Bibles in ancient languages
Old translations
Modern translations

Biblia Hebraica Stuttgartensia 1 Samuel 9:2

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַֽיְהִי־אִ֣ישׁ מִבִּן־יָמִין וּ֠שְׁמֹו קִ֣ישׁ בֶּן־אֲבִיאֵ֞ל בֶּן־צְרֹ֧ור בֶּן־בְּכֹורַ֛ת בֶּן־אֲפִ֖יחַ בֶּן־אִ֣ישׁ יְמִינִ֑י גִּבֹּ֖ור חָֽיִל׃

waֽyĕhiy־ʼi֣yş̌ mibi̇n־yámiyn ẇ֠şĕ̌mòw qi֣yş̌ bėn־ʼàbiyʼé֞l bėn־ẕĕrò֧wr bėn־bĕ̇kòwra֛ţ bėn־ʼàpi֖yẖa bėn־ʼi֣yş̌ yĕmiyni֑y gi̇bò֖̇wr ẖáֽyil׃

2
וְלֹו־הָיָ֨ה בֵ֜ן וּשְׁמֹ֤ו שָׁאוּל֙ בָּח֣וּר וָטֹ֔וב וְאֵ֥ין אִ֛ישׁ מִבְּנֵ֥י יִשְׂרָאֵ֖ל טֹ֣וב מִמֶּ֑נּוּ מִשִּׁכְמֹ֣ו וָמַ֔עְלָה גָּבֹ֖הַּ מִכָּל־הָעָֽם׃

wĕlòw־háyá֨h bé֜n ẇşĕ̌mò֤w şá̌ʼẇl֙ bá̇ẖ֣ẇr wátò֔wb wĕʼé֥yn ʼi֛yş̌ mibĕ̇né֥y yişĕ̂ráʼé֖l tò֣wb mimė֑ṅẇ mişi̇̌kĕmò֣w wáma֔ʻĕláh gá̇bò֖hȧ miká̇l־háʻáֽm׃

3
וַתֹּאבַ֨דְנָה֙ הָאֲתֹנֹ֔ות לְקִ֖ישׁ אֲבִ֣י שָׁא֑וּל וַיֹּ֨אמֶר קִ֜ישׁ אֶל־שָׁא֣וּל בְּנֹ֗ו קַח־נָ֤א אִתְּךָ֙ אֶת־אַחַ֣ד מֵֽהַנְּעָרִ֔ים וְק֣וּם לֵ֔ךְ בַּקֵּ֖שׁ אֶת־הָאֲתֹנֹֽת׃

waţò̇ʼba֨dĕnáh֙ háʼàţònò֔wţ lĕqi֖yş̌ ʼàbi֣y şá̌ʼ֑ẇl wayò̇֨ʼmer qi֜yş̌ ʼel־şá̌ʼ֣ẇl bĕ̇nò֗w qaẖ־ná֤ʼ ʼiţĕ̇ká֙ ʼeţ־ʼaẖa֣d méֽhanĕ̇ʻári֔ym wĕq֣ẇm lé֔kĕ bȧqé֖̇ş̌ ʼeţ־háʼàţònòֽţ׃

4
וַיַּעֲבֹ֧ר בְּהַר־אֶפְרַ֛יִם וַיַּעֲבֹ֥ר בְּאֶֽרֶץ־שָׁלִ֖שָׁה וְלֹ֣א מָצָ֑אוּ וַיַּעַבְר֤וּ בְאֶֽרֶץ־שַׁעֲלִים֙ וָאַ֔יִן וַיַּעֲבֹ֥ר בְּאֶֽרֶץ־יְמִינִ֖י וְלֹ֥א מָצָֽאוּ׃

wayȧʻàbò֧r bĕ̇har־ʼepĕra֛yim wayȧʻàbò֥r bĕ̇ʼeֽreẕ־şá̌li֖şá̌h wĕlò֣ʼ máẕá֑ʼẇ wayȧʻabĕr֤ẇ bĕʼeֽreẕ־şǎʻàliym֙ wáʼa֔yin wayȧʻàbò֥r bĕ̇ʼeֽreẕ־yĕmiyni֖y wĕlò֥ʼ máẕáֽʼẇ׃

