Bibles in ancient languages
Old translations
Modern translations

Biblia Hebraica Stuttgartensia 1 Samuel 30:8

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֞י בְּבֹ֨א דָוִ֧ד וַאֲנָשָׁ֛יו צִֽקְלַ֖ג בַּיֹּ֣ום הַשְּׁלִישִׁ֑י וַעֲמָלֵקִ֣י פָֽשְׁט֗וּ אֶל־נֶ֨גֶב֙ וְאֶל־צִ֣קְלַ֔ג וַיַּכּוּ֙ אֶת־צִ֣קְלַ֔ג וַיִּשְׂרְפ֥וּ אֹתָ֖הּ בָּאֵֽשׁ׃

wayĕhi֞y bĕ̇bò֨ʼ dáwi֧d waʼànáşá֛̌yw ẕiֽqĕla֖g bȧyò֣̇wm haşĕ̇̌liyşǐ֑y waʻàmáléqi֣y páֽşĕ̌t֗ẇ ʼel־ne֨geb֙ wĕʼel־ẕi֣qĕla֔g wayȧk̇ẇ֙ ʼeţ־ẕi֣qĕla֔g wayi̇şĕ̂rĕp֥ẇ ʼòţá֖ḣ bá̇ʼéֽş̌׃

2
וַיִּשְׁבּ֨וּ אֶת־הַנָּשִׁ֤ים אֲשֶׁר־בָּהּ֙ מִקָּטֹ֣ן וְעַד־גָּדֹ֔ול לֹ֥א הֵמִ֖יתוּ אִ֑ישׁ וַיִּֽנְהֲג֔וּ וַיֵּלְכ֖וּ לְדַרְכָּֽם׃

wayi̇şĕ̌ḃ֨ẇ ʼeţ־haná̇şǐ֤ym ʼàşěr־bá̇ḣ֙ miqá̇tò֣n wĕʻad־gá̇dò֔wl lò֥ʼ hémi֖yţẇ ʼi֑yş̌ wayiֽ̇nĕhàg֔ẇ wayé̇lĕk֖ẇ lĕdarĕkáֽ̇m׃

3
וַיָּבֹ֨א דָוִ֤ד וַֽאֲנָשָׁיו֙ אֶל־הָעִ֔יר וְהִנֵּ֥ה שְׂרוּפָ֖ה בָּאֵ֑שׁ וּנְשֵׁיהֶ֛ם וּבְנֵיהֶ֥ם וּבְנֹתֵיהֶ֖ם נִשְׁבּֽוּ׃

wayá̇bò֨ʼ dáwi֤d waֽʼànáşá̌yw֙ ʼel־háʻi֔yr wĕhiné֥̇h şĕ̂rẇpá֖h bá̇ʼé֑ş̌ ẇnĕşé̌yhe֛m ẇbĕnéyhe֥m ẇbĕnòţéyhe֖m nişĕ̌ḃֽẇ׃

4
וַיִּשָּׂ֨א דָוִ֜ד וְהָעָ֧ם אֲשֶׁר־אִתֹּ֛ו אֶת־קֹולָ֖ם וַיִּבְכּ֑וּ עַ֣ד אֲשֶׁ֧ר אֵין־בָּהֶ֛ם כֹּ֖חַ לִבְכֹּֽות׃

wayi̇şá̇̂֨ʼ dáwi֜d wĕháʻá֧m ʼàşěr־ʼiţò֛̇w ʼeţ־qòwlá֖m wayi̇bĕk֑̇ẇ ʻa֣d ʼàşě֧r ʼéyn־bá̇he֛m kò֖̇ẖa libĕkòֽ̇wţ׃

5
וּשְׁתֵּ֥י נְשֵֽׁי־דָוִ֖ד נִשְׁבּ֑וּ אֲחִינֹ֨עַם֙ הַיִּזְרְעֵלִ֔ית וַאֲבִיגַ֕יִל אֵ֖שֶׁת נָבָ֥ל הַֽכַּרְמְלִֽי׃

