Bibles in ancient languages
Old translations
Modern translations

Biblia Hebraica Stuttgartensia 2 Rois 17:2

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
בִּשְׁנַת֙ שְׁתֵּ֣ים עֶשְׂרֵ֔ה לְאָחָ֖ז מֶ֣לֶךְ יְהוּדָ֑ה מָ֠לַךְ הֹושֵׁ֨עַ בֶּן־אֵלָ֧ה בְשֹׁמְרֹ֛ון עַל־יִשְׂרָאֵ֖ל תֵּ֥שַׁע שָׁנִֽים׃

bi̇şĕ̌naţ֙ şĕ̌ţé֣̇ym ʻeşĕ̂ré֔h lĕʼáẖá֖z me֣lekĕ yĕhẇdá֑h má֠lakĕ hòwşé̌֨ʻa bėn־ʼélá֧h bĕşò̌mĕrò֛wn ʻal־yişĕ̂ráʼé֖l ţé֥̇şǎʻ şá̌niֽym׃

2
וַיַּ֥עַשׂ הָרַ֖ע בְּעֵינֵ֣י יְהוָ֑ה רַ֗ק לֹ֚א כְּמַלְכֵ֣י יִשְׂרָאֵ֔ל אֲשֶׁ֥ר הָי֖וּ לְפָנָֽיו׃

wayȧ֥ʻaş̂ hára֖ʻ bĕ̇ʻéyné֣y yĕhwá֑h ra֗q lò֚ʼ kĕ̇malĕké֣y yişĕ̂ráʼé֔l ʼàşě֥r háy֖ẇ lĕpánáֽyw׃

3
עָלָ֣יו עָלָ֔ה שַׁלְמַנְאֶ֖סֶר מֶ֣לֶךְ אַשּׁ֑וּר וַֽיְהִי־לֹ֤ו הֹושֵׁ֨עַ֙ עֶ֔בֶד וַיָּ֥שֶׁב לֹ֖ו מִנְחָֽה׃

ʻálá֣yw ʻálá֔h şǎlĕmanĕʼe֖ser me֣lekĕ ʼaş֑̇̌ẇr waֽyĕhiy־lò֤w hòwşé̌֨ʻa֙ ʻe֔bed wayá֥̇şěb lò֖w minĕẖáֽh׃

4
וַיִּמְצָא֩ מֶֽלֶךְ־אַשּׁ֨וּר בְּהֹושֵׁ֜עַ קֶ֗שֶׁר אֲשֶׁ֨ר שָׁלַ֤ח מַלְאָכִים֙ אֶל־סֹ֣וא מֶֽלֶךְ־מִצְרַ֔יִם וְלֹא־הֶעֱלָ֥ה מִנְחָ֛ה לְמֶ֥לֶךְ אַשּׁ֖וּר כְּשָׁנָ֣ה בְשָׁנָ֑ה וַֽיַּעַצְרֵ֨הוּ֙ מֶ֣לֶךְ אַשּׁ֔וּר וַיַּאַסְרֵ֖הוּ בֵּ֥ית כֶּֽלֶא׃

wayi̇mĕẕáʼ֩ meֽlekĕ־ʼaş̇̌֨ẇr bĕ̇hòwşé̌֜ʻa qe֗şěr ʼàşě֨r şá̌la֤ẖ malĕʼákiym֙ ʼel־sò֣wʼ meֽlekĕ־miẕĕra֔yim wĕlòʼ־heʻèlá֥h minĕẖá֛h lĕme֥lekĕ ʼaş֖̇̌ẇr kĕ̇şá̌ná֣h bĕşá̌ná֑h waֽyȧʻaẕĕré֨hẇ֙ me֣lekĕ ʼaş̇̌֔ẇr wayȧʼasĕré֖hẇ bé֥̇yţ kėֽleʼ׃

5
וַיַּ֥עַל מֶֽלֶךְ־אַשּׁ֖וּר בְּכָל־הָאָ֑רֶץ וַיַּ֨עַל֙ שֹׁמְרֹ֔ון וַיָּ֥צַר עָלֶ֖יהָ שָׁלֹ֥שׁ שָׁנִֽים׃

wayȧ֥ʻal meֽlekĕ־ʼaş֖̇̌ẇr bĕ̇kál־háʼá֑reẕ wayȧ֨ʻal֙ şò̌mĕrò֔wn wayá֥̇ẕar ʻále֖yhá şá̌lò֥ş̌ şá̌niֽym׃

6
בִּשְׁנַ֨ת הַתְּשִׁיעִ֜ית לְהֹושֵׁ֗עַ לָכַ֤ד מֶֽלֶךְ־אַשּׁוּר֙ אֶת־שֹׁ֣מְרֹ֔ון וַיֶּ֥גֶל אֶת־יִשְׂרָאֵ֖ל אַשּׁ֑וּרָה וַיֹּ֨שֶׁב אֹתָ֜ם בַּחְלַ֧ח וּבְחָבֹ֛ור נְהַ֥ר גֹּוזָ֖ן וְעָרֵ֥י מָדָֽי׃ פ

bi̇şĕ̌na֨ţ haţĕ̇şǐyʻi֜yţ lĕhòwşé̌֗ʻa láka֤d meֽlekĕ־ʼaş̇̌ẇr֙ ʼeţ־şò֣̌mĕrò֔wn wayė֥gel ʼeţ־yişĕ̂ráʼé֖l ʼaş֑̇̌ẇráh wayò̇֨şěb ʼòţá֜m bȧẖĕla֧ẖ ẇbĕẖábò֛wr nĕha֥r gò̇wzá֖n wĕʻáré֥y mádáֽy׃ p

