Bibles in ancient languages
Old translations
Modern translations

Biblia Hebraica Stuttgartensia 2 Rois 14:14

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
בִּשְׁנַ֣ת שְׁתַּ֔יִם לְיֹואָ֥שׁ בֶּן־יֹואָחָ֖ז מֶ֣לֶךְ יִשְׂרָאֵ֑ל מָלַ֛ךְ אֲמַצְיָ֥הוּ בֶן־יֹואָ֖שׁ מֶ֥לֶךְ יְהוּדָֽה׃

bi̇şĕ̌na֣ţ şĕ̌ţȧ֔yim lĕyòwʼá֥ş̌ bėn־yòwʼáẖá֖z me֣lekĕ yişĕ̂ráʼé֑l mála֛kĕ ʼàmaẕĕyá֥hẇ ben־yòwʼá֖ş̌ me֥lekĕ yĕhẇdáֽh׃

2
בֶּן־עֶשְׂרִ֨ים וְחָמֵ֤שׁ שָׁנָה֙ הָיָ֣ה בְמָלְכֹ֔ו וְעֶשְׂרִ֤ים וָתֵ֨שַׁע֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו יְהֹועַדִּין מִן־יְרוּשָׁלִָֽם׃

bėn־ʻeşĕ̂ri֨ym wĕẖámé֤ş̌ şá̌náh֙ háyá֣h bĕmálĕkò֔w wĕʻeşĕ̂ri֤ym wáţé֨şǎʻ֙ şá̌ná֔h mála֖kĕ bi̇yrẇşá̌liá֑m wĕşé֣̌m ʼimò̇֔w yĕhòwʻadi̇yn min־yĕrẇşá̌láֽim׃

3
וַיַּ֤עַשׂ הַיָּשָׁר֙ בְּעֵינֵ֣י יְהוָ֔ה רַ֕ק לֹ֖א כְּדָוִ֣ד אָבִ֑יו כְּכֹ֧ל אֲשֶׁר־עָשָׂ֛ה יֹואָ֥שׁ אָבִ֖יו עָשָֽׂה׃

wayȧ֤ʻaş̂ hayá̇şá̌r֙ bĕ̇ʻéyné֣y yĕhwá֔h ra֕q lò֖ʼ kĕ̇dáwi֣d ʼábi֑yw kĕ̇kò֧l ʼàşěr־ʻáşá֛̂h yòwʼá֥ş̌ ʼábi֖yw ʻáşáֽ̂h׃

4
רַ֥ק הַבָּמֹ֖ות לֹא־סָ֑רוּ עֹ֥וד הָעָ֛ם מְזַבְּחִ֥ים וּֽמְקַטְּרִ֖ים בַּבָּמֹֽות׃

ra֥q habá̇mò֖wţ lòʼ־sá֑rẇ ʻò֥wd háʻá֛m mĕzabĕ̇ẖi֥ym ẇֽmĕqatĕ̇ri֖ym bȧbá̇mòֽwţ׃

5
וַיְהִ֕י כַּאֲשֶׁ֛ר חָזְקָ֥ה הַמַּמְלָכָ֖ה בְּיָדֹ֑ו וַיַּךְ֙ אֶת־עֲבָדָ֔יו הַמַּכִּ֖ים אֶת־הַמֶּ֥לֶךְ אָבִֽיו׃

wayĕhi֕y kȧʼàşě֛r ẖázĕqá֥h hamȧmĕláká֖h bĕ̇yádò֑w wayȧkĕ֙ ʼeţ־ʻàbádá֔yw hamȧki֖̇ym ʼeţ־hamė֥lekĕ ʼábiֽyw׃

6
וְאֶת־בְּנֵ֥י הַמַּכִּ֖ים לֹ֣א הֵמִ֑ית כַּכָּת֣וּב בְּסֵ֣פֶר תֹּֽורַת־מֹ֠שֶׁה אֲשֶׁר־צִוָּ֨ה יְהוָ֜ה לֵאמֹ֗ר לֹא־יוּמְת֨וּ אָבֹ֤ות עַל־בָּנִים֙ וּבָנִים֙ לֹא־יוּמְת֣וּ עַל־אָבֹ֔ות כִּ֛י אִם־אִ֥ישׁ בְּחֶטְאֹ֖ו יָמוּת

wĕʼeţ־bĕ̇né֥y hamȧki֖̇ym lò֣ʼ hémi֑yţ kȧká̇ţ֣ẇb bĕ̇sé֣per ţòֽ̇wraţ־mò֠şěh ʼàşěr־ẕiwá̇֨h yĕhwá֜h léʼmò֗r lòʼ־yẇmĕţ֨ẇ ʼábò֤wţ ʻal־bá̇niym֙ ẇbániym֙ lòʼ־yẇmĕţ֣ẇ ʻal־ʼábò֔wţ ki֛̇y ʼim־ʼi֥yş̌ bĕ̇ẖetĕʼò֖w yámẇţ

