Bibles in ancient languages
Old translations
Modern translations

Biblia Hebraica Stuttgartiensia 1 Kings 12

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֵּ֥לֶךְ רְחַבְעָ֖ם שְׁכֶ֑ם כִּ֥י שְׁכֶ֛ם בָּ֥א כָל־יִשְׂרָאֵ֖ל לְהַמְלִ֥יךְ אֹתֹֽו׃

wayé֥̇lekĕ rĕẖabĕʻá֖m şĕ̌ke֑m ki֥̇y şĕ̌ke֛m bá֥̇ʼ kál־yişĕ̂ráʼé֖l lĕhamĕli֥ykĕ ʼòţòֽw׃

2
וַיְהִ֞י כִּשְׁמֹ֣עַ׀ יָרָבְעָ֣ם בֶּן־נְבָ֗ט וְהוּא֙ עֹודֶ֣נּוּ בְמִצְרַ֔יִם אֲשֶׁ֣ר בָּרַ֔ח מִפְּנֵ֖י הַמֶּ֣לֶךְ שְׁלֹמֹ֑ה וַיֵּ֥שֶׁב יָרָבְעָ֖ם בְּמִצְרָֽיִם׃

wayĕhi֞y ki̇şĕ̌mò֣ʻa׀ yárábĕʻá֣m bėn־nĕbá֗t wĕhẇʼ֙ ʻòwde֣ṅẇ bĕmiẕĕra֔yim ʼàşě֣r bá̇ra֔ẖ mipĕ̇né֖y hamė֣lekĕ şĕ̌lòmò֑h wayé֥̇şěb yárábĕʻá֖m bĕ̇miẕĕráֽyim׃

3
וַֽיִּשְׁלְחוּ֙ וַיִּקְרְאוּ־לֹ֔ו וַיָּבֹאוּ יָרָבְעָ֖ם וְכָל־קְהַ֣ל יִשְׂרָאֵ֑ל וַֽיְדַבְּר֔וּ אֶל־רְחַבְעָ֖ם לֵאמֹֽר׃

waֽyi̇şĕ̌lĕẖẇ֙ wayi̇qĕrĕʼẇ־lò֔w wayá̇bòʼẇ yárábĕʻá֖m wĕkál־qĕha֣l yişĕ̂ráʼé֑l waֽyĕdabĕ̇r֔ẇ ʼel־rĕẖabĕʻá֖m léʼmòֽr׃

4
אָבִ֖יךָ הִקְשָׁ֣ה אֶת־עֻלֵּ֑נוּ וְאַתָּ֡ה עַתָּ֣ה הָקֵל֩ מֵעֲבֹדַ֨ת אָבִ֜יךָ הַקָּשָׁ֗ה וּמֵעֻלֹּ֧ו הַכָּבֵ֛ד אֲשֶׁר־נָתַ֥ן עָלֵ֖ינוּ וְנַעַבְדֶֽךָּ׃

ʼábi֖yká hiqĕşá֣̌h ʼeţ־ʻulé֑̇nẇ wĕʼaţá̇֡h ʻaţá֣̇h háqél֩ méʻàbòda֨ţ ʼábi֜yká haqá̇şá̌֗h ẇméʻulò֧̇w haká̇bé֛d ʼàşěr־náţa֥n ʻálé֖ynẇ wĕnaʻabĕdeֽká̇׃

5
וַיֹּ֣אמֶר אֲלֵיהֶ֗ם לְכ֥וּ עֹ֛ד שְׁלֹשָׁ֥ה יָמִ֖ים וְשׁ֣וּבוּ אֵלָ֑י וַיֵּלְכ֖וּ הָעָֽם׃

wayò֣̇ʼmer ʼàléyhe֗m lĕk֥ẇ ʻò֛d şĕ̌lòşá֥̌h yámi֖ym wĕş֣̌ẇbẇ ʼélá֑y wayé̇lĕk֖ẇ háʻáֽm׃

