Bibles in ancient languages
Ancient translations
Modern translations

Novum Testamentum Graecum James 5

New Testament
Chapter
Verses
1
῎Αγε νῦν οἱ πλούσιοι, κλαύσατε ὀλολύζοντες ἐπὶ ταῖς ταλαιπωρίαις ὑμῶν ταῖς ἐπερχομέναις.

῎Age nŷn hoi ploúsioi, klaúsate ololýzontes epì taîs talaipōríais hymō̂n taîs eperchoménais.

2
ὁ πλοῦτος ὑμῶν σέσηπεν καὶ τὰ ἱμάτια ὑμῶν σητόβρωτα γέγονεν,

ho ploûtos hymō̂n sésēpen kaì tà himátia hymō̂n sētóbrōta gégonen,

3
ὁ χρυσὸς ὑμῶν καὶ ὁ ἄργυρος κατίωται, καὶ ὁ ἰὸς αὐτῶν εἰς μαρτύριον ὑμῖν ἔσται καὶ φάγεται τὰς σάρκας ὑμῶν ὡς πῦρ· ἐθησαυρίσατε ἐν ἐσχάταις ἡμέραις.

ho chrysòs hymō̂n kaì ho árgyros katíōtai, kaì ho iòs autō̂n eis martýrion hymîn éstai kaì phágetai tàs sárkas hymō̂n hōs pŷr: ethēsaurísate en eschátais hēmérais.

4
ἰδοὺ ὁ μισθὸς τῶν ἐργατῶν τῶν ἀμησάντων τὰς χώρας ὑμῶν ὁ ἀφυστερημένος ἀφ’ ὑμῶν κράζει, καὶ αἱ βοαὶ τῶν θερισάντων εἰς τὰ ὦτα κυρίου Σαβαὼθ εἰσελήλυθαν.

idoù ho misthòs tō̂n ergatō̂n tō̂n amēsántōn tàs chṓras hymō̂n ho aphysterēménos aph’ hymō̂n krázei, kaì hai boaì tō̂n therisántōn eis tà ō̂ta kyríou Sabaṑth eiselḗlythan.

5
ἐτρυφήσατε ἐπὶ τῆς γῆς καὶ ἐσπαταλήσατε, ἐθρέψατε τὰς καρδίας ὑμῶν ἐν ἡμέρᾳ σφαγῆς.

etryphḗsate epì tē̂s gē̂s kaì espatalḗsate, ethrépsate tàs kardías hymō̂n en hēmérāi sphagē̂s.

6
κατεδικάσατε, ἐφονεύσατε τὸν δίκαιον. οὐκ ἀντιτάσσεται ὑμῖν.

katedikásate, ephoneúsate tòn díkaion. ouk antitássetai hymîn.

7
Μακροθυμήσατε οὖν, ἀδελφοί, ἕως τῆς παρουσίας τοῦ κυρίου. ἰδοὺ ὁ γεωργὸς ἐκδέχεται τὸν τίμιον καρπὸν τῆς γῆς, μακροθυμῶν ἐπ’ αὐτῷ ἕως λάβῃ πρόϊμον καὶ ὄψιμον.

Makrothymḗsate oûn, adelphoí, héōs tē̂s parousías toû kyríou. idoù ho geōrgòs ekdéchetai tòn tímion karpòn tē̂s gē̂s, makrothymō̂n ep’ autō̂i héōs lábēi próïmon kaì ópsimon.

8
μακροθυμήσατε καὶ ὑμεῖς, στηρίξατε τὰς καρδίας ὑμῶν, ὅτι ἡ παρουσία τοῦ κυρίου ἤγγικεν.

makrothymḗsate kaì hymeîs, stēríxate tàs kardías hymō̂n, hóti hē parousía toû kyríou ḗngiken.

9
μὴ στενάζετε, ἀδελφοί, κατ’ ἀλλήλων, ἵνα μὴ κριθῆτε· ἰδοὺ ὁ κριτὴς πρὸ τῶν θυρῶν ἕστηκεν.

mḕ stenázete, adelphoí, kat’ allḗlōn, hína mḕ krithē̂te: idoù ho kritḕs prò tō̂n thyrō̂n héstēken.

10
ὑπόδειγμα λάβετε, ἀδελφοί, τῆς κακοπαθείας καὶ τῆς μακροθυμίας τοὺς προφήτας, οἳ ἐλάλησαν ἐν τῷ ὀνόματι κυρίου.

hypódeigma lábete, adelphoí, tē̂s kakopatheías kaì tē̂s makrothymías toùs prophḗtas, hoì elálēsan en tō̂i onómati kyríou.

