Bibles in ancient languages
Old translations
Modern translations

Biblia Hebraica Stuttgartensia 1 Samuel 11:5

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיַּ֗עַל נָחָשׁ֙ הָֽעַמֹּונִ֔י וַיִּ֖חַן עַל־יָבֵ֣שׁ גִּלְעָ֑ד וַיֹּ֨אמְר֜וּ כָּל־אַנְשֵׁ֤י יָבֵישׁ֙ אֶל־נָחָ֔שׁ כְּרָת־לָ֥נוּ בְרִ֖ית וְנַעַבְדֶֽךָּ׃

wayȧ֗ʻal náẖáş̌֙ háֽʻamò̇wni֔y wayi֖̇ẖan ʻal־yábé֣ş̌ gi̇lĕʻá֑d wayò̇֨ʼmĕr֜ẇ ká̇l־ʼanĕşé֤̌y yábéyş̌֙ ʼel־náẖá֔ş̌ kĕ̇ráţ־lá֥nẇ bĕri֖yţ wĕnaʻabĕdeֽká̇׃

2
וַיֹּ֣אמֶר אֲלֵיהֶ֗ם נָחָשׁ֙ הָעַמֹּונִ֔י בְּזֹאת֙ אֶכְרֹ֣ת לָכֶ֔ם בִּנְקֹ֥ור לָכֶ֖ם כָּל־עֵ֣ין יָמִ֑ין וְשַׂמְתִּ֥יהָ חֶרְפָּ֖ה עַל־כָּל־יִשְׂרָאֵֽל׃

wayò֣̇ʼmer ʼàléyhe֗m náẖáş̌֙ háʻamò̇wni֔y bĕ̇zòʼţ֙ ʼekĕrò֣ţ láke֔m bi̇nĕqò֥wr láke֖m ká̇l־ʻé֣yn yámi֑yn wĕşâmĕţi֥̇yhá ẖerĕpá֖̇h ʻal־ká̇l־yişĕ̂ráʼéֽl׃

3
וַיֹּאמְר֨וּ אֵלָ֜יו זִקְנֵ֣י יָבֵ֗ישׁ הֶ֤רֶף לָ֨נוּ֙ שִׁבְעַ֣ת יָמִ֔ים וְנִשְׁלְחָה֙ מַלְאָכִ֔ים בְּכֹ֖ל גְּב֣וּל יִשְׂרָאֵ֑ל וְאִם־אֵ֥ין מֹושִׁ֛יעַ אֹתָ֖נוּ וְיָצָ֥אנוּ אֵלֶֽיךָ׃

wayò̇ʼmĕr֨ẇ ʼélá֜yw ziqĕné֣y yábé֗yş̌ he֤rep lá֨nẇ֙ şǐbĕʻa֣ţ yámi֔ym wĕnişĕ̌lĕẖáh֙ malĕʼáki֔ym bĕ̇kò֖l gĕ̇b֣ẇl yişĕ̂ráʼé֑l wĕʼim־ʼé֥yn mòwşǐ֛yʻa ʼòţá֖nẇ wĕyáẕá֥ʼnẇ ʼéleֽyká׃

4
וַיָּבֹ֤אוּ הַמַּלְאָכִים֙ גִּבְעַ֣ת שָׁא֔וּל וַיְדַבְּר֥וּ הַדְּבָרִ֖ים בְּאָזְנֵ֣י הָעָ֑ם וַיִּשְׂא֧וּ כָל־הָעָ֛ם אֶת־קֹולָ֖ם וַיִּבְכּֽוּ׃

wayá̇bò֤ʼẇ hamȧlĕʼákiym֙ gi̇bĕʻa֣ţ şá̌ʼ֔ẇl wayĕdabĕ̇r֥ẇ hadĕ̇bári֖ym bĕ̇ʼázĕné֣y háʻá֑m wayi̇şĕ̂ʼ֧ẇ kál־háʻá֛m ʼeţ־qòwlá֖m wayi̇bĕkֽ̇ẇ׃

5
וְהִנֵּ֣ה שָׁא֗וּל בָּ֣א אַחֲרֵ֤י הַבָּקָר֙ מִן־הַשָּׂדֶ֔ה וַיֹּ֣אמֶר שָׁא֔וּל מַה־לָּעָ֖ם כִּ֣י יִבְכּ֑וּ וַיְסַ֨פְּרוּ־לֹ֔ו אֶת־דִּבְרֵ֖י אַנְשֵׁ֥י יָבֵֽישׁ׃

wĕhiné֣̇h şá̌ʼ֗ẇl bá֣̇ʼ ʼaẖàré֤y habá̇qár֙ min־haşá̇̂de֔h wayò֣̇ʼmer şá̌ʼ֔ẇl mah־lá̇ʻá֖m ki֣̇y yibĕk֑̇ẇ wayĕsa֨pĕ̇rẇ־lò֔w ʼeţ־di̇bĕré֖y ʼanĕşé֥̌y yábéֽyş̌׃

