Bibles in ancient languages
Old translations
Modern translations

Biblia Hebraica Stuttgartiensia 2 Chronicles 6

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
אָ֖ז אָמַ֣ר שְׁלֹמֹ֑ה יְהוָ֣ה אָמַ֔ר לִשְׁכֹּ֖ון בָּעֲרָפֶֽל׃

ʼá֖z ʼáma֣r şĕ̌lòmò֑h yĕhwá֣h ʼáma֔r lişĕ̌kò֖̇wn bá̇ʻàrápeֽl׃

2
וַֽאֲנִ֛י בָּנִ֥יתִי בֵית־זְבֻ֖ל לָ֑ךְ וּמָכֹ֥ון לְשִׁבְתְּךָ֖ עֹולָמִֽים׃

waֽʼàni֛y bá̇ni֥yţiy béyţ־zĕbu֖l lá֑kĕ ẇmákò֥wn lĕşǐbĕţĕ̇ká֖ ʻòwlámiֽym׃

3
וַיַּסֵּ֤ב הַמֶּ֨לֶךְ֙ אֶת־פָּנָ֔יו וַיְבָ֕רֶךְ אֵ֖ת כָּל־קְהַ֣ל יִשְׂרָאֵ֑ל וְכָל־קְהַ֥ל יִשְׂרָאֵ֖ל עֹומֵֽד׃

wayȧsé֤̇b hamė֨lekĕ֙ ʼeţ־pá̇ná֔yw wayĕbá֕rekĕ ʼé֖ţ ká̇l־qĕha֣l yişĕ̂ráʼé֑l wĕkál־qĕha֥l yişĕ̂ráʼé֖l ʻòwméֽd׃

4
בָּר֤וּךְ יְהוָה֙ אֱלֹהֵ֣י יִשְׂרָאֵ֔ל אֲשֶׁר֙ דִּבֶּ֣ר בְּפִ֔יו אֵ֖ת דָּוִ֣יד אָבִ֑י וּבְיָדָ֥יו מִלֵּ֖א לֵאמֹֽר׃

bá̇r֤ẇkĕ yĕhwáh֙ ʼèlòhé֣y yişĕ̂ráʼé֔l ʼàşěr֙ di̇bė֣r bĕ̇pi֔yw ʼé֖ţ dá̇wi֣yd ʼábi֑y ẇbĕyádá֥yw milé֖̇ʼ léʼmòֽr׃

5
מִן־הַיֹּ֗ום אֲשֶׁ֨ר הֹוצֵ֣אתִי אֶת־עַמִּי֮ מֵאֶ֣רֶץ מִצְרַיִם֒ לֹא־בָחַ֣רְתִּֽי בְעִ֗יר מִכֹּל֙ שִׁבְטֵ֣י יִשְׂרָאֵ֔ל לִבְנֹ֣ות בַּ֔יִת לִהְיֹ֥ות שְׁמִ֖י שָׁ֑ם וְלֹא־בָחַ֣רְתִּֽי בְאִ֔ישׁ לִהְיֹ֥ות נָגִ֖יד עַל־עַמִּ֥י יִשְׂרָאֵֽל׃

min־hayò̇֗wm ʼàşě֨r hòwẕé֣ʼţiy ʼeţ־ʻami̇y֮ méʼe֣reẕ miẕĕrayim֒ lòʼ־báẖa֣rĕţiֽ̇y bĕʻi֗yr mikò̇l֙ şǐbĕté֣y yişĕ̂ráʼé֔l libĕnò֣wţ bȧ֔yiţ lihĕyò֥wţ şĕ̌mi֖y şá֑̌m wĕlòʼ־báẖa֣rĕţiֽ̇y bĕʼi֔yş̌ lihĕyò֥wţ nági֖yd ʻal־ʻami֥̇y yişĕ̂ráʼéֽl׃

6
וָאֶבְחַר֙ בִּיר֣וּשָׁלִַ֔ם לִהְיֹ֥ות שְׁמִ֖י שָׁ֑ם וָאֶבְחַ֣ר בְּדָוִ֔יד לִהְיֹ֖ות עַל־עַמִּ֥י יִשְׂרָאֵֽל׃

wáʼebĕẖar֙ bi̇yr֣ẇşá̌lia֔m lihĕyò֥wţ şĕ̌mi֖y şá֑̌m wáʼebĕẖa֣r bĕ̇dáwi֔yd lihĕyò֖wţ ʻal־ʻami֥̇y yişĕ̂ráʼéֽl׃

7
וַיְהִ֕י עִם־לְבַ֖ב דָּוִ֣יד אָבִ֑י לִבְנֹ֣ות בַּ֔יִת לְשֵׁ֥ם יְהוָ֖ה אֱלֹהֵ֥י יִשְׂרָאֵֽל׃

wayĕhi֕y ʻim־lĕba֖b dá̇wi֣yd ʼábi֑y libĕnò֣wţ bȧ֔yiţ lĕşé֥̌m yĕhwá֖h ʼèlòhé֥y yişĕ̂ráʼéֽl׃