ẇşĕ̌ţé֥̇y nĕşéֽ̌y־dáwi֖d nişĕ̌ḃ֑ẇ ʼàẖiynò֨ʻam֙ hayi̇zĕrĕʻéli֔yţ waʼàbiyga֕yil ʼé֖şěţ nábá֥l haֽkȧrĕmĕliֽy׃

6
וַתֵּ֨צֶר לְדָוִ֜ד מְאֹ֗ד כִּֽי־אָמְר֤וּ הָעָם֙ לְסָקְלֹ֔ו כִּֽי־מָ֨רָה֙ נֶ֣פֶשׁ כָּל־הָעָ֔ם אִ֖ישׁ עַל־בְּנֹו וְעַל־בְּנֹתָ֑יו וַיִּתְחַזֵּ֣ק דָּוִ֔ד בַּיהוָ֖ה אֱלֹהָֽיו׃ ס

waţé̇֨ẕer lĕdáwi֜d mĕʼò֗d kiֽ̇y־ʼámĕr֤ẇ háʻám֙ lĕsáqĕlò֔w kiֽ̇y־má֨ráh֙ ne֣peş̌ ká̇l־háʻá֔m ʼi֖yş̌ ʻal־bĕ̇nòw wĕʻal־bĕ̇nòţá֑yw wayi̇ţĕẖazé֣̇q dá̇wi֔d bȧyhwá֖h ʼèlòháֽyw׃ s

7
וַיֹּ֣אמֶר דָּוִ֗ד אֶל־אֶבְיָתָ֤ר הַכֹּהֵן֙ בֶּן־אֲחִימֶ֔לֶךְ הַגִּֽישָׁה־נָּ֥א לִ֖י הָאֵפֹ֑ד וַיַּגֵּ֧שׁ אֶבְיָתָ֛ר אֶת־הָאֵפֹ֖ד אֶל־דָּוִֽד׃

wayò֣̇ʼmer dá̇wi֗d ʼel־ʼebĕyáţá֤r hakò̇hén֙ bėn־ʼàẖiyme֔lekĕ hagiֽ̇yşá̌h־ná֥̇ʼ li֖y háʼépò֑d wayȧgé֧̇ş̌ ʼebĕyáţá֛r ʼeţ־háʼépò֖d ʼel־dá̇wiֽd׃

8
וַיִּשְׁאַ֨ל דָּוִ֤ד בַּֽיהוָה֙ לֵאמֹ֔ר אֶרְדֹּ֛ף אַחֲרֵ֥י הַגְּדוּד־הַזֶּ֖ה הַֽאַשִּׂגֶ֑נּוּ וַיֹּ֤אמֶר לֹו֙ רְדֹ֔ף כִּֽי־הַשֵּׂ֥ג תַּשִּׂ֖יג וְהַצֵּ֥ל תַּצִּֽיל׃

wayi̇şĕ̌ʼa֨l dá̇wi֤d bȧֽyhwáh֙ léʼmò֔r ʼerĕdò֛̇p ʼaẖàré֥y hagĕ̇dẇd־hazė֖h haֽʼaşi̇̂ge֑ṅẇ wayò֤̇ʼmer lòw֙ rĕdò֔p kiֽ̇y־haşé֥̇̂g ţȧşi֖̇̂yg wĕhaẕé֥̇l ţȧẕiֽ̇yl׃

9
וַיֵּ֣לֶךְ דָּוִ֗ד ה֤וּא וְשֵׁשׁ־מֵאֹ֥ות אִישׁ֙ אֲשֶׁ֣ר אִתֹּ֔ו וַיָּבֹ֖אוּ עַד־נַ֣חַל הַבְּשֹׂ֑ור וְהַנֹּֽותָרִ֖ים עָמָֽדוּ׃

wayé֣̇lekĕ dá̇wi֗d h֤ẇʼ wĕşé̌ş̌־méʼò֥wţ ʼiyş̌֙ ʼàşě֣r ʼiţò̇֔w wayá̇bò֖ʼẇ ʻad־na֣ẖal habĕ̇şò֑̂wr wĕhanòֽ̇wţári֖ym ʻámáֽdẇ׃

