Bibles in ancient languages
Old translations
Modern translations

Biblia Hebraica Stuttgartensia 1 Rois 14:28

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
בָּעֵ֣ת הַהִ֔יא חָלָ֖ה אֲבִיָּ֥ה בֶן־יָרָבְעָֽם׃

bá̇ʻé֣ţ hahi֔yʼ ẖálá֖h ʼàbiyá֥̇h ben־yárábĕʻáֽm׃

2
וַיֹּ֨אמֶר יָרָבְעָ֜ם לְאִשְׁתֹּ֗ו ק֤וּמִי נָא֙ וְהִשְׁתַּנִּ֔ית וְלֹ֣א יֵֽדְע֔וּ כִּי־אַתִּי אֵ֣שֶׁת יָרָבְעָ֑ם וְהָלַ֣כְתְּ שִׁלֹ֗ה הִנֵּה־שָׁם֙ אֲחִיָּ֣ה הַנָּבִ֔יא הֽוּא־דִבֶּ֥ר עָלַ֛י לְמֶ֖לֶךְ עַל־הָעָ֥ם הַזֶּֽה׃

wayò̇֨ʼmer yárábĕʻá֜m lĕʼişĕ̌ţò̇֗w q֤ẇmiy náʼ֙ wĕhişĕ̌ţȧni̇֔yţ wĕlò֣ʼ yéֽdĕʻ֔ẇ ki̇y־ʼaţi̇y ʼé֣şěţ yárábĕʻá֑m wĕhála֣kĕţĕ̇ şǐlò֗h hiné̇h־şá̌m֙ ʼàẖiyá֣̇h haná̇bi֔yʼ hֽẇʼ־dibė֥r ʻála֛y lĕme֖lekĕ ʻal־háʻá֥m hazėֽh׃

3
וְלָקַ֣חַתְּ בְּ֠יָדֵךְ עֲשָׂרָ֨ה לֶ֧חֶם וְנִקֻּדִ֛ים וּבַקְבֻּ֥ק דְּבַ֖שׁ וּבָ֣את אֵלָ֑יו ה֚וּא יַגִּ֣יד לָ֔ךְ מַה־יִּֽהְיֶ֖ה לַנָּֽעַר׃

wĕláqa֣ẖaţĕ̇ bĕ̇֠yádékĕ ʻàşá̂rá֨h le֧ẖem wĕniqu̇di֛ym ẇbaqĕbu֥̇q dĕ̇ba֖ş̌ ẇbá֣ʼţ ʼélá֑yw h֚ẇʼ yagi֣̇yd lá֔kĕ mah־yiֽ̇hĕye֖h lanáֽ̇ʻar׃

4
וַתַּ֤עַשׂ כֵּן֙ אֵ֣שֶׁת יָרָבְעָ֔ם וַתָּ֨קָם֙ וַתֵּ֣לֶךְ שִׁלֹ֔ה וַתָּבֹ֖א בֵּ֣ית אֲחִיָּ֑ה וַאֲחִיָּ֨הוּ֙ לֹֽא־יָכֹ֣ל לִרְאֹ֔ות כִּ֛י קָ֥מוּ עֵינָ֖יו מִשֵּׂיבֹֽו׃ ס

waţȧ֤ʻaş̂ ké̇n֙ ʼé֣şěţ yárábĕʻá֔m waţá̇֨qám֙ waţé֣̇lekĕ şǐlò֔h waţá̇bò֖ʼ bé֣̇yţ ʼàẖiyá֑̇h waʼàẖiyá̇֨hẇ֙ lòֽʼ־yákò֣l lirĕʼò֔wţ ki֛̇y qá֥mẇ ʻéyná֖yw mişé̇̂ybòֽw׃ s