5
הֵ֗מָּה בָּ֚אוּ בְּאֶ֣רֶץ צ֔וּף וְשָׁא֥וּל אָמַ֛ר לְנַעֲרֹ֥ו אֲשֶׁר־עִמֹּ֖ו לְכָ֣ה וְנָשׁ֑וּבָה פֶּן־יֶחְדַּ֥ל אָבִ֛י מִן־הָאֲתֹנֹ֖ות וְדָ֥אַג לָֽנוּ׃

hé֗má̇h bá֚̇ʼẇ bĕ̇ʼe֣reẕ ẕ֔ẇp wĕşá̌ʼ֥ẇl ʼáma֛r lĕnaʻàrò֥w ʼàşěr־ʻimò֖̇w lĕká֣h wĕnáş֑̌ẇbáh pėn־yeẖĕdȧ֥l ʼábi֛y min־háʼàţònò֖wţ wĕdá֥ʼag láֽnẇ׃

6
וַיֹּ֣אמֶר לֹ֗ו הִנֵּה־נָ֤א אִישׁ־אֱלֹהִים֙ בָּעִ֣יר הַזֹּ֔את וְהָאִ֣ישׁ נִכְבָּ֔ד כֹּ֥ל אֲשֶׁר־יְדַבֵּ֖ר בֹּ֣וא יָבֹ֑וא עַתָּה֙ נֵ֣לֲכָה שָּׁ֔ם אוּלַי֙ יַגִּ֣יד לָ֔נוּ אֶת־דַּרְכֵּ֖נוּ אֲשֶׁר־הָלַ֥כְנוּ עָלֶֽיהָ׃

wayò֣̇ʼmer lò֗w hiné̇h־ná֤ʼ ʼiyş̌־ʼèlòhiym֙ bá̇ʻi֣yr hazò̇֔ʼţ wĕháʼi֣yş̌ nikĕbá̇֔d kò֥̇l ʼàşěr־yĕdabé֖̇r bò֣̇wʼ yábò֑wʼ ʻaţá̇h֙ né֣làkáh şá̇̌֔m ʼẇlay֙ yagi֣̇yd lá֔nẇ ʼeţ־dȧrĕké֖̇nẇ ʼàşěr־hála֥kĕnẇ ʻáleֽyhá׃

7
וַיֹּ֨אמֶר שָׁא֜וּל לְנַעֲרֹ֗ו וְהִנֵּ֣ה נֵלֵךְ֮ וּמַה־נָּבִ֣יא לָאִישׁ֒ כִּ֤י הַלֶּ֨חֶם֙ אָזַ֣ל מִכֵּלֵ֔ינוּ וּתְשׁוּרָ֥ה אֵין־לְהָבִ֖יא לְאִ֣ישׁ הָאֱלֹהִ֑ים מָ֖ה אִתָּֽנוּ׃

wayò̇֨ʼmer şá̌ʼ֜ẇl lĕnaʻàrò֗w wĕhiné֣̇h nélékĕ֮ ẇmah־ná̇bi֣yʼ láʼiyş̌֒ ki֤̇y halė֨ẖem֙ ʼáza֣l miké̇lé֔ynẇ ẇţĕş̌ẇrá֥h ʼéyn־lĕhábi֖yʼ lĕʼi֣yş̌ háʼèlòhi֑ym má֖h ʼiţáֽ̇nẇ׃