10
וַיִּרְדֹּ֣ף דָּוִ֔ד ה֖וּא וְאַרְבַּע־מֵאֹ֣ות אִ֑ישׁ וַיַּֽעַמְדוּ֙ מָאתַ֣יִם אִ֔ישׁ אֲשֶׁ֣ר פִּגְּר֔וּ מֵעֲבֹ֖ר אֶת־נַ֥חַל הַבְּשֹֽׂור׃

wayi̇rĕdò֣̇p dá̇wi֔d h֖ẇʼ wĕʼarĕbȧʻ־méʼò֣wţ ʼi֑yş̌ wayȧֽʻamĕdẇ֙ máʼţa֣yim ʼi֔yş̌ ʼàşě֣r pi̇gĕ̇r֔ẇ méʻàbò֖r ʼeţ־na֥ẖal habĕ̇şòֽ̂wr׃

11
וַֽיִּמְצְא֤וּ אִישׁ־מִצְרִי֙ בַּשָּׂדֶ֔ה וַיִּקְח֥וּ אֹתֹ֖ו אֶל־דָּוִ֑ד וַיִּתְּנוּ־לֹ֥ו לֶ֨חֶם֙ וַיֹּ֔אכַל וַיַּשְׁקֻ֖הוּ מָֽיִם׃

waֽyi̇mĕẕĕʼ֤ẇ ʼiyş̌־miẕĕriy֙ bȧşá̇̂de֔h wayi̇qĕẖ֥ẇ ʼòţò֖w ʼel־dá̇wi֑d wayi̇ţĕ̇nẇ־lò֥w le֨ẖem֙ wayò̇֔ʼkal wayȧşĕ̌qu֖hẇ máֽyim׃

12
וַיִּתְּנוּ־לֹו֩ פֶ֨לַח דְּבֵלָ֜ה וּשְׁנֵ֤י צִמֻּקִים֙ וַיֹּ֔אכַל וַתָּ֥שָׁב רוּחֹ֖ו אֵלָ֑יו כִּ֠י לֹֽא־אָ֤כַל לֶ֨חֶם֙ וְלֹא־שָׁ֣תָה מַ֔יִם שְׁלֹשָׁ֥ה יָמִ֖ים וּשְׁלֹשָׁ֥ה לֵילֹֽות׃ ס

wayi̇ţĕ̇nẇ־lòw֩ pe֨laẖ dĕ̇bélá֜h ẇşĕ̌né֤y ẕimu̇qiym֙ wayò̇֔ʼkal waţá֥̇şá̌b rẇẖò֖w ʼélá֑yw ki̇֠y lòֽʼ־ʼá֤kal le֨ẖem֙ wĕlòʼ־şá֣̌ţáh ma֔yim şĕ̌lòşá֥̌h yámi֖ym ẇşĕ̌lòşá֥̌h léylòֽwţ׃ s

13
וַיֹּ֨אמֶר לֹ֤ו דָוִד֙ לְֽמִי־אַ֔תָּה וְאֵ֥י מִזֶּ֖ה אָ֑תָּה וַיֹּ֜אמֶר נַ֧עַר מִצְרִ֣י אָנֹ֗כִי עֶ֚בֶד לְאִ֣ישׁ עֲמָֽלֵקִ֔י וַיַּעַזְבֵ֧נִי אֲדֹנִ֛י כִּ֥י חָלִ֖יתִי הַיֹּ֥ום שְׁלֹשָֽׁה׃

wayò̇֨ʼmer lò֤w dáwid֙ lĕֽmiy־ʼa֔ţá̇h wĕʼé֥y mizė֖h ʼá֑ţá̇h wayò̇֜ʼmer na֧ʻar miẕĕri֣y ʼánò֗kiy ʻe֚bed lĕʼi֣yş̌ ʻàmáֽléqi֔y wayȧʻazĕbé֧niy ʼàdòni֛y ki֥̇y ẖáli֖yţiy hayò֥̇wm şĕ̌lòşáֽ̌h׃

