Bibles in ancient languages
Old translations
Modern translations

Biblia Hebraica Stuttgartensia 1 Rois 20:43

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וּבֶן־הֲדַ֣ד מֶֽלֶךְ־אֲרָ֗ם קָבַץ֙ אֶת־כָּל־חֵילֹ֔ו וּשְׁלֹשִׁ֨ים וּשְׁנַ֥יִם מֶ֛לֶךְ אִתֹּ֖ו וְס֣וּס וָרָ֑כֶב וַיַּ֗עַל וַיָּ֨צַר֙ עַל־שֹׁ֣מְרֹ֔ון וַיִּלָּ֖חֶם בָּֽהּ׃

ẇben־hàda֣d meֽlekĕ־ʼàrá֗m qábaẕ֙ ʼeţ־ká̇l־ẖéylò֔w ẇşĕ̌lòşǐ֨ym ẇşĕ̌na֥yim me֛lekĕ ʼiţò֖̇w wĕs֣ẇs wárá֑keb wayȧ֗ʻal wayá̇֨ẕar֙ ʻal־şò֣̌mĕrò֔wn wayi̇lá֖̇ẖem báֽ̇ḣ׃

2
וַיִּשְׁלַ֧ח מַלְאָכִ֛ים אֶל־אַחְאָ֥ב מֶֽלֶךְ־יִשְׂרָאֵ֖ל הָעִֽירָה׃

wayi̇şĕ̌la֧ẖ malĕʼáki֛ym ʼel־ʼaẖĕʼá֥b meֽlekĕ־yişĕ̂ráʼé֖l háʻiֽyráh׃

3
וַיֹּ֣אמֶר לֹ֗ו כֹּ֚ה אָמַ֣ר בֶּן־הֲדַ֔ד כַּסְפְּךָ֥ וּֽזְהָבְךָ֖ לִֽי־ה֑וּא וְנָשֶׁ֧יךָ וּבָנֶ֛יךָ הַטֹּובִ֖ים לִי־הֵֽם׃

wayò֣̇ʼmer lò֗w kò֚̇h ʼáma֣r bėn־hàda֔d kȧsĕpĕ̇ká֥ ẇֽzĕhábĕká֖ liֽy־h֑ẇʼ wĕnáşě֧yká ẇbáne֛yká hatò̇wbi֖ym liy־héֽm׃

4
וַיַּ֤עַן מֶֽלֶךְ־יִשְׂרָאֵל֙ וַיֹּ֔אמֶר כִּדְבָרְךָ֖ אֲדֹנִ֣י הַמֶּ֑לֶךְ לְךָ֥ אֲנִ֖י וְכָל־אֲשֶׁר־לִֽי׃

wayȧ֤ʻan meֽlekĕ־yişĕ̂ráʼél֙ wayò̇֔ʼmer ki̇dĕbárĕká֖ ʼàdòni֣y hamė֑lekĕ lĕká֥ ʼàni֖y wĕkál־ʼàşěr־liֽy׃

5
וַיָּשֻׁ֨בוּ֙ הַמַּלְאָכִ֔ים וַיֹּ֣אמְר֔וּ כֹּֽה־אָמַ֥ר בֶּן־הֲדַ֖ד לֵאמֹ֑ר כִּֽי־שָׁלַ֤חְתִּי אֵלֶ֨יךָ֙ לֵאמֹ֔ר כַּסְפְּךָ֧ וּזְהָבְךָ֛ וְנָשֶׁ֧יךָ וּבָנֶ֖יךָ לִ֥י תִתֵּֽן׃

wayá̇şǔ֨bẇ֙ hamȧlĕʼáki֔ym wayò֣̇ʼmĕr֔ẇ kòֽ̇h־ʼáma֥r bėn־hàda֖d léʼmò֑r kiֽ̇y־şá̌la֤ẖĕţi̇y ʼéle֨yká֙ léʼmò֔r kȧsĕpĕ̇ká֧ ẇzĕhábĕká֛ wĕnáşě֧yká ẇbáne֖yká li֥y ţiţéֽ̇n׃

6
כִּ֣י׀ אִם־כָּעֵ֣ת מָחָ֗ר אֶשְׁלַ֤ח אֶת־עֲבָדַי֙ אֵלֶ֔יךָ וְחִפְּשׂוּ֙ אֶת־בֵּ֣יתְךָ֔ וְאֵ֖ת בָּתֵּ֣י עֲבָדֶ֑יךָ וְהָיָה֙ כָּל־מַחְמַ֣ד עֵינֶ֔יךָ יָשִׂ֥ימוּ בְיָדָ֖ם וְלָקָֽחוּ׃

ki֣̇y׀ ʼim־ká̇ʻé֣ţ máẖá֗r ʼeşĕ̌la֤ẖ ʼeţ־ʻàbáday֙ ʼéle֔yká wĕẖipĕ̇ş̂ẇ֙ ʼeţ־bé֣̇yţĕká֔ wĕʼé֖ţ bá̇ţé֣̇y ʻàbáde֑yká wĕháyáh֙ ká̇l־maẖĕma֣d ʻéyne֔yká yáşî֥ymẇ bĕyádá֖m wĕláqáֽẖẇ׃