7
וַיְהִ֗י כִּֽי־חָטְא֤וּ בְנֵֽי־יִשְׂרָאֵל֙ לַיהוָ֣ה אֱלֹהֵיהֶ֔ם הַמַּעֲלֶ֤ה אֹתָם֙ מֵאֶ֣רֶץ מִצְרַ֔יִם מִתַּ֕חַת יַ֖ד פַּרְעֹ֣ה מֶֽלֶךְ־מִצְרָ֑יִם וַיִּֽירְא֖וּ אֱלֹהִ֥ים אֲחֵרִֽים׃

wayĕhi֗y kiֽ̇y־ẖátĕʼ֤ẇ bĕnéֽy־yişĕ̂ráʼél֙ layhwá֣h ʼèlòhéyhe֔m hamȧʻàle֤h ʼòţám֙ méʼe֣reẕ miẕĕra֔yim miţȧ֕ẖaţ ya֖d pȧrĕʻò֣h meֽlekĕ־miẕĕrá֑yim wayiֽ̇yrĕʼ֖ẇ ʼèlòhi֥ym ʼàẖériֽym׃

8
וַיֵּֽלְכוּ֙ בְּחֻקֹּ֣ות הַגֹּויִ֔ם אֲשֶׁר֙ הֹורִ֣ישׁ יְהוָ֔ה מִפְּנֵ֖י בְּנֵ֣י יִשְׂרָאֵ֑ל וּמַלְכֵ֥י יִשְׂרָאֵ֖ל אֲשֶׁ֥ר עָשֽׂוּ׃

wayéֽ̇lĕkẇ֙ bĕ̇ẖuqò֣̇wţ hagò̇wyi֔m ʼàşěr֙ hòwri֣yş̌ yĕhwá֔h mipĕ̇né֖y bĕ̇né֣y yişĕ̂ráʼé֑l ẇmalĕké֥y yişĕ̂ráʼé֖l ʼàşě֥r ʻáşֽ̂ẇ׃

9
וַיְחַפְּא֣וּ בְנֵֽי־יִשְׂרָאֵ֗ל דְּבָרִים֙ אֲשֶׁ֣ר לֹא־כֵ֔ן עַל־יְהוָ֖ה אֱלֹהֵיהֶ֑ם וַיִּבְנ֨וּ לָהֶ֤ם בָּמֹות֙ בְּכָל־עָ֣רֵיהֶ֔ם מִמִּגְדַּ֥ל נֹוצְרִ֖ים עַד־עִ֥יר מִבְצָֽר׃

wayĕẖapĕ̇ʼ֣ẇ bĕnéֽy־yişĕ̂ráʼé֗l dĕ̇báriym֙ ʼàşě֣r lòʼ־ké֔n ʻal־yĕhwá֖h ʼèlòhéyhe֑m wayi̇bĕn֨ẇ láhe֤m bá̇mòwţ֙ bĕ̇kál־ʻá֣réyhe֔m mimi̇gĕdȧ֥l nòwẕĕri֖ym ʻad־ʻi֥yr mibĕẕáֽr׃

10
וַיַּצִּ֧בוּ לָהֶ֛ם מַצֵּבֹ֖ות וַאֲשֵׁרִ֑ים עַ֚ל כָּל־גִּבְעָ֣ה גְבֹהָ֔ה וְתַ֖חַת כָּל־עֵ֥ץ רַעֲנָֽן׃

wayȧẕi֧̇bẇ láhe֛m maẕé̇bò֖wţ waʼàşé̌ri֑ym ʻa֚l ká̇l־gi̇bĕʻá֣h gĕbòhá֔h wĕţa֖ẖaţ ká̇l־ʻé֥ẕ raʻànáֽn׃

11
וַיְקַטְּרוּ־שָׁם֙ בְּכָל־בָּמֹ֔ות כַּגֹּויִ֕ם אֲשֶׁר־הֶגְלָ֥ה יְהוָ֖ה מִפְּנֵיהֶ֑ם וַֽיַּעֲשׂוּ֙ דְּבָרִ֣ים רָעִ֔ים לְהַכְעִ֖יס אֶת־יְהוָֽה׃

wayĕqatĕ̇rẇ־şá̌m֙ bĕ̇kál־bá̇mò֔wţ kȧgò̇wyi֕m ʼàşěr־hegĕlá֥h yĕhwá֖h mipĕ̇néyhe֑m waֽyȧʻàş̂ẇ֙ dĕ̇bári֣ym ráʻi֔ym lĕhakĕʻi֖ys ʼeţ־yĕhwáֽh׃

