Bibles in ancient languages
Old translations
Modern translations

Biblia Hebraica Stuttgartensia 2 Chroniques 9:24

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וּמַֽלְכַּת־שְׁבָ֗א שָֽׁמְעָה֮ אֶת־שֵׁ֣מַע שְׁלֹמֹה֒ וַתָּבֹ֣וא לְנַסֹּות֩ אֶת־שְׁלֹמֹ֨ה בְחִידֹ֜ות בִּירֽוּשָׁלִַ֗ם בְּחַ֣יִל כָּבֵ֣ד מְאֹ֡ד וּ֠גְמַלִּים נֹשְׂאִ֨ים בְּשָׂמִ֧ים וְזָהָ֛ב לָרֹ֖ב וְאֶ֣בֶן יְקָרָ֑ה וַתָּבֹוא֙ אֶל־שְׁלֹמֹ֔ה וַתְּדַבֵּ֣ר עִמֹּ֔ו אֵ֛ת כָּל־אֲשֶׁ֥ר הָיָ֖ה עִם־לְבָבָֽהּ׃

ẇmaֽlĕkȧţ־şĕ̌bá֗ʼ şáֽ̌mĕʻáh֮ ʼeţ־şé֣̌maʻ şĕ̌lòmòh֒ waţá̇bò֣wʼ lĕnasò̇wţ֩ ʼeţ־şĕ̌lòmò֨h bĕẖiydò֜wţ bi̇yrֽẇşá̌lia֗m bĕ̇ẖa֣yil ká̇bé֣d mĕʼò֡d ẇ֠gĕmali̇ym nòşĕ̂ʼi֨ym bĕ̇şá̂mi֧ym wĕzáhá֛b lárò֖b wĕʼe֣ben yĕqárá֑h waţá̇bòwʼ֙ ʼel־şĕ̌lòmò֔h waţĕ̇dabé֣̇r ʻimò̇֔w ʼé֛ţ ká̇l־ʼàşě֥r háyá֖h ʻim־lĕbábáֽḣ׃

2
וַיַּגֶּד־לָ֥הּ שְׁלֹמֹ֖ה אֶת־כָּל־דְּבָרֶ֑יהָ וְלֹֽא־נֶעְלַ֤ם דָּבָר֙ מִשְּׁלֹמֹ֔ה אֲשֶׁ֧ר לֹ֦א הִגִּ֖יד לָֽהּ׃

wayȧgėd־lá֥ḣ şĕ̌lòmò֖h ʼeţ־ká̇l־dĕ̇báre֑yhá wĕlòֽʼ־neʻĕla֤m dá̇bár֙ mişĕ̇̌lòmò֔h ʼàşě֧r lò֦ʼ higi֖̇yd láֽḣ׃

3
וַתֵּ֨רֶא֙ מַֽלְכַּת־שְׁבָ֔א אֵ֖ת חָכְמַ֣ת שְׁלֹמֹ֑ה וְהַבַּ֖יִת אֲשֶׁ֥ר בָּנָֽה׃

waţé̇֨reʼ֙ maֽlĕkȧţ־şĕ̌bá֔ʼ ʼé֖ţ ẖákĕma֣ţ şĕ̌lòmò֑h wĕhabȧ֖yiţ ʼàşě֥r bá̇náֽh׃

4
וּמַאֲכַ֣ל שֻׁלְחָנֹ֡ו וּמֹושַׁ֣ב עֲבָדָיו֩ וּמַעֲמַ֨ד מְשָׁרְתָ֜יו וּמַלְבּֽוּשֵׁיהֶ֗ם וּמַשְׁקָיו֙ וּמַלְבּ֣וּשֵׁיהֶ֔ם וַעֲלִיָּתֹ֔ו אֲשֶׁ֥ר יַעֲלֶ֖ה בֵּ֣ית יְהוָ֑ה וְלֹא־הָ֥יָה עֹ֛וד בָּ֖הּ רֽוּחַ׃

