Bibles in ancient languages
Old translations
Modern translations

Biblia Hebraica Stuttgartensia 1 Rois 18:16

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִי֙ יָמִ֣ים רַבִּ֔ים וּדְבַר־יְהוָ֗ה הָיָה֙ אֶל־אֵ֣לִיָּ֔הוּ בַּשָּׁנָ֥ה הַשְּׁלִישִׁ֖ית לֵאמֹ֑ר לֵ֚ךְ הֵרָאֵ֣ה אֶל־אַחְאָ֔ב וְאֶתְּנָ֥ה מָטָ֖ר עַל־פְּנֵ֥י הָאֲדָמָֽה׃

wayĕhiy֙ yámi֣ym rabi̇֔ym ẇdĕbar־yĕhwá֗h háyáh֙ ʼel־ʼé֣liyá̇֔hẇ bȧşá̇̌ná֥h haşĕ̇̌liyşǐ֖yţ léʼmò֑r lé֚kĕ héráʼé֣h ʼel־ʼaẖĕʼá֔b wĕʼeţĕ̇ná֥h mátá֖r ʻal־pĕ̇né֥y háʼàdámáֽh׃

2
וַיֵּ֨לֶךְ֙ אֵֽלִיָּ֔הוּ לְהֵרָאֹ֖ות אֶל־אַחְאָ֑ב וְהָרָעָ֖ב חָזָ֥ק בְּשֹׁמְרֹֽון׃

wayé̇֨lekĕ֙ ʼéֽliyá̇֔hẇ lĕhéráʼò֖wţ ʼel־ʼaẖĕʼá֑b wĕháráʻá֖b ẖázá֥q bĕ̇şò̌mĕròֽwn׃

3
וַיִּקְרָ֣א אַחְאָ֔ב אֶל־עֹבַדְיָ֖הוּ אֲשֶׁ֣ר עַל־הַבָּ֑יִת וְעֹבַדְיָ֗הוּ הָיָ֥ה יָרֵ֛א אֶת־יְהוָ֖ה מְאֹֽד׃

wayi̇qĕrá֣ʼ ʼaẖĕʼá֔b ʼel־ʻòbadĕyá֖hẇ ʼàşě֣r ʻal־habá֑̇yiţ wĕʻòbadĕyá֗hẇ háyá֥h yáré֛ʼ ʼeţ־yĕhwá֖h mĕʼòֽd׃

4
וַיְהִי֙ בְּהַכְרִ֣ית אִיזֶ֔בֶל אֵ֖ת נְבִיאֵ֣י יְהוָ֑ה וַיִּקַּ֨ח עֹבַדְיָ֜הוּ מֵאָ֣ה נְבִאִ֗ים וַֽיַּחְבִּיאֵ֞ם חֲמִשִּׁ֥ים אִישׁ֙ בַּמְּעָרָ֔ה וְכִלְכְּלָ֖ם לֶ֥חֶם וָמָֽיִם׃

wayĕhiy֙ bĕ̇hakĕri֣yţ ʼiyze֔bel ʼé֖ţ nĕbiyʼé֣y yĕhwá֑h wayi̇qȧ֨ẖ ʻòbadĕyá֜hẇ méʼá֣h nĕbiʼi֗ym waֽyȧẖĕbi̇yʼé֞m ẖàmişi֥̇̌ym ʼiyş̌֙ bȧmĕ̇ʻárá֔h wĕkilĕkĕ̇lá֖m le֥ẖem wámáֽyim׃

5
וַיֹּ֤אמֶר אַחְאָב֙ אֶל־עֹ֣בַדְיָ֔הוּ לֵ֤ךְ בָּאָ֨רֶץ֙ אֶל־כָּל־מַעְיְנֵ֣י הַמַּ֔יִם וְאֶ֖ל כָּל־הַנְּחָלִ֑ים אוּלַ֣י׀ נִמְצָ֣א חָצִ֗יר וּנְחַיֶּה֙ ס֣וּס וָפֶ֔רֶד וְלֹ֥וא נַכְרִ֖ית מֵהַבְּהֵמָֽה׃

wayò֤̇ʼmer ʼaẖĕʼáb֙ ʼel־ʻò֣badĕyá֔hẇ lé֤kĕ bá̇ʼá֨reẕ֙ ʼel־ká̇l־maʻĕyĕné֣y hamȧ֔yim wĕʼe֖l ká̇l־hanĕ̇ẖáli֑ym ʼẇla֣y׀ nimĕẕá֣ʼ ẖáẕi֗yr ẇnĕẖayėh֙ s֣ẇs wápe֔red wĕlò֥wʼ nakĕri֖yţ méhabĕ̇hémáֽh׃

6
וַֽיְחַלְּק֥וּ לָהֶ֛ם אֶת־הָאָ֖רֶץ לַֽעֲבָר־בָּ֑הּ אַחְאָ֞ב הָלַ֨ךְ בְּדֶ֤רֶךְ אֶחָד֙ לְבַדֹּ֔ו וְעֹֽבַדְיָ֛הוּ הָלַ֥ךְ בְּדֶרֶךְ־אֶחָ֖ד לְבַדֹּֽו׃

waֽyĕẖalĕ̇q֥ẇ láhe֛m ʼeţ־háʼá֖reẕ laֽʻàbár־bá֑̇ḣ ʼaẖĕʼá֞b hála֨kĕ bĕ̇de֤rekĕ ʼeẖád֙ lĕbadò̇֔w wĕʻòֽbadĕyá֛hẇ hála֥kĕ bĕ̇derekĕ־ʼeẖá֖d lĕbadòֽ̇w׃