6
וַתִּצְלַ֤ח רֽוּחַ־אֱלֹהִים֙ עַל־שָׁא֔וּל בְּשָׁמְעֹו אֶת־הַדְּבָרִ֣ים הָאֵ֑לֶּה וַיִּ֥חַר אַפֹּ֖ו מְאֹֽד׃

waţi̇ẕĕla֤ẖ rֽẇẖa־ʼèlòhiym֙ ʻal־şá̌ʼ֔ẇl bĕ̇şá̌mĕʻòw ʼeţ־hadĕ̇bári֣ym háʼé֑lėh wayi֥̇ẖar ʼapò֖̇w mĕʼòֽd׃

7
וַיִּקַּח֩ צֶ֨מֶד בָּקָ֜ר וַֽיְנַתְּחֵ֗הוּ וַיְשַׁלַּ֞ח בְּכָל־גְּב֣וּל יִשְׂרָאֵל֮ בְּיַ֣ד הַמַּלְאָכִ֣ים׀ לֵאמֹר֒ אֲשֶׁר֩ אֵינֶ֨נּוּ יֹצֵ֜א אַחֲרֵ֤י שָׁאוּל֙ וְאַחַ֣ר שְׁמוּאֵ֔ל כֹּ֥ה יֵעָשֶׂ֖ה לִבְקָרֹ֑ו וַיִּפֹּ֤ל פַּֽחַד־יְהוָה֙ עַל־הָעָ֔ם וַיֵּצְא֖וּ כְּאִ֥ישׁ אֶחָֽד׃

wayi̇qȧẖ֩ ẕe֨med bá̇qá֜r waֽyĕnaţĕ̇ẖé֗hẇ wayĕşǎlȧ֞ẖ bĕ̇kál־gĕ̇b֣ẇl yişĕ̂ráʼél֮ bĕ̇ya֣d hamȧlĕʼáki֣ym׀ léʼmòr֒ ʼàşěr֩ ʼéyne֨ṅẇ yòẕé֜ʼ ʼaẖàré֤y şá̌ʼẇl֙ wĕʼaẖa֣r şĕ̌mẇʼé֔l kò֥̇h yéʻáşê֖h libĕqárò֑w wayi̇pò֤̇l pȧֽẖad־yĕhwáh֙ ʻal־háʻá֔m wayé̇ẕĕʼ֖ẇ kĕ̇ʼi֥yş̌ ʼeẖáֽd׃

8
וַֽיִּפְקְדֵ֖ם בְּבָ֑זֶק וַיִּהְי֤וּ בְנֵֽי־יִשְׂרָאֵל֙ שְׁלֹ֣שׁ מֵאֹ֣ות אֶ֔לֶף וְאִ֥ישׁ יְהוּדָ֖ה שְׁלֹשִׁ֥ים אָֽלֶף׃

waֽyi̇pĕqĕdé֖m bĕ̇bá֑zeq wayi̇hĕy֤ẇ bĕnéֽy־yişĕ̂ráʼél֙ şĕ̌lò֣ş̌ méʼò֣wţ ʼe֔lep wĕʼi֥yş̌ yĕhẇdá֖h şĕ̌lòşǐ֥ym ʼáֽlep׃

9
וַיֹּאמְר֞וּ לַמַּלְאָכִ֣ים הַבָּאִ֗ים כֹּ֤ה תֹֽאמְרוּן֙ לְאִישׁ֙ יָבֵ֣ישׁ גִּלְעָ֔ד מָחָ֛ר תִּהְיֶֽה־לָכֶ֥ם תְּשׁוּעָ֖ה בְּחֹם הַשָּׁ֑מֶשׁ וַיָּבֹ֣אוּ הַמַּלְאָכִ֗ים וַיַּגִּ֛ידוּ לְאַנְשֵׁ֥י יָבֵ֖ישׁ וַיִּשְׂמָֽחוּ׃

wayò̇ʼmĕr֞ẇ lamȧlĕʼáki֣ym habá̇ʼi֗ym kò֤̇h ţòֽʼmĕrẇn֙ lĕʼiyş̌֙ yábé֣yş̌ gi̇lĕʻá֔d máẖá֛r ţi̇hĕyeֽh־láke֥m ţĕ̇ş̌ẇʻá֖h bĕ̇ẖòm haşá֑̇̌meş̌ wayá̇bò֣ʼẇ hamȧlĕʼáki֗ym wayȧgi֛̇ydẇ lĕʼanĕşé֥̌y yábé֖yş̌ wayi̇şĕ̂máֽẖẇ׃

10
וַֽיֹּאמְרוּ֙ אַנְשֵׁ֣י יָבֵ֔ישׁ מָחָ֖ר נֵצֵ֣א אֲלֵיכֶ֑ם וַעֲשִׂיתֶ֣ם לָּ֔נוּ כְּכָל־הַטֹּ֖וב בְּעֵינֵיכֶֽם׃ ס

waֽyò̇ʼmĕrẇ֙ ʼanĕşé֣̌y yábé֔yş̌ máẖá֖r néẕé֣ʼ ʼàléyke֑m waʻàşîyţe֣m lá̇֔nẇ kĕ̇kál־hatò֖̇wb bĕ̇ʻéynéykeֽm׃ s

