Bibles in ancient languages
Old translations
Modern translations

Biblia Hebraica Stuttgartensia 2 Rois 19:6

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֗י כִּשְׁמֹ֨עַ֙ הַמֶּ֣לֶךְ חִזְקִיָּ֔הוּ וַיִּקְרַ֖ע אֶת־בְּגָדָ֑יו וַיִּתְכַּ֣ס בַּשָּׂ֔ק וַיָּבֹ֖א בֵּ֥ית יְהוָֽה׃

wayĕhi֗y ki̇şĕ̌mò֨ʻa֙ hamė֣lekĕ ẖizĕqiyá̇֔hẇ wayi̇qĕra֖ʻ ʼeţ־bĕ̇gádá֑yw wayi̇ţĕkȧ֣s bȧşá̇̂֔q wayá̇bò֖ʼ bé֥̇yţ yĕhwáֽh׃

2
וַ֠יִּשְׁלַח אֶת־אֶלְיָקִ֨ים אֲשֶׁר־עַל־הַבַּ֜יִת וְשֶׁבְנָ֣א הַסֹּפֵ֗ר וְאֵת֙ זִקְנֵ֣י הַכֹּֽהֲנִ֔ים מִתְכַּסִּ֖ים בַּשַּׂקִּ֑ים אֶל־יְשַֽׁעְיָ֥הוּ הַנָּבִ֖יא בֶּן־אָמֹֽוץ׃

wa֠yi̇şĕ̌laẖ ʼeţ־ʼelĕyáqi֨ym ʼàşěr־ʻal־habȧ֜yiţ wĕşěbĕná֣ʼ hasò̇pé֗r wĕʼéţ֙ ziqĕné֣y hakòֽ̇hàni֔ym miţĕkȧsi֖̇ym bȧşȧ̂qi֑̇ym ʼel־yĕşǎֽʻĕyá֥hẇ haná̇bi֖yʼ bėn־ʼámòֽwẕ׃

3
וַיֹּאמְר֣וּ אֵלָ֗יו כֹּ֚ה אָמַ֣ר חִזְקִיָּ֔הוּ יֹום־צָרָ֧ה וְתֹוכֵחָ֛ה וּנְאָצָ֖ה הַיֹּ֣ום הַזֶּ֑ה כִּ֣י בָ֤אוּ בָנִים֙ עַד־מַשְׁבֵּ֔ר וְכֹ֥חַ אַ֖יִן לְלֵדָֽה׃

wayò̇ʼmĕr֣ẇ ʼélá֗yw kò֚̇h ʼáma֣r ẖizĕqiyá̇֔hẇ yòwm־ẕárá֧h wĕţòwkéẖá֛h ẇnĕʼáẕá֖h hayò֣̇wm hazė֑h ki֣̇y bá֤ʼẇ bániym֙ ʻad־maşĕ̌bé̇֔r wĕkò֥ẖa ʼa֖yin lĕlédáֽh׃

4
אוּלַ֡י יִשְׁמַע֩ יְהוָ֨ה אֱלֹהֶ֜יךָ אֵ֣ת׀ כָּל־דִּבְרֵ֣י רַב־שָׁקֵ֗ה אֲשֶׁר֩ שְׁלָחֹ֨ו מֶֽלֶךְ־אַשּׁ֤וּר׀ אֲדֹנָיו֙ לְחָרֵף֙ אֱלֹהִ֣ים חַ֔י וְהֹוכִ֨יחַ֙ בַּדְּבָרִ֔ים אֲשֶׁ֥ר שָׁמַ֖ע יְהוָ֣ה אֱלֹהֶ֑יךָ וְנָשָׂ֣אתָ תְפִלָּ֔ה בְּעַ֥ד הַשְּׁאֵרִ֖ית הַנִּמְצָאָֽה׃