7
וַיְהִ֤י עֹבַדְיָ֨הוּ֙ בַּדֶּ֔רֶךְ וְהִנֵּ֥ה אֵלִיָּ֖הוּ לִקְרָאתֹ֑ו וַיַּכִּרֵ֨הוּ֙ וַיִּפֹּ֣ל עַל־פָּנָ֔יו וַיֹּ֕אמֶר הַאַתָּ֥ה זֶ֖ה אֲדֹנִ֥י אֵלִיָּֽהוּ׃

wayĕhi֤y ʻòbadĕyá֨hẇ֙ bȧdė֔rekĕ wĕhiné֥̇h ʼéliyá֖̇hẇ liqĕráʼţò֑w wayȧki̇ré֨hẇ֙ wayi̇pò֣̇l ʻal־pá̇ná֔yw wayò̇֕ʼmer haʼaţá֥̇h ze֖h ʼàdòni֥y ʼéliyáֽ̇hẇ׃

8
וַיֹּ֥אמֶר לֹ֖ו אָ֑נִי לֵ֛ךְ אֱמֹ֥ר לַאדֹנֶ֖יךָ הִנֵּ֥ה אֵלִיָּֽהוּ׃

wayò֥̇ʼmer lò֖w ʼá֑niy lé֛kĕ ʼèmò֥r laʼdòne֖yká hiné֥̇h ʼéliyáֽ̇hẇ׃

9
וַיֹּ֖אמֶר מֶ֣ה חָטָ֑אתִי כִּֽי־אַתָּ֞ה נֹתֵ֧ן אֶֽת־עַבְדְּךָ֛ בְּיַד־אַחְאָ֖ב לַהֲמִיתֵֽנִי׃

wayò֖̇ʼmer me֣h ẖátá֑ʼţiy kiֽ̇y־ʼaţá̇֞h nòţé֧n ʼeֽţ־ʻabĕdĕ̇ká֛ bĕ̇yad־ʼaẖĕʼá֖b lahàmiyţéֽniy׃

10
חַ֣י׀ יְהוָ֣ה אֱלֹהֶ֗יךָ אִם־יֶשׁ־גֹּ֤וי וּמַמְלָכָה֙ אֲ֠שֶׁר לֹֽא־שָׁלַ֨ח אֲדֹנִ֥י שָׁם֙ לְבַקֶּשְׁךָ֔ וְאָמְר֖וּ אָ֑יִן וְהִשְׁבִּ֤יעַ אֶת־הַמַּמְלָכָה֙ וְאֶת־הַגֹּ֔וי כִּ֖י לֹ֥א יִמְצָאֶֽכָּה׃

ẖa֣y׀ yĕhwá֣h ʼèlòhe֗yká ʼim־yeş̌־gò֤̇wy ẇmamĕlákáh֙ ʼà֠şěr lòֽʼ־şá̌la֨ẖ ʼàdòni֥y şá̌m֙ lĕbaqėşĕ̌ká֔ wĕʼámĕr֖ẇ ʼá֑yin wĕhişĕ̌bi֤̇yʻa ʼeţ־hamȧmĕlákáh֙ wĕʼeţ־hagò̇֔wy ki֖̇y lò֥ʼ yimĕẕáʼeֽká̇h׃

11
וְעַתָּ֖ה אַתָּ֣ה אֹמֵ֑ר לֵ֛ךְ אֱמֹ֥ר לַאדֹנֶ֖יךָ הִנֵּ֥ה אֵלִיָּֽהוּ׃

wĕʻaţá֖̇h ʼaţá֣̇h ʼòmé֑r lé֛kĕ ʼèmò֥r laʼdòne֖yká hiné֥̇h ʼéliyáֽ̇hẇ׃

12
וְהָיָ֞ה אֲנִ֣י׀ אֵלֵ֣ךְ מֵאִתָּ֗ךְ וְר֨וּחַ יְהוָ֤ה׀ יִֽשָּׂאֲךָ֙ עַ֚ל אֲשֶׁ֣ר לֹֽא־אֵדָ֔ע וּבָ֨אתִי לְהַגִּ֧יד לְאַחְאָ֛ב וְלֹ֥א יִֽמְצָאֲךָ֖ וַהֲרָגָ֑נִי וְעַבְדְּךָ֛ יָרֵ֥א אֶת־יְהוָ֖ה מִנְּעֻרָֽי׃

wĕháyá֞h ʼàni֣y׀ ʼélé֣kĕ méʼiţá̇֗kĕ wĕr֨ẇẖa yĕhwá֤h׀ yiֽşá̇̂ʼàká֙ ʻa֚l ʼàşě֣r lòֽʼ־ʼédá֔ʻ ẇbá֨ʼţiy lĕhagi֧̇yd lĕʼaẖĕʼá֛b wĕlò֥ʼ yiֽmĕẕáʼàká֖ wahàrágá֑niy wĕʻabĕdĕ̇ká֛ yáré֥ʼ ʼeţ־yĕhwá֖h minĕ̇ʻuráֽy׃

