Bibles in ancient languages
Old translations
Modern translations

Biblia Hebraica Stuttgartensia 1 Samuel 1:8

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִי֩ אִ֨ישׁ אֶחָ֜ד מִן־הָרָמָתַ֛יִם צֹופִ֖ים מֵהַ֣ר אֶפְרָ֑יִם וּשְׁמֹ֡ו אֶ֠לְקָנָה בֶּן־יְרֹחָ֧ם בֶּן־אֱלִיה֛וּא בֶּן־תֹּ֥חוּ בֶן־צ֖וּף אֶפְרָתִֽי׃

wayĕhiy֩ ʼi֨yş̌ ʼeẖá֜d min־hárámáţa֛yim ẕòwpi֖ym méha֣r ʼepĕrá֑yim ẇşĕ̌mò֡w ʼe֠lĕqánáh bėn־yĕròẖá֧m bėn־ʼèliyh֛ẇʼ bėn־ţò֥̇ẖẇ ben־ẕ֖ẇp ʼepĕráţiֽy׃

2
וְלֹו֙ שְׁתֵּ֣י נָשִׁ֔ים שֵׁ֤ם אַחַת֙ חַנָּ֔ה וְשֵׁ֥ם הַשֵּׁנִ֖ית פְּנִנָּ֑ה וַיְהִ֤י לִפְנִנָּה֙ יְלָדִ֔ים וּלְחַנָּ֖ה אֵ֥ין יְלָדִֽים׃

wĕlòw֙ şĕ̌ţé֣̇y náşǐ֔ym şé֤̌m ʼaẖaţ֙ ẖaná̇֔h wĕşé֥̌m haşé̇̌ni֖yţ pĕ̇niná֑̇h wayĕhi֤y lipĕniná̇h֙ yĕládi֔ym ẇlĕẖaná֖̇h ʼé֥yn yĕládiֽym׃

3
וְעָלָה֩ הָאִ֨ישׁ הַה֤וּא מֵֽעִירֹו֙ מִיָּמִ֣ים׀ יָמִ֔ימָה לְהִֽשְׁתַּחֲוֹ֧ת וְלִזְבֹּ֛חַ לַיהוָ֥ה צְבָאֹ֖ות בְּשִׁלֹ֑ה וְשָׁ֞ם שְׁנֵ֣י בְנֵֽי־עֵלִ֗י חָפְנִי֙ וּפִ֣נְחָ֔ס כֹּהֲנִ֖ים לַיהוָֽה׃

wĕʻáláh֩ háʼi֨yş̌ hah֤ẇʼ méֽʻiyròw֙ miyá̇mi֣ym׀ yámi֔ymáh lĕhiֽşĕ̌ţȧẖàwò֧ţ wĕlizĕbò֛̇ẖa layhwá֥h ẕĕbáʼò֖wţ bĕ̇şǐlò֑h wĕşá̌֞m şĕ̌né֣y bĕnéֽy־ʻéli֗y ẖápĕniy֙ ẇpi֣nĕẖá֔s kò̇hàni֖ym layhwáֽh׃

4
וַיְהִ֣י הַיֹּ֔ום וַיִּזְבַּ֖ח אֶלְקָנָ֑ה וְנָתַ֞ן לִפְנִנָּ֣ה אִשְׁתֹּ֗ו וּֽלְכָל־בָּנֶ֛יהָ וּבְנֹותֶ֖יהָ מָנֹֽות׃

wayĕhi֣y hayò̇֔wm wayi̇zĕbȧ֖ẖ ʼelĕqáná֑h wĕnáţa֞n lipĕniná֣̇h ʼişĕ̌ţò̇֗w ẇֽlĕkál־bá̇ne֛yhá ẇbĕnòwţe֖yhá mánòֽwţ׃

5
וּלְחַנָּ֕ה יִתֵּ֛ן מָנָ֥ה אַחַ֖ת אַפָּ֑יִם כִּ֤י אֶת־חַנָּה֙ אָהֵ֔ב וַֽיהוָ֖ה סָגַ֥ר רַחְמָֽהּ׃