7
וַיִּקְרָ֤א מֶֽלֶךְ־יִשְׂרָאֵל֙ לְכָל־זִקְנֵ֣י הָאָ֔רֶץ וַיֹּ֨אמֶר֙ דְּעֽוּ־נָ֣א וּרְא֔וּ כִּ֥י רָעָ֖ה זֶ֣ה מְבַקֵּ֑שׁ כִּֽי־שָׁלַ֨ח אֵלַ֜י לְנָשַׁ֤י וּלְבָנַי֙ וּלְכַסְפִּ֣י וְלִזְהָבִ֔י וְלֹ֥א מָנַ֖עְתִּי מִמֶּֽנּוּ׃

wayi̇qĕrá֤ʼ meֽlekĕ־yişĕ̂ráʼél֙ lĕkál־ziqĕné֣y háʼá֔reẕ wayò̇֨ʼmer֙ dĕ̇ʻֽẇ־ná֣ʼ ẇrĕʼ֔ẇ ki֥̇y ráʻá֖h ze֣h mĕbaqé֑̇ş̌ kiֽ̇y־şá̌la֨ẖ ʼéla֜y lĕnáşǎ֤y ẇlĕbánay֙ ẇlĕkasĕpi֣̇y wĕlizĕhábi֔y wĕlò֥ʼ mána֖ʻĕţi̇y mimėֽṅẇ׃

8
וַיֹּאמְר֥וּ אֵלָ֛יו כָּל־הַזְּקֵנִ֖ים וְכָל־הָעָ֑ם אַל־תִּשְׁמַ֖ע וְלֹ֥וא תֹאבֶֽה׃

wayò̇ʼmĕr֥ẇ ʼélá֛yw ká̇l־hazĕ̇qéni֖ym wĕkál־háʻá֑m ʼal־ţi̇şĕ̌ma֖ʻ wĕlò֥wʼ ţòʼbeֽh׃

9
וַיֹּ֜אמֶר לְמַלְאֲכֵ֣י בֶן־הֲדַ֗ד אִמְר֞וּ לַֽאדֹנִ֤י הַמֶּ֨לֶךְ֙ כֹּל֩ אֲשֶׁר־שָׁלַ֨חְתָּ אֶל־עַבְדְּךָ֤ בָרִֽאשֹׁנָה֙ אֶעֱשֶׂ֔ה וְהַדָּבָ֣ר הַזֶּ֔ה לֹ֥א אוּכַ֖ל לַעֲשֹׂ֑ות וַיֵּֽלְכוּ֙ הַמַּלְאָכִ֔ים וַיְשִׁבֻ֖הוּ דָּבָֽר׃

wayò̇֜ʼmer lĕmalĕʼàké֣y ben־hàda֗d ʼimĕr֞ẇ laֽʼdòni֤y hamė֨lekĕ֙ kò̇l֩ ʼàşěr־şá̌la֨ẖĕţá̇ ʼel־ʻabĕdĕ̇ká֤ báriֽʼşò̌náh֙ ʼeʻèşê֔h wĕhadá̇bá֣r hazė֔h lò֥ʼ ʼẇka֖l laʻàşò֑̂wţ wayéֽ̇lĕkẇ֙ hamȧlĕʼáki֔ym wayĕşǐbu֖hẇ dá̇báֽr׃

10
וַיִּשְׁלַ֤ח אֵלָיו֙ בֶּן־הֲדַ֔ד וַיֹּ֕אמֶר כֹּֽה־יַעֲשׂ֥וּן לִ֛י אֱלֹהִ֖ים וְכֹ֣ה יֹוסִ֑פוּ אִם־יִשְׂפֹּק֙ עֲפַ֣ר שֹׁמְרֹ֔ון לִשְׁעָלִ֕ים לְכָל־הָעָ֖ם אֲשֶׁ֥ר בְּרַגְלָֽי׃

wayi̇şĕ̌la֤ẖ ʼéláyw֙ bėn־hàda֔d wayò̇֕ʼmer kòֽ̇h־yaʻàş֥̂ẇn li֛y ʼèlòhi֖ym wĕkò֣h yòwsi֑pẇ ʼim־yişĕ̂pò̇q֙ ʻàpa֣r şò̌mĕrò֔wn lişĕ̌ʻáli֕ym lĕkál־háʻá֖m ʼàşě֥r bĕ̇ragĕláֽy׃

11
וַיַּ֤עַן מֶֽלֶךְ־יִשְׂרָאֵל֙ וַיֹּ֣אמֶר דַּבְּר֔וּ אַל־יִתְהַלֵּ֥ל חֹגֵ֖ר כִּמְפַתֵּֽחַ׃

wayȧ֤ʻan meֽlekĕ־yişĕ̂ráʼél֙ wayò֣̇ʼmer dȧbĕ̇r֔ẇ ʼal־yiţĕhalé֥̇l ẖògé֖r ki̇mĕpaţéֽ̇ẖa׃

12
וַיְהִ֗י כִּשְׁמֹ֨עַ֙ אֶת־הַדָּבָ֣ר הַזֶּ֔ה וְה֥וּא שֹׁתֶ֛ה ה֥וּא וְהַמְּלָכִ֖ים בַּסֻּכֹּ֑ות וַיֹּ֤אמֶר אֶל־עֲבָדָיו֙ שִׂ֔ימוּ וַיָּשִׂ֖ימוּ עַל־הָעִֽיר׃

wayĕhi֗y ki̇şĕ̌mò֨ʻa֙ ʼeţ־hadá̇bá֣r hazė֔h wĕh֥ẇʼ şò̌ţe֛h h֥ẇʼ wĕhamĕ̇láki֖ym bȧsu̇kò֑̇wţ wayò֤̇ʼmer ʼel־ʻàbádáyw֙ şî֔ymẇ wayá̇şî֖ymẇ ʻal־háʻiֽyr׃

