Bibles in ancient languages
Old translations
Modern translations

Biblia Hebraica Stuttgartensia 2 Chroniques 24:12

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
בֶּן־שֶׁ֤בַע שָׁנִים֙ יֹאָ֣שׁ בְּמָלְכֹ֔ו וְאַרְבָּעִ֣ים שָׁנָ֔ה מָלַ֖ךְ בִּֽירוּשָׁלִָ֑ם וְשֵׁ֣ם אִמֹּ֔ו צִבְיָ֖ה מִבְּאֵ֥ר שָֽׁבַע׃

bėn־şě֤baʻ şá̌niym֙ yòʼá֣ş̌ bĕ̇málĕkò֔w wĕʼarĕbá̇ʻi֣ym şá̌ná֔h mála֖kĕ biֽ̇yrẇşá̌liá֑m wĕşé֣̌m ʼimò̇֔w ẕibĕyá֖h mibĕ̇ʼé֥r şáֽ̌baʻ׃

2
וַיַּ֧עַשׂ יֹואָ֛שׁ הַיָּשָׁ֖ר בְּעֵינֵ֣י יְהוָ֑ה כָּל־יְמֵ֖י יְהֹויָדָ֥ע הַכֹּהֵֽן׃

wayȧ֧ʻaş̂ yòwʼá֛ş̌ hayá̇şá֖̌r bĕ̇ʻéyné֣y yĕhwá֑h ká̇l־yĕmé֖y yĕhòwyádá֥ʻ hakò̇héֽn׃

3
וַיִּשָּׂא־לֹ֥ו יְהֹויָדָ֖ע נָשִׁ֣ים שְׁתָּ֑יִם וַיֹּ֖ולֶד בָּנִ֥ים וּבָנֹֽות׃

wayi̇şá̇̂ʼ־lò֥w yĕhòwyádá֖ʻ náşǐ֣ym şĕ̌ţá֑̇yim wayò֖̇wled bá̇ni֥ym ẇbánòֽwţ׃

4
וַיְהִ֖י אַחֲרֵיכֵ֑ן הָיָה֙ עִם־לֵ֣ב יֹואָ֔שׁ לְחַדֵּ֖שׁ אֶת־בֵּ֥ית יְהוָֽה׃

wayĕhi֖y ʼaẖàréyké֑n háyáh֙ ʻim־lé֣b yòwʼá֔ş̌ lĕẖadé֖̇ş̌ ʼeţ־bé֥̇yţ yĕhwáֽh׃

5
וַיִּקְבֹּץ֮ אֶת־הַכֹּהֲנִ֣ים וְהַלְוִיִּם֒ וַיֹּ֣אמֶר לָהֶ֡ם צְא֣וּ לְעָרֵ֪י יְהוּדָ֟ה וְקִבְצוּ֩ מִכָּל־יִשְׂרָאֵ֨ל כֶּ֜סֶף לְחַזֵּ֣ק׀ אֶת־בֵּ֣ית אֱלֹֽהֵיכֶ֗ם מִדֵּ֤י שָׁנָה֙ בְּשָׁנָ֔ה וְאַתֶּ֖ם תְּמַהֲר֣וּ לַדָּבָ֑ר וְלֹ֥א מִֽהֲר֖וּ הַֽלְוִיִּֽם׃

wayi̇qĕbò̇ẕ֮ ʼeţ־hakò̇hàni֣ym wĕhalĕwiyi̇m֒ wayò֣̇ʼmer láhe֡m ẕĕʼ֣ẇ lĕʻáré֪y yĕhẇdá֟h wĕqibĕẕẇ֩ miká̇l־yişĕ̂ráʼé֨l kė֜sep lĕẖazé֣̇q׀ ʼeţ־bé֣̇yţ ʼèlòֽhéyke֗m midé֤̇y şá̌náh֙ bĕ̇şá̌ná֔h wĕʼaţė֖m ţĕ̇mahàr֣ẇ ladá̇bá֑r wĕlò֥ʼ miֽhàr֖ẇ haֽlĕwiyiֽ̇m׃