5
וַיהוָ֞ה אָמַ֣ר אֶל־אֲחִיָּ֗הוּ הִנֵּ֣ה אֵ֣שֶׁת יָרָבְעָ֡ם בָּאָ֣ה לִדְרֹשׁ֩ דָּבָ֨ר מֵעִמְּךָ֤ אֶל־בְּנָהּ֙ כִּֽי־חֹלֶ֣ה ה֔וּא כָּזֹ֥ה וְכָזֶ֖ה תְּדַבֵּ֣ר אֵלֶ֑יהָ וִיהִ֣י כְבֹאָ֔הּ וְהִ֖יא מִתְנַכֵּרָֽה׃

wayhwá֞h ʼáma֣r ʼel־ʼàẖiyá̇֗hẇ hiné֣̇h ʼé֣şěţ yárábĕʻá֡m bá̇ʼá֣h lidĕròş̌֩ dá̇bá֨r méʻimĕ̇ká֤ ʼel־bĕ̇náḣ֙ kiֽ̇y־ẖòle֣h h֔ẇʼ ká̇zò֥h wĕkáze֖h ţĕ̇dabé֣̇r ʼéle֑yhá wiyhi֣y kĕbòʼá֔ḣ wĕhi֖yʼ miţĕnaké̇ráֽh׃

6
וַיְהִי֩ כִשְׁמֹ֨עַ אֲחִיָּ֜הוּ אֶת־קֹ֤ול רַגְלֶ֨יהָ֙ בָּאָ֣ה בַפֶּ֔תַח וַיֹּ֕אמֶר בֹּ֖אִי אֵ֣שֶׁת יָרָבְעָ֑ם לָ֣מָּה זֶּ֗ה אַ֚תְּ מִתְנַכֵּרָ֔ה וְאָ֣נֹכִ֔י שָׁל֥וּחַ אֵלַ֖יִךְ קָשָֽׁה׃

wayĕhiy֩ kişĕ̌mò֨ʻa ʼàẖiyá̇֜hẇ ʼeţ־qò֤wl ragĕle֨yhá֙ bá̇ʼá֣h bapė֔ţaẖ wayò̇֕ʼmer bò֖̇ʼiy ʼé֣şěţ yárábĕʻá֑m lá֣má̇h zė֗h ʼa֚ţĕ̇ miţĕnaké̇rá֔h wĕʼá֣nòki֔y şá̌l֥ẇẖa ʼéla֖yikĕ qáşáֽ̌h׃

7
לְכִ֞י אִמְרִ֣י לְיָרָבְעָ֗ם כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל יַ֛עַן אֲשֶׁ֥ר הֲרִימֹתִ֖יךָ מִתֹּ֣וךְ הָעָ֑ם וָאֶתֶּנְךָ֣ נָגִ֔יד עַ֖ל עַמִּ֥י יִשְׂרָאֵֽל׃

lĕki֞y ʼimĕri֣y lĕyárábĕʻá֗m kòֽ̇h־ʼáma֤r yĕhwáh֙ ʼèlòhé֣y yişĕ̂ráʼé֔l ya֛ʻan ʼàşě֥r hàriymòţi֖yká miţò֣̇wkĕ háʻá֑m wáʼeţėnĕká֣ nági֔yd ʻa֖l ʻami֥̇y yişĕ̂ráʼéֽl׃

8
וָאֶקְרַ֤ע אֶת־הַמַּמְלָכָה֙ מִבֵּ֣ית דָּוִ֔ד וָאֶתְּנֶ֖הָ לָ֑ךְ וְלֹֽא־הָיִ֜יתָ כְּעַבְדִּ֣י דָוִ֗ד אֲשֶׁר֩ שָׁמַ֨ר מִצְוֹתַ֜י וַאֲשֶׁר־הָלַ֤ךְ אַחֲרַי֙ בְּכָל־לְבָבֹ֔ו לַעֲשֹׂ֕ות רַ֖ק הַיָּשָׁ֥ר בְּעֵינָֽי׃

wáʼeqĕra֤ʻ ʼeţ־hamȧmĕlákáh֙ mibé֣̇yţ dá̇wi֔d wáʼeţĕ̇ne֖há lá֑kĕ wĕlòֽʼ־háyi֜yţá kĕ̇ʻabĕdi֣̇y dáwi֗d ʼàşěr֩ şá̌ma֨r miẕĕwòţa֜y waʼàşěr־hála֤kĕ ʼaẖàray֙ bĕ̇kál־lĕbábò֔w laʻàşò̂֕wţ ra֖q hayá̇şá֥̌r bĕ̇ʻéynáֽy׃