13
וְהִנֵּ֣ה׀ נָבִ֣יא אֶחָ֗ד נִגַּשׁ֮ אֶל־אַחְאָ֣ב מֶֽלֶךְ־יִשְׂרָאֵל֒ וַיֹּ֗אמֶר כֹּ֚ה אָמַ֣ר יְהוָ֔ה הְֽרָאִ֔יתָ אֵ֛ת כָּל־הֶהָמֹ֥ון הַגָּדֹ֖ול הַזֶּ֑ה הִנְנִ֨י נֹתְנֹ֤ו בְיָֽדְךָ֙ הַיֹּ֔ום וְיָדַעְתָּ֖ כִּֽי־אֲנִ֥י יְהוָֽה׃

wĕhiné֣̇h׀ nábi֣yʼ ʼeẖá֗d nigȧş֮̌ ʼel־ʼaẖĕʼá֣b meֽlekĕ־yişĕ̂ráʼél֒ wayò̇֗ʼmer kò֚̇h ʼáma֣r yĕhwá֔h hĕֽráʼi֔yţá ʼé֛ţ ká̇l־hehámò֥wn hagá̇dò֖wl hazė֑h hinĕni֨y nòţĕnò֤w bĕyáֽdĕká֙ hayò̇֔wm wĕyádaʻĕţá֖̇ kiֽ̇y־ʼàni֥y yĕhwáֽh׃

14
וַיֹּ֤אמֶר אַחְאָב֙ בְּמִ֔י וַיֹּ֨אמֶר֙ כֹּֽה־אָמַ֣ר יְהוָ֔ה בְּנַעֲרֵ֖י שָׂרֵ֣י הַמְּדִינֹ֑ות וַיֹּ֛אמֶר מִֽי־יֶאְסֹ֥ר הַמִּלְחָמָ֖ה וַיֹּ֥אמֶר אָֽתָּה׃

wayò֤̇ʼmer ʼaẖĕʼáb֙ bĕ̇mi֔y wayò̇֨ʼmer֙ kòֽ̇h־ʼáma֣r yĕhwá֔h bĕ̇naʻàré֖y şá̂ré֣y hamĕ̇diynò֑wţ wayò֛̇ʼmer miֽy־yeʼĕsò֥r hami̇lĕẖámá֖h wayò֥̇ʼmer ʼáֽţá̇h׃

15
וַיִּפְקֹ֗ד אֶֽת־נַעֲרֵי֙ שָׂרֵ֣י הַמְּדִינֹ֔ות וַיִּהְי֕וּ מָאתַ֖יִם שְׁנַ֣יִם וּשְׁלֹשִׁ֑ים וְאַחֲרֵיהֶ֗ם פָּקַ֧ד אֶת־כָּל־הָעָ֛ם כָּל־בְּנֵ֥י יִשְׂרָאֵ֖ל שִׁבְעַ֥ת אֲלָפִֽים׃

wayi̇pĕqò֗d ʼeֽţ־naʻàréy֙ şá̂ré֣y hamĕ̇diynò֔wţ wayi̇hĕy֕ẇ máʼţa֖yim şĕ̌na֣yim ẇşĕ̌lòşǐ֑ym wĕʼaẖàréyhe֗m pá̇qa֧d ʼeţ־ká̇l־háʻá֛m ká̇l־bĕ̇né֥y yişĕ̂ráʼé֖l şǐbĕʻa֥ţ ʼàlápiֽym׃

16
וַיֵּצְא֖וּ בַּֽצָּהֳרָ֑יִם וּבֶן־הֲדַד֩ שֹׁתֶ֨ה שִׁכֹּ֜ור בַּסֻּכֹּ֗ות ה֧וּא וְהַמְּלָכִ֛ים שְׁלֹשִֽׁים־וּשְׁנַ֥יִם מֶ֖לֶךְ עֹזֵ֥ר אֹתֹֽו׃

wayé̇ẕĕʼ֖ẇ bȧֽẕá̇horá֑yim ẇben־hàdad֩ şò̌ţe֨h şǐkò̇֜wr bȧsu̇kò̇֗wţ h֧ẇʼ wĕhamĕ̇láki֛ym şĕ̌lòşǐֽym־ẇşĕ̌na֥yim me֖lekĕ ʻòzé֥r ʼòţòֽw׃

17
וַיֵּצְא֗וּ נַעֲרֵ֛י שָׂרֵ֥י הַמְּדִינֹ֖ות בָּרִֽאשֹׁנָ֑ה וַיִּשְׁלַ֣ח בֶּן־הֲדַ֗ד וַיַּגִּ֤ידוּ לֹו֙ לֵאמֹ֔ר אֲנָשִׁ֕ים יָצְא֖וּ מִשֹּׁמְרֹֽון׃

wayé̇ẕĕʼ֗ẇ naʻàré֛y şá̂ré֥y hamĕ̇diynò֖wţ bá̇riֽʼşò̌ná֑h wayi̇şĕ̌la֣ẖ bėn־hàda֗d wayȧgi֤̇ydẇ lòw֙ léʼmò֔r ʼànáşǐ֕ym yáẕĕʼ֖ẇ mişò̇̌mĕròֽwn׃