6
וַיִּקְרָ֣א הַמֶּלֶךְ֮ לִֽיהֹויָדָ֣ע הָרֹאשׁ֒ וַיֹּ֣אמֶר לֹ֗ו מַדּ֨וּעַ֙ לֹֽא־דָרַ֣שְׁתָּ עַל־הַלְוִיִּ֔ם לְהָבִ֞יא מִֽיהוּדָ֣ה וּמִֽירוּשָׁלִַ֗ם אֶת־מַשְׂאַת֙ מֹשֶׁ֣ה עֶֽבֶד־יְהוָ֔ה וְהַקָּהָ֖ל לְיִשְׂרָאֵ֑ל לְאֹ֖הֶל הָעֵדֽוּת׃

wayi̇qĕrá֣ʼ hamėlekĕ֮ liֽyhòwyádá֣ʻ háròʼş̌֒ wayò֣̇ʼmer lò֗w maḋ֨ẇʻa֙ lòֽʼ־dára֣şĕ̌ţá̇ ʻal־halĕwiyi̇֔m lĕhábi֞yʼ miֽyhẇdá֣h ẇmiֽyrẇşá̌lia֗m ʼeţ־maşĕ̂ʼaţ֙ mòşě֣h ʻeֽbed־yĕhwá֔h wĕhaqá̇há֖l lĕyişĕ̂ráʼé֑l lĕʼò֖hel háʻédֽẇţ׃

7
כִּ֤י עֲתַלְיָ֨הוּ֙ הַמִּרְשַׁ֔עַת בָּנֶ֥יהָ פָרְצ֖וּ אֶת־בֵּ֣ית הָאֱלֹהִ֑ים וְגַם֙ כָּל־קָדְשֵׁ֣י בֵית־יְהוָ֔ה עָשׂ֖וּ לַבְּעָלִֽים׃

ki֤̇y ʻàţalĕyá֨hẇ֙ hami̇rĕşǎ֔ʻaţ bá̇ne֥yhá párĕẕ֖ẇ ʼeţ־bé֣̇yţ háʼèlòhi֑ym wĕgam֙ ká̇l־qádĕşé֣̌y béyţ־yĕhwá֔h ʻáş֖̂ẇ labĕ̇ʻáliֽym׃

8
וַיֹּ֣אמֶר הַמֶּ֔לֶךְ וַֽיַּעֲשׂ֖וּ אֲרֹ֣ון אֶחָ֑ד וַֽיִּתְּנֻ֛הוּ בְּשַׁ֥עַר בֵּית־יְהוָ֖ה חֽוּצָה׃

wayò֣̇ʼmer hamė֔lekĕ waֽyȧʻàş֖̂ẇ ʼàrò֣wn ʼeẖá֑d waֽyi̇ţĕ̇nu֛hẇ bĕ̇şǎ֥ʻar bé̇yţ־yĕhwá֖h ẖֽẇẕáh׃

9
וַיִּתְּנוּ־קֹ֞ול בִּֽיהוּדָ֣ה וּבִֽירוּשָׁלִַ֗ם לְהָבִ֤יא לַֽיהוָה֙ מַשְׂאַ֞ת מֹשֶׁ֧ה עֶֽבֶד־הָאֱלֹהִ֛ים עַל־יִשְׂרָאֵ֖ל בַּמִּדְבָּֽר׃

wayi̇ţĕ̇nẇ־qò֞wl biֽ̇yhẇdá֣h ẇbiֽyrẇşá̌lia֗m lĕhábi֤yʼ laֽyhwáh֙ maşĕ̂ʼa֞ţ mòşě֧h ʻeֽbed־háʼèlòhi֛ym ʻal־yişĕ̂ráʼé֖l bȧmi̇dĕbáֽ̇r׃