ẇmaʼàka֣l şǔlĕẖánò֡w ẇmòwşǎ֣b ʻàbádáyw֩ ẇmaʻàma֨d mĕşá̌rĕţá֜yw ẇmalĕḃֽẇşé̌yhe֗m ẇmaşĕ̌qáyw֙ ẇmalĕḃ֣ẇşé̌yhe֔m waʻàliyá̇ţò֔w ʼàşě֥r yaʻàle֖h bé֣̇yţ yĕhwá֑h wĕlòʼ־há֥yáh ʻò֛wd bá֖̇ḣ rֽẇẖa׃

5
וַתֹּ֨אמֶר֙ אֶל־הַמֶּ֔לֶךְ אֱמֶת֙ הַדָּבָ֔ר אֲשֶׁ֥ר שָׁמַ֖עְתִּי בְּאַרְצִ֑י עַל־דְּבָרֶ֖יךָ וְעַל־חָכְמָתֶֽךָ׃

waţò̇֨ʼmer֙ ʼel־hamė֔lekĕ ʼèmeţ֙ hadá̇bá֔r ʼàşě֥r şá̌ma֖ʻĕţi̇y bĕ̇ʼarĕẕi֑y ʻal־dĕ̇báre֖yká wĕʻal־ẖákĕmáţeֽká׃

6
וְלֹֽא־הֶאֱמַ֣נְתִּי לְדִבְרֵיהֶ֗ם עַ֤ד אֲשֶׁר־בָּ֨אתִי֙ וַתִּרְאֶ֣ינָה עֵינַ֔י וְהִנֵּה֙ לֹ֣א הֻגַּד־לִ֔י חֲצִ֖י מַרְבִּ֣ית חָכְמָתֶ֑ךָ יָסַ֕פְתָּ עַל־הַשְּׁמוּעָ֖ה אֲשֶׁ֥ר שָׁמָֽעְתִּי׃

wĕlòֽʼ־heʼèma֣nĕţi̇y lĕdibĕréyhe֗m ʻa֤d ʼàşěr־bá̇֨ʼţiy֙ waţi̇rĕʼe֣ynáh ʻéyna֔y wĕhiné̇h֙ lò֣ʼ hugȧd־li֔y ẖàẕi֖y marĕbi֣̇yţ ẖákĕmáţe֑ká yása֕pĕţá̇ ʻal־haşĕ̇̌mẇʻá֖h ʼàşě֥r şá̌máֽʻĕţi̇y׃

7
אַשְׁרֵ֣י אֲנָשֶׁ֔יךָ וְאַשְׁרֵ֖י עֲבָדֶ֣יךָ אֵ֑לֶּה הָעֹמְדִ֤ים לְפָנֶ֨יךָ֙ תָּמִ֔יד וְשֹׁמְעִ֖ים אֶת־חָכְמָתֶֽךָ׃

ʼaşĕ̌ré֣y ʼànáşě֔yká wĕʼaşĕ̌ré֖y ʻàbáde֣yká ʼé֑lėh háʻòmĕdi֤ym lĕpáne֨yká֙ ţá̇mi֔yd wĕşò̌mĕʻi֖ym ʼeţ־ẖákĕmáţeֽká׃

8
יְהִ֨י יְהוָ֤ה אֱלֹהֶ֨יךָ֙ בָּר֔וּךְ אֲשֶׁ֣ר׀ חָפֵ֣ץ בְּךָ֗ לְתִתְּךָ֤ עַל־כִּסְאֹו֙ לְמֶ֔לֶךְ לַיהוָ֖ה אֱלֹהֶ֑יךָ בְּאַהֲבַ֨ת אֱלֹהֶ֤יךָ אֶת־יִשְׂרָאֵל֙ לְהַעֲמִידֹ֣ו לְעֹולָ֔ם וַיִּתֶּנְךָ֤ עֲלֵיהֶם֙ לְמֶ֔לֶךְ לַעֲשֹׂ֖ות מִשְׁפָּ֥ט וּצְדָקָֽה׃

yĕhi֨y yĕhwá֤h ʼèlòhe֨yká֙ bá̇r֔ẇkĕ ʼàşě֣r׀ ẖápé֣ẕ bĕ̇ká֗ lĕţiţĕ̇ká֤ ʻal־ki̇sĕʼòw֙ lĕme֔lekĕ layhwá֖h ʼèlòhe֑yká bĕ̇ʼahàba֨ţ ʼèlòhe֤yká ʼeţ־yişĕ̂ráʼél֙ lĕhaʻàmiydò֣w lĕʻòwlá֔m wayi̇ţėnĕká֤ ʻàléyhem֙ lĕme֔lekĕ laʻàşò֖̂wţ mişĕ̌pá֥̇t ẇẕĕdáqáֽh׃