18
וַיֹּ֛אמֶר אִם־לְשָׁלֹ֥ום יָצָ֖אוּ תִּפְשׂ֣וּם חַיִּ֑ים וְאִ֧ם לְמִלְחָמָ֛ה יָצָ֖אוּ חַיִּ֥ים תִּפְשֽׂוּם׃

wayò֛̇ʼmer ʼim־lĕşá̌lò֥wm yáẕá֖ʼẇ ţi̇pĕş֣̂ẇm ẖayi֑̇ym wĕʼi֧m lĕmilĕẖámá֛h yáẕá֖ʼẇ ẖayi֥̇ym ţi̇pĕşֽ̂ẇm׃

19
וְאֵ֨לֶּה֙ יָצְא֣וּ מִן־הָעִ֔יר נַעֲרֵ֖י שָׂרֵ֣י הַמְּדִינֹ֑ות וְהַחַ֖יִל אֲשֶׁ֥ר אַחֲרֵיהֶֽם׃

wĕʼé֨lėh֙ yáẕĕʼ֣ẇ min־háʻi֔yr naʻàré֖y şá̂ré֣y hamĕ̇diynò֑wţ wĕhaẖa֖yil ʼàşě֥r ʼaẖàréyheֽm׃

20
וַיַּכּוּ֙ אִ֣ישׁ אִישֹׁ֔ו וַיָּנֻ֣סוּ אֲרָ֔ם וַֽיִּרְדְּפֵ֖ם יִשְׂרָאֵ֑ל וַיִּמָּלֵ֗ט בֶּן־הֲדַד֙ מֶ֣לֶךְ אֲרָ֔ם עַל־ס֖וּס וּפָרָשִֽׁים׃

wayȧk̇ẇ֙ ʼi֣yş̌ ʼiyşò̌֔w wayá̇nu֣sẇ ʼàrá֔m waֽyi̇rĕdĕ̇pé֖m yişĕ̂ráʼé֑l wayi̇má̇lé֗t bėn־hàdad֙ me֣lekĕ ʼàrá֔m ʻal־s֖ẇs ẇpáráşǐֽym׃

21
וַיֵּצֵא֙ מֶ֣לֶךְ יִשְׂרָאֵ֔ל וַיַּ֥ךְ אֶת־הַסּ֖וּס וְאֶת־הָרָ֑כֶב וְהִכָּ֥ה בַאֲרָ֖ם מַכָּ֥ה גְדֹולָֽה׃

wayé̇ẕéʼ֙ me֣lekĕ yişĕ̂ráʼé֔l wayȧ֥kĕ ʼeţ־haṡ֖ẇs wĕʼeţ־hárá֑keb wĕhiká֥̇h baʼàrá֖m maká֥̇h gĕdòwláֽh׃

22
וַיִּגַּ֤שׁ הַנָּבִיא֙ אֶל־מֶ֣לֶךְ יִשְׂרָאֵ֔ל וַיֹּ֤אמֶר לֹו֙ לֵ֣ךְ הִתְחַזַּ֔ק וְדַ֥ע וּרְאֵ֖ה אֵ֣ת אֲשֶֽׁר־תַּעֲשֶׂ֑ה כִּ֚י לִתְשׁוּבַ֣ת הַשָּׁנָ֔ה מֶ֥לֶךְ אֲרָ֖ם עֹלֶ֥ה עָלֶֽיךָ׃ ס

wayi̇gȧ֤ş̌ haná̇biyʼ֙ ʼel־me֣lekĕ yişĕ̂ráʼé֔l wayò֤̇ʼmer lòw֙ lé֣kĕ hiţĕẖazȧ֔q wĕda֥ʻ ẇrĕʼé֖h ʼé֣ţ ʼàşěֽr־ţȧʻàşê֑h ki֚̇y liţĕş̌ẇba֣ţ haşá̇̌ná֔h me֥lekĕ ʼàrá֖m ʻòle֥h ʻáleֽyká׃ s

23
וְעַבְדֵ֨י מֶֽלֶךְ־אֲרָ֜ם אָמְר֣וּ אֵלָ֗יו אֱלֹהֵ֤י הָרִים֙ אֱלֹ֣הֵיהֶ֔ם עַל־כֵּ֖ן חָזְק֣וּ מִמֶּ֑נּוּ וְאוּלָ֗ם נִלָּחֵ֤ם אִתָּם֙ בַּמִּישֹׁ֔ור אִם־לֹ֥א נֶחֱזַ֖ק מֵהֶֽם׃

wĕʻabĕdé֨y meֽlekĕ־ʼàrá֜m ʼámĕr֣ẇ ʼélá֗yw ʼèlòhé֤y háriym֙ ʼèlò֣héyhe֔m ʻal־ké֖̇n ẖázĕq֣ẇ mimė֑ṅẇ wĕʼẇlá֗m nilá̇ẖé֤m ʼiţá̇m֙ bȧmi̇yşò̌֔wr ʼim־lò֥ʼ neẖèza֖q méheֽm׃