6
וַיִּוָּעַ֞ץ הַמֶּ֣לֶךְ רְחַבְעָ֗ם אֶת־הַזְּקֵנִים֙ אֲשֶׁר־הָי֣וּ עֹמְדִ֗ים אֶת־פְּנֵי֙ שְׁלֹמֹ֣ה אָבִ֔יו בִּֽהְיֹתֹ֥ו חַ֖י לֵאמֹ֑ר אֵ֚יךְ אַתֶּ֣ם נֹֽועָצִ֔ים לְהָשִׁ֥יב אֶת־הָֽעָם־הַזֶּ֖ה דָּבָֽר׃

wayi̇wá̇ʻa֞ẕ hamė֣lekĕ rĕẖabĕʻá֗m ʼeţ־hazĕ̇qéniym֙ ʼàşěr־háy֣ẇ ʻòmĕdi֗ym ʼeţ־pĕ̇néy֙ şĕ̌lòmò֣h ʼábi֔yw biֽ̇hĕyòţò֥w ẖa֖y léʼmò֑r ʼé֚ykĕ ʼaţė֣m nòֽwʻáẕi֔ym lĕháşǐ֥yb ʼeţ־háֽʻám־hazė֖h dá̇báֽr׃

7
וַיְדַבֵּר אֵלָ֜יו לֵאמֹ֗ר אִם־הַ֠יֹּום תִּֽהְיֶה־עֶ֜בֶד לָעָ֤ם הַזֶּה֙ וַֽעֲבַדְתָּ֔ם וַעֲנִיתָ֕ם וְדִבַּרְתָּ֥ אֲלֵיהֶ֖ם דְּבָרִ֣ים טֹובִ֑ים וְהָי֥וּ לְךָ֛ עֲבָדִ֖ים כָּל־הַיָּמִֽים׃

wayĕdabé̇r ʼélá֜yw léʼmò֗r ʼim־ha֠yò̇wm ţiֽ̇hĕyeh־ʻe֜bed láʻá֤m hazėh֙ waֽʻàbadĕţá̇֔m waʻàniyţá֕m wĕdibȧrĕţá֥̇ ʼàléyhe֖m dĕ̇bári֣ym tòwbi֑ym wĕháy֥ẇ lĕká֛ ʻàbádi֖ym ká̇l־hayá̇miֽym׃

8
וַֽיַּעֲזֹ֛ב אֶת־עֲצַ֥ת הַזְּקֵנִ֖ים אֲשֶׁ֣ר יְעָצֻ֑הוּ וַיִּוָּעַ֗ץ אֶת־הַיְלָדִים֙ אֲשֶׁ֣ר גָּדְל֣וּ אִתֹּ֔ו אֲשֶׁ֥ר הָעֹמְדִ֖ים לְפָנָֽיו׃

waֽyȧʻàzò֛b ʼeţ־ʻàẕa֥ţ hazĕ̇qéni֖ym ʼàşě֣r yĕʻáẕu֑hẇ wayi̇wá̇ʻa֗ẕ ʼeţ־hayĕládiym֙ ʼàşě֣r gá̇dĕl֣ẇ ʼiţò̇֔w ʼàşě֥r háʻòmĕdi֖ym lĕpánáֽyw׃

9
וַיֹּ֣אמֶר אֲלֵיהֶ֗ם מָ֚ה אַתֶּ֣ם נֹֽועָצִ֔ים וְנָשִׁ֥יב דָּבָ֖ר אֶת־הָעָ֣ם הַזֶּ֑ה אֲשֶׁ֨ר דִּבְּר֤וּ אֵלַי֙ לֵאמֹ֔ר הָקֵל֙ מִן־הָעֹ֔ל אֲשֶׁר־נָתַ֥ן אָבִ֖יךָ עָלֵֽינוּ׃

wayò֣̇ʼmer ʼàléyhe֗m má֚h ʼaţė֣m nòֽwʻáẕi֔ym wĕnáşǐ֥yb dá̇bá֖r ʼeţ־háʻá֣m hazė֑h ʼàşě֨r di̇bĕ̇r֤ẇ ʼélay֙ léʼmò֔r háqél֙ min־háʻò֔l ʼàşěr־náţa֥n ʼábi֖yká ʻáléֽynẇ׃