13
הֲלֹֽא־הֻגַּ֤ד לַֽאדֹנִי֙ אֵ֣ת אֲשֶׁר־עָשִׂ֔יתִי בַּהֲרֹ֣ג אִיזֶ֔בֶל אֵ֖ת נְבִיאֵ֣י יְהוָ֑ה וָאַחְבִּא֩ מִנְּבִיאֵ֨י יְהוָ֜ה מֵ֣אָה אִ֗ישׁ חֲמִשִּׁ֨ים חֲמִשִּׁ֥ים אִישׁ֙ בַּמְּעָרָ֔ה וָאֲכַלְכְּלֵ֖ם לֶ֥חֶם וָמָֽיִם׃

hàlòֽʼ־hugȧ֤d laֽʼdòniy֙ ʼé֣ţ ʼàşěr־ʻáşî֔yţiy bȧhàrò֣g ʼiyze֔bel ʼé֖ţ nĕbiyʼé֣y yĕhwá֑h wáʼaẖĕbi̇ʼ֩ minĕ̇biyʼé֨y yĕhwá֜h mé֣ʼáh ʼi֗yş̌ ẖàmişi̇̌֨ym ẖàmişi֥̇̌ym ʼiyş̌֙ bȧmĕ̇ʻárá֔h wáʼàkalĕkĕ̇lé֖m le֥ẖem wámáֽyim׃

14
וְעַתָּה֙ אַתָּ֣ה אֹמֵ֔ר לֵ֛ךְ אֱמֹ֥ר לַֽאדֹנֶ֖יךָ הִנֵּ֣ה אֵלִיָּ֑הוּ וַהֲרָגָֽנִי׃ ס

wĕʻaţá̇h֙ ʼaţá֣̇h ʼòmé֔r lé֛kĕ ʼèmò֥r laֽʼdòne֖yká hiné֣̇h ʼéliyá֑̇hẇ wahàrágáֽniy׃ s

15
וַיֹּ֨אמֶר֙ אֵֽלִיָּ֔הוּ חַ֚י יְהוָ֣ה צְבָאֹ֔ות אֲשֶׁ֥ר עָמַ֖דְתִּי לְפָנָ֑יו כִּ֥י הַיֹּ֖ום אֵרָאֶ֥ה אֵלָֽיו׃

wayò̇֨ʼmer֙ ʼéֽliyá̇֔hẇ ẖa֚y yĕhwá֣h ẕĕbáʼò֔wţ ʼàşě֥r ʻáma֖dĕţi̇y lĕpáná֑yw ki֥̇y hayò֖̇wm ʼéráʼe֥h ʼéláֽyw׃

16
וַיֵּ֧לֶךְ עֹבַדְיָ֛הוּ לִקְרַ֥את אַחְאָ֖ב וַיַּגֶּד־לֹ֑ו וַיֵּ֥לֶךְ אַחְאָ֖ב לִקְרַ֥את אֵלִיָּֽהוּ׃

wayé֧̇lekĕ ʻòbadĕyá֛hẇ liqĕra֥ʼţ ʼaẖĕʼá֖b wayȧgėd־lò֑w wayé֥̇lekĕ ʼaẖĕʼá֖b liqĕra֥ʼţ ʼéliyáֽ̇hẇ׃

17
וַיְהִ֛י כִּרְאֹ֥ות אַחְאָ֖ב אֶת־אֵלִיָּ֑הוּ וַיֹּ֤אמֶר אַחְאָב֙ אֵלָ֔יו הַאַתָּ֥ה זֶ֖ה עֹכֵ֥ר יִשְׂרָאֵֽל׃

wayĕhi֛y ki̇rĕʼò֥wţ ʼaẖĕʼá֖b ʼeţ־ʼéliyá֑̇hẇ wayò֤̇ʼmer ʼaẖĕʼáb֙ ʼélá֔yw haʼaţá֥̇h ze֖h ʻòké֥r yişĕ̂ráʼéֽl׃

18
וַיֹּ֗אמֶר לֹ֤א עָכַ֨רְתִּי֙ אֶת־יִשְׂרָאֵ֔ל כִּ֥י אִם־אַתָּ֖ה וּבֵ֣ית אָבִ֑יךָ בַּֽעֲזָבְכֶם֙ אֶת־מִצְוֹ֣ת יְהוָ֔ה וַתֵּ֖לֶךְ אַחֲרֵ֥י הַבְּעָלִֽים׃

wayò̇֗ʼmer lò֤ʼ ʻáka֨rĕţi̇y֙ ʼeţ־yişĕ̂ráʼé֔l ki֥̇y ʼim־ʼaţá֖̇h ẇbé֣yţ ʼábi֑yká bȧֽʻàzábĕkem֙ ʼeţ־miẕĕwò֣ţ yĕhwá֔h waţé֖̇lekĕ ʼaẖàré֥y habĕ̇ʻáliֽym׃