14
אֲנַ֡חְנוּ פָּשַׁ֜טְנוּ נֶ֧גֶב הַכְּרֵתִ֛י וְעַל־אֲשֶׁ֥ר לִֽיהוּדָ֖ה וְעַל־נֶ֣גֶב כָּלֵ֑ב וְאֶת־צִקְלַ֖ג שָׂרַ֥פְנוּ בָאֵֽשׁ׃

ʼàna֡ẖĕnẇ pá̇şǎ֜tĕnẇ ne֧geb hakĕ̇réţi֛y wĕʻal־ʼàşě֥r liֽyhẇdá֖h wĕʻal־ne֣geb ká̇lé֑b wĕʼeţ־ẕiqĕla֖g şá̂ra֥pĕnẇ báʼéֽş̌׃

15
וַיֹּ֤אמֶר אֵלָיו֙ דָּוִ֔ד הֲתֹורִדֵ֖נִי אֶל־הַגְּד֣וּד הַזֶּ֑ה וַיֹּ֡אמֶר הִשָּׁבְעָה֩ לִּ֨י בֵֽאלֹהִ֜ים אִם־תְּמִיתֵ֗נִי וְאִם־תַּסְגִּרֵ֨נִי֙ בְּיַד־אֲדֹנִ֔י וְאֹורִֽדְךָ֖ אֶל־הַגְּד֥וּד הַזֶּֽה׃

wayò֤̇ʼmer ʼéláyw֙ dá̇wi֔d hàţòwridé֖niy ʼel־hagĕ̇d֣ẇd hazė֑h wayò̇֡ʼmer hişá̇̌bĕʻáh֩ li̇֨y béֽʼlòhi֜ym ʼim־ţĕ̇miyţé֗niy wĕʼim־ţȧsĕgi̇ré֨niy֙ bĕ̇yad־ʼàdòni֔y wĕʼòwriֽdĕká֖ ʼel־hagĕ̇d֥ẇd hazėֽh׃

16
וַיֹּ֣רִדֵ֔הוּ וְהִנֵּ֥ה נְטֻשִׁ֖ים עַל־פְּנֵ֣י כָל־הָאָ֑רֶץ אֹכְלִ֤ים וְשֹׁתִים֙ וְחֹ֣גְגִ֔ים בְּכֹל֙ הַשָּׁלָ֣ל הַגָּדֹ֔ול אֲשֶׁ֥ר לָקְח֛וּ מֵאֶ֥רֶץ פְּלִשְׁתִּ֖ים וּמֵאֶ֥רֶץ יְהוּדָֽה׃

wayò֣̇ridé֔hẇ wĕhiné֥̇h nĕtuşǐ֖ym ʻal־pĕ̇né֣y kál־háʼá֑reẕ ʼòkĕli֤ym wĕşò̌ţiym֙ wĕẖò֣gĕgi֔ym bĕ̇kòl֙ haşá̇̌lá֣l hagá̇dò֔wl ʼàşě֥r láqĕẖ֛ẇ méʼe֥reẕ pĕ̇lişĕ̌ţi֖̇ym ẇméʼe֥reẕ yĕhẇdáֽh׃

17
וַיַּכֵּ֥ם דָּוִ֛ד מֵהַנֶּ֥שֶׁף וְעַד־הָעֶ֖רֶב לְמָֽחֳרָתָ֑ם וְלֹֽא־נִמְלַ֤ט מֵהֶם֙ אִ֔ישׁ כִּי֩ אִם־אַרְבַּ֨ע מֵאֹ֧ות אִֽישׁ־נַ֛עַר אֲשֶׁר־רָכְב֥וּ עַל־הַגְּמַלִּ֖ים וַיָּנֻֽסוּ׃

wayȧké֥̇m dá̇wi֛d méhanė֥şěp wĕʻad־háʻe֖reb lĕmáֽẖoráţá֑m wĕlòֽʼ־nimĕla֤t méhem֙ ʼi֔yş̌ ki̇y֩ ʼim־ʼarĕbȧ֨ʻ méʼò֧wţ ʼiֽyş̌־na֛ʻar ʼàşěr־rákĕb֥ẇ ʻal־hagĕ̇mali֖̇ym wayá̇nuֽsẇ׃