9
וַתִּתֵּ֨ן לַמֶּ֜לֶךְ מֵאָ֥ה וְעֶשְׂרִ֣ים׀ כִּכַּ֣ר זָהָ֗ב וּבְשָׂמִ֛ים לָרֹ֥ב מְאֹ֖ד וְאֶ֣בֶן יְקָרָ֑ה וְלֹ֤א הָיָה֙ כַּבֹּ֣שֶׂם הַה֔וּא אֲשֶׁר־נָתְנָ֥ה מַֽלְכַּת־שְׁבָ֖א לַמֶּ֥לֶךְ שְׁלֹמֹֽה׃

waţi̇ţé̇֨n lamė֜lekĕ méʼá֥h wĕʻeşĕ̂ri֣ym׀ ki̇kȧ֣r záhá֗b ẇbĕşá̂mi֛ym lárò֥b mĕʼò֖d wĕʼe֣ben yĕqárá֑h wĕlò֤ʼ háyáh֙ kȧbò֣̇şêm hah֔ẇʼ ʼàşěr־náţĕná֥h maֽlĕkȧţ־şĕ̌bá֖ʼ lamė֥lekĕ şĕ̌lòmòֽh׃

10
וְגַם־עַבְדֵ֤י חִירָם וְעַבְדֵ֣י שְׁלֹמֹ֔ה אֲשֶׁר־הֵבִ֥יאוּ זָהָ֖ב מֵאֹופִ֑יר הֵבִ֛יאוּ עֲצֵ֥י אַלְגּוּמִּ֖ים וְאֶ֥בֶן יְקָרָֽה׃

wĕgam־ʻabĕdé֤y ẖiyrám wĕʻabĕdé֣y şĕ̌lòmò֔h ʼàşěr־hébi֥yʼẇ záhá֖b méʼòwpi֑yr hébi֛yʼẇ ʻàẕé֥y ʼalĕġẇmi֖̇ym wĕʼe֥ben yĕqáráֽh׃

11
וַיַּ֣עַשׂ הַ֠מֶּלֶךְ אֶת־עֲצֵ֨י הָֽאַלְגּוּמִּ֜ים מְסִלֹּ֤ות לְבֵית־יְהוָה֙ וּלְבֵ֣ית הַמֶּ֔לֶךְ וְכִנֹּרֹ֥ות וּנְבָלִ֖ים לַשָּׁרִ֑ים וְלֹא־נִרְא֥וּ כָהֵ֛ם לְפָנִ֖ים בְּאֶ֥רֶץ יְהוּדָֽה׃

wayȧ֣ʻaş̂ ha֠mėlekĕ ʼeţ־ʻàẕé֨y háֽʼalĕġẇmi̇֜ym mĕsilò֤̇wţ lĕbéyţ־yĕhwáh֙ ẇlĕbé֣yţ hamė֔lekĕ wĕkinò̇rò֥wţ ẇnĕbáli֖ym laşá̇̌ri֑ym wĕlòʼ־nirĕʼ֥ẇ káhé֛m lĕpáni֖ym bĕ̇ʼe֥reẕ yĕhẇdáֽh׃