ʼẇla֡y yişĕ̌maʻ֩ yĕhwá֨h ʼèlòhe֜yká ʼé֣ţ׀ ká̇l־di̇bĕré֣y rab־şá̌qé֗h ʼàşěr֩ şĕ̌láẖò֨w meֽlekĕ־ʼaş֤̇̌ẇr׀ ʼàdònáyw֙ lĕẖárép֙ ʼèlòhi֣ym ẖa֔y wĕhòwki֨yẖa֙ bȧdĕ̇bári֔ym ʼàşě֥r şá̌ma֖ʻ yĕhwá֣h ʼèlòhe֑yká wĕnáşá֣̂ʼţá ţĕpilá̇֔h bĕ̇ʻa֥d haşĕ̇̌ʼéri֖yţ hani̇mĕẕáʼáֽh׃

5
וַיָּבֹ֗אוּ עַבְדֵ֛י הַמֶּ֥לֶךְ חִזְקִיָּ֖הוּ אֶל־יְשַֽׁעַיָֽהוּ׃

wayá̇bò֗ʼẇ ʻabĕdé֛y hamė֥lekĕ ẖizĕqiyá֖̇hẇ ʼel־yĕşǎֽʻayáֽhẇ׃

6
וַיֹּ֤אמֶר לָהֶם֙ יְשַֽׁעְיָ֔הוּ כֹּ֥ה תֹאמְר֖וּן אֶל־אֲדֹֽנֵיכֶ֑ם כֹּ֣ה׀ אָמַ֣ר יְהוָ֗ה אַל־תִּירָא֙ מִפְּנֵ֤י הַדְּבָרִים֙ אֲשֶׁ֣ר שָׁמַ֗עְתָּ אֲשֶׁ֧ר גִּדְּפ֛וּ נַעֲרֵ֥י מֶֽלֶךְ־אַשּׁ֖וּר אֹתִֽי׃

wayò֤̇ʼmer láhem֙ yĕşǎֽʻĕyá֔hẇ kò֥̇h ţòʼmĕr֖ẇn ʼel־ʼàdòֽnéyke֑m kò֣̇h׀ ʼáma֣r yĕhwá֗h ʼal־ţi̇yráʼ֙ mipĕ̇né֤y hadĕ̇báriym֙ ʼàşě֣r şá̌ma֗ʻĕţá̇ ʼàşě֧r gi̇dĕ̇p֛ẇ naʻàré֥y meֽlekĕ־ʼaş֖̇̌ẇr ʼòţiֽy׃

7
הִנְנִ֨י נֹתֵ֥ן בֹּו֙ ר֔וּחַ וְשָׁמַ֥ע שְׁמוּעָ֖ה וְשָׁ֣ב לְאַרְצֹ֑ו וְהִפַּלְתִּ֥יו בַּחֶ֖רֶב בְּאַרְצֹֽו׃

hinĕni֨y nòţé֥n bò̇w֙ r֔ẇẖa wĕşá̌ma֥ʻ şĕ̌mẇʻá֖h wĕşá֣̌b lĕʼarĕẕò֑w wĕhipȧlĕţi֥̇yw bȧẖe֖reb bĕ̇ʼarĕẕòֽw׃

8
וַיָּ֨שָׁב֙ רַב־שָׁקֵ֔ה וַיִּמְצָא֙ אֶת־מֶ֣לֶךְ אַשּׁ֔וּר נִלְחָ֖ם עַל־לִבְנָ֑ה כִּ֣י שָׁמַ֔ע כִּ֥י נָסַ֖ע מִלָּכִֽישׁ׃

wayá̇֨şá̌b֙ rab־şá̌qé֔h wayi̇mĕẕáʼ֙ ʼeţ־me֣lekĕ ʼaş̇̌֔ẇr nilĕẖá֖m ʻal־libĕná֑h ki֣̇y şá̌ma֔ʻ ki֥̇y nása֖ʻ milá̇kiֽyş̌׃

9
וַיִּשְׁמַ֗ע אֶל־תִּרְהָ֤קָה מֶֽלֶך־כּוּשׁ֙ לֵאמֹ֔ר הִנֵּ֥ה יָצָ֖א לְהִלָּחֵ֣ם אִתָּ֑ךְ וַיָּ֨שָׁב֙ וַיִּשְׁלַ֣ח מַלְאָכִ֔ים אֶל־חִזְקִיָּ֖הוּ לֵאמֹֽר׃

wayi̇şĕ̌ma֗ʻ ʼel־ţi̇rĕhá֤qáh meֽlek־k̇ẇş̌֙ léʼmò֔r hiné֥̇h yáẕá֖ʼ lĕhilá̇ẖé֣m ʼiţá֑̇kĕ wayá̇֨şá̌b֙ wayi̇şĕ̌la֣ẖ malĕʼáki֔ym ʼel־ẖizĕqiyá֖̇hẇ léʼmòֽr׃