ẇlĕẖaná̇֕h yiţé֛̇n máná֥h ʼaẖa֖ţ ʼapá֑̇yim ki֤̇y ʼeţ־ẖaná̇h֙ ʼáhé֔b waֽyhwá֖h sága֥r raẖĕmáֽḣ׃

6
וְכִֽעֲסַ֤תָּה צָֽרָתָהּ֙ גַּם־כַּ֔עַס בַּעֲב֖וּר הַרְּעִמָ֑הּ כִּֽי־סָגַ֥ר יְהוָ֖ה בְּעַ֥ד רַחְמָֽהּ׃

wĕkiֽʻàsa֤ţá̇h ẕáֽráţáḣ֙ gȧm־kȧ֔ʻas bȧʻàb֖ẇr harĕ̇ʻimá֑ḣ kiֽ̇y־sága֥r yĕhwá֖h bĕ̇ʻa֥d raẖĕmáֽḣ׃

7
וְכֵ֨ן יַעֲשֶׂ֜ה שָׁנָ֣ה בְשָׁנָ֗ה מִדֵּ֤י עֲלֹתָהּ֙ בְּבֵ֣ית יְהוָ֔ה כֵּ֖ן תַּכְעִסֶ֑נָּה וַתִּבְכֶּ֖ה וְלֹ֥א תֹאכַֽל׃

wĕké֨n yaʻàşê֜h şá̌ná֣h bĕşá̌ná֗h midé֤̇y ʻàlòţáḣ֙ bĕ̇bé֣yţ yĕhwá֔h ké֖̇n ţȧkĕʻise֑ná̇h waţi̇bĕkė֖h wĕlò֥ʼ ţòʼkaֽl׃

8
וַיֹּ֨אמֶר לָ֜הּ אֶלְקָנָ֣ה אִישָׁ֗הּ חַנָּה֙ לָ֣מֶה תִבְכִּ֗י וְלָ֨מֶה֙ לֹ֣א תֹֽאכְלִ֔י וְלָ֖מֶה יֵרַ֣ע לְבָבֵ֑ךְ הֲלֹ֤וא אָֽנֹכִי֙ טֹ֣וב לָ֔ךְ מֵעֲשָׂרָ֖ה בָּנִֽים׃

wayò̇֨ʼmer lá֜ḣ ʼelĕqáná֣h ʼiyşá̌֗ḣ ẖaná̇h֙ lá֣meh ţibĕki̇֗y wĕlá֨meh֙ lò֣ʼ ţòֽʼkĕli֔y wĕlá֖meh yéra֣ʻ lĕbábé֑kĕ hàlò֤wʼ ʼáֽnòkiy֙ tò֣wb lá֔kĕ méʻàşá̂rá֖h bá̇niֽym׃

9
וַתָּ֣קָם חַנָּ֔ה אַחֲרֵ֛י אָכְלָ֥ה בְשִׁלֹ֖ה וְאַחֲרֵ֣י שָׁתֹ֑ה וְעֵלִ֣י הַכֹּהֵ֗ן יֹשֵׁב֙ עַל־הַכִּסֵּ֔א עַל־מְזוּזַ֖ת הֵיכַ֥ל יְהוָֽה׃

waţá֣̇qám ẖaná̇֔h ʼaẖàré֛y ʼákĕlá֥h bĕşǐlò֖h wĕʼaẖàré֣y şá̌ţò֑h wĕʻéli֣y hakò̇hé֗n yòşé̌b֙ ʻal־haki̇sé̇֔ʼ ʻal־mĕzẇza֖ţ héyka֥l yĕhwáֽh׃