10
וַיְדַבְּר֣וּ אֵלָ֗יו הַיְלָדִים֙ אֲשֶׁ֨ר גָּדְל֣וּ אִתֹּו֮ לֵאמֹר֒ כֹּֽה־תֹאמַ֣ר לָעָ֣ם הַזֶּ֡ה אֲשֶׁר֩ דִּבְּר֨וּ אֵלֶ֜יךָ לֵאמֹ֗ר אָבִ֨יךָ֙ הִכְבִּ֣יד אֶת־עֻלֵּ֔נוּ וְאַתָּ֖ה הָקֵ֣ל מֵעָלֵ֑ינוּ כֹּ֚ה תְּדַבֵּ֣ר אֲלֵיהֶ֔ם קָֽטָנִּ֥י עָבָ֖ה מִמָּתְנֵ֥י אָבִֽי׃

wayĕdabĕ̇r֣ẇ ʼélá֗yw hayĕládiym֙ ʼàşě֨r gá̇dĕl֣ẇ ʼiţò̇w֮ léʼmòr֒ kòֽ̇h־ţòʼma֣r láʻá֣m hazė֡h ʼàşěr֩ di̇bĕ̇r֨ẇ ʼéle֜yká léʼmò֗r ʼábi֨yká֙ hikĕbi֣̇yd ʼeţ־ʻulé̇֔nẇ wĕʼaţá֖̇h háqé֣l méʻálé֑ynẇ kò֚̇h ţĕ̇dabé֣̇r ʼàléyhe֔m qáֽtáni֥̇y ʻábá֖h mimá̇ţĕné֥y ʼábiֽy׃

11
וְעַתָּ֗ה אָבִי֙ הֶעְמִ֤יס עֲלֵיכֶם֙ עֹ֣ל כָּבֵ֔ד וַאֲנִ֖י אֹוסִ֣יף עַֽל־עֻלְּכֶ֑ם אָבִ֗י יִסַּ֤ר אֶתְכֶם֙ בַּשֹּׁוטִ֔ים וַאֲנִ֕י אֲיַסֵּ֥ר אֶתְכֶ֖ם בָּעַקְרַבִּֽים׃

wĕʻaţá̇֗h ʼábiy֙ heʻĕmi֤ys ʻàléykem֙ ʻò֣l ká̇bé֔d waʼàni֖y ʼòwsi֣yp ʻaֽl־ʻulĕ̇ke֑m ʼábi֗y yisȧ֤r ʼeţĕkem֙ bȧşò̇̌wti֔ym waʼàni֕y ʼàyasé֥̇r ʼeţĕke֖m bá̇ʻaqĕrabiֽ̇ym׃

12
וַיָּבֹו יָרָבְעָ֧ם וְכָל־הָעָ֛ם אֶל־רְחַבְעָ֖ם בַּיֹּ֣ום הַשְּׁלִישִׁ֑י כַּאֲשֶׁ֨ר דִּבֶּ֤ר הַמֶּ֨לֶךְ֙ לֵאמֹ֔ר שׁ֥וּבוּ אֵלַ֖י בַּיֹּ֥ום הַשְּׁלִישִֽׁי׃

wayá̇bòw yárábĕʻá֧m wĕkál־háʻá֛m ʼel־rĕẖabĕʻá֖m bȧyò֣̇wm haşĕ̇̌liyşǐ֑y kȧʼàşě֨r di̇bė֤r hamė֨lekĕ֙ léʼmò֔r ş֥̌ẇbẇ ʼéla֖y bȧyò֥̇wm haşĕ̇̌liyşǐֽy׃

13
וַיַּ֧עַן הַמֶּ֛לֶךְ אֶת־הָעָ֖ם קָשָׁ֑ה וַֽיַּעֲזֹ֛ב אֶת־עֲצַ֥ת הַזְּקֵנִ֖ים אֲשֶׁ֥ר יְעָצֻֽהוּ׃

wayȧ֧ʻan hamė֛lekĕ ʼeţ־háʻá֖m qáşá֑̌h waֽyȧʻàzò֛b ʼeţ־ʻàẕa֥ţ hazĕ̇qéni֖ym ʼàşě֥r yĕʻáẕuֽhẇ׃

