Bibles in ancient languages
Old translations
Modern translations

Biblia Hebraica Stuttgartensia 1 Rois 5:9

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וּשְׁלֹמֹ֗ה הָיָ֤ה מֹושֵׁל֙ בְּכָל־הַמַּמְלָכֹ֔ות מִן־הַנָּהָר֙ אֶ֣רֶץ פְּלִשְׁתִּ֔ים וְעַ֖ד גְּב֣וּל מִצְרָ֑יִם מַגִּשִׁ֥ים מִנְחָ֛ה וְעֹבְדִ֥ים אֶת־שְׁלֹמֹ֖ה כָּל־יְמֵ֥י חַיָּֽיו׃ פ

ẇşĕ̌lòmò֗h háyá֤h mòwşé̌l֙ bĕ̇kál־hamȧmĕlákò֔wţ min־haná̇hár֙ ʼe֣reẕ pĕ̇lişĕ̌ţi̇֔ym wĕʻa֖d gĕ̇b֣ẇl miẕĕrá֑yim magi̇şǐ֥ym minĕẖá֛h wĕʻòbĕdi֥ym ʼeţ־şĕ̌lòmò֖h ká̇l־yĕmé֥y ẖayáֽ̇yw׃ p

2
וַיְהִ֥י לֶֽחֶם־שְׁלֹמֹ֖ה לְיֹ֣ום אֶחָ֑ד שְׁלֹשִׁ֥ים כֹּר֙ סֹ֔לֶת וְשִׁשִּׁ֥ים כֹּ֖ר קָֽמַח׃

wayĕhi֥y leֽẖem־şĕ̌lòmò֖h lĕyò֣wm ʼeẖá֑d şĕ̌lòşǐ֥ym kò̇r֙ sò֔leţ wĕşǐşi֥̇̌ym kò֖̇r qáֽmaẖ׃

3
עֲשָׂרָ֨ה בָקָ֜ר בְּרִאִ֗ים וְעֶשְׂרִ֥ים בָּקָ֛ר רְעִ֖י וּמֵ֣אָה צֹ֑אן לְ֠בַד מֵֽאַיָּ֤ל וּצְבִי֙ וְיַחְמ֔וּר וּבַרְבֻּרִ֖ים אֲבוּסִֽים׃

ʻàşá̂rá֨h báqá֜r bĕ̇riʼi֗ym wĕʻeşĕ̂ri֥ym bá̇qá֛r rĕʻi֖y ẇmé֣ʼáh ẕò֑ʼn lĕ֠bad méֽʼayá֤̇l ẇẕĕbiy֙ wĕyaẖĕm֔ẇr ẇbarĕbu̇ri֖ym ʼàbẇsiֽym׃

4
כִּי־ה֞וּא רֹדֶ֣ה׀ בְּכָל־עֵ֣בֶר הַנָּהָ֗ר מִתִּפְסַח֙ וְעַד־עַזָּ֔ה בְּכָל־מַלְכֵ֖י עֵ֣בֶר הַנָּהָ֑ר וְשָׁלֹ֗ום הָ֥יָה לֹ֛ו מִכָּל־עֲבָרָ֖יו מִסָּבִֽיב׃

ki̇y־h֞ẇʼ ròde֣h׀ bĕ̇kál־ʻé֣ber haná̇há֗r miţi̇pĕsaẖ֙ wĕʻad־ʻazá̇֔h bĕ̇kál־malĕké֖y ʻé֣ber haná̇há֑r wĕşá̌lò֗wm há֥yáh lò֛w miká̇l־ʻàbárá֖yw misá̇biֽyb׃

