Bibles in ancient languages
Old translations
Modern translations

Biblia Hebraica Stuttgartensia 1 Samuel 12

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֹּ֤אמֶר שְׁמוּאֵל֙ אֶל־כָּל־יִשְׂרָאֵ֔ל הִנֵּה֙ שָׁמַ֣עְתִּי בְקֹֽלְכֶ֔ם לְכֹ֥ל אֲשֶׁר־אֲמַרְתֶּ֖ם לִ֑י וָאַמְלִ֥יךְ עֲלֵיכֶ֖ם מֶֽלֶךְ׃

wayò֤̇ʼmer şĕ̌mẇʼél֙ ʼel־ká̇l־yişĕ̂ráʼé֔l hiné̇h֙ şá̌ma֣ʻĕţi̇y bĕqòֽlĕke֔m lĕkò֥l ʼàşěr־ʼàmarĕţė֖m li֑y wáʼamĕli֥ykĕ ʻàléyke֖m meֽlekĕ׃

2
וְעַתָּ֞ה הִנֵּ֥ה הַמֶּ֣לֶךְ׀ מִתְהַלֵּ֣ךְ לִפְנֵיכֶ֗ם וַאֲנִי֙ זָקַ֣נְתִּי וָשַׂ֔בְתִּי וּבָנַ֖י הִנָּ֣ם אִתְּכֶ֑ם וַאֲנִי֙ הִתְהַלַּ֣כְתִּי לִפְנֵיכֶ֔ם מִנְּעֻרַ֖י עַד־הַיֹּ֥ום הַזֶּֽה׃

wĕʻaţá̇֞h hiné֥̇h hamė֣lekĕ׀ miţĕhalé֣̇kĕ lipĕnéyke֗m waʼàniy֙ záqa֣nĕţi̇y wáşâ֔bĕţi̇y ẇbána֖y hiná֣̇m ʼiţĕ̇ke֑m waʼàniy֙ hiţĕhalȧ֣kĕţi̇y lipĕnéyke֔m minĕ̇ʻura֖y ʻad־hayò֥̇wm hazėֽh׃

3
הִנְנִ֣י עֲנ֣וּ בִי֩ נֶ֨גֶד יְהוָ֜ה וְנֶ֣גֶד מְשִׁיחֹ֗ו אֶת־שֹׁור֩׀ מִ֨י לָקַ֜חְתִּי וַחֲמֹ֧ור מִ֣י לָקַ֗חְתִּי וְאֶת־מִ֤י עָשַׁ֨קְתִּי֙ אֶת־מִ֣י רַצֹּ֔ותִי וּמִיַּד־מִי֙ לָקַ֣חְתִּי כֹ֔פֶר וְאַעְלִ֥ים עֵינַ֖י בֹּ֑ו וְאָשִׁ֖יב לָכֶֽם׃

hinĕni֣y ʻàn֣ẇ biy֩ ne֨ged yĕhwá֜h wĕne֣ged mĕşǐyẖò֗w ʼeţ־şò̌wr֩׀ mi֨y láqa֜ẖĕţi̇y waẖàmò֧wr mi֣y láqa֗ẖĕţi̇y wĕʼeţ־mi֤y ʻáşǎ֨qĕţi̇y֙ ʼeţ־mi֣y raẕò̇֔wţiy ẇmiyȧd־miy֙ láqa֣ẖĕţi̇y kò֔per wĕʼaʻĕli֥ym ʻéyna֖y bò֑̇w wĕʼáşǐ֖yb lákeֽm׃

4
וַיֹּ֣אמְר֔וּ לֹ֥א עֲשַׁקְתָּ֖נוּ וְלֹ֣א רַצֹּותָ֑נוּ וְלֹֽא־לָקַ֥חְתָּ מִיַּד־אִ֖ישׁ מְאֽוּמָה׃

wayò֣̇ʼmĕr֔ẇ lò֥ʼ ʻàşǎqĕţá֖̇nẇ wĕlò֣ʼ raẕò̇wţá֑nẇ wĕlòֽʼ־láqa֥ẖĕţá̇ miyȧd־ʼi֖yş̌ mĕʼֽẇmáh׃

