Bibles in ancient languages
Old translations
Modern translations

Biblia Hebraica Stuttgartensia 1 Rois 16:10

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֤י דְבַר־יְהוָה֙ אֶל־יֵה֣וּא בֶן־חֲנָ֔נִי עַל־בַּעְשָׁ֖א לֵאמֹֽר׃

wayĕhi֤y dĕbar־yĕhwáh֙ ʼel־yéh֣ẇʼ ben־ẖàná֔niy ʻal־bȧʻĕşá֖̌ʼ léʼmòֽr׃

2
יַ֗עַן אֲשֶׁ֤ר הֲרִימֹתִ֨יךָ֙ מִן־הֶ֣עָפָ֔ר וָאֶתֶּנְךָ֣ נָגִ֔יד עַ֖ל עַמִּ֣י יִשְׂרָאֵ֑ל וַתֵּ֣לֶךְ׀ בְּדֶ֣רֶךְ יָרָבְעָ֗ם וַֽתַּחֲטִא֙ אֶת־עַמִּ֣י יִשְׂרָאֵ֔ל לְהַכְעִיסֵ֖נִי בְּחַטֹּאתָֽם׃

ya֗ʻan ʼàşě֤r hàriymòţi֨yká֙ min־he֣ʻápá֔r wáʼeţėnĕká֣ nági֔yd ʻa֖l ʻami֣̇y yişĕ̂ráʼé֑l waţé֣̇lekĕ׀ bĕ̇de֣rekĕ yárábĕʻá֗m waֽţȧẖàtiʼ֙ ʼeţ־ʻami֣̇y yişĕ̂ráʼé֔l lĕhakĕʻiysé֖niy bĕ̇ẖatò̇ʼţáֽm׃

3
הִנְנִ֥י מַבְעִ֛יר אַחֲרֵ֥י בַעְשָׁ֖א וְאַחֲרֵ֣י בֵיתֹ֑ו וְנָֽתַתִּי֙ אֶת־בֵּ֣יתְךָ֔ כְּבֵ֖ית יָרָבְעָ֥ם בֶּן־נְבָֽט׃

hinĕni֥y mabĕʻi֛yr ʼaẖàré֥y baʻĕşá֖̌ʼ wĕʼaẖàré֣y béyţò֑w wĕnáֽţaţi̇y֙ ʼeţ־bé֣̇yţĕká֔ kĕ̇bé֖yţ yárábĕʻá֥m bėn־nĕbáֽt׃

4
הַמֵּ֤ת לְבַעְשָׁא֙ בָּעִ֔יר יֹֽאכְל֖וּ הַכְּלָבִ֑ים וְהַמֵּ֥ת לֹו֙ בַּשָּׂדֶ֔ה יֹאכְל֖וּ עֹ֥וף הַשָּׁמָֽיִם׃

hamé֤̇ţ lĕbaʻĕşá̌ʼ֙ bá̇ʻi֔yr yòֽʼkĕl֖ẇ hakĕ̇lábi֑ym wĕhamé֥̇ţ lòw֙ bȧşá̇̂de֔h yòʼkĕl֖ẇ ʻò֥wp haşá̇̌máֽyim׃

5
וְיֶ֨תֶר דִּבְרֵ֥י בַעְשָׁ֛א וַאֲשֶׁ֥ר עָשָׂ֖ה וּגְבֽוּרָתֹ֑ו הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

wĕye֨ţer di̇bĕré֥y baʻĕşá֛̌ʼ waʼàşě֥r ʻáşá֖̂h ẇgĕbֽẇráţò֑w hàlòʼ־hé֣m kĕ̇ţẇbi֗ym ʻal־sé֛per di̇bĕré֥y hayá̇mi֖ym lĕmalĕké֥y yişĕ̂ráʼéֽl׃

6
וַיִּשְׁכַּ֤ב בַּעְשָׁא֙ עִם־אֲבֹתָ֔יו וַיִּקָּבֵ֖ר בְּתִרְצָ֑ה וַיִּמְלֹ֛ךְ אֵלָ֥ה בְנֹ֖ו תַּחְתָּֽיו׃

wayi̇şĕ̌kȧ֤b bȧʻĕşá̌ʼ֙ ʻim־ʼàbòţá֔yw wayi̇qá̇bé֖r bĕ̇ţirĕẕá֑h wayi̇mĕlò֛kĕ ʼélá֥h bĕnò֖w ţȧẖĕţáֽ̇yw׃