5
וַיֵּשֶׁב֩ יְהוּדָ֨ה וְיִשְׂרָאֵ֜ל לָבֶ֗טַח אִ֣ישׁ תַּ֤חַת גַּפְנֹו֙ וְתַ֣חַת תְּאֵֽנָתֹ֔ו מִדָּ֖ן וְעַד־בְּאֵ֣ר שָׁ֑בַע כֹּ֖ל יְמֵ֥י שְׁלֹמֹֽה׃ ס

wayé̇şěb֩ yĕhẇdá֨h wĕyişĕ̂ráʼé֜l lábe֗taẖ ʼi֣yş̌ ţȧ֤ẖaţ gȧpĕnòw֙ wĕţa֣ẖaţ ţĕ̇ʼéֽnáţò֔w midá֖̇n wĕʻad־bĕ̇ʼé֣r şá֑̌baʻ kò֖̇l yĕmé֥y şĕ̌lòmòֽh׃ s

6
וַיְהִ֣י לִשְׁלֹמֹ֗ה אַרְבָּעִ֥ים אֶ֛לֶף אֻרְוֹ֥ת סוּסִ֖ים לְמֶרְכָּבֹ֑ו וּשְׁנֵים־עָשָׂ֥ר אֶ֖לֶף פָּרָשִֽׁים׃

wayĕhi֣y lişĕ̌lòmò֗h ʼarĕbá̇ʻi֥ym ʼe֛lep ʼurĕwò֥ţ sẇsi֖ym lĕmerĕká̇bò֑w ẇşĕ̌néym־ʻáşá֥̂r ʼe֖lep pá̇ráşǐֽym׃

7
וְכִלְכְּלוּ֩ הַנִּצָּבִ֨ים הָאֵ֜לֶּה אֶת־הַמֶּ֣לֶךְ שְׁלֹמֹ֗ה וְאֵ֧ת כָּל־הַקָּרֵ֛ב אֶל־שֻׁלְחַ֥ן הַמֶּֽלֶךְ־שְׁלֹמֹ֖ה אִ֣ישׁ חָדְשֹׁ֑ו לֹ֥א יְעַדְּר֖וּ דָּבָֽר׃

wĕkilĕkĕ̇lẇ֩ hani̇ẕá̇bi֨ym háʼé֜lėh ʼeţ־hamė֣lekĕ şĕ̌lòmò֗h wĕʼé֧ţ ká̇l־haqá̇ré֛b ʼel־şǔlĕẖa֥n hamėֽlekĕ־şĕ̌lòmò֖h ʼi֣yş̌ ẖádĕşò֑̌w lò֥ʼ yĕʻadĕ̇r֖ẇ dá̇báֽr׃

8
וְהַשְּׂעֹרִ֣ים וְהַתֶּ֔בֶן לַסּוּסִ֖ים וְלָרָ֑כֶשׁ יָבִ֗אוּ אֶל־הַמָּקֹום֙ אֲשֶׁ֣ר יִֽהְיֶה־שָּׁ֔ם אִ֖ישׁ כְּמִשְׁפָּטֹֽו׃ ס

wĕhaşĕ̇̂ʻòri֣ym wĕhaţė֔ben laṡẇsi֖ym wĕlárá֑keş̌ yábi֗ʼẇ ʼel־hamá̇qòwm֙ ʼàşě֣r yiֽhĕyeh־şá̇̌֔m ʼi֖yş̌ kĕ̇mişĕ̌pá̇tòֽw׃ s

9
וַיִּתֵּן֩ אֱלֹהִ֨ים חָכְמָ֧ה לִשְׁלֹמֹ֛ה וּתְבוּנָ֖ה הַרְבֵּ֣ה מְאֹ֑ד וְרֹ֣חַב לֵ֔ב כַּחֹ֕ול אֲשֶׁ֖ר עַל־שְׂפַ֥ת הַיָּֽם׃

wayi̇ţé̇n֩ ʼèlòhi֨ym ẖákĕmá֧h lişĕ̌lòmò֛h ẇţĕbẇná֖h harĕbé֣̇h mĕʼò֑d wĕrò֣ẖab lé֔b kȧẖò֕wl ʼàşě֖r ʻal־şĕ̂pa֥ţ hayáֽ̇m׃