18
וַיַּצֵּ֣ל דָּוִ֔ד אֵ֛ת כָּל־אֲשֶׁ֥ר לָקְח֖וּ עֲמָלֵ֑ק וְאֶת־שְׁתֵּ֥י נָשָׁ֖יו הִצִּ֥יל דָּוִֽד׃

wayȧẕé֣̇l dá̇wi֔d ʼé֛ţ ká̇l־ʼàşě֥r láqĕẖ֖ẇ ʻàmálé֑q wĕʼeţ־şĕ̌ţé֥̇y náşá֖̌yw hiẕi֥̇yl dá̇wiֽd׃

19
וְלֹ֣א נֶעְדַּר־לָ֠הֶם מִן־הַקָּטֹ֨ן וְעַד־הַגָּדֹ֜ול וְעַד־בָּנִ֤ים וּבָנֹות֙ וּמִשָּׁלָ֔ל וְעַ֛ד כָּל־אֲשֶׁ֥ר לָקְח֖וּ לָהֶ֑ם הַכֹּ֖ל הֵשִׁ֥יב דָּוִֽד׃

wĕlò֣ʼ neʻĕdȧr־lá֠hem min־haqá̇tò֨n wĕʻad־hagá̇dò֜wl wĕʻad־bá̇ni֤ym ẇbánòwţ֙ ẇmişá̇̌lá֔l wĕʻa֛d ká̇l־ʼàşě֥r láqĕẖ֖ẇ láhe֑m hakò֖̇l héşǐ֥yb dá̇wiֽd׃

20
וַיִּקַּ֣ח דָּוִ֔ד אֶת־כָּל־הַצֹּ֖אן וְהַבָּקָ֑ר נָהֲג֗וּ לִפְנֵי֙ הַמִּקְנֶ֣ה הַה֔וּא וַיֹּ֣אמְר֔וּ זֶ֖ה שְׁלַ֥ל דָּוִֽד׃

wayi̇qȧ֣ẖ dá̇wi֔d ʼeţ־ká̇l־haẕò֖̇ʼn wĕhabá̇qá֑r náhàg֗ẇ lipĕnéy֙ hami̇qĕne֣h hah֔ẇʼ wayò֣̇ʼmĕr֔ẇ ze֖h şĕ̌la֥l dá̇wiֽd׃

21
וַיָּבֹ֣א דָוִ֗ד אֶל־מָאתַ֨יִם הָאֲנָשִׁ֜ים אֲשֶֽׁר־פִּגְּר֣וּ׀ מִלֶּ֣כֶת׀ אַחֲרֵ֣י דָוִ֗ד וַיֹּֽשִׁיבֻם֙ בְּנַ֣חַל הַבְּשֹׂ֔ור וַיֵּֽצְאוּ֙ לִקְרַ֣את דָּוִ֔ד וְלִקְרַ֖את הָעָ֣ם אֲשֶׁר־אִתֹּ֑ו וַיִּגַּ֤שׁ דָּוִד֙ אֶת־הָעָ֔ם וַיִּשְׁאַ֥ל לָהֶ֖ם לְשָׁלֹֽום׃ ס

wayá̇bò֣ʼ dáwi֗d ʼel־máʼţa֨yim háʼànáşǐ֜ym ʼàşěֽr־pi̇gĕ̇r֣ẇ׀ milė֣keţ׀ ʼaẖàré֣y dáwi֗d wayòֽ̇şǐybum֙ bĕ̇na֣ẖal habĕ̇şò̂֔wr wayéֽ̇ẕĕʼẇ֙ liqĕra֣ʼţ dá̇wi֔d wĕliqĕra֖ʼţ háʻá֣m ʼàşěr־ʼiţò֑̇w wayi̇gȧ֤ş̌ dá̇wid֙ ʼeţ־háʻá֔m wayi̇şĕ̌ʼa֥l láhe֖m lĕşá̌lòֽwm׃ s