8
וַיֹּ֤אמֶר יְהוָה֙ אֶל־דָּוִ֣יד אָבִ֔י יַ֗עַן אֲשֶׁ֤ר הָיָה֙ עִם־לְבָ֣בְךָ֔ לִבְנֹ֥ות בַּ֖יִת לִשְׁמִ֑י הֱֽטִיבֹ֔ותָ כִּ֥י הָיָ֖ה עִם־לְבָבֶֽךָ׃

wayò֤̇ʼmer yĕhwáh֙ ʼel־dá̇wi֣yd ʼábi֔y ya֗ʻan ʼàşě֤r háyáh֙ ʻim־lĕbá֣bĕká֔ libĕnò֥wţ bȧ֖yiţ lişĕ̌mi֑y hèֽtiybò֔wţá ki֥̇y háyá֖h ʻim־lĕbábeֽká׃

9
רַ֣ק אַתָּ֔ה לֹ֥א תִבְנֶ֖ה הַבָּ֑יִת כִּ֤י בִנְךָ֙ הַיֹּוצֵ֣א מֵֽחֲלָצֶ֔יךָ הֽוּא־יִבְנֶ֥ה הַבַּ֖יִת לִשְׁמִֽי׃

ra֣q ʼaţá̇֔h lò֥ʼ ţibĕne֖h habá֑̇yiţ ki֤̇y binĕká֙ hayò̇wẕé֣ʼ méֽẖàláẕe֔yká hֽẇʼ־yibĕne֥h habȧ֖yiţ lişĕ̌miֽy׃

10
וַיָּ֣קֶם יְהוָ֔ה אֶת־דְּבָרֹ֖ו אֲשֶׁ֣ר דִּבֵּ֑ר וָאָק֡וּם תַּחַת֩ דָּוִ֨יד אָבִ֜י וָאֵשֵׁ֣ב׀ עַל־כִּסֵּ֣א יִשְׂרָאֵ֗ל כַּאֲשֶׁר֙ דִּבֶּ֣ר יְהוָ֔ה וָאֶבְנֶ֣ה הַבַּ֔יִת לְשֵׁ֥ם יְהוָ֖ה אֱלֹהֵ֥י יִשְׂרָאֵֽל׃

wayá֣̇qem yĕhwá֔h ʼeţ־dĕ̇bárò֖w ʼàşě֣r di̇bé֑̇r wáʼáq֡ẇm ţȧẖaţ֩ dá̇wi֨yd ʼábi֜y wáʼéşé֣̌b׀ ʻal־ki̇sé֣̇ʼ yişĕ̂ráʼé֗l kȧʼàşěr֙ di̇bė֣r yĕhwá֔h wáʼebĕne֣h habȧ֔yiţ lĕşé֥̌m yĕhwá֖h ʼèlòhé֥y yişĕ̂ráʼéֽl׃

11
וָאָשִׂ֥ים שָׁם֙ אֶת־הָ֣אָרֹ֔ון אֲשֶׁר־שָׁ֖ם בְּרִ֣ית יְהוָ֑ה אֲשֶׁ֥ר כָּרַ֖ת עִם־בְּנֵ֥י יִשְׂרָאֵֽל׃

wáʼáşî֥ym şá̌m֙ ʼeţ־há֣ʼárò֔wn ʼàşěr־şá֖̌m bĕ̇ri֣yţ yĕhwá֑h ʼàşě֥r ká̇ra֖ţ ʻim־bĕ̇né֥y yişĕ̂ráʼéֽl׃

12
וַֽיַּעֲמֹ֗ד לִפְנֵי֙ מִזְבַּ֣ח יְהוָ֔ה נֶ֖גֶד כָּל־קְהַ֣ל יִשְׂרָאֵ֑ל וַיִּפְרֹ֖שׂ כַּפָּֽיו׃

waֽyȧʻàmò֗d lipĕnéy֙ mizĕbȧ֣ẖ yĕhwá֔h ne֖ged ká̇l־qĕha֣l yişĕ̂ráʼé֑l wayi̇pĕrò֖ş̂ kȧpáֽ̇yw׃

13
כִּֽי־עָשָׂ֨ה שְׁלֹמֹ֜ה כִּיֹּ֣ור נְחֹ֗שֶׁת וַֽיִּתְּנֵהוּ֮ בְּתֹ֣וךְ הָעֲזָרָה֒ חָמֵ֨שׁ אַמֹּ֜ות אָרְכֹּ֗ו וְחָמֵ֤שׁ אַמֹּות֙ רָחְבֹּ֔ו וְאַמֹּ֥ות שָׁלֹ֖ושׁ קֹומָתֹ֑ו וַיַּעֲמֹ֣ד עָלָ֗יו וַיִּבְרַ֤ךְ עַל־בִּרְכָּיו֙ נֶ֚גֶד כָּל־קְהַ֣ל יִשְׂרָאֵ֔ל וַיִּפְרֹ֥שׂ כַּפָּ֖יו הַשָּׁמָֽיְמָה׃

kiֽ̇y־ʻáşá̂֨h şĕ̌lòmò֜h ki̇yò֣̇wr nĕẖò֗şěţ waֽyi̇ţĕ̇néhẇ֮ bĕ̇ţò֣wkĕ háʻàzáráh֒ ẖámé֨ş̌ ʼamò̇֜wţ ʼárĕkò̇֗w wĕẖámé֤ş̌ ʼamò̇wţ֙ ráẖĕbò̇֔w wĕʼamò֥̇wţ şá̌lò֖wş̌ qòwmáţò֑w wayȧʻàmò֣d ʻálá֗yw wayi̇bĕra֤kĕ ʻal־bi̇rĕká̇yw֙ ne֚ged ká̇l־qĕha֣l yişĕ̂ráʼé֔l wayi̇pĕrò֥ş̂ kȧpá֖̇yw haşá̇̌máֽyĕmáh׃