10
וַתֵּ֨רֶב֙ חָכְמַ֣ת שְׁלֹמֹ֔ה מֵֽחָכְמַ֖ת כָּל־בְּנֵי־קֶ֑דֶם וּמִכֹּ֖ל חָכְמַ֥ת מִצְרָֽיִם׃

waţé̇֨reb֙ ẖákĕma֣ţ şĕ̌lòmò֔h méֽẖákĕma֖ţ ká̇l־bĕ̇néy־qe֑dem ẇmikò֖̇l ẖákĕma֥ţ miẕĕráֽyim׃

11
וַיֶּחְכַּם֮ מִכָּל־הָֽאָדָם֒ מֵאֵיתָ֣ן הָאֶזְרָחִ֗י וְהֵימָ֧ן וְכַלְכֹּ֛ל וְדַרְדַּ֖ע בְּנֵ֣י מָחֹ֑ול וַיְהִֽי־שְׁמֹ֥ו בְכָֽל־הַגֹּויִ֖ם סָבִֽיב׃

wayėẖĕkȧm֮ miká̇l־háֽʼádám֒ méʼéyţá֣n háʼezĕráẖi֗y wĕhéymá֧n wĕkalĕkò֛̇l wĕdarĕdȧ֖ʻ bĕ̇né֣y máẖò֑wl wayĕhiֽy־şĕ̌mò֥w bĕkáֽl־hagò̇wyi֖m sábiֽyb׃

12
וַיְדַבֵּ֕ר שְׁלֹ֥שֶׁת אֲלָפִ֖ים מָשָׁ֑ל וַיְהִ֥י שִׁירֹ֖ו חֲמִשָּׁ֥ה וָאָֽלֶף׃

wayĕdabé̇֕r şĕ̌lò֥şěţ ʼàlápi֖ym máşá֑̌l wayĕhi֥y şǐyrò֖w ẖàmişá֥̇̌h wáʼáֽlep׃

13
וַיְדַבֵּר֮ עַל־הָֽעֵצִים֒ מִן־הָאֶ֨רֶז֙ אֲשֶׁ֣ר בַּלְּבָנֹ֔ון וְעַד֙ הָאֵזֹ֔וב אֲשֶׁ֥ר יֹצֵ֖א בַּקִּ֑יר וַיְדַבֵּר֙ עַל־הַבְּהֵמָ֣ה וְעַל־הָעֹ֔וף וְעַל־הָרֶ֖מֶשׂ וְעַל־הַדָּגִֽים׃

wayĕdabé̇r֮ ʻal־háֽʻéẕiym֒ min־háʼe֨rez֙ ʼàşě֣r bȧlĕ̇bánò֔wn wĕʻad֙ háʼézò֔wb ʼàşě֥r yòẕé֖ʼ bȧqi֑̇yr wayĕdabé̇r֙ ʻal־habĕ̇hémá֣h wĕʻal־háʻò֔wp wĕʻal־háre֖meş̂ wĕʻal־hadá̇giֽym׃

14
וַיָּבֹ֨אוּ֙ מִכָּל־הָ֣עַמִּ֔ים לִשְׁמֹ֕עַ אֵ֖ת חָכְמַ֣ת שְׁלֹמֹ֑ה מֵאֵת֙ כָּל־מַלְכֵ֣י הָאָ֔רֶץ אֲשֶׁ֥ר שָׁמְע֖וּ אֶת־חָכְמָתֹֽו׃ ס

wayá̇bò֨ʼẇ֙ miká̇l־há֣ʻami̇֔ym lişĕ̌mò֕ʻa ʼé֖ţ ẖákĕma֣ţ şĕ̌lòmò֑h méʼéţ֙ ká̇l־malĕké֣y háʼá֔reẕ ʼàşě֥r şá̌mĕʻ֖ẇ ʼeţ־ẖákĕmáţòֽw׃ s