12
וַיַּֽעַבְד֖וּ הַגִּלֻּלִ֑ים אֲשֶׁ֨ר אָמַ֤ר יְהוָה֙ לָהֶ֔ם לֹ֥א תַעֲשׂ֖וּ אֶת־הַדָּבָ֥ר הַזֶּֽה׃

wayȧֽʻabĕd֖ẇ hagi̇lu̇li֑ym ʼàşě֨r ʼáma֤r yĕhwáh֙ láhe֔m lò֥ʼ ţaʻàş֖̂ẇ ʼeţ־hadá̇bá֥r hazėֽh׃

13
וַיָּ֣עַד יְהוָ֡ה בְּיִשְׂרָאֵ֣ל וּבִיהוּדָ֡ה בְּיַד֩ כָּל־נְבִיאֹו כָל־חֹזֶ֜ה לֵאמֹ֗ר שֻׁ֝֩בוּ מִדַּרְכֵיכֶ֤ם הָֽרָעִים֙ וְשִׁמְרוּ֙ מִצְוֹתַ֣י חֻקֹּותַ֔י כְּכָ֨ל־הַתֹּורָ֔ה אֲשֶׁ֥ר צִוִּ֖יתִי אֶת־אֲבֹֽתֵיכֶ֑ם וַֽאֲשֶׁר֙ שָׁלַ֣חְתִּי אֲלֵיכֶ֔ם בְּיַ֖ד עֲבָדַ֥י הַנְּבִיאִֽים׃

wayá֣̇ʻad yĕhwá֡h bĕ̇yişĕ̂ráʼé֣l ẇbiyhẇdá֡h bĕ̇yad֩ ká̇l־nĕbiyʼòw kál־ẖòze֜h léʼmò֗r şǔ֝֩bẇ midȧrĕkéyke֤m háֽráʻiym֙ wĕşǐmĕrẇ֙ miẕĕwòţa֣y ẖuqò̇wţa֔y kĕ̇ká֨l־haţò̇wrá֔h ʼàşě֥r ẕiwi֖̇yţiy ʼeţ־ʼàbòֽţéyke֑m waֽʼàşěr֙ şá̌la֣ẖĕţi̇y ʼàléyke֔m bĕ̇ya֖d ʻàbáda֥y hanĕ̇biyʼiֽym׃

14
וְלֹ֖א שָׁמֵ֑עוּ וַיַּקְשׁ֤וּ אֶת־עָרְפָּם֙ כְּעֹ֣רֶף אֲבֹותָ֔ם אֲשֶׁר֙ לֹ֣א הֶאֱמִ֔ינוּ בַּֽיהוָ֖ה אֱלֹהֵיהֶֽם׃

wĕlò֖ʼ şá̌mé֑ʻẇ wayȧqĕş֤̌ẇ ʼeţ־ʻárĕpá̇m֙ kĕ̇ʻò֣rep ʼàbòwţá֔m ʼàşěr֙ lò֣ʼ heʼèmi֔ynẇ bȧֽyhwá֖h ʼèlòhéyheֽm׃

15
וַיִּמְאֲס֣וּ אֶת־חֻקָּ֗יו וְאֶת־בְּרִיתֹו֙ אֲשֶׁ֣ר כָּרַ֣ת אֶת־אֲבֹותָ֔ם וְאֵת֙ עֵֽדְוֹתָ֔יו אֲשֶׁ֥ר הֵעִ֖יד בָּ֑ם וַיֵּ֨לְכוּ֜ אַחֲרֵ֤י הַהֶ֨בֶל֙ וַיֶּהְבָּ֔לוּ וְאַחֲרֵ֤י הַגֹּויִם֙ אֲשֶׁ֣ר סְבִֽיבֹתָ֔ם אֲשֶׁ֨ר צִוָּ֤ה יְהוָה֙ אֹתָ֔ם לְבִלְתִּ֖י עֲשֹׂ֥ות כָּהֶֽם׃

wayi̇mĕʼàs֣ẇ ʼeţ־ẖuqá̇֗yw wĕʼeţ־bĕ̇riyţòw֙ ʼàşě֣r ká̇ra֣ţ ʼeţ־ʼàbòwţá֔m wĕʼéţ֙ ʻéֽdĕwòţá֔yw ʼàşě֥r héʻi֖yd bá֑̇m wayé̇֨lĕkẇ֜ ʼaẖàré֤y hahe֨bel֙ wayėhĕbá̇֔lẇ wĕʼaẖàré֤y hagò̇wyim֙ ʼàşě֣r sĕbiֽybòţá֔m ʼàşě֨r ẕiwá֤̇h yĕhwáh֙ ʼòţá֔m lĕbilĕţi֖̇y ʻàşò֥̂wţ ká̇heֽm׃