10
כֹּ֣ה תֹאמְר֗וּן אֶל־חִזְקִיָּ֤הוּ מֶֽלֶךְ־יְהוּדָה֙ לֵאמֹ֔ר אַל־יַשִּׁאֲךָ֣ אֱלֹהֶ֔יךָ אֲשֶׁ֥ר אַתָּ֛ה בֹּטֵ֥חַ בֹּ֖ו לֵאמֹ֑ר לֹ֤א תִנָּתֵן֙ יְר֣וּשָׁלִַ֔ם בְּיַ֖ד מֶ֥לֶךְ אַשּֽׁוּר׃

kò֣̇h ţòʼmĕr֗ẇn ʼel־ẖizĕqiyá֤̇hẇ meֽlekĕ־yĕhẇdáh֙ léʼmò֔r ʼal־yaşi̇̌ʼàká֣ ʼèlòhe֔yká ʼàşě֥r ʼaţá֛̇h bò̇té֥ẖa bò֖̇w léʼmò֑r lò֤ʼ ţiná̇ţén֙ yĕr֣ẇşá̌lia֔m bĕ̇ya֖d me֥lekĕ ʼaşֽ̇̌ẇr׃

11
הִנֵּ֣ה׀ אַתָּ֣ה שָׁמַ֗עְתָּ אֵת֩ אֲשֶׁ֨ר עָשׂ֜וּ מַלְכֵ֥י אַשּׁ֛וּר לְכָל־הָאֲרָצֹ֖ות לְהַֽחֲרִימָ֑ם וְאַתָּ֖ה תִּנָּצֵֽל׃

hiné֣̇h׀ ʼaţá֣̇h şá̌ma֗ʻĕţá̇ ʼéţ֩ ʼàşě֨r ʻáş̂֜ẇ malĕké֥y ʼaş֛̇̌ẇr lĕkál־háʼàráẕò֖wţ lĕhaֽẖàriymá֑m wĕʼaţá֖̇h ţi̇ná̇ẕéֽl׃

12
הַהִצִּ֨ילוּ אֹתָ֜ם אֱלֹהֵ֤י הַגֹּויִם֙ אֲשֶׁ֣ר שִׁחֲת֣וּ אֲבֹותַ֔י אֶת־גֹּוזָ֖ן וְאֶת־חָרָ֑ן וְרֶ֥צֶף וּבְנֵי־עֶ֖דֶן אֲשֶׁ֥ר בִּתְלַאשָּֽׂר׃

hahiẕi̇֨ylẇ ʼòţá֜m ʼèlòhé֤y hagò̇wyim֙ ʼàşě֣r şǐẖàţ֣ẇ ʼàbòwţa֔y ʼeţ־gò̇wzá֖n wĕʼeţ־ẖárá֑n wĕre֥ẕep ẇbĕnéy־ʻe֖den ʼàşě֥r bi̇ţĕlaʼşáֽ̇̂r׃

13
אַיֹּ֤ו מֶֽלֶךְ־חֲמָת֙ וּמֶ֣לֶךְ אַרְפָּ֔ד וּמֶ֖לֶךְ לָעִ֣יר סְפַרְוָ֑יִם הֵנַ֖ע וְעִוָּֽה׃

ʼayò֤̇w meֽlekĕ־ẖàmáţ֙ ẇme֣lekĕ ʼarĕpá̇֔d ẇme֖lekĕ láʻi֣yr sĕparĕwá֑yim héna֖ʻ wĕʻiwáֽ̇h׃