11
ἰδοὺ μακαρίζομεν τοὺς ὑπομείναντας· τὴν ὑπομονὴν ’Ιὼβ ἠκούσατε, καὶ τὸ τέλος κυρίου εἴδετε, ὅτι πολύσπλαγχνός ἐστιν ὁ κύριος καὶ οἰκτίρμων.

idoù makarízomen toùs hypomeínantas: tḕn hypomonḕn ’Iṑb ēkoúsate, kaì tò télos kyríou eídete, hóti polýsplanchnós estin ho kýrios kaì oiktírmōn.

12
Πρὸ πάντων δέ, ἀδελφοί μου, μὴ ὀμνύετε, μήτε τὸν οὐρανὸν μήτε τὴν γῆν μήτε ἄλλον τινὰ ὅρκον· ἤτω δὲ ὑμῶν τὸ Ναὶ ναὶ καὶ τὸ Οὒ οὔ, ἵνα μὴ ὑπὸ κρίσιν πέσητε.

Prò pántōn dé, adelphoí mou, mḕ omnýete, mḗte tòn ouranòn mḗte tḕn gē̂n mḗte állon tinà hórkon: ḗtō dè hymō̂n tò Naì naì kaì tò Où oú, hína mḕ hypò krísin pésēte.

13
Κακοπαθεῖ τις ἐν ὑμῖν; προσευχέσθω· εὐθυμεῖ τις; ψαλλέτω.

Kakopatheî tis en hymîn? proseuchésthō: euthymeî tis? psallétō.

14
ἀσθενεῖ τις ἐν ὑμῖν; προσκαλεσάσθω τοὺς πρεσβυτέρους τῆς ἐκκλησίας, καὶ προσευξάσθωσαν ἐπ’ αὐτὸν ἀλείψαντες ἐλαίῳ ἐν τῷ ὀνόματι [τοῦ] κυρίου·

astheneî tis en hymîn? proskalesásthō toùs presbytérous tē̂s ekklēsías, kaì proseuxásthōsan ep’ autòn aleípsantes elaíōi en tō̂i onómati [toû] kyríou:

15
καὶ ἡ εὐχὴ τῆς πίστεως σώσει τὸν κάμνοντα, καὶ ἐγερεῖ αὐτὸν ὁ κύριος· κἂν ἁμαρτίας ᾖ πεποιηκώς, ἀφεθήσεται αὐτῷ.

kaì hē euchḕ tē̂s písteōs sṓsei tòn kámnonta, kaì egereî autòn ho kýrios: kàn hamartías ē̂i pepoiēkṓs, aphethḗsetai autō̂i.

16
ἐξομολογεῖσθε οὖν ἀλλήλοις τὰς ἁμαρτίας καὶ εὔχεσθε ὑπὲρ ἀλλήλων, ὅπως ἰαθῆτε. πολὺ ἰσχύει δέησις δικαίου ἐνεργουμένη.

exomologeîsthe oûn allḗlois tàs hamartías kaì eúchesthe hypèr allḗlōn, hópōs iathē̂te. polỳ ischýei déēsis dikaíou energouménē.

17
’Ηλίας ἄνθρωπος ἦν ὁμοιοπαθὴς ἡμῖν, καὶ προσευχῇ προσηύξατο τοῦ μὴ βρέξαι, καὶ οὐκ ἔβρεξεν ἐπὶ τῆς γῆς ἐνιαυτοὺς τρεῖς καὶ μῆνας ἕξ·

’Ēlías ánthrōpos ē̂n homoiopathḕs hēmîn, kaì proseuchē̂i prosēýxato toû mḕ bréxai, kaì ouk ébrexen epì tē̂s gē̂s eniautoùs treîs kaì mē̂nas héx:

18
καὶ πάλιν προσηύξατο, καὶ ὁ οὐρανὸς ὑετὸν ἔδωκεν καὶ ἡ γῆ ἐβλάστησεν τὸν καρπὸν αὐτῆς.

kaì pálin prosēýxato, kaì ho ouranòs hyetòn édōken kaì hē gē̂ eblástēsen tòn karpòn autē̂s.

19
’Αδελφοί μου, ἐάν τις ἐν ὑμῖν πλανηθῇ ἀπὸ τῆς ἀληθείας καὶ ἐπιστρέψῃ τις αὐτόν,

’Adelphoí mou, eán tis en hymîn planēthē̂i apò tē̂s alētheías kaì epistrépsēi tis autón,

20
γινώσκετε ὅτι ὁ ἐπιστρέψας ἁμαρτωλὸν ἐκ πλάνης ὁδοῦ αὐτοῦ σώσει ψυχὴν [αὐτοῦ] ἐκ θανάτου καὶ καλύψει πλῆθος ἁμαρτιῶν.

ginṓskete hóti ho epistrépsas hamartōlòn ek plánēs hodoû autoû sṓsei psychḕn [autoû] ek thanátou kaì kalýpsei plē̂thos hamartiō̂n.