7
וְגַ֡ם בְּיַד־יֵה֨וּא בֶן־חֲנָ֜נִי הַנָּבִ֗יא דְּבַר־יְהוָ֡ה הָיָה֩ אֶל־בַּעְשָׁ֨א וְאֶל־בֵּיתֹ֜ו וְעַ֥ל כָּל־הָרָעָ֣ה׀ אֲשֶׁר־עָשָׂ֣ה׀ בְּעֵינֵ֣י יְהוָ֗ה לְהַכְעִיסֹו֙ בְּמַעֲשֵׂ֣ה יָדָ֔יו לִהְיֹ֖ות כְּבֵ֣ית יָרָבְעָ֑ם וְעַ֥ל אֲשֶׁר־הִכָּ֖ה אֹתֹֽו׃ פ

wĕga֡m bĕ̇yad־yéh֨ẇʼ ben־ẖàná֜niy haná̇bi֗yʼ dĕ̇bar־yĕhwá֡h háyáh֩ ʼel־bȧʻĕşá̌֨ʼ wĕʼel־bé̇yţò֜w wĕʻa֥l ká̇l־háráʻá֣h׀ ʼàşěr־ʻáşá֣̂h׀ bĕ̇ʻéyné֣y yĕhwá֗h lĕhakĕʻiysòw֙ bĕ̇maʻàşé֣̂h yádá֔yw lihĕyò֖wţ kĕ̇bé֣yţ yárábĕʻá֑m wĕʻa֥l ʼàşěr־hiká֖̇h ʼòţòֽw׃ p

8
בִּשְׁנַ֨ת עֶשְׂרִ֤ים וָשֵׁשׁ֙ שָׁנָ֔ה לְאָסָ֖א מֶ֣לֶךְ יְהוּדָ֑ה מָ֠לַךְ אֵלָ֨ה בֶן־בַּעְשָׁ֧א עַל־יִשְׂרָאֵ֛ל בְּתִרְצָ֖ה שְׁנָתָֽיִם׃

bi̇şĕ̌na֨ţ ʻeşĕ̂ri֤ym wáşé̌ş̌֙ şá̌ná֔h lĕʼásá֖ʼ me֣lekĕ yĕhẇdá֑h má֠lakĕ ʼélá֨h ben־bȧʻĕşá֧̌ʼ ʻal־yişĕ̂ráʼé֛l bĕ̇ţirĕẕá֖h şĕ̌náţáֽyim׃

9
וַיִּקְשֹׁ֤ר עָלָיו֙ עַבְדֹּ֣ו זִמְרִ֔י שַׂ֖ר מַחֲצִ֣ית הָרָ֑כֶב וְה֤וּא בְתִרְצָה֙ שֹׁתֶ֣ה שִׁכֹּ֔ור בֵּ֣ית אַרְצָ֔א אֲשֶׁ֥ר עַל־הַבַּ֖יִת בְּתִרְצָֽה׃

wayi̇qĕşò֤̌r ʻáláyw֙ ʻabĕdò֣̇w zimĕri֔y şâ֖r maẖàẕi֣yţ hárá֑keb wĕh֤ẇʼ bĕţirĕẕáh֙ şò̌ţe֣h şǐkò̇֔wr bé֣̇yţ ʼarĕẕá֔ʼ ʼàşě֥r ʻal־habȧ֖yiţ bĕ̇ţirĕẕáֽh׃

10
וַיָּבֹ֤א זִמְרִי֙ וַיַּכֵּ֣הוּ וַיְמִיתֵ֔הוּ בִּשְׁנַת֙ עֶשְׂרִ֣ים וָשֶׁ֔בַע לְאָסָ֖א מֶ֣לֶךְ יְהוּדָ֑ה וַיִּמְלֹ֖ךְ תַּחְתָּֽיו׃

wayá̇bò֤ʼ zimĕriy֙ wayȧké֣̇hẇ wayĕmiyţé֔hẇ bi̇şĕ̌naţ֙ ʻeşĕ̂ri֣ym wáşě֔baʻ lĕʼásá֖ʼ me֣lekĕ yĕhẇdá֑h wayi̇mĕlò֖kĕ ţȧẖĕţáֽ̇yw׃