14
וַיִּקַּ֨ח חִזְקִיָּ֧הוּ אֶת־הַסְּפָרִ֛ים מִיַּ֥ד הַמַּלְאָכִ֖ים וַיִּקְרָאֵ֑ם וַיַּ֨עַל֙ בֵּ֣ית יְהוָ֔ה וַיִּפְרְשֵׂ֥הוּ חִזְקִיָּ֖הוּ לִפְנֵ֥י יְהוָֽה׃ פ

wayi̇qȧ֨ẖ ẖizĕqiyá֧̇hẇ ʼeţ־hasĕ̇pári֛ym miyȧ֥d hamȧlĕʼáki֖ym wayi̇qĕráʼé֑m wayȧ֨ʻal֙ bé֣̇yţ yĕhwá֔h wayi̇pĕrĕşé֥̂hẇ ẖizĕqiyá֖̇hẇ lipĕné֥y yĕhwáֽh׃ p

15
וַיִּתְפַּלֵּ֨ל חִזְקִיָּ֜הוּ לִפְנֵ֣י יְהוָה֮ וַיֹּאמַר֒ יְהוָ֞ה אֱלֹהֵ֤י יִשְׂרָאֵל֙ יֹשֵׁ֣ב הַכְּרֻבִ֔ים אַתָּה־ה֤וּא הָֽאֱלֹהִים֙ לְבַדְּךָ֔ לְכֹ֖ל מַמְלְכֹ֣ות הָאָ֑רֶץ אַתָּ֣ה עָשִׂ֔יתָ אֶת־הַשָּׁמַ֖יִם וְאֶת־הָאָֽרֶץ׃

wayi̇ţĕpȧlé̇֨l ẖizĕqiyá̇֜hẇ lipĕné֣y yĕhwáh֮ wayò̇ʼmar֒ yĕhwá֞h ʼèlòhé֤y yişĕ̂ráʼél֙ yòşé֣̌b hakĕ̇rubi֔ym ʼaţá̇h־h֤ẇʼ háֽʼèlòhiym֙ lĕbadĕ̇ká֔ lĕkò֖l mamĕlĕkò֣wţ háʼá֑reẕ ʼaţá֣̇h ʻáşî֔yţá ʼeţ־haşá̇̌ma֖yim wĕʼeţ־háʼáֽreẕ׃

16
הַטֵּ֨ה יְהוָ֤ה׀ אָזְנְךָ֙ וּֽשֲׁמָ֔ע פְּקַ֧ח יְהוָ֛ה עֵינֶ֖יךָ וּרְאֵ֑ה וּשְׁמַ֗ע אֵ֚ת דִּבְרֵ֣י סַנְחֵרִ֔יב אֲשֶׁ֣ר שְׁלָחֹ֔ו לְחָרֵ֖ף אֱלֹהִ֥ים חָֽי׃

haté̇֨h yĕhwá֤h׀ ʼázĕnĕká֙ ẇֽşà̌má֔ʻ pĕ̇qa֧ẖ yĕhwá֛h ʻéyne֖yká ẇrĕʼé֑h ẇşĕ̌ma֗ʻ ʼé֚ţ di̇bĕré֣y sanĕẖéri֔yb ʼàşě֣r şĕ̌láẖò֔w lĕẖáré֖p ʼèlòhi֥ym ẖáֽy׃

17
אָמְנָ֖ם יְהוָ֑ה הֶחֱרִ֜יבוּ מַלְכֵ֥י אַשּׁ֛וּר אֶת־הַגֹּויִ֖ם וְאֶת־אַרְצָֽם׃

ʼámĕná֖m yĕhwá֑h heẖèri֜ybẇ malĕké֥y ʼaş֛̇̌ẇr ʼeţ־hagò̇wyi֖m wĕʼeţ־ʼarĕẕáֽm׃

18
וְנָתְנ֥וּ אֶת־אֱלֹהֵיהֶ֖ם בָּאֵ֑שׁ כִּי֩ לֹ֨א אֱלֹהִ֜ים הֵ֗מָּה כִּ֣י אִם־מַעֲשֵׂ֧ה יְדֵֽי־אָדָ֛ם עֵ֥ץ וָאֶ֖בֶן וַֽיְאַבְּדֽוּם׃

wĕnáţĕn֥ẇ ʼeţ־ʼèlòhéyhe֖m bá̇ʼé֑ş̌ ki̇y֩ lò֨ʼ ʼèlòhi֜ym hé֗má̇h ki֣̇y ʼim־maʻàşé֧̂h yĕdéֽy־ʼádá֛m ʻé֥ẕ wáʼe֖ben waֽyĕʼabĕ̇dֽẇm׃