8
וַיֹּ֤סֶף הַנַּ֨עַר֙ לַעֲנֹ֣ות אֶת־שָׁא֔וּל וַיֹּ֕אמֶר הִנֵּה֙ נִמְצָ֣א בְיָדִ֔י רֶ֖בַע שֶׁ֣קֶל כָּ֑סֶף וְנָֽתַתִּי֙ לְאִ֣ישׁ הָאֱלֹהִ֔ים וְהִגִּ֥יד לָ֖נוּ אֶת־דַּרְכֵּֽנוּ׃

wayò֤̇sep hanȧ֨ʻar֙ laʻànò֣wţ ʼeţ־şá̌ʼ֔ẇl wayò̇֕ʼmer hiné̇h֙ nimĕẕá֣ʼ bĕyádi֔y re֖baʻ şě֣qel ká֑̇sep wĕnáֽţaţi̇y֙ lĕʼi֣yş̌ háʼèlòhi֔ym wĕhigi֥̇yd lá֖nẇ ʼeţ־dȧrĕkéֽ̇nẇ׃

9
לְפָנִ֣ים׀ בְּיִשְׂרָאֵ֗ל כֹּֽה־אָמַ֤ר הָאִישׁ֙ בְּלֶכְתֹּו֙ לִדְרֹ֣ושׁ אֱלֹהִ֔ים לְכ֥וּ וְנֵלְכָ֖ה עַד־הָרֹאֶ֑ה כִּ֤י לַנָּבִיא֙ הַיֹּ֔ום יִקָּרֵ֥א לְפָנִ֖ים הָרֹאֶֽה׃

lĕpáni֣ym׀ bĕ̇yişĕ̂ráʼé֗l kòֽ̇h־ʼáma֤r háʼiyş̌֙ bĕ̇lekĕţò̇w֙ lidĕrò֣wş̌ ʼèlòhi֔ym lĕk֥ẇ wĕnélĕká֖h ʻad־háròʼe֑h ki֤̇y laná̇biyʼ֙ hayò̇֔wm yiqá̇ré֥ʼ lĕpáni֖ym háròʼeֽh׃

10
וַיֹּ֨אמֶר שָׁא֧וּל לְנַעֲרֹ֛ו טֹ֥וב דְּבָרְךָ֖ לְכָ֣ה׀ נֵלֵ֑כָה וַיֵּֽלְכוּ֙ אֶל־הָעִ֔יר אֲשֶׁר־שָׁ֖ם אִ֥ישׁ הָאֱלֹהִֽים׃

wayò̇֨ʼmer şá̌ʼ֧ẇl lĕnaʻàrò֛w tò֥wb dĕ̇bárĕká֖ lĕká֣h׀ nélé֑káh wayéֽ̇lĕkẇ֙ ʼel־háʻi֔yr ʼàşěr־şá֖̌m ʼi֥yş̌ háʼèlòhiֽym׃

11
הֵ֗מָּה עֹלִים֙ בְּמַעֲלֵ֣ה הָעִ֔יר וְהֵ֨מָּה֙ מָצְא֣וּ נְעָרֹ֔ות יֹצְאֹ֖ות לִשְׁאֹ֣ב מָ֑יִם וַיֹּאמְר֣וּ לָהֶ֔ן הֲיֵ֥שׁ בָּזֶ֖ה הָרֹאֶֽה׃

hé֗má̇h ʻòliym֙ bĕ̇maʻàlé֣h háʻi֔yr wĕhé֨má̇h֙ máẕĕʼ֣ẇ nĕʻárò֔wţ yòẕĕʼò֖wţ lişĕ̌ʼò֣b má֑yim wayò̇ʼmĕr֣ẇ láhe֔n hàyé֥ş̌ bá̇ze֖h háròʼeֽh׃

12
וַתַּעֲנֶ֧ינָה אֹותָ֛ם וַתֹּאמַ֥רְנָה יֵּ֖שׁ הִנֵּ֣ה לְפָנֶ֑יךָ מַהֵ֣ר׀ עַתָּ֗ה כִּ֤י הַיֹּום֙ בָּ֣א לָעִ֔יר כִּ֣י זֶ֧בַח הַיֹּ֛ום לָעָ֖ם בַּבָּמָֽה׃

waţȧʻàne֧ynáh ʼòwţá֛m waţò̇ʼma֥rĕnáh yé֖̇ş̌ hiné֣̇h lĕpáne֑yká mahé֣r׀ ʻaţá̇֗h ki֤̇y hayò̇wm֙ bá֣̇ʼ láʻi֔yr ki֣̇y ze֧baẖ hayò֛̇wm láʻá֖m bȧbá̇máֽh׃