16
וַיַּעַזְב֗וּ אֶת־כָּל־מִצְוֹת֙ יְהוָ֣ה אֱלֹהֵיהֶ֔ם וַיַּעֲשׂ֥וּ לָהֶ֛ם מַסֵּכָ֖ה שְׁנֵים עֲגָלִ֑ים וַיַּעֲשׂ֣וּ אֲשֵׁירָ֗ה וַיִּֽשְׁתַּחֲווּ֙ לְכָל־צְבָ֣א הַשָּׁמַ֔יִם וַיַּעַבְד֖וּ אֶת־הַבָּֽעַל׃

wayȧʻazĕb֗ẇ ʼeţ־ká̇l־miẕĕwòţ֙ yĕhwá֣h ʼèlòhéyhe֔m wayȧʻàş֥̂ẇ láhe֛m masé̇ká֖h şĕ̌néym ʻàgáli֑ym wayȧʻàş֣̂ẇ ʼàşé̌yrá֗h wayiֽ̇şĕ̌ţȧẖàwẇ֙ lĕkál־ẕĕbá֣ʼ haşá̇̌ma֔yim wayȧʻabĕd֖ẇ ʼeţ־habáֽ̇ʻal׃

17
וַֽ֠יַּעֲבִירוּ אֶת־בְּנֵיהֶ֤ם וְאֶת־בְּנֹֽותֵיהֶם֙ בָּאֵ֔שׁ וַיִּקְסְמ֥וּ קְסָמִ֖ים וַיְנַחֵ֑שׁוּ וַיִּֽתְמַכְּר֗וּ לַעֲשֹׂ֥ות הָרַ֛ע בְּעֵינֵ֥י יְהוָ֖ה לְהַכְעִיסֹֽו׃

waֽ֠yȧʻàbiyrẇ ʼeţ־bĕ̇néyhe֤m wĕʼeţ־bĕ̇nòֽwţéyhem֙ bá̇ʼé֔ş̌ wayi̇qĕsĕm֥ẇ qĕsámi֖ym wayĕnaẖé֑ş̌ẇ wayiֽ̇ţĕmakĕ̇r֗ẇ laʻàşò֥̂wţ hára֛ʻ bĕ̇ʻéyné֥y yĕhwá֖h lĕhakĕʻiysòֽw׃

18
וַיִּתְאַנַּ֨ף יְהוָ֤ה מְאֹד֙ בְּיִשְׂרָאֵ֔ל וַיְסִרֵ֖ם מֵעַ֣ל פָּנָ֑יו לֹ֣א נִשְׁאַ֔ר רַ֛ק שֵׁ֥בֶט יְהוּדָ֖ה לְבַדֹּֽו׃

wayi̇ţĕʼanȧ֨p yĕhwá֤h mĕʼòd֙ bĕ̇yişĕ̂ráʼé֔l wayĕsiré֖m méʻa֣l pá̇ná֑yw lò֣ʼ nişĕ̌ʼa֔r ra֛q şé֥̌bet yĕhẇdá֖h lĕbadòֽ̇w׃

19
גַּם־יְהוּדָ֕ה לֹ֣א שָׁמַ֔ר אֶת־מִצְוֹ֖ת יְהוָ֣ה אֱלֹהֵיהֶ֑ם וַיֵּ֣לְכ֔וּ בְּחֻקֹּ֥ות יִשְׂרָאֵ֖ל אֲשֶׁ֥ר עָשֽׂוּ׃

gȧm־yĕhẇdá֕h lò֣ʼ şá̌ma֔r ʼeţ־miẕĕwò֖ţ yĕhwá֣h ʼèlòhéyhe֑m wayé֣̇lĕk֔ẇ bĕ̇ẖuqò֥̇wţ yişĕ̂ráʼé֖l ʼàşě֥r ʻáşֽ̂ẇ׃

20
וַיִּמְאַ֨ס יְהוָ֜ה בְּכָל־זֶ֤רַע יִשְׂרָאֵל֙ וַיְעַנֵּ֔ם וַֽיִּתְּנֵ֖ם בְּיַד־שֹׁסִ֑ים עַ֛ד אֲשֶׁ֥ר הִשְׁלִיכָ֖ם מִפָּנָֽיו׃

wayi̇mĕʼa֨s yĕhwá֜h bĕ̇kál־ze֤raʻ yişĕ̂ráʼél֙ wayĕʻané̇֔m waֽyi̇ţĕ̇né֖m bĕ̇yad־şò̌si֑ym ʻa֛d ʼàşě֥r hişĕ̌liyká֖m mipá̇náֽyw׃

21
כִּֽי־קָרַ֣ע יִשְׂרָאֵ֗ל מֵעַל֙ בֵּ֣ית דָּוִ֔ד וַיַּמְלִ֖יכוּ אֶת־יָרָבְעָ֣ם בֶּן־נְבָ֑ט וַיַּדֵּא יָרָבְעָ֤ם אֶת־יִשְׂרָאֵל֙ מֵאַחֲרֵ֣י יְהוָ֔ה וְהֶחֱטֵיאָ֖ם חֲטָאָ֥ה גְדֹולָֽה׃

kiֽ̇y־qára֣ʻ yişĕ̂ráʼé֗l méʻal֙ bé֣̇yţ dá̇wi֔d wayȧmĕli֖ykẇ ʼeţ־yárábĕʻá֣m bėn־nĕbá֑t wayȧdé̇ʼ yárábĕʻá֤m ʼeţ־yişĕ̂ráʼél֙ méʼaẖàré֣y yĕhwá֔h wĕheẖètéyʼá֖m ẖàtáʼá֥h gĕdòwláֽh׃