24
וְאֶת־הַדָּבָ֥ר הַזֶּ֖ה עֲשֵׂ֑ה הָסֵ֤ר הַמְּלָכִים֙ אִ֣ישׁ מִמְּקֹמֹ֔ו וְשִׂ֥ים פַּחֹ֖ות תַּחְתֵּיהֶֽם׃

wĕʼeţ־hadá̇bá֥r hazė֖h ʻàşé֑̂h hásé֤r hamĕ̇lákiym֙ ʼi֣yş̌ mimĕ̇qòmò֔w wĕşî֥ym pȧẖò֖wţ ţȧẖĕţé̇yheֽm׃

25
וְאַתָּ֣ה תִֽמְנֶה־לְךָ֣׀ חַ֡יִל כַּחַיִל֩ הַנֹּפֵ֨ל מֵאֹותָ֜ךְ וְס֣וּס כַּסּ֣וּס׀ וְרֶ֣כֶב כָּרֶ֗כֶב וְנִֽלָּחֲמָ֤ה אֹותָם֙ בַּמִּישֹׁ֔ור אִם־לֹ֥א נֶחֱזַ֖ק מֵהֶ֑ם וַיִּשְׁמַ֥ע לְקֹלָ֖ם וַיַּ֥עַשׂ כֵּֽן׃ פ

wĕʼaţá֣̇h ţiֽmĕneh־lĕká֣׀ ẖa֡yil kȧẖayil֩ hanò̇pé֨l méʼòwţá֜kĕ wĕs֣ẇs kȧṡ֣ẇs׀ wĕre֣keb ká̇re֗keb wĕniֽlá̇ẖàmá֤h ʼòwţám֙ bȧmi̇yşò̌֔wr ʼim־lò֥ʼ neẖèza֖q méhe֑m wayi̇şĕ̌ma֥ʻ lĕqòlá֖m wayȧ֥ʻaş̂ kéֽ̇n׃ p

26
וַֽיְהִי֙ לִתְשׁוּבַ֣ת הַשָּׁנָ֔ה וַיִּפְקֹ֥ד בֶּן־הֲדַ֖ד אֶת־אֲרָ֑ם וַיַּ֣עַל אֲפֵ֔קָה לַמִּלְחָמָ֖ה עִם־יִשְׂרָאֵֽל׃

waֽyĕhiy֙ liţĕş̌ẇba֣ţ haşá̇̌ná֔h wayi̇pĕqò֥d bėn־hàda֖d ʼeţ־ʼàrá֑m wayȧ֣ʻal ʼàpé֔qáh lami̇lĕẖámá֖h ʻim־yişĕ̂ráʼéֽl׃

27
וּבְנֵ֣י יִשְׂרָאֵ֗ל הָתְפָּקְדוּ֙ וְכָלְכְּל֔וּ וַיֵּלְכ֖וּ לִקְרָאתָ֑ם וַיַּחֲנ֨וּ בְנֵֽי־יִשְׂרָאֵ֜ל נֶגְדָּ֗ם כִּשְׁנֵי֙ חֲשִׂפֵ֣י עִזִּ֔ים וַאֲרָ֖ם מִלְא֥וּ אֶת־הָאָֽרֶץ׃

ẇbĕné֣y yişĕ̂ráʼé֗l háţĕpá̇qĕdẇ֙ wĕkálĕkĕ̇l֔ẇ wayé̇lĕk֖ẇ liqĕráʼţá֑m wayȧẖàn֨ẇ bĕnéֽy־yişĕ̂ráʼé֜l negĕdá̇֗m ki̇şĕ̌néy֙ ẖàşîpé֣y ʻizi̇֔ym waʼàrá֖m milĕʼ֥ẇ ʼeţ־háʼáֽreẕ׃

28
וַיִּגַּ֞שׁ אִ֣ישׁ הָאֱלֹהִ֗ים וַיֹּאמֶר֮ אֶל־מֶ֣לֶךְ יִשְׂרָאֵל֒ וַיֹּ֜אמֶר כֹּֽה־אָמַ֣ר יְהוָ֗ה יַ֠עַן אֲשֶׁ֨ר אָמְר֤וּ אֲרָם֙ אֱלֹהֵ֤י הָרִים֙ יְהוָ֔ה וְלֹֽא־אֱלֹהֵ֥י עֲמָקִ֖ים ה֑וּא וְ֠נָתַתִּי אֶת־כָּל־הֶהָמֹ֨ון הַגָּ֤דֹול הַזֶּה֙ בְּיָדֶ֔ךָ וִֽידַעְתֶּ֖ם כִּֽי־אֲנִ֥י יְהוָֽה׃

wayi̇gȧ֞ş̌ ʼi֣yş̌ háʼèlòhi֗ym wayò̇ʼmer֮ ʼel־me֣lekĕ yişĕ̂ráʼél֒ wayò̇֜ʼmer kòֽ̇h־ʼáma֣r yĕhwá֗h ya֠ʻan ʼàşě֨r ʼámĕr֤ẇ ʼàrám֙ ʼèlòhé֤y háriym֙ yĕhwá֔h wĕlòֽʼ־ʼèlòhé֥y ʻàmáqi֖ym h֑ẇʼ wĕ֠náţaţi̇y ʼeţ־ká̇l־hehámò֨wn hagá֤̇dòwl hazėh֙ bĕ̇yáde֔ká wiֽydaʻĕţė֖m kiֽ̇y־ʼàni֥y yĕhwáֽh׃