9
וַתָּ֣רַע לַעֲשֹׂ֔ות מִכֹּ֖ל אֲשֶׁר־הָי֣וּ לְפָנֶ֑יךָ וַתֵּ֡לֶךְ וַתַּעֲשֶׂה־לְּךָ֩ אֱלֹהִ֨ים אֲחֵרִ֤ים וּמַסֵּכֹות֙ לְהַכְעִיסֵ֔נִי וְאֹתִ֥י הִשְׁלַ֖כְתָּ אַחֲרֵ֥י גַוֶּֽךָ׃ ס

waţá֣̇raʻ laʻàşò̂֔wţ mikò֖̇l ʼàşěr־háy֣ẇ lĕpáne֑yká waţé̇֡lekĕ waţȧʻàşêh־lĕ̇ká֩ ʼèlòhi֨ym ʼàẖéri֤ym ẇmasé̇kòwţ֙ lĕhakĕʻiysé֔niy wĕʼòţi֥y hişĕ̌la֖kĕţá̇ ʼaẖàré֥y gawėֽká׃ s

10
לָכֵ֗ן הִנְנִ֨י מֵבִ֤יא רָעָה֙ אֶל־בֵּ֣ית יָרָבְעָ֔ם וְהִכְרַתִּ֤י לְיָֽרָבְעָם֙ מַשְׁתִּ֣ין בְּקִ֔יר עָצ֥וּר וְעָז֖וּב בְּיִשְׂרָאֵ֑ל וּבִֽעַרְתִּי֙ אַחֲרֵ֣י בֵית־יָרָבְעָ֔ם כַּאֲשֶׁ֛ר יְבַעֵ֥ר הַגָּלָ֖ל עַד־תֻּמֹּֽו׃

láké֗n hinĕni֨y mébi֤yʼ ráʻáh֙ ʼel־bé֣̇yţ yárábĕʻá֔m wĕhikĕraţi֤̇y lĕyáֽrábĕʻám֙ maşĕ̌ţi֣̇yn bĕ̇qi֔yr ʻáẕ֥ẇr wĕʻáz֖ẇb bĕ̇yişĕ̂ráʼé֑l ẇbiֽʻarĕţi̇y֙ ʼaẖàré֣y béyţ־yárábĕʻá֔m kȧʼàşě֛r yĕbaʻé֥r hagá̇lá֖l ʻad־ţu̇mòֽ̇w׃

11
הַמֵּ֨ת לְיָֽרָבְעָ֤ם בָּעִיר֙ יֹאכְל֣וּ הַכְּלָבִ֔ים וְהַמֵּת֙ בַּשָּׂדֶ֔ה יֹאכְל֖וּ ע֣וֹף הַשָּׁמָ֑יִם כִּ֥י יְהוָ֖ה דִּבֵּֽר׃

hamé̇֨ţ lĕyáֽrábĕʻá֤m bá̇ʻiyr֙ yòʼkĕl֣ẇ hakĕ̇lábi֔ym wĕhamé̇ţ֙ bȧşá̇̂de֔h yòʼkĕl֖ẇ ʻ֣wòp haşá̇̌má֑yim ki֥̇y yĕhwá֖h di̇béֽ̇r׃

12
וְאַ֥תְּ ק֖וּמִי לְכִ֣י לְבֵיתֵ֑ךְ בְּבֹאָ֥ה רַגְלַ֛יִךְ הָעִ֖ירָה וּמֵ֥ת הַיָּֽלֶד׃

wĕʼa֥ţĕ̇ q֖ẇmiy lĕki֣y lĕbéyţé֑kĕ bĕ̇bòʼá֥h ragĕla֛yikĕ háʻi֖yráh ẇmé֥ţ hayáֽ̇led׃

