Bibles in ancient languages
Old translations
Modern translations

Biblia Hebraica Stuttgartensia 2 Chroniques 7:7

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וּכְכַלֹּ֤ות שְׁלֹמֹה֙ לְהִתְפַּלֵּ֔ל וְהָאֵ֗שׁ יָֽרְדָה֙ מֵֽהַשָּׁמַ֔יִם וַתֹּ֥אכַל הָעֹלָ֖ה וְהַזְּבָחִ֑ים וּכְבֹ֥וד יְהוָ֖ה מָלֵ֥א אֶת־הַבָּֽיִת׃

ẇkĕkalò֤̇wţ şĕ̌lòmòh֙ lĕhiţĕpȧlé̇֔l wĕháʼé֗ş̌ yáֽrĕdáh֙ méֽhaşá̇̌ma֔yim waţò֥̇ʼkal háʻòlá֖h wĕhazĕ̇báẖi֑ym ẇkĕbò֥wd yĕhwá֖h málé֥ʼ ʼeţ־habáֽ̇yiţ׃

2
וְלֹ֤א יָֽכְלוּ֙ הַכֹּ֣הֲנִ֔ים לָבֹ֖וא אֶל־בֵּ֣ית יְהוָ֑ה כִּֽי־מָלֵ֥א כְבֹוד־יְהוָ֖ה אֶת־בֵּ֥ית יְהוָֽה׃

wĕlò֤ʼ yáֽkĕlẇ֙ hakò֣̇hàni֔ym lábò֖wʼ ʼel־bé֣̇yţ yĕhwá֑h kiֽ̇y־málé֥ʼ kĕbòwd־yĕhwá֖h ʼeţ־bé֥̇yţ yĕhwáֽh׃

3
וְכֹ֣ל׀ בְּנֵ֣י יִשְׂרָאֵ֗ל רֹאִים֙ בְּרֶ֣דֶת הָאֵ֔שׁ וּכְבֹ֥וד יְהוָ֖ה עַל־הַבָּ֑יִת וַיִּכְרְעוּ֩ אַפַּ֨יִם אַ֤רְצָה עַל־הָרִֽצְפָה֙ וַיִּֽשְׁתַּֽחֲו֔וּ וְהֹודֹ֤ות לַיהוָה֙ כִּ֣י טֹ֔וב כִּ֥י לְעֹולָ֖ם חַסְדֹּֽו׃

wĕkò֣l׀ bĕ̇né֣y yişĕ̂ráʼé֗l ròʼiym֙ bĕ̇re֣deţ háʼé֔ş̌ ẇkĕbò֥wd yĕhwá֖h ʻal־habá֑̇yiţ wayi̇kĕrĕʻẇ֩ ʼapȧ֨yim ʼa֤rĕẕáh ʻal־háriֽẕĕpáh֙ wayiֽ̇şĕ̌ţȧֽẖàw֔ẇ wĕhòwdò֤wţ layhwáh֙ ki֣̇y tò֔wb ki֥̇y lĕʻòwlá֖m ẖasĕdòֽ̇w׃

4
וְהַמֶּ֖לֶךְ וְכָל־הָעָ֑ם זֹבְחִ֥ים זֶ֖בַח לִפְנֵ֥י יְהוָֽה׃ ס

wĕhamė֖lekĕ wĕkál־háʻá֑m zòbĕẖi֥ym ze֖baẖ lipĕné֥y yĕhwáֽh׃ s

5
וַיִּזְבַּ֞ח הַמֶּ֣לֶךְ שְׁלֹמֹה֮ אֶת־זֶ֣בַח הַבָּקָ֗ר עֶשְׂרִ֤ים וּשְׁנַ֨יִם֙ אֶ֔לֶף וְצֹ֕אן מֵאָ֥ה וְעֶשְׂרִ֖ים אָ֑לֶף וַֽיַּחְנְכוּ֙ אֶת־בֵּ֣ית הָֽאֱלֹהִ֔ים הַמֶּ֖לֶךְ וְכָל־הָעָֽם׃