14
וַיֹּאמַ֗ר יְהוָ֞ה אֱלֹהֵ֤י יִשְׂרָאֵל֙ אֵין־כָּמֹ֣וךָ אֱלֹהִ֔ים בַּשָּׁמַ֖יִם וּבָאָ֑רֶץ שֹׁמֵ֤ר הַבְּרִית֙ וְֽהַחֶ֔סֶד לַעֲבָדֶ֕יךָ הַהֹלְכִ֥ים לְפָנֶ֖יךָ בְּכָל־לִבָּֽם׃

wayò̇ʼma֗r yĕhwá֞h ʼèlòhé֤y yişĕ̂ráʼél֙ ʼéyn־ká̇mò֣wká ʼèlòhi֔ym bȧşá̇̌ma֖yim ẇbáʼá֑reẕ şò̌mé֤r habĕ̇riyţ֙ wĕֽhaẖe֔sed laʻàbáde֕yká hahòlĕki֥ym lĕpáne֖yká bĕ̇kál־libáֽ̇m׃

15
אֲשֶׁ֣ר שָׁמַ֗רְתָּ לְעַבְדְּךָ֙ דָּוִ֣יד אָבִ֔י אֵ֥ת אֲשֶׁר־דִּבַּ֖רְתָּ לֹ֑ו וַתְּדַבֵּ֥ר בְּפִ֛יךָ וּבְיָדְךָ֥ מִלֵּ֖אתָ כַּיֹּ֥ום הַזֶּֽה׃

ʼàşě֣r şá̌ma֗rĕţá̇ lĕʻabĕdĕ̇ká֙ dá̇wi֣yd ʼábi֔y ʼé֥ţ ʼàşěr־di̇bȧ֖rĕţá̇ lò֑w waţĕ̇dabé֥̇r bĕ̇pi֛yká ẇbĕyádĕká֥ milé֖̇ʼţá kȧyò֥̇wm hazėֽh׃

16
וְעַתָּ֞ה יְהוָ֣ה׀ אֱלֹהֵ֣י יִשְׂרָאֵ֗ל שְׁ֠מֹר לְעַבְדְּךָ֙ דָוִ֤יד אָבִי֙ אֵת֩ אֲשֶׁ֨ר דִּבַּ֤רְתָּ לֹּו֙ לֵאמֹ֔ר לֹא־יִכָּרֵ֨ת לְךָ֥ אִישׁ֙ מִלְּפָנַ֔י יֹושֵׁ֖ב עַל־כִּסֵּ֣א יִשְׂרָאֵ֑ל רַ֠ק אִם־יִשְׁמְר֨וּ בָנֶ֜יךָ אֶת־דַּרְכָּ֗ם לָלֶ֨כֶת֙ בְּתֹ֣ורָתִ֔י כַּאֲשֶׁ֥ר הָלַ֖כְתָּ לְפָנָֽי׃

wĕʻaţá̇֞h yĕhwá֣h׀ ʼèlòhé֣y yişĕ̂ráʼé֗l şĕ̌֠mòr lĕʻabĕdĕ̇ká֙ dáwi֤yd ʼábiy֙ ʼéţ֩ ʼàşě֨r di̇bȧ֤rĕţá̇ lò̇w֙ léʼmò֔r lòʼ־yiká̇ré֨ţ lĕká֥ ʼiyş̌֙ milĕ̇pána֔y yòwşé֖̌b ʻal־ki̇sé֣̇ʼ yişĕ̂ráʼé֑l ra֠q ʼim־yişĕ̌mĕr֨ẇ báne֜yká ʼeţ־dȧrĕká̇֗m lále֨keţ֙ bĕ̇ţò֣wráţi֔y kȧʼàşě֥r hála֖kĕţá̇ lĕpánáֽy׃

17
וְעַתָּ֕ה יְהוָ֖ה אֱלֹהֵ֣י יִשְׂרָאֵ֑ל יֵֽאָמֵן֙ דְּבָ֣רְךָ֔ אֲשֶׁ֥ר דִּבַּ֖רְתָּ לְעַבְדְּךָ֥ לְדָוִֽיד׃

wĕʻaţá̇֕h yĕhwá֖h ʼèlòhé֣y yişĕ̂ráʼé֑l yéֽʼámén֙ dĕ̇bá֣rĕká֔ ʼàşě֥r di̇bȧ֖rĕţá̇ lĕʻabĕdĕ̇ká֥ lĕdáwiֽyd׃

18
כִּ֚י הַֽאֻמְנָ֔ם יֵשֵׁ֧ב אֱלֹהִ֛ים אֶת־הָאָדָ֖ם עַל־הָאָ֑רֶץ הִ֠נֵּה שָׁמַ֜יִם וּשְׁמֵ֤י הַשָּׁמַ֨יִם֙ לֹ֣א יְכַלְכְּל֔וּךָ אַ֕ף כִּֽי־הַבַּ֥יִת הַזֶּ֖ה אֲשֶׁ֥ר בָּנִֽיתִי׃

ki֚̇y haֽʼumĕná֔m yéşé֧̌b ʼèlòhi֛ym ʼeţ־háʼádá֖m ʻal־háʼá֑reẕ hi֠né̇h şá̌ma֜yim ẇşĕ̌mé֤y haşá̇̌ma֨yim֙ lò֣ʼ yĕkalĕkĕ̇l֔ẇká ʼa֕p kiֽ̇y־habȧ֥yiţ hazė֖h ʼàşě֥r bá̇niֽyţiy׃