10
וְהִ֖יא מָ֣רַת נָ֑פֶשׁ וַתִּתְפַּלֵּ֥ל עַל־יְהוָ֖ה וּבָכֹ֥ה תִבְכֶּֽה׃

wĕhi֖yʼ má֣raţ ná֑peş̌ waţi̇ţĕpȧlé֥̇l ʻal־yĕhwá֖h ẇbákò֥h ţibĕkėֽh׃

11
וַתִּדֹּ֨ר נֶ֜דֶר וַתֹּאמַ֗ר יְהוָ֨ה צְבָאֹ֜ות אִם־רָאֹ֥ה תִרְאֶ֣ה׀ בָּעֳנִ֣י אֲמָתֶ֗ךָ וּזְכַרְתַּ֨נִי֙ וְלֹֽא־תִשְׁכַּ֣ח אֶת־אֲמָתֶ֔ךָ וְנָתַתָּ֥ה לַאֲמָתְךָ֖ זֶ֣רַע אֲנָשִׁ֑ים וּנְתַתִּ֤יו לַֽיהוָה֙ כָּל־יְמֵ֣י חַיָּ֔יו וּמֹורָ֖ה לֹא־יַעֲלֶ֥ה עַל־רֹאשֹֽׁו׃

waţi̇dò̇֨r ne֜der waţò̇ʼma֗r yĕhwá֨h ẕĕbáʼò֜wţ ʼim־ráʼò֥h ţirĕʼe֣h׀ bá̇ʻoni֣y ʼàmáţe֗ká ẇzĕkarĕţȧ֨niy֙ wĕlòֽʼ־ţişĕ̌kȧ֣ẖ ʼeţ־ʼàmáţe֔ká wĕnáţaţá֥̇h laʼàmáţĕká֖ ze֣raʻ ʼànáşǐ֑ym ẇnĕţaţi֤̇yw laֽyhwáh֙ ká̇l־yĕmé֣y ẖayá̇֔yw ẇmòwrá֖h lòʼ־yaʻàle֥h ʻal־ròʼşòֽ̌w׃

12
וְהָיָה֙ כִּ֣י הִרְבְּתָ֔ה לְהִתְפַּלֵּ֖ל לִפְנֵ֣י יְהוָ֑ה וְעֵלִ֖י שֹׁמֵ֥ר אֶת־פִּֽיהָ׃

wĕháyáh֙ ki֣̇y hirĕbĕ̇ţá֔h lĕhiţĕpȧlé֖̇l lipĕné֣y yĕhwá֑h wĕʻéli֖y şò̌mé֥r ʼeţ־piֽ̇yhá׃

13
וְחַנָּ֗ה הִ֚יא מְדַבֶּ֣רֶת עַל־לִבָּ֔הּ רַ֚ק שְׂפָתֶ֣יהָ נָּעֹ֔ות וְקֹולָ֖הּ לֹ֣א יִשָּׁמֵ֑עַ וַיַּחְשְׁבֶ֥הָ עֵלִ֖י לְשִׁכֹּרָֽה׃

wĕẖaná̇֗h hi֚yʼ mĕdabė֣reţ ʻal־libá̇֔ḣ ra֚q şĕ̂páţe֣yhá ná̇ʻò֔wţ wĕqòwlá֖ḣ lò֣ʼ yişá̇̌mé֑ʻa wayȧẖĕşĕ̌be֥há ʻéli֖y lĕşǐkò̇ráֽh׃

14
וַיֹּ֤אמֶר אֵלֶ֨יהָ֙ עֵלִ֔י עַד־מָתַ֖י תִּשְׁתַּכָּרִ֑ין הָסִ֥ירִי אֶת־יֵינֵ֖ךְ מֵעָלָֽיִךְ׃

wayò֤̇ʼmer ʼéle֨yhá֙ ʻéli֔y ʻad־máţa֖y ţi̇şĕ̌ţȧká̇ri֑yn hási֥yriy ʼeţ־yéyné֖kĕ méʻáláֽyikĕ׃