29
וַֽיַּחֲנ֧וּ אֵ֦לֶּה נֹ֥כַח אֵ֖לֶּה שִׁבְעַ֣ת יָמִ֑ים וַיְהִ֣י׀ בַּיֹּ֣ום הַשְּׁבִיעִ֗י וַתִּקְרַב֙ הַמִּלְחָמָ֔ה וַיַּכּ֨וּ בְנֵֽי־יִשְׂרָאֵ֧ל אֶת־אֲרָ֛ם מֵאָה־אֶ֥לֶף רַגְלִ֖י בְּיֹ֥ום אֶחָֽד׃

waֽyȧẖàn֧ẇ ʼé֦lėh nò֥kaẖ ʼé֖lėh şǐbĕʻa֣ţ yámi֑ym wayĕhi֣y׀ bȧyò֣̇wm haşĕ̇̌biyʻi֗y waţi̇qĕrab֙ hami̇lĕẖámá֔h wayȧk̇֨ẇ bĕnéֽy־yişĕ̂ráʼé֧l ʼeţ־ʼàrá֛m méʼáh־ʼe֥lep ragĕli֖y bĕ̇yò֥wm ʼeẖáֽd׃

30
וַיָּנֻ֨סוּ הַנֹּותָרִ֥ים׀ אֲפֵקָה֮ אֶל־הָעִיר֒ וַתִּפֹּל֙ הַחֹומָ֔ה עַל־עֶשְׂרִ֨ים וְשִׁבְעָ֥ה אֶ֛לֶף אִ֖ישׁ הַנֹּותָרִ֑ים וּבֶן־הֲדַ֣ד נָ֔ס וַיָּבֹ֥א אֶל־הָעִ֖יר חֶ֥דֶר בְּחָֽדֶר׃ ס

wayá̇nu֨sẇ hanò̇wţári֥ym׀ ʼàpéqáh֮ ʼel־háʻiyr֒ waţi̇pò̇l֙ haẖòwmá֔h ʻal־ʻeşĕ̂ri֨ym wĕşǐbĕʻá֥h ʼe֛lep ʼi֖yş̌ hanò̇wţári֑ym ẇben־hàda֣d ná֔s wayá̇bò֥ʼ ʼel־háʻi֖yr ẖe֥der bĕ̇ẖáֽder׃ s

31
וַיֹּאמְר֣וּ אֵלָיו֮ עֲבָדָיו֒ הִנֵּֽה־נָ֣א שָׁמַ֔עְנוּ כִּ֗י מַלְכֵי֙ בֵּ֣ית יִשְׂרָאֵ֔ל כִּֽי־מַלְכֵ֥י חֶ֖סֶד הֵ֑ם נָשִׂ֣ימָה נָּא֩ שַׂקִּ֨ים בְּמָתְנֵ֜ינוּ וַחֲבָלִ֣ים בְּרֹאשֵׁ֗נוּ וְנֵצֵא֙ אֶל־מֶ֣לֶךְ יִשְׂרָאֵ֔ל אוּלַ֖י יְחַיֶּ֥ה אֶת־נַפְשֶֽׁךָ׃

wayò̇ʼmĕr֣ẇ ʼéláyw֮ ʻàbádáyw֒ hinéֽ̇h־ná֣ʼ şá̌ma֔ʻĕnẇ ki̇֗y malĕkéy֙ bé֣̇yţ yişĕ̂ráʼé֔l kiֽ̇y־malĕké֥y ẖe֖sed hé֑m náşî֣ymáh ná̇ʼ֩ şâqi̇֨ym bĕ̇máţĕné֜ynẇ waẖàbáli֣ym bĕ̇ròʼşé̌֗nẇ wĕnéẕéʼ֙ ʼel־me֣lekĕ yişĕ̂ráʼé֔l ʼẇla֖y yĕẖayė֥h ʼeţ־napĕşěֽká׃

32
וַיַּחְגְּרוּ֩ שַׂקִּ֨ים בְּמָתְנֵיהֶ֜ם וַחֲבָלִ֣ים בְּרָאשֵׁיהֶ֗ם וַיָּבֹ֨אוּ֙ אֶל־מֶ֣לֶךְ יִשְׂרָאֵ֔ל וַיֹּ֣אמְר֔וּ עַבְדְּךָ֧ בֶן־הֲדַ֛ד אָמַ֖ר תְּחִֽי־נָ֣א נַפְשִׁ֑י וַיֹּ֛אמֶר הַעֹודֶ֥נּוּ חַ֖י אָחִ֥י הֽוּא׃

wayȧẖĕgĕ̇rẇ֩ şâqi̇֨ym bĕ̇máţĕnéyhe֜m waẖàbáli֣ym bĕ̇ráʼşé̌yhe֗m wayá̇bò֨ʼẇ֙ ʼel־me֣lekĕ yişĕ̂ráʼé֔l wayò֣̇ʼmĕr֔ẇ ʻabĕdĕ̇ká֧ ben־hàda֛d ʼáma֖r ţĕ̇ẖiֽy־ná֣ʼ napĕşǐ֑y wayò֛̇ʼmer haʻòwde֥ṅẇ ẖa֖y ʼáẖi֥y hֽẇʼ׃