15
וַ֠יִּשְׁלַח חִירָ֨ם מֶֽלֶךְ־צֹ֤ור אֶת־עֲבָדָיו֙ אֶל־שְׁלֹמֹ֔ה כִּ֣י שָׁמַ֔ע כִּ֥י אֹתֹ֛ו מָשְׁח֥וּ לְמֶ֖לֶךְ תַּ֣חַת אָבִ֑יהוּ כִּ֣י אֹהֵ֗ב הָיָ֥ה חִירָ֛ם לְדָוִ֖ד כָּל־הַיָּמִֽים׃ ס

wa֠yi̇şĕ̌laẖ ẖiyrá֨m meֽlekĕ־ẕò֤wr ʼeţ־ʻàbádáyw֙ ʼel־şĕ̌lòmò֔h ki֣̇y şá̌ma֔ʻ ki֥̇y ʼòţò֛w máşĕ̌ẖ֥ẇ lĕme֖lekĕ ţȧ֣ẖaţ ʼábi֑yhẇ ki֣̇y ʼòhé֗b háyá֥h ẖiyrá֛m lĕdáwi֖d ká̇l־hayá̇miֽym׃ s

16
וַיִּשְׁלַ֣ח שְׁלֹמֹ֔ה אֶל־חִירָ֖ם לֵאמֹֽר׃

wayi̇şĕ̌la֣ẖ şĕ̌lòmò֔h ʼel־ẖiyrá֖m léʼmòֽr׃

17
אַתָּ֨ה יָדַ֜עְתָּ אֶת־דָּוִ֣ד אָבִ֗י כִּ֣י לֹ֤א יָכֹל֙ לִבְנֹ֣ות בַּ֗יִת לְשֵׁם֙ יְהוָ֣ה אֱלֹהָ֔יו מִפְּנֵ֥י הַמִּלְחָמָ֖ה אֲשֶׁ֣ר סְבָבֻ֑הוּ עַ֤ד תֵּת־יְהוָה֙ אֹתָ֔ם תַּ֖חַת כַּפֹּ֥ות רַגְלֹו

ʼaţá̇֨h yáda֜ʻĕţá̇ ʼeţ־dá̇wi֣d ʼábi֗y ki֣̇y lò֤ʼ yákòl֙ libĕnò֣wţ bȧ֗yiţ lĕşé̌m֙ yĕhwá֣h ʼèlòhá֔yw mipĕ̇né֥y hami̇lĕẖámá֖h ʼàşě֣r sĕbábu֑hẇ ʻa֤d ţé̇ţ־yĕhwáh֙ ʼòţá֔m ţȧ֖ẖaţ kȧpò֥̇wţ ragĕlòw

18
וְעַתָּ֕ה הֵנִ֨יחַ יְהוָ֧ה אֱלֹהַ֛י לִ֖י מִסָּבִ֑יב אֵ֣ין שָׂטָ֔ן וְאֵ֖ין פֶּ֥גַע רָֽע׃

wĕʻaţá̇֕h héni֨yẖa yĕhwá֧h ʼèlòha֛y li֖y misá̇bi֑yb ʼé֣yn şá̂tá֔n wĕʼé֖yn pė֥gaʻ ráֽʻ׃

19
וְהִנְנִ֣י אֹמֵ֔ר לִבְנֹ֣ות בַּ֔יִת לְשֵׁ֖ם יְהוָ֣ה אֱלֹהָ֑י כַּאֲשֶׁ֣ר׀ דִּבֶּ֣ר יְהוָ֗ה אֶל־דָּוִ֤ד אָבִי֙ לֵאמֹ֔ר בִּנְךָ֗ אֲשֶׁ֨ר אֶתֵּ֤ן תַּחְתֶּ֨יךָ֙ עַל־כִּסְאֶ֔ךָ הֽוּא־יִבְנֶ֥ה הַבַּ֖יִת לִשְׁמִֽי׃

wĕhinĕni֣y ʼòmé֔r libĕnò֣wţ bȧ֔yiţ lĕşé֖̌m yĕhwá֣h ʼèlòhá֑y kȧʼàşě֣r׀ di̇bė֣r yĕhwá֗h ʼel־dá̇wi֤d ʼábiy֙ léʼmò֔r bi̇nĕká֗ ʼàşě֨r ʼeţé֤̇n ţȧẖĕţė֨yká֙ ʻal־ki̇sĕʼe֔ká hֽẇʼ־yibĕne֥h habȧ֖yiţ lişĕ̌miֽy׃