19
וּפָנִ֜יתָ אֶל־תְּפִלַּ֧ת עַבְדְּךָ֛ וְאֶל־תְּחִנָּתֹ֖ו יְהוָ֣ה אֱלֹהָ֑י לִשְׁמֹ֤עַ אֶל־הָרִנָּה֙ וְאֶל־הַתְּפִלָּ֔ה אֲשֶׁ֥ר עַבְדְּךָ֖ מִתְפַּלֵּ֥ל לְפָנֶֽיךָ׃

ẇpáni֜yţá ʼel־ţĕ̇pilȧ֧ţ ʻabĕdĕ̇ká֛ wĕʼel־ţĕ̇ẖiná̇ţò֖w yĕhwá֣h ʼèlòhá֑y lişĕ̌mò֤ʻa ʼel־háriná̇h֙ wĕʼel־haţĕ̇pilá̇֔h ʼàşě֥r ʻabĕdĕ̇ká֖ miţĕpȧlé֥̇l lĕpáneֽyká׃

20
לִהְיֹות֩ עֵינֶ֨יךָ פְתֻחֹ֜ות אֶל־הַבַּ֤יִת הַזֶּה֙ יֹומָ֣ם וָלַ֔יְלָה אֶל־הַ֨מָּקֹ֔ום אֲשֶׁ֣ר אָמַ֔רְתָּ לָשׂ֥וּם שִׁמְךָ֖ שָׁ֑ם לִשְׁמֹ֨ועַ֙ אֶל־הַתְּפִלָּ֔ה אֲשֶׁ֣ר יִתְפַּלֵּ֣ל עַבְדְּךָ֔ אֶל־הַמָּקֹ֖ום הַזֶּֽה׃

lihĕyòwţ֩ ʻéyne֨yká pĕţuẖò֜wţ ʼel־habȧ֤yiţ hazėh֙ yòwmá֣m wála֔yĕláh ʼel־ha֨má̇qò֔wm ʼàşě֣r ʼáma֔rĕţá̇ láş֥̂ẇm şǐmĕká֖ şá֑̌m lişĕ̌mò֨wʻa֙ ʼel־haţĕ̇pilá̇֔h ʼàşě֣r yiţĕpȧlé֣̇l ʻabĕdĕ̇ká֔ ʼel־hamá̇qò֖wm hazėֽh׃

21
וְשָׁ֨מַעְתָּ֜ אֶל־תַּחֲנוּנֵ֤י עַבְדְּךָ֙ וְעַמְּךָ֣ יִשְׂרָאֵ֔ל אֲשֶׁ֥ר יִֽתְפַּֽלְל֖וּ אֶל־הַמָּקֹ֣ום הַזֶּ֑ה וְ֠אַתָּה תִּשְׁמַ֞ע מִמְּקֹ֤ום שִׁבְתְּךָ֙ מִן־הַשָּׁמַ֔יִם וְשָׁמַעְתָּ֖ וְסָלָֽחְתָּ׃

wĕşá̌֨maʻĕţá̇֜ ʼel־ţȧẖànẇné֤y ʻabĕdĕ̇ká֙ wĕʻamĕ̇ká֣ yişĕ̂ráʼé֔l ʼàşě֥r yiֽţĕpȧֽlĕl֖ẇ ʼel־hamá̇qò֣wm hazė֑h wĕ֠ʼaţá̇h ţi̇şĕ̌ma֞ʻ mimĕ̇qò֤wm şǐbĕţĕ̇ká֙ min־haşá̇̌ma֔yim wĕşá̌maʻĕţá֖̇ wĕsáláֽẖĕţá̇׃

22
אִם־יֶחֱטָ֥א אִישׁ֙ לְרֵעֵ֔הוּ וְנָֽשָׁא־בֹ֥ו אָלָ֖ה לְהַֽאֲלֹתֹ֑ו וּבָ֗א אָלָ֛ה לִפְנֵ֥י מִֽזְבַּחֲךָ֖ בַּבַּ֥יִת הַזֶּֽה׃

ʼim־yeẖètá֥ʼ ʼiyş̌֙ lĕréʻé֔hẇ wĕnáֽşá̌ʼ־bò֥w ʼálá֖h lĕhaֽʼàlòţò֑w ẇbá֗ʼ ʼálá֛h lipĕné֥y miֽzĕbȧẖàká֖ bȧbȧ֥yiţ hazėֽh׃

23
וְאַתָּ֣ה׀ תִּשְׁמַ֣ע מִן־הַשָּׁמַ֗יִם וְעָשִׂ֨יתָ֙ וְשָׁפַטְתָּ֣ אֶת־עֲבָדֶ֔יךָ לְהָשִׁ֣יב לְרָשָׁ֔ע לָתֵ֥ת דַּרְכֹּ֖ו בְּרֹאשֹׁ֑ו וּלְהַצְדִּ֣יק צַדִּ֔יק לָ֥תֶת לֹ֖ו כְּצִדְקָתֹֽו׃ ס

wĕʼaţá֣̇h׀ ţi̇şĕ̌ma֣ʻ min־haşá̇̌ma֗yim wĕʻáşî֨yţá֙ wĕşá̌patĕţá֣̇ ʼeţ־ʻàbáde֔yká lĕháşǐ֣yb lĕráşá̌֔ʻ láţé֥ţ dȧrĕkò֖̇w bĕ̇ròʼşò֑̌w ẇlĕhaẕĕdi֣̇yq ẕadi̇֔yq lá֥ţeţ lò֖w kĕ̇ẕidĕqáţòֽw׃ s