5
וַיֹּ֨אמֶר אֲלֵיהֶ֜ם עֵ֧ד יְהוָ֣ה בָּכֶ֗ם וְעֵ֤ד מְשִׁיחֹו֙ הַיֹּ֣ום הַזֶּ֔ה כִּ֣י לֹ֧א מְצָאתֶ֛ם בְּיָדִ֖י מְא֑וּמָה וַיֹּ֖אמֶר עֵֽד׃ פ

wayò̇֨ʼmer ʼàléyhe֜m ʻé֧d yĕhwá֣h bá̇ke֗m wĕʻé֤d mĕşǐyẖòw֙ hayò֣̇wm hazė֔h ki֣̇y lò֧ʼ mĕẕáʼţe֛m bĕ̇yádi֖y mĕʼ֑ẇmáh wayò֖̇ʼmer ʻéֽd׃ p

6
וַיֹּ֥אמֶר שְׁמוּאֵ֖ל אֶל־הָעָ֑ם יְהוָ֗ה אֲשֶׁ֤ר עָשָׂה֙ אֶת־מֹשֶׁ֣ה וְאֶֽת־אַהֲרֹ֔ן וַאֲשֶׁ֧ר הֶעֱלָ֛ה אֶת־אֲבֹתֵיכֶ֖ם מֵאֶ֥רֶץ מִצְרָֽיִם׃

wayò֥̇ʼmer şĕ̌mẇʼé֖l ʼel־háʻá֑m yĕhwá֗h ʼàşě֤r ʻáşá̂h֙ ʼeţ־mòşě֣h wĕʼeֽţ־ʼahàrò֔n waʼàşě֧r heʻèlá֛h ʼeţ־ʼàbòţéyke֖m méʼe֥reẕ miẕĕráֽyim׃

7
וְעַתָּ֗ה הִֽתְיַצְּב֛וּ וְאִשָּׁפְטָ֥ה אִתְּכֶ֖ם לִפְנֵ֣י יְהוָ֑ה אֵ֚ת כָּל־צִדְקֹ֣ות יְהוָ֔ה אֲשֶׁר־עָשָׂ֥ה אִתְּכֶ֖ם וְאֶת־אֲבֹותֵיכֶֽם׃

wĕʻaţá̇֗h hiֽţĕyaẕĕ̇b֛ẇ wĕʼişá̇̌pĕtá֥h ʼiţĕ̇ke֖m lipĕné֣y yĕhwá֑h ʼé֚ţ ká̇l־ẕidĕqò֣wţ yĕhwá֔h ʼàşěr־ʻáşá֥̂h ʼiţĕ̇ke֖m wĕʼeţ־ʼàbòwţéykeֽm׃

8
כַּֽאֲשֶׁר־בָּ֥א יַעֲקֹ֖ב מִצְרָ֑יִם וַיִּזְעֲק֤וּ אֲבֹֽותֵיכֶם֙ אֶל־יְהוָ֔ה וַיִּשְׁלַ֨ח יְהוָ֜ה אֶת־מֹשֶׁ֣ה וְאֶֽת־אַהֲרֹ֗ן וַיֹּוצִ֤יאוּ אֶת־אֲבֹֽתֵיכֶם֙ מִמִּצְרַ֔יִם וַיֹּשִׁב֖וּם בַּמָּקֹ֥ום הַזֶּֽה׃

kȧֽʼàşěr־bá֥̇ʼ yaʻàqò֖b miẕĕrá֑yim wayi̇zĕʻàq֤ẇ ʼàbòֽwţéykem֙ ʼel־yĕhwá֔h wayi̇şĕ̌la֨ẖ yĕhwá֜h ʼeţ־mòşě֣h wĕʼeֽţ־ʼahàrò֗n wayò̇wẕi֤yʼẇ ʼeţ־ʼàbòֽţéykem֙ mimi̇ẕĕra֔yim wayò̇şǐb֖ẇm bȧmá̇qò֥wm hazėֽh׃