20
וְעַתָּ֡ה צַוֵּה֩ וְיִכְרְתוּ־לִ֨י אֲרָזִ֜ים מִן־הַלְּבָנֹ֗ון וַֽעֲבָדַי֙ יִהְי֣וּ עִם־עֲבָדֶ֔יךָ וּשְׂכַ֤ר עֲבָדֶ֨יךָ֙ אֶתֵּ֣ן לְךָ֔ כְּכֹ֖ל אֲשֶׁ֣ר תֹּאמֵ֑ר כִּ֣י׀ אַתָּ֣ה יָדַ֗עְתָּ כִּ֣י אֵ֥ין בָּ֛נוּ אִ֛ישׁ יֹדֵ֥עַ לִכְרָת־עֵצִ֖ים כַּצִּדֹנִֽים׃

wĕʻaţá̇֡h ẕawé̇h֩ wĕyikĕrĕţẇ־li֨y ʼàrázi֜ym min־halĕ̇bánò֗wn waֽʻàbáday֙ yihĕy֣ẇ ʻim־ʻàbáde֔yká ẇşĕ̂ka֤r ʻàbáde֨yká֙ ʼeţé֣̇n lĕká֔ kĕ̇kò֖l ʼàşě֣r ţò̇ʼmé֑r ki֣̇y׀ ʼaţá֣̇h yáda֗ʻĕţá̇ ki֣̇y ʼé֥yn bá֛̇nẇ ʼi֛yş̌ yòdé֥ʻa likĕráţ־ʻéẕi֖ym kȧẕi̇dòniֽym׃

21
וַיְהִ֞י כִּשְׁמֹ֧עַ חִירָ֛ם אֶת־דִּבְרֵ֥י שְׁלֹמֹ֖ה וַיִּשְׂמַ֣ח מְאֹ֑ד וַיֹּ֗אמֶר בָּר֤וּךְ יְהוָה֙ הַיֹּ֔ום אֲשֶׁ֨ר נָתַ֤ן לְדָוִד֙ בֵּ֣ן חָכָ֔ם עַל־הָעָ֥ם הָרָ֖ב הַזֶּֽה׃

wayĕhi֞y ki̇şĕ̌mò֧ʻa ẖiyrá֛m ʼeţ־di̇bĕré֥y şĕ̌lòmò֖h wayi̇şĕ̂ma֣ẖ mĕʼò֑d wayò̇֗ʼmer bá̇r֤ẇkĕ yĕhwáh֙ hayò̇֔wm ʼàşě֨r náţa֤n lĕdáwid֙ bé֣̇n ẖáká֔m ʻal־háʻá֥m hárá֖b hazėֽh׃

22
וַיִּשְׁלַ֤ח חִירָם֙ אֶל־שְׁלֹמֹ֣ה לֵאמֹ֔ר שָׁמַ֕עְתִּי אֵ֥ת אֲשֶׁר־שָׁלַ֖חְתָּ אֵלָ֑י אֲנִ֤י אֶֽעֱשֶׂה֙ אֶת־כָּל־חֶפְצְךָ֔ בַּעֲצֵ֥י אֲרָזִ֖ים וּבַעֲצֵ֥י בְרֹושִֽׁים׃

wayi̇şĕ̌la֤ẖ ẖiyrám֙ ʼel־şĕ̌lòmò֣h léʼmò֔r şá̌ma֕ʻĕţi̇y ʼé֥ţ ʼàşěr־şá̌la֖ẖĕţá̇ ʼélá֑y ʼàni֤y ʼeֽʻèşêh֙ ʼeţ־ká̇l־ẖepĕẕĕká֔ bȧʻàẕé֥y ʼàrázi֖ym ẇbaʻàẕé֥y bĕròwşǐֽym׃