22
וַיַּ֜עַן כָּל־אִֽישׁ־רָ֣ע וּבְלִיַּ֗עַל מֵֽהָאֲנָשִׁים֮ אֲשֶׁ֣ר הָלְכ֣וּ עִם־דָּוִד֒ וַיֹּאמְר֗וּ יַ֚עַן אֲשֶׁ֣ר לֹֽא־הָלְכ֣וּ עִמִּ֔י לֹֽא־נִתֵּ֣ן לָהֶ֔ם מֵהַשָּׁלָ֖ל אֲשֶׁ֣ר הִצַּ֑לְנוּ כִּֽי־אִם־אִ֤ישׁ אֶת־אִשְׁתֹּו֙ וְאֶת־בָּנָ֔יו וְיִנְהֲג֖וּ וְיֵלֵֽכוּ׃ ס

wayȧ֜ʻan ká̇l־ʼiֽyş̌־rá֣ʻ ẇbĕliyȧ֗ʻal méֽháʼànáşǐym֮ ʼàşě֣r hálĕk֣ẇ ʻim־dá̇wid֒ wayò̇ʼmĕr֗ẇ ya֚ʻan ʼàşě֣r lòֽʼ־hálĕk֣ẇ ʻimi̇֔y lòֽʼ־niţé֣̇n láhe֔m méhaşá̇̌lá֖l ʼàşě֣r hiẕȧ֑lĕnẇ kiֽ̇y־ʼim־ʼi֤yş̌ ʼeţ־ʼişĕ̌ţò̇w֙ wĕʼeţ־bá̇ná֔yw wĕyinĕhàg֖ẇ wĕyéléֽkẇ׃ s

23
וַיֹּ֣אמֶר דָּוִ֔ד לֹֽא־תַעֲשׂ֥וּ כֵ֖ן אֶחָ֑י אֵ֠ת אֲשֶׁר־נָתַ֨ן יְהוָ֥ה לָ֨נוּ֙ וַיִּשְׁמֹ֣ר אֹתָ֔נוּ וַיִּתֵּ֗ן אֶֽת־הַגְּד֛וּד הַבָּ֥א עָלֵ֖ינוּ בְּיָדֵֽנוּ׃

wayò֣̇ʼmer dá̇wi֔d lòֽʼ־ţaʻàş֥̂ẇ ké֖n ʼeẖá֑y ʼé֠ţ ʼàşěr־náţa֨n yĕhwá֥h lá֨nẇ֙ wayi̇şĕ̌mò֣r ʼòţá֔nẇ wayi̇ţé̇֗n ʼeֽţ־hagĕ̇d֛ẇd habá֥̇ʼ ʻálé֖ynẇ bĕ̇yádéֽnẇ׃

24
וּמִי֙ יִשְׁמַ֣ע לָכֶ֔ם לַדָּבָ֖ר הַזֶּ֑ה כִּ֞י כְּחֵ֣לֶק׀ הַיֹּרֵ֣ד בַּמִּלְחָמָ֗ה וּֽכְחֵ֛לֶק הַיֹּשֵׁ֥ב עַל־הַכֵּלִ֖ים יַחְדָּ֥ו יַחֲלֹֽקוּ׃ ס

ẇmiy֙ yişĕ̌ma֣ʻ láke֔m ladá̇bá֖r hazė֑h ki̇֞y kĕ̇ẖé֣leq׀ hayò̇ré֣d bȧmi̇lĕẖámá֗h ẇֽkĕẖé֛leq hayò̇şé֥̌b ʻal־haké̇li֖ym yaẖĕdá֥̇w yaẖàlòֽqẇ׃ s

25
וַיְהִ֕י מֵֽהַיֹּ֥ום הַה֖וּא וָמָ֑עְלָה וַיְשִׂמֶ֜הָ לְחֹ֤ק וּלְמִשְׁפָּט֙ לְיִשְׂרָאֵ֔ל עַ֖ד הַיֹּ֥ום הַזֶּֽה׃ פ

wayĕhi֕y méֽhayò֥̇wm hah֖ẇʼ wámá֑ʻĕláh wayĕşîme֜há lĕẖò֤q ẇlĕmişĕ̌pá̇t֙ lĕyişĕ̂ráʼé֔l ʻa֖d hayò֥̇wm hazėֽh׃ p