13
כְּבֹאֲכֶ֣ם הָעִ֣יר כֵּ֣ן תִּמְצְא֣וּן אֹתֹ֡ו בְּטֶרֶם֩ יַעֲלֶ֨ה הַבָּמָ֜תָה לֶאֱכֹ֗ל כִּ֠י לֹֽא־יֹאכַ֤ל הָעָם֙ עַד־בֹּאֹ֔ו כִּֽי־הוּא֙ יְבָרֵ֣ךְ הַזֶּ֔בַח אַחֲרֵי־כֵ֖ן יֹאכְל֣וּ הַקְּרֻאִ֑ים וְעַתָּ֣ה עֲל֔וּ כִּֽי־אֹתֹ֥ו כְהַיֹּ֖ום תִּמְצְא֥וּן אֹתֹֽו׃

kĕ̇bòʼàke֣m háʻi֣yr ké֣̇n ţi̇mĕẕĕʼ֣ẇn ʼòţò֡w bĕ̇terem֩ yaʻàle֨h habá̇má֜ţáh leʼèkò֗l ki̇֠y lòֽʼ־yòʼka֤l háʻám֙ ʻad־bò̇ʼò֔w kiֽ̇y־hẇʼ֙ yĕbáré֣kĕ hazė֔baẖ ʼaẖàréy־ké֖n yòʼkĕl֣ẇ haqĕ̇ruʼi֑ym wĕʻaţá֣̇h ʻàl֔ẇ kiֽ̇y־ʼòţò֥w kĕhayò֖̇wm ţi̇mĕẕĕʼ֥ẇn ʼòţòֽw׃

14
וַֽיַּעֲל֖וּ הָעִ֑יר הֵ֗מָּה בָּאִים֙ בְּתֹ֣וךְ הָעִ֔יר וְהִנֵּ֤ה שְׁמוּאֵל֙ יֹצֵ֣א לִקְרָאתָ֔ם לַעֲלֹ֖ות הַבָּמָֽה׃ ס

waֽyȧʻàl֖ẇ háʻi֑yr hé֗má̇h bá̇ʼiym֙ bĕ̇ţò֣wkĕ háʻi֔yr wĕhiné֤̇h şĕ̌mẇʼél֙ yòẕé֣ʼ liqĕráʼţá֔m laʻàlò֖wţ habá̇máֽh׃ s

15
וַֽיהוָ֔ה גָּלָ֖ה אֶת־אֹ֣זֶן שְׁמוּאֵ֑ל יֹ֣ום אֶחָ֔ד לִפְנֵ֥י בֹֽוא־שָׁא֖וּל לֵאמֹֽר׃

waֽyhwá֔h gá̇lá֖h ʼeţ־ʼò֣zen şĕ̌mẇʼé֑l yò֣wm ʼeẖá֔d lipĕné֥y bòֽwʼ־şá̌ʼ֖ẇl léʼmòֽr׃

16
כָּעֵ֣ת׀ מָחָ֡ר אֶשְׁלַח֩ אֵלֶ֨יךָ אִ֜ישׁ מֵאֶ֣רֶץ בִּנְיָמִ֗ן וּמְשַׁחְתֹּ֤ו לְנָגִיד֙ עַל־עַמִּ֣י יִשְׂרָאֵ֔ל וְהֹושִׁ֥יעַ אֶת־עַמִּ֖י מִיַּ֣ד פְּלִשְׁתִּ֑ים כִּ֤י רָאִ֨יתִי֙ אֶת־עַמִּ֔י כִּ֛י בָּ֥אָה צַעֲקָתֹ֖ו אֵלָֽי׃

ká̇ʻé֣ţ׀ máẖá֡r ʼeşĕ̌laẖ֩ ʼéle֨yká ʼi֜yş̌ méʼe֣reẕ bi̇nĕyámi֗n ẇmĕşǎẖĕţò֤̇w lĕnágiyd֙ ʻal־ʻami֣̇y yişĕ̂ráʼé֔l wĕhòwşǐ֥yʻa ʼeţ־ʻami֖̇y miyȧ֣d pĕ̇lişĕ̌ţi֑̇ym ki֤̇y ráʼi֨yţiy֙ ʼeţ־ʻami̇֔y ki֛̇y bá֥̇ʼáh ẕaʻàqáţò֖w ʼéláֽy׃