19
וְעַתָּה֙ יְהוָ֣ה אֱלֹהֵ֔ינוּ הֹושִׁיעֵ֥נוּ נָ֖א מִיָּדֹ֑ו וְיֵֽדְעוּ֙ כָּל־מַמְלְכֹ֣ות הָאָ֔רֶץ כִּ֥י אַתָּ֛ה יְהוָ֥ה אֱלֹהִ֖ים לְבַדֶּֽךָ׃ ס

wĕʻaţá̇h֙ yĕhwá֣h ʼèlòhé֔ynẇ hòwşǐyʻé֥nẇ ná֖ʼ miyá̇dò֑w wĕyéֽdĕʻẇ֙ ká̇l־mamĕlĕkò֣wţ háʼá֔reẕ ki֥̇y ʼaţá֛̇h yĕhwá֥h ʼèlòhi֖ym lĕbadėֽká׃ s

20
וַיִּשְׁלַח֙ יְשַֽׁעְיָ֣הוּ בֶן־אָמֹ֔וץ אֶל־חִזְקִיָּ֖הוּ לֵאמֹ֑ר כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל אֲשֶׁ֨ר הִתְפַּלַּ֧לְתָּ אֵלַ֛י אֶל־סַנְחֵרִ֥ב מֶֽלֶךְ־אַשּׁ֖וּר שָׁמָֽעְתִּי׃

wayi̇şĕ̌laẖ֙ yĕşǎֽʻĕyá֣hẇ ben־ʼámò֔wẕ ʼel־ẖizĕqiyá֖̇hẇ léʼmò֑r kòֽ̇h־ʼáma֤r yĕhwáh֙ ʼèlòhé֣y yişĕ̂ráʼé֔l ʼàşě֨r hiţĕpȧlȧ֧lĕţá̇ ʼéla֛y ʼel־sanĕẖéri֥b meֽlekĕ־ʼaş֖̇̌ẇr şá̌máֽʻĕţi̇y׃

21
זֶ֣ה הַדָּבָ֔ר אֲשֶׁר־דִּבֶּ֥ר יְהוָ֖ה עָלָ֑יו בָּזָ֨ה לְךָ֜ לָעֲגָ֣ה לְךָ֗ בְּתוּלַת֙ בַּת־צִיֹּ֔ון אַחֲרֶ֨יךָ֙ רֹ֣אשׁ הֵנִ֔יעָה בַּ֖ת יְרוּשָׁלִָֽם׃

ze֣h hadá̇bá֔r ʼàşěr־di̇bė֥r yĕhwá֖h ʻálá֑yw bá̇zá֨h lĕká֜ láʻàgá֣h lĕká֗ bĕ̇ţẇlaţ֙ bȧţ־ẕiyò̇֔wn ʼaẖàre֨yká֙ rò֣ʼş̌ héni֔yʻáh bȧ֖ţ yĕrẇşá̌láֽim׃

22
אֶת־מִ֤י חֵרַ֨פְתָּ֙ וְגִדַּ֔פְתָּ וְעַל־מִ֖י הֲרִימֹ֣ותָ קֹּ֑ול וַתִּשָּׂ֥א מָרֹ֛ום עֵינֶ֖יךָ עַל־קְדֹ֥ושׁ יִשְׂרָאֵֽל׃

ʼeţ־mi֤y ẖéra֨pĕţá̇֙ wĕgidȧ֔pĕţá̇ wĕʻal־mi֖y hàriymò֣wţá qò֑̇wl waţi̇şá֥̇̂ʼ márò֛wm ʻéyne֖yká ʻal־qĕdò֥wş̌ yişĕ̂ráʼéֽl׃