26
וַיָּבֹ֤א דָוִד֙ אֶל־צִ֣קְלַ֔ג וַיְשַׁלַּ֧ח מֵֽהַשָּׁלָ֛ל לְזִקְנֵ֥י יְהוּדָ֖ה לְרֵעֵ֣הוּ לֵאמֹ֑ר הִנֵּ֤ה לָכֶם֙ בְּרָכָ֔ה מִשְּׁלַ֖ל אֹיְבֵ֥י יְהוָֽה׃

wayá̇bò֤ʼ dáwid֙ ʼel־ẕi֣qĕla֔g wayĕşǎlȧ֧ẖ méֽhaşá̇̌lá֛l lĕziqĕné֥y yĕhẇdá֖h lĕréʻé֣hẇ léʼmò֑r hiné֤̇h lákem֙ bĕ̇ráká֔h mişĕ̇̌la֖l ʼòyĕbé֥y yĕhwáֽh׃

27
לַאֲשֶׁ֧ר בְּבֵֽית־אֵ֛ל וְלַאֲשֶׁ֥ר בְּרָמֹֽות־נֶ֖גֶב וְלַאֲשֶׁ֥ר בְּיַתִּֽר׃

laʼàşě֧r bĕ̇béֽyţ־ʼé֛l wĕlaʼàşě֥r bĕ̇rámòֽwţ־ne֖geb wĕlaʼàşě֥r bĕ̇yaţiֽ̇r׃

28
וְלַאֲשֶׁ֧ר בַּעֲרֹעֵ֛ר וְלַאֲשֶׁ֥ר בְּשִֽׂפְמֹ֖ות וְלַאֲשֶׁ֥ר בְּאֶשְׁתְּמֹֽעַ׃ ס

wĕlaʼàşě֧r bȧʻàròʻé֛r wĕlaʼàşě֥r bĕ̇şîֽpĕmò֖wţ wĕlaʼàşě֥r bĕ̇ʼeşĕ̌ţĕ̇mòֽʻa׃ s

29
וְלַאֲשֶׁ֣ר בְּרָכָ֗ל וְלַֽאֲשֶׁר֙ בְּעָרֵ֣י הַיְּרַחְמְאֵלִ֔י וְלַאֲשֶׁ֖ר בְּעָרֵ֥י הַקֵּינִֽי׃

wĕlaʼàşě֣r bĕ̇ráká֗l wĕlaֽʼàşěr֙ bĕ̇ʻáré֣y hayĕ̇raẖĕmĕʼéli֔y wĕlaʼàşě֖r bĕ̇ʻáré֥y haqé̇yniֽy׃

30
וְלַאֲשֶׁ֧ר בְּחָרְמָ֛ה וְלַאֲשֶׁ֥ר בְּבֹור־עָשָׁ֖ן וְלַאֲשֶׁ֥ר בַעֲתָֽךְ׃

wĕlaʼàşě֧r bĕ̇ẖárĕmá֛h wĕlaʼàşě֥r bĕ̇bòwr־ʻáşá֖̌n wĕlaʼàşě֥r baʻàţáֽkĕ׃

31
וְלַאֲשֶׁ֖ר בְּחֶבְרֹ֑ון וּֽלְכָל־הַמְּקֹמֹ֛ות אֲשֶֽׁר־הִתְהַלֶּךְ־שָׁ֥ם דָּוִ֖ד ה֥וּא וַאֲנָשָֽׁיו׃ פ

wĕlaʼàşě֖r bĕ̇ẖebĕrò֑wn ẇֽlĕkál־hamĕ̇qòmò֛wţ ʼàşěֽr־hiţĕhalėkĕ־şá֥̌m dá̇wi֖d h֥ẇʼ waʼànáşáֽ̌yw׃ p