs kaì hysterētheìs ou katenárkēsa outhenós: tò gàr hystérēmá mou prosaneplḗrōsan hoi adelphoì elthóntes apò Makedonías: kaì en pantì abarē̂ emautòn hymîn etḗrēsa kaì tērḗsō.

10
ἔστιν ἀλήθεια Χριστοῦ ἐν ἐμοὶ ὅτι ἡ καύχησις αὕτη οὐ φραγήσεται εἰς ἐμὲ ἐν τοῖς κλίμασιν τῆς ’Αχαΐας.

éstin alḗtheia Christoû en emoì hóti hē kaúchēsis haútē ou phragḗsetai eis emè en toîs klímasin tē̂s ’Achaḯas.

11
διὰ τί; ὅτι οὐκ ἀγαπῶ ὑμᾶς; ὁ θεὸς οἶδεν.

dià tí? hóti ouk agapō̂ hymâs? ho theòs oîden.

12
῝Ο δὲ ποιῶ καὶ ποιήσω, ἵνα ἐκκόψω τὴν ἀφορμὴν τῶν θελόντων ἀφορμήν, ἵνα ἐν ᾧ καυχῶνται εὑρεθῶσιν καθὼς καὶ ἡμεῖς.

῝O dè poiō̂ kaì poiḗsō, hína ekkópsō tḕn aphormḕn tō̂n thelóntōn aphormḗn, hína en hō̂i kauchō̂ntai heurethō̂sin kathṑs kaì hēmeîs.

13
οἱ γὰρ τοιοῦτοι ψευδαπόστολοι, ἐργάται δόλιοι, μετασχηματιζόμενοι εἰς ἀποστόλους Χριστοῦ.

hoi gàr toioûtoi pseudapóstoloi, ergátai dólioi, metaschēmatizómenoi eis apostólous Christoû.

14
καὶ οὐ θαῦμα, αὐτὸς γὰρ ὁ Σατανᾶς μετασχηματίζεται εἰς ἄγγελον φωτός·

kaì ou thaûma, autòs gàr ho Satanâs metaschēmatízetai eis ángelon phōtós:

15
οὐ μέγα οὖν εἰ καὶ οἱ διάκονοι αὐτοῦ μετασχηματίζονται ὡς διάκονοι δικαιοσύνης, ὧν τὸ τέλος ἔσται κατὰ τὰ ἔργα αὐτῶν.

ou méga oûn ei kaì hoi diákonoi autoû metaschēmatízontai hōs diákonoi dikaiosýnēs, hō̂n tò télos éstai katà tà érga autō̂n.

16
Πάλιν λέγω, μή τίς με δόξῃ ἄφρονα εἶναι· εἰ δὲ μήγε, κἂν ὡς ἄφρονα δέξασθέ με, ἵνα κἀγὼ μικρόν τι καυχήσωμαι.

Pálin légō, mḗ tís me dóxēi áphrona eînai: ei dè mḗge, kàn hōs áphrona déxasthé me, hína kagṑ mikrón ti kauchḗsōmai.

17
ὃ λαλῶ οὐ κατὰ κύριον λαλῶ, ἀλλ’ ὡς ἐν ἀφροσύνῃ, ἐν ταύτῃ τῇ ὑποστάσει τῆς καυχήσεως.

hò lalō̂ ou katà kýrion lalō̂, all’ hōs en aphrosýnēi, en taútēi tē̂i hypostásei tē̂s kauchḗseōs.

18
ἐπεὶ πολλοὶ καυχῶνται κατὰ σάρκα, κἀγὼ καυχήσομαι.

epeì polloì kauchō̂ntai katà sárka, kagṑ kauchḗsomai.

19
ἡδέως γὰρ ἀνέχεσθε τῶν ἀφρόνων φρόνιμοι ὄντες·

hēdéōs gàr anéchesthe tō̂n aphrónōn phrónimoi óntes:

20
ἀνέχεσθε γὰρ εἴ τις ὑμᾶς καταδουλοῖ, εἴ τις κατεσθίει, εἴ τις λαμβάνει, εἴ τις ἐπαίρεται, εἴ τις εἰς πρόσωπον ὑμᾶς δέρει.

anéchesthe gàr eí tis hymâs katadouloî, eí tis katesthíei, eí tis lambánei, eí tis epaíretai, eí tis eis prósōpon hymâs dérei.

21
κατὰ ἀτιμίαν λέγω, ὡς ὅτι ἡμεῖς ἠσθενήκαμεν· ἐν ᾧ δ’ ἄν τις τολμᾷ, ἐν ἀφροσύνῃ λέγω, τολμῶ κἀγώ.

katà atimían légō, hōs hóti hēmeîs ēsthenḗkamen: en hō̂i d’ án tis tolmā̂i, en aphrosýnēi légō, tolmō̂ kagṓ.