23
בְּיַ֣ד מַלְאָכֶיךָ֮ חֵרַ֣פְתָּ׀ אֲדֹנָי֒ וַתֹּ֗אמֶר בְּרֶכֶב רִכְבִּ֛י אֲנִ֥י עָלִ֛יתִי מְרֹ֥ום הָרִ֖ים יַרְכְּתֵ֣י לְבָנֹ֑ון וְאֶכְרֹ֞ת קֹומַ֤ת אֲרָזָיו֙ מִבְחֹ֣ור בְּרֹשָׁ֔יו וְאָבֹ֨ואָה֙ מְלֹ֣ון קצה יַ֖עַר כַּרְמִלֹּֽו׃

bĕ̇ya֣d malĕʼákeyká֮ ẖéra֣pĕţá̇׀ ʼàdònáy֒ waţò̇֗ʼmer bĕ̇rekeb rikĕbi֛̇y ʼàni֥y ʻáli֛yţiy mĕrò֥wm hári֖ym yarĕkĕ̇ţé֣y lĕbánò֑wn wĕʼekĕrò֞ţ qòwma֤ţ ʼàrázáyw֙ mibĕẖò֣wr bĕ̇ròşá̌֔yw wĕʼábò֨wʼáh֙ mĕlò֣wn qẕh ya֖ʻar kȧrĕmilòֽ̇w׃

24
אֲנִ֣י קַ֔רְתִּי וְשָׁתִ֖יתִי מַ֣יִם זָרִ֑ים וְאַחְרִב֙ בְּכַף־פְּעָמַ֔י כֹּ֖ל יְאֹרֵ֥י מָצֹֽור׃

ʼàni֣y qa֔rĕţi̇y wĕşá̌ţi֖yţiy ma֣yim zári֑ym wĕʼaẖĕrib֙ bĕ̇kap־pĕ̇ʻáma֔y kò֖̇l yĕʼòré֥y máẕòֽwr׃

25
הֲלֹֽא־שָׁמַ֤עְתָּ לְמֵֽרָחֹוק֙ אֹתָ֣הּ עָשִׂ֔יתִי לְמִ֥ימֵי קֶ֖דֶם וִֽיצַרְתִּ֑יהָ עַתָּ֣ה הֲבֵיאתִ֗יהָ וּתְהִ֗י לַהְשֹׁ֛ות גַּלִּ֥ים נִצִּ֖ים עָרִ֥ים בְּצֻרֹֽות׃

hàlòֽʼ־şá̌ma֤ʻĕţá̇ lĕméֽráẖòwq֙ ʼòţá֣ḣ ʻáşî֔yţiy lĕmi֥yméy qe֖dem wiֽyẕarĕţi֑̇yhá ʻaţá֣̇h hàbéyʼţi֗yhá ẇţĕhi֗y lahĕşò֛̌wţ gȧli֥̇ym niẕi֖̇ym ʻári֥ym bĕ̇ẕuròֽwţ׃

26
וְיֹֽשְׁבֵיהֶן֙ קִצְרֵי־יָ֔ד חַ֖תּוּ וַיֵּבֹ֑שׁוּ הָי֞וּ עֵ֤שֶׂב שָׂדֶה֙ וִ֣ירַק דֶּ֔שֶׁא חֲצִ֣יר גַּגֹּ֔ות וּשְׁדֵפָ֖ה לִפְנֵ֥י קָמָֽה׃

wĕyòֽşĕ̌béyhen֙ qiẕĕréy־yá֔d ẖa֖ţ̇ẇ wayé̇bò֑ş̌ẇ háy֞ẇ ʻé֤şêb şá̂deh֙ wi֣yraq dė֔şěʼ ẖàẕi֣yr gȧgò̇֔wţ ẇşĕ̌dépá֖h lipĕné֥y qámáֽh׃

27
וְשִׁבְתְּךָ֛ וְצֵאתְךָ֥ וּבֹאֲךָ֖ יָדָ֑עְתִּי וְאֵ֖ת הִֽתְרַגֶּזְךָ֥ אֵלָֽי׃

wĕşǐbĕţĕ̇ká֛ wĕẕéʼţĕká֥ ẇbòʼàká֖ yádá֑ʻĕţi̇y wĕʼé֖ţ hiֽţĕragėzĕká֥ ʼéláֽy׃

28
יַ֚עַן הִתְרַגֶּזְךָ֣ אֵלַ֔י וְשַׁאֲנַנְךָ֖ עָלָ֣ה בְאָזְנָ֑י וְשַׂמְתִּ֨י חַחִ֜י בְּאַפֶּ֗ךָ וּמִתְגִּי֙ בִּשְׂפָתֶ֔יךָ וַהֲשִׁ֣בֹתִ֔יךָ בַּדֶּ֖רֶךְ אֲשֶׁר־בָּ֥אתָ בָּֽהּ׃