11
וַיְהִ֨י בְמָלְכֹ֜ו כְּשִׁבְתֹּ֣ו עַל־כִּסְאֹ֗ו הִכָּה֙ אֶת־כָּל־בֵּ֣ית בַּעְשָׁ֔א לֹֽא־הִשְׁאִ֥יר לֹ֖ו מַשְׁתִּ֣ין בְּקִ֑יר וְגֹאֲלָ֖יו וְרֵעֵֽהוּ׃

wayĕhi֨y bĕmálĕkò֜w kĕ̇şǐbĕţò֣̇w ʻal־ki̇sĕʼò֗w hiká̇h֙ ʼeţ־ká̇l־bé֣̇yţ bȧʻĕşá̌֔ʼ lòֽʼ־hişĕ̌ʼi֥yr lò֖w maşĕ̌ţi֣̇yn bĕ̇qi֑yr wĕgòʼàlá֖yw wĕréʻéֽhẇ׃

12
וַיַּשְׁמֵ֣ד זִמְרִ֔י אֵ֖ת כָּל־בֵּ֣ית בַּעְשָׁ֑א כִּדְבַ֤ר יְהוָה֙ אֲשֶׁ֣ר דִּבֶּ֣ר אֶל־בַּעְשָׁ֔א בְּיַ֖ד יֵה֥וּא הַנָּבִֽיא׃

wayȧşĕ̌mé֣d zimĕri֔y ʼé֖ţ ká̇l־bé֣̇yţ bȧʻĕşá֑̌ʼ ki̇dĕba֤r yĕhwáh֙ ʼàşě֣r di̇bė֣r ʼel־bȧʻĕşá̌֔ʼ bĕ̇ya֖d yéh֥ẇʼ haná̇biֽyʼ׃

13
אֶ֚ל כָּל־חַטֹּ֣אות בַּעְשָׁ֔א וְחַטֹּ֖אות אֵלָ֣ה בְנֹ֑ו אֲשֶׁ֣ר חָטְא֗וּ וַאֲשֶׁ֤ר הֶחֱטִ֨יאוּ֙ אֶת־יִשְׂרָאֵ֔ל לְהַכְעִ֗יס אֶת־יְהוָ֛ה אֱלֹהֵ֥י יִשְׂרָאֵ֖ל בְּהַבְלֵיהֶֽם׃

ʼe֚l ká̇l־ẖatò֣̇ʼwţ bȧʻĕşá̌֔ʼ wĕẖatò֖̇ʼwţ ʼélá֣h bĕnò֑w ʼàşě֣r ẖátĕʼ֗ẇ waʼàşě֤r heẖèti֨yʼẇ֙ ʼeţ־yişĕ̂ráʼé֔l lĕhakĕʻi֗ys ʼeţ־yĕhwá֛h ʼèlòhé֥y yişĕ̂ráʼé֖l bĕ̇habĕléyheֽm׃

14
וְיֶ֛תֶר דִּבְרֵ֥י אֵלָ֖ה וְכָל־אֲשֶׁ֣ר עָשָׂ֑ה הֲלֹֽוא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ פ

wĕye֛ţer di̇bĕré֥y ʼélá֖h wĕkál־ʼàşě֣r ʻáşá֑̂h hàlòֽwʼ־hé֣m kĕ̇ţẇbi֗ym ʻal־sé֛per di̇bĕré֥y hayá̇mi֖ym lĕmalĕké֥y yişĕ̂ráʼéֽl׃ p

15
בִּשְׁנַת֩ עֶשְׂרִ֨ים וָשֶׁ֜בַע שָׁנָ֗ה לְאָסָא֙ מֶ֣לֶךְ יְהוּדָ֔ה מָלַ֥ךְ זִמְרִ֛י שִׁבְעַ֥ת יָמִ֖ים בְּתִרְצָ֑ה וְהָעָ֣ם חֹנִ֔ים עַֽל־גִּבְּתֹ֖ון אֲשֶׁ֥ר לַפְּלִשְׁתִּֽים׃

bi̇şĕ̌naţ֩ ʻeşĕ̂ri֨ym wáşě֜baʻ şá̌ná֗h lĕʼásáʼ֙ me֣lekĕ yĕhẇdá֔h mála֥kĕ zimĕri֛y şǐbĕʻa֥ţ yámi֖ym bĕ̇ţirĕẕá֑h wĕháʻá֣m ẖòni֔ym ʻaֽl־gi̇bĕ̇ţò֖wn ʼàşě֥r lapĕ̇lişĕ̌ţiֽ̇ym׃