7
הוּא־הִכָּ֨ה אֶת־אֱדֹ֤ום בְּגֵיא־הַמֶּלַח עֲשֶׂ֣רֶת אֲלָפִ֔ים וְתָפַ֥שׂ אֶת־הַסֶּ֖לַע בַּמִּלְחָמָ֑ה וַיִּקְרָ֤א אֶת־שְׁמָהּ֙ יָקְתְאֵ֔ל עַ֖ד הַיֹּ֥ום הַזֶּֽה׃ פ

hẇʼ־hiká̇֨h ʼeţ־ʼèdò֤wm bĕ̇géyʼ־hamėlaẖ ʻàşê֣reţ ʼàlápi֔ym wĕţápa֥ş̂ ʼeţ־hasė֖laʻ bȧmi̇lĕẖámá֑h wayi̇qĕrá֤ʼ ʼeţ־şĕ̌máḣ֙ yáqĕţĕʼé֔l ʻa֖d hayò֥̇wm hazėֽh׃ p

8
אָ֣ז שָׁלַ֤ח אֲמַצְיָה֙ מַלְאָכִ֔ים אֶל־יְהֹואָ֨שׁ בֶּן־יְהֹואָחָ֧ז בֶּן־יֵה֛וּא מֶ֥לֶךְ יִשְׂרָאֵ֖ל לֵאמֹ֑ר לְכָ֖ה נִתְרָאֶ֥ה פָנִֽים׃

ʼá֣z şá̌la֤ẖ ʼàmaẕĕyáh֙ malĕʼáki֔ym ʼel־yĕhòwʼá֨ş̌ bėn־yĕhòwʼáẖá֧z bėn־yéh֛ẇʼ me֥lekĕ yişĕ̂ráʼé֖l léʼmò֑r lĕká֖h niţĕráʼe֥h pániֽym׃

9
וַיִּשְׁלַ֞ח יְהֹואָ֣שׁ מֶֽלֶךְ־יִשְׂרָאֵ֗ל אֶל־אֲמַצְיָ֣הוּ מֶֽלֶךְ־יְהוּדָה֮ לֵאמֹר֒ הַחֹ֜וחַ אֲשֶׁ֣ר בַּלְּבָנֹ֗ון שָׁ֠לַח אֶל־הָאֶ֜רֶז אֲשֶׁ֤ר בַּלְּבָנֹון֙ לֵאמֹ֔ר תְּנָֽה־אֶת־בִּתְּךָ֥ לִבְנִ֖י לְאִשָּׁ֑ה וַֽתַּעֲבֹ֞ר חַיַּ֤ת הַשָּׂדֶה֙ אֲשֶׁ֣ר בַּלְּבָנֹ֔ון וַתִּרְמֹ֖ס אֶת־הַחֹֽוחַ׃

wayi̇şĕ̌la֞ẖ yĕhòwʼá֣ş̌ meֽlekĕ־yişĕ̂ráʼé֗l ʼel־ʼàmaẕĕyá֣hẇ meֽlekĕ־yĕhẇdáh֮ léʼmòr֒ haẖò֜wẖa ʼàşě֣r bȧlĕ̇bánò֗wn şá̌֠laẖ ʼel־háʼe֜rez ʼàşě֤r bȧlĕ̇bánòwn֙ léʼmò֔r ţĕ̇náֽh־ʼeţ־bi̇ţĕ̇ká֥ libĕni֖y lĕʼişá֑̇̌h waֽţȧʻàbò֞r ẖayȧ֤ţ haşá̇̂deh֙ ʼàşě֣r bȧlĕ̇bánò֔wn waţi̇rĕmò֖s ʼeţ־haẖòֽwẖa׃