12
וְהַמֶּ֨לֶךְ שְׁלֹמֹ֜ה נָתַ֣ן לְמַֽלְכַּת־שְׁבָ֗א אֶת־כָּל־חֶפְצָהּ֙ אֲשֶׁ֣ר שָׁאָ֔לָה מִלְּבַ֖ד אֲשֶׁר־הֵבִ֣יאָה אֶל־הַמֶּ֑לֶךְ וַֽתַּהֲפֹ֛ךְ וַתֵּ֥לֶךְ לְאַרְצָ֖הּ הִ֥יא וַעֲבָדֶֽיהָ׃ פ

wĕhamė֨lekĕ şĕ̌lòmò֜h náţa֣n lĕmaֽlĕkȧţ־şĕ̌bá֗ʼ ʼeţ־ká̇l־ẖepĕẕáḣ֙ ʼàşě֣r şá̌ʼá֔láh milĕ̇ba֖d ʼàşěr־hébi֣yʼáh ʼel־hamė֑lekĕ waֽţȧhàpò֛kĕ waţé֥̇lekĕ lĕʼarĕẕá֖ḣ hi֥yʼ waʻàbádeֽyhá׃ p

13
וַיְהִי֙ מִשְׁקַ֣ל הַזָּהָ֔ב אֲשֶׁר־בָּ֥א לִשְׁלֹמֹ֖ה בְּשָׁנָ֣ה אֶחָ֑ת שֵׁ֥שׁ מֵאֹ֛ות וְשִׁשִּׁ֥ים וָשֵׁ֖שׁ כִּכְּרֵ֥י זָהָֽב׃

wayĕhiy֙ mişĕ̌qa֣l hazá̇há֔b ʼàşěr־bá֥̇ʼ lişĕ̌lòmò֖h bĕ̇şá̌ná֣h ʼeẖá֑ţ şé֥̌ş̌ méʼò֛wţ wĕşǐşi֥̇̌ym wáşé֖̌ş̌ ki̇kĕ̇ré֥y záháֽb׃

14
לְבַ֞ד מֵאַנְשֵׁ֧י הַתָּרִ֛ים וְהַסֹּחֲרִ֖ים מְבִיאִ֑ים וְכָל־מַלְכֵ֤י עֲרַב֙ וּפַחֹ֣ות הָאָ֔רֶץ מְבִיאִ֛ים זָהָ֥ב וָכֶ֖סֶף לִשְׁלֹמֹֽה׃

lĕba֞d méʼanĕşé֧̌y haţá̇ri֛ym wĕhasò̇ẖàri֖ym mĕbiyʼi֑ym wĕkál־malĕké֤y ʻàrab֙ ẇpaẖò֣wţ háʼá֔reẕ mĕbiyʼi֛ym záhá֥b wáke֖sep lişĕ̌lòmòֽh׃

15
וַיַּ֨עַשׂ הַמֶּ֧לֶךְ שְׁלֹמֹ֛ה מָאתַ֥יִם צִנָּ֖ה זָהָ֣ב שָׁח֑וּט שֵׁ֤שׁ מֵאֹות֙ זָהָ֣ב שָׁח֔וּט יַעֲלֶ֖ה עַל־הַצִּנָּ֥ה הָאֶחָֽת׃

wayȧ֨ʻaş̂ hamė֧lekĕ şĕ̌lòmò֛h máʼţa֥yim ẕiná֖̇h záhá֣b şá̌ẖ֑ẇt şé֤̌ş̌ méʼòwţ֙ záhá֣b şá̌ẖ֔ẇt yaʻàle֖h ʻal־haẕi̇ná֥̇h háʼeẖáֽţ׃

16
וּשְׁלֹשׁ־מֵאֹ֤ות מָֽגִנִּים֙ זָהָ֣ב שָׁח֔וּט שְׁלֹ֤שׁ מֵאֹות֙ זָהָ֔ב יַעֲלֶ֖ה עַל־הַמָּגֵ֣ן הָאֶחָ֑ת וַיִּתְּנֵ֣ם הַמֶּ֔לֶךְ בְּבֵ֖ית יַ֥עַר הַלְּבָנֹֽון׃ פ

ẇşĕ̌lòş̌־méʼò֤wţ máֽgini̇ym֙ záhá֣b şá̌ẖ֔ẇt şĕ̌lò֤ş̌ méʼòwţ֙ záhá֔b yaʻàle֖h ʻal־hamá̇gé֣n háʼeẖá֑ţ wayi̇ţĕ̇né֣m hamė֔lekĕ bĕ̇bé֖yţ ya֥ʻar halĕ̇bánòֽwn׃ p