15
וַתַּ֨עַן חַנָּ֤ה וַתֹּ֨אמֶר֙ לֹ֣א אֲדֹנִ֔י אִשָּׁ֤ה קְשַׁת־ר֨וּחַ֙ אָנֹ֔כִי וְיַ֥יִן וְשֵׁכָ֖ר לֹ֣א שָׁתִ֑יתִי וָאֶשְׁפֹּ֥ךְ אֶת־נַפְשִׁ֖י לִפְנֵ֥י יְהוָֽה׃

waţȧ֨ʻan ẖaná֤̇h waţò̇֨ʼmer֙ lò֣ʼ ʼàdòni֔y ʼişá֤̇̌h qĕşǎţ־r֨ẇẖa֙ ʼánò֔kiy wĕya֥yin wĕşé̌ká֖r lò֣ʼ şá̌ţi֑yţiy wáʼeşĕ̌pò֥̇kĕ ʼeţ־napĕşǐ֖y lipĕné֥y yĕhwáֽh׃

16
אַל־תִּתֵּן֙ אֶת־אֲמָ֣תְךָ֔ לִפְנֵ֖י בַּת־בְּלִיָּ֑עַל כִּֽי־מֵרֹ֥ב שִׂיחִ֛י וְכַעְסִ֖י דִּבַּ֥רְתִּי עַד־הֵֽנָּה׃

ʼal־ţi̇ţé̇n֙ ʼeţ־ʼàmá֣ţĕká֔ lipĕné֖y bȧţ־bĕ̇liyá֑̇ʻal kiֽ̇y־mérò֥b şîyẖi֛y wĕkaʻĕsi֖y di̇bȧ֥rĕţi̇y ʻad־héֽná̇h׃

17
וַיַּ֧עַן עֵלִ֛י וַיֹּ֖אמֶר לְכִ֣י לְשָׁלֹ֑ום וֵאלֹהֵ֣י יִשְׂרָאֵ֗ל יִתֵּן֙ אֶת־שֵׁ֣לָתֵ֔ךְ אֲשֶׁ֥ר שָׁאַ֖לְתְּ מֵעִמֹּֽו׃

wayȧ֧ʻan ʻéli֛y wayò֖̇ʼmer lĕki֣y lĕşá̌lò֑wm wéʼlòhé֣y yişĕ̂ráʼé֗l yiţé̇n֙ ʼeţ־şé֣̌láţé֔kĕ ʼàşě֥r şá̌ʼa֖lĕţĕ̇ méʻimòֽ̇w׃

18
וַתֹּ֕אמֶר תִּמְצָ֧א שִׁפְחָתְךָ֛ חֵ֖ן בְּעֵינֶ֑יךָ וַתֵּ֨לֶךְ הָאִשָּׁ֤ה לְדַרְכָּהּ֙ וַתֹּאכַ֔ל וּפָנֶ֥יהָ לֹא־הָיוּ־לָ֖הּ עֹֽוד׃

waţò̇֕ʼmer ţi̇mĕẕá֧ʼ şǐpĕẖáţĕká֛ ẖé֖n bĕ̇ʻéyne֑yká waţé̇֨lekĕ háʼişá֤̇̌h lĕdarĕká̇ḣ֙ waţò̇ʼka֔l ẇpáne֥yhá lòʼ־háyẇ־lá֖ḣ ʻòֽwd׃

19
וַיַּשְׁכִּ֣מוּ בַבֹּ֗קֶר וַיִּֽשְׁתַּחֲווּ֙ לִפְנֵ֣י יְהוָ֔ה וַיָּשֻׁ֛בוּ וַיָּבֹ֥אוּ אֶל־בֵּיתָ֖ם הָרָמָ֑תָה וַיֵּ֤דַע אֶלְקָנָה֙ אֶת־חַנָּ֣ה אִשְׁתֹּ֔ו וַיִּֽזְכְּרֶ֖הָ יְהוָֽה׃

wayȧşĕ̌ki֣̇mẇ babò̇֗qer wayiֽ̇şĕ̌ţȧẖàwẇ֙ lipĕné֣y yĕhwá֔h wayá̇şǔ֛bẇ wayá̇bò֥ʼẇ ʼel־bé̇yţá֖m hárámá֑ţáh wayé֤̇daʻ ʼelĕqánáh֙ ʼeţ־ẖaná֣̇h ʼişĕ̌ţò̇֔w wayiֽ̇zĕkĕ̇re֖há yĕhwáֽh׃