10
הַכֵּ֤ה הִכִּ֨יתָ֙ אֶת־אֱדֹ֔ום וּֽנְשָׂאֲךָ֖ לִבֶּ֑ךָ הִכָּבֵד֙ וְשֵׁ֣ב בְּבֵיתֶ֔ךָ וְלָ֤מָּה תִתְגָּרֶה֙ בְּרָעָ֔ה וְנָ֣פַלְתָּ֔ה אַתָּ֖ה וִיהוּדָ֥ה עִמָּֽךְ׃

haké֤̇h hiki̇֨yţá֙ ʼeţ־ʼèdò֔wm ẇֽnĕşá̂ʼàká֖ libė֑ká hiká̇béd֙ wĕşé֣̌b bĕ̇béyţe֔ká wĕlá֤má̇h ţiţĕgá̇reh֙ bĕ̇ráʻá֔h wĕná֣palĕţá̇֔h ʼaţá֖̇h wiyhẇdá֥h ʻimáֽ̇kĕ׃

11
וְלֹא־שָׁמַ֣ע אֲמַצְיָ֔הוּ וַיַּ֨עַל יְהֹואָ֤שׁ מֶֽלֶךְ־יִשְׂרָאֵל֙ וַיִּתְרָא֣וּ פָנִ֔ים ה֖וּא וַאֲמַצְיָ֣הוּ מֶֽלֶךְ־יְהוּדָ֑ה בְּבֵ֥ית שֶׁ֖מֶשׁ אֲשֶׁ֥ר לִיהוּדָֽה׃

wĕlòʼ־şá̌ma֣ʻ ʼàmaẕĕyá֔hẇ wayȧ֨ʻal yĕhòwʼá֤ş̌ meֽlekĕ־yişĕ̂ráʼél֙ wayi̇ţĕráʼ֣ẇ páni֔ym h֖ẇʼ waʼàmaẕĕyá֣hẇ meֽlekĕ־yĕhẇdá֑h bĕ̇bé֥yţ şě֖meş̌ ʼàşě֥r liyhẇdáֽh׃

12
וַיִּנָּ֥גֶף יְהוּדָ֖ה לִפְנֵ֣י יִשְׂרָאֵ֑ל וַיָּנֻ֖סוּ אִ֥ישׁ לְאָהֳלֹו

wayi̇ná֥̇gep yĕhẇdá֖h lipĕné֣y yişĕ̂ráʼé֑l wayá̇nu֖sẇ ʼi֥yş̌ lĕʼáholòw

13
וְאֵת֩ אֲמַצְיָ֨הוּ מֶֽלֶךְ־יְהוּדָ֜ה בֶּן־יְהֹואָ֣שׁ בֶּן־אֲחַזְיָ֗הוּ תָּפַ֛שׂ יְהֹואָ֥שׁ מֶֽלֶךְ־יִשְׂרָאֵ֖ל בְּבֵ֣ית שָׁ֑מֶשׁ וַיָּבֹאוּ יְר֣וּשָׁלִַ֔ם וַיִּפְרֹץ֩ בְּחֹומַ֨ת יְרוּשָׁלִַ֜ם בְּשַׁ֤עַר אֶפְרַ֨יִם֙ עַד־שַׁ֣עַר הַפִּנָּ֔ה אַרְבַּ֥ע מֵאֹ֖ות אַמָּֽה׃

wĕʼéţ֩ ʼàmaẕĕyá֨hẇ meֽlekĕ־yĕhẇdá֜h bėn־yĕhòwʼá֣ş̌ bėn־ʼàẖazĕyá֗hẇ ţá̇pa֛ş̂ yĕhòwʼá֥ş̌ meֽlekĕ־yişĕ̂ráʼé֖l bĕ̇bé֣yţ şá֑̌meş̌ wayá̇bòʼẇ yĕr֣ẇşá̌lia֔m wayi̇pĕròẕ֩ bĕ̇ẖòwma֨ţ yĕrẇşá̌lia֜m bĕ̇şǎ֤ʻar ʼepĕra֨yim֙ ʻad־şǎ֣ʻar hapi̇ná̇֔h ʼarĕbȧ֥ʻ méʼò֖wţ ʼamáֽ̇h׃