16
וַיִּשְׁמַ֤ע הָעָם֙ הַחֹנִ֣ים לֵאמֹ֔ר קָשַׁ֣ר זִמְרִ֔י וְגַ֖ם הִכָּ֣ה אֶת־הַמֶּ֑לֶךְ וַיַּמְלִ֣כוּ כָֽל־יִ֠שְׂרָאֵל אֶת־עָמְרִ֨י שַׂר־צָבָ֧א עַל־יִשְׂרָאֵ֛ל בַּיֹּ֥ום הַה֖וּא בַּֽמַּחֲנֶֽה׃

wayi̇şĕ̌ma֤ʻ háʻám֙ haẖòni֣ym léʼmò֔r qáşǎ֣r zimĕri֔y wĕga֖m hiká֣̇h ʼeţ־hamė֑lekĕ wayȧmĕli֣kẇ káֽl־yi֠şĕ̂ráʼél ʼeţ־ʻámĕri֨y şâr־ẕábá֧ʼ ʻal־yişĕ̂ráʼé֛l bȧyò֥̇wm hah֖ẇʼ bȧֽmȧẖàneֽh׃

17
וַיַּעֲלֶ֥ה עָמְרִ֛י וְכָל־יִשְׂרָאֵ֥ל עִמֹּ֖ו מִֽגִּבְּתֹ֑ון וַיָּצֻ֖רוּ עַל־תִּרְצָֽה׃

wayȧʻàle֥h ʻámĕri֛y wĕkál־yişĕ̂ráʼé֥l ʻimò֖̇w miֽgi̇bĕ̇ţò֑wn wayá̇ẕu֖rẇ ʻal־ţi̇rĕẕáֽh׃

18
וַיְהִ֞י כִּרְאֹ֤ות זִמְרִי֙ כִּֽי־נִלְכְּדָ֣ה הָעִ֔יר וַיָּבֹ֖א אֶל־אַרְמֹ֣ון בֵּית־הַמֶּ֑לֶךְ וַיִּשְׂרֹ֨ף עָלָ֧יו אֶת־בֵּֽית־מֶ֛לֶךְ בָּאֵ֖שׁ וַיָּמֹֽת׃

wayĕhi֞y ki̇rĕʼò֤wţ zimĕriy֙ kiֽ̇y־nilĕkĕ̇dá֣h háʻi֔yr wayá̇bò֖ʼ ʼel־ʼarĕmò֣wn bé̇yţ־hamė֑lekĕ wayi̇şĕ̂rò֨p ʻálá֧yw ʼeţ־béֽ̇yţ־me֛lekĕ bá̇ʼé֖ş̌ wayá̇mòֽţ׃

19
עַל־חַטָּאתֹו אֲשֶׁ֣ר חָטָ֔א לַעֲשֹׂ֥ות הָרַ֖ע בְּעֵינֵ֣י יְהוָ֑ה לָלֶ֨כֶת֙ בְּדֶ֣רֶךְ יָרָבְעָ֔ם וּבְחַטָּאתֹו֙ אֲשֶׁ֣ר עָשָׂ֔ה לְהַחֲטִ֖יא אֶת־יִשְׂרָאֵֽל׃

ʻal־ẖatá̇ʼţòw ʼàşě֣r ẖátá֔ʼ laʻàşò֥̂wţ hára֖ʻ bĕ̇ʻéyné֣y yĕhwá֑h lále֨keţ֙ bĕ̇de֣rekĕ yárábĕʻá֔m ẇbĕẖatá̇ʼţòw֙ ʼàşě֣r ʻáşá̂֔h lĕhaẖàti֖yʼ ʼeţ־yişĕ̂ráʼéֽl׃

20
וְיֶ֨תֶר֙ דִּבְרֵ֣י זִמְרִ֔י וְקִשְׁרֹ֖ו אֲשֶׁ֣ר קָשָׁ֑ר הֲלֹֽא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ פ

wĕye֨ţer֙ di̇bĕré֣y zimĕri֔y wĕqişĕ̌rò֖w ʼàşě֣r qáşá֑̌r hàlòֽʼ־hé֣m kĕ̇ţẇbi֗ym ʻal־sé֛per di̇bĕré֥y hayá̇mi֖ym lĕmalĕké֥y yişĕ̂ráʼéֽl׃ p