14
וַיְדַבֵּ֣ר אֲלֵיהֶ֗ם כַּעֲצַ֤ת הַיְלָדִים֙ לֵאמֹ֔ר אָבִי֙ הִכְבִּ֣יד אֶֽת־עֻלְּכֶ֔ם וַאֲנִ֖י אֹסִ֣יף עַֽל־עֻלְּכֶ֑ם אָבִ֗י יִסַּ֤ר אֶתְכֶם֙ בַּשֹּׁוטִ֔ים וַאֲנִ֕י אֲיַסֵּ֥ר אֶתְכֶ֖ם בָּעַקְרַבִּֽים׃

wayĕdabé֣̇r ʼàléyhe֗m kȧʻàẕa֤ţ hayĕládiym֙ léʼmò֔r ʼábiy֙ hikĕbi֣̇yd ʼeֽţ־ʻulĕ̇ke֔m waʼàni֖y ʼòsi֣yp ʻaֽl־ʻulĕ̇ke֑m ʼábi֗y yisȧ֤r ʼeţĕkem֙ bȧşò̇̌wti֔ym waʼàni֕y ʼàyasé֥̇r ʼeţĕke֖m bá̇ʻaqĕrabiֽ̇ym׃

15
וְלֹֽא־שָׁמַ֥ע הַמֶּ֖לֶךְ אֶל־הָעָ֑ם כִּֽי־הָיְתָ֤ה סִבָּה֙ מֵעִ֣ם יְהוָ֔ה לְמַ֜עַן הָקִ֣ים אֶת־דְּבָרֹ֗ו אֲשֶׁ֨ר דִּבֶּ֤ר יְהוָה֙ בְּיַד֙ אֲחִיָּ֣ה הַשִּׁילֹנִ֔י אֶל־יָרָבְעָ֖ם בֶּן־נְבָֽט׃

wĕlòֽʼ־şá̌ma֥ʻ hamė֖lekĕ ʼel־háʻá֑m kiֽ̇y־háyĕţá֤h sibá̇h֙ méʻi֣m yĕhwá֔h lĕma֜ʻan háqi֣ym ʼeţ־dĕ̇bárò֗w ʼàşě֨r di̇bė֤r yĕhwáh֙ bĕ̇yad֙ ʼàẖiyá֣̇h haşi̇̌ylòni֔y ʼel־yárábĕʻá֖m bėn־nĕbáֽt׃

16
וַיַּ֣רְא כָּל־יִשְׂרָאֵ֗ל כִּ֠י לֹֽא־שָׁמַ֣ע הַמֶּלֶךְ֮ אֲלֵיהֶם֒ וַיָּשִׁ֣בוּ הָעָ֣ם אֶת־הַמֶּ֣לֶךְ דָּבָ֣ר׀ לֵאמֹ֡ר מַה־לָּנוּ֩ חֵ֨לֶק בְּדָוִ֜ד וְלֹֽא־נַחֲלָ֣ה בְּבֶן־יִשַׁ֗י לְאֹהָלֶ֨יךָ֙ יִשְׂרָאֵ֔ל עַתָּ֕ה רְאֵ֥ה בֵיתְךָ֖ דָּוִ֑ד וַיֵּ֥לֶךְ יִשְׂרָאֵ֖ל לְאֹהָלָֽיו׃

wayȧ֣rĕʼ ká̇l־yişĕ̂ráʼé֗l ki̇֠y lòֽʼ־şá̌ma֣ʻ hamėlekĕ֮ ʼàléyhem֒ wayá̇şǐ֣bẇ háʻá֣m ʼeţ־hamė֣lekĕ dá̇bá֣r׀ léʼmò֡r mah־lá̇nẇ֩ ẖé֨leq bĕ̇dáwi֜d wĕlòֽʼ־naẖàlá֣h bĕ̇ben־yişǎ֗y lĕʼòhále֨yká֙ yişĕ̂ráʼé֔l ʻaţá̇֕h rĕʼé֥h béyţĕká֖ dá̇wi֑d wayé֥̇lekĕ yişĕ̂ráʼé֖l lĕʼòháláֽyw׃