14
וְלָקַ֣ח אֶת־כָּל־הַזָּהָב־וְ֠הַכֶּסֶף וְאֵ֨ת כָּל־הַכֵּלִ֜ים הַנִּמְצְאִ֣ים בֵּית־יְהוָ֗ה וּבְאֹֽצְרֹות֙ בֵּ֣ית הַמֶּ֔לֶךְ וְאֵ֖ת בְּנֵ֣י הַתַּֽעֲרֻבֹ֑ות וַיָּ֖שָׁב שֹׁמְרֹֽונָה׃

wĕláqa֣ẖ ʼeţ־ká̇l־hazá̇háb־wĕ֠hakėsep wĕʼé֨ţ ká̇l־haké̇li֜ym hani̇mĕẕĕʼi֣ym bé̇yţ־yĕhwá֗h ẇbĕʼòֽẕĕròwţ֙ bé֣̇yţ hamė֔lekĕ wĕʼé֖ţ bĕ̇né֣y haţȧֽʻàrubò֑wţ wayá֖̇şá̌b şò̌mĕròֽwnáh׃

15
וְיֶתֶר֩ דִּבְרֵ֨י יְהֹואָ֜שׁ אֲשֶׁ֤ר עָשָׂה֙ וּגְב֣וּרָתֹ֔ו וַאֲשֶׁ֣ר נִלְחַ֔ם עִ֖ם אֲמַצְיָ֣הוּ מֶֽלֶךְ־יְהוּדָ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

wĕyeţer֩ di̇bĕré֨y yĕhòwʼá֜ş̌ ʼàşě֤r ʻáşá̂h֙ ẇgĕb֣ẇráţò֔w waʼàşě֣r nilĕẖa֔m ʻi֖m ʼàmaẕĕyá֣hẇ meֽlekĕ־yĕhẇdá֑h hàlòʼ־hé֣m kĕ̇ţẇbi֗ym ʻal־sé֛per di̇bĕré֥y hayá̇mi֖ym lĕmalĕké֥y yişĕ̂ráʼéֽl׃

16
וַיִּשְׁכַּ֤ב יְהֹואָשׁ֙ עִם־אֲבֹתָ֔יו וַיִּקָּבֵר֙ בְּשֹׁ֣מְרֹ֔ון עִ֖ם מַלְכֵ֣י יִשְׂרָאֵ֑ל וַיִּמְלֹ֛ךְ יָרָבְעָ֥ם בְּנֹ֖ו תַּחְתָּֽיו׃ פ

wayi̇şĕ̌kȧ֤b yĕhòwʼáş̌֙ ʻim־ʼàbòţá֔yw wayi̇qá̇bér֙ bĕ̇şò֣̌mĕrò֔wn ʻi֖m malĕké֣y yişĕ̂ráʼé֑l wayi̇mĕlò֛kĕ yárábĕʻá֥m bĕ̇nò֖w ţȧẖĕţáֽ̇yw׃ p

17
וַיְחִ֨י אֲמַצְיָ֤הוּ בֶן־יֹואָשׁ֙ מֶ֣לֶךְ יְהוּדָ֔ה אַֽחֲרֵ֣י מֹ֔ות יְהֹואָ֥שׁ בֶּן־יְהֹֽואָחָ֖ז מֶ֣לֶךְ יִשְׂרָאֵ֑ל חֲמֵ֥שׁ עֶשְׂרֵ֖ה שָׁנָֽה׃

wayĕẖi֨y ʼàmaẕĕyá֤hẇ ben־yòwʼáş̌֙ me֣lekĕ yĕhẇdá֔h ʼaֽẖàré֣y mò֔wţ yĕhòwʼá֥ş̌ bėn־yĕhòֽwʼáẖá֖z me֣lekĕ yişĕ̂ráʼé֑l ẖàmé֥ş̌ ʻeşĕ̂ré֖h şá̌náֽh׃

18
וְיֶ֖תֶר דִּבְרֵ֣י אֲמַצְיָ֑הוּ הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

wĕye֖ţer di̇bĕré֣y ʼàmaẕĕyá֑hẇ hàlòʼ־hé֣m kĕ̇ţẇbi֗ym ʻal־sé֛per di̇bĕré֥y hayá̇mi֖ym lĕmalĕké֥y yĕhẇdáֽh׃

19
וַיִּקְשְׁר֨וּ עָלָ֥יו קֶ֛שֶׁר בִּירוּשָׁלִַ֖ם וַיָּ֣נָס לָכִ֑ישָׁה וַיִּשְׁלְח֤וּ אַֽחֲרָיו֙ לָכִ֔ישָׁה וַיְמִתֻ֖הוּ שָֽׁם׃

wayi̇qĕşĕ̌r֨ẇ ʻálá֥yw qe֛şěr bi̇yrẇşá̌lia֖m wayá֣̇nás láki֑yşá̌h wayi̇şĕ̌lĕẖ֤ẇ ʼaֽẖàráyw֙ láki֔yşá̌h wayĕmiţu֖hẇ şáֽ̌m׃