10
וַיִּשְׂמְח֥וּ כָל־הַשָּׂרִ֖ים וְכָל־הָעָ֑ם וַיָּבִ֛יאוּ וַיַּשְׁלִ֥יכוּ לָאָרֹ֖ון עַד־לְכַלֵּֽה׃

wayi̇şĕ̂mĕẖ֥ẇ kál־haşá̇̂ri֖ym wĕkál־háʻá֑m wayá̇bi֛yʼẇ wayȧşĕ̌li֥ykẇ láʼárò֖wn ʻad־lĕkaléֽ̇h׃

11
וַיְהִ֡י בְּעֵת֩ יָבִ֨יא אֶת־הָֽאָרֹ֜ון אֶל־פְּקֻדַּ֣ת הַמֶּלֶךְ֮ בְּיַ֣ד הַלְוִיִּם֒ וְכִרְאֹותָ֞ם כִּי־רַ֣ב הַכֶּ֗סֶף וּבָ֨א סֹופֵ֤ר הַמֶּ֨לֶךְ֙ וּפְקִיד֙ כֹּהֵ֣ן הָרֹ֔אשׁ וִיעָ֨רוּ֙ אֶת־הָ֣אָרֹ֔ון וְיִשָּׂאֻ֖הוּ וִֽישִׁיבֻ֣הוּ אֶל־מְקֹמֹ֑ו כֹּ֤ה עָשׂוּ֙ לְיֹ֣ום׀ בְּיֹ֔ום וַיַּֽאַסְפוּ־כֶ֖סֶף לָרֹֽב׃

wayĕhi֡y bĕ̇ʻéţ֩ yábi֨yʼ ʼeţ־háֽʼárò֜wn ʼel־pĕ̇qudȧ֣ţ hamėlekĕ֮ bĕ̇ya֣d halĕwiyi̇m֒ wĕkirĕʼòwţá֞m ki̇y־ra֣b hakė֗sep ẇbá֨ʼ sòwpé֤r hamė֨lekĕ֙ ẇpĕqiyd֙ kò̇hé֣n hárò֔ʼş̌ wiyʻá֨rẇ֙ ʼeţ־há֣ʼárò֔wn wĕyişá̇̂ʼu֖hẇ wiֽyşǐybu֣hẇ ʼel־mĕqòmò֑w kò֤̇h ʻáş̂ẇ֙ lĕyò֣wm׀ bĕ̇yò֔wm wayȧֽʼasĕpẇ־ke֖sep láròֽb׃

12
וַיִּתְּנֵ֨הוּ הַמֶּ֜לֶךְ וִֽיהֹויָדָ֗ע אֶל־עֹושֵׂה֙ מְלֶ֨אכֶת֙ עֲבֹודַ֣ת בֵּית־יְהוָ֔ה וַיִּֽהְי֤וּ שֹׂכְרִים֙ חֹצְבִ֣ים וְחָרָשִׁ֔ים לְחַדֵּ֖שׁ בֵּ֣ית יְהוָ֑ה וְ֠גַם לְחָרָשֵׁ֤י בַרְזֶל֙ וּנְחֹ֔שֶׁת לְחַזֵּ֖ק אֶת־בֵּ֥ית יְהוָֽה׃

wayi̇ţĕ̇né֨hẇ hamė֜lekĕ wiֽyhòwyádá֗ʻ ʼel־ʻòwşé̂h֙ mĕle֨ʼkeţ֙ ʻàbòwda֣ţ bé̇yţ־yĕhwá֔h wayiֽ̇hĕy֤ẇ şò̂kĕriym֙ ẖòẕĕbi֣ym wĕẖáráşǐ֔ym lĕẖadé֖̇ş̌ bé֣̇yţ yĕhwá֑h wĕ֠gam lĕẖáráşé֤̌y barĕzel֙ ẇnĕẖò֔şěţ lĕẖazé֖̇q ʼeţ־bé֥̇yţ yĕhwáֽh׃