13
וְסָֽפְדוּ־ל֤וֹ כָל־יִשְׂרָאֵל֙ וְקָבְר֣וּ אֹת֔וֹ כִּֽי־זֶ֣ה לְבַדּ֔וֹ יָבֹ֥א לְיָרָבְעָ֖ם אֶל־קָ֑בֶר יַ֣עַן נִמְצָא־ב֞וֹ דָּבָ֣ר ט֗וֹב אֶל־יְהוָ֛ה אֱלֹהֵ֥י יִשְׂרָאֵ֖ל בְּבֵ֥ית יָרָבְעָֽם

wĕsáֽpĕdẇ־l֤wò kál־yişĕ̂ráʼél֙ wĕqábĕr֣ẇ ʼòţ֔wò kiֽ̇y־ze֣h lĕbaḋ֔wò yábò֥ʼ lĕyárábĕʻá֖m ʼel־qá֑ber ya֣ʻan nimĕẕáʼ־b֞wò dá̇bá֣r t֗wòb ʼel־yĕhwá֛h ʼèlòhé֥y yişĕ̂ráʼé֖l bĕ̇bé֥yţ yárábĕʻáֽm

14
וְהֵקִים֩ יְהוָ֨ה לֹ֥ו מֶ֨לֶךְ֙ עַל־יִשְׂרָאֵ֔ל אֲשֶׁ֥ר יַכְרִ֛ית אֶת־בֵּ֥ית יָרָבְעָ֖ם זֶ֣ה הַיֹּ֑ום וּמֶ֖ה גַּם־עָֽתָּה׃

wĕhéqiym֩ yĕhwá֨h lò֥w me֨lekĕ֙ ʻal־yişĕ̂ráʼé֔l ʼàşě֥r yakĕri֛yţ ʼeţ־bé֥̇yţ yárábĕʻá֖m ze֣h hayò֑̇wm ẇme֖h gȧm־ʻáֽţá̇h׃

15
וְהִכָּ֨ה יְהוָ֜ה אֶת־יִשְׂרָאֵ֗ל כַּאֲשֶׁ֨ר יָנ֣וּד הַקָּנֶה֮ בַּמַּיִם֒ וְנָתַ֣שׁ אֶת־יִשְׂרָאֵ֗ל מֵ֠עַל הָאֲדָמָ֨ה הַטֹּובָ֤ה הַזֹּאת֙ אֲשֶׁ֤ר נָתַן֙ לַאֲבֹ֣ותֵיהֶ֔ם וְזֵרָ֖ם מֵעֵ֣בֶר לַנָּהָ֑ר יַ֗עַן אֲשֶׁ֤ר עָשׂוּ֙ אֶת־אֲשֵׁ֣רֵיהֶ֔ם מַכְעִיסִ֖ים אֶת־יְהוָֽה׃

wĕhiká̇֨h yĕhwá֜h ʼeţ־yişĕ̂ráʼé֗l kȧʼàşě֨r yán֣ẇd haqá̇neh֮ bȧmȧyim֒ wĕnáţa֣ş̌ ʼeţ־yişĕ̂ráʼé֗l mé֠ʻal háʼàdámá֨h hatò̇wbá֤h hazò̇ʼţ֙ ʼàşě֤r náţan֙ laʼàbò֣wţéyhe֔m wĕzérá֖m méʻé֣ber laná̇há֑r ya֗ʻan ʼàşě֤r ʻáş̂ẇ֙ ʼeţ־ʼàşé֣̌réyhe֔m makĕʻiysi֖ym ʼeţ־yĕhwáֽh׃

16
וְיִתֵּ֖ן אֶת־יִשְׂרָאֵ֑ל בִּגְלַ֞ל חַטֹּ֤אות יָֽרָבְעָם֙ אֲשֶׁ֣ר חָטָ֔א וַאֲשֶׁ֥ר הֶחֱטִ֖יא אֶת־יִשְׂרָאֵֽל׃

wĕyiţé֖̇n ʼeţ־yişĕ̂ráʼé֑l bi̇gĕla֞l ẖatò֤̇ʼwţ yáֽrábĕʻám֙ ʼàşě֣r ẖátá֔ʼ waʼàşě֥r heẖèti֖yʼ ʼeţ־yişĕ̂ráʼéֽl׃