19
וְעַתָּ֗ה שְׁלַ֨ח קְבֹ֥ץ אֵלַ֛י אֶת־כָּל־יִשְׂרָאֵ֖ל אֶל־הַ֣ר הַכַּרְמֶ֑ל וְאֶת־נְבִיאֵ֨י הַבַּ֜עַל אַרְבַּ֧ע מֵאֹ֣ות וַחֲמִשִּׁ֗ים וּנְבִיאֵ֤י הָֽאֲשֵׁרָה֙ אַרְבַּ֣ע מֵאֹ֔ות אֹכְלֵ֖י שֻׁלְחַ֥ן אִיזָֽבֶל׃

wĕʻaţá̇֗h şĕ̌la֨ẖ qĕbò֥ẕ ʼéla֛y ʼeţ־ká̇l־yişĕ̂ráʼé֖l ʼel־ha֣r hakȧrĕme֑l wĕʼeţ־nĕbiyʼé֨y habȧ֜ʻal ʼarĕbȧ֧ʻ méʼò֣wţ waẖàmişi̇̌֗ym ẇnĕbiyʼé֤y háֽʼàşé̌ráh֙ ʼarĕbȧ֣ʻ méʼò֔wţ ʼòkĕlé֖y şǔlĕẖa֥n ʼiyzáֽbel׃

20
וַיִּשְׁלַ֥ח אַחְאָ֖ב בְּכָל־בְּנֵ֣י יִשְׂרָאֵ֑ל וַיִּקְבֹּ֥ץ אֶת־הַנְּבִיאִ֖ים אֶל־הַ֥ר הַכַּרְמֶֽל׃

wayi̇şĕ̌la֥ẖ ʼaẖĕʼá֖b bĕ̇kál־bĕ̇né֣y yişĕ̂ráʼé֑l wayi̇qĕbò֥̇ẕ ʼeţ־hanĕ̇biyʼi֖ym ʼel־ha֥r hakȧrĕmeֽl׃

21
וַיִּגַּ֨שׁ אֵלִיָּ֜הוּ אֶל־כָּל־הָעָ֗ם וַיֹּ֨אמֶר֙ עַד־מָתַ֞י אַתֶּ֣ם פֹּסְחִים֮ עַל־שְׁתֵּ֣י הַסְּעִפִּים֒ אִם־יְהוָ֤ה הָֽאֱלֹהִים֙ לְכ֣וּ אַחֲרָ֔יו וְאִם־הַבַּ֖עַל לְכ֣וּ אַחֲרָ֑יו וְלֹֽא־עָנ֥וּ הָעָ֛ם אֹתֹ֖ו דָּבָֽר׃

wayi̇gȧ֨ş̌ ʼéliyá̇֜hẇ ʼel־ká̇l־háʻá֗m wayò̇֨ʼmer֙ ʻad־máţa֞y ʼaţė֣m pò̇sĕẖiym֮ ʻal־şĕ̌ţé֣̇y hasĕ̇ʻipi̇ym֒ ʼim־yĕhwá֤h háֽʼèlòhiym֙ lĕk֣ẇ ʼaẖàrá֔yw wĕʼim־habȧ֖ʻal lĕk֣ẇ ʼaẖàrá֑yw wĕlòֽʼ־ʻán֥ẇ háʻá֛m ʼòţò֖w dá̇báֽr׃

22
וַיֹּ֤אמֶר אֵלִיָּ֨הוּ֙ אֶל־הָעָ֔ם אֲנִ֞י נֹותַ֧רְתִּי נָבִ֛יא לַיהוָ֖ה לְבַדִּ֑י וּנְבִיאֵ֣י הַבַּ֔עַל אַרְבַּע־מֵאֹ֥ות וַחֲמִשִּׁ֖ים אִֽישׁ׃

wayò֤̇ʼmer ʼéliyá̇֨hẇ֙ ʼel־háʻá֔m ʼàni֞y nòwţa֧rĕţi̇y nábi֛yʼ layhwá֖h lĕbadi֑̇y ẇnĕbiyʼé֣y habȧ֔ʻal ʼarĕbȧʻ־méʼò֥wţ waẖàmişi֖̇̌ym ʼiֽyş̌׃

23
וְיִתְּנוּ־לָ֜נוּ שְׁנַ֣יִם פָּרִ֗ים וְיִבְחֲר֣וּ לָהֶם֩ הַפָּ֨ר הָאֶחָ֜ד וִֽינַתְּחֻ֗הוּ וְיָשִׂ֨ימוּ֙ עַל־הָ֣עֵצִ֔ים וְאֵ֖שׁ לֹ֣א יָשִׂ֑ימוּ וַאֲנִ֞י אֶעֱשֶׂ֣ה׀ אֶת־הַפָּ֣ר הָאֶחָ֗ד וְנָֽתַתִּי֙ עַל־הָ֣עֵצִ֔ים וְאֵ֖שׁ לֹ֥א אָשִֽׂים׃

wĕyiţĕ̇nẇ־lá֜nẇ şĕ̌na֣yim pá̇ri֗ym wĕyibĕẖàr֣ẇ láhem֩ hapá̇֨r háʼeẖá֜d wiֽynaţĕ̇ẖu֗hẇ wĕyáşî֨ymẇ֙ ʻal־há֣ʻéẕi֔ym wĕʼé֖ş̌ lò֣ʼ yáşî֑ymẇ waʼàni֞y ʼeʻèşê֣h׀ ʼeţ־hapá֣̇r háʼeẖá֗d wĕnáֽţaţi̇y֙ ʻal־há֣ʻéẕi֔ym wĕʼé֖ş̌ lò֥ʼ ʼáşîֽym׃