13
וַֽיַּעֲשׂוּ֙ עֹשֵׂ֣י הַמְּלָאכָ֔ה וַתַּ֧עַל אֲרוּכָ֛ה לַמְּלָאכָ֖ה בְּיָדָ֑ם וַֽיַּעֲמִ֜ידוּ אֶת־בֵּ֧ית הָֽאֱלֹהִ֛ים עַל־מַתְכֻּנְתֹּ֖ו וַֽיְאַמְּצֻֽהוּ׃

waֽyȧʻàş̂ẇ֙ ʻòşé֣̂y hamĕ̇láʼká֔h waţȧ֧ʻal ʼàrẇká֛h lamĕ̇láʼká֖h bĕ̇yádá֑m waֽyȧʻàmi֜ydẇ ʼeţ־bé֧̇yţ háֽʼèlòhi֛ym ʻal־maţĕku̇nĕţò֖̇w waֽyĕʼamĕ̇ẕuֽhẇ׃

14
וּֽכְכַלֹּותָ֡ם הֵבִ֣יאוּ לִפְנֵי֩ הַמֶּ֨לֶךְ וִֽיהֹויָדָ֜ע אֶת־שְׁאָ֣ר הַכֶּ֗סֶף וַיַּעֲשֵׂ֨הוּ כֵלִ֤ים לְבֵית־יְהוָה֙ כְּלֵ֣י שָׁרֵ֔ת וְהַעֲלֹ֣ות וְכַפֹּ֔ות וּכְלֵ֥י זָהָ֖ב וָכָ֑סֶף וַ֠יִּֽהְיוּ מַעֲלִ֨ים עֹלֹ֤ות בְּבֵית־יְהוָה֙ תָּמִ֔יד כֹּ֖ל יְמֵ֥י יְהֹויָדָֽע׃ פ

ẇֽkĕkalò̇wţá֡m hébi֣yʼẇ lipĕnéy֩ hamė֨lekĕ wiֽyhòwyádá֜ʻ ʼeţ־şĕ̌ʼá֣r hakė֗sep wayȧʻàşé̂֨hẇ kéli֤ym lĕbéyţ־yĕhwáh֙ kĕ̇lé֣y şá̌ré֔ţ wĕhaʻàlò֣wţ wĕkapò̇֔wţ ẇkĕlé֥y záhá֖b wáká֑sep wa֠yiֽ̇hĕyẇ maʻàli֨ym ʻòlò֤wţ bĕ̇béyţ־yĕhwáh֙ ţá̇mi֔yd kò֖̇l yĕmé֥y yĕhòwyádáֽʻ׃ p

15
וַיִּזְקַ֧ן יְהֹויָדָ֛ע וַיִּשְׂבַּ֥ע יָמִ֖ים וַיָּמֹ֑ת בֶּן־מֵאָ֧ה וּשְׁלֹשִׁ֛ים שָׁנָ֖ה בְּמֹותֹֽו׃

wayi̇zĕqa֧n yĕhòwyádá֛ʻ wayi̇şĕ̂bȧ֥ʻ yámi֖ym wayá̇mò֑ţ bėn־méʼá֧h ẇşĕ̌lòşǐ֛ym şá̌ná֖h bĕ̇mòwţòֽw׃

16
וַיִּקְבְּרֻ֥הוּ בְעִיר־דָּוִ֖יד עִם־הַמְּלָכִ֑ים כִּֽי־עָשָׂ֤ה טֹובָה֙ בְּיִשְׂרָאֵ֔ל וְעִ֥ם הָאֱלֹהִ֖ים וּבֵיתֹֽו׃ ס

wayi̇qĕbĕ̇ru֥hẇ bĕʻiyr־dá̇wi֖yd ʻim־hamĕ̇láki֑ym kiֽ̇y־ʻáşá֤̂h tòwbáh֙ bĕ̇yişĕ̂ráʼé֔l wĕʻi֥m háʼèlòhi֖ym ẇbéyţòֽw׃ s