23
עֲ֠בָדַי יֹרִ֨דוּ מִן־הַלְּבָנֹ֜ון יָ֗מָּה וַ֠אֲנִי אֲשִׂימֵ֨ם דֹּבְרֹ֤ות בַּיָּם֙ עַֽד־הַמָּקֹ֞ום אֲשֶׁר־תִּשְׁלַ֥ח אֵלַ֛י וְנִפַּצְתִּ֥ים שָׁ֖ם וְאַתָּ֣ה תִשָּׂ֑א וְאַתָּה֙ תַּעֲשֶׂ֣ה אֶת־חֶפְצִ֔י לָתֵ֖ת לֶ֥חֶם בֵּיתִֽי׃

ʻà֠báday yòri֨dẇ min־halĕ̇bánò֜wn yá֗má̇h wa֠ʼàniy ʼàşîymé֨m dò̇bĕrò֤wţ bȧyá̇m֙ ʻaֽd־hamá̇qò֞wm ʼàşěr־ţi̇şĕ̌la֥ẖ ʼéla֛y wĕnipȧẕĕţi֥̇ym şá֖̌m wĕʼaţá֣̇h ţişá֑̇̂ʼ wĕʼaţá̇h֙ ţȧʻàşê֣h ʼeţ־ẖepĕẕi֔y láţé֖ţ le֥ẖem bé̇yţiֽy׃

24
וַיְהִ֨י חִירֹ֜ום נֹתֵ֣ן לִשְׁלֹמֹ֗ה עֲצֵ֧י אֲרָזִ֛ים וַעֲצֵ֥י בְרֹושִׁ֖ים כָּל־חֶפְצֹֽו׃

wayĕhi֨y ẖiyrò֜wm nòţé֣n lişĕ̌lòmò֗h ʻàẕé֧y ʼàrázi֛ym waʻàẕé֥y bĕròwşǐ֖ym ká̇l־ẖepĕẕòֽw׃

25
וּשְׁלֹמֹה֩ נָתַ֨ן לְחִירָ֜ם עֶשְׂרִים֩ אֶ֨לֶף כֹּ֤ר חִטִּים֙ מַכֹּ֣לֶת לְבֵיתֹ֔ו וְעֶשְׂרִ֥ים כֹּ֖ר שֶׁ֣מֶן כָּתִ֑ית כֹּֽה־יִתֵּ֧ן שְׁלֹמֹ֛ה לְחִירָ֖ם שָׁנָ֥ה בְשָׁנָֽה׃ פ

ẇşĕ̌lòmòh֩ náţa֨n lĕẖiyrá֜m ʻeşĕ̂riym֩ ʼe֨lep kò֤̇r ẖiti̇ym֙ makò֣̇leţ lĕbéyţò֔w wĕʻeşĕ̂ri֥ym kò֖̇r şě֣men ká̇ţi֑yţ kòֽ̇h־yiţé֧̇n şĕ̌lòmò֛h lĕẖiyrá֖m şá̌ná֥h bĕşá̌náֽh׃ p

26
וַיהוָ֗ה נָתַ֤ן חָכְמָה֙ לִשְׁלֹמֹ֔ה כַּאֲשֶׁ֖ר דִּבֶּר־לֹ֑ו וַיְהִ֣י שָׁלֹ֗ם בֵּ֤ין חִירָם֙ וּבֵ֣ין שְׁלֹמֹ֔ה וַיִּכְרְת֥וּ בְרִ֖ית שְׁנֵיהֶֽם׃

wayhwá֗h náţa֤n ẖákĕmáh֙ lişĕ̌lòmò֔h kȧʼàşě֖r di̇bėr־lò֑w wayĕhi֣y şá̌lò֗m bé֤̇yn ẖiyrám֙ ẇbé֣yn şĕ̌lòmò֔h wayi̇kĕrĕţ֥ẇ bĕri֖yţ şĕ̌néyheֽm׃

27
וַיַּ֨עַל הַמֶּ֧לֶךְ שְׁלֹמֹ֛ה מַ֖ס מִכָּל־יִשְׂרָאֵ֑ל וַיְהִ֣י הַמַּ֔ס שְׁלֹשִׁ֥ים אֶ֖לֶף אִֽישׁ׃

wayȧ֨ʻal hamė֧lekĕ şĕ̌lòmò֛h ma֖s miká̇l־yişĕ̂ráʼé֑l wayĕhi֣y hamȧ֔s şĕ̌lòşǐ֥ym ʼe֖lep ʼiֽyş̌׃