17
וַיַּ֧עַשׂ הַמֶּ֛לֶךְ כִּסֵּא־שֵׁ֖ן גָּדֹ֑ול וַיְצַפֵּ֖הוּ זָהָ֥ב טָהֹֽור׃

wayȧ֧ʻaş̂ hamė֛lekĕ ki̇sé̇ʼ־şé֖̌n gá̇dò֑wl wayĕẕapé֖̇hẇ záhá֥b táhòֽwr׃

18
וְשֵׁ֣שׁ מַעֲלֹ֣ות לַ֠כִּסֵּא וְכֶ֨בֶשׁ בַּזָּהָ֤ב לַכִּסֵּא֙ מָאֳחָזִ֔ים וְיָדֹ֛ות מִזֶּ֥ה וּמִזֶּ֖ה עַל־מְקֹ֣ום הַשָּׁ֑בֶת וּשְׁנַ֣יִם אֲרָיֹ֔ות עֹמְדִ֖ים אֵ֥צֶל הַיָּדֹֽות׃

wĕşé֣̌ş̌ maʻàlò֣wţ la֠ki̇sé̇ʼ wĕke֨beş̌ bȧzá̇há֤b laki̇sé̇ʼ֙ máʼoẖázi֔ym wĕyádò֛wţ mizė֥h ẇmizė֖h ʻal־mĕqò֣wm haşá֑̇̌beţ ẇşĕ̌na֣yim ʼàráyò֔wţ ʻòmĕdi֖ym ʼé֥ẕel hayá̇dòֽwţ׃

19
וּשְׁנֵ֧ים עָשָׂ֣ר אֲרָיֹ֗ות עֹמְדִ֥ים שָׁ֛ם עַל־שֵׁ֥שׁ הַֽמַּעֲלֹ֖ות מִזֶּ֣ה וּמִזֶּ֑ה לֹא־נַעֲשָׂ֥ה כֵ֖ן לְכָל־מַמְלָכָֽה׃

ẇşĕ̌né֧ym ʻáşá֣̂r ʼàráyò֗wţ ʻòmĕdi֥ym şá֛̌m ʻal־şé֥̌ş̌ haֽmȧʻàlò֖wţ mizė֣h ẇmizė֑h lòʼ־naʻàşá֥̂h ké֖n lĕkál־mamĕlákáֽh׃

20
וְ֠כֹל כְּלֵ֞י מַשְׁקֵ֨ה הַמֶּ֤לֶךְ שְׁלֹמֹה֙ זָהָ֔ב וְכֹ֗ל כְּלֵ֛י בֵּֽית־יַ֥עַר הַלְּבָנֹ֖ון זָהָ֣ב סָג֑וּר אֵ֣ין כֶּ֗סֶף נֶחְשָׁ֛ב בִּימֵ֥י שְׁלֹמֹ֖ה לִמְאֽוּמָה׃

wĕ֠kòl kĕ̇lé֞y maşĕ̌qé֨h hamė֤lekĕ şĕ̌lòmòh֙ záhá֔b wĕkò֗l kĕ̇lé֛y béֽ̇yţ־ya֥ʻar halĕ̇bánò֖wn záhá֣b ság֑ẇr ʼé֣yn kė֗sep neẖĕşá֛̌b bi̇ymé֥y şĕ̌lòmò֖h limĕʼֽẇmáh׃

21
כִּֽי־אֳנִיֹּ֤ות לַמֶּ֨לֶךְ֙ הֹלְכֹ֣ות תַּרְשִׁ֔ישׁ עִ֖ם עַבְדֵ֣י חוּרָ֑ם אַחַת֩ לְשָׁלֹ֨ושׁ שָׁנִ֜ים תָּבֹ֣ואנָה׀ אֳנִיֹּ֣ות תַּרְשִׁ֗ישׁ נֹֽשְׂאֹות֙ זָהָ֣ב וָכֶ֔סֶף שֶׁנְהַבִּ֥ים וְקֹופִ֖ים וְתוּכִּיִּֽים׃ פ

kiֽ̇y־ʼoniyò֤̇wţ lamė֨lekĕ֙ hòlĕkò֣wţ ţȧrĕşǐ֔yş̌ ʻi֖m ʻabĕdé֣y ẖẇrá֑m ʼaẖaţ֩ lĕşá̌lò֨wş̌ şá̌ni֜ym ţá̇bò֣wʼnáh׀ ʼoniyò֣̇wţ ţȧrĕşǐ֗yş̌ nòֽşĕ̂ʼòwţ֙ záhá֣b wáke֔sep şěnĕhabi֥̇ym wĕqòwpi֖ym wĕţẇki̇yiֽ̇ym׃ p