wayi̇zĕbȧ֞ẖ hamė֣lekĕ şĕ̌lòmòh֮ ʼeţ־ze֣baẖ habá̇qá֗r ʻeşĕ̂ri֤ym ẇşĕ̌na֨yim֙ ʼe֔lep wĕẕò֕ʼn méʼá֥h wĕʻeşĕ̂ri֖ym ʼá֑lep waֽyȧẖĕnĕkẇ֙ ʼeţ־bé֣̇yţ háֽʼèlòhi֔ym hamė֖lekĕ wĕkál־háʻáֽm׃

6
וְהַכֹּהֲנִ֞ים עַל־מִשְׁמְרֹותָ֣ם עֹמְדִ֗ים וְהַלְוִיִּ֞ם בִּכְלֵי־שִׁ֤יר יְהוָה֙ אֲשֶׁ֨ר עָשָׂ֜ה דָּוִ֣יד הַמֶּ֗לֶךְ לְהֹדֹ֤ות לַיהוָה֙ כִּֽי־לְעֹולָ֣ם חַסְדֹּ֔ו בְּהַלֵּ֥ל דָּוִ֖יד בְּיָדָ֑ם וְהַכֹּהֲנִים֙ מַחֲצֹצְרִים נֶגְדָּ֔ם וְכָל־יִשְׂרָאֵ֖ל עֹמְדִֽים׃ ס

wĕhakò̇hàni֞ym ʻal־mişĕ̌mĕròwţá֣m ʻòmĕdi֗ym wĕhalĕwiyi̇֞m bi̇kĕléy־şǐ֤yr yĕhwáh֙ ʼàşě֨r ʻáşá̂֜h dá̇wi֣yd hamė֗lekĕ lĕhòdò֤wţ layhwáh֙ kiֽ̇y־lĕʻòwlá֣m ẖasĕdò̇֔w bĕ̇halé֥̇l dá̇wi֖yd bĕ̇yádá֑m wĕhakò̇hàniym֙ maẖàẕòẕĕriym negĕdá̇֔m wĕkál־yişĕ̂ráʼé֖l ʻòmĕdiֽym׃ s

7
וַיְקַדֵּ֣שׁ שְׁלֹמֹ֗ה אֶת־תֹּ֤וךְ הֶֽחָצֵר֙ אֲשֶׁר֙ לִפְנֵ֣י בֵית־יְהוָ֔ה כִּֽי־עָ֤שָׂה שָׁם֙ הָֽעֹלֹ֔ות וְאֵ֖ת חֶלְבֵ֣י הַשְּׁלָמִ֑ים כִּֽי־מִזְבַּ֤ח הַנְּחֹ֨שֶׁת֙ אֲשֶׁ֣ר עָשָׂ֣ה שְׁלֹמֹ֔ה לֹ֣א יָכֹ֗ול לְהָכִ֛יל אֶת־הָעֹלָ֥ה וְאֶת־הַמִּנְחָ֖ה וְאֶת־הַחֲלָבִֽים׃

wayĕqadé֣̇ş̌ şĕ̌lòmò֗h ʼeţ־ţò֤̇wkĕ heֽẖáẕér֙ ʼàşěr֙ lipĕné֣y béyţ־yĕhwá֔h kiֽ̇y־ʻá֤şá̂h şá̌m֙ háֽʻòlò֔wţ wĕʼé֖ţ ẖelĕbé֣y haşĕ̇̌lámi֑ym kiֽ̇y־mizĕbȧ֤ẖ hanĕ̇ẖò֨şěţ֙ ʼàşě֣r ʻáşá֣̂h şĕ̌lòmò֔h lò֣ʼ yákò֗wl lĕháki֛yl ʼeţ־háʻòlá֥h wĕʼeţ־hami̇nĕẖá֖h wĕʼeţ־haẖàlábiֽym׃