17
וּשְׁמוּאֵ֖ל רָאָ֣ה אֶת־שָׁא֑וּל וַיהוָ֣ה עָנָ֔הוּ הִנֵּ֤ה הָאִישׁ֙ אֲשֶׁ֣ר אָמַ֣רְתִּי אֵלֶ֔יךָ זֶ֖ה יַעְצֹ֥ר בְּעַמִּֽי׃

ẇşĕ̌mẇʼé֖l ráʼá֣h ʼeţ־şá̌ʼ֑ẇl wayhwá֣h ʻáná֔hẇ hiné֤̇h háʼiyş̌֙ ʼàşě֣r ʼáma֣rĕţi̇y ʼéle֔yká ze֖h yaʻĕẕò֥r bĕ̇ʻamiֽ̇y׃

18
וַיִּגַּ֥שׁ שָׁא֛וּל אֶת־שְׁמוּאֵ֖ל בְּתֹ֣וךְ הַשָּׁ֑עַר וַיֹּ֨אמֶר֙ הַגִּֽידָה־נָּ֣א לִ֔י אֵי־זֶ֖ה בֵּ֥ית הָרֹאֶֽה׃

wayi̇gȧ֥ş̌ şá̌ʼ֛ẇl ʼeţ־şĕ̌mẇʼé֖l bĕ̇ţò֣wkĕ haşá֑̇̌ʻar wayò̇֨ʼmer֙ hagiֽ̇ydáh־ná֣̇ʼ li֔y ʼéy־ze֖h bé֥̇yţ háròʼeֽh׃

19
וַיַּ֨עַן שְׁמוּאֵ֜ל אֶת־שָׁא֗וּל וַיֹּ֨אמֶר֙ אָנֹכִ֣י הָרֹאֶ֔ה עֲלֵ֤ה לְפָנַי֙ הַבָּמָ֔ה וַאֲכַלְתֶּ֥ם עִמִּ֖י הַיֹּ֑ום וְשִׁלַּחְתִּ֣יךָ בַבֹּ֔קֶר וְכֹ֛ל אֲשֶׁ֥ר בִּֽלְבָבְךָ֖ אַגִּ֥יד לָֽךְ׃

wayȧ֨ʻan şĕ̌mẇʼé֜l ʼeţ־şá̌ʼ֗ẇl wayò̇֨ʼmer֙ ʼánòki֣y háròʼe֔h ʻàlé֤h lĕpánay֙ habá̇má֔h waʼàkalĕţė֥m ʻimi֖̇y hayò֑̇wm wĕşǐlȧẖĕţi֣̇yká babò̇֔qer wĕkò֛l ʼàşě֥r biֽ̇lĕbábĕká֖ ʼagi֥̇yd láֽkĕ׃

20
וְלָאֲתֹנֹ֞ות הָאֹבְדֹ֣ות לְךָ֗ הַיֹּום֙ שְׁלֹ֣שֶׁת הַיָּמִ֔ים אַל־תָּ֧שֶׂם אֶֽת־לִבְּךָ֛ לָהֶ֖ם כִּ֣י נִמְצָ֑אוּ וּלְמִי֙ כָּל־חֶמְדַּ֣ת יִשְׂרָאֵ֔ל הֲלֹ֣וא לְךָ֔ וּלְכֹ֖ל בֵּ֥ית אָבִֽיךָ׃ ס

wĕláʼàţònò֞wţ háʼòbĕdò֣wţ lĕká֗ hayò̇wm֙ şĕ̌lò֣şěţ hayá̇mi֔ym ʼal־ţá֧̇şêm ʼeֽţ־libĕ̇ká֛ láhe֖m ki֣̇y nimĕẕá֑ʼẇ ẇlĕmiy֙ ká̇l־ẖemĕdȧ֣ţ yişĕ̂ráʼé֔l hàlò֣wʼ lĕká֔ ẇlĕkò֖l bé֥̇yţ ʼábiֽyká׃ s