17
וְאַֽחֲרֵ֥י מֹות֙ יְהֹ֣ויָדָ֔ע בָּ֚אוּ שָׂרֵ֣י יְהוּדָ֔ה וַיִּֽשְׁתַּחֲו֖וּ לַמֶּ֑לֶךְ אָ֛ז שָׁמַ֥ע הַמֶּ֖לֶךְ אֲלֵיהֶֽם׃

wĕʼaֽẖàré֥y mòwţ֙ yĕhò֣wyádá֔ʻ bá֚̇ʼẇ şá̂ré֣y yĕhẇdá֔h wayiֽ̇şĕ̌ţȧẖàw֖ẇ lamė֑lekĕ ʼá֛z şá̌ma֥ʻ hamė֖lekĕ ʼàléyheֽm׃

18
וַיַּֽעַזְב֗וּ אֶת־בֵּ֤ית יְהוָה֙ אֱלֹהֵ֣י אֲבֹותֵיהֶ֔ם וַיַּֽעַבְד֥וּ אֶת־הָאֲשֵׁרִ֖ים וְאֶת־הָֽעֲצַבִּ֑ים וַֽיְהִי־קֶ֗צֶף עַל־יְהוּדָה֙ וִיר֣וּשָׁלִַ֔ם בְּאַשְׁמָתָ֖ם זֹֽאת׃

wayȧֽʻazĕb֗ẇ ʼeţ־bé֤̇yţ yĕhwáh֙ ʼèlòhé֣y ʼàbòwţéyhe֔m wayȧֽʻabĕd֥ẇ ʼeţ־háʼàşé̌ri֖ym wĕʼeţ־háֽʻàẕabi֑̇ym waֽyĕhiy־qe֗ẕep ʻal־yĕhẇdáh֙ wiyr֣ẇşá̌lia֔m bĕ̇ʼaşĕ̌máţá֖m zòֽʼţ׃

19
וַיִּשְׁלַ֤ח בָּהֶם֙ נְבִאִ֔ים לַהֲשִׁיבָ֖ם אֶל־יְהוָ֑ה וַיָּעִ֥ידוּ בָ֖ם וְלֹ֥א הֶאֱזִֽינוּ׃ ס

wayi̇şĕ̌la֤ẖ bá̇hem֙ nĕbiʼi֔ym lahàşǐybá֖m ʼel־yĕhwá֑h wayá̇ʻi֥ydẇ bá֖m wĕlò֥ʼ heʼèziֽynẇ׃ s

20
וְר֣וּחַ אֱלֹהִ֗ים לָֽבְשָׁה֙ אֶת־זְכַרְיָה֙ בֶּן־יְהֹויָדָ֣ע הַכֹּהֵ֔ן וַֽיַּעֲמֹ֖ד מֵעַ֣ל לָעָ֑ם וַיֹּ֨אמֶר לָהֶ֜ם כֹּ֣ה׀ אָמַ֣ר הָאֱלֹהִ֗ים לָמָה֩ אַתֶּ֨ם עֹבְרִ֜ים אֶת־מִצְוֹ֤ת יְהוָה֙ וְלֹ֣א תַצְלִ֔יחוּ כִּֽי־עֲזַבְתֶּ֥ם אֶת־יְהוָ֖ה וַיַּֽעֲזֹ֥ב אֶתְכֶֽם׃

wĕr֣ẇẖa ʼèlòhi֗ym láֽbĕşá̌h֙ ʼeţ־zĕkarĕyáh֙ bėn־yĕhòwyádá֣ʻ hakò̇hé֔n waֽyȧʻàmò֖d méʻa֣l láʻá֑m wayò̇֨ʼmer láhe֜m kò֣̇h׀ ʼáma֣r háʼèlòhi֗ym lámáh֩ ʼaţė֨m ʻòbĕri֜ym ʼeţ־miẕĕwò֤ţ yĕhwáh֙ wĕlò֣ʼ ţaẕĕli֔yẖẇ kiֽ̇y־ʻàzabĕţė֥m ʼeţ־yĕhwá֖h wayȧֽʻàzò֥b ʼeţĕkeֽm׃