24
וּקְרָאתֶ֞ם בְּשֵׁ֣ם אֱלֹֽהֵיכֶ֗ם וַֽאֲנִי֙ אֶקְרָ֣א בְשֵׁם־יְהוָ֔ה וְהָיָ֧ה הָאֱלֹהִ֛ים אֲשֶׁר־יַעֲנֶ֥ה בָאֵ֖שׁ ה֣וּא הָאֱלֹהִ֑ים וַיַּ֧עַן כָּל־הָעָ֛ם וַיֹּאמְר֖וּ טֹ֥וב הַדָּבָֽר׃

ẇqĕráʼţe֞m bĕ̇şé֣̌m ʼèlòֽhéyke֗m waֽʼàniy֙ ʼeqĕrá֣ʼ bĕşé̌m־yĕhwá֔h wĕháyá֧h háʼèlòhi֛ym ʼàşěr־yaʻàne֥h báʼé֖ş̌ h֣ẇʼ háʼèlòhi֑ym wayȧ֧ʻan ká̇l־háʻá֛m wayò̇ʼmĕr֖ẇ tò֥wb hadá̇báֽr׃

25
וַיֹּ֨אמֶר אֵלִיָּ֜הוּ לִנְבִיאֵ֣י הַבַּ֗עַל בַּחֲר֨וּ לָכֶ֜ם הַפָּ֤ר הָֽאֶחָד֙ וַעֲשׂ֣וּ רִאשֹׁנָ֔ה כִּ֥י אַתֶּ֖ם הָרַבִּ֑ים וְקִרְאוּ֙ בְּשֵׁ֣ם אֱלֹהֵיכֶ֔ם וְאֵ֖שׁ לֹ֥א תָשִֽׂימוּ׃

wayò̇֨ʼmer ʼéliyá̇֜hẇ linĕbiyʼé֣y habȧ֗ʻal bȧẖàr֨ẇ láke֜m hapá֤̇r háֽʼeẖád֙ waʻàş֣̂ẇ riʼşò̌ná֔h ki֥̇y ʼaţė֖m hárabi֑̇ym wĕqirĕʼẇ֙ bĕ̇şé֣̌m ʼèlòhéyke֔m wĕʼé֖ş̌ lò֥ʼ ţáşîֽymẇ׃

26
וַ֠יִּקְחוּ אֶת־הַפָּ֨ר אֲשֶׁר־נָתַ֣ן לָהֶם֮ וַֽיַּעֲשׂוּ֒ וַיִּקְרְא֣וּ בְשֵׁם־הַ֠בַּעַל מֵהַבֹּ֨קֶר וְעַד־הַצָּהֳרַ֤יִם לֵאמֹר֙ הַבַּ֣עַל עֲנֵ֔נוּ וְאֵ֥ין קֹ֖ול וְאֵ֣ין עֹנֶ֑ה וַֽיְפַסְּח֔וּ עַל־הַמִּזְבֵּ֖חַ אֲשֶׁ֥ר עָשָֽׂה׃

wa֠yi̇qĕẖẇ ʼeţ־hapá̇֨r ʼàşěr־náţa֣n láhem֮ waֽyȧʻàş̂ẇ֒ wayi̇qĕrĕʼ֣ẇ bĕşé̌m־ha֠bȧʻal méhabò̇֨qer wĕʻad־haẕá̇hora֤yim léʼmòr֙ habȧ֣ʻal ʻàné֔nẇ wĕʼé֥yn qò֖wl wĕʼé֣yn ʻòne֑h waֽyĕpasĕ̇ẖ֔ẇ ʻal־hami̇zĕbé֖̇ẖa ʼàşě֥r ʻáşáֽ̂h׃

27
וַיְהִ֨י בַֽצָּהֳרַ֜יִם וַיְהַתֵּ֧ל בָּהֶ֣ם אֵלִיָּ֗הוּ וַיֹּ֨אמֶר֙ קִרְא֤וּ בְקֹול־גָּדֹול֙ כִּֽי־אֱלֹהִ֣ים ה֔וּא כִּ֣י שִׂ֧יחַ וְכִֽי־שִׂ֛יג לֹ֖ו וְכִֽי־דֶ֣רֶךְ לֹ֑ו אוּלַ֛י יָשֵׁ֥ן ה֖וּא וְיִקָֽץ׃

wayĕhi֨y baֽẕá̇hora֜yim wayĕhaţé֧̇l bá̇he֣m ʼéliyá̇֗hẇ wayò̇֨ʼmer֙ qirĕʼ֤ẇ bĕqòwl־gá̇dòwl֙ kiֽ̇y־ʼèlòhi֣ym h֔ẇʼ ki֣̇y şî֧yẖa wĕkiֽy־şî֛yg lò֖w wĕkiֽy־de֣rekĕ lò֑w ʼẇla֛y yáşé֥̌n h֖ẇʼ wĕyiqáֽẕ׃

28
וַֽיִּקְרְאוּ֙ בְּקֹ֣ול גָּדֹ֔ול וַיִּתְגֹּֽדְדוּ֙ כְּמִשְׁפָּטָ֔ם בַּחֲרָבֹ֖ות וּבָֽרְמָחִ֑ים עַד־שְׁפָךְ־דָּ֖ם עֲלֵיהֶֽם׃

waֽyi̇qĕrĕʼẇ֙ bĕ̇qò֣wl gá̇dò֔wl wayi̇ţĕgòֽ̇dĕdẇ֙ kĕ̇mişĕ̌pá̇tá֔m bȧẖàrábò֖wţ ẇbáֽrĕmáẖi֑ym ʻad־şĕ̌pákĕ־dá֖̇m ʻàléyheֽm׃