21
וַיַּ֨עַן שָׁא֜וּל וַיֹּ֗אמֶר הֲלֹ֨וא בֶן־יְמִינִ֤י אָ֨נֹכִי֙ מִקַּטַנֵּי֙ שִׁבְטֵ֣י יִשְׂרָאֵ֔ל וּמִשְׁפַּחְתִּי֙ הַצְּעִרָ֔ה מִכָּֽל־מִשְׁפְּחֹ֖ות שִׁבְטֵ֣י בִנְיָמִ֑ן וְלָ֨מָּה֙ דִּבַּ֣רְתָּ אֵלַ֔י כַּדָּבָ֖ר הַזֶּֽה׃ ס

wayȧ֨ʻan şá̌ʼ֜ẇl wayò̇֗ʼmer hàlò֨wʼ ben־yĕmiyni֤y ʼá֨nòkiy֙ miqȧtané̇y֙ şǐbĕté֣y yişĕ̂ráʼé֔l ẇmişĕ̌pȧẖĕţi̇y֙ haẕĕ̇ʻirá֔h mikáֽ̇l־mişĕ̌pĕ̇ẖò֖wţ şǐbĕté֣y binĕyámi֑n wĕlá֨má̇h֙ di̇bȧ֣rĕţá̇ ʼéla֔y kȧdá̇bá֖r hazėֽh׃ s

22
וַיִּקַּ֤ח שְׁמוּאֵל֙ אֶת־שָׁא֣וּל וְאֶֽת־נַעֲרֹ֔ו וַיְבִיאֵ֖ם לִשְׁכָּ֑תָה וַיִּתֵּ֨ן לָהֶ֤ם מָקֹום֙ בְּרֹ֣אשׁ הַקְּרוּאִ֔ים וְהֵ֖מָּה כִּשְׁלֹשִׁ֥ים אִֽישׁ׃

wayi̇qȧ֤ẖ şĕ̌mẇʼél֙ ʼeţ־şá̌ʼ֣ẇl wĕʼeֽţ־naʻàrò֔w wayĕbiyʼé֖m lişĕ̌ká֑̇ţáh wayi̇ţé̇֨n láhe֤m máqòwm֙ bĕ̇rò֣ʼş̌ haqĕ̇rẇʼi֔ym wĕhé֖má̇h ki̇şĕ̌lòşǐ֥ym ʼiֽyş̌׃

23
וַיֹּ֤אמֶר שְׁמוּאֵל֙ לַטַּבָּ֔ח תְּנָה֙ אֶת־הַמָּנָ֔ה אֲשֶׁ֥ר נָתַ֖תִּי לָ֑ךְ אֲשֶׁר֙ אָמַ֣רְתִּי אֵלֶ֔יךָ שִׂ֥ים אֹתָ֖הּ עִמָּֽךְ׃

wayò֤̇ʼmer şĕ̌mẇʼél֙ latȧbá̇֔ẖ ţĕ̇náh֙ ʼeţ־hamá̇ná֔h ʼàşě֥r náţa֖ţi̇y lá֑kĕ ʼàşěr֙ ʼáma֣rĕţi̇y ʼéle֔yká şî֥ym ʼòţá֖ḣ ʻimáֽ̇kĕ׃