17
וּבְנֵ֣י יִשְׂרָאֵ֔ל הַיֹּשְׁבִ֖ים בְּעָרֵ֣י יְהוּדָ֑ה וַיִּמְלֹ֥ךְ עֲלֵיהֶ֖ם רְחַבְעָֽם׃ פ

ẇbĕné֣y yişĕ̂ráʼé֔l hayò̇şĕ̌bi֖ym bĕ̇ʻáré֣y yĕhẇdá֑h wayi̇mĕlò֥kĕ ʻàléyhe֖m rĕẖabĕʻáֽm׃ p

18
וַיִּשְׁלַ֞ח הַמֶּ֣לֶךְ רְחַבְעָ֗ם אֶת־אֲדֹרָם֙ אֲשֶׁ֣ר עַל־הַמַּ֔ס וַיִּרְגְּמ֨וּ כָל־יִשְׂרָאֵ֥ל בֹּ֛ו אֶ֖בֶן וַיָּמֹ֑ת וְהַמֶּ֣לֶךְ רְחַבְעָ֗ם הִתְאַמֵּץ֙ לַעֲלֹ֣ות בַּמֶּרְכָּבָ֔ה לָנ֖וּס יְרוּשָׁלִָֽם׃

wayi̇şĕ̌la֞ẖ hamė֣lekĕ rĕẖabĕʻá֗m ʼeţ־ʼàdòrám֙ ʼàşě֣r ʻal־hamȧ֔s wayi̇rĕgĕ̇m֨ẇ kál־yişĕ̂ráʼé֥l bò֛̇w ʼe֖ben wayá̇mò֑ţ wĕhamė֣lekĕ rĕẖabĕʻá֗m hiţĕʼamé̇ẕ֙ laʻàlò֣wţ bȧmėrĕká̇bá֔h lán֖ẇs yĕrẇşá̌láֽim׃

19
וַיִּפְשְׁע֤וּ יִשְׂרָאֵל֙ בְּבֵ֣ית דָּוִ֔ד עַ֖ד הַיֹּ֥ום הַזֶּֽה׃ ס

wayi̇pĕşĕ̌ʻ֤ẇ yişĕ̂ráʼél֙ bĕ̇bé֣yţ dá̇wi֔d ʻa֖d hayò֥̇wm hazėֽh׃ s

20
וַיְהִ֞י כִּשְׁמֹ֤עַ כָּל־יִשְׂרָאֵל֙ כִּֽי־שָׁ֣ב יָרָבְעָ֔ם וַֽיִּשְׁלְח֗וּ וַיִּקְרְא֤וּ אֹתֹו֙ אֶל־הָ֣עֵדָ֔ה וַיַּמְלִ֥יכוּ אֹתֹ֖ו עַל־כָּל־יִשְׂרָאֵ֑ל לֹ֤א הָיָה֙ אַחֲרֵ֣י בֵית־דָּוִ֔ד זוּלָתִ֥י שֵֽׁבֶט־יְהוּדָ֖ה לְבַדֹּֽו׃

wayĕhi֞y ki̇şĕ̌mò֤ʻa ká̇l־yişĕ̂ráʼél֙ kiֽ̇y־şá֣̌b yárábĕʻá֔m waֽyi̇şĕ̌lĕẖ֗ẇ wayi̇qĕrĕʼ֤ẇ ʼòţòw֙ ʼel־há֣ʻédá֔h wayȧmĕli֥ykẇ ʼòţò֖w ʻal־ká̇l־yişĕ̂ráʼé֑l lò֤ʼ háyáh֙ ʼaẖàré֣y béyţ־dá̇wi֔d zẇláţi֥y şéֽ̌bet־yĕhẇdá֖h lĕbadòֽ̇w׃