20
וַיְהִי֙ לִתְקֻפֹ֣ות הַיָּמִ֔ים וַתַּ֥הַר חַנָּ֖ה וַתֵּ֣לֶד בֵּ֑ן וַתִּקְרָ֤א אֶת־שְׁמֹו֙ שְׁמוּאֵ֔ל כִּ֥י מֵיְהוָ֖ה שְׁאִלְתִּֽיו׃

wayĕhiy֙ liţĕqupò֣wţ hayá̇mi֔ym waţȧ֥har ẖaná֖̇h waţé֣̇led bé֑̇n waţi̇qĕrá֤ʼ ʼeţ־şĕ̌mòw֙ şĕ̌mẇʼé֔l ki֥̇y méyĕhwá֖h şĕ̌ʼilĕţiֽ̇yw׃

21
וַיַּ֛עַל הָאִ֥ישׁ אֶלְקָנָ֖ה וְכָל־בֵּיתֹ֑ו לִזְבֹּ֧חַ לַֽיהוָ֛ה אֶת־זֶ֥בַח הַיָּמִ֖ים וְאֶת־נִדְרֹֽו׃

wayȧ֛ʻal háʼi֥yş̌ ʼelĕqáná֖h wĕkál־bé̇yţò֑w lizĕbò֧̇ẖa laֽyhwá֛h ʼeţ־ze֥baẖ hayá̇mi֖ym wĕʼeţ־nidĕròֽw׃

22
וְחַנָּ֖ה לֹ֣א עָלָ֑תָה כִּֽי־אָמְרָ֣ה לְאִישָׁ֗הּ עַ֣ד יִגָּמֵ֤ל הַנַּ֨עַר֙ וַהֲבִאֹתִ֗יו וְנִרְאָה֙ אֶת־פְּנֵ֣י יְהוָ֔ה וְיָ֥שַׁב שָׁ֖ם עַד־עֹולָֽם׃

wĕẖaná֖̇h lò֣ʼ ʻálá֑ţáh kiֽ̇y־ʼámĕrá֣h lĕʼiyşá̌֗ḣ ʻa֣d yigá̇mé֤l hanȧ֨ʻar֙ wahàbiʼòţi֗yw wĕnirĕʼáh֙ ʼeţ־pĕ̇né֣y yĕhwá֔h wĕyá֥şǎb şá֖̌m ʻad־ʻòwláֽm׃

23
וַיֹּ֣אמֶר לָהּ֩ אֶלְקָנָ֨ה אִישָׁ֜הּ עֲשִׂ֧י הַטֹּ֣וב בְּעֵינַ֗יִךְ שְׁבִי֙ עַד־גָּמְלֵ֣ךְ אֹתֹ֔ו אַ֛ךְ יָקֵ֥ם יְהוָ֖ה אֶת־דְּבָרֹ֑ו וַתֵּ֤שֶׁב הָֽאִשָּׁה֙ וַתֵּ֣ינֶק אֶת־בְּנָ֔הּ עַד־גָמְלָ֖הּ אֹתֹֽו׃

wayò֣̇ʼmer láḣ֩ ʼelĕqáná֨h ʼiyşá̌֜ḣ ʻàşî֧y hatò֣̇wb bĕ̇ʻéyna֗yikĕ şĕ̌biy֙ ʻad־gá̇mĕlé֣kĕ ʼòţò֔w ʼa֛kĕ yáqé֥m yĕhwá֖h ʼeţ־dĕ̇bárò֑w waţé֤̇şěb háֽʼişá̇̌h֙ waţé֣̇yneq ʼeţ־bĕ̇ná֔ḣ ʻad־gámĕlá֖ḣ ʼòţòֽw׃