24
וְֽאִם־יִנָּגֵ֞ף עַמְּךָ֧ יִשְׂרָאֵ֛ל לִפְנֵ֥י אֹויֵ֖ב כִּ֣י יֶֽחֶטְאוּ־לָ֑ךְ וְשָׁ֨בוּ֙ וְהֹוד֣וּ אֶת־שְׁמֶ֔ךָ וְהִתְפַּֽלְל֧וּ וְהִֽתְחַנְּנ֛וּ לְפָנֶ֖יךָ בַּבַּ֥יִת הַזֶּֽה׃

wĕֽʼim־yiná̇gé֞p ʻamĕ̇ká֧ yişĕ̂ráʼé֛l lipĕné֥y ʼòwyé֖b ki֣̇y yeֽẖetĕʼẇ־lá֑kĕ wĕşá̌֨bẇ֙ wĕhòwd֣ẇ ʼeţ־şĕ̌me֔ká wĕhiţĕpȧֽlĕl֧ẇ wĕhiֽţĕẖanĕ̇n֛ẇ lĕpáne֖yká bȧbȧ֥yiţ hazėֽh׃

25
וְאַתָּה֙ תִּשְׁמַ֣ע מִן־הַשָּׁמַ֔יִם וְסָ֣לַחְתָּ֔ לְחַטַּ֖את עַמְּךָ֣ יִשְׂרָאֵ֑ל וַהֲשֵׁיבֹותָם֙ אֶל־הָ֣אֲדָמָ֔ה אֲשֶׁר־נָתַ֥תָּה לָהֶ֖ם וְלַאֲבֹתֵיהֶֽם׃ פ

wĕʼaţá̇h֙ ţi̇şĕ̌ma֣ʻ min־haşá̇̌ma֔yim wĕsá֣laẖĕţá̇֔ lĕẖatȧ֖ʼţ ʻamĕ̇ká֣ yişĕ̂ráʼé֑l wahàşé̌ybòwţám֙ ʼel־há֣ʼàdámá֔h ʼàşěr־náţa֥ţá̇h láhe֖m wĕlaʼàbòţéyheֽm׃ p

26
בְּהֵעָצֵ֧ר הַשָּׁמַ֛יִם וְלֹֽא־יִהְיֶ֥ה מָטָ֖ר כִּ֣י יֶֽחֶטְאוּ־לָ֑ךְ וְהִֽתְפַּלְל֞וּ אֶל־הַמָּקֹ֤ום הַזֶּה֙ וְהֹוד֣וּ אֶת־שְׁמֶ֔ךָ מֵחַטָּאתָ֥ם יְשׁוּב֖וּן כִּ֥י תַעֲנֵֽם׃

bĕ̇héʻáẕé֧r haşá̇̌ma֛yim wĕlòֽʼ־yihĕye֥h mátá֖r ki֣̇y yeֽẖetĕʼẇ־lá֑kĕ wĕhiֽţĕpȧlĕl֞ẇ ʼel־hamá̇qò֤wm hazėh֙ wĕhòwd֣ẇ ʼeţ־şĕ̌me֔ká méẖatá̇ʼţá֥m yĕş̌ẇb֖ẇn ki֥̇y ţaʻànéֽm׃

27
וְאַתָּ֣ה׀ תִּשְׁמַ֣ע הַשָּׁמַ֗יִם וְסָ֨לַחְתָּ֜ לְחַטַּ֤את עֲבָדֶ֨יךָ֙ וְעַמְּךָ֣ יִשְׂרָאֵ֔ל כִּ֥י תֹורֵ֛ם אֶל־הַדֶּ֥רֶךְ הַטֹּובָ֖ה אֲשֶׁ֣ר יֵֽלְכוּ־בָ֑הּ וְנָתַתָּ֤ה מָטָר֙ עַֽל־אַרְצְךָ֔ אֲשֶׁר־נָתַ֥תָּה לְעַמְּךָ֖ לְנַחֲלָֽה׃ ס

wĕʼaţá֣̇h׀ ţi̇şĕ̌ma֣ʻ haşá̇̌ma֗yim wĕsá֨laẖĕţá̇֜ lĕẖatȧ֤ʼţ ʻàbáde֨yká֙ wĕʻamĕ̇ká֣ yişĕ̂ráʼé֔l ki֥̇y ţòwré֛m ʼel־hadė֥rekĕ hatò̇wbá֖h ʼàşě֣r yéֽlĕkẇ־bá֑ḣ wĕnáţaţá֤̇h mátár֙ ʻaֽl־ʼarĕẕĕká֔ ʼàşěr־náţa֥ţá̇h lĕʻamĕ̇ká֖ lĕnaẖàláֽh׃ s