9
וַֽיִּשְׁכְּח֖וּ אֶת־יְהוָ֣ה אֱלֹהֵיהֶ֑ם וַיִּמְכֹּ֣ר אֹתָ֡ם בְּיַ֣ד סִֽיסְרָא֩ שַׂר־צְבָ֨א חָצֹ֜ור וּבְיַד־פְּלִשְׁתִּ֗ים וּבְיַד֙ מֶ֣לֶךְ מֹואָ֔ב וַיִּֽלָּחֲמ֖וּ בָּֽם׃

waֽyi̇şĕ̌kĕ̇ẖ֖ẇ ʼeţ־yĕhwá֣h ʼèlòhéyhe֑m wayi̇mĕkò֣̇r ʼòţá֡m bĕ̇ya֣d siֽysĕráʼ֩ şâr־ẕĕbá֨ʼ ẖáẕò֜wr ẇbĕyad־pĕ̇lişĕ̌ţi̇֗ym ẇbĕyad֙ me֣lekĕ mòwʼá֔b wayiֽ̇lá̇ẖàm֖ẇ báֽ̇m׃

10
וַיִּזְעֲק֤וּ אֶל־יְהוָה֙ וַיֹּאמֶר חָטָ֔אנוּ כִּ֤י עָזַ֨בְנוּ֙ אֶת־יְהוָ֔ה וַנַּעֲבֹ֥ד אֶת־הַבְּעָלִ֖ים וְאֶת־הָעַשְׁתָּרֹ֑ות וְעַתָּ֗ה הַצִּילֵ֛נוּ מִיַּ֥ד אֹיְבֵ֖ינוּ וְנַעַבְדֶֽךָּ׃

wayi̇zĕʻàq֤ẇ ʼel־yĕhwáh֙ wayò̇ʼmer ẖátá֔ʼnẇ ki֤̇y ʻáza֨bĕnẇ֙ ʼeţ־yĕhwá֔h wanȧʻàbò֥d ʼeţ־habĕ̇ʻáli֖ym wĕʼeţ־háʻaşĕ̌ţá̇rò֑wţ wĕʻaţá̇֗h haẕi̇ylé֛nẇ miyȧ֥d ʼòyĕbé֖ynẇ wĕnaʻabĕdeֽká̇׃

11
וַיִּשְׁלַ֤ח יְהוָה֙ אֶת־יְרֻבַּ֣עַל וְאֶת־בְּדָ֔ן וְאֶת־יִפְתָּ֖ח וְאֶת־שְׁמוּאֵ֑ל וַיַּצֵּ֨ל אֶתְכֶ֜ם מִיַּ֤ד אֹֽיְבֵיכֶם֙ מִסָּבִ֔יב וַתֵּשְׁב֖וּ בֶּֽטַח׃

wayi̇şĕ̌la֤ẖ yĕhwáh֙ ʼeţ־yĕrubȧ֣ʻal wĕʼeţ־bĕ̇dá֔n wĕʼeţ־yipĕţá֖̇ẖ wĕʼeţ־şĕ̌mẇʼé֑l wayȧẕé̇֨l ʼeţĕke֜m miyȧ֤d ʼòֽyĕbéykem֙ misá̇bi֔yb waţé̇şĕ̌b֖ẇ bėֽtaẖ׃

12
וַתִּרְא֗וּ כִּֽי־נָחָ֞שׁ מֶ֣לֶךְ בְּנֵֽי־עַמֹּון֮ בָּ֣א עֲלֵיכֶם֒ וַתֹּ֣אמְרוּ לִ֔י לֹ֕א כִּי־מֶ֖לֶךְ יִמְלֹ֣ךְ עָלֵ֑ינוּ וַיהוָ֥ה אֱלֹהֵיכֶ֖ם מַלְכְּכֶֽם׃

waţi̇rĕʼ֗ẇ kiֽ̇y־náẖá֞ş̌ me֣lekĕ bĕ̇néֽy־ʻamò̇wn֮ bá֣̇ʼ ʻàléykem֒ waţò֣̇ʼmĕrẇ li֔y lò֕ʼ ki̇y־me֖lekĕ yimĕlò֣kĕ ʻálé֑ynẇ wayhwá֥h ʼèlòhéyke֖m malĕkĕ̇keֽm׃