17
וַתָּ֨קָם֙ אֵ֣שֶׁת יָרָבְעָ֔ם וַתֵּ֖לֶךְ וַתָּבֹ֣א תִרְצָ֑תָה הִ֛יא בָּאָ֥ה בְסַף־הַבַּ֖יִת וְהַנַּ֥עַר מֵֽת׃

waţá̇֨qám֙ ʼé֣şěţ yárábĕʻá֔m waţé֖̇lekĕ waţá̇bò֣ʼ ţirĕẕá֑ţáh hi֛yʼ bá̇ʼá֥h bĕsap־habȧ֖yiţ wĕhanȧ֥ʻar méֽţ׃

18
וַיִּקְבְּר֥וּ אֹת֛וֹ וַיִּסְפְּדוּ־ל֖וֹ כָּל־יִשְׂרָאֵ֑ל כִּדְבַ֤ר יְהוָה֙ אֲשֶׁ֣ר דִּבֶּ֔ר בְּיַד־עַבְדּ֖וֹ אֲחִיָּ֥הוּ הַנָּבִֽיא׃

wayi̇qĕbĕ̇r֥ẇ ʼòţ֛wò wayi̇sĕpĕ̇dẇ־l֖wò ká̇l־yişĕ̂ráʼé֑l ki̇dĕba֤r yĕhwáh֙ ʼàşě֣r di̇bė֔r bĕ̇yad־ʻabĕḋ֖wò ʼàẖiyá֥̇hẇ haná̇biֽyʼ׃

19
וְיֶ֨תֶר֙ דִּבְרֵ֣י יָֽרָבְעָ֔ם אֲשֶׁ֥ר נִלְחַ֖ם וַאֲשֶׁ֣ר מָלָ֑ךְ הִנָּ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

wĕye֨ţer֙ di̇bĕré֣y yáֽrábĕʻá֔m ʼàşě֥r nilĕẖa֖m waʼàşě֣r málá֑kĕ hiná֣̇m kĕ̇ţẇbi֗ym ʻal־sé֛per di̇bĕré֥y hayá̇mi֖ym lĕmalĕké֥y yişĕ̂ráʼéֽl׃

20
וְהַיָּמִים֙ אֲשֶׁ֣ר מָלַ֣ךְ יָרָבְעָ֔ם עֶשְׂרִ֥ים וּשְׁתַּ֖יִם שָׁנָ֑ה וַיִּשְׁכַּב֙ עִם־אֲבֹתָ֔יו וַיִּמְלֹ֛ךְ נָדָ֥ב בְּנֹ֖ו תַּחְתָּֽיו׃ פ

wĕhayá̇miym֙ ʼàşě֣r mála֣kĕ yárábĕʻá֔m ʻeşĕ̂ri֥ym ẇşĕ̌ţȧ֖yim şá̌ná֑h wayi̇şĕ̌kȧb֙ ʻim־ʼàbòţá֔yw wayi̇mĕlò֛kĕ nádá֥b bĕ̇nò֖w ţȧẖĕţáֽ̇yw׃ p

21
וּרְחַבְעָם֙ בֶּן־שְׁלֹמֹ֔ה מָלַ֖ךְ בִּֽיהוּדָ֑ה בֶּן־אַרְבָּעִ֣ים וְאַחַ֣ת שָׁנָה֩ רְחַבְעָ֨ם בְּמָלְכֹ֜ו וּֽשֲׁבַ֨ע עֶשְׂרֵ֥ה שָׁנָ֣ה׀ מָלַ֣ךְ בִּירוּשָׁלִַ֗ם הָ֠עִיר אֲשֶׁר־בָּחַ֨ר יְהוָ֜ה לָשׂ֨וּם אֶת־שְׁמֹ֥ו שָׁם֙ מִכֹּל֙ שִׁבְטֵ֣י יִשְׂרָאֵ֔ל וְשֵׁ֣ם אִמֹּ֔ו נַעֲמָ֖ה הָעַמֹּנִֽית׃