ya֚ʻan hiţĕragėzĕká֣ ʼéla֔y wĕşǎʼànanĕká֖ ʻálá֣h bĕʼázĕná֑y wĕşâmĕţi̇֨y ẖaẖi֜y bĕ̇ʼapė֗ká ẇmiţĕgi̇y֙ bi̇şĕ̂páţe֔yká wahàşǐ֣bòţi֔yká bȧdė֖rekĕ ʼàşěr־bá֥̇ʼţá báֽ̇ḣ׃

29
וְזֶה־לְּךָ֣ הָאֹ֔ות אָכֹ֤ול הַשָּׁנָה֙ סָפִ֔יחַ וּבַשָּׁנָ֥ה הַשֵּׁנִ֖ית סָחִ֑ישׁ וּבַשָּׁנָ֣ה הַשְּׁלִישִׁ֗ית זִרְע֧וּ וְקִצְר֛וּ וְנִטְע֥וּ כְרָמִ֖ים וְאִכְל֥וּ פִרְיָֽם׃

wĕzeh־lĕ̇ká֣ háʼò֔wţ ʼákò֤wl haşá̇̌náh֙ sápi֔yẖa ẇbaşá̇̌ná֥h haşé̇̌ni֖yţ sáẖi֑yş̌ ẇbaşá̇̌ná֣h haşĕ̇̌liyşǐ֗yţ zirĕʻ֧ẇ wĕqiẕĕr֛ẇ wĕnitĕʻ֥ẇ kĕrámi֖ym wĕʼikĕl֥ẇ pirĕyáֽm׃

30
וְיָ֨סְפָ֜ה פְּלֵיטַ֧ת בֵּית־יְהוּדָ֛ה הַנִּשְׁאָרָ֖ה שֹׁ֣רֶשׁ לְמָ֑טָּה וְעָשָׂ֥ה פְרִ֖י לְמָֽעְלָה׃

wĕyá֨sĕpá֜h pĕ̇léyta֧ţ bé̇yţ־yĕhẇdá֛h hani̇şĕ̌ʼárá֖h şò֣̌reş̌ lĕmá֑tá̇h wĕʻáşá֥̂h pĕri֖y lĕmáֽʻĕláh׃

31
כִּ֤י מִירוּשָׁלִַ֨ם֙ תֵּצֵ֣א שְׁאֵרִ֔ית וּפְלֵיטָ֖ה מֵהַ֣ר צִיֹּ֑ון קִנְאַ֛ת יְהוָ֥ה תַּֽעֲשֶׂה־זֹּֽאת׃ ס

ki֤̇y miyrẇşá̌lia֨m֙ ţé̇ẕé֣ʼ şĕ̌ʼéri֔yţ ẇpĕléytá֖h méha֣r ẕiyò֑̇wn qinĕʼa֛ţ yĕhwá֥h ţȧֽʻàşêh־zòֽ̇ʼţ׃ s

32
לָכֵ֗ן כֹּֽה־אָמַ֤ר יְהוָה֙ אֶל־מֶ֣לֶךְ אַשּׁ֔וּר לֹ֤א יָבֹא֙ אֶל־הָעִ֣יר הַזֹּ֔את וְלֹֽא־יֹורֶ֥ה שָׁ֖ם חֵ֑ץ וְלֹֽא־יְקַדְּמֶ֣נָּה מָגֵ֔ן וְלֹֽא־יִשְׁפֹּ֥ךְ עָלֶ֖יהָ סֹלְלָֽה׃

láké֗n kòֽ̇h־ʼáma֤r yĕhwáh֙ ʼel־me֣lekĕ ʼaş̇̌֔ẇr lò֤ʼ yábòʼ֙ ʼel־háʻi֣yr hazò̇֔ʼţ wĕlòֽʼ־yòwre֥h şá֖̌m ẖé֑ẕ wĕlòֽʼ־yĕqadĕ̇me֣ná̇h mágé֔n wĕlòֽʼ־yişĕ̌pò֥̇kĕ ʻále֖yhá sòlĕláֽh׃