24
וַיָּ֣רֶם הַ֠טַּבָּח אֶת־הַשֹּׁ֨וק וְהֶעָלֶ֜יהָ וַיָּ֣שֶׂם׀ לִפְנֵ֣י שָׁא֗וּל וַיֹּ֨אמֶר֙ הִנֵּ֤ה הַנִּשְׁאָר֙ שִׂים־לְפָנֶ֣יךָ אֱכֹ֔ל כִּ֧י לַמֹּועֵ֛ד שָֽׁמוּר־לְךָ֥ לֵאמֹ֖ר הָעָ֣ם׀ קָרָ֑אתִי וַיֹּ֧אכַל שָׁא֛וּל עִם־שְׁמוּאֵ֖ל בַּיֹּ֥ום הַהֽוּא׃

wayá֣̇rem ha֠tȧbá̇ẖ ʼeţ־haşò̇̌֨wq wĕheʻále֜yhá wayá֣̇şêm׀ lipĕné֣y şá̌ʼ֗ẇl wayò̇֨ʼmer֙ hiné֤̇h hani̇şĕ̌ʼár֙ şîym־lĕpáne֣yká ʼèkò֔l ki֧̇y lamò̇wʻé֛d şáֽ̌mẇr־lĕká֥ léʼmò֖r háʻá֣m׀ qárá֑ʼţiy wayò֧̇ʼkal şá̌ʼ֛ẇl ʻim־şĕ̌mẇʼé֖l bȧyò֥̇wm hahֽẇʼ׃

25
וַיֵּרְד֥וּ מֵהַבָּמָ֖ה הָעִ֑יר וַיְדַבֵּ֥ר עִם־שָׁא֖וּל עַל־הַגָּֽג׃

wayé̇rĕd֥ẇ méhabá̇má֖h háʻi֑yr wayĕdabé֥̇r ʻim־şá̌ʼ֖ẇl ʻal־hagáֽ̇g׃

26
וַיַּשְׁכִּ֗מוּ וַיְהִ֞י כַּעֲלֹ֤ות הַשַּׁ֨חַר֙ וַיִּקְרָ֨א שְׁמוּאֵ֤ל אֶל־שָׁאוּל֙ הַגָּג לֵאמֹ֔ר ק֖וּמָה וַאֲשַׁלְּחֶ֑ךָּ וַיָּ֣קָם שָׁא֗וּל וַיֵּצְא֧וּ שְׁנֵיהֶ֛ם ה֥וּא וּשְׁמוּאֵ֖ל הַחֽוּצָה׃

wayȧşĕ̌ki̇֗mẇ wayĕhi֞y kȧʻàlò֤wţ haşȧ̌֨ẖar֙ wayi̇qĕrá֨ʼ şĕ̌mẇʼé֤l ʼel־şá̌ʼẇl֙ hagá̇g léʼmò֔r q֖ẇmáh waʼàşǎlĕ̇ẖe֑ká̇ wayá֣̇qám şá̌ʼ֗ẇl wayé̇ẕĕʼ֧ẇ şĕ̌néyhe֛m h֥ẇʼ ẇşĕ̌mẇʼé֖l haẖֽẇẕáh׃

27
הֵ֗מָּה יֹֽורְדִים֙ בִּקְצֵ֣ה הָעִ֔יר וּשְׁמוּאֵ֞ל אָמַ֣ר אֶל־שָׁא֗וּל אֱמֹ֥ר לַנַּ֛עַר וְיַעֲבֹ֥ר לְפָנֵ֖ינוּ וַֽיַּעֲבֹ֑ר וְאַתָּה֙ עֲמֹ֣ד כַּיֹּ֔ום וְאַשְׁמִיעֲךָ֖ אֶת־דְּבַ֥ר אֱלֹהִֽים׃ פ

hé֗má̇h yòֽwrĕdiym֙ bi̇qĕẕé֣h háʻi֔yr ẇşĕ̌mẇʼé֞l ʼáma֣r ʼel־şá̌ʼ֗ẇl ʼèmò֥r lanȧ֛ʻar wĕyaʻàbò֥r lĕpáné֖ynẇ waֽyȧʻàbò֑r wĕʼaţá̇h֙ ʻàmò֣d kȧyò̇֔wm wĕʼaşĕ̌miyʻàká֖ ʼeţ־dĕ̇ba֥r ʼèlòhiֽym׃ p