24
וַתַּעֲלֵ֨הוּ עִמָּ֜הּ כַּאֲשֶׁ֣ר גְּמָלַ֗תּוּ בְּפָרִ֤ים שְׁלֹשָׁה֙ וְאֵיפָ֨ה אַחַ֥ת קֶ֨מַח֙ וְנֵ֣בֶל יַ֔יִן וַתְּבִאֵ֥הוּ בֵית־יְהוָ֖ה שִׁלֹ֑ו וְהַנַּ֖עַר נָֽעַר׃

waţȧʻàlé֨hẇ ʻimá̇֜ḣ kȧʼàşě֣r gĕ̇mála֗ţ̇ẇ bĕ̇pári֤ym şĕ̌lòşá̌h֙ wĕʼéypá֨h ʼaẖa֥ţ qe֨maẖ֙ wĕné֣bel ya֔yin waţĕ̇biʼé֥hẇ béyţ־yĕhwá֖h şǐlò֑w wĕhanȧ֖ʻar náֽʻar׃

25
וַֽיִּשְׁחֲט֖וּ אֶת־הַפָּ֑ר וַיָּבִ֥יאוּ אֶת־הַנַּ֖עַר אֶל־עֵלִֽי׃

waֽyi̇şĕ̌ẖàt֖ẇ ʼeţ־hapá֑̇r wayá̇bi֥yʼẇ ʼeţ־hanȧ֖ʻar ʼel־ʻéliֽy׃

26
וַתֹּ֨אמֶר֙ בִּ֣י אֲדֹנִ֔י חֵ֥י נַפְשְׁךָ֖ אֲדֹנִ֑י אֲנִ֣י הָאִשָּׁ֗ה הַנִּצֶּ֤בֶת עִמְּכָה֙ בָּזֶ֔ה לְהִתְפַּלֵּ֖ל אֶל־יְהוָֽה׃

waţò̇֨ʼmer֙ bi֣̇y ʼàdòni֔y ẖé֥y napĕşĕ̌ká֖ ʼàdòni֑y ʼàni֣y háʼişá̇̌֗h hani̇ẕė֤beţ ʻimĕ̇káh֙ bá̇ze֔h lĕhiţĕpȧlé֖̇l ʼel־yĕhwáֽh׃

27
אֶל־הַנַּ֥עַר הַזֶּ֖ה הִתְפַּלָּ֑לְתִּי וַיִּתֵּ֨ן יְהוָ֥ה לִי֙ אֶת־שְׁאֵ֣לָתִ֔י אֲשֶׁ֥ר שָׁאַ֖לְתִּי מֵעִמֹּֽו׃

ʼel־hanȧ֥ʻar hazė֖h hiţĕpȧlá֑̇lĕţi̇y wayi̇ţé̇֨n yĕhwá֥h liy֙ ʼeţ־şĕ̌ʼé֣láţi֔y ʼàşě֥r şá̌ʼa֖lĕţi̇y méʻimòֽ̇w׃

28
וְגַ֣ם אָנֹכִ֗י הִשְׁאִלְתִּ֨הוּ֙ לַֽיהוָ֔ה כָּל־הַיָּמִים֙ אֲשֶׁ֣ר הָיָ֔ה ה֥וּא שָׁא֖וּל לַֽיהוָ֑ה וַיִּשְׁתַּ֥חוּ שָׁ֖ם לַיהוָֽה׃ פ

wĕga֣m ʼánòki֗y hişĕ̌ʼilĕţi̇֨hẇ֙ laֽyhwá֔h ká̇l־hayá̇miym֙ ʼàşě֣r háyá֔h h֥ẇʼ şá̌ʼ֖ẇl laֽyhwá֑h wayi̇şĕ̌ţȧ֥ẖẇ şá֖̌m layhwáֽh׃ p