8
וַיַּ֣עַשׂ שְׁלֹמֹ֣ה אֶת־הֶ֠חָג בָּעֵ֨ת הַהִ֜יא שִׁבְעַ֤ת יָמִים֙ וְכָל־יִשְׂרָאֵ֣ל עִמֹּ֔ו קָהָ֖ל גָּדֹ֣ול מְאֹ֑ד מִלְּבֹ֥וא חֲמָ֖ת עַד־נַ֥חַל מִצְרָֽיִם׃

wayȧ֣ʻaş̂ şĕ̌lòmò֣h ʼeţ־he֠ẖág bá̇ʻé֨ţ hahi֜yʼ şǐbĕʻa֤ţ yámiym֙ wĕkál־yişĕ̂ráʼé֣l ʻimò̇֔w qáhá֖l gá̇dò֣wl mĕʼò֑d milĕ̇bò֥wʼ ẖàmá֖ţ ʻad־na֥ẖal miẕĕráֽyim׃

9
וַֽיַּעֲשׂ֛וּ בַּיֹּ֥ום הַשְּׁמִינִ֖י עֲצָ֑רֶת כִּ֣י׀ חֲנֻכַּ֣ת הַמִּזְבֵּ֗חַ עָשׂוּ֙ שִׁבְעַ֣ת יָמִ֔ים וְהֶחָ֖ג שִׁבְעַ֥ת יָמִֽים׃

waֽyȧʻàş֛̂ẇ bȧyò֥̇wm haşĕ̇̌miyni֖y ʻàẕá֑reţ ki֣̇y׀ ẖànukȧ֣ţ hami̇zĕbé̇֗ẖa ʻáş̂ẇ֙ şǐbĕʻa֣ţ yámi֔ym wĕheẖá֖g şǐbĕʻa֥ţ yámiֽym׃

10
וּבְיֹ֨ום עֶשְׂרִ֤ים וּשְׁלֹשָׁה֙ לַחֹ֣דֶשׁ הַשְּׁבִיעִ֔י שִׁלַּ֥ח אֶת־הָעָ֖ם לְאָהֳלֵיהֶ֑ם שְׂמֵחִים֙ וְטֹ֣ובֵי לֵ֔ב עַל־הַטֹּובָ֗ה אֲשֶׁ֨ר עָשָׂ֤ה יְהוָה֙ לְדָוִ֣יד וְלִשְׁלֹמֹ֔ה וּלְיִשְׂרָאֵ֖ל עַמֹּֽו׃

ẇbĕyò֨wm ʻeşĕ̂ri֤ym ẇşĕ̌lòşá̌h֙ laẖò֣deş̌ haşĕ̇̌biyʻi֔y şǐlȧ֥ẖ ʼeţ־háʻá֖m lĕʼáholéyhe֑m şĕ̂méẖiym֙ wĕtò֣wbéy lé֔b ʻal־hatò̇wbá֗h ʼàşě֨r ʻáşá֤̂h yĕhwáh֙ lĕdáwi֣yd wĕlişĕ̌lòmò֔h ẇlĕyişĕ̂ráʼé֖l ʻamòֽ̇w׃

11
וַיְכַ֧ל שְׁלֹמֹ֛ה אֶת־בֵּ֥ית יְהוָ֖ה וְאֶת־בֵּ֣ית הַמֶּ֑לֶךְ וְאֵ֨ת כָּל־הַבָּ֜א עַל־לֵ֣ב שְׁלֹמֹ֗ה לַעֲשֹׂ֧ות בְּבֵית־יְהוָ֛ה וּבְבֵיתֹ֖ו הִצְלִֽיחַ׃ פ

wayĕka֧l şĕ̌lòmò֛h ʼeţ־bé֥̇yţ yĕhwá֖h wĕʼeţ־bé֣̇yţ hamė֑lekĕ wĕʼé֨ţ ká̇l־habá̇֜ʼ ʻal־lé֣b şĕ̌lòmò֗h laʻàşò֧̂wţ bĕ̇béyţ־yĕhwá֛h ẇbĕbéyţò֖w hiẕĕliֽyẖa׃ p