13
וְעַתָּ֗ה הִנֵּ֥ה הַמֶּ֛לֶךְ אֲשֶׁ֥ר בְּחַרְתֶּ֖ם אֲשֶׁ֣ר שְׁאֶלְתֶּ֑ם וְהִנֵּ֨ה נָתַ֧ן יְהוָ֛ה עֲלֵיכֶ֖ם מֶֽלֶךְ׃

wĕʻaţá̇֗h hiné֥̇h hamė֛lekĕ ʼàşě֥r bĕ̇ẖarĕţė֖m ʼàşě֣r şĕ̌ʼelĕţė֑m wĕhiné̇֨h náţa֧n yĕhwá֛h ʻàléyke֖m meֽlekĕ׃

14
אִם־תִּֽירְא֣וּ אֶת־יְהוָ֗ה וַעֲבַדְתֶּ֤ם אֹתֹו֙ וּשְׁמַעְתֶּ֣ם בְּקֹלֹ֔ו וְלֹ֥א תַמְר֖וּ אֶת־פִּ֣י יְהוָ֑ה וִהְיִתֶ֣ם גַּם־אַתֶּ֗ם וְגַם־הַמֶּ֨לֶךְ֙ אֲשֶׁ֣ר מָלַ֣ךְ עֲלֵיכֶ֔ם אַחַ֖ר יְהוָ֥ה אֱלֹהֵיכֶֽם׃

ʼim־ţiֽ̇yrĕʼ֣ẇ ʼeţ־yĕhwá֗h waʻàbadĕţė֤m ʼòţòw֙ ẇşĕ̌maʻĕţė֣m bĕ̇qòlò֔w wĕlò֥ʼ ţamĕr֖ẇ ʼeţ־pi֣̇y yĕhwá֑h wihĕyiţe֣m gȧm־ʼaţė֗m wĕgam־hamė֨lekĕ֙ ʼàşě֣r mála֣kĕ ʻàléyke֔m ʼaẖa֖r yĕhwá֥h ʼèlòhéykeֽm׃

15
וְאִם־לֹ֤א תִשְׁמְעוּ֙ בְּקֹ֣ול יְהוָ֔ה וּמְרִיתֶ֖ם אֶת־פִּ֣י יְהוָ֑ה וְהָיְתָ֧ה יַד־יְהוָ֛ה בָּכֶ֖ם וּבַאֲבֹתֵיכֶֽם׃

wĕʼim־lò֤ʼ ţişĕ̌mĕʻẇ֙ bĕ̇qò֣wl yĕhwá֔h ẇmĕriyţe֖m ʼeţ־pi֣̇y yĕhwá֑h wĕháyĕţá֧h yad־yĕhwá֛h bá̇ke֖m ẇbaʼàbòţéykeֽm׃

16
גַּם־עַתָּה֙ הִתְיַצְּב֣וּ וּרְא֔וּ אֶת־הַדָּבָ֥ר הַגָּדֹ֖ול הַזֶּ֑ה אֲשֶׁ֣ר יְהוָ֔ה עֹשֶׂ֖ה לְעֵינֵיכֶֽם׃

gȧm־ʻaţá̇h֙ hiţĕyaẕĕ̇b֣ẇ ẇrĕʼ֔ẇ ʼeţ־hadá̇bá֥r hagá̇dò֖wl hazė֑h ʼàşě֣r yĕhwá֔h ʻòşê֖h lĕʻéynéykeֽm׃