29
וַֽיְהִי֙ כַּעֲבֹ֣ר הַֽצָּהֳרַ֔יִם וַיִּֽתְנַבְּא֔וּ עַ֖ד לַעֲלֹ֣ות הַמִּנְחָ֑ה וְאֵֽין־קֹ֥ול וְאֵין־עֹנֶ֖ה וְאֵ֥ין קָֽשֶׁב׃

waֽyĕhiy֙ kȧʻàbò֣r haֽẕá̇hora֔yim wayiֽ̇ţĕnabĕ̇ʼ֔ẇ ʻa֖d laʻàlò֣wţ hami̇nĕẖá֑h wĕʼéֽyn־qò֥wl wĕʼéyn־ʻòne֖h wĕʼé֥yn qáֽşěb׃

30
וַיֹּ֨אמֶר אֵלִיָּ֤הוּ לְכָל־הָעָם֙ גְּשׁ֣וּ אֵלַ֔י וַיִּגְּשׁ֥וּ כָל־הָעָ֖ם אֵלָ֑יו וַיְרַפֵּ֛א אֶת־מִזְבַּ֥ח יְהוָ֖ה הֶהָרֽוּס׃

wayò̇֨ʼmer ʼéliyá֤̇hẇ lĕkál־háʻám֙ gĕ̇ş֣̌ẇ ʼéla֔y wayi̇gĕ̇ş֥̌ẇ kál־háʻá֖m ʼélá֑yw wayĕrapé֛̇ʼ ʼeţ־mizĕbȧ֥ẖ yĕhwá֖h hehárֽẇs׃

31
וַיִּקַּ֣ח אֵלִיָּ֗הוּ שְׁתֵּ֤ים עֶשְׂרֵה֙ אֲבָנִ֔ים כְּמִסְפַּ֖ר שִׁבְטֵ֣י בְנֵֽי־יַעֲקֹ֑ב אֲשֶׁר֩ הָיָ֨ה דְבַר־יְהוָ֤ה אֵלָיו֙ לֵאמֹ֔ר יִשְׂרָאֵ֖ל יִהְיֶ֥ה שְׁמֶֽךָ׃

wayi̇qȧ֣ẖ ʼéliyá̇֗hẇ şĕ̌ţé֤̇ym ʻeşĕ̂réh֙ ʼàbáni֔ym kĕ̇misĕpȧ֖r şǐbĕté֣y bĕnéֽy־yaʻàqò֑b ʼàşěr֩ háyá֨h dĕbar־yĕhwá֤h ʼéláyw֙ léʼmò֔r yişĕ̂ráʼé֖l yihĕye֥h şĕ̌meֽká׃

32
וַיִּבְנֶ֧ה אֶת־הָאֲבָנִ֛ים מִזְבֵּ֖חַ בְּשֵׁ֣ם יְהוָ֑ה וַיַּ֣עַשׂ תְּעָלָ֗ה כְּבֵית֙ סָאתַ֣יִם זֶ֔רַע סָבִ֖יב לַמִּזְבֵּֽחַ׃

wayi̇bĕne֧h ʼeţ־háʼàbáni֛ym mizĕbé֖̇ẖa bĕ̇şé֣̌m yĕhwá֑h wayȧ֣ʻaş̂ ţĕ̇ʻálá֗h kĕ̇béyţ֙ sáʼţa֣yim ze֔raʻ sábi֖yb lami̇zĕbéֽ̇ẖa׃

33
וַֽיַּעֲרֹ֖ךְ אֶת־הָֽעֵצִ֑ים וַיְנַתַּח֙ אֶת־הַפָּ֔ר וַיָּ֖שֶׂם עַל־הָעֵצִֽים׃

waֽyȧʻàrò֖kĕ ʼeţ־háֽʻéẕi֑ym wayĕnaţȧẖ֙ ʼeţ־hapá̇֔r wayá֖̇şêm ʻal־háʻéẕiֽym׃

34
וַיֹּ֗אמֶר מִלְא֨וּ אַרְבָּעָ֤ה כַדִּים֙ מַ֔יִם וְיִֽצְק֥וּ עַל־הָעֹלָ֖ה וְעַל־הָעֵצִ֑ים וַיֹּ֤אמֶר שְׁנוּ֙ וַיִּשְׁנ֔וּ וַיֹּ֥אמֶר שַׁלֵּ֖שׁוּ וַיְשַׁלֵּֽשׁוּ׃

wayò̇֗ʼmer milĕʼ֨ẇ ʼarĕbá̇ʻá֤h kadi̇ym֙ ma֔yim wĕyiֽẕĕq֥ẇ ʻal־háʻòlá֖h wĕʻal־háʻéẕi֑ym wayò֤̇ʼmer şĕ̌nẇ֙ wayi̇şĕ̌n֔ẇ wayò֥̇ʼmer şǎlé֖̇ş̌ẇ wayĕşǎléֽ̇ş̌ẇ׃