21
וַיָּבֹאוּ רְחַבְעָם֮ יְרוּשָׁלִַם֒ וַיַּקְהֵל֩ אֶת־כָּל־בֵּ֨ית יְהוּדָ֜ה וְאֶת־שֵׁ֣בֶט בִּנְיָמִ֗ן מֵאָ֨ה וּשְׁמֹנִ֥ים אֶ֛לֶף בָּח֖וּר עֹשֵׂ֣ה מִלְחָמָ֑ה לְהִלָּחֵם֙ עִם־בֵּ֣ית יִשְׂרָאֵ֔ל לְהָשִׁיב֙ אֶת־הַמְּלוּכָ֔ה לִרְחַבְעָ֖ם בֶּן־שְׁלֹמֹֽה׃ פ

wayá̇bòʼẇ rĕẖabĕʻám֮ yĕrẇşá̌liam֒ wayȧqĕhél֩ ʼeţ־ká̇l־bé̇֨yţ yĕhẇdá֜h wĕʼeţ־şé֣̌bet bi̇nĕyámi֗n méʼá֨h ẇşĕ̌mòni֥ym ʼe֛lep bá̇ẖ֖ẇr ʻòşé֣̂h milĕẖámá֑h lĕhilá̇ẖém֙ ʻim־bé֣̇yţ yişĕ̂ráʼé֔l lĕháşǐyb֙ ʼeţ־hamĕ̇lẇká֔h lirĕẖabĕʻá֖m bėn־şĕ̌lòmòֽh׃ p

22
וַיְהִי֙ דְּבַ֣ר הָֽאֱלֹהִ֔ים אֶל־שְׁמַעְיָ֥ה אִישׁ־הָאֱלֹהִ֖ים לֵאמֹֽר׃

wayĕhiy֙ dĕ̇ba֣r háֽʼèlòhi֔ym ʼel־şĕ̌maʻĕyá֥h ʼiyş̌־háʼèlòhi֖ym léʼmòֽr׃

23
אֱמֹ֗ר אֶל־רְחַבְעָ֤ם בֶּן־שְׁלֹמֹה֙ מֶ֣לֶךְ יְהוּדָ֔ה וְאֶל־כָּל־בֵּ֥ית יְהוּדָ֖ה וּבִנְיָמִ֑ין וְיֶ֥תֶר הָעָ֖ם לֵאמֹֽר׃

ʼèmò֗r ʼel־rĕẖabĕʻá֤m bėn־şĕ̌lòmòh֙ me֣lekĕ yĕhẇdá֔h wĕʼel־ká̇l־bé֥̇yţ yĕhẇdá֖h ẇbinĕyámi֑yn wĕye֥ţer háʻá֖m léʼmòֽr׃

24
כֹּ֣ה אָמַ֣ר יְהוָ֡ה לֹֽא־תַעֲלוּ֩ וְלֹא־תִלָּ֨חֲמ֜וּן עִם־אֲחֵיכֶ֣ם בְּנֵֽי־יִשְׂרָאֵ֗ל שׁ֚וּבוּ אִ֣ישׁ לְבֵיתֹ֔ו כִּ֧י מֵאִתִּ֛י נִהְיָ֖ה הַדָּבָ֣ר הַזֶּ֑ה וַיִּשְׁמְעוּ֙ אֶת־דְּבַ֣ר יְהוָ֔ה וַיָּשֻׁ֥בוּ לָלֶ֖כֶת כִּדְבַ֥ר יְהוָֽה׃ ס

kò֣̇h ʼáma֣r yĕhwá֡h lòֽʼ־ţaʻàlẇ֩ wĕlòʼ־ţilá̇֨ẖàm֜ẇn ʻim־ʼàẖéyke֣m bĕ̇néֽy־yişĕ̂ráʼé֗l ş֚̌ẇbẇ ʼi֣yş̌ lĕbéyţò֔w ki֧̇y méʼiţi֛̇y nihĕyá֖h hadá̇bá֣r hazė֑h wayi̇şĕ̌mĕʻẇ֙ ʼeţ־dĕ̇ba֣r yĕhwá֔h wayá̇şǔ֥bẇ lále֖keţ ki̇dĕba֥r yĕhwáֽh׃ s