33
וְהָאֲנָשִׁים֩ יְנַחֲשׁ֨וּ וַֽיְמַהֲר֜וּ וַיַּחְלְט֣וּ הֲמִמֶּ֗נּוּ וַיֹּֽאמְרוּ֙ אָחִ֣יךָ בֶן־הֲדַ֔ד וַיֹּ֖אמֶר בֹּ֣אוּ קָחֻ֑הוּ וַיֵּצֵ֤א אֵלָיו֙ בֶּן־הֲדַ֔ד וַֽיַּעֲלֵ֖הוּ עַל־הַמֶּרְכָּבָֽה׃

wĕháʼànáşǐym֩ yĕnaẖàş̌֨ẇ waֽyĕmahàr֜ẇ wayȧẖĕlĕt֣ẇ hàmimė֗ṅẇ wayòֽ̇ʼmĕrẇ֙ ʼáẖi֣yká ben־hàda֔d wayò֖̇ʼmer bò֣̇ʼẇ qáẖu֑hẇ wayé̇ẕé֤ʼ ʼéláyw֙ bėn־hàda֔d waֽyȧʻàlé֖hẇ ʻal־hamėrĕká̇báֽh׃

34
וַיֹּ֣אמֶר אֵלָ֡יו הֶעָרִ֣ים אֲשֶׁר־לָֽקַח־אָבִי֩ מֵאֵ֨ת אָבִ֜יךָ אָשִׁ֗יב וְ֠חוּצֹות תָּשִׂ֨ים לְךָ֤ בְדַמֶּ֨שֶׂק֙ כַּאֲשֶׁר־שָׂ֤ם אָבִי֙ בְּשֹׁ֣מְרֹ֔ון וַאֲנִ֖י בַּבְּרִ֣ית אֲשַׁלְּחֶ֑ךָּ וַיִּכְרָת־לֹ֥ו בְרִ֖ית וַֽיְשַׁלְּחֵֽהוּ׃ ס

wayò֣̇ʼmer ʼélá֡yw heʻári֣ym ʼàşěr־láֽqaẖ־ʼábiy֩ méʼé֨ţ ʼábi֜yká ʼáşǐ֗yb wĕ֠ẖẇẕòwţ ţá̇şî֨ym lĕká֤ bĕdamė֨şêq֙ kȧʼàşěr־şá֤̂m ʼábiy֙ bĕ̇şò֣̌mĕrò֔wn waʼàni֖y bȧbĕ̇ri֣yţ ʼàşǎlĕ̇ẖe֑ká̇ wayi̇kĕráţ־lò֥w bĕri֖yţ waֽyĕşǎlĕ̇ẖéֽhẇ׃ s

35
וְאִ֨ישׁ אֶחָ֜ד מִבְּנֵ֣י הַנְּבִיאִ֗ים אָמַ֧ר אֶל־רֵעֵ֛הוּ בִּדְבַ֥ר יְהוָ֖ה הַכֵּ֣ינִי נָ֑א וַיְמָאֵ֥ן הָאִ֖ישׁ לְהַכֹּתֹֽו׃

wĕʼi֨yş̌ ʼeẖá֜d mibĕ̇né֣y hanĕ̇biyʼi֗ym ʼáma֧r ʼel־réʻé֛hẇ bi̇dĕba֥r yĕhwá֖h haké֣̇yniy ná֑ʼ wayĕmáʼé֥n háʼi֖yş̌ lĕhakò̇ţòֽw׃

36
וַיֹּ֣אמֶר לֹ֗ו יַ֚עַן אֲשֶׁ֤ר לֹֽא־שָׁמַ֨עְתָּ֙ בְּקֹ֣ול יְהוָ֔ה הִנְּךָ֤ הֹולֵךְ֙ מֵֽאִתִּ֔י וְהִכְּךָ֖ הָאַרְיֵ֑ה וַיֵּ֨לֶךְ֙ מֵֽאֶצְלֹ֔ו וַיִּמְצָאֵ֥הוּ הָאַרְיֵ֖ה וַיַּכֵּֽהוּ׃

wayò֣̇ʼmer lò֗w ya֚ʻan ʼàşě֤r lòֽʼ־şá̌ma֨ʻĕţá̇֙ bĕ̇qò֣wl yĕhwá֔h hinĕ̇ká֤ hòwlékĕ֙ méֽʼiţi̇֔y wĕhikĕ̇ká֖ háʼarĕyé֑h wayé̇֨lekĕ֙ méֽʼeẕĕlò֔w wayi̇mĕẕáʼé֥hẇ háʼarĕyé֖h wayȧkéֽ̇hẇ׃

37
וַיִּמְצָא֙ אִ֣ישׁ אַחֵ֔ר וַיֹּ֖אמֶר הַכֵּ֣ינִי נָ֑א וַיַּכֵּ֥הוּ הָאִ֖ישׁ הַכֵּ֥ה וּפָצֹֽעַ׃

wayi̇mĕẕáʼ֙ ʼi֣yş̌ ʼaẖé֔r wayò֖̇ʼmer haké֣̇yniy ná֑ʼ wayȧké֥̇hẇ háʼi֖yş̌ haké֥̇h ẇpáẕòֽʻa׃