35
וַיֵּלְכ֣וּ הַמַּ֔יִם סָבִ֖יב לַמִּזְבֵּ֑חַ וְגַ֥ם אֶת־הַתְּעָלָ֖ה מִלֵּא־מָֽיִם׃

wayé̇lĕk֣ẇ hamȧ֔yim sábi֖yb lami̇zĕbé֑̇ẖa wĕga֥m ʼeţ־haţĕ̇ʻálá֖h milé̇ʼ־máֽyim׃

36
וַיְהִ֣י׀ בַּעֲלֹ֣ות הַמִּנְחָ֗ה וַיִּגַּ֞שׁ אֵלִיָּ֣הוּ הַנָּבִיא֮ וַיֹּאמַר֒ יְהוָ֗ה אֱלֹהֵי֙ אַבְרָהָם֙ יִצְחָ֣ק וְיִשְׂרָאֵ֔ל הַיֹּ֣ום יִוָּדַ֗ע כִּֽי־אַתָּ֧ה אֱלֹהִ֛ים בְּיִשְׂרָאֵ֖ל וַאֲנִ֣י עַבְדֶּ֑ךָ וּבְדִבְרֵיךָ עָשִׂ֔יתִי אֵ֥ת כָּל־הַדְּבָרִ֖ים הָאֵֽלֶּה׃

wayĕhi֣y׀ bȧʻàlò֣wţ hami̇nĕẖá֗h wayi̇gȧ֞ş̌ ʼéliyá֣̇hẇ haná̇biyʼ֮ wayò̇ʼmar֒ yĕhwá֗h ʼèlòhéy֙ ʼabĕráhám֙ yiẕĕẖá֣q wĕyişĕ̂ráʼé֔l hayò֣̇wm yiwá̇da֗ʻ kiֽ̇y־ʼaţá֧̇h ʼèlòhi֛ym bĕ̇yişĕ̂ráʼé֖l waʼàni֣y ʻabĕdė֑ká ẇbĕdibĕréyká ʻáşî֔yţiy ʼé֥ţ ká̇l־hadĕ̇bári֖ym háʼéֽlėh׃

37
עֲנֵ֤נִי יְהוָה֙ עֲנֵ֔נִי וְיֵֽדְעוּ֙ הָעָ֣ם הַזֶּ֔ה כִּֽי־אַתָּ֥ה יְהוָ֖ה הָאֱלֹהִ֑ים וְאַתָּ֛ה הֲסִבֹּ֥תָ אֶת־לִבָּ֖ם אֲחֹרַנִּֽית׃

ʻàné֤niy yĕhwáh֙ ʻàné֔niy wĕyéֽdĕʻẇ֙ háʻá֣m hazė֔h kiֽ̇y־ʼaţá֥̇h yĕhwá֖h háʼèlòhi֑ym wĕʼaţá֛̇h hàsibò֥̇ţá ʼeţ־libá֖̇m ʼàẖòraniֽ̇yţ׃

38
וַתִּפֹּ֣ל אֵשׁ־יְהוָ֗ה וַתֹּ֤אכַל אֶת־הָֽעֹלָה֙ וְאֶת־הָ֣עֵצִ֔ים וְאֶת־הָאֲבָנִ֖ים וְאֶת־הֶעָפָ֑ר וְאֶת־הַמַּ֥יִם אֲשֶׁר־בַּתְּעָלָ֖ה לִחֵֽכָה׃

waţi̇pò֣̇l ʼéş̌־yĕhwá֗h waţò֤̇ʼkal ʼeţ־háֽʻòláh֙ wĕʼeţ־há֣ʻéẕi֔ym wĕʼeţ־háʼàbáni֖ym wĕʼeţ־heʻápá֑r wĕʼeţ־hamȧ֥yim ʼàşěr־bȧţĕ̇ʻálá֖h liẖéֽkáh׃

39
וַיַּרְא֙ כָּל־הָעָ֔ם וַֽיִּפְּל֖וּ עַל־פְּנֵיהֶ֑ם וַיֹּ֣אמְר֔וּ יְהוָה֙ ה֣וּא הָאֱלֹהִ֔ים יְהוָ֖ה ה֥וּא הָאֱלֹהִֽים׃

wayȧrĕʼ֙ ká̇l־háʻá֔m waֽyi̇pĕ̇l֖ẇ ʻal־pĕ̇néyhe֑m wayò֣̇ʼmĕr֔ẇ yĕhwáh֙ h֣ẇʼ háʼèlòhi֔ym yĕhwá֖h h֥ẇʼ háʼèlòhiֽym׃

40
וַיֹּאמֶר֩ אֵלִיָּ֨הוּ לָהֶ֜ם תִּפְשׂ֣וּ׀ אֶת־נְבִיאֵ֣י הַבַּ֗עַל אִ֛ישׁ אַל־יִמָּלֵ֥ט מֵהֶ֖ם וַֽיִּתְפְּשׂ֑וּם וַיֹּורִדֵ֤ם אֵלִיָּ֨הוּ֙ אֶל־נַ֣חַל קִישֹׁ֔ון וַיִּשְׁחָטֵ֖ם שָֽׁם׃

wayò̇ʼmer֩ ʼéliyá̇֨hẇ láhe֜m ţi̇pĕş֣̂ẇ׀ ʼeţ־nĕbiyʼé֣y habȧ֗ʻal ʼi֛yş̌ ʼal־yimá̇lé֥t méhe֖m waֽyi̇ţĕpĕ̇ş֑̂ẇm wayò̇wridé֤m ʼéliyá̇֨hẇ֙ ʼel־na֣ẖal qiyşò̌֔wn wayi̇şĕ̌ẖáté֖m şáֽ̌m׃