25
וַיִּ֨בֶן יָרָבְעָ֧ם אֶת־שְׁכֶ֛ם בְּהַ֥ר אֶפְרַ֖יִם וַיֵּ֣שֶׁב בָּ֑הּ וַיֵּצֵ֣א מִשָּׁ֔ם וַיִּ֖בֶן אֶת־פְּנוּאֵֽל׃

wayi̇֨ben yárábĕʻá֧m ʼeţ־şĕ̌ke֛m bĕ̇ha֥r ʼepĕra֖yim wayé֣̇şěb bá֑̇ḣ wayé̇ẕé֣ʼ mişá̇̌֔m wayi֖̇ben ʼeţ־pĕ̇nẇʼéֽl׃

26
וַיֹּ֥אמֶר יָרָבְעָ֖ם בְּלִבֹּ֑ו עַתָּ֛ה תָּשׁ֥וּב הַמַּמְלָכָ֖ה לְבֵ֥ית דָּוִֽד׃

wayò֥̇ʼmer yárábĕʻá֖m bĕ̇libò֑̇w ʻaţá֛̇h ţá̇ş֥̌ẇb hamȧmĕláká֖h lĕbé֥yţ dá̇wiֽd׃

27
אִֽם־יַעֲלֶ֣ה׀ הָעָ֣ם הַזֶּ֗ה לַעֲשֹׂ֨ות זְבָחִ֤ים בְּבֵית־יְהוָה֙ בִּיר֣וּשָׁלִַ֔ם וְ֠שָׁב לֵ֣ב הָעָ֤ם הַזֶּה֙ אֶל־אֲדֹ֣נֵיהֶ֔ם אֶל־רְחַבְעָ֖ם מֶ֣לֶךְ יְהוּדָ֑ה וַהֲרָגֻ֕נִי וְשָׁ֖בוּ אֶל־רְחַבְעָ֥ם מֶֽלֶךְ־יְהוּדָֽה׃

ʼiֽm־yaʻàle֣h׀ háʻá֣m hazė֗h laʻàşò̂֨wţ zĕbáẖi֤ym bĕ̇béyţ־yĕhwáh֙ bi̇yr֣ẇşá̌lia֔m wĕ֠şá̌b lé֣b háʻá֤m hazėh֙ ʼel־ʼàdò֣néyhe֔m ʼel־rĕẖabĕʻá֖m me֣lekĕ yĕhẇdá֑h wahàrágu֕niy wĕşá֖̌bẇ ʼel־rĕẖabĕʻá֥m meֽlekĕ־yĕhẇdáֽh׃

28
וַיִּוָּעַ֣ץ הַמֶּ֔לֶךְ וַיַּ֕עַשׂ שְׁנֵ֖י עֶגְלֵ֣י זָהָ֑ב וַיֹּ֣אמֶר אֲלֵהֶ֗ם רַב־לָכֶם֙ מֵעֲלֹ֣ות יְרוּשָׁלִַ֔ם הִנֵּ֤ה אֱלֹהֶ֨יךָ֙ יִשְׂרָאֵ֔ל אֲשֶׁ֥ר הֶעֱל֖וּךָ מֵאֶ֥רֶץ מִצְרָֽיִם׃

wayi̇wá̇ʻa֣ẕ hamė֔lekĕ wayȧ֕ʻaş̂ şĕ̌né֖y ʻegĕlé֣y záhá֑b wayò֣̇ʼmer ʼàléhe֗m rab־lákem֙ méʻàlò֣wţ yĕrẇşá̌lia֔m hiné֤̇h ʼèlòhe֨yká֙ yişĕ̂ráʼé֔l ʼàşě֥r heʻèl֖ẇká méʼe֥reẕ miẕĕráֽyim׃

29
וַיָּ֥שֶׂם אֶת־הָאֶחָ֖ד בְּבֵֽית־אֵ֑ל וְאֶת־הָאֶחָ֖ד נָתַ֥ן בְּדָֽן׃

wayá֥̇şêm ʼeţ־háʼeẖá֖d bĕ̇béֽyţ־ʼé֑l wĕʼeţ־háʼeẖá֖d náţa֥n bĕ̇dáֽn׃

30
וַיְהִ֛י הַדָּבָ֥ר הַזֶּ֖ה לְחַטָּ֑את וַיֵּלְכ֥וּ הָעָ֛ם לִפְנֵ֥י הָאֶחָ֖ד עַד־דָּֽן׃

wayĕhi֛y hadá̇bá֥r hazė֖h lĕẖatá֑̇ʼţ wayé̇lĕk֥ẇ háʻá֛m lipĕné֥y háʼeẖá֖d ʻad־dáֽ̇n׃