22
וַיֵּֽלְכוּ֙ בְּנֵ֣י יִשְׂרָאֵ֔ל בְּכָל־חַטֹּ֥אות יָרָבְעָ֖ם אֲשֶׁ֣ר עָשָׂ֑ה לֹא־סָ֖רוּ מִמֶּֽנָּה׃

wayéֽ̇lĕkẇ֙ bĕ̇né֣y yişĕ̂ráʼé֔l bĕ̇kál־ẖatò֥̇ʼwţ yárábĕʻá֖m ʼàşě֣r ʻáşá֑̂h lòʼ־sá֖rẇ mimėֽná̇h׃

23
עַ֠ד אֲשֶׁר־הֵסִ֨יר יְהוָ֤ה אֶת־יִשְׂרָאֵל֙ מֵעַ֣ל פָּנָ֔יו כַּאֲשֶׁ֣ר דִּבֶּ֔ר בְּיַ֖ד כָּל־עֲבָדָ֣יו הַנְּבִיאִ֑ים וַיִּ֨גֶל יִשְׂרָאֵ֜ל מֵעַ֤ל אַדְמָתֹו֙ אַשּׁ֔וּרָה עַ֖ד הַיֹּ֥ום הַזֶּֽה׃ פ

ʻa֠d ʼàşěr־hési֨yr yĕhwá֤h ʼeţ־yişĕ̂ráʼél֙ méʻa֣l pá̇ná֔yw kȧʼàşě֣r di̇bė֔r bĕ̇ya֖d ká̇l־ʻàbádá֣yw hanĕ̇biyʼi֑ym wayi̇֨gel yişĕ̂ráʼé֜l méʻa֤l ʼadĕmáţòw֙ ʼaş̇̌֔ẇráh ʻa֖d hayò֥̇wm hazėֽh׃ p

24
וַיָּבֵ֣א מֶֽלֶךְ־אַשּׁ֡וּר מִבָּבֶ֡ל וּ֠מִ֠כּוּתָה וּמֵעַוָּ֤א וּמֵֽחֲמָת֙ וּסְפַרְוַ֔יִם וַיֹּ֨שֶׁב֙ בְּעָרֵ֣י שֹֽׁמְרֹ֔ון תַּ֖חַת בְּנֵ֣י יִשְׂרָאֵ֑ל וַיִּֽרְשׁוּ֙ אֶת־שֹׁ֣מְרֹ֔ון וַיֵּֽשְׁב֖וּ בְּעָרֶֽיהָ׃

wayá̇bé֣ʼ meֽlekĕ־ʼaş̇̌֡ẇr mibá̇be֡l ẇ֠mi֠k̇ẇţáh ẇméʻawá֤̇ʼ ẇméֽẖàmáţ֙ ẇsĕparĕwa֔yim wayò̇֨şěb֙ bĕ̇ʻáré֣y şòֽ̌mĕrò֔wn ţȧ֖ẖaţ bĕ̇né֣y yişĕ̂ráʼé֑l wayiֽ̇rĕş̌ẇ֙ ʼeţ־şò֣̌mĕrò֔wn wayéֽ̇şĕ̌b֖ẇ bĕ̇ʻáreֽyhá׃

25
וַיְהִ֗י בִּתְחִלַּת֙ שִׁבְתָּ֣ם שָׁ֔ם לֹ֥א יָרְא֖וּ אֶת־יְהוָ֑ה וַיְשַׁלַּ֨ח יְהוָ֤ה בָּהֶם֙ אֶת־הָ֣אֲרָיֹ֔ות וַיִּֽהְי֥וּ הֹרְגִ֖ים בָּהֶֽם׃

wayĕhi֗y bi̇ţĕẖilȧţ֙ şǐbĕţá֣̇m şá̌֔m lò֥ʼ yárĕʼ֖ẇ ʼeţ־yĕhwá֑h wayĕşǎlȧ֨ẖ yĕhwá֤h bá̇hem֙ ʼeţ־há֣ʼàráyò֔wţ wayiֽ̇hĕy֥ẇ hòrĕgi֖ym bá̇heֽm׃

26
וַיֹּאמְר֗וּ לְמֶ֣לֶךְ אַשּׁוּר֮ לֵאמֹר֒ הַגֹּויִ֗ם אֲשֶׁ֤ר הִגְלִ֨יתָ֙ וַתֹּ֨ושֶׁב֙ בְּעָרֵ֣י שֹׁמְרֹ֔ון לֹ֣א יָֽדְע֔וּ אֶת־מִשְׁפַּ֖ט אֱלֹהֵ֣י הָאָ֑רֶץ וַיְשַׁלַּח־בָּ֣ם אֶת־הָאֲרָיֹ֗ות וְהִנָּם֙ מְמִיתִ֣ים אֹותָ֔ם כַּאֲשֶׁר֙ אֵינָ֣ם יֹדְעִ֔ים אֶת־מִשְׁפַּ֖ט אֱלֹהֵ֥י הָאָֽרֶץ׃