28
רָעָ֞ב כִּֽי־יִהְיֶ֣ה בָאָ֗רֶץ דֶּ֣בֶר כִּֽי־יִֽ֠הְיֶה שִׁדָּפֹ֨ון וְיֵרָקֹ֜ון אַרְבֶּ֤ה וְחָסִיל֙ כִּ֣י יִהְיֶ֔ה כִּ֧י יָֽצַר־לֹ֛ו אֹויְבָ֖יו בְּאֶ֣רֶץ שְׁעָרָ֑יו כָּל־נֶ֖גַע וְכָֽל־מַחֲלָֽה׃

ráʻá֞b kiֽ̇y־yihĕye֣h báʼá֗reẕ dė֣ber kiֽ̇y־yiֽ֠hĕyeh şǐdá̇pò֨wn wĕyéráqò֜wn ʼarĕbė֤h wĕẖásiyl֙ ki֣̇y yihĕye֔h ki֧̇y yáֽẕar־lò֛w ʼòwyĕbá֖yw bĕ̇ʼe֣reẕ şĕ̌ʻárá֑yw ká̇l־ne֖gaʻ wĕkáֽl־maẖàláֽh׃

29
כָּל־תְּפִלָּ֣ה כָל־תְּחִנָּ֗ה אֲשֶׁ֤ר יִהְיֶה֙ לְכָל־הָ֣אָדָ֔ם וּלְכֹ֖ל עַמְּךָ֣ יִשְׂרָאֵ֑ל אֲשֶׁ֣ר יֵדְע֗וּ אִ֤ישׁ נִגְעֹו֙ וּמַכְאֹבֹ֔ו וּפָרַ֥שׂ כַּפָּ֖יו אֶל־הַבַּ֥יִת הַזֶּֽה׃

ká̇l־ţĕ̇pilá֣̇h kál־ţĕ̇ẖiná̇֗h ʼàşě֤r yihĕyeh֙ lĕkál־há֣ʼádá֔m ẇlĕkò֖l ʻamĕ̇ká֣ yişĕ̂ráʼé֑l ʼàşě֣r yédĕʻ֗ẇ ʼi֤yş̌ nigĕʻòw֙ ẇmakĕʼòbò֔w ẇpára֥ş̂ kȧpá֖̇yw ʼel־habȧ֥yiţ hazėֽh׃

30
וְ֠אַתָּה תִּשְׁמַ֨ע מִן־הַשָּׁמַ֜יִם מְכֹ֤ון שִׁבְתֶּ֨ךָ֙ וְסָ֣לַחְתָּ֔ וְנָתַתָּ֤ה לָאִישׁ֙ כְּכָל־דְּרָכָ֔יו אֲשֶׁ֥ר תֵּדַ֖ע אֶת־לְבָבֹ֑ו כִּ֤י אַתָּה֙ לְבַדְּךָ֣ יָדַ֔עְתָּ אֶת־לְבַ֖ב בְּנֵ֥י הָאָדָֽם׃

wĕ֠ʼaţá̇h ţi̇şĕ̌ma֨ʻ min־haşá̇̌ma֜yim mĕkò֤wn şǐbĕţė֨ká֙ wĕsá֣laẖĕţá̇֔ wĕnáţaţá֤̇h láʼiyş̌֙ kĕ̇kál־dĕ̇ráká֔yw ʼàşě֥r ţé̇da֖ʻ ʼeţ־lĕbábò֑w ki֤̇y ʼaţá̇h֙ lĕbadĕ̇ká֣ yáda֔ʻĕţá̇ ʼeţ־lĕba֖b bĕ̇né֥y háʼádáֽm׃

31
לְמַ֣עַן יִֽירָא֗וּךָ לָלֶ֨כֶת֙ בִּדְרָכֶ֔יךָ כָּל־הַ֨יָּמִ֔ים אֲשֶׁר־הֵ֥ם חַיִּ֖ים עַל־פְּנֵ֣י הָאֲדָמָ֑ה אֲשֶׁ֥ר נָתַ֖תָּה לַאֲבֹתֵֽינוּ׃ ס

lĕma֣ʻan yiֽyráʼ֗ẇká lále֨keţ֙ bi̇dĕráke֔yká ká̇l־ha֨yá̇mi֔ym ʼàşěr־hé֥m ẖayi֖̇ym ʻal־pĕ̇né֣y háʼàdámá֑h ʼàşě֥r náţa֖ţá̇h laʼàbòţéֽynẇ׃ s

32
וְגַ֣ם אֶל־הַנָּכְרִ֗י אֲ֠שֶׁר לֹ֥א מֵעַמְּךָ֣ יִשְׂרָאֵל֮ הוּא֒ וּבָ֣א׀ מֵאֶ֣רֶץ רְחֹוקָ֗ה לְמַ֨עַן שִׁמְךָ֤ הַגָּדֹול֙ וְיָדְךָ֣ הַחֲזָקָ֔ה וּֽזְרֹֽועֲךָ֖ הַנְּטוּיָ֑ה וּבָ֥אוּ וְהִֽתְפַּלְל֖וּ אֶל־הַבַּ֥יִת הַזֶּֽה׃

wĕga֣m ʼel־haná̇kĕri֗y ʼà֠şěr lò֥ʼ méʻamĕ̇ká֣ yişĕ̂ráʼél֮ hẇʼ֒ ẇbá֣ʼ׀ méʼe֣reẕ rĕẖòwqá֗h lĕma֨ʻan şǐmĕká֤ hagá̇dòwl֙ wĕyádĕká֣ haẖàzáqá֔h ẇֽzĕròֽwʻàká֖ hanĕ̇tẇyá֑h ẇbá֥ʼẇ wĕhiֽţĕpȧlĕl֖ẇ ʼel־habȧ֥yiţ hazėֽh׃