31
וַיַּ֖עַשׂ אֶת־בֵּ֣ית בָּמֹ֑ות וַיַּ֤עַשׂ כֹּֽהֲנִים֙ מִקְצֹ֣ות הָעָ֔ם אֲשֶׁ֥ר לֹֽא־הָי֖וּ מִבְּנֵ֥י לֵוִֽי׃

wayȧ֖ʻaş̂ ʼeţ־bé֣̇yţ bá̇mò֑wţ wayȧ֤ʻaş̂ kòֽ̇hàniym֙ miqĕẕò֣wţ háʻá֔m ʼàşě֥r lòֽʼ־háy֖ẇ mibĕ̇né֥y léwiֽy׃

32
וַיַּ֣עַשׂ יָרָבְעָ֣ם׀ חָ֡ג בַּחֹ֣דֶשׁ הַשְּׁמִינִ֣י בַּחֲמִשָּֽׁה־עָשָׂר֩ יֹ֨ום׀ לַחֹ֜דֶשׁ כֶּחָ֣ג׀ אֲשֶׁ֣ר בִּיהוּדָ֗ה וַיַּ֨עַל֙ עַל־הַמִּזְבֵּ֔חַ כֵּ֤ן עָשָׂה֙ בְּבֵֽית־אֵ֔ל לְזַבֵּ֖חַ לָעֲגָלִ֣ים אֲשֶׁר־עָשָׂ֑ה וְהֶעֱמִיד֙ בְּבֵ֣ית אֵ֔ל אֶת־כֹּהֲנֵ֥י הַבָּמֹ֖ות אֲשֶׁ֥ר עָשָֽׂה׃

wayȧ֣ʻaş̂ yárábĕʻá֣m׀ ẖá֡g bȧẖò֣deş̌ haşĕ̇̌miyni֣y bȧẖàmişáֽ̇̌h־ʻáşá̂r֩ yò֨wm׀ laẖò֜deş̌ kėẖá֣g׀ ʼàşě֣r bi̇yhẇdá֗h wayȧ֨ʻal֙ ʻal־hami̇zĕbé̇֔ẖa ké֤̇n ʻáşá̂h֙ bĕ̇béֽyţ־ʼé֔l lĕzabé֖̇ẖa láʻàgáli֣ym ʼàşěr־ʻáşá֑̂h wĕheʻèmiyd֙ bĕ̇bé֣yţ ʼé֔l ʼeţ־kò̇hàné֥y habá̇mò֖wţ ʼàşě֥r ʻáşáֽ̂h׃

33
וַיַּ֜עַל עַֽל־הַמִּזְבֵּ֣חַ׀ אֲשֶׁר־עָשָׂ֣ה בְּבֵֽית־אֵ֗ל בַּחֲמִשָּׁ֨ה עָשָׂ֥ר יֹום֙ בַּחֹ֣דֶשׁ הַשְּׁמִינִ֔י בַּחֹ֖דֶשׁ אֲשֶׁר־בָּדָ֣א מִלִּבַּד וַיַּ֤עַשׂ חָג֙ לִבְנֵ֣י יִשְׂרָאֵ֔ל וַיַּ֥עַל עַל־הַמִּזְבֵּ֖חַ לְהַקְטִֽיר׃ פ

wayȧ֜ʻal ʻaֽl־hami̇zĕbé֣̇ẖa׀ ʼàşěr־ʻáşá֣̂h bĕ̇béֽyţ־ʼé֗l bȧẖàmişá̇̌֨h ʻáşá֥̂r yòwm֙ bȧẖò֣deş̌ haşĕ̇̌miyni֔y bȧẖò֖deş̌ ʼàşěr־bá̇dá֣ʼ mili̇bȧd wayȧ֤ʻaş̂ ẖág֙ libĕné֣y yişĕ̂ráʼé֔l wayȧ֥ʻal ʻal־hami̇zĕbé֖̇ẖa lĕhaqĕtiֽyr׃ p