ẇrĕẖabĕʻám֙ bėn־şĕ̌lòmò֔h mála֖kĕ biֽ̇yhẇdá֑h bėn־ʼarĕbá̇ʻi֣ym wĕʼaẖa֣ţ şá̌náh֩ rĕẖabĕʻá֨m bĕ̇málĕkò֜w ẇֽşà̌ba֨ʻ ʻeşĕ̂ré֥h şá̌ná֣h׀ mála֣kĕ bi̇yrẇşá̌lia֗m há֠ʻiyr ʼàşěr־bá̇ẖa֨r yĕhwá֜h láş̂֨ẇm ʼeţ־şĕ̌mò֥w şá̌m֙ mikò̇l֙ şǐbĕté֣y yişĕ̂ráʼé֔l wĕşé֣̌m ʼimò̇֔w naʻàmá֖h háʻamò̇niֽyţ׃

22
וַיַּ֧עַשׂ יְהוּדָ֛ה הָרַ֖ע בְּעֵינֵ֣י יְהוָ֑ה וַיְקַנְא֣וּ אֹתֹ֗ו מִכֹּל֙ אֲשֶׁ֣ר עָשׂ֣וּ אֲבֹתָ֔ם בְּחַטֹּאתָ֖ם אֲשֶׁ֥ר חָטָֽאוּ׃

wayȧ֧ʻaş̂ yĕhẇdá֛h hára֖ʻ bĕ̇ʻéyné֣y yĕhwá֑h wayĕqanĕʼ֣ẇ ʼòţò֗w mikò̇l֙ ʼàşě֣r ʻáş֣̂ẇ ʼàbòţá֔m bĕ̇ẖatò̇ʼţá֖m ʼàşě֥r ẖátáֽʼẇ׃

23
וַיִּבְנ֨וּ גַם־הֵ֧מָּה לָהֶ֛ם בָּמֹ֥ות וּמַצֵּבֹ֖ות וַאֲשֵׁרִ֑ים עַ֚ל כָּל־גִּבְעָ֣ה גְבֹהָ֔ה וְתַ֖חַת כָּל־עֵ֥ץ רַעֲנָֽן׃

wayi̇bĕn֨ẇ gam־hé֧má̇h láhe֛m bá̇mò֥wţ ẇmaẕé̇bò֖wţ waʼàşé̌ri֑ym ʻa֚l ká̇l־gi̇bĕʻá֣h gĕbòhá֔h wĕţa֖ẖaţ ká̇l־ʻé֥ẕ raʻànáֽn׃

24
וְגַם־קָדֵ֖שׁ הָיָ֣ה בָאָ֑רֶץ עָשׂ֗וּ כְּכֹל֙ הַתֹּועֲבֹ֣ת הַגֹּויִ֔ם אֲשֶׁר֙ הֹורִ֣ישׁ יְהוָ֔ה מִפְּנֵ֖י בְּנֵ֥י יִשְׂרָאֵֽל׃ פ

wĕgam־qádé֖ş̌ háyá֣h báʼá֑reẕ ʻáş̂֗ẇ kĕ̇kòl֙ haţò̇wʻàbò֣ţ hagò̇wyi֔m ʼàşěr֙ hòwri֣yş̌ yĕhwá֔h mipĕ̇né֖y bĕ̇né֥y yişĕ̂ráʼéֽl׃ p

25
וַיְהִ֛י בַּשָּׁנָ֥ה הַחֲמִישִׁ֖ית לַמֶּ֣לֶךְ רְחַבְעָ֑ם עָלָ֛ה שׁוּשַׁק מֶֽלֶךְ־מִצְרַ֖יִם עַל־יְרוּשָׁלִָֽם׃

wayĕhi֛y bȧşá̇̌ná֥h haẖàmiyşǐ֖yţ lamė֣lekĕ rĕẖabĕʻá֑m ʻálá֛h ş̌ẇşǎq meֽlekĕ־miẕĕra֖yim ʻal־yĕrẇşá̌láֽim׃