21
אָ֧ז יֵחָלֵ֛ק הָעָ֥ם יִשְׂרָאֵ֖ל לַחֵ֑צִי חֲצִ֨י הָעָ֜ם הָ֠יָה אַחֲרֵ֨י תִבְנִ֤י בֶן־גִּינַת֙ לְהַמְלִיכֹ֔ו וְהַחֲצִ֖י אַחֲרֵ֥י עָמְרִֽי׃

ʼá֧z yéẖálé֛q háʻá֥m yişĕ̂ráʼé֖l laẖé֑ẕiy ẖàẕi֨y háʻá֜m há֠yáh ʼaẖàré֨y ţibĕni֤y ben־gi̇ynaţ֙ lĕhamĕliykò֔w wĕhaẖàẕi֖y ʼaẖàré֥y ʻámĕriֽy׃

22
וַיֶּחֱזַ֤ק הָעָם֙ אֲשֶׁ֣ר אַחֲרֵ֣י עָמְרִ֔י אֶת־הָעָ֕ם אֲשֶׁ֥ר אַחֲרֵ֖י תִּבְנִ֣י בֶן־גִּינַ֑ת וַיָּ֣מָת תִּבְנִ֔י וַיִּמְלֹ֖ךְ עָמְרִֽי׃ פ

wayėẖèza֤q háʻám֙ ʼàşě֣r ʼaẖàré֣y ʻámĕri֔y ʼeţ־háʻá֕m ʼàşě֥r ʼaẖàré֖y ţi̇bĕni֣y ben־gi̇yna֑ţ wayá֣̇máţ ţi̇bĕni֔y wayi̇mĕlò֖kĕ ʻámĕriֽy׃ p

23
בִּשְׁנַת֩ שְׁלֹשִׁ֨ים וְאַחַ֜ת שָׁנָ֗ה לְאָסָא֙ מֶ֣לֶךְ יְהוּדָ֔ה מָלַ֤ךְ עָמְרִי֙ עַל־יִשְׂרָאֵ֔ל שְׁתֵּ֥ים עֶשְׂרֵ֖ה שָׁנָ֑ה בְּתִרְצָ֖ה מָלַ֥ךְ שֵׁשׁ־שָׁנִֽים׃

bi̇şĕ̌naţ֩ şĕ̌lòşǐ֨ym wĕʼaẖa֜ţ şá̌ná֗h lĕʼásáʼ֙ me֣lekĕ yĕhẇdá֔h mála֤kĕ ʻámĕriy֙ ʻal־yişĕ̂ráʼé֔l şĕ̌ţé֥̇ym ʻeşĕ̂ré֖h şá̌ná֑h bĕ̇ţirĕẕá֖h mála֥kĕ şé̌ş̌־şá̌niֽym׃

24
וַיִּ֜קֶן אֶת־הָהָ֥ר שֹׁמְרֹ֛ון מֵ֥אֶת שֶׁ֖מֶר בְּכִכְּרַ֣יִם כָּ֑סֶף וַיִּ֨בֶן֙ אֶת־הָהָ֔ר וַיִּקְרָ֗א אֶת־שֵׁ֤ם הָעִיר֙ אֲשֶׁ֣ר בָּנָ֔ה עַ֣ל שֶׁם־שֶׁ֔מֶר אֲדֹנֵ֖י הָהָ֥ר שֹׁמְרֹֽון׃

wayi̇֜qen ʼeţ־háhá֥r şò̌mĕrò֛wn mé֥ʼeţ şě֖mer bĕ̇kikĕ̇ra֣yim ká֑̇sep wayi̇֨ben֙ ʼeţ־háhá֔r wayi̇qĕrá֗ʼ ʼeţ־şé֤̌m háʻiyr֙ ʼàşě֣r bá̇ná֔h ʻa֣l şěm־şě֔mer ʼàdòné֖y háhá֥r şò̌mĕròֽwn׃