41
וַיֹּ֤אמֶר אֵלִיָּ֨הוּ֙ לְאַחְאָ֔ב עֲלֵ֖ה אֱכֹ֣ל וּשְׁתֵ֑ה כִּי־קֹ֖ול הֲמֹ֥ון הַגָּֽשֶׁם׃

wayò֤̇ʼmer ʼéliyá̇֨hẇ֙ lĕʼaẖĕʼá֔b ʻàlé֖h ʼèkò֣l ẇşĕ̌ţé֑h ki̇y־qò֖wl hàmò֥wn hagáֽ̇şěm׃

42
וַיַּעֲלֶ֥ה אַחְאָ֖ב לֶאֱכֹ֣ל וְלִשְׁתֹּ֑ות וְאֵ֨לִיָּ֜הוּ עָלָ֨ה אֶל־רֹ֤אשׁ הַכַּרְמֶל֙ וַיִּגְהַ֣ר אַ֔רְצָה וַיָּ֥שֶׂם פָּנָ֖יו בֵּ֥ין בְּרָכֹו

wayȧʻàle֥h ʼaẖĕʼá֖b leʼèkò֣l wĕlişĕ̌ţò֑̇wţ wĕʼé֨liyá̇֜hẇ ʻálá֨h ʼel־rò֤ʼş̌ hakȧrĕmel֙ wayi̇gĕha֣r ʼa֔rĕẕáh wayá֥̇şêm pá̇ná֖yw bé֥̇yn bĕ̇rákòw

43
וַיֹּ֣אמֶר אֶֽל־נַעֲרֹ֗ו עֲלֵֽה־נָא֙ הַבֵּ֣ט דֶּֽרֶךְ־יָ֔ם וַיַּ֨עַל֙ וַיַּבֵּ֔ט וַיֹּ֖אמֶר אֵ֣ין מְא֑וּמָה וַיֹּ֕אמֶר שֻׁ֖ב שֶׁ֥בַע פְּעָמִֽים׃

wayò֣̇ʼmer ʼeֽl־naʻàrò֗w ʻàléֽh־náʼ֙ habé֣̇t dėֽrekĕ־yá֔m wayȧ֨ʻal֙ wayȧbé̇֔t wayò֖̇ʼmer ʼé֣yn mĕʼ֑ẇmáh wayò̇֕ʼmer şǔ֖b şě֥baʻ pĕ̇ʻámiֽym׃

44
וַֽיְהִי֙ בַּשְּׁבִעִ֔ית וַיֹּ֗אמֶר הִנֵּה־עָ֛ב קְטַנָּ֥ה כְּכַף־אִ֖ישׁ עֹלָ֣ה מִיָּ֑ם וַיֹּ֗אמֶר עֲלֵ֨ה אֱמֹ֤ר אֶל־אַחְאָב֙ אֱסֹ֣ר וָרֵ֔ד וְלֹ֥א יַעַצָרְכָ֖ה הַגָּֽשֶׁם׃

waֽyĕhiy֙ bȧşĕ̇̌biʻi֔yţ wayò̇֗ʼmer hiné̇h־ʻá֛b qĕtaná֥̇h kĕ̇kap־ʼi֖yş̌ ʻòlá֣h miyá֑̇m wayò̇֗ʼmer ʻàlé֨h ʼèmò֤r ʼel־ʼaẖĕʼáb֙ ʼèsò֣r wáré֔d wĕlò֥ʼ yaʻaẕárĕká֖h hagáֽ̇şěm׃

45
וַיְהִ֣י׀ עַד־כֹּ֣ה וְעַד־כֹּ֗ה וְהַשָּׁמַ֨יִם֙ הִֽתְקַדְּרוּ֙ עָבִ֣ים וְר֔וּחַ וַיְהִ֖י גֶּ֣שֶׁם גָּדֹ֑ול וַיִּרְכַּ֥ב אַחְאָ֖ב וַיֵּ֥לֶךְ יִזְרְעֶֽאלָה׃

wayĕhi֣y׀ ʻad־kò֣̇h wĕʻad־kò̇֗h wĕhaşá̇̌ma֨yim֙ hiֽţĕqadĕ̇rẇ֙ ʻábi֣ym wĕr֔ẇẖa wayĕhi֖y gė֣şěm gá̇dò֑wl wayi̇rĕkȧ֥b ʼaẖĕʼá֖b wayé֥̇lekĕ yizĕrĕʻeֽʼláh׃

46
וְיַד־יְהוָ֗ה הָֽיְתָה֙ אֶל־אֵ֣לִיָּ֔הוּ וַיְשַׁנֵּ֖ס מָתְנָ֑יו וַיָּ֨רָץ֙ לִפְנֵ֣י אַחְאָ֔ב עַד־בֹּאֲכָ֖ה יִזְרְעֶֽאלָה׃

wĕyad־yĕhwá֗h háֽyĕţáh֙ ʼel־ʼé֣liyá̇֔hẇ wayĕşǎné֖̇s máţĕná֑yw wayá̇֨ráẕ֙ lipĕné֣y ʼaẖĕʼá֔b ʻad־bò̇ʼàká֖h yizĕrĕʻeֽʼláh׃