22
וַיִּגְדַּל֙ הַמֶּ֣לֶךְ שְׁלֹמֹ֔ה מִכֹּ֖ל מַלְכֵ֣י הָאָ֑רֶץ לְעֹ֖שֶׁר וְחָכְמָֽה׃

wayi̇gĕdȧl֙ hamė֣lekĕ şĕ̌lòmò֔h mikò֖̇l malĕké֣y háʼá֑reẕ lĕʻò֖şěr wĕẖákĕmáֽh׃

23
וְכֹל֙ מַלְכֵ֣י הָאָ֔רֶץ מְבַקְשִׁ֖ים אֶת־פְּנֵ֣י שְׁלֹמֹ֑ה לִשְׁמֹ֨עַ֙ אֶת־חָכְמָתֹ֔ו אֲשֶׁר־נָתַ֥ן הָאֱלֹהִ֖ים בְּלִבֹּֽו׃

wĕkòl֙ malĕké֣y háʼá֔reẕ mĕbaqĕşǐ֖ym ʼeţ־pĕ̇né֣y şĕ̌lòmò֑h lişĕ̌mò֨ʻa֙ ʼeţ־ẖákĕmáţò֔w ʼàşěr־náţa֥n háʼèlòhi֖ym bĕ̇libòֽ̇w׃

24
וְהֵ֣ם מְבִיאִ֣ים אִ֣ישׁ מִנְחָתֹ֡ו כְּלֵ֣י כֶסֶף֩ וּכְלֵ֨י זָהָ֤ב וּשְׂלָמֹות֙ נֵ֣שֶׁק וּבְשָׂמִ֔ים סוּסִ֖ים וּפְרָדִ֑ים דְּבַר־שָׁנָ֖ה בְּשָׁנָֽה׃ פ

wĕhé֣m mĕbiyʼi֣ym ʼi֣yş̌ minĕẖáţò֡w kĕ̇lé֣y kesep֩ ẇkĕlé֨y záhá֤b ẇşĕ̂lámòwţ֙ né֣şěq ẇbĕşá̂mi֔ym sẇsi֖ym ẇpĕrádi֑ym dĕ̇bar־şá̌ná֖h bĕ̇şá̌náֽh׃ p

25
וַיְהִ֨י לִשְׁלֹמֹ֜ה אַרְבַּעַת֩ אֲלָפִ֨ים אֻֽרְיֹ֤ות סוּסִים֙ וּמַרְכָּבֹ֔ות וּשְׁנֵים־עָשָׂ֥ר אֶ֖לֶף פָּרָשִׁ֑ים וַיַּנִּיחֵם֙ בְּעָרֵ֣י הָרֶ֔כֶב וְעִם־הַמֶּ֖לֶךְ בִּירוּשָׁלִָֽם׃

wayĕhi֨y lişĕ̌lòmò֜h ʼarĕbȧʻaţ֩ ʼàlápi֨ym ʼuֽrĕyò֤wţ sẇsiym֙ ẇmarĕká̇bò֔wţ ẇşĕ̌néym־ʻáşá֥̂r ʼe֖lep pá̇ráşǐ֑ym wayȧni̇yẖém֙ bĕ̇ʻáré֣y háre֔keb wĕʻim־hamė֖lekĕ bi̇yrẇşá̌láֽim׃

26
וַיְהִ֥י מֹושֵׁ֖ל בְּכָל־הַמְּלָכִ֑ים מִן־הַנָּהָר֙ וְעַד־אֶ֣רֶץ פְּלִשְׁתִּ֔ים וְעַ֖ד גְּב֥וּל מִצְרָֽיִם׃

wayĕhi֥y mòwşé֖̌l bĕ̇kál־hamĕ̇láki֑ym min־haná̇hár֙ wĕʻad־ʼe֣reẕ pĕ̇lişĕ̌ţi̇֔ym wĕʻa֖d gĕ̇b֥ẇl miẕĕráֽyim׃