17
הֲלֹ֤וא קְצִיר־חִטִּים֙ הַיֹּ֔ום אֶקְרָא֙ אֶל־יְהוָ֔ה וְיִתֵּ֥ן קֹלֹ֖ות וּמָטָ֑ר וּדְע֣וּ וּרְא֗וּ כִּֽי־רָעַתְכֶ֤ם רַבָּה֙ אֲשֶׁ֤ר עֲשִׂיתֶם֙ בְּעֵינֵ֣י יְהוָ֔ה לִשְׁאֹ֥ול לָכֶ֖ם מֶֽלֶךְ׃ ס

hàlò֤wʼ qĕẕiyr־ẖiti̇ym֙ hayò̇֔wm ʼeqĕráʼ֙ ʼel־yĕhwá֔h wĕyiţé֥̇n qòlò֖wţ ẇmátá֑r ẇdĕʻ֣ẇ ẇrĕʼ֗ẇ kiֽ̇y־ráʻaţĕke֤m rabá̇h֙ ʼàşě֤r ʻàşîyţem֙ bĕ̇ʻéyné֣y yĕhwá֔h lişĕ̌ʼò֥wl láke֖m meֽlekĕ׃ s

18
וַיִּקְרָ֤א שְׁמוּאֵל֙ אֶל־יְהוָ֔ה וַיִּתֵּ֧ן יְהוָ֛ה קֹלֹ֥ת וּמָטָ֖ר בַּיֹּ֣ום הַה֑וּא וַיִּירָ֨א כָל־הָעָ֥ם מְאֹ֛ד אֶת־יְהוָ֖ה וְאֶת־שְׁמוּאֵֽל׃

wayi̇qĕrá֤ʼ şĕ̌mẇʼél֙ ʼel־yĕhwá֔h wayi̇ţé֧̇n yĕhwá֛h qòlò֥ţ ẇmátá֖r bȧyò֣̇wm hah֑ẇʼ wayi̇yrá֨ʼ kál־háʻá֥m mĕʼò֛d ʼeţ־yĕhwá֖h wĕʼeţ־şĕ̌mẇʼéֽl׃

19
וַיֹּאמְר֨וּ כָל־הָעָ֜ם אֶל־שְׁמוּאֵ֗ל הִתְפַּלֵּ֧ל בְּעַד־עֲבָדֶ֛יךָ אֶל־יְהוָ֥ה אֱלֹהֶ֖יךָ וְאַל־נָמ֑וּת כִּֽי־יָסַ֤פְנוּ עַל־כָּל־חַטֹּאתֵ֨ינוּ֙ רָעָ֔ה לִשְׁאֹ֥ל לָ֖נוּ מֶֽלֶךְ׃ ס

wayò̇ʼmĕr֨ẇ kál־háʻá֜m ʼel־şĕ̌mẇʼé֗l hiţĕpȧlé֧̇l bĕ̇ʻad־ʻàbáde֛yká ʼel־yĕhwá֥h ʼèlòhe֖yká wĕʼal־nám֑ẇţ kiֽ̇y־yása֤pĕnẇ ʻal־ká̇l־ẖatò̇ʼţé֨ynẇ֙ ráʻá֔h lişĕ̌ʼò֥l lá֖nẇ meֽlekĕ׃ s

20
וַיֹּ֨אמֶר שְׁמוּאֵ֤ל אֶל־הָעָם֙ אַל־תִּירָ֔אוּ אַתֶּ֣ם עֲשִׂיתֶ֔ם אֵ֥ת כָּל־הָרָעָ֖ה הַזֹּ֑את אַ֗ךְ אַל־תָּס֨וּרוּ֙ מֵאַחֲרֵ֣י יְהוָ֔ה וַעֲבַדְתֶּ֥ם אֶת־יְהוָ֖ה בְּכָל־לְבַבְכֶֽם׃

wayò̇֨ʼmer şĕ̌mẇʼé֤l ʼel־háʻám֙ ʼal־ţi̇yrá֔ʼẇ ʼaţė֣m ʻàşîyţe֔m ʼé֥ţ ká̇l־háráʻá֖h hazò֑̇ʼţ ʼa֗kĕ ʼal־ţá̇s֨ẇrẇ֙ méʼaẖàré֣y yĕhwá֔h waʻàbadĕţė֥m ʼeţ־yĕhwá֖h bĕ̇kál־lĕbabĕkeֽm׃