12
וַיֵּרָ֧א יְהוָ֛ה אֶל־שְׁלֹמֹ֖ה בַּלָּ֑יְלָה וַיֹּ֣אמֶר לֹ֗ו שָׁמַ֨עְתִּי֙ אֶת־תְּפִלָּתֶ֔ךָ וּבָחַ֜רְתִּי בַּמָּקֹ֥ום הַזֶּ֛ה לִ֖י לְבֵ֥ית זָֽבַח׃

wayé̇rá֧ʼ yĕhwá֛h ʼel־şĕ̌lòmò֖h bȧlá֑̇yĕláh wayò֣̇ʼmer lò֗w şá̌ma֨ʻĕţi̇y֙ ʼeţ־ţĕ̇pilá̇ţe֔ká ẇbáẖa֜rĕţi̇y bȧmá̇qò֥wm hazė֛h li֖y lĕbé֥yţ záֽbaẖ׃

13
הֵ֣ן אֶֽעֱצֹ֤ר הַשָּׁמַ֨יִם֙ וְלֹֽא־יִהְיֶ֣ה מָטָ֔ר וְהֵן־אֲצַוֶּ֥ה עַל־חָגָ֖ב לֶאֱכֹ֣ול הָאָ֑רֶץ וְאִם־אֲשַׁלַּ֥ח דֶּ֖בֶר בְּעַמִּֽי׃

hé֣n ʼeֽʻèẕò֤r haşá̇̌ma֨yim֙ wĕlòֽʼ־yihĕye֣h mátá֔r wĕhén־ʼàẕawė֥h ʻal־ẖágá֖b leʼèkò֣wl háʼá֑reẕ wĕʼim־ʼàşǎlȧ֥ẖ dė֖ber bĕ̇ʻamiֽ̇y׃

14
וְיִכָּנְע֨וּ עַמִּ֜י אֲשֶׁ֧ר נִֽקְרָא־שְׁמִ֣י עֲלֵיהֶ֗ם וְיִֽתְפַּֽלְלוּ֙ וִֽיבַקְשׁ֣וּ פָנַ֔י וְיָשֻׁ֖בוּ מִדַּרְכֵיהֶ֣ם הָרָעִ֑ים וַאֲנִי֙ אֶשְׁמַ֣ע מִן־הַשָּׁמַ֔יִם וְאֶסְלַח֙ לְחַטָּאתָ֔ם וְאֶרְפָּ֖א אֶת־אַרְצָֽם׃

wĕyiká̇nĕʻ֨ẇ ʻami̇֜y ʼàşě֧r niֽqĕráʼ־şĕ̌mi֣y ʻàléyhe֗m wĕyiֽţĕpȧֽlĕlẇ֙ wiֽybaqĕş֣̌ẇ pána֔y wĕyáşǔ֖bẇ midȧrĕkéyhe֣m háráʻi֑ym waʼàniy֙ ʼeşĕ̌ma֣ʻ min־haşá̇̌ma֔yim wĕʼesĕlaẖ֙ lĕẖatá̇ʼţá֔m wĕʼerĕpá֖̇ʼ ʼeţ־ʼarĕẕáֽm׃

15
עַתָּ֗ה עֵינַי֙ יִהְי֣וּ פְתֻחֹ֔ות וְאָזְנַ֖י קַשֻּׁבֹ֑ות לִתְפִלַּ֖ת הַמָּקֹ֥ום הַזֶּֽה׃