21
וַיִּקְשְׁר֣וּ עָלָ֔יו וַיִּרְגְּמֻ֥הוּ אֶ֖בֶן בְּמִצְוַ֣ת הַמֶּ֑לֶךְ בַּחֲצַ֖ר בֵּ֥ית יְהוָֽה׃

wayi̇qĕşĕ̌r֣ẇ ʻálá֔yw wayi̇rĕgĕ̇mu֥hẇ ʼe֖ben bĕ̇miẕĕwa֣ţ hamė֑lekĕ bȧẖàẕa֖r bé֥̇yţ yĕhwáֽh׃

22
וְלֹא־זָכַ֞ר יֹואָ֣שׁ הַמֶּ֗לֶךְ הַחֶ֨סֶד֙ אֲשֶׁ֨ר עָשָׂ֜ה יְהֹויָדָ֤ע אָבִיו֙ עִמֹּ֔ו וַֽיַּהֲרֹ֖ג אֶת־בְּנֹ֑ו וּכְמֹותֹ֣ו אָמַ֔ר יֵ֥רֶא יְהוָ֖ה וְיִדְרֹֽשׁ׃ פ

wĕlòʼ־záka֞r yòwʼá֣ş̌ hamė֗lekĕ haẖe֨sed֙ ʼàşě֨r ʻáşá̂֜h yĕhòwyádá֤ʻ ʼábiyw֙ ʻimò̇֔w waֽyȧhàrò֖g ʼeţ־bĕ̇nò֑w ẇkĕmòwţò֣w ʼáma֔r yé֥reʼ yĕhwá֖h wĕyidĕròֽş̌׃ p

23
וַיְהִ֣י׀ לִתְקוּפַ֣ת הַשָּׁנָ֗ה עָלָ֣ה עָלָיו֮ חֵ֣יל אֲרָם֒ וַיָּבֹ֗אוּ אֶל־יְהוּדָה֙ וִיר֣וּשָׁלִַ֔ם וַיַּשְׁחִ֛יתוּ אֶת־כָּל־שָׂרֵ֥י הָעָ֖ם מֵעָ֑ם וְכָל־שְׁלָלָ֥ם שִׁלְּח֖וּ לְמֶ֥לֶךְ דַּרְמָֽשֶׂק׃

wayĕhi֣y׀ liţĕqẇpa֣ţ haşá̇̌ná֗h ʻálá֣h ʻáláyw֮ ẖé֣yl ʼàrám֒ wayá̇bò֗ʼẇ ʼel־yĕhẇdáh֙ wiyr֣ẇşá̌lia֔m wayȧşĕ̌ẖi֛yţẇ ʼeţ־ká̇l־şá̂ré֥y háʻá֖m méʻá֑m wĕkál־şĕ̌lálá֥m şǐlĕ̇ẖ֖ẇ lĕme֥lekĕ dȧrĕmáֽşêq׃

24
כִּי֩ בְמִצְעַ֨ר אֲנָשִׁ֜ים בָּ֣אוּ׀ חֵ֣יל אֲרָ֗ם וַֽיהוָה֙ נָתַ֨ן בְּיָדָ֥ם חַ֨יִל֙ לָרֹ֣ב מְאֹ֔ד כִּ֣י עָֽזְב֔וּ אֶת־יְהוָ֖ה אֱלֹהֵ֣י אֲבֹותֵיהֶ֑ם וְאֶת־יֹואָ֖שׁ עָשׂ֥וּ שְׁפָטִֽים׃

ki̇y֩ bĕmiẕĕʻa֨r ʼànáşǐ֜ym bá֣̇ʼẇ׀ ẖé֣yl ʼàrá֗m waֽyhwáh֙ náţa֨n bĕ̇yádá֥m ẖa֨yil֙ lárò֣b mĕʼò֔d ki֣̇y ʻáֽzĕb֔ẇ ʼeţ־yĕhwá֖h ʼèlòhé֣y ʼàbòwţéyhe֑m wĕʼeţ־yòwʼá֖ş̌ ʻáş֥̂ẇ şĕ̌pátiֽym׃