26
וַיִּקַּ֞ח אֶת־אֹצְרֹ֣ות בֵּית־יְהוָ֗ה וְאֶת־אֹֽוצְרֹות֙ בֵּ֣ית הַמֶּ֔לֶךְ וְאֶת־הַכֹּ֖ל לָקָ֑ח וַיִּקַּח֙ אֶת־כָּל־מָגִנֵּ֣י הַזָּהָ֔ב אֲשֶׁ֥ר עָשָׂ֖ה שְׁלֹמֹֽה׃

wayi̇qȧ֞ẖ ʼeţ־ʼòẕĕrò֣wţ bé̇yţ־yĕhwá֗h wĕʼeţ־ʼòֽwẕĕròwţ֙ bé֣̇yţ hamė֔lekĕ wĕʼeţ־hakò֖̇l láqá֑ẖ wayi̇qȧẖ֙ ʼeţ־ká̇l־máginé֣̇y hazá̇há֔b ʼàşě֥r ʻáşá֖̂h şĕ̌lòmòֽh׃

27
וַיַּ֨עַשׂ הַמֶּ֤לֶךְ רְחַבְעָם֙ תַּחְתָּ֔ם מָגִנֵּ֖י נְחֹ֑שֶׁת וְהִפְקִ֗יד עַל־יַד֙ שָׂרֵ֣י הָרָצִ֔ים הַשֹּׁ֣מְרִ֔ים פֶּ֖תַח בֵּ֥ית הַמֶּֽלֶךְ׃

wayȧ֨ʻaş̂ hamė֤lekĕ rĕẖabĕʻám֙ ţȧẖĕţá̇֔m máginé֖̇y nĕẖò֑şěţ wĕhipĕqi֗yd ʻal־yad֙ şá̂ré֣y háráẕi֔ym haşò֣̇̌mĕri֔ym pė֖ţaẖ bé֥̇yţ hamėֽlekĕ׃

28
וַיְהִ֛י מִדֵּי־בֹ֥א הַמֶּ֖לֶךְ בֵּ֣ית יְהוָ֑ה יִשָּׂאוּם֙ הָֽרָצִ֔ים וֶהֱשִׁיב֖וּם אֶל־תָּ֥א הָרָצִֽים׃

wayĕhi֛y midé̇y־bò֥ʼ hamė֖lekĕ bé֣̇yţ yĕhwá֑h yişá̇̂ʼẇm֙ háֽráẕi֔ym wehèşǐyb֖ẇm ʼel־ţá֥̇ʼ háráẕiֽym׃

29
וְיֶ֛תֶר דִּבְרֵ֥י רְחַבְעָ֖ם וְכָל־אֲשֶׁ֣ר עָשָׂ֑ה הֲלֹא־הֵ֣מָּה כְתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

wĕye֛ţer di̇bĕré֥y rĕẖabĕʻá֖m wĕkál־ʼàşě֣r ʻáşá֑̂h hàlòʼ־hé֣má̇h kĕţẇbi֗ym ʻal־sé֛per di̇bĕré֥y hayá̇mi֖ym lĕmalĕké֥y yĕhẇdáֽh׃

30
וּמִלְחָמָ֨ה הָיְתָ֧ה בֵין־רְחַבְעָ֛ם וּבֵ֥ין יָרָבְעָ֖ם כָּל־הַיָּמִֽים׃

ẇmilĕẖámá֨h háyĕţá֧h béyn־rĕẖabĕʻá֛m ẇbé֥yn yárábĕʻá֖m ká̇l־hayá̇miֽym׃

31
וַיִּשְׁכַּ֨ב רְחַבְעָ֜ם עִם־אֲבֹתָ֗יו וַיִּקָּבֵ֤ר עִם־אֲבֹתָיו֙ בְּעִ֣יר דָּוִ֔ד וְשֵׁ֣ם אִמֹּ֔ו נַעֲמָ֖ה הָעַמֹּנִ֑ית וַיִּמְלֹ֛ךְ אֲבִיָּ֥ם בְּנֹ֖ו תַּחְתָּֽיו׃ פ

wayi̇şĕ̌kȧ֨b rĕẖabĕʻá֜m ʻim־ʼàbòţá֗yw wayi̇qá̇bé֤r ʻim־ʼàbòţáyw֙ bĕ̇ʻi֣yr dá̇wi֔d wĕşé֣̌m ʼimò̇֔w naʻàmá֖h háʻamò̇ni֑yţ wayi̇mĕlò֛kĕ ʼàbiyá֥̇m bĕ̇nò֖w ţȧẖĕţáֽ̇yw׃ p