20
וַיִּשְׂא֥וּ אֹתֹ֖ו עַל־הַסּוּסִ֑ים וַיִּקָּבֵ֧ר בִּירוּשָׁלִַ֛ם עִם־אֲבֹתָ֖יו בְּעִ֥יר דָּוִֽד׃

wayi̇şĕ̂ʼ֥ẇ ʼòţò֖w ʻal־haṡẇsi֑ym wayi̇qá̇bé֧r bi̇yrẇşá̌lia֛m ʻim־ʼàbòţá֖yw bĕ̇ʻi֥yr dá̇wiֽd׃

21
וַיִּקְח֞וּ כָּל־עַ֤ם יְהוּדָה֙ אֶת־עֲזַרְיָ֔ה וְה֕וּא בֶּן־שֵׁ֥שׁ עֶשְׂרֵ֖ה שָׁנָ֑ה וַיַּמְלִ֣כוּ אֹתֹ֔ו תַּ֖חַת אָבִ֥יו אֲמַצְיָֽהוּ׃

wayi̇qĕẖ֞ẇ ká̇l־ʻa֤m yĕhẇdáh֙ ʼeţ־ʻàzarĕyá֔h wĕh֕ẇʼ bėn־şé֥̌ş̌ ʻeşĕ̂ré֖h şá̌ná֑h wayȧmĕli֣kẇ ʼòţò֔w ţȧ֖ẖaţ ʼábi֥yw ʼàmaẕĕyáֽhẇ׃

22
ה֚וּא בָּנָ֣ה אֶת־אֵילַ֔ת וַיְשִׁבֶ֖הָ לִֽיהוּדָ֑ה אַחֲרֵ֥י שְׁכַֽב־הַמֶּ֖לֶךְ עִם־אֲבֹתָֽיו׃ פ

h֚ẇʼ bá̇ná֣h ʼeţ־ʼéyla֔ţ wayĕşǐbe֖há liֽyhẇdá֑h ʼaẖàré֥y şĕ̌kaֽb־hamė֖lekĕ ʻim־ʼàbòţáֽyw׃ p

23
בִּשְׁנַת֙ חֲמֵשׁ־עֶשְׂרֵ֣ה שָׁנָ֔ה לַאֲמַצְיָ֥הוּ בֶן־יֹואָ֖שׁ מֶ֣לֶךְ יְהוּדָ֑ה מָ֠לַךְ יָרָבְעָ֨ם בֶּן־יֹואָ֤שׁ מֶֽלֶךְ־יִשְׂרָאֵל֙ בְּשֹׁ֣מְרֹ֔ון אַרְבָּעִ֥ים וְאַחַ֖ת שָׁנָֽה׃

bi̇şĕ̌naţ֙ ẖàméş̌־ʻeşĕ̂ré֣h şá̌ná֔h laʼàmaẕĕyá֥hẇ ben־yòwʼá֖ş̌ me֣lekĕ yĕhẇdá֑h má֠lakĕ yárábĕʻá֨m bėn־yòwʼá֤ş̌ meֽlekĕ־yişĕ̂ráʼél֙ bĕ̇şò֣̌mĕrò֔wn ʼarĕbá̇ʻi֥ym wĕʼaẖa֖ţ şá̌náֽh׃

24
וַיַּ֥עַשׂ הָרַ֖ע בְּעֵינֵ֣י יְהוָ֑ה לֹ֣א סָ֗ר מִכָּל־חַטֹּאות֙ יָרָבְעָ֣ם בֶּן־נְבָ֔ט אֲשֶׁ֥ר הֶחֱטִ֖יא אֶת־יִשְׂרָאֵֽל׃

wayȧ֥ʻaş̂ hára֖ʻ bĕ̇ʻéyné֣y yĕhwá֑h lò֣ʼ sá֗r miká̇l־ẖatò̇ʼwţ֙ yárábĕʻá֣m bėn־nĕbá֔t ʼàşě֥r heẖèti֖yʼ ʼeţ־yişĕ̂ráʼéֽl׃