33
וְאַתָּ֞ה תִּשְׁמַ֤ע מִן־הַשָּׁמַ֨יִם֙ מִמְּכֹ֣ון שִׁבְתֶּ֔ךָ וְעָשִׂ֕יתָ כְּכֹ֛ל אֲשֶׁר־יִקְרָ֥א אֵלֶ֖יךָ הַנָּכְרִ֑י לְמַ֣עַן יֵדְעוּ֩ כָל־עַמֵּ֨י הָאָ֜רֶץ אֶת־שְׁמֶ֗ךָ וּלְיִרְאָ֤ה אֹֽתְךָ֙ כְּעַמְּךָ֣ יִשְׂרָאֵ֔ל וְלָדַ֕עַת כִּֽי־שִׁמְךָ֣ נִקְרָ֔א עַל־הַבַּ֥יִת הַזֶּ֖ה אֲשֶׁ֥ר בָּנִֽיתִי׃

wĕʼaţá̇֞h ţi̇şĕ̌ma֤ʻ min־haşá̇̌ma֨yim֙ mimĕ̇kò֣wn şǐbĕţė֔ká wĕʻáşî֕yţá kĕ̇kò֛l ʼàşěr־yiqĕrá֥ʼ ʼéle֖yká haná̇kĕri֑y lĕma֣ʻan yédĕʻẇ֩ kál־ʻamé̇֨y háʼá֜reẕ ʼeţ־şĕ̌me֗ká ẇlĕyirĕʼá֤h ʼòֽţĕká֙ kĕ̇ʻamĕ̇ká֣ yişĕ̂ráʼé֔l wĕláda֕ʻaţ kiֽ̇y־şǐmĕká֣ niqĕrá֔ʼ ʻal־habȧ֥yiţ hazė֖h ʼàşě֥r bá̇niֽyţiy׃

34
כִּֽי־יֵצֵ֨א עַמְּךָ֤ לַמִּלְחָמָה֙ עַל־אֹ֣ויְבָ֔יו בַּדֶּ֖רֶךְ אֲשֶׁ֣ר תִּשְׁלָחֵ֑ם וְהִתְפַּֽלְל֣וּ אֵלֶ֗יךָ דֶּ֣רֶךְ הָעִ֤יר הַזֹּאת֙ אֲשֶׁ֣ר בָּחַ֣רְתָּ בָּ֔הּ וְהַבַּ֖יִת אֲשֶׁר־בָּנִ֥יתִי לִשְׁמֶֽךָ׃

kiֽ̇y־yéẕé֨ʼ ʻamĕ̇ká֤ lami̇lĕẖámáh֙ ʻal־ʼò֣wyĕbá֔yw bȧdė֖rekĕ ʼàşě֣r ţi̇şĕ̌láẖé֑m wĕhiţĕpȧֽlĕl֣ẇ ʼéle֗yká dė֣rekĕ háʻi֤yr hazò̇ʼţ֙ ʼàşě֣r bá̇ẖa֣rĕţá̇ bá̇֔ḣ wĕhabȧ֖yiţ ʼàşěr־bá̇ni֥yţiy lişĕ̌meֽká׃

35
וְשָׁמַעְתָּ֙ מִן־הַשָּׁמַ֔יִם אֶת־תְּפִלָּתָ֖ם וְאֶת־תְּחִנָּתָ֑ם וְעָשִׂ֖יתָ מִשְׁפָּטָֽם׃

wĕşá̌maʻĕţá̇֙ min־haşá̇̌ma֔yim ʼeţ־ţĕ̇pilá̇ţá֖m wĕʼeţ־ţĕ̇ẖiná̇ţá֑m wĕʻáşî֖yţá mişĕ̌pá̇táֽm׃

36
כִּ֣י יֶחֶטְאוּ־לָ֗ךְ כִּ֣י אֵ֤ין אָדָם֙ אֲשֶׁ֣ר לֹא־יֶחֱטָ֔א וְאָנַפְתָּ֣ בָ֔ם וּנְתַתָּ֖ם לִפְנֵ֣י אֹויֵ֑ב וְשָׁב֧וּם שֹׁובֵיהֶ֛ם אֶל־אֶ֥רֶץ רְחֹוקָ֖ה אֹ֥ו קְרֹובָֽה׃

ki֣̇y yeẖetĕʼẇ־lá֗kĕ ki֣̇y ʼé֤yn ʼádám֙ ʼàşě֣r lòʼ־yeẖètá֔ʼ wĕʼánapĕţá֣̇ bá֔m ẇnĕţaţá֖̇m lipĕné֣y ʼòwyé֑b wĕşá̌b֧ẇm şò̌wbéyhe֛m ʼel־ʼe֥reẕ rĕẖòwqá֖h ʼò֥w qĕròwbáֽh׃