27
וַיִּתֵּ֨ן הַמֶּ֧לֶךְ אֶת־הַכֶּ֛סֶף בִּירוּשָׁלִַ֖ם כָּאֲבָנִ֑ים וְאֵ֣ת הָאֲרָזִ֗ים נָתַ֛ן כַּשִּׁקְמִ֥ים אֲשֶׁר־בַּשְּׁפֵלָ֖ה לָרֹֽב׃

wayi̇ţé̇֨n hamė֧lekĕ ʼeţ־hakė֛sep bi̇yrẇşá̌lia֖m ká̇ʼàbáni֑ym wĕʼé֣ţ háʼàrázi֗ym náţa֛n kȧşi̇̌qĕmi֥ym ʼàşěr־bȧşĕ̇̌pélá֖h láròֽb׃

28
וּמֹוצִיאִ֨ים סוּסִ֧ים מִמִּצְרַ֛יִם לִשְׁלֹמֹ֖ה וּמִכָּל־הָאֲרָצֹֽות׃

ẇmòwẕiyʼi֨ym sẇsi֧ym mimi̇ẕĕra֛yim lişĕ̌lòmò֖h ẇmiká̇l־háʼàráẕòֽwţ׃

29
וּשְׁאָר֙ דִּבְרֵ֣י שְׁלֹמֹ֔ה הָרִאשֹׁנִ֖ים וְהָאֲחֲרֹונִ֑ים הֲלֹא־הֵ֣ם כְּתוּבִ֗ים עַל־דִּבְרֵי֙ נָתָ֣ן הַנָּבִ֔יא וְעַל־נְבוּאַ֞ת אֲחִיָּ֣ה הַשִּֽׁילֹונִ֗י וּבַחֲזֹות֙ יֶעְדִּי הַחֹזֶ֔ה עַל־יָרָבְעָ֖ם בֶּן־נְבָֽט׃

ẇşĕ̌ʼár֙ di̇bĕré֣y şĕ̌lòmò֔h háriʼşò̌ni֖ym wĕháʼàẖàròwni֑ym hàlòʼ־hé֣m kĕ̇ţẇbi֗ym ʻal־di̇bĕréy֙ náţá֣n haná̇bi֔yʼ wĕʻal־nĕbẇʼa֞ţ ʼàẖiyá֣̇h haşiֽ̇̌ylòwni֗y ẇbaẖàzòwţ֙ yeʻĕdi̇y haẖòze֔h ʻal־yárábĕʻá֖m bėn־nĕbáֽt׃

30
וַיִּמְלֹ֨ךְ שְׁלֹמֹ֧ה בִֽירוּשָׁלִַ֛ם עַל־כָּל־יִשְׂרָאֵ֖ל אַרְבָּעִ֥ים שָׁנָֽה׃

wayi̇mĕlò֨kĕ şĕ̌lòmò֧h biֽyrẇşá̌lia֛m ʻal־ká̇l־yişĕ̂ráʼé֖l ʼarĕbá̇ʻi֥ym şá̌náֽh׃

31
וַיִּשְׁכַּ֤ב שְׁלֹמֹה֙ עִם־אֲבֹתָ֔יו וַֽיִּקְבְּרֻ֔הוּ בְּעִ֖יר דָּוִ֣יד אָבִ֑יו וַיִּמְלֹ֛ךְ רְחַבְעָ֥ם בְּנֹ֖ו תַּחְתָּֽיו׃ פ

wayi̇şĕ̌kȧ֤b şĕ̌lòmòh֙ ʻim־ʼàbòţá֔yw waֽyi̇qĕbĕ̇ru֔hẇ bĕ̇ʻi֖yr dá̇wi֣yd ʼábi֑yw wayi̇mĕlò֛kĕ rĕẖabĕʻá֥m bĕ̇nò֖w ţȧẖĕţáֽ̇yw׃ p