ʻaţá̇֗h ʻéynay֙ yihĕy֣ẇ pĕţuẖò֔wţ wĕʼázĕna֖y qaşu̇̌bò֑wţ liţĕpilȧ֖ţ hamá̇qò֥wm hazėֽh׃

16
וְעַתָּ֗ה בָּחַ֤רְתִּי וְהִקְדַּ֨שְׁתִּי֙ אֶת־הַבַּ֣יִת הַזֶּ֔ה לִהְיֹות־שְׁמִ֥י שָׁ֖ם עַד־עֹולָ֑ם וְהָי֨וּ עֵינַ֧י וְלִבִּ֛י שָׁ֖ם כָּל־הַיָּמִֽים׃

wĕʻaţá̇֗h bá̇ẖa֤rĕţi̇y wĕhiqĕdȧ֨şĕ̌ţi̇y֙ ʼeţ־habȧ֣yiţ hazė֔h lihĕyòwţ־şĕ̌mi֥y şá֖̌m ʻad־ʻòwlá֑m wĕháy֨ẇ ʻéyna֧y wĕlibi֛̇y şá֖̌m ká̇l־hayá̇miֽym׃

17
וְאַתָּ֞ה אִם־תֵּלֵ֣ךְ לְפָנַ֗י כַּאֲשֶׁ֤ר הָלַךְ֙ דָּוִ֣יד אָבִ֔יךָ וְלַעֲשֹׂ֕ות כְּכֹ֖ל אֲשֶׁ֣ר צִוִּיתִ֑יךָ וְחֻקַּ֥י וּמִשְׁפָּטַ֖י תִּשְׁמֹֽור׃

wĕʼaţá̇֞h ʼim־ţé̇lé֣kĕ lĕpána֗y kȧʼàşě֤r hálakĕ֙ dá̇wi֣yd ʼábi֔yká wĕlaʻàşò̂֕wţ kĕ̇kò֖l ʼàşě֣r ẕiwi̇yţi֑yká wĕẖuqȧ֥y ẇmişĕ̌pá̇ta֖y ţi̇şĕ̌mòֽwr׃

18
וַהֲקִ֣ימֹותִ֔י אֵ֖ת כִּסֵּ֣א מַלְכוּתֶ֑ךָ כַּאֲשֶׁ֣ר כָּרַ֗תִּי לְדָוִ֤יד אָבִ֨יךָ֙ לֵאמֹ֔ר לֹֽא־יִכָּרֵ֤ת לְךָ֙ אִ֔ישׁ מֹושֵׁ֖ל בְּיִשְׂרָאֵֽל׃

wahàqi֣ymòwţi֔y ʼé֖ţ ki̇sé֣̇ʼ malĕkẇţe֑ká kȧʼàşě֣r ká̇ra֗ţi̇y lĕdáwi֤yd ʼábi֨yká֙ léʼmò֔r lòֽʼ־yiká̇ré֤ţ lĕká֙ ʼi֔yş̌ mòwşé֖̌l bĕ̇yişĕ̂ráʼéֽl׃

19
וְאִם־תְּשׁוּב֣וּן אַתֶּ֔ם וַעֲזַבְתֶּם֙ חֻקֹּותַ֣י וּמִצְוֹתַ֔י אֲשֶׁ֥ר נָתַ֖תִּי לִפְנֵיכֶ֑ם וַהֲלַכְתֶּ֗ם וַעֲבַדְתֶּם֙ אֱלֹהִ֣ים אֲחֵרִ֔ים וְהִשְׁתַּחֲוִיתֶ֖ם לָהֶֽם׃

wĕʼim־ţĕ̇ş̌ẇb֣ẇn ʼaţė֔m waʻàzabĕţėm֙ ẖuqò̇wţa֣y ẇmiẕĕwòţa֔y ʼàşě֥r náţa֖ţi̇y lipĕnéyke֑m wahàlakĕţė֗m waʻàbadĕţėm֙ ʼèlòhi֣ym ʼàẖéri֔ym wĕhişĕ̌ţȧẖàwiyţe֖m láheֽm׃