21
וְלֹ֖א תָּס֑וּרוּ כִּ֣י׀ אַחֲרֵ֣י הַתֹּ֗הוּ אֲשֶׁ֧ר לֹֽא־יֹועִ֛ילוּ וְלֹ֥א יַצִּ֖ילוּ כִּי־תֹ֥הוּ הֵֽמָּה׃

wĕlò֖ʼ ţá̇s֑ẇrẇ ki֣̇y׀ ʼaẖàré֣y haţò̇֗hẇ ʼàşě֧r lòֽʼ־yòwʻi֛ylẇ wĕlò֥ʼ yaẕi֖̇ylẇ ki̇y־ţò֥hẇ héֽmá̇h׃

22
כִּ֠י לֹֽא־יִטֹּ֤שׁ יְהוָה֙ אֶת־עַמֹּ֔ו בַּעֲב֖וּר שְׁמֹ֣ו הַגָּדֹ֑ול כִּ֚י הֹואִ֣יל יְהוָ֔ה לַעֲשֹׂ֥ות אֶתְכֶ֛ם לֹ֖ו לְעָֽם׃

ki̇֠y lòֽʼ־yitò֤̇ş̌ yĕhwáh֙ ʼeţ־ʻamò̇֔w bȧʻàb֖ẇr şĕ̌mò֣w hagá̇dò֑wl ki֚̇y hòwʼi֣yl yĕhwá֔h laʻàşò֥̂wţ ʼeţĕke֛m lò֖w lĕʻáֽm׃

23
גַּ֣ם אָנֹכִ֗י חָלִ֤ילָה לִּי֙ מֵחֲטֹ֣א לַֽיהוָ֔ה מֵחֲדֹ֖ל לְהִתְפַּלֵּ֣ל בַּעַדְכֶ֑ם וְהֹורֵיתִ֣י אֶתְכֶ֔ם בְּדֶ֥רֶךְ הַטֹּובָ֖ה וְהַיְשָׁרָֽה׃

gȧ֣m ʼánòki֗y ẖáli֤yláh li̇y֙ méẖàtò֣ʼ laֽyhwá֔h méẖàdò֖l lĕhiţĕpȧlé֣̇l bȧʻadĕke֑m wĕhòwréyţi֣y ʼeţĕke֔m bĕ̇de֥rekĕ hatò̇wbá֖h wĕhayĕşá̌ráֽh׃

24
אַ֣ךְ׀ יְר֣אוּ אֶת־יְהוָ֗ה וַעֲבַדְתֶּ֥ם אֹתֹ֛ו בֶּאֱמֶ֖ת בְּכָל־לְבַבְכֶ֑ם כִּ֣י רְא֔וּ אֵ֥ת אֲשֶׁר־הִגְדִּ֖ל עִמָּכֶֽם׃

ʼa֣kĕ׀ yĕr֣ʼẇ ʼeţ־yĕhwá֗h waʻàbadĕţė֥m ʼòţò֛w bėʼème֖ţ bĕ̇kál־lĕbabĕke֑m ki֣̇y rĕʼ֔ẇ ʼé֥ţ ʼàşěr־higĕdi֖̇l ʻimá̇keֽm׃

25
וְאִם־הָרֵ֖עַ תָּרֵ֑עוּ גַּם־אַתֶּ֥ם גַּֽם־מַלְכְּכֶ֖ם תִּסָּפֽוּ׃ פ

wĕʼim־háré֖ʻa ţá̇ré֑ʻẇ gȧm־ʼaţė֥m gȧֽm־malĕkĕ̇ke֖m ţi̇sá̇pֽẇ׃ p