wayò̇ʼmĕr֗ẇ lĕme֣lekĕ ʼaş̇̌ẇr֮ léʼmòr֒ hagò̇wyi֗m ʼàşě֤r higĕli֨yţá֙ waţò̇֨wşěb֙ bĕ̇ʻáré֣y şò̌mĕrò֔wn lò֣ʼ yáֽdĕʻ֔ẇ ʼeţ־mişĕ̌pȧ֖t ʼèlòhé֣y háʼá֑reẕ wayĕşǎlȧẖ־bá֣̇m ʼeţ־háʼàráyò֗wţ wĕhiná̇m֙ mĕmiyţi֣ym ʼòwţá֔m kȧʼàşěr֙ ʼéyná֣m yòdĕʻi֔ym ʼeţ־mişĕ̌pȧ֖t ʼèlòhé֥y háʼáֽreẕ׃

27
וַיְצַ֨ו מֶֽלֶךְ־אַשּׁ֜וּר לֵאמֹ֗ר הֹלִ֤יכוּ שָׁ֨מָּה֙ אֶחָ֤ד מֵהַכֹּֽהֲנִים֙ אֲשֶׁ֣ר הִגְלִיתֶ֣ם מִשָּׁ֔ם וְיֵלְכ֖וּ וְיֵ֣שְׁבוּ שָׁ֑ם וְיֹרֵ֕ם אֶת־מִשְׁפַּ֖ט אֱלֹהֵ֥י הָאָֽרֶץ׃

wayĕẕa֨w meֽlekĕ־ʼaş̇̌֜ẇr léʼmò֗r hòli֤ykẇ şá̌֨má̇h֙ ʼeẖá֤d méhakòֽ̇hàniym֙ ʼàşě֣r higĕliyţe֣m mişá̇̌֔m wĕyélĕk֖ẇ wĕyé֣şĕ̌bẇ şá֑̌m wĕyòré֕m ʼeţ־mişĕ̌pȧ֖t ʼèlòhé֥y háʼáֽreẕ׃

28
וַיָּבֹ֞א אֶחָ֣ד מֵהַכֹּהֲנִ֗ים אֲשֶׁ֤ר הִגְלוּ֙ מִשֹּׁ֣מְרֹ֔ון וַיֵּ֖שֶׁב בְּבֵֽית־אֵ֑ל וַֽיְהִי֙ מֹורֶ֣ה אֹתָ֔ם אֵ֖יךְ יִֽירְא֥וּ אֶת־יְהוָֽה׃

wayá̇bò֞ʼ ʼeẖá֣d méhakò̇hàni֗ym ʼàşě֤r higĕlẇ֙ mişò֣̇̌mĕrò֔wn wayé֖̇şěb bĕ̇béֽyţ־ʼé֑l waֽyĕhiy֙ mòwre֣h ʼòţá֔m ʼé֖ykĕ yiֽyrĕʼ֥ẇ ʼeţ־yĕhwáֽh׃

29
וַיִּהְי֣וּ עֹשִׂ֔ים גֹּ֥וי גֹּ֖וי אֱלֹהָ֑יו וַיַּנִּ֣יחוּ׀ בְּבֵ֣ית הַבָּמֹ֗ות אֲשֶׁ֤ר עָשׂוּ֙ הַשֹּׁ֣מְרֹנִ֔ים גֹּ֥וי גֹּוי֙ בְּעָ֣רֵיהֶ֔ם אֲשֶׁ֛ר הֵ֥ם יֹשְׁבִ֖ים שָֽׁם׃

wayi̇hĕy֣ẇ ʻòşî֔ym gò֥̇wy gò֖̇wy ʼèlòhá֑yw wayȧni֣̇yẖẇ׀ bĕ̇bé֣yţ habá̇mò֗wţ ʼàşě֤r ʻáş̂ẇ֙ haşò֣̇̌mĕròni֔ym gò֥̇wy gò̇wy֙ bĕ̇ʻá֣réyhe֔m ʼàşě֛r hé֥m yòşĕ̌bi֖ym şáֽ̌m׃

30
וְאַנְשֵׁ֣י בָבֶ֗ל עָשׂוּ֙ אֶת־סֻכֹּ֣ות בְּנֹ֔ות וְאַנְשֵׁי־כ֔וּת עָשׂ֖וּ אֶת־נֵֽרְגַ֑ל וְאַנְשֵׁ֥י חֲמָ֖ת עָשׂ֥וּ אֶת־אֲשִׁימָֽא׃

wĕʼanĕşé֣̌y bábe֗l ʻáş̂ẇ֙ ʼeţ־sukò֣̇wţ bĕ̇nò֔wţ wĕʼanĕşé̌y־k֔ẇţ ʻáş֖̂ẇ ʼeţ־néֽrĕga֑l wĕʼanĕşé֥̌y ẖàmá֖ţ ʻáş֥̂ẇ ʼeţ־ʼàşǐymáֽʼ׃