25
וַיַּעֲשֶׂ֥ה עָמְרִ֛י הָרַ֖ע בְּעֵינֵ֣י יְהוָ֑ה וַיָּ֕רַע מִכֹּ֖ל אֲשֶׁ֥ר לְפָנָֽיו׃

wayȧʻàşê֥h ʻámĕri֛y hára֖ʻ bĕ̇ʻéyné֣y yĕhwá֑h wayá̇֕raʻ mikò֖̇l ʼàşě֥r lĕpánáֽyw׃

26
וַיֵּ֗לֶךְ בְּכָל־דֶּ֨רֶךְ֙ יָרָבְעָ֣ם בֶּן־נְבָ֔ט וּבְחַטֹּאתָיו אֲשֶׁ֥ר הֶחֱטִ֖יא אֶת־יִשְׂרָאֵ֑ל לְהַכְעִ֗יס אֶת־יְהוָ֛ה אֱלֹהֵ֥י יִשְׂרָאֵ֖ל בְּהַבְלֵיהֶֽם׃

wayé̇֗lekĕ bĕ̇kál־dė֨rekĕ֙ yárábĕʻá֣m bėn־nĕbá֔t ẇbĕẖatò̇ʼţáyw ʼàşě֥r heẖèti֖yʼ ʼeţ־yişĕ̂ráʼé֑l lĕhakĕʻi֗ys ʼeţ־yĕhwá֛h ʼèlòhé֥y yişĕ̂ráʼé֖l bĕ̇habĕléyheֽm׃

27
וְיֶ֨תֶר דִּבְרֵ֤י עָמְרִי֙ אֲשֶׁ֣ר עָשָׂ֔ה וּגְבוּרָתֹ֖ו אֲשֶׁ֣ר עָשָׂ֑ה הֲלֹֽא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

wĕye֨ţer di̇bĕré֤y ʻámĕriy֙ ʼàşě֣r ʻáşá̂֔h ẇgĕbẇráţò֖w ʼàşě֣r ʻáşá֑̂h hàlòֽʼ־hé֣m kĕ̇ţẇbi֗ym ʻal־sé֛per di̇bĕré֥y hayá̇mi֖ym lĕmalĕké֥y yişĕ̂ráʼéֽl׃

28
וַיִּשְׁכַּ֤ב עָמְרִי֙ עִם־אֲבֹתָ֔יו וַיִּקָּבֵ֖ר בְּשֹׁמְרֹ֑ון וַיִּמְלֹ֛ךְ אַחְאָ֥ב בְּנֹ֖ו תַּחְתָּֽיו׃ פ

wayi̇şĕ̌kȧ֤b ʻámĕriy֙ ʻim־ʼàbòţá֔yw wayi̇qá̇bé֖r bĕ̇şò̌mĕrò֑wn wayi̇mĕlò֛kĕ ʼaẖĕʼá֥b bĕ̇nò֖w ţȧẖĕţáֽ̇yw׃ p

29
וְאַחְאָ֣ב בֶּן־עָמְרִ֗י מָלַךְ֙ עַל־יִשְׂרָאֵ֔ל בִּשְׁנַ֨ת שְׁלֹשִׁ֤ים וּשְׁמֹנֶה֙ שָׁנָ֔ה לְאָסָ֖א מֶ֣לֶךְ יְהוּדָ֑ה וַ֠יִּמְלֹךְ אַחְאָ֨ב בֶּן־עָמְרִ֤י עַל־יִשְׂרָאֵל֙ בְּשֹׁ֣מְרֹ֔ון עֶשְׂרִ֥ים וּשְׁתַּ֖יִם שָׁנָֽה׃

wĕʼaẖĕʼá֣b bėn־ʻámĕri֗y málakĕ֙ ʻal־yişĕ̂ráʼé֔l bi̇şĕ̌na֨ţ şĕ̌lòşǐ֤ym ẇşĕ̌mòneh֙ şá̌ná֔h lĕʼásá֖ʼ me֣lekĕ yĕhẇdá֑h wa֠yi̇mĕlòkĕ ʼaẖĕʼá֨b bėn־ʻámĕri֤y ʻal־yişĕ̂ráʼél֙ bĕ̇şò֣̌mĕrò֔wn ʻeşĕ̂ri֥ym ẇşĕ̌ţȧ֖yim şá̌náֽh׃