25
וּבְלֶכְתָּ֣ם מִמֶּ֗נּוּ כִּֽי־עָזְב֣וּ אֹתֹו֮ בְּמַחֲלִיִּים רַבִּים֒ הִתְקַשְּׁר֨וּ עָלָ֜יו עֲבָדָ֗יו בִּדְמֵי֙ בְּנֵי֙ יְהֹויָדָ֣ע הַכֹּהֵ֔ן וַיַּֽהַרְגֻ֥הוּ עַל־מִטָּתֹ֖ו וַיָּמֹ֑ת וַֽיִּקְבְּרֻ֨הוּ֙ בְּעִ֣יר דָּוִ֔יד וְלֹ֥א קְבָרֻ֖הוּ בְּקִבְרֹ֥ות הַמְּלָכִֽים׃ ס

ẇbĕlekĕţá֣̇m mimė֗ṅẇ kiֽ̇y־ʻázĕb֣ẇ ʼòţòw֮ bĕ̇maẖàliyi̇ym rabi̇ym֒ hiţĕqaşĕ̇̌r֨ẇ ʻálá֜yw ʻàbádá֗yw bi̇dĕméy֙ bĕ̇néy֙ yĕhòwyádá֣ʻ hakò̇hé֔n wayȧֽharĕgu֥hẇ ʻal־mitá̇ţò֖w wayá̇mò֑ţ waֽyi̇qĕbĕ̇ru֨hẇ֙ bĕ̇ʻi֣yr dá̇wi֔yd wĕlò֥ʼ qĕbáru֖hẇ bĕ̇qibĕrò֥wţ hamĕ̇lákiֽym׃ s

26
וְאֵ֖לֶּה הַמִּתְקַשְּׁרִ֣ים עָלָ֑יו זָבָ֗ד בֶּן־שִׁמְעָת֙ הָֽעַמֹּונִ֔ית וִיהֹ֣וזָבָ֔ד בֶּן־שִׁמְרִ֖ית הַמֹּואָבִֽית׃

wĕʼé֖lėh hami̇ţĕqaşĕ̇̌ri֣ym ʻálá֑yw zábá֗d bėn־şǐmĕʻáţ֙ háֽʻamò̇wni֔yţ wiyhò֣wzábá֔d bėn־şǐmĕri֖yţ hamò̇wʼábiֽyţ׃

27
וּבָנָ֞יו וְרֹב הַמַּשָּׂ֣א עָלָ֗יו וִיסֹוד֙ בֵּ֣ית הָאֱלֹהִ֔ים הִנָּ֣ם כְּתוּבִ֔ים עַל־מִדְרַ֖שׁ סֵ֣פֶר הַמְּלָכִ֑ים וַיִּמְלֹ֛ךְ אֲמַצְיָ֥הוּ בְנֹ֖ו תַּחְתָּֽיו׃ פ

ẇbáná֞yw wĕròb hamȧşá֣̇̂ʼ ʻálá֗yw wiysòwd֙ bé֣̇yţ háʼèlòhi֔ym hiná֣̇m kĕ̇ţẇbi֔ym ʻal־midĕra֖ş̌ sé֣per hamĕ̇láki֑ym wayi̇mĕlò֛kĕ ʼàmaẕĕyá֥hẇ bĕnò֖w ţȧẖĕţáֽ̇yw׃ p