31
וְהָעַוִּ֛ים עָשׂ֥וּ נִבְחַ֖ז וְאֶת־תַּרְתָּ֑ק וְהַסְפַרְוִ֗ים שֹׂרְפִ֤ים אֶת־בְּנֵיהֶם֙ בָּאֵ֔שׁ לְאַדְרַמֶּ֥לֶךְ וַֽעֲנַמֶּ֖לֶךְ אֱלֹהַּ סְפַרִים

wĕháʻawi֛̇ym ʻáş֥̂ẇ nibĕẖa֖z wĕʼeţ־ţȧrĕţá֑̇q wĕhasĕparĕwi֗ym şò̂rĕpi֤ym ʼeţ־bĕ̇néyhem֙ bá̇ʼé֔ş̌ lĕʼadĕramė֥lekĕ waֽʻànamė֖lekĕ ʼèlòhȧ sĕpariym

32
וַיִּהְי֥וּ יְרֵאִ֖ים אֶת־יְהוָ֑ה וַיַּעֲשׂ֨וּ לָהֶ֤ם מִקְצֹותָם֙ כֹּהֲנֵ֣י בָמֹ֔ות וַיִּהְי֛וּ עֹשִׂ֥ים לָהֶ֖ם בְּבֵ֥ית הַבָּמֹֽות׃

wayi̇hĕy֥ẇ yĕréʼi֖ym ʼeţ־yĕhwá֑h wayȧʻàş̂֨ẇ láhe֤m miqĕẕòwţám֙ kò̇hàné֣y bámò֔wţ wayi̇hĕy֛ẇ ʻòşî֥ym láhe֖m bĕ̇bé֥yţ habá̇mòֽwţ׃

33
אֶת־יְהוָ֖ה הָי֣וּ יְרֵאִ֑ים וְאֶת־אֱלֹֽהֵיהֶם֙ הָי֣וּ עֹֽבְדִ֔ים כְּמִשְׁפַּט֙ הַגֹּויִ֔ם אֲשֶׁר־הִגְל֥וּ אֹתָ֖ם מִשָּֽׁם׃

ʼeţ־yĕhwá֖h háy֣ẇ yĕréʼi֑ym wĕʼeţ־ʼèlòֽhéyhem֙ háy֣ẇ ʻòֽbĕdi֔ym kĕ̇mişĕ̌pȧt֙ hagò̇wyi֔m ʼàşěr־higĕl֥ẇ ʼòţá֖m mişáֽ̇̌m׃

34
עַ֣ד הַיֹּ֤ום הַזֶּה֙ הֵ֣ם עֹשִׂ֔ים כַּמִּשְׁפָּטִ֖ים הָרִֽאשֹׁנִ֑ים אֵינָ֤ם יְרֵאִים֙ אֶת־יְהוָ֔ה וְאֵינָ֣ם עֹשִׂ֗ים כְּחֻקֹּתָם֙ וּכְמִשְׁפָּטָ֔ם וְכַתֹּורָ֣ה וְכַמִּצְוָ֗ה אֲשֶׁ֨ר צִוָּ֤ה יְהוָה֙ אֶת־בְּנֵ֣י יַעֲקֹ֔ב אֲשֶׁר־שָׂ֥ם שְׁמֹ֖ו יִשְׂרָאֵֽל׃

ʻa֣d hayò֤̇wm hazėh֙ hé֣m ʻòşî֔ym kȧmi̇şĕ̌pá̇ti֖ym háriֽʼşò̌ni֑ym ʼéyná֤m yĕréʼiym֙ ʼeţ־yĕhwá֔h wĕʼéyná֣m ʻòşî֗ym kĕ̇ẖuqò̇ţám֙ ẇkĕmişĕ̌pá̇tá֔m wĕkaţò̇wrá֣h wĕkami̇ẕĕwá֗h ʼàşě֨r ẕiwá֤̇h yĕhwáh֙ ʼeţ־bĕ̇né֣y yaʻàqò֔b ʼàşěr־şá֥̂m şĕ̌mò֖w yişĕ̂ráʼéֽl׃

35
וַיִּכְרֹ֨ת יְהוָ֤ה אִתָּם֙ בְּרִ֔ית וַיְצַוֵּ֣ם לֵאמֹ֔ר לֹ֥א תִֽירְא֖וּ אֱלֹהִ֣ים אֲחֵרִ֑ים וְלֹא־תִשְׁתַּחֲו֣וּ לָהֶ֔ם וְלֹ֣א תַעַבְד֔וּם וְלֹ֥א תִזְבְּח֖וּ לָהֶֽם׃

wayi̇kĕrò֨ţ yĕhwá֤h ʼiţá̇m֙ bĕ̇ri֔yţ wayĕẕawé֣̇m léʼmò֔r lò֥ʼ ţiֽyrĕʼ֖ẇ ʼèlòhi֣ym ʼàẖéri֑ym wĕlòʼ־ţişĕ̌ţȧẖàw֣ẇ láhe֔m wĕlò֣ʼ ţaʻabĕd֔ẇm wĕlò֥ʼ ţizĕbĕ̇ẖ֖ẇ láheֽm׃