38
וַיֵּ֨לֶךְ֙ הַנָּבִ֔יא וַיַּעֲמֹ֥ד לַמֶּ֖לֶךְ עַל־הַדָּ֑רֶךְ וַיִּתְחַפֵּ֥שׂ בָּאֲפֵ֖ר עַל־עֵינָֽיו׃

wayé̇֨lekĕ֙ haná̇bi֔yʼ wayȧʻàmò֥d lamė֖lekĕ ʻal־hadá֑̇rekĕ wayi̇ţĕẖapé֥̇ş̂ bá̇ʼàpé֖r ʻal־ʻéynáֽyw׃

39
וַיְהִ֤י הַמֶּ֨לֶךְ֙ עֹבֵ֔ר וְה֖וּא צָעַ֣ק אֶל־הַמֶּ֑לֶךְ וַיֹּ֜אמֶר עַבְדְּךָ֣׀ יָצָ֣א בְקֶֽרֶב־הַמִּלְחָמָ֗ה וְהִנֵּֽה־אִ֨ישׁ סָ֜ר וַיָּבֵ֧א אֵלַ֣י אִ֗ישׁ וַיֹּ֨אמֶר֙ שְׁמֹר֙ אֶת־הָאִ֣ישׁ הַזֶּ֔ה אִם־הִפָּקֵד֙ יִפָּקֵ֔ד וְהָיְתָ֤ה נַפְשְׁךָ֙ תַּ֣חַת נַפְשֹׁ֔ו אֹ֥ו כִכַּר־כֶּ֖סֶף תִּשְׁקֹֽול׃

wayĕhi֤y hamė֨lekĕ֙ ʻòbé֔r wĕh֖ẇʼ ẕáʻa֣q ʼel־hamė֑lekĕ wayò̇֜ʼmer ʻabĕdĕ̇ká֣׀ yáẕá֣ʼ bĕqeֽreb־hami̇lĕẖámá֗h wĕhinéֽ̇h־ʼi֨yş̌ sá֜r wayá̇bé֧ʼ ʼéla֣y ʼi֗yş̌ wayò̇֨ʼmer֙ şĕ̌mòr֙ ʼeţ־háʼi֣yş̌ hazė֔h ʼim־hipá̇qéd֙ yipá̇qé֔d wĕháyĕţá֤h napĕşĕ̌ká֙ ţȧ֣ẖaţ napĕşò̌֔w ʼò֥w kikȧr־kė֖sep ţi̇şĕ̌qòֽwl׃

40
וַיְהִ֣י עַבְדְּךָ֗ עֹשֵׂ֥ה הֵ֛נָּה וָהֵ֖נָּה וְה֣וּא אֵינֶ֑נּוּ וַיֹּ֨אמֶר אֵלָ֧יו מֶֽלֶךְ־יִשְׂרָאֵ֛ל כֵּ֥ן מִשְׁפָּטֶ֖ךָ אַתָּ֥ה חָרָֽצְתָּ׃

wayĕhi֣y ʻabĕdĕ̇ká֗ ʻòşé֥̂h hé֛ná̇h wáhé֖ná̇h wĕh֣ẇʼ ʼéyne֑ṅẇ wayò̇֨ʼmer ʼélá֧yw meֽlekĕ־yişĕ̂ráʼé֛l ké֥̇n mişĕ̌pá̇te֖ká ʼaţá֥̇h ẖáráֽẕĕţá̇׃

41
וַיְמַהֵ֕ר וַיָּ֨סַר֙ אֶת־הָ֣אֲפֵ֔ר מֵעַל עֵינָ֑יו וַיַּכֵּ֤ר אֹתֹו֙ מֶ֣לֶךְ יִשְׂרָאֵ֔ל כִּ֥י מֵֽהַנְּבִאִ֖ים הֽוּא׃

wayĕmahé֕r wayá̇֨sar֙ ʼeţ־há֣ʼàpé֔r méʻal ʻéyná֑yw wayȧké֤̇r ʼòţòw֙ me֣lekĕ yişĕ̂ráʼé֔l ki֥̇y méֽhanĕ̇biʼi֖ym hֽẇʼ׃

42
וַיֹּ֣אמֶר אֵלָ֗יו כֹּ֚ה אָמַ֣ר יְהוָ֔ה יַ֛עַן שִׁלַּ֥חְתָּ אֶת־אִישׁ־חֶרְמִ֖י מִיָּ֑ד וְהָיְתָ֤ה נַפְשְׁךָ֙ תַּ֣חַת נַפְשֹׁ֔ו וְעַמְּךָ֖ תַּ֥חַת עַמֹּֽו׃

wayò֣̇ʼmer ʼélá֗yw kò֚̇h ʼáma֣r yĕhwá֔h ya֛ʻan şǐlȧ֥ẖĕţá̇ ʼeţ־ʼiyş̌־ẖerĕmi֖y miyá֑̇d wĕháyĕţá֤h napĕşĕ̌ká֙ ţȧ֣ẖaţ napĕşò̌֔w wĕʻamĕ̇ká֖ ţȧ֥ẖaţ ʻamòֽ̇w׃

43
וַיֵּ֧לֶךְ מֶֽלֶךְ־יִשְׂרָאֵ֛ל עַל־בֵּיתֹ֖ו סַ֣ר וְזָעֵ֑ף וַיָּבֹ֖א שֹׁמְרֹֽונָה׃ פ

wayé֧̇lekĕ meֽlekĕ־yişĕ̂ráʼé֛l ʻal־bé̇yţò֖w sa֣r wĕzáʻé֑p wayá̇bò֖ʼ şò̌mĕròֽwnáh׃ p