37
וְהֵשִׁ֨יבוּ֙ אֶל־לְבָבָ֔ם בָּאָ֖רֶץ אֲשֶׁ֣ר נִשְׁבּוּ־שָׁ֑ם וְשָׁ֣בוּ׀ וְהִֽתְחַנְּנ֣וּ אֵלֶ֗יךָ בְּאֶ֤רֶץ שִׁבְיָם֙ לֵאמֹ֔ר חָטָ֥אנוּ הֶעֱוִ֖ינוּ וְרָשָֽׁעְנוּ׃

wĕhéşǐ֨ybẇ֙ ʼel־lĕbábá֔m bá̇ʼá֖reẕ ʼàşě֣r nişĕ̌ḃẇ־şá֑̌m wĕşá֣̌bẇ׀ wĕhiֽţĕẖanĕ̇n֣ẇ ʼéle֗yká bĕ̇ʼe֤reẕ şǐbĕyám֙ léʼmò֔r ẖátá֥ʼnẇ heʻèwi֖ynẇ wĕráşáֽ̌ʻĕnẇ׃

38
וְשָׁ֣בוּ אֵלֶ֗יךָ בְּכָל־לִבָּם֙ וּבְכָל־נַפְשָׁ֔ם בְּאֶ֥רֶץ שִׁבְיָ֖ם אֲשֶׁר־שָׁב֣וּ אֹתָ֑ם וְהִֽתְפַּֽלְל֗וּ דֶּ֤רֶךְ אַרְצָם֙ אֲשֶׁ֣ר נָתַ֣תָּה לַאֲבֹותָ֔ם וְהָעִיר֙ אֲשֶׁ֣ר בָּחַ֔רְתָּ וְלַבַּ֖יִת אֲשֶׁר־בָּנִ֥יתִי לִשְׁמֶֽךָ׃

wĕşá֣̌bẇ ʼéle֗yká bĕ̇kál־libá̇m֙ ẇbĕkál־napĕşá̌֔m bĕ̇ʼe֥reẕ şǐbĕyá֖m ʼàşěr־şá̌b֣ẇ ʼòţá֑m wĕhiֽţĕpȧֽlĕl֗ẇ dė֤rekĕ ʼarĕẕám֙ ʼàşě֣r náţa֣ţá̇h laʼàbòwţá֔m wĕháʻiyr֙ ʼàşě֣r bá̇ẖa֔rĕţá̇ wĕlabȧ֖yiţ ʼàşěr־bá̇ni֥yţiy lişĕ̌meֽká׃

39
וְשָׁמַעְתָּ֙ מִן־הַשָּׁמַ֜יִם מִמְּכֹ֣ון שִׁבְתְּךָ֗ אֶת־תְּפִלָּתָם֙ וְאֶת־תְּחִנֹּ֣תֵיהֶ֔ם וְעָשִׂ֖יתָ מִשְׁפָּטָ֑ם וְסָלַחְתָּ֥ לְעַמְּךָ֖ אֲשֶׁ֥ר חָֽטְאוּ־לָֽךְ׃

wĕşá̌maʻĕţá̇֙ min־haşá̇̌ma֜yim mimĕ̇kò֣wn şǐbĕţĕ̇ká֗ ʼeţ־ţĕ̇pilá̇ţám֙ wĕʼeţ־ţĕ̇ẖinò֣̇ţéyhe֔m wĕʻáşî֖yţá mişĕ̌pá̇tá֑m wĕsálaẖĕţá֥̇ lĕʻamĕ̇ká֖ ʼàşě֥r ẖáֽtĕʼẇ־láֽkĕ׃

40
עַתָּ֣ה אֱלֹהַ֗י יִֽהְיוּ־נָ֤א עֵינֶ֨יךָ֙ פְּתֻחֹ֔ות וְאָזְנֶ֖יךָ קַשֻּׁבֹ֑ות לִתְפִלַּ֖ת הַמָּקֹ֥ום הַזֶּֽה׃ ס

ʻaţá֣̇h ʼèlòha֗y yiֽhĕyẇ־ná֤ʼ ʻéyne֨yká֙ pĕ̇ţuẖò֔wţ wĕʼázĕne֖yká qaşu̇̌bò֑wţ liţĕpilȧ֖ţ hamá̇qò֥wm hazėֽh׃ s

41
וְעַתָּ֗ה קוּמָ֞ה יְהוָ֤ה אֱלֹהִים֙ לְֽנוּחֶ֔ךָ אַתָּ֖ה וַאֲרֹ֣ון עֻזֶּ֑ךָ כֹּהֲנֶ֜יךָ יְהוָ֤ה אֱלֹהִים֙ יִלְבְּשׁ֣וּ תְשׁוּעָ֔ה וַחֲסִידֶ֖יךָ יִשְׂמְח֥וּ בַטֹּֽוב׃

wĕʻaţá̇֗h qẇmá֞h yĕhwá֤h ʼèlòhiym֙ lĕֽnẇẖe֔ká ʼaţá֖̇h waʼàrò֣wn ʻuzė֑ká kò̇hàne֜yká yĕhwá֤h ʼèlòhiym֙ yilĕbĕ̇ş֣̌ẇ ţĕş̌ẇʻá֔h waẖàsiyde֖yká yişĕ̂mĕẖ֥ẇ batòֽ̇wb׃

42
יְהוָ֣ה אֱלֹהִ֔ים אַל־תָּשֵׁ֖ב פְּנֵ֣י מְשִׁיחֶ֑יךָ זָכְרָ֕ה לְחַֽסְדֵ֖י דָּוִ֥יד עַבְדֶּֽךָ׃ פ

yĕhwá֣h ʼèlòhi֔ym ʼal־ţá̇şé֖̌b pĕ̇né֣y mĕşǐyẖe֑yká zákĕrá֕h lĕẖaֽsĕdé֖y dá̇wi֥yd ʻabĕdėֽká׃ p