22
‘Εβραῖοί εἰσιν; κἀγώ. ’Ισραηλῖταί εἰσιν; κἀγώ. σπέρμα ’Αβραάμ εἰσιν; κἀγώ.

‘Ebraîoí eisin? kagṓ. ’Israēlîtaí eisin? kagṓ. spérma ’Abraám eisin? kagṓ.

23
διάκονοι Χριστοῦ εἰσιν; παραφρονῶν λαλῶ, ὑπὲρ ἐγώ· ἐν κόποις περισσοτέρως, ἐν φυλακαῖς περισσοτέρως, ἐν πληγαῖς ὑπερβαλλόντως, ἐν θανάτοις πολλάκις·

diákonoi Christoû eisin? paraphronō̂n lalō̂, hypèr egṓ: en kópois perissotérōs, en phylakaîs perissotérōs, en plēgaîs hyperballóntōs, en thanátois pollákis:

24
ὑπὸ ’Ιουδαίων πεντάκις τεσσαράκοντα παρὰ μίαν ἔλαβον,

hypò ’Ioudaíōn pentákis tessarákonta parà mían élabon,

25
τρὶς ἐραβδίσθην, ἅπαξ ἐλιθάσθην, τρὶς ἐναυάγησα, νυχθήμερον ἐν τῷ βυθῷ πεποίηκα·

trìs erabdísthēn, hápax elithásthēn, trìs enauágēsa, nychthḗmeron en tō̂i bythō̂i pepoíēka:

26
ὁδοιπορίαις πολλάκις, κινδύνοις ποταμῶν, κινδύνοις λῃστῶν, κινδύνοις ἐκ γένους, κινδύνοις ἐξ ἐθνῶν, κινδύνοις ἐν πόλει, κινδύνοις ἐν ἐρημίᾳ, κινδύνοις ἐν θαλάσσῃ, κινδύνοις ἐν ψευδαδέλφοις,

hodoiporíais pollákis, kindýnois potamō̂n, kindýnois lēistō̂n, kindýnois ek génous, kindýnois ex ethnō̂n, kindýnois en pólei, kindýnois en erēmíāi, kindýnois en thalássēi, kindýnois en pseudadélphois,

27
κόπῳ καὶ μόχθῳ, ἐν ἀγρυπνίαις πολλάκις, ἐν λιμῷ καὶ δίψει, ἐν νηστείαις πολλάκις, ἐν ψύχει καὶ γυμνότητι·

kópōi kaì móchthōi, en agrypníais pollákis, en limō̂i kaì dípsei, en nēsteíais pollákis, en psýchei kaì gymnótēti:

28
χωρὶς τῶν παρεκτὸς ἡ ἐπίστασίς μοι ἡ καθ’ ἡμέραν, ἡ μέριμνα πασῶν τῶν ἐκκλησιῶν.

chōrìs tō̂n parektòs hē epístasís moi hē kath’ hēméran, hē mérimna pasō̂n tō̂n ekklēsiō̂n.

29
τίς ἀσθενεῖ, καὶ οὐκ ἀσθενῶ; τίς σκανδαλίζεται, καὶ οὐκ ἐγὼ πυροῦμαι;

tís astheneî, kaì ouk asthenō̂? tís skandalízetai, kaì ouk egṑ pyroûmai?

30
Εἰ καυχᾶσθαι δεῖ, τὰ τῆς ἀσθενείας μου καυχήσομαι.

Ei kauchâsthai deî, tà tē̂s astheneías mou kauchḗsomai.

31
ὁ θεὸς καὶ πατὴρ τοῦ κυρίου ’Ιησοῦ οἶδεν, ὁ ὢν εὐλογητὸς εἰς τοὺς αἰῶνας, ὅτι οὐ ψεύδομαι.

ho theòs kaì patḕr toû kyríou ’Iēsoû oîden, ho ṑn eulogētòs eis toùs aiō̂nas, hóti ou pseúdomai.

32
ἐν Δαμασκῷ ὁ ἐθνάρχης ‘Αρέτα τοῦ βασιλέως ἐφρούρει τὴν πόλιν Δαμασκηνῶν πιάσαι με,

en Damaskō̂i ho ethnárchēs ‘Aréta toû basiléōs ephroúrei tḕn pólin Damaskēnō̂n piásai me,

33
καὶ διὰ θυρίδος ἐν σαργάνῃ ἐχαλάσθην διὰ τοῦ τείχους καὶ ἐξέφυγον τὰς χεῖρας αὐτοῦ.

kaì dià thyrídos en sargánēi echalásthēn dià toû teíchous kaì exéphygon tàs cheîras autoû.