36
כִּ֣י אִֽם־אֶת־יְהוָ֗ה אֲשֶׁר֩ הֶעֱלָ֨ה אֶתְכֶ֜ם מֵאֶ֧רֶץ מִצְרַ֛יִם בְּכֹ֧חַ גָּדֹ֛ול וּבִזְרֹ֥ועַ נְטוּיָ֖ה אֹתֹ֣ו תִירָ֑אוּ וְלֹ֥ו תִֽשְׁתַּחֲו֖וּ וְלֹ֥ו תִזְבָּֽחוּ׃

ki֣̇y ʼiֽm־ʼeţ־yĕhwá֗h ʼàşěr֩ heʻèlá֨h ʼeţĕke֜m méʼe֧reẕ miẕĕra֛yim bĕ̇kò֧ẖa gá̇dò֛wl ẇbizĕrò֥wʻa nĕtẇyá֖h ʼòţò֣w ţiyrá֑ʼẇ wĕlò֥w ţiֽşĕ̌ţȧẖàw֖ẇ wĕlò֥w ţizĕbáֽ̇ẖẇ׃

37
וְאֶת־הַחֻקִּ֨ים וְאֶת־הַמִּשְׁפָּטִ֜ים וְהַתֹּורָ֤ה וְהַמִּצְוָה֙ אֲשֶׁ֣ר כָּתַ֣ב לָכֶ֔ם תִּשְׁמְר֥וּן לַעֲשֹׂ֖ות כָּל־הַיָּמִ֑ים וְלֹ֥א תִֽירְא֖וּ אֱלֹהִ֥ים אֲחֵרִֽים׃

wĕʼeţ־haẖuqi̇֨ym wĕʼeţ־hami̇şĕ̌pá̇ti֜ym wĕhaţò̇wrá֤h wĕhami̇ẕĕwáh֙ ʼàşě֣r ká̇ţa֣b láke֔m ţi̇şĕ̌mĕr֥ẇn laʻàşò֖̂wţ ká̇l־hayá̇mi֑ym wĕlò֥ʼ ţiֽyrĕʼ֖ẇ ʼèlòhi֥ym ʼàẖériֽym׃

38
וְהַבְּרִ֛ית אֲשֶׁר־כָּרַ֥תִּי אִתְּכֶ֖ם לֹ֣א תִשְׁכָּ֑חוּ וְלֹ֥א תִֽירְא֖וּ אֱלֹהִ֥ים אֲחֵרִֽים׃

wĕhabĕ̇ri֛yţ ʼàşěr־ká̇ra֥ţi̇y ʼiţĕ̇ke֖m lò֣ʼ ţişĕ̌ká֑̇ẖẇ wĕlò֥ʼ ţiֽyrĕʼ֖ẇ ʼèlòhi֥ym ʼàẖériֽym׃

39
כִּ֛י אִֽם־אֶת־יְהוָ֥ה אֱלֹהֵיכֶ֖ם תִּירָ֑אוּ וְהוּא֙ יַצִּ֣יל אֶתְכֶ֔ם מִיַּ֖ד כָּל־אֹיְבֵיכֶֽם׃

ki֛̇y ʼiֽm־ʼeţ־yĕhwá֥h ʼèlòhéyke֖m ţi̇yrá֑ʼẇ wĕhẇʼ֙ yaẕi֣̇yl ʼeţĕke֔m miyȧ֖d ká̇l־ʼòyĕbéykeֽm׃

40
וְלֹ֖א שָׁמֵ֑עוּ כִּ֛י אִֽם־כְּמִשְׁפָּטָ֥ם הָֽרִאשֹׁ֖ון הֵ֥ם עֹשִֽׂים׃

wĕlò֖ʼ şá̌mé֑ʻẇ ki֛̇y ʼiֽm־kĕ̇mişĕ̌pá̇tá֥m háֽriʼşò֖̌wn hé֥m ʻòşîֽym׃

41
וַיִּהְי֣וּ׀ הַגֹּויִ֣ם הָאֵ֗לֶּה יְרֵאִים֙ אֶת־יְהוָ֔ה וְאֶת־פְּסִֽילֵיהֶ֖ם הָי֣וּ עֹֽבְדִ֑ים גַּם־בְּנֵיהֶ֣ם׀ וּבְנֵ֣י בְנֵיהֶ֗ם כַּאֲשֶׁ֨ר עָשׂ֤וּ אֲבֹתָם֙ הֵ֣ם עֹשִׂ֔ים עַ֖ד הַיֹּ֥ום הַזֶּֽה׃ פ

wayi̇hĕy֣ẇ׀ hagò̇wyi֣m háʼé֗lėh yĕréʼiym֙ ʼeţ־yĕhwá֔h wĕʼeţ־pĕ̇siֽyléyhe֖m háy֣ẇ ʻòֽbĕdi֑ym gȧm־bĕ̇néyhe֣m׀ ẇbĕné֣y bĕnéyhe֗m kȧʼàşě֨r ʻáş֤̂ẇ ʼàbòţám֙ hé֣m ʻòşî֔ym ʻa֖d hayò֥̇wm hazėֽh׃ p