25
ה֗וּא הֵשִׁיב֙ אֶת־גְּב֣וּל יִשְׂרָאֵ֔ל מִלְּבֹ֥וא חֲמָ֖ת עַד־יָ֣ם הָעֲרָבָ֑ה כִּדְבַ֤ר יְהוָה֙ אֱלֹהֵ֣י יִשְׂרָאֵ֔ל אֲשֶׁ֣ר דִּבֶּ֗ר בְּיַד־עַבְדֹּ֞ו יֹונָ֤ה בֶן־אֲמִתַּי֙ הַנָּבִ֔יא אֲשֶׁ֖ר מִגַּ֥ת הַחֵֽפֶר׃

h֗ẇʼ héşǐyb֙ ʼeţ־gĕ̇b֣ẇl yişĕ̂ráʼé֔l milĕ̇bò֥wʼ ẖàmá֖ţ ʻad־yá֣m háʻàrábá֑h ki̇dĕba֤r yĕhwáh֙ ʼèlòhé֣y yişĕ̂ráʼé֔l ʼàşě֣r di̇bė֗r bĕ̇yad־ʻabĕdò̇֞w yòwná֤h ben־ʼàmiţȧy֙ haná̇bi֔yʼ ʼàşě֖r migȧ֥ţ haẖéֽper׃

26
כִּי־רָאָ֧ה יְהוָ֛ה אֶת־עֳנִ֥י יִשְׂרָאֵ֖ל מֹרֶ֣ה מְאֹ֑ד וְאֶ֤פֶס עָצוּר֙ וְאֶ֣פֶס עָז֔וּב וְאֵ֥ין עֹזֵ֖ר לְיִשְׂרָאֵֽל׃

ki̇y־ráʼá֧h yĕhwá֛h ʼeţ־ʻoni֥y yişĕ̂ráʼé֖l mòre֣h mĕʼò֑d wĕʼe֤pes ʻáẕẇr֙ wĕʼe֣pes ʻáz֔ẇb wĕʼé֥yn ʻòzé֖r lĕyişĕ̂ráʼéֽl׃

27
וְלֹא־דִבֶּ֣ר יְהוָ֔ה לִמְחֹות֙ אֶת־שֵׁ֣ם יִשְׂרָאֵ֔ל מִתַּ֖חַת הַשָּׁמָ֑יִם וַיֹּ֣ושִׁיעֵ֔ם בְּיַ֖ד יָרָבְעָ֥ם בֶּן־יֹואָֽשׁ׃

wĕlòʼ־dibė֣r yĕhwá֔h limĕẖòwţ֙ ʼeţ־şé֣̌m yişĕ̂ráʼé֔l miţȧ֖ẖaţ haşá̇̌má֑yim wayò֣̇wşǐyʻé֔m bĕ̇ya֖d yárábĕʻá֥m bėn־yòwʼáֽş̌׃

28
וְיֶתֶר֩ דִּבְרֵ֨י יָרָבְעָ֜ם וְכָל־אֲשֶׁ֤ר עָשָׂה֙ וּגְבוּרָתֹ֣ו אֲשֶׁר־נִלְחָ֔ם וַאֲשֶׁ֨ר הֵשִׁ֜יב אֶת־דַּמֶּ֧שֶׂק וְאֶת־חֲמָ֛ת לִיהוּדָ֖ה בְּיִשְׂרָאֵ֑ל הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

wĕyeţer֩ di̇bĕré֨y yárábĕʻá֜m wĕkál־ʼàşě֤r ʻáşá̂h֙ ẇgĕbẇráţò֣w ʼàşěr־nilĕẖá֔m waʼàşě֨r héşǐ֜yb ʼeţ־dȧmė֧şêq wĕʼeţ־ẖàmá֛ţ liyhẇdá֖h bĕ̇yişĕ̂ráʼé֑l hàlòʼ־hé֣m kĕ̇ţẇbi֗ym ʻal־sé֛per di̇bĕré֥y hayá̇mi֖ym lĕmalĕké֥y yişĕ̂ráʼéֽl׃

29
וַיִּשְׁכַּ֤ב יָֽרָבְעָם֙ עִם־אֲבֹתָ֔יו עִ֖ם מַלְכֵ֣י יִשְׂרָאֵ֑ל וַיִּמְלֹ֛ךְ זְכַרְיָ֥ה בְנֹ֖ו תַּחְתָּֽיו׃ פ

wayi̇şĕ̌kȧ֤b yáֽrábĕʻám֙ ʻim־ʼàbòţá֔yw ʻi֖m malĕké֣y yişĕ̂ráʼé֑l wayi̇mĕlò֛kĕ zĕkarĕyá֥h bĕnò֖w ţȧẖĕţáֽ̇yw׃ p