11
וַיְהִ֣י מִֽמָּחֳרָ֗ת וַיָּ֨שֶׂם שָׁא֣וּל אֶת־הָעָם֮ שְׁלֹשָׁ֣ה רָאשִׁים֒ וַיָּבֹ֤אוּ בְתֹוךְ־הַֽמַּחֲנֶה֙ בְּאַשְׁמֹ֣רֶת הַבֹּ֔קֶר וַיַּכּ֥וּ אֶת־עַמֹּ֖ון עַד־חֹ֣ם הַיֹּ֑ום וַיְהִ֤י הַנִּשְׁאָרִים֙ וַיָּפֻ֔צוּ וְלֹ֥א נִשְׁאֲרוּ־בָ֖ם שְׁנַ֥יִם יָֽחַד׃

wayĕhi֣y miֽmá̇ẖorá֗ţ wayá̇֨şêm şá̌ʼ֣ẇl ʼeţ־háʻám֮ şĕ̌lòşá֣̌h ráʼşǐym֒ wayá̇bò֤ʼẇ bĕţòwkĕ־haֽmȧẖàneh֙ bĕ̇ʼaşĕ̌mò֣reţ habò̇֔qer wayȧk֥̇ẇ ʼeţ־ʻamò֖̇wn ʻad־ẖò֣m hayò֑̇wm wayĕhi֤y hani̇şĕ̌ʼáriym֙ wayá̇pu֔ẕẇ wĕlò֥ʼ nişĕ̌ʼàrẇ־bá֖m şĕ̌na֥yim yáֽẖad׃

12
וַיֹּ֤אמֶר הָעָם֙ אֶל־שְׁמוּאֵ֔ל מִ֣י הָאֹמֵ֔ר שָׁא֖וּל יִמְלֹ֣ךְ עָלֵ֑ינוּ תְּנ֥וּ הָאֲנָשִׁ֖ים וּנְמִיתֵֽם׃

wayò֤̇ʼmer háʻám֙ ʼel־şĕ̌mẇʼé֔l mi֣y háʼòmé֔r şá̌ʼ֖ẇl yimĕlò֣kĕ ʻálé֑ynẇ ţĕ̇n֥ẇ háʼànáşǐ֖ym ẇnĕmiyţéֽm׃

13
וַיֹּ֣אמֶר שָׁא֔וּל לֹֽא־יוּמַ֥ת אִ֖ישׁ בַּיֹּ֣ום הַזֶּ֑ה כִּ֥י הַיֹּ֛ום עָשָֽׂה־יְהוָ֥ה תְּשׁוּעָ֖ה בְּיִשְׂרָאֵֽל׃ ס

wayò֣̇ʼmer şá̌ʼ֔ẇl lòֽʼ־yẇma֥ţ ʼi֖yş̌ bȧyò֣̇wm hazė֑h ki֥̇y hayò֛̇wm ʻáşáֽ̂h־yĕhwá֥h ţĕ̇ş̌ẇʻá֖h bĕ̇yişĕ̂ráʼéֽl׃ s

14
וַיֹּ֤אמֶר שְׁמוּאֵל֙ אֶל־הָעָ֔ם לְכ֖וּ וְנֵלְכָ֣ה הַגִּלְגָּ֑ל וּנְחַדֵּ֥שׁ שָׁ֖ם הַמְּלוּכָֽה׃

wayò֤̇ʼmer şĕ̌mẇʼél֙ ʼel־háʻá֔m lĕk֖ẇ wĕnélĕká֣h hagi̇lĕgá֑̇l ẇnĕẖadé֥̇ş̌ şá֖̌m hamĕ̇lẇkáֽh׃

15
וַיֵּלְכ֨וּ כָל־הָעָ֜ם הַגִּלְגָּ֗ל וַיַּמְלִכוּ֩ שָׁ֨ם אֶת־שָׁא֜וּל לִפְנֵ֤י יְהוָה֙ בַּגִּלְגָּ֔ל וַיִּזְבְּחוּ־שָׁ֛ם זְבָחִ֥ים שְׁלָמִ֖ים לִפְנֵ֣י יְהוָ֑ה וַיִּשְׂמַ֨ח שָׁ֥ם שָׁא֛וּל וְכָל־אַנְשֵׁ֥י יִשְׂרָאֵ֖ל עַד־מְאֹֽד׃ פ

wayé̇lĕk֨ẇ kál־háʻá֜m hagi̇lĕgá̇֗l wayȧmĕlikẇ֩ şá̌֨m ʼeţ־şá̌ʼ֜ẇl lipĕné֤y yĕhwáh֙ bȧgi̇lĕgá̇֔l wayi̇zĕbĕ̇ẖẇ־şá֛̌m zĕbáẖi֥ym şĕ̌lámi֖ym lipĕné֣y yĕhwá֑h wayi̇şĕ̂ma֨ẖ şá֥̌m şá̌ʼ֛ẇl wĕkál־ʼanĕşé֥̌y yişĕ̂ráʼé֖l ʻad־mĕʼòֽd׃ p