33
בַּדֶּ֥רֶךְ אֲשֶׁר־יָבֹ֖א בָּ֣הּ יָשׁ֑וּב וְאֶל־הָעִ֥יר הַזֹּ֛את לֹ֥א יָבֹ֖א נְאֻם־יְהוָֽה׃

bȧdė֥rekĕ ʼàşěr־yábò֖ʼ bá֣̇ḣ yáş֑̌ẇb wĕʼel־háʻi֥yr hazò֛̇ʼţ lò֥ʼ yábò֖ʼ nĕʼum־yĕhwáֽh׃

34
וְגַנֹּותִ֛י אֶל־הָעִ֥יר הַזֹּ֖את לְהֹֽושִׁיעָ֑הּ לְמַֽעֲנִ֔י וּלְמַ֖עַן דָּוִ֥ד עַבְדִּֽי׃

wĕganò̇wţi֛y ʼel־háʻi֥yr hazò֖̇ʼţ lĕhòֽwşǐyʻá֑ḣ lĕmaֽʻàni֔y ẇlĕma֖ʻan dá̇wi֥d ʻabĕdiֽ̇y׃

35
וַיְהִי֮ בַּלַּ֣יְלָה הַהוּא֒ וַיֵּצֵ֣א׀ מַלְאַ֣ךְ יְהוָ֗ה וַיַּךְ֙ בְּמַחֲנֵ֣ה אַשּׁ֔וּר מֵאָ֛ה שְׁמֹונִ֥ים וַחֲמִשָּׁ֖ה אָ֑לֶף וַיַּשְׁכִּ֣ימוּ בַבֹּ֔קֶר וְהִנֵּ֥ה כֻלָּ֖ם פְּגָרִ֥ים מֵתִֽים׃

wayĕhiy֮ bȧlȧ֣yĕláh hahẇʼ֒ wayé̇ẕé֣ʼ׀ malĕʼa֣kĕ yĕhwá֗h wayȧkĕ֙ bĕ̇maẖàné֣h ʼaş̇̌֔ẇr méʼá֛h şĕ̌mòwni֥ym waẖàmişá֖̇̌h ʼá֑lep wayȧşĕ̌ki֣̇ymẇ babò̇֔qer wĕhiné֥̇h kulá֖̇m pĕ̇gári֥ym méţiֽym׃

36
וַיִּסַּ֣ע וַיֵּ֔לֶךְ וַיָּ֖שָׁב סַנְחֵרִ֣יב מֶֽלֶךְ־אַשּׁ֑וּר וַיֵּ֖שֶׁב בְּנִֽינְוֵֽה׃

wayi̇sȧ֣ʻ wayé̇֔lekĕ wayá֖̇şá̌b sanĕẖéri֣yb meֽlekĕ־ʼaş֑̇̌ẇr wayé֖̇şěb bĕ̇niֽynĕwéֽh׃

37
וַיְהִי֩ ה֨וּא מִֽשְׁתַּחֲוֶ֜ה בֵּ֣ית׀ נִסְרֹ֣ךְ אֱלֹהָ֗יו וְֽאַדְרַמֶּ֨לֶךְ וְשַׂרְאֶ֤צֶר הִכֻּ֣הוּ בַחֶ֔רֶב וְהֵ֥מָּה נִמְלְט֖וּ אֶ֣רֶץ אֲרָרָ֑ט וַיִּמְלֹ֛ךְ אֵֽסַר־חַדֹּ֥ן בְּנֹ֖ו תַּחְתָּֽיו׃ פ

wayĕhiy֩ h֨ẇʼ miֽşĕ̌ţȧẖàwe֜h bé֣̇yţ׀ nisĕrò֣kĕ ʼèlòhá֗yw wĕֽʼadĕramė֨lekĕ wĕşârĕʼe֤ẕer hiku֣̇hẇ baẖe֔reb wĕhé֥má̇h nimĕlĕt֖ẇ ʼe֣reẕ ʼàrárá֑t wayi̇mĕlò֛kĕ ʼéֽsar־ẖadò֥̇n bĕ̇nò֖w ţȧẖĕţáֽ̇yw׃ p