20
וּנְתַשְׁתִּ֗ים מֵעַ֤ל אַדְמָתִי֙ אֲשֶׁ֣ר נָתַ֣תִּי לָהֶ֔ם וְאֶת־הַבַּ֤יִת הַזֶּה֙ אֲשֶׁ֣ר הִקְדַּ֣שְׁתִּי לִשְׁמִ֔י אַשְׁלִ֖יךְ מֵעַ֣ל פָּנָ֑י וְאֶתְּנֶ֛נּוּ לְמָשָׁ֥ל וְלִשְׁנִינָ֖ה בְּכָל־הָעַמִּֽים׃

ẇnĕţaşĕ̌ţi̇֗ym méʻa֤l ʼadĕmáţiy֙ ʼàşě֣r náţa֣ţi̇y láhe֔m wĕʼeţ־habȧ֤yiţ hazėh֙ ʼàşě֣r hiqĕdȧ֣şĕ̌ţi̇y lişĕ̌mi֔y ʼaşĕ̌li֖ykĕ méʻa֣l pá̇ná֑y wĕʼeţĕ̇ne֛ṅẇ lĕmáşá֥̌l wĕlişĕ̌niyná֖h bĕ̇kál־háʻamiֽ̇ym׃

21
וְהַבַּ֤יִת הַזֶּה֙ אֲשֶׁ֣ר הָיָ֣ה עֶלְיֹ֔ון לְכָל־עֹבֵ֥ר עָלָ֖יו יִשֹּׁ֑ם וְאָמַ֗ר בַּמֶּ֨ה עָשָׂ֤ה יְהוָה֙ כָּ֔כָה לָאָ֥רֶץ הַזֹּ֖את וְלַבַּ֥יִת הַזֶּֽה׃

wĕhabȧ֤yiţ hazėh֙ ʼàşě֣r háyá֣h ʻelĕyò֔wn lĕkál־ʻòbé֥r ʻálá֖yw yişò֑̇̌m wĕʼáma֗r bȧmė֨h ʻáşá֤̂h yĕhwáh֙ ká̇֔káh láʼá֥reẕ hazò֖̇ʼţ wĕlabȧ֥yiţ hazėֽh׃

22
וְאָמְר֗וּ עַל֩ אֲשֶׁ֨ר עָֽזְב֜וּ אֶת־יְהוָ֣ה׀ אֱלֹהֵ֣י אֲבֹתֵיהֶ֗ם אֲשֶׁ֣ר הֹוצִיאָם֮ מֵאֶ֣רֶץ מִצְרַיִם֒ וַֽיַּחֲזִ֨יקוּ֙ בֵּאלֹהִ֣ים אֲחֵרִ֔ים וַיִּשְׁתַּחֲו֥וּ לָהֶ֖ם וַיַּֽעַבְד֑וּם עַל־כֵּן֙ הֵבִ֣יא עֲלֵיהֶ֔ם אֵ֥ת כָּל־הָרָעָ֖ה הַזֹּֽאת׃ פ

wĕʼámĕr֗ẇ ʻal֩ ʼàşě֨r ʻáֽzĕb֜ẇ ʼeţ־yĕhwá֣h׀ ʼèlòhé֣y ʼàbòţéyhe֗m ʼàşě֣r hòwẕiyʼám֮ méʼe֣reẕ miẕĕrayim֒ waֽyȧẖàzi֨yqẇ֙ bé̇ʼlòhi֣ym ʼàẖéri֔ym wayi̇şĕ̌ţȧẖàw֥ẇ láhe֖m wayȧֽʻabĕd֑ẇm ʻal־ké̇n֙ hébi֣yʼ ʻàléyhe֔m ʼé֥ţ ká̇l־háráʻá֖h hazòֽ̇ʼţ׃ p