28
וַיִּשְׁלָחֵ֣ם לְבָנֹ֗ונָה עֲשֶׂ֨רֶת אֲלָפִ֤ים בַּחֹ֨דֶשׁ֙ חֲלִיפֹ֔ות חֹ֚דֶשׁ יִהְי֣וּ בַלְּבָנֹ֔ון שְׁנַ֥יִם חֳדָשִׁ֖ים בְּבֵיתֹ֑ו וַאֲדֹנִירָ֖ם עַל־הַמַּֽס׃ ס

wayi̇şĕ̌láẖé֣m lĕbánò֗wnáh ʻàşê֨reţ ʼàlápi֤ym bȧẖò֨deş̌֙ ẖàliypò֔wţ ẖò֚deş̌ yihĕy֣ẇ balĕ̇bánò֔wn şĕ̌na֥yim ẖodáşǐ֖ym bĕ̇béyţò֑w waʼàdòniyrá֖m ʻal־hamȧֽs׃ s

29
וַיְהִ֧י לִשְׁלֹמֹ֛ה שִׁבְעִ֥ים אֶ֖לֶף נֹשֵׂ֣א סַבָּ֑ל וּשְׁמֹנִ֥ים אֶ֖לֶף חֹצֵ֥ב בָּהָֽר׃

wayĕhi֧y lişĕ̌lòmò֛h şǐbĕʻi֥ym ʼe֖lep nòşé֣̂ʼ sabá֑̇l ẇşĕ̌mòni֥ym ʼe֖lep ẖòẕé֥b bá̇háֽr׃

30
לְ֠בַד מִשָּׂרֵ֨י הַנִּצָּבִ֤ים לִשְׁלֹמֹה֙ אֲשֶׁ֣ר עַל־הַמְּלָאכָ֔ה שְׁלֹ֥שֶׁת אֲלָפִ֖ים וּשְׁלֹ֣שׁ מֵאֹ֑ות הָרֹדִ֣ים בָּעָ֔ם הָעֹשִׂ֖ים בַּמְּלָאכָֽה׃

lĕ֠bad mişá̇̂ré֨y hani̇ẕá̇bi֤ym lişĕ̌lòmòh֙ ʼàşě֣r ʻal־hamĕ̇láʼká֔h şĕ̌lò֥şěţ ʼàlápi֖ym ẇşĕ̌lò֣ş̌ méʼò֑wţ háròdi֣ym bá̇ʻá֔m háʻòşî֖ym bȧmĕ̇láʼkáֽh׃

31
וַיְצַ֣ו הַמֶּ֡לֶךְ וַיַּסִּעוּ֩ אֲבָנִ֨ים גְּדֹלֹ֜ות אֲבָנִ֧ים יְקָרֹ֛ות לְיַסֵּ֥ד הַבָּ֖יִת אַבְנֵ֥י גָזִֽית׃

wayĕẕa֣w hamė֡lekĕ wayȧsi̇ʻẇ֩ ʼàbáni֨ym gĕ̇dòlò֜wţ ʼàbáni֧ym yĕqárò֛wţ lĕyasé֥̇d habá֖̇yiţ ʼabĕné֥y gáziֽyţ׃

32
וַֽיִּפְסְל֞וּ בֹּנֵ֧י שְׁלֹמֹ֛ה וּבֹנֵ֥י חִירֹ֖ום וְהַגִּבְלִ֑ים וַיָּכִ֛ינוּ הָעֵצִ֥ים וְהָאֲבָנִ֖ים לִבְנֹ֥ות הַבָּֽיִת׃ פ

waֽyi̇pĕsĕl֞ẇ bò̇né֧y şĕ̌lòmò֛h ẇbòné֥y ẖiyrò֖wm wĕhagi̇bĕli֑ym wayá̇ki֛ynẇ háʻéẕi֥ym wĕháʼàbáni֖ym libĕnò֥wţ habáֽ̇yiţ׃ p