30
וַיַּ֨עַשׂ אַחְאָ֧ב בֶּן־עָמְרִ֛י הָרַ֖ע בְּעֵינֵ֣י יְהוָ֑ה מִכֹּ֖ל אֲשֶׁ֥ר לְפָנָֽיו׃

wayȧ֨ʻaş̂ ʼaẖĕʼá֧b bėn־ʻámĕri֛y hára֖ʻ bĕ̇ʻéyné֣y yĕhwá֑h mikò֖̇l ʼàşě֥r lĕpánáֽyw׃

31
וַיְהִי֙ הֲנָקֵ֣ל לֶכְתֹּ֔ו בְּחַטֹּ֖אות יָרָבְעָ֣ם בֶּן־נְבָ֑ט וַיִּקַּ֨ח אִשָּׁ֜ה אֶת־אִיזֶ֗בֶל בַּת־אֶתְבַּ֨עַל֙ מֶ֣לֶךְ צִידֹנִ֔ים וַיֵּ֨לֶךְ֙ וַֽיַּעֲבֹ֣ד אֶת־הַבַּ֔עַל וַיִּשְׁתַּ֖חוּ לֹֽו׃

wayĕhiy֙ hànáqé֣l lekĕţò̇֔w bĕ̇ẖatò֖̇ʼwţ yárábĕʻá֣m bėn־nĕbá֑t wayi̇qȧ֨ẖ ʼişá̇̌֜h ʼeţ־ʼiyze֗bel bȧţ־ʼeţĕbȧ֨ʻal֙ me֣lekĕ ẕiydòni֔ym wayé̇֨lekĕ֙ waֽyȧʻàbò֣d ʼeţ־habȧ֔ʻal wayi̇şĕ̌ţȧ֖ẖẇ lòֽw׃

32
וַיָּ֥קֶם מִזְבֵּ֖חַ לַבָּ֑עַל בֵּ֣ית הַבַּ֔עַל אֲשֶׁ֥ר בָּנָ֖ה בְּשֹׁמְרֹֽון׃

wayá֥̇qem mizĕbé֖̇ẖa labá֑̇ʻal bé֣̇yţ habȧ֔ʻal ʼàşě֥r bá̇ná֖h bĕ̇şò̌mĕròֽwn׃

33
וַיַּ֥עַשׂ אַחְאָ֖ב אֶת־הָאֲשֵׁרָ֑ה וַיֹּ֨וסֶף אַחְאָ֜ב לַעֲשֹׂ֗ות לְהַכְעִיס֙ אֶת־יְהֹוָה֙ אֱלֹהֵ֣י יִשְׂרָאֵ֔ל מִכֹּ֨ל מַלְכֵ֣י יִשְׂרָאֵ֔ל אֲשֶׁ֥ר הָי֖וּ לְפָנָֽיו׃

wayȧ֥ʻaş̂ ʼaẖĕʼá֖b ʼeţ־háʼàşé̌rá֑h wayò̇֨wsep ʼaẖĕʼá֜b laʻàşò̂֗wţ lĕhakĕʻiys֙ ʼeţ־yĕhòwáh֙ ʼèlòhé֣y yişĕ̂ráʼé֔l mikò̇֨l malĕké֣y yişĕ̂ráʼé֔l ʼàşě֥r háy֖ẇ lĕpánáֽyw׃

34
בְּיָמָ֞יו בָּנָ֥ה חִיאֵ֛ל בֵּ֥ית הָאֱלִ֖י אֶת־יְרִיחֹ֑ה בַּאֲבִירָ֨ם בְּכֹרֹ֜ו יִסְּדָ֗הּ וּבִשְׂגִיב צְעִירֹו֙ הִצִּ֣יב דְּלָתֶ֔יהָ כִּדְבַ֣ר יְהוָ֔ה אֲשֶׁ֣ר דִּבֶּ֔ר בְּיַ֖ד יְהֹושֻׁ֥עַ בִּן־נֽוּן׃ ס

bĕ̇yámá֞yw bá̇ná֥h ẖiyʼé֛l bé֥̇yţ háʼèli֖y ʼeţ־yĕriyẖò֑h bȧʼàbiyrá֨m bĕ̇kòrò֜w yisĕ̇dá֗ḣ ẇbişĕ̂giyb ẕĕʻiyròw֙ hiẕi֣̇yb dĕ̇láţe֔yhá ki̇dĕba֣r yĕhwá֔h ʼàşě֣r di̇bė֔r bĕ̇ya֖d yĕhòwşǔ֥ʻa bi̇n־nֽẇn׃ s